•. آحــب الــبـر والــمـزيــون .• - الصفحة 41

دنيـ! غريبـه · 10-28-2008, 12:37 PM

{ . . تسلمـووووون شيـوخـي ڪلـڪم ومـآتقصـرون والبـآآرت ان شاء اللـﮧ بينـزل قرييب

آحـآول انه يڪـون طـويـل قـد مـآقـدر والسمـوحــﮧ . . } ~ __DEFINE_LIKE_SHARE__

دنيـ! غريبـه · 10-30-2008, 03:49 PM

{ . . آحـــــــــــــم

شيـوخـي السمـوحــﮧ ع التـآخيييير

بس مـن ڪم يـوم آحـآول احـدر المنتـدى مـآدري شـو سـآلفتـﮧ مـآيطيـع يفـتح !!!

وثـوآنـي وبنـزل البـآآرت . . } ~ __DEFINE_LIKE_SHARE__

Roo7 wlhana · 10-30-2008, 03:59 PM

نتريااك يالغاالي __DEFINE_LIKE_SHARE__

دنيـ! غريبـه · 10-30-2008, 04:08 PM

شووو السالفة مب طايع ينزل البارت __DEFINE_LIKE_SHARE__

دنيـ! غريبـه · 10-30-2008, 04:17 PM

{ . . البـآرت الـ9 . . } ~

راحت فالمطبخ التحضيري ولقت ثلاجة الماي حاره ودورت اكل ماشي
اطرت انها تطلع للمطبخ اللي برااااااااا
وسارت ولقت اكل وماي وبيبسي وكل شي
وطلعت لها شوي وصخنته
ويلست ع الطاولة كانت توها تبا تااااكل
وتذكرت الكلام لي استوى الصبح وسرحت
ويلست تفكرررررررررررررررررر

وفجـآه مره وحده تفز شموه !!!!!!!!!!!!

