•. آحــب الــبـر والــمـزيــون .• - الصفحة 38

دنيـ! غريبـه · 10-22-2008, 05:17 PM

المشاركة الأصلية كتبت بواسطة @"غلا الشارجة"@

بلـــييز البااارت اللي بعده

لا تبطيي
تسلم ايدك ع القصة الطررّ

{ . . منـوره ختيــﮧ

والبـآرت ثـوآآنـي ودقـآيـق بـــس وبينـزل . . } ~ __DEFINE_LIKE_SHARE__

دنيـ! غريبـه · 10-22-2008, 05:18 PM

المشاركة الأصلية كتبت بواسطة ارقـى الـجـمـال

القصه روووووووووووووووعه

يسلمووووووو ع البارت يعطيك العافيه^^

{ . . منـوره ختيــﮧ

وآنتـي لآروع . . واللـﮧ يسلمـــــج ويعـآفيـج . . } ~ __DEFINE_LIKE_SHARE__

دنيـ! غريبـه · 10-22-2008, 05:20 PM

المشاركة الأصلية كتبت بواسطة حنطاويه _ طرر

مرحبـآآ الســآآع ..

رووووووووعــــه البــآآرت ..

برووووكـ عليــه سـوأألـــف خخخخ ..

وفطووم واحمد مسكتيين فـ هالبــآآرت >> فيـه فضووول شو الي طرشــه احمد حق فطامـي >>

سييف و برووكـ اتقنووو دوور العيايز >> خـبرهـ فـ التمثييل هع ..

تسلمـ شيخي ع البارت الغاوي . . ونرقب اليـــآآي ..

ولـــــــــــــــــــــــــــــا هنـ،،،،،،،،ـــت ..

{ . . مرحبـآ ملآآيـن

تسلميـن واللــﮧ

آنتـي لآروع

وبتعرفيـن آن شـآء اللـﮧ فـي هالبـآرت

خخخخ

ومشـكوره ومـآتقصـرين منـوره . . } ~ __DEFINE_LIKE_SHARE__

دنيـ! غريبـه · 10-22-2008, 05:23 PM

{ . . البـارت الثـآمـــــــــن . . } ~

ام هزاع : امايه فطامي سيري بندي الديلمة من ورا البيت مادري جان بندنها البشكارات
فطامي : ان شاء الله
وسارت وراااااا
ويلست ادور الديلمة لي كانت مغطيه عليها الزراعة
..... : احمممممممممممممم
فطامي بسرعة تعدل شيلتها : هلآ
احمـد : شحالج
فطامي : حمدالله بخير وسهاله
احمد : مممم ماعرف شقولج
فطامي : آمر شو فخاطرك
احمد : لآ مـآشـي بـس !!
فطامي : !!!
احمـد يحط ايده فمخباه : ممممممم جن هاي الشريطه لج !!
فطامي تجوف الشريطة وتفكر : ممممممممم مادري
احمد : اذكري زيين !!!
فطامي : مممممممم ماعرف والله
احمد : والبحـر!!
فطامي تفج عيونها : هيييييييييييييييييه صدق
احمد ابتسم : يعني لج !!
فطامي ابتسمت : هيه
احمد : زين عيل ماضني تبينهاااا
فطامي سكتت
احمد : السكوت علامه الرضا وهاي برايها عندي
فطامي : هههه
احمد : تسلم لي والله
فطامي انتبهت للديلمه وبندتهاا : شي فالخاطر
احمد : آآآه مكثر اللي فالخاطر بس خليها على الله
فطامي ابتسمت وراااااحت
ويلس احمد مكاانه : روح ورآحت روحي تتبع موطى ثره =(

وعند عربنااااااا

سواف : بتخبركم بوشهاب وينه امره غط
فطامي كانت خاطفة وسمعته وابتسمت ورااااحت
حمدان : شدراني وانا اخوك
سواف : دق له
حمدان : تلفونه مفرور فالسياره
شوي واحمد يااااي
حمدان : تو الناس الشيخ
احمد : ليش !!
سواف : لا ابدن سلامتك من متى ندورك
احمد : جان سويتو تلفون
حمدان : وثره التلفون عندك
احمد يحط ايده فمخباه : هييييه اندوك وين تلفوني !!
بروك ياي من بعييييد : غسلوا يدكم منه هذا شي ياه من فتره وهو امره عقله هب فراسه
احمد : اخبركم ركبو ركبووووووووو سيايركم فكونا

