كثــــــرة الحــليـــلات ام كــــثــــرة الخــليـــلآت ؟!!

وزيرة الحب · 08-24-2008, 10:30 PM

[align=center]السلام عليك ورحمة الله وبركاااته

تشكر على هالطرح اخوي النعيمي....موضوووع جداااااا حسااااااااااس بالنسبة لنا

قعدت فتره...اقراء الموضوع مره ومرتين وثلاث...اتخيل موقفي في كل لحظة....شو بيكون بالاحرى تصرفي...هل باكتفي بالصمت ام....ستكون لي ردة فعل قوية.....؟؟؟

ولكن يظل الألم...سيد الموقف في كل الحالات....وقد يصاحبه العجز التاااااااااااااام عن فعل أي شيء....

دائماً يقال...( إرضاء الناس غاية لا تدرك)...<<<< ولكني اقول من رايي الشخصي ..( إرضاء الرجل غاية لا تدرك)

للآسف الرجل لو الحرمة تعطيه عيونها بيتم يطالع لبرع....انا ما اعمم...ولكن الفئة الكثيره غلبت على القليله...وهذا ما هو سااائد...

الفعل اللي صاير هنيه.....كلا الطرفين يتحمل مسؤوليته...من نا حيه المرآة
اقول على الوحده تحافظ على بيتها وتصونه....وتهتم من زوجها...وتلبي كل طلباته....واهم شيء تبتعد عن النكد والحنيه ( اقصد فيها الزن فوق الراس يوم تبغي شيء )....وتفكه من لسانها....اللي مرات لحظة العصبيه ..يلسع.....انا مش ضد المرآة اذا قلت هالكلام...ولكن هاااي التصرفات هي من الاسباب الرئيسية اللي تخلي الريال يدور راحته برع.....
من كلام كثير من الرجال...يقولون ...انا ابا حرمة تريحني وتحت عليه...هب تيلس انته فيك وفيك ...وما سويت وما فعلت ولا تركت....كل شيء بهالحياه له وقته...حتى العصبيه لها وقتها...

اما من ناحيه الرجل:

اشوف انه مثل ما انته يالريال لك حق عليها فهي تراها لها حق....انته تبا الاهتمام فهي كذلك...وحتى ان ما لقيته...لك انك تكلمها بالكلمة الطيبه...او تلجاء للطرق اللي حددها القرآن الكريم...وان صبرت يالرجل على حرمتك مهما كانت عيوبها...فتذكر انه ربك بيجازيك على صبرك بحور العين بالجنه....ما شيء يضيع عند رب العالمين..

والله يالنعيمي وكلمة الحق تنقال......الريايل هالاياااااااام ما ينلامون...من اللي الواحد يشوووفه...لو الواحد حاااشم عمره هن اللي بيتعرضن له.....ولو بغى يغض البصر...التيلفزيون جدامة السوق ، الشارع ، حتى الخادمات صار لهن ايد بالموضووع

أنا آسفه اني خرجت برع النص شوي....ولكن مشكلة ولازم نبديها من اول...

ولكـــــــــــــــن اذا طاااااااااح الفأس بالراس

مع انه لازم والحق عليه...انه يعطيني بالعلم...ولكن المشكلة المعروضه من قبلك ...ولم تنوه لهذا الشيء.....وبتكلم على ااساس موقفي ورايي.....واخلي على طرف انه لازم يخبرني او لا....
هنيه بيكون موقفي:

هل ترضين ان يتزوج عليك زوجك "بالحــلال" ؟!!

ام

هل ترضين ان يخونك مع اخريات ويتجة للحرام؟!!

أكييييييييد بالحلال.....لاني احبه ما برضى عليه بالحرام شيء......حتى لو هو خاني وخذا غيري

وفي الحالتين ...

1) ماذا يحل بكِ عندما تعلمين ان زوجك يتعرف على النساء ويخرج معهن ؟!!