شموه والدموع فعيونها : روعتنييييييييييي
.....: ههههههههههههههه شفيج جي مويمة وسرحانة عنبوه عيت كثر ماازقرررج وبلاهن عيونج جي متنفخات
شموه عدلت شيلتها : ماشي
..... : علينـأ
شموه مبوزه : لاا عليهم
...: وينج اليوم ولهت عليج ماجفت
شموه خانقتنها العبره : اشتقت للرقاد ورقدت بسس
....: عيل انا بغار من الرقااد جانه جي بيشلج عناااا لوتمينا فالعزبة ابرك
شموه بدت تشجع : وليش تغااار ثره يهمك
......: هية نعم يهمني وليش مايهمنييييي
شموه : تنش من مكانهاااااا : ماضني يهم هالشي لو يهم ماسمعت عموه اليوم تقول انك تبا تعرس
سيف @@ : خييييبة منو قال انا ابا اعرس
شموه ماسكة عمرها وعاطية سيف ظهرهااااا ع اساس انها بتطلع من المطبخ : يعني عموه بتجذب !!!!!!! ولا بتبلى علييك
سيف : وانتي وين سمعتي اماية تقول
شموه ودمعتها اطيح ومب رايمة تمسك عمرها اكثر : اليوم تقول لاماية ولعموه
سيف سمع صوت شموه وتلوم مسك ايدها ولفها صوبة
وشموه كانن الدموع يطيحن وعقب صخت مره وحده من لفها صوبه وانترسن الدموع فعيونها ماكانت تشوف ملامح سيف ولاتشوف شي من كثر الدموع اللي مب حاقة انها اطيحهن جدامة : ماقالت لج اماية منو باخذ
شموه : مايهمنيييييييي روح الله يسعدك
وفجت ايدها قوووو
سيف : خيبة لهدرجة ترخصييييبي
شموه : مثل ماسويت فيني بسوي فيك
سيف : شموه !!!!!!!!!!!!!!
شموه : علهااا نفاد من الدنياااا
سيف يمسك شموه قو من اييدها وعيونه حمر : انتييييييي ايييييييييييييييييييييه عدلي رمستج تسمعين ولا لا
شموه : ترا هاللي ناقصص تعلي وصوتك علية ومابقى الا تصفعنيييي
سيف يفج ايده : ماعاش من يرفعة صبعة عليج واللي يفكرررر بكسر له صبعة وان زودها ومد ايدها ببترهااااا له
شموه : يعني بتعررس وفوق ها كلة تقولي هالكلاااااااام لهدرجة اجوفيني رخيصة وتلعب بيي
سيف : محد قال انج رخيصة انتي عندي بالدنيا كلهاااااااااااا
شموه : بسسسسسس شبعت من هالكلاام بسسسس
ويلست شموه تصييييييح وفحمت من الصايح وطاحت علييية ومسكهااا
سيف : شموووووووه شمووووووووووووووه
شموه كانت مدوخة لانها مب ماكلة شي طول اليوم وكلة تصيح
سيف يضرب شموه شوي شوي ع خدهاااااااا شمووووووووووه فديييييتج دخيييييلج تردين علييييية
ورفجة طلببببببتج
شموه : ..........
نش سيف وخلى راسها ع الدعنة بشوي شوي وكانت شيلتها طايحة وقصتها ع ويهااا وويها مزرق
وربع ياب لها ماي ومسك بصلة وظربها قو ع الدعنة وانكسرت ويلس يشممها شموه
شموه نشت من ريحة البصل ويلست تصيييييييح
سيف لوى عليها من الخاطر وخلاها ع صدرررررررررره : آآآآآآآخ يحماره كيف روعتيني علييييج
شموه كانت ماتدري عن الدنيا وصاحت من الخاطر وتشاهق
سيف : فديتج والله ماتصيحين والله يادموعج غالية
وشلها عن صدره ومسح دموعهااااااا
وشموه حست بعمرهااا ولزت عنه
سيف : شموه فديتج ليش جي مسوية فعمرج لييش . . ليش يوم تسمعين شي ماتتأكدين منة
شموه : ............
سيف : تبين تعرفين منو ابااااا تعرفين ولا ماتعرفين
شموه منزلة راسها وتتريا الرد : ..........
سيف : دامج مابتردين عليه باجر بتعرفين منو اللي اباهاااااا
شموه تشل راسها وويها كلة دموع ومحمررررر
سيف : هالكثر تغارين علية
شموه نشت : محد يستااااهل
سيف : بنجوف باجر منو اللي يستاهل اوكي
شموه : اوكي
ونشت وطلعت من عنده
وربعت داخل وراحت حجرتها وعقت عمرها ع الشبرية
ويلست تفكررررررررررر : ليش انا جي تسرعت ليش ماتأكدت قبل وسيف شو يقصد يوم قال بنجوف باجر منو اللي يستاهل ليكون يقصدني لالالالالالا امه تقول لوث ومادري شووو لهدرجة سيف يخليني انا واللوث واحد عشان يقول لامه لوث اوه انا ماتوب لازم بسرعة اقرر ع كيفيييييي خلنا نصبر لين باجر بنجوف شو اللي بيستوي

ونشت وراحت غسلت ويهاااا وجافت عمرها فالمنظره وابتسمت تذكررت كيف سيف كان خايف عليها
وكيف كانت تصيح فحضنة وعقب تلومت لان لو يدري حد من هلهم بينذبحون وهم وين عايشين عشان يسون هاكلة وعقب يلست تحمد ربها ان محد دخل عليهم وجافهم لانها عرفت ان اللي سوته غلط