حمدان ركبت عنده امه واحمد شل علايه والسامان وروحـوو صوب بيتهم بعد ماسلمو وخلصووووو
ابوعبادي شل حرمته وحصة
ابو هزاع : كان يسوقبهم هزا ع وام هزاع وياهم
بوسيف : عنده ام سيف وعواشي وسلامي
مبارك : عبادي ميود والعيوز
سيف : ميثوه وشموه ومريوم وفطامي
الدريول : البشكارات وشي من السامان

ع الساعة 8 الكل وصل البيييييييييييت
وقوم مبارك سارو يودون العيوز بيتهاااا
عند عربنا
يلسوووو ينزلون الساماااان وارتبشو وحالتهم لله
البنات فازعن امهاتهن وشلن شنطهن وساااااارن
فبيت ابو عبادي
مريوم : يلاا حصوووه روحي يبي ثيابج
حصوه تثاوب : مريوم يوعااانه
مريوم : ماعليه بتتسبحين وبسوي لج كورن فلكس
حصوه : زين بتسبح عندج
مريوم : هيه يلا يبي ثيابج وفودتج وتعالي
وراحت مريوم فوق فحجرتهااااا وفرت سامانهااا وعقت شيلتها ولمت شعرها وقصتها فوق
ويلست تعدل الماي لحصوه
حصوه تدخل الحجره : مريوووووم
مريوم : ها ها تعالي انا فالحمااام
وسارت حصوه لمريوم وسبحتهااااا وخلصتها ولبستها ومشطت شعرها وخلته مفتوح وعطرتها ودهنتها
ونزلن تحت وسارن صوب المطبخ التحضيري مريوم شلت حصوه حطتها فوق الطاولة
ويلست تسوي لها حليب وكورن فلكس
ويلست تتريا حصوه تخلص
وعقب ماخلصن حصوه ومريوم فالصاله
حصوه تثاوب : آآآه ابا ارقد
مريوم : شو كاضنج زين روحي رقدي
عبادي وميود توهم ياين : سلام عليييييييهم
مريوم : وعليكم السلاااام
عبادي ييلس عدال حصوه : حوووه قولي وعليكم السلام
حصوه : وعليكم السلام انزين والله
عبادي : عنبوه مذهب لج عن تفضحينا عند العرب يوم بيسلمون ردي السلاام
حصوه اجوف عبادي بطرف عينها : سكت مب متفيجة فيني رقاد
عبادي : والله وظهر لج لسان حصيص ويهالكشة المنشووولة الحرامي
يوم بيج فليل مابيسر يسرقج بيفلخ من كششششتج روحي تعقصي ابرك لج
مريوم : ههههههههههه حرام علييييييييك حصوه روحي روحي رقدي
ميود : الحين بتلج وياها من متى هاي ترقد روحها
مريوم تنش : امرنا لله يلااا سرنا
وراحت ترقد اختهاااااااا
عبادي وميود كل واحد منهم دش حجرته وتسبح وطلع مواعدين عيال الحاره
شموه كانت فحجرتها توها ظاهره متسبحة ولابسه بجامتهاااااااا وتسحي شعررهاا
ومطوله ع التلفزيوون . .