الصدمة والألم لا يعلمها إلا الله سبحانه وتعالى.....بس وااااااااايد صعبه عليها الحرمة هالشيء

اول رد فعل لها...البكاء بحرقه من الصدر....انها تحب وتهتم وتضحي...وتلقى الخيانة والنكران جزاء لهالحب... وبعد البكاء....الله يعينها على اللي هيه فيه

2) ماذا يحل بك لو علمتي بأن زوجكِ متزوج عليك بأخرى ؟!!

يمكن الكثير من النسااااء اللي بتقول......بسير بيت اهلي...وبطلب الطلاق...وهو باللي ما يولي....
بس رايي يختلف عنهن بواااااااااااايد......لو كنت انا بهالمكان...( الله لا يعيشني هالموقف ابدا ان شالله)
بعد البكاء...والصياح....ومستحيل ما في وحده ما بتغلبها دمعتها على هالشيء...ليش؟؟؟ تراه هذا ريلج.....هذا بيتج واهلج وعضيدج بالدنيا....واذا ما كان ابو عيالج....
انا ما بقول اني بأخذ اغراضي وسايره بيت اهلي....لا بقعد ويااااااااااه بفهم منه كل شيء هو سواااه...وشو الشيء اللي خلاه يلجأ لهالتصرف.....يمكن غيري يقول....ليش تراه خلاص خذا غيرج...شو بتستفيدين اذا عرفتي ليش هو جيه سواء.....

انا اقول.....مستحيل اكمل حياااتي امضى وانسى هاالألم وانا ما عارفه ليش كل هذا صاااير...يمكن كلامي وياااه.....يفتح عيني على اشياء انا ما كنت دارية فيهن...واشياء ما اهتميت فيهن.....واشوف الاسباااااب اللي خلته يشوف غيري.....
واقول يمكن بكلامة اللي بيقوله بارتااح شوي..ويخفف الألم اللي عايشتنه....

ومن رايي...... اهم شيء من قعدتي وياااه عشان نتفاهم....انه اباه يعيش الألم والحزن اللي انا تعرضت له بسبته.....ويشوف هالخطوه اللي خطاها كيف مأثره فيني...
وارد واقول يمكن البعض من الحريم...تقول عززتي وكرامتي وكبريائي ما تسمح لي اني اقعد اصيح جدامة بسبب هالشيء...
اقول ليش....هالانسااااااااان بيني وبينه عشره....هذا صار مني وفيني......ما اصيح واتألم بسبته....عيل منوه يستاهل غيره...وعلى الاقل سار هو بالحلال

وفي الآخير.......اقول هذا ريلي.....هذا اول ريال بحياااتي.....اذا هو شأن فيني...انا ما بشين فيه.....ومستحيل انسى اللي بيني وبينه.....برضى لقراره...ولكن بشروطي....وانه لي حياااتي....نفس ما هي حرمتة.....انا بعد حرمتة....وبالاياااااااااام بخليه يتلوم فيني...

وقبل كل خطوه واي قرار اتخذه اني ما انسى انه رب العالمين موجوده.....واذا هو ظلمني بشيء....وحقي ضاااع عنده...تراه هب ضااايع ويا الله سبحانه وتعالى....بكل خطوه الصلاه والدعاء بتكون وياااي...طريقه مني اني اكون قوية باللي انا فيه...

وطلب الطلاق...ما بطلب....لانه الله مع كل صابر على بلووواه....( وإن بليتم فأستتروا)
وثااااااااااني شيء.... الحرمة صعب انه تحمل اسم مطلقه....

السمووووووووووحه على الإطالة......ولكن هاللي اللي قدرت اختصره....
( أدري بتقول هذا مختصر عيل الله يعين..)...ههههههههه

تسلم وتقبل رايي

خويتك[/align] __DEFINE_LIKE_SHARE__

مشاهدة نتائج الإستطلاع: هــل انـت اخي الكريم / هـل انتِ اختي الكريمـة - مــع :
كثرة الحليــلات	8	28.57%
كثرة الخليــلات	0	0%
لا هذا ولا ذاك	20	71.43%
المصوتون: 28. أنت لم تصوت في هذا الإستطلاع