الحيييييين الكل راقد ومحد غيرها واعي
حدرت النت محد من ربعها حادر ولاحتى ميثوه او مريوم
قعدت تفتر وتتسمع اغاني وغيرره ليييين الساعة 3
وملت نششششت وراحت تجوف قوم عبادي وميود ومريوم
طلعت راحت حجره ميود لقتها مقفولة خطفت صوب حجره عبادي لقتها مفتوحة
وسارت عنده جافتة راقد ع ظهره وشاد الحيل فالنخيييير يلست تضحك
وربعت حجرتها يابت كيمرتهاااا وسارت صوبه
يلست تصور فيديوو يابت كلينكس ويلست تخشة فخشمة
وعبادي يحك خشمة ويصفق بيدية وهي تضحك
عقب عبادي انجلب عنهااااا سارت له الصوب الثاني
يلست تخش الكلينكس فاذنه
عبادي : الله يغربلك من ولد فكنااااااااااااا منك اذيتنااااا
شموه : اي ولد
عبادي : هالحيوااااااااااان ماجوفينة
شموه : منو ميود
عبادي : هالكلببببببببب هالكلبببببب بروووووك
شموه : بخبره علييييك
عبادي : يذلففففففففففففف الخام ولا علية منه
شموه : بيمردغك
عبادي : يخسسي
شموه : خلاص اوكيك
عبادي : اوكي
شموه تصارخ : عبوووووووووووووووووووووووووووووووووووووووووووود
عبادي يفز : ويعااااااااااااااااه وصمة تصمج ويصفقهاااااا
شموه ميته من الضحك : والخيبة بلاك تلطم
عبادي : الله يغربلج ماتخلين حد يرقد
شموه : نشششششششششششش ملانة
عبادي : شسويييييييبج حد قالج اني فاج محل ترفيهي
شموه : لا قالو انك فاج محل تسلية هيهيهيههيهي
عبادي يحط ايده ع ويها ويلزه : ها ها ها بايييييخة
شموه : مثلك يلا نش نششششششششش عبود حبيبي
عبادي : شررررررررط
شموه : شووووووو
عبادي : تسرقين سويج السبير من مريوم
شموه : لاخيييييبة مابطيع
عبادي : كيففففج
شموه : جوف الساعة كم ماشي باقي عن الصلاه وبينش ابويه عشان يروح المسيد مابيحصل السياره
عبادي : عيل جلبي ويهج
شموه : اووووهووو عبود حياتي
عبادي : افففففففف زين عند فراخ
شموه : هية هية وعندي افلام وحلاوه وكل شي
عبادي : يلا نشيييييييي زهبي كل شي لييييين ماتغسل واي
شموه : ان تأخرت ياويلك
عبادي : هههههههه اوكي
وربعت شموه صوب حجرتهااا وزهبت اليلسة والفلم ولاكل والليات وكل شيييييييي وعبادي بعده مايا وعيزت كثر ماتتريا
وراحت صووووبة
شموه فاجة عيونها اخر شي : عبوووووووووووووووووووووووووووووود
عبادي يفززززز : والخيييييبة بلاج
شموه مبوزه : يخرررب شكلك وين اللي بيييييي شو ها طاب ع ويهك
عبادي يضحك : هههههه يلا يلااا بي
شموه تيلس ع الشبريه : مب ناشة لين تخطف جدامي
عبادي ينش : يلا يلا يعلج ماذه من بنت بلا بلا حششششى الله يعين لي بياخذج
شموه بطرف عينها : قول ياحظة وخلة يحب ايده ورا وجدااام وانتة يالسيخف بنجوف منو يسرق لج سويجات عقببببب مسود الوية
عبادي : ييييييهاااااااا لين تعرسيييييييين يبوية كدني خذت الليسن وعندي درزن عيال
شموه : وعثررررررررره مب سادنه الليسن والحرمة بعد درزن عيال
عبادي : هببببب هباج الرب من بنت حشششى
شموه تعلي حسها : بدال هالهذرررررررره خطف خلنا نجوف الفلم
عبادي : يامن كلتي له فواده نشي يلااااااا
وطلعت شموه من الحجره لان عبادي راح يتغسل
وعقب ياها الحجررررررررره
عبادي : حوووووو شو خدامة
شموه : عشان نعيش جو الفلم واونا سايرين السينما
عبادي : الا تهاذين بظلتها هالسينماا يلا بجوف شغلي فلمج
وانسدحت شموه تحت وعبادي انسدح ع الكرسي
ويلسو يجوفون الفلم و يلقطون من هالبطاطا والفراخ
وطااااااف الوقت وخلص الفلم ويوم لفت شموه لقت عبادي شال الدنيا بنخيره
شموه تظرب عبادي : واييييييييه يعلك من اخووووووو يايبتنك تسوي سنفونيات هني مامنك فايده نش رقد فحجرتك