التلفزيون : { . . لو زمـاني جار وآتغيـر وابـعـدونـي عنـك حسـآآدي . . فالحنـآيا حبك مسطر فـي شـرآيـينـي مع فوآدي . . يكبـر فقلبـي ولآ يصغـر حبـهـآ مـن يـوم ميـلآدي . . يشهـد التـآريخ وآتذكـر قـآلهـآ لك طـآرق البـآدي . .} ~

مريوم ادق باب شموه : شموووووه وصمخ
شموه تربع صوب الباب : ها ها بلاج
فجت الباب لمريوم : حشى تو الناس
شموه : هههههههههه مسكييييي دخنيني
وتقبضها المدخن ويلست مريوم ادخن شموه : وايه يعلكن من خوات الا من حصيص لينج وانا لين الحين ماتسبحت
شموه : ههههههه يلا تسبحي يوم بتخلصين زقريني بدخنج نييههههههاااااااا
مريوم : اوكيي تعالي
شموه : شو
مريوم : سمعت ان قوم ميثوه عازميينا ع العشااااااا
شموه : منو بيسوي عشيات الحين
مريوم : لا طالبين من المطعم
شموه : زين عيل استعيلي يوم تخلصين تعالي دقي عليه
مريوم تحط المدخن : زيين
وراحت مريوم تتسبح

فبيت قوم ابو هزاع :
ام هزاع : فطاااااااامي يوووووو فطامي

فطامي ظاهره من حجره هزاع : امري امايه
ام هزاع : رتبتي سامان اخوانج
فطامي : هيه رتبت سامان هزاع باقي بروك بس ها بعده احيده فالحجره
ام هزاع : لالا توه ظهررررررر
فطامي : زين عيل انتو رتبتو سامانكم
ام هزاع : برتبه انا خلاف
فطامي : لالا انا بروح ارتبه الحييين ابوية وين
ام هزاع : ابوج تسبح وظهرررر
فطامي : وايه ياامايه ماتم الا انا وانتي
ام هزاع : شونسوي عاد يلا انتي خلصي بسرعة لان العشا فبيت عمج بوسيف
فطامي : ان شاء الله
وراحت رتبت سامان امهاااا وابوها وخطفت ع حجره اخوها ورتبتهااااا ومن خلصت بسرعة راحت تتسبح
وعقب السبوووووح اذكرت التلفون
ويلست ادوره وادوره اخر شيييي لقته مسكررر
فطامي : اوووهو هذا وقته
وحطته فالجرج وخلصت وحاولت تفتح التلفون ماطاع لان الاخت مب مشغله الكهربا
وشغله الكهرباااا وحطت دخون وادخنت وسارت ادخن حجر اخوانهااا وامها
والبيييييت ويلست عند امهاااا اللي كانت توها ظاهره مخلصه صلاه

فبيت بوسيف :
بوسيف يالس ويا بناته توهن مخلصات سبوح : فدييييت النظاف انا والله يالله محلااكن ومحلا ريحتكن
ام سيف : هيييه لازم محلات ريحتهن
بوسيف : هيه اكيد بعد شووو بنات الغاليه . . هههه تعشيتن
ام سيف : هييه عشيتهن وشربن ماي وكل شي والحين يسيرن يرقدن يلااا
عواشي وسلامي : لا امايه نبا نيييييلس
ام سيف : شوييلسكن خلاص كلنا بنرقد محد بييلس يلا نسير برقدكن
ابو سيف : خلييهن
ام سيف : لا خليهن ولا شي من نشتهن الصبح لين الحين ميلسات حشى لو ميتات من التعب مابيرقدن
بوسيف : عيل دام جي السالفه يلا سيرن رقدن وتصبحن ع خير
عواشي وسلامي : وانته من هل الخيرررررر
وسارت امهن ترقدهن
ميثوه تسبحت وخلصت وكل شي وعقب صلت ويلست ادخن حجرتها والبيت ونزلت ادور لها اكل لانها يوعانه
ولقت جدامها بطاطا ويلست تاكل وسارت صوب الصاله
بو سيف : سودا الوية بتاكلينه الخيااااس
ميثوه : كححححححححححححححححححح كح حشى ابوية روعتنيييي
بوسيف : خلي عنج جايفتني بليس جدامج
ميثوه : بسم الله ابوية ماقلت جي بس ماتحسب حد فالبيت وكنت يوعانه
بوسيف : خلي عنج هالخياس والسقم اللي مامنه فايده طالبين عشا من المطعم وبيون عمومج كلهم
ميثوه : يحيييييييييهم زين عيل بسير ابدل ثيابي
وراحت تبدل ثيابها

