كثــــــرة الحــليـــلات ام كــــثــــرة الخــليـــلآت ؟!! - الصفحة 6

النعيمي · 08-17-2008, 09:39 PM

المشاركة الأصلية كتبت بواسطة بنت الافلاج

وعليكم السلام والرحمه

هل ترضين ان يتزوج عليك زوجك "بالحــلال" ؟!!

الله لا يقووول صج بيضربني حزن بس بعد ما بالبيد حييله لانه ربنا محلل له هالشي
ولو منعته وسار بالحرام أنا بأثم دامه ميسور ومقتدر يعرس
المهم ما يقصر صوبي ويقدرني وأهم شي العدل مب أكون ع الهامش

هل ترضين ان يخونك مع اخريات ويتجة للحرام؟!!

أكييد لا ,,يعرس بدال الوحده أربع جان الا يبا بس المهم يعدل وما يقصر
الا الحرام

ماهو الأولى ..؟!!

الحلال أولى ولا الحرام

1) ماذا يحل بكِ عندما تعلمين ان زوجك يتعرف على النساء ويخرج معهن ؟!!

بيضربني حزن و في البدايه بتصرف طبيعي وبخلي الحزن في القلب
و بيلس بيني وبين نفسي وبتطالع أنا بشوه مقصره
او شو اللي سويته عشان يطالع برع ؟؟ وبحاول اغير واعدل من نفسي وان شفته مستمر بصارحه بأسلوب طيب ونفس طيبه والاهم أختار وقت مناسب للمصارحه وبخبره باني ادري وبقوله يخبرني شو قاصره ؟ وشو اللي يباه مني عشان ما يطالع برع وبالتفاهم كل شي ينحل ^_^

2) ماذا يحل بك لو علمتي بأن زوجكِ متزوج عليك بأخرى ؟!!

اصلا انا من قبل بكون مفهمته بانه لو فكر يعرس يخبرني ويكون بعلمي مب من ورايه يعني هو يصارحني
أخير من اني اعرف من الغريب ولو سواهااا بزعل وبحط في خاطريه بس في الاخير ريلي وبو عيالي ماشي مفر
وبرضى بالواقع

لن اقول ايهما تفضلين ؟ فميزان التفاضل هنا ربما الغالبية منكن ترفضة

كلهن مواقف قويه ويعورن القلب الا يجلطن الحرمه لووول بس الحلال ولا الحرام

سأقول ايهما تختارين ؟! ..

الحلال

=====

مم احترت في التقييم مابين لا هذا ولا ذاك وما بين كثرة الحليلات لانه ع حسب الريال لو مقتدر وميسور او لا
ولو كان مزواجي شو هدفه او شو غرضه هل التباهي والمفاخره بين الناس والا هو فعلا محتاي لزوجه ثانيه
وقادر ع هالشي؟؟ ماعرف شو اختار لانه ع حسب الريال ^_^

=====

يعطيك العافيه أخويه النعيمي عالطرح الطيب والرائع

يزاك الله خير وبانتظار كل يديد ومميزمن صوبك

تستاهل التقييم ^_^

يامرحبا الساع باداريتنا

بنت الأفلاج ، فعلا وللأسف بعض الرجال المقتدرين لايعدلون في حقوق زوجاتهم ...
لااقصد هنا الحقوق المالية والمادية منها ، ولكن في الحقوق العاطفية ...

فالمتزوج باكثر عن واحده يجب عليه ان يضع مخافة الله امامة ، وان يعدل بينهن شريطة ان لايوضح مشاعره
تجاه الثانية للأولى والعكس صحيح ...
ولو حدث وصرح بذلك فلقد وقع في خطأ جسيم ، ويكسر قلب احداهن ... " الله لايقول "

وفي النهاية

انا لااتمنى ان يحصل ذلك لكن اخواتي ، وان شالله دام كل وحده بتحافظ على زوجها "وبيتها" على اتم وجه
مابيستوي ها الشي ان شالله ...

تسلمين بارك الله فيج ان شالله

اخوج / النعيمي __DEFINE_LIKE_SHARE__

النعيمي · 08-17-2008, 09:48 PM

المشاركة الأصلية كتبت بواسطة أثير

بسم الله الرحمن الرحيم

السلام عليكم ورحمة الله وبركاته

يعطيك العافيه ع الموضوع

تبي الصج يا سيدي..؟

ايكون عنده ارفيجات اهون من يتزوج مره ثانيه

لان اول شي محد بيشاركني بالبيت ولا الورث ولا غيره

والذنب ذنبه..الله بيحاسبه..وممكن تكون نزوة منه اي فترة وينسى خرابيطه..محد معصوم عن الخطا

بظل ادعيله بالهدايه ولا راح ازعل منه..بكون له عسل×عسل

بحاول اجذبه علي واخليه ينسى ارفيجاته ولا كأن الله خلقهن..

والنساء الله سبحانه خلق حيلتهم وعظمها..(ان كيدكن عظيم)..