عبادي يبغم قووووووووووووووووووو فوية شموه ويضحك
شموه : امااااااااااااااااااااااية اففففففففففففففففففف منك
عبادي : قصيييييييت علييييييييج ههههههههههههههههه
شموه : حمدالله يوم انك قصيت علية ولا كنت بتحسف يايبتنك وياي تونسني سرطت اكلي ورقدت حتى الفلم ماجفتة
عبادي يثاوب : ههههههه جب يلاا تمسين ع خيررررررر
شموه : زين صل ورقد اذن والحين بتوصل 6
عبادي : خلاص اوكيييي
وراح عبادي حجرتة وصلى وطب ع ويه وقفل الباب
عشان شموه ماتيه مره ثانية وتحشره
اما شموه لمت لاكل ونظفت المكان وكل شيييي وصلت وعقب يلست ترتب حجرتها وعفستها فوق تحت وزقرت البشكاره تفازعهااااااا
ويوم خلصت نشت وتسبحت وكشخت بكندوره طبعة ورسمت عينهاا حطت روج ( هاللميع مادري شسمة خخخ نسيييت شو اسمه لووول )
وادخنت ودخنت حجرتهااااااا وبندت الليتات ونزلت تحت
كانت 8 ونص لقت امهاا توها ناشة ويالسة تتريق هي وريلهاااا
حدرت عليهم شموه : السلام علييييييييييكم ورحمة الله وبركاتة وحبتهم ع راسهم
ام + ابو عبادي : وعليكم السلاام ورحمة الله وبركااااااااااته
ويلست شموووه : وشحاااااااااااالكم
ابو عبادي : بخير وسهااااااالة وانتي شحاااااالج
شموه : حمدالله الا بلاها عيوزنا مويمة ولاترد علينا
ابو عبادي : عيووزج زعلاانة
شموه تتلصق عدال امها : افااااااااااا افااااا عنبوووووه منوه اللي مايستحي ولايعرف السنع يزعل الغالية
ابو عبادي : يقولون زعلانة ع شموه بنتها جان تعرفينهااااااااا
شموه مستحية : هااااااااااه شو مسوية مسوده الوية
ام عبادي تظرب شموه ع ريلها : سودا الويييية انتي وينج امس امره غاطة ولالج حس ولاخبررررر
شموه : هيييييييييييية يااماية عاد مايحتاي اخبرررج تحيدينه عوقي الرقاد
ام عبادي : تفؤؤ يبوج كلنا رقدنا ماخدمنا خدمتج
شموه : هههههههههههه السموحة فديييتج توبة اخر مرة وتحب امها ع راسها
ام عبادي تضحك : لاخليت منكم
شموه : ولاخلينا منكم , تريقتووووووووووو
ابو عبادي : لاوالله نتريا بنتنا ست الحسن والدلال تحط لنا ريوق
شموه : امره فالكم طييييييييب
ويلست شموه تحط لهم ريوق ويلسو يتريقوون وخلصووووووو
ابو عبادي : يعلها نعمة دايمة
ام عبادي + شموه : امين
وراح بو عبادي تغسل وخللللللص : ها ام بوحميد بتسيرين وياية
شموه : وييييييييييييين
بوعبادي بطرف عينة : وانتي وين يتي ام بوحميد
شموه : هههههههه لالاعادي انا وامي واحد صح اماية
ام عبادي : خلييييي عنج لاينا واحد ولاشي
بوعبادي : هههههههههههه
ام عبادي : آمر وين بسير
بوعبادي : بسير صوب الجبرررره وبدور لنا سمج جان بحصصصصل
شموه : شرررررررط
بوعبادي : شووو
شموه : نشوي السمج براا
بوعبادي : خلاص تم
شموه : عاشووووووووووووو ونشت تغسل ايديها وتشل الصحون
اما ام عبادي نشت تغسلت وشلة عباتها وسارت وياريلهاااااا
ع الساعة عشششششر شموه تحوط ع الحجررررر : مريووووووووووووووووووم مرياااااااامي الرييييمييي
مريوم : هممممممممم بلاااااااااااج من صباح الله خيرررررر
شموه : نشوووو مليييييييت اروووووحي
مريوم : حصوه ويييين عنج
شموه : واااااااية كدينا خير جان بنتم ع تجلى حصوه يبوية اختج معدية ع حواطتية من نشت تبا تربع صوب بنات عمي حتى ويها ماتبا تغسلة
مريوم : مادرررررررري الحواطة تمشي فعروقكم شكلها
شموه : عاد جنه انتي مالج خص فالحواطة نشششي يلا ابوية بيب سمج وبنشوي برا
مريوم : يالله ثرج تخلين حد يررررقد
شموه : هههههههههه يلا سرعة الله يخليج مليت اروحي
مريوم : زيييييييين