عند سيف
كان مبارك وعبادي وميود ويااه
سايرين ايبون العشاااااا
سيف : يالله اسميني شقا مسطل
بروك : هيه والله يخرررب بيتج يالشبريه محلاج
عبادي : اسميكم متفيجين لاحقين ع الرقاد محلات الرغده الحييييييين
ميود : يبوية لاحقين حشى انته مشتط لاحق ع مفلع الحاره
سيف : طبو عنكم النقيره هزاع ويييين
عبادي : تلاقينا وياه قال متواعد ويا سالم بن عبدالله بيجووووفون سياره
بروك : شمن سياره
عبادي : مادريبه والله
ووصلوووووو عند المطعـم
ونزلووووووو ودفع سيف الحساب وشلووو الطلبيية وردوووو
ميود : بالله عليييييكم خلوووو حد يطلب بيبسي ويحطة فالفريزر
عبادي : هههههه انا وصيت مريوم تحط لنا
سيف : هيه لازم حق بطنك امره ماتقصر خخخ
عبادي : هيه بعد شووو

وع الساعة 9 ونصصص
دخلو الشباب
وسارن البنات وشلن لاكل وفرشن السماط وحطوو لاكل للشباب بروحهم والحريم بروحهم
وكلوووووووووووووووووووووو
وخلصوووووو ويلسن البنات يلمن الباقيي ونظفن المكان وميثوه حطت دخون ويلست ادخن
اما مريوم وفطامي سون دلة الجاي ويلسو يشربون وجييي
ع الساعة 10 ونصصصص
عند الشباب كانو يطالعون التلفزيون ويسولفون
والحريم داقات سالفه بروحهن
اما البناات كانن منخشات فزاويه مايبين ومتسدحااااات
ودق سوالف لين 11 وشوووي وعقب الكل نششش وسار يرقد
وكلهم من حطووووووووووو راسهم رقدووووووووو
الا فطااامي بدلت ثيابها وكل شي وبندت الليتات وراحت تشغل تلفونهاااا
وركبت سماعتهاااااااا ويلست تترياه يفتح
كان مكتوب عليه لعيـونـــج
كانت ايد فطامي ترتجف وتحس عمرها ادق الفص بس مايشتغل شيي وعقب جي هوست شوي اقوى
وطوووولت على الصـووت

{ . . عليـكم جذب الـقـآل آنـي مـرتـآآح . . يـآرآحـة البـلآيـكم تجيـنـي . . العـطش ذبـل شفـآفـي وعـآفنـي ورآح
مـتت لكـن رونـي دمـوع عيـنـي . . شـلون ارتـآح وآصبـر يالبـعيـد . . وآبـد بفـرآآقـكم مـآنـآمت العيـن . .
آتمنـى آنـآ طيـر وعنـدي جنـآح . . يـآخذنـي وعليـكم يـوديـنـي . . آآه يـآرآحة البـلآآيـكم تجينــي . . } ~

فطـآمي : آآآآآآآآآآآآآآآآآآآه الله لاشلك محلللللى صوتك كيف يرن فالاذن
كان احمد يشل هالاغنيييية وهي اصلا غنيه عراقية لوول

ويلست فطامي تعيد وتزيد فالشلة لين رقدت وهي تسمعهاااااا
والسماعات فاذنهااااااااااا

