مره وحده عيوز روحت " المول" ويا شغالتها يوم الفلنتاين خخخ

وهـج القمر · #1 07-29-2008, 10:54 PM

مره وحده من العيايز روحت " المول " ويا شغالتها >>يوم الفلنتاين<<

تتخيلووون عيوووز @_@ فـ المول !!!!

خلنا انشوف شو صار وياها ..

حدرت العيوز المول..

العيوز شافت الليتات الملونه " أحمر وأخضر و أصفر " العيوز اترمس شغالتها : أقووول اميه اشووو ها

بعد " وهيه اتاشر عـ الليتات : سيري هاتيلي وحده منهن أجرب طعمها .. ظنتيه ها اللومي الاخضر عيل

الاحمر شووه؟؟؟

الشغاله: لا ماما هازا مافي لومي .. هازابرميت واجد غالي << لوووول>>>

العيوز: هييييه برميـــت .. لا لا عيل ماباه أنا روحي ظروسي اتعورني .. تعالي تعالي اشوف اشو اتبيع

هاي..

اللبنانيه راعية المحل : ياهلا.. لك تؤبريني حجيه بدك إيـــه ؟؟ هايدي بلوزه كتير مهضومي وهاد البنطلون

بيلبألك إزابدك تاخدي لبناتك كمان بيلبألهم ..

العيوز: كارلينووووو " الشغاله " اشووو اتخرف هاي ؟؟!!!! >وصدت صوب اللبنانيه: اميه انتي شو

قلتي وحق شو ميوده ها المنكر بيدينج ؟؟!!!!!!

الشغاله: ماما هيه في يقووول انتي يشتري هازا بنتلون حق أنا .. واجد حلووو ماما واجد حلووو..

العيوز: كارلينوووو شووو بعد تلبسيلي شرات المرصرصات والمفصفصااات .. شرااات منو هاييج إلي

اتغني " حبيبي ابعد ونص وآااااخ وأووووص ؟؟؟؟

الشغاله: هييييه ماما هازي نانسي عقرم .. واااجد حلووووو صح ماما ؟؟؟؟

العيوز: غربلاااااتها .. أي حلا . لا.. لا .. ماتلبسين شراتها > واتصد صوب اللبنانيه: اخذيهن اميه فريهن

فـ الزباله .. لاتسمعين رمسة كارلينووو .. مافيه بعد اشوفها متفيرزه حذال هاييج أم عيون القطاوه .. يلااا

كارلينوووو .. طوفي يدامي اشوووف سود الله ويهج تبين اتلبسين ها المنكر واتهزين قصووورج بعد ..

"""" وراعية المحل شرات الاطرش فـ الزفه """"""""""

>>>وهم ظاهرين من المحل دعمها واحد هندي ظخم <<<<

العيوز: " وهيه تهمز ايدينها " : وععععععععععع.. اخ اخ اخ .. عنلااااتك زااااد ماتشوووف يدامك يا

الغوريلا؟؟؟

أي .. أي .. ايدي .. كارلينووو هاتيلي نعالي إلي انفر .. يبالي أخبقله عيوووناته يمكن خلاااف يشوووف

عدل .. آااي .. آاااي .. اخ .. آاااخ ..

الهندي: سوري ماما

العيوز: لا هب سوريه.. انا اماراتيه والنعم فيه بعد يألفلي جنسيه ..

الشغاله: شوي شوي ماما .. انتي يجلس إهنيه أنا في يروح يجيب نعال مال انتي ..

" وعقب مايلست العيوووز عـ الكرسي "

وحده: طيب.. حبيبي .. كم الرقم ؟؟

واحد: ------ 99399

وحده: طيب .. انا حجلس عـ الكرسي إلي هناك..

واحد: خلاص عيل سيري حبيبي يلسي مناك وانا بلحقج خلاف ..

.. ويت هاي البنيه ويلست حذال العيوز ..

العيوز: يااااللــــــــــــــــه بالستر.. انتي ماتستحين عـ ويهج ..

البنيه: ................................

العيوووز: شو ها الي لابستنه " واتيود طرف قميصها من صوب الكم " لايكووون ماسد الخياط القطعه ..

يلاااا يدامي أشوووف سيري لبسيلج مخور بدال ها المنكر الي لابستنه .. لابارك الله فيج ولا فـ أهلج الي

مكبريلج راسج وانتــــ ...............