فبيييييييييييت ابو سيف بالتحدييييييييييد حجره ميثوه

التلفون يصيييييح شموتي يتصل بك
وميثوه تتجلب ولاتدري عن الدنيااااااااا
وشموه كل مايسكر ترد ادق
واخيراااااااا
ميثوه عقب ماقرقعة مليون تقرقيعه بالسماعة : .......هممممممممممممممممممممم
شموه : وااااااااااااايه وااااااااااااااااااااايه واااااااااااااااااااااااااايه فقتتتتتتتتتتتتتتتتتتتتتتتتتتج
ميثوه : شمووووووووووووووووووووه @@
ونشت ميثوه يالسه
شموه : @@ بسم الله بلاااااااج
ميثوه : فقتج فقتججججججججججج وينج انتييييييي يالحيوانة
شموه : اشتقتيييييييييييييلي :$
ميثوه : جببب يلا جب عنبوه حية ميته شي ياج
شموه : لايبوج لتعاسة حظكم بعدني حيييييية عايشة ع قلوووووووبكم
ميثوه : افففففففف انزين عييييل حمدالله ع السلامه شو تبين الحين
شموه : >.> نشي بجوف
ميثوه : ع كيفج ثررررره !!!
شموه : هيييية نشييييييييي ولبسي الطبعة الحمرااااا وشخطي عوينج وتعالي صوب المنامة

ميثوه : اوهووووو ابا ارقد ماشبعت
شموه : افففففف نشي يلااااااااا
ميثوه : زين زيين يلا باي
شموه : ورفجة بروك تنشين
ميثوه تكح من الخاطر : حشششششى العرب تقول اصبحنا واصبح الملك لله ماتصبح ع طاري بروك
شموه : عاد اونييييي انا اللي ماافتكر وماداني اسمع اسمة
ميثوه : ههههههههه جب جب يلا بنش كلة ولا اطيح فلسانج
شموه : @@ سووووووودووووووووووووووووووووووووه ليش ماطيح فلسانج
ميثوه : آآآآآآآآآ ماشي
شموه : نشي نشي وراج دفان انتي اليوم
ميثوه : الله يعيني علييييييج باي
شموه : يلا باي

فبييييت ابو هزاع تحدييييدااااا حجره فطامي

فطاااامي : آلوووووووووووووووووووووووووو
شموه : افففففف حمدالله حصلت حد واعيييي تفؤؤ عيت كثر ماوعيييييي
فطامي : ههههههههههه شو مسوية ثرج
شموه : يبوج احوم عليهم بالدوووور وحده وحده اوعييييييي متى نشيتي
فطامي : امره تونييييي ياية بنزل تحت وصاح التلفون ورديت
شموه : شوووو لابسة
فطامي : اخ عليج شو هالسؤال
شموه : خس الله الجباشه من الدنيا فطوم بصفعج ماحيدج جي قصدي الكندوره الكندوره
فطامي : ههههههههههه هييييييية لابسة مممممم كندوره ام خماس السوادا اللي دويرتها حمرا
شموه : ههههههههههههههههه خلي عنج ام خماس وغيرها ولبسي الطبعة الحمرا وشخطي العوينه اترياج فالمنامة يلا باااااااااااي
فطامي : ههههه ببااااي بس بتريق وبيم يته يوع
شموه : لاياويلج بيب لكم ريووووق وبنتريق رباعة
فطامي : خلاص عيل بسلم على اماية وبيج
شموه : ام ويتنق يوووووو سووووووويتي
وبندت
وربعت صوب البشكارات خلتهن ايبن الريوق والجاي
وعدلت اليلسة هناك وورت الضووو
كان الجو مغيم وبرررد بس مب نفس كل مره كان الا براد
شوي وفطامي يايه صوبها : سلاام علييييييييييييج وابووووووية يالبرررررررررررررررد
شموه : وعليج السلاااااااااام وتنش توايها وابوي عليج يالعيوز ياج عوق عيوزنا
فطامي : بررد بررررررد ماتلام يبوج
شموه : هههههههههه يلا بصب لج جاي وبتفدين ها لان بطنج خالي عشان جية
فطامي : زين يلاااااا ويلست تدفى عند الضووووووو
وصبت شموه جاي لعمرها ولفطاامي شوي وعبادي ياي صوبهم : صبحهم الله بالخيييير
فطامي + شموه : صبحك الله بالنور
ويلسع دال شموه وشل كوبها : آآآآآآآح محلاته ع الصبح
شموه :واااااااية كوووووبي
عبادي : انجبي
سكتت شموه وصبت لها كوب ثاني ويلسووو يسولفون وين البنات كلهن وتريقن وخلصن
عبادي : يالله يبويييييية شي فالخاطر
شموه : @@@ وييييييييييين
عبادي : حرمتية وانا مادري
شموه : لالا اختك حبيبتك
عبادي : من لاخررررررر سرعة
شموه : نروح نيب يدوه
عبادي : يوم بجوفين سياره تحت ريلي رمسي
شموه : بنسرق لك سووويج
عبادي : اوكي موافق
ميثوه : من وين بسرق
شموه : عبود روح قول للدريوووووول مريوم يريد سويج سياره
مريوم : هية هية عقب ردوه ع راسي
فطامي : اوه مريوم عادي عادي المهم بنحوط عقب انهزبي كيفج
مريوم : لاوالله
ميثوه : ههههه والله وطلعتي نذلة
فطامي : حواطة هاي
مريوم : يوم اقولكم الحواطة تمشي فدكم خلاص اوكي موافقة شرط نيب يدوه ونرد
شموه والبنات يتغازمن لبعض : اووووووووكي
وسار عبادي وخررررررررررط ع الدريول وقالة مريوم تبا السويج ولامابيطعية لانه ابوه موصي
الدريولية مايعطون عبادي السويج ولا يويلهم بينخصم من المعاش