الصبـــــــــــــــح الساعة 9
ام سيف : يالله اصبحنا واصبح الملك لله استغفر الله استغفر الله
سيف : صبـحج الله بالخيييييييييير امايه
ام سيف : صبحك الله بالنوووووووووووور ياوليدي
ويحب امه ع راسه : شصبحتيييييييي اليوممممممم شو هالهبه
ام سيف : والله بخيررررر وسهاله
سيف : هييييييه ياامايه والله وكبرتييييييي وغدا ولدج ريال
ام سيف : غدا ولدي رياال نعم وانا اشهد الا اني كبرت لا حشى بعدنا تونا
سيف : ههههههههههههههه شو الريووق امايه
ام سيف : مسوين خبز رقاق وبلاليط
سيف يحط له بلاليط : امايه ماعليج امررر صبيلي جاي
ام سيف : من عيوووووني
سيف : تسلم عيونج اماييه بغيتج فسالفه
ام سيف : امرررر ياولدي
سيف : يا امايه الحين انا ريااااال بلحييييييتيييه وريال جميل ووسييييم وكل البناات يتمنن نظره مني صح ولا لا
ام سيف : هيه نعم حافظ علييك ظاهر على امك
سيف : آآحـم انزيييين عاااد اناااا الحين بتيمل فوحده منهن وبعطيها نظرررره شو الراي
ام سيف : شقا بعد
سيف : يييييييييييه ياامايه مادري اخافج متريقة فول ع الصبح مب بلاليط وخبز
ام سيف : استح ع وييهك توك شزينك
سيف : ياامايه انا ابا اعرررس
ام سيف فرحانه : يالله ياسواف احلللللف من صدقك
سيف : هييه بعد شووووووو
ام سيف : ومنيي هاي لي هزت لك قلبك
سيف : هيييييييه ياامااااااايه خلته رهييييييف امررررررره
بو سيف : يييييييييهاااااااااا ثرك متخششششع
سيف ينش يسلم على ابوه : شونسووووي يبوية ها حال الدنيا ههههههههه
بوسيف : ادريبه ياام سيف لايقصصصصص عليج هالهرررم يدهن سيرج يبا حد من هاللوث لي يرمسسسهن
ام سيف : سود الله شارب العدوووووووووو صدق
سيف يضحك ياي من المغاسل كان مغسل ايده : ههههههههههه بعدين بتعرفيييينها يا امايه
ها مب وقته الحين هههه المهم زهبو عماركم وقرقشو مخباااابيكم
بوسيف : حااااضرين امرررررره
ام سيف : لاحاضريييين ولا غيرررره لين مانعرف منو هاي لي تباها
سيف : هييييييه ياامايه الا وماخليج اترمسييينهااااا بتموتين فيهاااا شرات ماممت فيهااااا
بوسيف : عنبوها سنه لا يبويييية امك تموت فيه انا بس ماتموت فحد غيرررر
سيف : والله يالابو انته اروحك متخشششششع ههههههههههههه يلا تامرونا بشي
بوسيف : سلامتك
وطلع سييييف
ام سيف : صدق بوسيف هاللي سمعته
بوسيف : ماعليج منه يخورط هذاااااا انا بنش بسير صوب عيوزي تامريني بشي
ام سيف : سلامتك سلم عليييييها . . هيه صدق بعطيك جامي ووصله صوبهااااا
ونشت ام سيف ويابت له الجامي وودته صوب ريلهااااا وريلها روح صوب امه
اما هيييي سارت صوب ام عبادي
ويلسسسسسسسن يسووووووووولفووووووووووووووون ويتهن ام هزاع وكملن سوالف
ع الساعة 10 : 55
ام سيف : الا بخبررررررررررررركن هالولد ماكللي فوادي
ام عبادي : خيررر
ام سيف : يبووووج مشتط يبا يعرس
ام هزاع : ههههههه والله وكبررر بوهناد ويبا يعرس
ام عبادي : ومنو يبااااااا
ام سيف : يبوج مادريبه الا بوسيف يقول يبا من هاللوث لي يعرفهن
عند الدري شموووه كانت يايه بتنزل وسمعت الرمسسه وتمت واقفه مكااانهاااا والدموع فعينها
ويلست تحت وتمت قريب الربع ساعة يالسه لين استوعبببت وردت حجرتهااااااا
راحت فوق وقفلت الباااااااب ويلست تصييييح ماتدري ليش تصيح بس كيف سيف يبا يعرس
يعني لو هو يباهااااا جان بيشاورها قبل مايقول لاهله وثره هو شو يلعبببب عليه ولا شوووووو
يلست شموه تصيييح ولافكار توديها وتيبببها وانسدحت ع شبريتهااااا وطولت ع المكييييييف
وصاحت لين مارقدت