فبرأيي خليله ولا شريكه هع

وعسى الله يهدي الجميع

يعطيك العافيه

وعليج السلام ورحمة الله ياأثير

راي وأحترمة ، ولكن الله بيحاسبة وفي ناحية اخرى انتي ستحاسبين اذا شفتي ها الشي وماحاولتي تنصحينة طبعاً ..
صحيح اختي بس هو ممكن يكون غافل لاقدر الله ، او انتي مقصرة في حقوقة مثلاً ليتجه الى هذا الخط ...

0
0

تسلمين اختي اثير على النشاط الواضح فالقسم ومتابعة مواضيعي ، والله يوفقج ان شالله ويستر عليج

اخوكم / النعيمي __DEFINE_LIKE_SHARE__

النعيمي · 08-17-2008, 09:50 PM

المشاركة الأصلية كتبت بواسطة baby cute

هل ترضين ان يتزوج عليك زوجك "بالحــلال" ؟!!

هي ارضى اذا كان فيني عيب او مرض لا سمح الله

هل ترضين ان يخونك مع اخريات ويتجة للحرام؟!!

لا محد بيرضى بالحرام

1) ماذا يحل بكِ عندما تعلمين ان زوجك يتعرف على النساء ويخرج معهن ؟!!

بحاول اعرف هو ليش يسوي جذيه وشو الاسباب اللي خلته يسوي جذيه

2) ماذا يحل بك لو علمتي بأن زوجكِ متزوج عليك بأخرى ؟!!

اذا كان متزوج برضى ولا انه يسوي الحرام

مشكووووور اخوي النعيمي ع الموضوع اللي يا بوقته

تقبل مروري ^_^

الله يسلمج اختي الكريمة ، والحمد الله انه بوقتة وان شالله الكل يستفيد
سلمتي ع المشاركة بارك الله فيج

اخوج / النعيمي __DEFINE_LIKE_SHARE__

النعيمي · 08-17-2008, 09:53 PM

المشاركة الأصلية كتبت بواسطة عطرها دمعه

)ماذا يحل بكِ عندما تعلمين ان زوجك يتعرف على النساء ويخرج معهن ؟!!

الزوج ما بيتعرف على حريم ويظهر مهاهن إلا لو كانت زوجته مقصره معاه يمكن يجوف في الحريم الي يطلعن معاه أشياء مش موجوده في زوجته ..

2) ماذا يحل بك لو علمتي بأن زوجكِ متزوج عليك بأخرى ؟!!

بعرف منه السبب .. يمكن أنا أكون مقصره معاه ..

تسلم أخويه النعيمي على الموضوع المميز.. وربي يعطيك العافيه ..

أختك :

عطرها دمعه ..

ماشالله عليج ، تسلمين ع المشاركة ، والله يستر عليج دنيا وآخره

اخوج / النعيمي __DEFINE_LIKE_SHARE__

اغلى الغاليات · 08-17-2008, 09:58 PM

•

•

يامرحبا ترحيبتن في شذاها زهور ورياحين..~
من اللي نارها مايوقّف حطبها..~
وسلام من غلــوي للناس الكريمين..~
عدد ماناح الحمام والمزون وهملها..~
ياحيّ هالشوف واللهـ..~

وع ـليك السلام ورحمه الله وبركاته..~
ياح ــييك اخـ النعيمي ــوي وياحيي مواضيـ ع ـك هـالزينه..~
مـاشاءالله اللي يعجبني ان مواضيـ ع ـك انت كاتبها..~
واللي يقرى مواضيعك يستنتج شي واحد بس انك انسـان راقـي بفكـره واسلـوبـه تقبل جل احترامـي وتقديري لشخصك الكريم ..~
ولك منـي 5 نجيمـات تستاهلهم وبجداره..~