واحد: يلاااا حبيبي محد يشوفنا بسرعه حياتي .. بسرعه ..

العيوز: حبتك ينيه زرقا قووول آااامين " ويودت الولد من أذونه " محد يشوفك هاه .. عيل نسيت انه الله

فوقك يشوفك .. انت الي شكلك توك طالع من البيضة معلمينك .. حبيبي وحياتي .. بطل أذونك ابوي سير

المسيد واقرالك كلمتين قرآاان بدااال الهياته فـ هاي الأماكن ..

>> واتصد صوب البنيه<< : وانتي روحي بيتكم ورقدي عدل وبالباجر سيري المدرسه واذا بغيتي

اتفصليلج ثياااب سيري عند خياااط عنده قطع وااايده تسترج ..

* وبعد دقيقتين وصلت الشغاله *..

العيوز: كارلينووو .. انتي وين سرتي .. تعالي خذيني مكان يبيعوون فيه ماي ريجي نشفت ..

الشغاله: ماما.. هازا مطعم واااجد حلووو .. في واجد نااااس أكيييد في حلووو ...

العيوز: يلاااا عيل طوفي يدامي انسير نيلس مناك .. ريولاتي اتكسرت ..

منو قدها العيوووز بتيلس فــــــ " Star @_@@_@@_@ "

شلة شباب ياسين عـ الطاوله الي حذال طاولة العيوووز وشغالتها ..

هزاع: آاااااخ .. قلبي لحقوا عـ قلبي وين يروووم يستحمل شوفة هاي الغرشوووب ..

سيف: لحظه.!!! وييين ماشوووف غراشيب اهنيه ...

حمدان: ليكوووون تطري.......................

هزاع: هيييه .. خلااااص أنا اول واحد فيكم ريتها .. سيفووووه ظهر مبايلك بسرعه صورها ... ها أحلى

بلوتوووث بيكووون ..

سيف: هههههههههههههههههههه... وبكتب تعلييق.. " غرشوووب رعبوووب "

هزاع: يلااا تعالوا وياي .. فـ بالي فكره عجيبه.

* عند الشغاله بعد ماطرشتها العيوووز تطلب ماااي *

الشغاله: يريد واحد ماي حق ماما كبييير واسنينه فرفرشينو<< فرابتشينو>> لووول

" عند العيوووز"

هزاع: مرحباااا ملاييـــــــــــن ولا يسدن بذمتيه اشحاااال غرااااشييييب بوظبي ؟؟

العيوز: المرحب باجي .. حياااك ابوي اقرب .. انت وربعك قربوا قربوا ..

سيف: خخخخخ شو تبا بعد استقبااال حاااار ...

هزاع: شو ميلس الغراشيب رواحهم اهنيه .. بغيتي شي الغاليه يعني رقم ولاااا.. -_^

العيوز: لا ابوي ماباه رقم الدكان .. شسوي طرشت كارلينوووو اتيييب لي ماي وللحين ماظوت ..

سيف: " بصوت واطي " : سمعتوا عدها بنيه .. خلااااص هاي أنا حاجزنها أكيـــد غاويه ..

هزاع: إلا ماخبرتينا شو الي ميلسنج فـــــ Star @_@@_@@_@

العيوز: لا لا ابوي ماعطييت حد طراااق وبكــــــــس .. أحينه الكل مستقوي علينا ..

حمدان: هههههههههههااااااااااااااااااي .. منوا ياب طاري الـ طراق والبكس أحينه ...

العيوز: شوفوا شوفوا الخياس إن ماعلمتهم الادب ..

" العيووز لمحت أجنبي ويا حبيبته " وسارت صوبهم ..

هزاع: شو بتسوي ؟؟!!!!!!

العيووز وهيه ميوده نعالها : فجها ااا... فجهاااااااا.. أقووولك فجهاااا .. يلي ماتستحي عـ ويهك لاصق فـ

الحرمه .. وانتي يالخايسه ماترومين اتصفعينه صفعتين اترقدينه فـ مكانه ...