فبيت بوهزاع
كان الغدا اليوم عليييهم
ع الساعة 2 الكل كااان هناااااك
البنات كاشخات ومتعدلات وحالتهن لله
ويالسات رباعه يسولفن
ميثوه : اخبركم شموه هاكله راقده
مريوم : مادريها والله اني تعبت ايدي راحت كثر مادق عليها ولاترد
ميثوه : زين شفيها تلفونها ماترد عليه اخرتهااااا بند ويعطيني مغلق
فطامي : جان مب تعبانه ولا شي وتلفونها يمكن فضى وبند
ميثوه : لالا انا مب مطمنة هالبنت فيها شييييييييييي بروح صووبهااااا
مريوم : يلسي برايها الحين خلاص خلصو الشباب من الغدا نشي نرتب ويا قوم امايه وبنتغدا عقب
بنسير لهااااااا

وسارن تغدن وخلصصصصصصصصصن
ميثوه نشت قبلهن ويلست تغسل ايديهاااااا
سيف كان خاطف هناك : ميثوه
ميثوه : امرررر
سيف : وين شموه ماجفتها وياكن
ميثوه : والله علمي علمك روحي ادق لهااااا ماترد عقب عطاني مغلق
سيف : خيبه يمكن شي فيهاااااااا
ميثوه : مادري مريوم بعد عيزت كثر مادق ولاترد عليهااا
سيف : نشي نشي سيري صوبها جوفيهااااا يمكن شي يعورها ولا شي
ميثوه : زين الحين بسيررررر
سيف : هييييييه صدق نسيت امبوني ياييب تلفون امايه يصييح كاان
ميثوه شلت التلفون خلاص زييييين
ودخلت وعطت امها التلفووون واشرت للبنات انها بتسير صوب شموه
ميثوه كانت توها طالعه من الصاله
ومبارك توه ياي من صوب سيارته : بوووووووووو
ميثوه : هيهيهيهيي مايروع
مبارك : فقت هالمذهب لج
ميثوه : من زين مذهبببببببببك
مبارك : احسن من مذهبببببج
ميثوه : بخبر ابوية عليييييك
مبارك : وانا بخبر ابوية عليييييييج
ميثوه : افففففففففففففففف
مبارك : " ولاتقـل لهما أف "
ميثوه : استغفر الله ثرك ابوية ولا اميييييييي
مبارك : لاااااااااا انا قلببج وكان يرمس بشوي شوي

ميثوه ابتسمت وراحت
ومبارك دخل عندهممممممم
وداخل مسوي عمرررررره مدووووووخ ويطيح ع الكرسسسسسسسي
هزاع : حوووووووووووووو بلاااااااااااااااك
عبادي : بروووووووووووووووووووووك
مبارك : اونه مدوخ ومبتسسسسسم
ميود : هههههههههههههههههه خلوه اكيييد ربيعته عطته من هالزين شوووويه مسكين حالة شقا متخبل
مبارك ينش : تخسي يالخايس اخ عليييييك الا انا ماعندي هالسوالف
ميود : هيه نعم صدقققققت ابدن ماجذبت
مبارك : اقولك صب لي كوب جاي وانته ساكت ابرك
ميود : طرار ويتشررررررررررررررط
مبارك يجوفه بطرف عينه
ميود : اففففففف منك بصب بصب فكناااا

فبيت بو عبادي

ميثوه ادق : شمووووووه نشي عيزت وانا ادق
شموه : ميثوه روحي ابا ارقد
ميثوه : بلاااااااااااااج انتي ايييييييييه شي يعورررررج
شموه : ماشي خلوني بروووووووووووووووووووحي ابا ارقد ماريد حد
ميثوه : شموووه حد قالج شييييييييييي
شموه : لاا لالالالالالالالالالالا خلاص خليني ارقد
وامبقت شموه تصيييييييح
ميثوه : ع راحتج انزييييين
وردت ميثوه وكلها علاامات تعجب
ولقت البنات يالسات فالحوش يشربن جاي ويلست وياهن

