نصيحة مجرّب..!

دبر عمرك · #1 09-07-2008, 03:56 AM

[align=center]السلام عليكم ورحمة الله وبركاته

إليكم هالابيات انصحكم بقراءة القصيده كامله واترك لكم التعليق.. صح لسان شاعرها

الله ياكثـر مايطـري علـى بـالـي
. . . . . .من الطواري ولا ادري وش يطريهـا

تطري عليه ليامـن صـرت بلحالـي
. . . . . .أسباب دنيا العنا واللي حصـل فيهـا

قضيت عشرين عـام ايـام وليالـي
. . . . . .ايامهـا عذبتـنـي مــع لياليـهـا

عانيت فيها وذقـت المـر والحالـي
. . . . . .مـن مرهـا عيفتنـي طعـم حاليهـا

مشيت فيها الدروب قصـار وطوالـي
. . . . . .في كـل الاحـوال رجلينـي معنيهـا

سيـري مسافـات لكـن مالها تالـي
. . . . . .وارجع ماكملت مهما سـرت تاليهـا

اوجـه يميـن والا اوجـه شمـالـي
. . . . . .التيه بارضٍ مـن الضيـق متلقيهـا

اصبحت محتار في حلـي وترحالـي
. . . . . .مامن فوايـد مـن الاثنيـن جانيهـا

ياكثرهمـي مـن الدنيـا وغربالـي
. . . . . .مالله كتبلـي سلامـه مـن بلاويهـا

أحاول اصبر على ماصار فـي حالـي
. . . . . .لوعلتـي مالقيـت اللـي يداويـهـا

ماني بداله مثـل غيـري ولاسالـي
. . . . . .العالـم الدالهـه مانـي مخاويـهـا

عشقت بنتٍ مهرها طيـب الافعالـي
. . . . . .ولاكل شخصٍ من العشـاق يغريهـا

عوصاً طلبهـا يبيـد حيـل الانذالـي
. . . . . .ومن لايلبي طلبهـا كيـف يرضيهـا

اتعب على شانهـا واطـول حبالـي
. . . . . .مايبرد الجاش ليـن اكسـب تحديهـا

دامي من اللي تروم الشامـخ العالـي
. . . . . .اللي صعيبه علـى الدالـه هقاويهـا

قومٍ بوقـت الشدايـد تسعـد الفالـي
. . . . . .يقـر تاريخهـا بأفـعـال اياديـهـا

ماهوب انا اللي يعيش وهمه المالـي
. . . . . .أمـلا رصيـدي مراجـل يامخليهـا

ماعذربـو عمـي بفعلـه ولاخالـي
. . . . . .روسٍ عـن الطامنـه ربـي معليهـا

عن دربهم ليش اجنب عيب ومحالـي
. . . . . .أحسلي امـوت قبـل انـي اسويهـا

والمرجله ماأشغلتني عنها الاشغالـي
. . . . . .على المشاغـل لـزوم انـي ابديهـا

مدهال جدي وابوي يصيـر مدهالـي
. . . . . .اعـرف مداهيلهـم مانـي بغاويهـا

احيـي مواريثهـم فينـي وتبقـالـي
. . . . . .مرجع وطـرقٍ مشوهـالازم امشيهـا

والله ماارتاح ليـن آصـل لمنزالـي
. . . . . .في قمـة الطيـب وأصيـر متعليهـا

لـو ماتزيـن الظـروف ولاتهيالـي
. . . . . .أعنز على اللي هشيم القشع يحييهـا

المجتهـد لـه نصيـب ولازم ينالـي
. . . . . .وأنـا بذلـت الجهـود الله يهيـهـا

لوان عيني تشوف الـوان واشكالـي
. . . . . .مـن سودالايـام واحـداثٍ تخبيهـا

لابدماتعـتـدل والـدهـر مـيـالـي
. . . . . .سبحانـه القـادر بلحظـه يصفيهـا

مانيب يائـس وأجـدد دايـم آمالـي
. . . . . .لـو ماتحقـق فأنـا مانـي بناسيهـا

ومن عقب ماادركت مخراجي ومدخالي
. . . . . .اليوم نفسي عـن الميـلات حاديهـا

والك النصيحه هديـة غالـي لغالـي
. . . . . .من تجربة دنيـةٍ عايشـت ماضيهـا

صل الفروض وتراها خير الاعمالـي
. . . . . .ولاتكـاسـل تــرا لازم تـأديـهـا

وترى الرجوله ماهيب شماغ وعقالي
. . . . . .والا جديـد الثيـاب اللـي تكويـهـا