عبادي ياينهم معصب : خسسسسه الله من دريول
البنات : @@ ماعطاك
عبادي : يخسسسسسسسسسسسسي ويشق الحلج يلا ركببببببببن
واشتلن البنات فالسياره كلهن
مريوم عدال عبادي وفطامي وميثوه وشموه ورااا
وخطفن الدكان وتميرن ولاخلن شي
عقب خطفووووووووو ع العيوز وحلفو عليها تروح وياهم البيت
فالدرب وهم رادين قريب البييييييييييت
مريوم : لحقووووووووو ابوية يدق
ميثوه : ياويلنا
العيوز : ويدي يالله بالستر شو مسوين ثركم
شموه : يامايه بيحتشر ليش عبادي يشلنا
عبادي : اوهو الحين بيسون لي سالفة حششى ريال انا ريال مب ياهل
فطامي : يدوووووه فديت روحج ترمسين عمي لايهزبهم
مريوم : هيييية اماية بقول انتي دقيتي لنا عشان نيبج
العيوز: هية هية خدموو خدايمكم وردو علية عقب
شموه تنقز تحب راس يدتها لي يالسة عدال عبادي : فدييييييييييييييت قليبج ياماية
العيوز : زين يالله
مريوم ردت ادق لابوها لان ماردت وصاح لين ماسكر : مرحبا ابوية
ابو عبادي : مرحبا ملايين شحااالج
مريوم برد فوادها وشقت الحللللللللج وهني عرفت ان ابوها مايدري : والله بخير وسهالة شحالك انتة
ابو عبادي : بخير حمدالله هااااااا ناوين تشون السمج خاري ولا
مريوم : هييييية ابوية بعد شوووووو كل يوم نحن بنحصل شرات هالجو
ابو عبادي : يلا عيل نحن ياين فالدرب زهبو السامان انتووووووو
مريوم : خلاص فالك طيييييب
ابو عبادي : فالج مايخيب برايج عيل