عند الشباااااب
عبادي : نشووووووووووووووو
الكل : وييين
عبادي : سمعو بنسير كارفور وبنحووووووووم وعقب بنروح المول بنلعب بليارد وعقب بندش السينماااا
بروك : فوقه
ميود : يلااااااااااااااا
سواف : بنجوف احمد وحمدان
هزاع : لالا خلو عنكم حمدااان جوفوووووو احمد
ميود : ليش وين بسيرون
هزاع : سررررررررررررر
سواف : خلاص زييين
ودقووووووو لاحمد واتفقووووو يطلعون ع الساعة 4ونص
شوابنا سارو تسدحوووووووو
والشباب طلعوووووووووو
والبنات ع حطت ايدهن ميلسات لاشغلة ولامشغلة

ميثوه : هاي شمووووه صدقوني شي فيهااااا
مريوم : انزين سمعنننننن نشن بنروووووووووح بنقولها بنسير السوق يتشرن للمدرسة ونحن بنجوف للدوامات شي
ميثوه : اوكي يلاااااااااااا
وسارن يدقن ويحاولن فشموه
لكن لاررررررررررررررررررد
وفقدن لامل وردن ييلسن عند الشواب

وطاف الوقققققققت ويالعشا بسررررررعة
البنات كانن فالمطبخ يطببببببخن حلويات ومعكرونات وهالسوالف
والشباب فالموووووووول يلعبون بليارد ع اساس الساعة 10 يحدرون السينما
ع الساعة 9 ونص الكل يالس يتعشششى
ام هزاع : الا بتخبررركم عاد شموه امره ماجفناها اليوم وينها لاحس ولاخبررررر
ام عبادي : ويدي تراها من الصبح ميلسة ويالبناااات
ام سيف : لايبوج هايج ميثوه تلعلع شرات بنتج ولاتعرفينهن
مريوم : ههههههههههههههههه امايه شموه ضربها مرض الرقاد امره مب طايعه تنش
فطامي : ههههه حليلها هناك ماكنت ترقد ع كيفهااااااااااااااا
ام عبادي : هههههه عيل اكيد تعوووووووض بس حشى خاست لاصلاه ولاحياه
ام هزاع : برايها اكيد تنش تصلي
ام سيف : انزين عنبوه ولاكل ماتبا شيييي بتموت عنبوه
ام عبادي : برايها يوم بتيوع بتنش ادور عيشة
فطامي : هيييه خلينا لها نحن فالمطبخ جان تبا
ويلسن وتعشششششن وع الساعة 11ونص الكل سار بيته
فطامي وميثوه ومريوم دشن النت يسولفن
اما الشباب كانو توهم ظاهرين من السينماااااا
احمد : والله العظيييييييم ان طررررر
بروك : ولا هاي البطلللللللة يخرب بيتها محلاهااااااا
ميود : مساعة ماعندك هالسوالف
بروك : جب انته حشششى تحاسب ع الواحد مايروم يرمس شي
عبادي : يلا يلا فكونا من مناقركم نخلص من مناقرك وياميثوه تي وياميود
سيف : حووو خلوو الميث فحالهاااا طاب ع ويها الحيين ههههههههه
ركبو السياير ووصلووووو احمد عند سيارته كان موقفنها فالباركن
وكلن سار صوب بييييييته
عبادي وميود دخلو وعقووووو بعمارهم ورقدوووووووو
وسيف سار صوب ميثوه يدق الباب
ميثوه : منووووووووو
سيف : انا الواوي
ميثوه : شو بدك
سيف : بدي ميثوه ام كشة
ميثوه تفج الباب : ههههههه وياويهك
سيف : جوفو المذهب شقايل بدال ماتقربي تقولي وياويهك
ميثوه : قرب قرب قهوه جاي امر تفضل
سيف : شكرا جزيلاااااا . . رمستي شموه
ميثوه اعتفس ويها : لاوالله بس هالبنت شي فيهااا من امس راقده واونها راقده قبلنا كلنااا
ولا بطايعة تنش لدرجة ان نقولها بنسير السوق ماطييييع تخيل عاد انته شموه تفوت حوامه !
سيف : اكيد شي فييييهاااا جربي دقي لهاااااااا
ميثوه : تعبت منها تبا الصدق ولا مليون مره سرنا صوبها حتى لاكل ماكللت ودينالها ونحولف عليها
امررره ولا على البال
سيف : خيبه من عشى امس ماكلت
ميثوه : مادريبها والله
سيف جاف الاب ع الشبريه : ومحد هي ع المسن
ميثوه : له محد
سيف : زين دقي لهااااااااا
ميثوه راحت لتلفونها دقت : ماشي مسكرررررر
سيف : زين عيل تصبحين ع خير ومن تعرفين شي خبريني
ميثوه : خلاص زين
راح سيف حجرته وميثوه ردت للاب توب