هزاع + سيف + حمدان : ههههههههههههههههاااااااااااااااااااااااااااااااااا اااااااااااااااااااااااااااااااااااااااااااااااااي

الريال الاجنبي :

What a crazy woman

العيوز: هيه .. هيه.. اترادد بعد ×××××× ,,, ويودت نعالها الثاني عشان تفلعه .. لكن الريال وحبيبته

شردوا " خخخخخ "

هزاع: آاااي .. آاااي .. بطني ههههه والله ماروم هههههههههه بموووت

سيف: هزاعووووه .. أكيها العيوووز يايه انطم قبل لا اتكفخك انت الثاني ..

حمدان: ههههههه .. شو الغاليه فجيتيهم عن بعض ..

العيوز: غربلاااااتهم .. مادريبهم وين شردوا عني ..

" وأخيراً شرفت الشغاااله "

الشغاله: ماما .. هازا ماي مال انتي وهازا فرفرشينو بعد

سيف: ليكون هاي ××××××××××××××××

هزاع: ههههههههههههههههههههاااااااااااااااااااااي شووو .. غرشوبتي أحلى عن غرشوبتك -_^

حمدان: ماااااااالت.. عـ غراشيبكم كل وحده اتقووول انا اخسف عنج ..

العيووووووووز : يلاااا .. اميه كارنيلوووووو بنرد البيت ريولاتي اتعورني .. مادري شله الناس اتيه ها

المكان .. لافيه هوووووش ولا بوووووووووش ..

الشغاله : جين .. جين .. ماما

خخخخخخخخخخخخخخخخخخخخخخخخخخخخخ
انتظر الردود __DEFINE_LIKE_SHARE__

فطوم المزيونة · 07-29-2008, 11:04 PM

هههههههههههههههههههههههههههههههههه
حليلها العيووز

يسلموووووووو عالطرح __DEFINE_LIKE_SHARE__

¤§][ أميرة بأحلامها ][§¤ · 07-29-2008, 11:33 PM

العيووز وهيه ميوده نعالها : فجها ااا... فجهاااااااا.. أقووولك فجهاااا .. يلي ماتستحي عـ ويهك لاصق فـ

الحرمه .. وانتي يالخايسه ماترومين اتصفعينه صفعتين اترقدينه فـ مكانه ...
هزاع + سيف + حمدان : ههههههههههههههههاااااااااااااااااااااااااااااااااا اااااااااااااااااااااااااااااااااااااااااااااااااي

ههههههههههههههههههههههههههههههههههه
ههههههههههههههههههههههههههههههههههههههههه
هههههههههههههههههههههههههههههههههههههههههههه

ما يستاهلون والله اللي ياهم ههههههههههههههه

تسلمين ختيه ع الطرح
ولا تحرمينا من كل يديد من صوبج __DEFINE_LIKE_SHARE__

*نظره مني تسدك* · 07-30-2008, 12:18 AM

هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههههه

وااااااااااااااااااااااااااااااااااااااااااااايه بمووووووووووت من الضحك هههههههههههههههههههههههههه

سلمتي الغلا ع الطررررررح الطر الطررررررريشن..

هههههههههههههههههههههههههههههههههههههههههههههههههه ههههههههه __DEFINE_LIKE_SHARE__

! غرشوووبة بوظبي ! · 07-30-2008, 12:29 AM

السموحة منج مكرر...
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
مره وحده من العيايز روحت " المول " ويا شغالتها	مزيون بكلمتي	قصص و روايات	19	09-13-2012 09:10 PM
"""""""""""""""""""""""""""فساتين زفاف راقية ومميزة """"""""""&am	محروم.كوم	منتدى أخبار المواقع والمنتديات العربية والأجنبية	0	07-13-2010 12:00 AM
"دويتشه بنك": "إعمار" و"الدار" و"الخليج الأول" و"الموانئ" شركات واعدة	محروم.كوم	منتدى أخبار المواقع والمنتديات العربية والأجنبية	0	04-22-2010 09:30 AM
قرارات "إدارة ألبا" تتعارض مع رؤية 2030... وهي "تصفية" للكوادر البحرين	محروم.كوم	منتدى أخبار المواقع والمنتديات العربية والأجنبية	0	02-11-2010 01:40 AM
"سيتي" يصدر تصنيفات إيجابية لـ "إعمار" و"الدار" و"العربية" و"الخليج الأول"	محروم.كوم	منتدى أخبار المواقع والمنتديات العربية والأجنبية	0	09-29-2009 01:20 PM