مريوم : الله يحفظك
وسكرررررت وتهندت من الخاطرررر وعبادي برررررررد راسه لان ابوهم مايدري
واول مادخلووووو البيييييت بسرعة بسرعة نزلووووو ونزلو يدتهم وسارو صوب المنامة
ولقووووو بوسيف وبوهزاع يالسين
وهني الكل تسررررررط : السلام عليكم
بوسيف وبوهزاع : وعليكم السلام ورحمة الله وبركاتة وينشون يحبون امهم على راسهااااا
العيوز: سودا الله شواربكم من عيااااال لو مب بوحميد شيخ الريايل دقلي تلفون ولاجان محد تخبر عني
بوسيف : افا يا اماية تراني امس عندج
العيوز: لالا ماجفتك انا امرررررره من ردينا ولاجفت حد فييكم
بوهزاع : افا يالغالية بعد تدرين بظروفنا وترانا دوم ني عندج يوم فاضين
العيوز : صه يلا صه حافظ عليييية هالعبدالله هاب ريييح مايقصر
بوهزاع : وهو شقا يااابج ويلف صوب عبدالله وانته شقا الدريول لقفك السويج وشله هو مايابك
العيوز : حشششمني انزين يالس تهازب الريال ولاشي مذهب ولاشي معناااا واللي بيقول لوبوحميد وخواتة شي بعمرره بهالعجوية ع يامعته
البنات مستانسات ويضحكن وعبادي متفتفت كثر مامدحة العيوووووووز
ويلسو يسولفون ويابوعبادي وكملت السوالف وتيمعن الحريم والبنات يلسن يشون السمممممج
ع الساعة 2 تغدووو كلهم براا وعقب نشن البنات يسون جاي حمرر
وع الساعة 3 شوابناا سارو يرقدون
سيف نش ويا امه وابووه
امااااااااا البنات راحن المطبخ يطبخن حلويات وهالسوالف
والشباب راحو يحوطون
البدع فوووق راس العرقوووووب
عبادي : لالالالالالا نتريا بوشهاب بي صوبنا يقول فالدرب
مبارك : خلاص تممممممم من اي بنروح نقطع جية زيييين
ميـود : سمعوووو عبود انته تريا احمد وانا ومبارك بنروح نستاجر دراجات وبني شو الراي
عبادي : خلوو احمد اي وبنروح رباعة تراه هنييييي الا عند دوار بن زاهره
مبارك : قوله يتريا هناك بنسير صوبة نحن وبنروح صوب الصناعية رباعة
وينشووووووووو
عبادي يرمس احمد : بوشهاب خلك مكانك امره نحن موهين صووبك وبنروح نستاجر
احمد : مااااااقلتوووووووووو لي يالسبلان عشان اكشششششخ
عبادي : يييييييييها عاد نحن لي تلبسناااا
احمد : تستهبلووون شقا بنروح
عبادي : سمع بنيب الدرجات وبنسير صوب بيتكم وتلبس وبنروح بيتنا وبنتلبس وبنسسير صوب البدع جي اوكي ولا بنتوزع فالسياير
احمد : خلاص فوقة
وتحركوووووووووو وسارو صوب احمد وسارو صوب الصناعية استاجرو درجات
واحمد سار بيتهم تلبس وخلص ودق لعبادي ولقاه مشغول ودق لمبارك
بروك : حيييييييييييهم
احمد : يحييييييييك وينكم
بروك : امره الحين نتريا ميوود ينزل
احمد : خلاص عيييييل اترياكم وين كل مره نوقف
بروك : يلا جدمناا ونحن ياينك
احمد : اوكي باي
بروك : بااااااااااااااي