عند شمووووه
كانت توها ظاهره من الحمااام
متسبحة وسارت ونشفت شعرها وجي وانسدحت ع الشبريه
ويلست تفكرررررر واجوف الصقف
وعقب يابت الاي بود مالهااااااا
ويلست تتسمع مقاطع
وعقب يا هالموال

{ . . احبـك من زمان وخايف احكييييهـأأ
صـآر سنـين كلمـة بصـدري خـآفيـهـآآآ
ولو نشفـت دمعتـي لكـن من اشتـآق
اسـوي الروح دمعة ويمك ابجيهآآ
من قلـت لـي آحبـك روحـي صـآحت آآآآه
وخفت النفس يصـعد مـآيـرد ليـهـآآ
آنـآ النـآر بيـه وانتـه شعـرك مـآي
ذب مـآيك علية ونـآري طفيـهـآآ
روحـي رآدتك لبسـت ثيـآب العيـد
ورآدتني علـى روحك هسه آوديها
بآسمـك حيل صـآحت لاتروح بعيد
لاتستعجل فممشـآك تـآنيهـآآآآآآ . .}~

عصبت شموه وحست الدموع كان اطييح وماكملت الموال وسكرت الاي بود
ومسحت دمووووعهـآآ ولبست لها كندوره وشيلة كانت يوعانه وعطشانه فنفس الوقت
راحت فالمطبخ التحضيري ولقت ثلاجة الماي حاره ودورت اكل ماشي
اطرت انها تطلع للمطبخ اللي برااااااااا
وسارت ولقت اكل وماي وبيبسي وكل شي
وطلعت لها شوي وصخنته
ويلست ع الطاولة كانت توها تبا تااااكل
وتذكرت الكلام لي استوى الصبح وسرحت
ويلست تفكرررررررررررررررررر

وفجـآه مره وحده تفز شموه !!!!!!!!!!!!

.

.

.

والسمـوحــﮧ

منـكم ع التـآخيـر __DEFINE_LIKE_SHARE__

دنيـ! غريبـه · 10-22-2008, 05:27 PM

{ . . آحـم قبـل مـآتقـول قصـير

بقـوولكـم سـآمحـوونـي

لآن هـآ بس اليـوم كـآتبنــﮧ عشـآنكـم

الاب كان فمحـل الكمبيـوتـر

والنـت مشفـر !!

وكنـت نـآسـي ويـن حـآط السيـدي لـي مخـزن فيــﮧ القصــﮧ

وبـس

عـآد سمحـولنـآآ شيـوخـي . . } ~ __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
ليــت كل من فال آهـ طاآح همـهـ!!	ريماني بوظبي	الشعر المنقول	5	10-30-2009 09:58 AM
أين أجد زهور مجففة و زيوت عطرية ؟؟	محروم.كوم	منتدى أخبار المواقع والمنتديات العربية والأجنبية	0	05-27-2009 11:10 AM
ميــت اح ـسآسـ‘ـه ~< قصديــتي ^^	دلوعـــ الغربيه ــــة	شعر و خواطر	12	01-29-2009 10:48 PM
آيــة الكـــرسى..!!	Єcтαтσôят_αŁ_qαŁв∂	المواضيع المكرره	2	04-08-2008 01:33 AM
آيــة الـــــــــــــــكُــرســـي	سيف الكبيسي	الإسلام والشريعة	4	04-04-2008 01:51 AM