مناظـر الزيـف ماتسوالهـا ريالـي
. . . . . .دعها لمن يشتقـي فيهـا وهاويهـا

ولاتجلس الا بمجلس نـاس عقالـي
. . . . . .خـل الجهاهيـل لاتطربـك أغانيهـا

ولاتستمع في كثيـر القيـل والقالـي
. . . . . .واهل النميمـه لاتآخذمـن دواديهـا

اللـي نقلـك حكـي لحكـاك نقالـي
. . . . . .قصده يشـب الفتـن بعلـوم يلويهـا

واحذرصديقٍ بوقت الضيـق محتالـي
. . . . . .يوعـدك لكـن وعـوده مايوفيـهـا

لاتقول هذا بطيـب وخيـر يسعالـي
. . . . . .حتـى يبيـن نوايـاً فيـك ناويـهـا

ولاتآمن الغدر لومن شخـصٍ موالـي
. . . . . .بعض الاقـارب عقـارب لاتواليهـا

واحذر ترى اللي يعيل يجيـه عيالـي
. . . . . .الناس توذيك لامن صـرت موذيهـا

تميت قولي واقـول لجاهـل أقوالـي
. . . . . .النـار ماتحـرق الا رجـل واطيهـا

الـخـالـدي[/align] __DEFINE_LIKE_SHARE__

نوافي · 09-08-2008, 10:24 PM

الــــــــخالــــــدي

كلمات ساحره ومعان جليله و اسلوب راق هنا

وقفت امامه ارقب تلاطم الاحاسيس

وهيجان المشاعر

لااملك الا ان اركب الخيال ..

لاطفو معك واسطر بضع كلمات

كي انال شرف مثولي امام سموك

كلمات الشكر لاتكفيك

ولكن رب صمت ابلغ من كلام الدنيا

ولذلك هنا ساصمت لانك ارقى من كل الكلام

سانتظر بزوغ فجرك من جديد فلا تطيل انتظاري

لك مني الود والورود وتحياتي الخااااصه

ابـــــــــــــداع x أبــــــــــــــــداع

تقبل مروري

نـــــــوافــــــي __DEFINE_LIKE_SHARE__

♕ وليد الجسمي ♕ · 09-10-2008, 06:20 PM

صح لساانـــج

وما شاء الله ع الابدااع الغااوي

ان شاء الله الى الامام دوووووم

اشكررررررررررررررفننننج ع القصيده الغاااااوي وصح السانج الشااعر

والله يعطيج العافيه ونتظر منج زوود

كلمات فى قمة روعة

وتقبل مرورى __DEFINE_LIKE_SHARE__

~~!,وجدان,!~~ · 09-14-2008, 03:32 PM

الله الله
مب حلوه بس
هاذي لو شاركت بها في شاعر المليون جبت المليون وزود
كل بيت يحمل حكما
يعجز القلم عن وصف بحور الجمال فيها
لا املك غير قول
يزاك الله الف خير على الطرح الطيب

لا عدمناك والله
تقبل مروري
مع تحياتي
وجدان __DEFINE_LIKE_SHARE__

دبر عمرك · 09-18-2008, 02:58 AM

لاهنتوا.. وان شاء الله اكون عند حسن ظنكم دائماً بما اختار

يعطيكم العافيه ، اسعدني هالتفاعل.. لاخلا ولا عدم

دبر عمرك
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
شرح كود وضع محرّك بحث جوجل بموقع ويساعد على الأرشفة السّريعة مجرّب	محروم.كوم	منتدى أخبار المواقع والمنتديات العربية والأجنبية	0	04-04-2010 10:58 PM
فية مخرطة متخصصة بالعمدان ؟	محروم.كوم	منتدى أخبار المواقع والمنتديات العربية والأجنبية	0	03-08-2010 02:20 PM
وين القى مخرطة هوبات	محروم.كوم	منتدى أخبار المواقع والمنتديات العربية والأجنبية	0	12-04-2009 07:20 AM
30 نصيحة لرشاقتك بناء على نصيحة زوجتي !	محروم.كوم	منتدى أخبار المواقع والمنتديات العربية والأجنبية	0	11-01-2009 03:50 AM
30 نصيحة لرشاقتك بناء على نصيحة زوجتي !	محروم.كوم	منتدى أخبار المواقع والمنتديات العربية والأجنبية	0	11-01-2009 03:40 AM