صعب ان الوحده تنحط في هــ الموقف بشكل عام سـواء اكتشفت خيانه زوجها ولا انه معرس عليها...اهوه صحيح ان الواحد مو معصـوم عن الغلط لكن دامك يا الريال مرتك مدللتك ومو مخليـه عليـك قاصـر ليش تفكر في غيرهـا ولا تفكر انك تعرس عليـها هـاي السؤال اللي ابد مااحصل له جواب .. لكن الجواب اللي احسه معقـول بعدهم عن ربـهم ودينهم ايمانهم الضعيف يدفعه للحرام وتخـلي نزواتهم تسيطر عليهم..اما اذا كان القصـور من المـره ماالومـه عـ اللي بيسويـه لان في زوجات يهملـون ازواجهم بشكل موطبيعي وعقب لمـن اكتشفو ان عرس ولا يكلم بنــات يزع ـلون انتي من البدايه اهتمي لريلج عشـان تقدرين تتحكميـن بالمواقف وماتخلينه يتعذر بشـي ..واللي استغربـه زود البنات اللي يكلمون المتزوجيـن ويطلعون معاهم المفـروض يخافـون ربهم.. و اللي يضيعون في هـ السالفـه العيال يعني الزوجه تنهـار وتتخذ قرارات سريـعه المفروض قبل لاتتخذ أي قرار تقعد مع ريلها تسمع الاسباب تتفاهم معاه وعقب تقرر اللي بتسـويـه بالضبط ..لمن تهدى تتخذ قرار لانها اذا معصبـه اكيد راح تتخذ قرار تندم عليه بعدين.. والله يهدي اليميـع ويثبتهم على الديـن..~
هل ترضين ان يتزوج عليك زوجك "بالحــلال" ؟!!
اكيـد ولا حرمـه ترضـى ان ريلـها يعرس عليـها بدون سبب مقنـع ..~
هل ترضين ان يخونك مع اخريات ويتجة للحرام؟!!
لا وبشـده صج ان لمن تكتشفين ان ريلج معرس تزعلين لكن ألمج لمن تتكشفين ان ريلج يخونج وبالحرام هاي مصيبـه والله ..~
ماهو الأولى ..؟!!
والله ياخـوي الاولى ان يتجه للحـلال لو كان عنده سبب مقنـع للي بيسويـه.. ولا ان يغـوص بالحـرام دام في بالـه شي يسويـه بالحلال اح ــسن.. وايد ناس ينسـون ان يوم القيامه في حساب وعقـاب الدنيا مو كل شي فكرو قبل لاتسوون أي شي يمكن يبعدكم عن ربكم ولا يخرب حياتكم ..~
1) ماذا يحل بكِ عندما تعلمين ان زوجك يتعرف على النساء ويخرج معهن ؟!!
بزع ـل وبـ ع ـصب لان كل شي يمكـن يطيب الا جرح الخيانـه .. ان كنت انا حاطته عـ عيني وراسي واكتشف انه يطلع مع غيري ونفس الكلام اللي يقـولي يقـوله لغيري صعبه.. اما ان كنت حاسـه روحي مقصـره بهالفتره اقعد معـاه اجوف شنو السالفـه ليش سـوى جذيـه هل هو نادم فعـلا .. ولا بعد احس انها صعبـه وهـ الغطله ماتتسامح ..~

2) ماذا يحل بك لو علمتي بأن زوجكِ متزوج عليك بأخرى ؟!!
هم بزع ـل وبعـصب لمن تكتشف الوحده ان في وحده غيرها راح تشاركها ريلـهـا صعبه وايد .. بقعد معـاه اجوف الاسباب ان جفتها مقنعـه وحسيت ان الغلط مني اقتنع وامـري للـه .. اما ان كانت الاسباب تافهـة وانا ماكنت مقصـره وماكنت مرتبطه معـاه بعيال راح اتركه .. اما اذا السالفـه فيها عيال اتم معـاه على ان يعدل بيني وبين مرتــه ..~
لن اقول ايهما تفضلين ؟ فميزان التفاضل هنا ربما الغالبية منكن ترفضة
اي واللـه الكل كاره هـ الشيئيـن وبالقـوه وان شاءالله ولا وحده تنحط في احد من هـ الموقفيـن ..~
سأقول ايهما تختارين ؟! ..
مثـل ماقلت لك مافي اح ـسن من الحلال .. لكن ان ع ـرس علي يعدل بيني وبين زوجته صحيح ان الاسلام حلل 4 لكن حللها بشروط ومنها العدل واشيا كثيره .. احيانا الواحد تصير له بدنياه اشيا فوق ارداته واشيا ماكان يتوقعها لكن لازم يتصرف بحكمه ويفكر بعقلانيـه قبل لايتخذ أي قرار راح يأثر علي حياته ..~

مـوضـوع اقل مااقدر اوصفـه فيـه ان رهيـب ..~
اندمجت مع الموضـوع ومع ردود العضـوات الله يعطيـهم العافيـه..~
اطرح شكري وامتناني للمجهود اللي تقدمـه لقسمـك وللمنتدى بشكل عام.~
تكتب فتبدع دومـا ..~
الابداع انت وانت الابداع..~
ابهرتنا بالمواضيـع المتميـزه ولازلت تبهرنا فيها ..~
ابداع وتميز متواصـل ..~
سجل اعجابـي بكل مايخطه قلمـك ..~
ودام هـذا القلم الرائـع لنا ..~
والى الامام دومـا ان شاءالله..~
دمــت بتألقـك وابداعك ودمت كما تحب ..~
شاكره لك ومقدره تميزك الدايـم ومجهودك الطيب..~
دمت بتوفيق من المولــى ودمت بكل ود..~
ربي يعطيك بلايين العوافي عالموضوع المبــدع..~
وسلمت وسلمت غاوي يمينــك..~
ولاتحرمنا من كل يديد مميز وحلو من صوبــك..~
ربي لك حافــظ..~

•

•
__DEFINE_LIKE_SHARE__

مشاهدة نتائج الإستطلاع: هــل انـت اخي الكريم / هـل انتِ اختي الكريمـة - مــع :
كثرة الحليــلات	8	28.57%
كثرة الخليــلات	0	0%
لا هذا ولا ذاك	20	71.43%
المصوتون: 28. أنت لم تصوت في هذا الإستطلاع