عبادي يصارخ : ياااااااميوووووووووووووووووووووود علك الخير يالله
شموه : والخيييييبه بلاك بلاك عليييية
عبادي : وينه بنروووووووووووووووح تأخرنا ع احمد
شموه : منووووو احمد ولد خالوه
بروك : هية وانتي شو تبينه
شموه : واية فارقته من مذهب لك ارمس خوية شلك انتة
بروك يجوفها بطرف عييييينة : سمعووووووو سوا عشا بنتعشى هني واحمد بي ويانا شدن حيلكن
شموه : اشتغل خدامة عندك
ميود : يالله يااالله
بروك : سنه تفؤؤؤؤؤؤؤؤ منك انته واختك
شموه : دور لي يسوي لك عشا عيييل
بروك : الميث ماتقصرررررررررر
وراحووووووو وضحكت شموه و
دخلت المطببببببخ : يقووووووووووووووووولكم
البنات : شوووووووووووووووو
شموه : بروك يبا عشااااااااااااااا
ميثوه : فالة طيب
مريوم : اونه ماحييييييييدج
شموه : هاي خلوها علييييية بس شو بنسوي اكل
فطامي : يعني جنه اول مره يطلب عشا ويتعششى
شموه : لالا احمد بي وياهم سايرين يلعبون بالدرجات يخرب بيتهم
هني فطامي كانت شالة صينية كرات الجبن وتمت واقفة مكانهاا
ميثوه : منو احمد
شموه : منو بعد ولد خالوووو
مريوم : حووووو بلاج الفطم وقفتي فنص المطببببخ
فطامي : هاااااه لا ماشي بس اذكرت اني حاطة الدخون فالكبببببت
وحطت الصينية وطلعت بسرعة صووووب حجرررررتهااااااااااااااا
فطامي : آآآآآآآآآآآخ يااحمد واخيييييرا بتيييي وبترحم حااااااااالي
آآخ كم اشتقت لك وكم اشتقت اسمع ضحكتك ياوييييل كم بترياااااا لين فليل واجوف الساعة كانت توها 4 ونص
وتنهدت من الخااااااااااااطررررررررررررر
وانسدحت شوي ع شبريتهم وسارت صوب البنات فالمطبببخ
ميثوه : هاه بشري ربهن سلمن ثيابج
فطامي : !! اي ثيـاب !!!!!!!!
مريوم : فطوم بلاج ماتقولين نسيتي المدخن فالكبت
فطامي : ههههههههه هيه لالا سلمن الثياب
شموه : حمدالله ع سلامتهن عييييييييييل
وخلصصن من المطبخ فطامي ومريوم راحن يتسبحن
اما شموه وميثوه راحن صوب المنامة يرتبنهااا ولقن عيوزهن هداده
ميثوه : هههههههههههههههههه بلاج امايه محتشره
العيوز : وينها هاي ماتسوي قهوه عنبوه متى تبا تسويهااااااا
شموه : فديتج امايه امره الحين بسير وبهزبها وبخليها تسويها لج
العيوز: نشن تيملن فييية
ميثوه : ان شاء الله
وسارن صوب البشكاره وقالن لهاا ياويلج من حشره العيوز وروحي سوي قهوه
شموه : يلا روحي تسببببحي ولبسي الكندوره الدانتيل الزرقااااا
ميثوه : يلااا زييين بنتعدل
شموه : لالا بس مصخره وجحال من داخل وديرم
ميثوه : ههههههههههههههه مال اول
شموه : يلا روحييييي
وراحن تسبحن عقب عفاس المطبخ
وكششششخن وعقب صلاه العشاااااااااا
البنات واليده والشواب يالسين اما الشباب بعدهم مايووووووو
العيوز : يييييياحافظ ع بناااااتي جيييي اباكن خلكن راعيات بيييييت
ميثوه : امبونا يدوه حافظ علينا
فطامي : هههههههه اسميج يايدوه الله يعييينج اروحهن مايزدادن بطره
بوعبادي : شموه
شموه : آمر ابووية
بوعبادي : نشي اباج دورين لي ورقة
شموه تنش : ان شاء الله
وسارت ويا ابوها البيت
بوعبادي : واخبارج الشمييي
شموه : بخيـر وسهـاله
وصلـو الحـجره
ويلس بو عبادي ع الشبرية
وشموه مستغربه !!!
شموه : ابوية شو تباني اظهر لك
بوعبادي : ماباج اظهرين شي انا بغيت اتخبـرج عن شـي !!
شموه : آمـر ابـوية تخبببببببرر
بوعبـادي : مايامر عليج عدوووج
بوعبـادي : ااا ....

والسمـوحـة . . } ~ __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
ليــت كل من فال آهـ طاآح همـهـ!!	ريماني بوظبي	الشعر المنقول	5	10-30-2009 09:58 AM
أين أجد زهور مجففة و زيوت عطرية ؟؟	محروم.كوم	منتدى أخبار المواقع والمنتديات العربية والأجنبية	0	05-27-2009 11:10 AM
ميــت اح ـسآسـ‘ـه ~< قصديــتي ^^	دلوعـــ الغربيه ــــة	شعر و خواطر	12	01-29-2009 10:48 PM
آيــة الكـــرسى..!!	Єcтαтσôят_αŁ_qαŁв∂	المواضيع المكرره	2	04-08-2008 01:33 AM
آيــة الـــــــــــــــكُــرســـي	سيف الكبيسي	الإسلام والشريعة	4	04-04-2008 01:51 AM