| ||||||
| المواضيع المكرره المواضيع التي تم طرحها سابقاً |
| | LinkBack | أدوات الموضوع | انواع عرض الموضوع |
|
#1
07-18-2008, 07:48 PM
| |||
| |||
| بسم الله الرحمن الرحيم السلامــ عليكمــ والرحمهــ هذي أول قصهــ منـ تأليفي حبيت اني احطهاا عندكم واليوم بنزل لكم بارتيين و اذا عيبتكم كل يوم بنزل بارت.., واتمنى ان القصه تناال على رضى اليمييع.... القصه بعنوان:محدن درى اني جريح ومن الالم ما استريح للكاتبه: ؟محدن درابي؟ اتمنى اني القى الردود اللي تشجعني على تكمله القصه >>ارجوووا تثبييت القصه<< البااااااااااااارت الاول محدن درى اني جريح ومن الالم ما استريح عايش انا مثل الغريب لالي صديج ولا حبيب العوائل حميد محمد حسن(بو منصور) منصور 23 نهيان وروضه توم 21 ساره 20 وهي محييره لحمدان ولد عمها عويش 19 شما18 العنود 17 بو حميد يدهم ابو ابوهم ** حسن محمد حسن(بو حمدان) حمدان 23 وهو ربيع منصور الروح بروح وامه قالت له بنحير لك روضه لكنه ماطاع ولا روضه طاعت عشان جذا حييروا ساره ذياب22 ربيع نهيان فطيم 21 سنه عبد الله 20 نوره18 خلود12 حامد محمد حسن(بو خالد) خالد 24 متزوج وماخذ بنت خالته مريم 22 وعنده ولد صلوح وعمره 5 سنوات و بنته هند وعمرها سنتين)) سلطان21 حصه 19 زايد18 ميثاء 12 ** حمده محمد حسن(ام سعيد) ريلها:سيف(بو سعيد) سعيد 25 ناصر 23 عادل22 سهيل 21 علياء 20 شيخه 19 سعود 18 ** ** وهذي هي العوائل وباقي العوائل ان شاء الله بتتعرفون عليها بالقصه وقوم بو منصور كملوا سنه وهم في بيتهم اليديد في دبي وهم قبل كانو في سويحان واخوانه وخواته بعد كلهم في سويحان وبيوتهم كانت عند بعض بس قوم بو منصور وقوم بو خالد انتقلوا ويو دبي وقوم بو حمدان وبو سعيد في السويحان في دبي وتحديدا فبيت بو منصور ياشوق الايام تجبل بي وتجفي بـي..وانا على سرجها تحطـم اعصابـي اسرح مع الفجر والا الليل يسري بي..وانجومها الساهرة تسهر على بابي تتوحد هموم فكري لاجـل تعذيبـي..واصدها بالصبـر واتنـوخ رجابـي في غابة موحشـة محـد يدريبـي..وحوشها ضارية وتضحك بالانيـاب ساره وروضه يسولفن وعويش مندمجه في الفلم الاجنبي ساره:رويض شو بتلبسين حق عزيمه باجر روضه:قلت يمكن البس الخوارالفوشي وانتي ساره:هيه حلو عليج انا قلت لازم البس شي غير اليوم لون هب لابسته قبل قلت بلبس تركوازي روضه:اووف يا الويهه التركواز يليق عليج وما يليق عليه ساره:مالت عليج يوم لبستي ذاج الخوار التركواز والله حصوه ماتت من القهر معني ماعرف شو سبب غيارته منج وكنج بتاخذين نهيان منها روضه:ياخي هذي تغار لاني انا وااايد ويا نهيان هذي خبله ولا شو هذا اخوي ولا بعد تؤم روحي كيف تباني ما كون وياه ساره:ههه ماعليج من الخبله المهم انا ملانه وابي اظهر وفجأة تنط عويش عويش:والله حتى انا اريد اظهر روضه:بسم الله انتي توج ويا الفليم والحين نطيتي عويش:ههه اصلا اذوني عندكن روضه:هههه انزين انزين بشوف نهيان اذا بظهرنا نهيان وهو توه داخل الصاله نهيان:بلاكن تطروني تعبت من كثر ما اكح ((كح ..كح)اونه يكح روضه:ههههه سلااامتك الغالي بس ملينا ونريد نظهر والله مليت من شيفة سارو دخييلك ساره:هيه هيه الحين شفتي الغالي الحبيب التوم واللي .....واللي ..ونحن تكنسلنا هيه نهيان:ههههههه حليلكن والله انزين وين تبن تسرحن ساره:المول عويش:هيه هيه فدييييتك نهيان:اي مول روضه:انت الحين تبانا نعور قلوبنا ونقول وين نبا نروح واخر شي بتقول لا نهيان:افا افا انا؟؟ ساره:حرااام دخييلك الامارات مول نهيان:اوكي بس خلوني ارتاح شوي وراح يلس فوسطهن روضه:لا والله قوم قوم مالي غنى عن سارونتي حبيبتي ساره:فديييييت روحج انا نهيان:اوكي بنشوف منو بوديكم المول ساره وروضه وعويش:لا لا فديتك حبيبي الغالي .. وماخلو كلمه حلوه وما قالوها نهيان: بل بل بس بس خلاص الا ومنصور يدخل منصور:هههههههههه مصلحه روضه:ضحكت بلا ضروس اسكت خلنا نقردن هههههه نهيان:ههههههه يلا يلا تلبسوو واذا ما شفتكم قبل 10 دقايق ترااني ظااهر وتمن يتراابعن منصور :ويين بها نهيان:المول شوي نتمشى ونغازل روضه وهي عند الدري:ليش منو راح يسمح لك انك تغازل نهيان:ههه انا بسمح لنفسي منصور:هههههه يلا انا بروح نهيان:الله وياك وراح منصور ويلس نهيان دقيقتين في الصاله وبعدين قال بيروح يترياهم في السياره واول ما ظهر شاف امه وابوه ويده في الحديقه لكنهم ما شافوه لانهم معطين ظهورهم لباب الصاله وهو رايح سمع رمسه ماحب انه يدخل لكن الفضول خلاه يوقف ويسمع بو منصور:انا اليوم بقول لــــهم ام منصور:دخييلك هب اليوم خلها بعد اسبوع بو حميد:يا ولدي لاتستعييل بو منصور :شعنه ام منصور: يعني نتايج الجامعه ما ظهرت خلها تظهر وبعدين سوو اللي تبا بو حميد:حرااام هم بنصدمون من الرمسه الي بتقولها بو منصور:بس جذا ولا جذا نهيان وروضه بعرفون ام منصور:انت ما تخاف من رده فلعهم بو منصور:بيصيحون وبعدين بهدون ام منصور :الصراحه انا وايد خايفه على نهيان وروضه بو حميد:فديييتج حتى نحن بو منصور:بس اللي نسويه حرام وانتو تدرين ان روضه ونهيان هب خوان فرضاعه لو كان اخوان فرضاعه كان اهون ام منصور:شو تباني اسوي يوم الدكتور منعني اني ارضعهم لاني تعبانه وهب زين لي بو منصور:انا يمكن افاتحهم بالمووضوع اليوم ام منصور:والله حرام عليك بو منصور:انتي تدرين ان غلات نهيان عندي اكبر من غلات منصور ولدي وبجري ام منصور:والله ادري ادري بو منصور وهي يشوف السما: وينك يا ناصر تعال شوف شو صار بي من بعدك خليتني محتار ومادري شو اسوي بالدنيا ام منصور:لو ناصر موجود كان نهيان هب موجود ((نهيان وهو هب مصدق اللي يسمعه:شو السالفه شو صاير ومعقوله روضه تعرف وماقالت لي لالا ماظن لان مايه قالت شو رده فعلها لو عرفت يا ربي ومنو ناصر هذا ووينه وليش اذا هو موجود انا هب موجود اااااه كل اهلاسئله ماعندي لهن جواب استغفر الله انا شو يالس اسوي اتصنت على امي وابوي استغفر الله الله يلعن الشيطان وسوالفه)) وراح نهيان داخل وهو فصدمه ولا يعرف كيف يظهر منها واول مادخل الصاله لقا روضه وساره وعويش روضه:وينك انت وليش ناسي تلفونك نحن قلنا يمكن سويتها ورحت نهيان:ها...........لا لا ليش ساره:نسيت انت قلت بتودينا المول نهيان:ها...انا ... هيه هيه يلا انزين روضه:نهيان فيك شي تعبان اذا تعبان ما بنسير خلاص نهيان: لا لا ما فيا شي يلا عن لا اهون ساره وروضه وعويش:يلا واول ما طلعو راحو الحديقه نهيان:مرحباااااا بو منصور:المرحب باجي الغالي وراح باس راس امه وابوه ويده وروضه وساره وعويش نفس الشي وام منصور تشوف بو منصور وكنها تقوله كيف بتقول لهم وهم جذا يحترمونك بو منصور:شكلكم ظاهرين ساره:ملانين وقلنا نظهر شوي بو منصور:يعني عندكم وقت شوي لاني اباكم بسالفه نهيان:اكيد وسكت بو منصور وتم نهيان يمرر نظراته بين ابوه وامه بو منصور :السالفه انه....... بو حميد:خلاص انتو اسرحوا الحين وخلاف يوم بتظوون بيقول لكم نهيان:لا عادي قول ابوي قول بو منصور:السال.... وتقاطعه ام منصور:خلاص عاد انتو روحو استانسو روحو روضه:براحتكم نهيان:يلا عيل وراحو ام منصور:شفيك كيف قلبك يطاوعك انك تفرق نهيان من روضه تخبلت انت بو منصور:قلت لج فنهايه بعرفون وبصير اللي يصير وقام بو منصور وهو معصب ام منصور:لا حول ولا قوه الا بالله بو حميد:الله يهديييه في السياره نهيان بعده ما تحرك وهو كان دافن راسه بالسكان ويفكر بالسالفه وخواته مستغربين روضه:نهيان اذا بك شي ما بنسير عادي نهيان:ها...لالا.ماشي ساره:اذا تعبان قول نهيان:لا لا ماشي وتحرك وعند منصور حمدان:ااااااااااه ملل منصور:والله انك ما تستحي تقول ملل وانا وياك حمدان:اقول شخبار اختك منصور يعرف انه يقصد ساره بس حب انه يستهبل منصور:روضه تمام حمدان:منصور لا تستهبل انزين قوول شخبارها منصور:هههه هيه قصدك ساااره حمدان:اوونك توك تدري المهم شو الاخبار منصور:حليلها والله الله يعينها حمدان بخوف:ليش شصاير منصور:ااااااااه حمدان:انت بتتكلم ولا شو منصور :اليوم تعبت ووديناها المستشفى حرارتها وصلت 40 حمدان:شوووووو منصور:الله يعينها فدييتها والله حمدان:الحين الحين تتصل بها منصور:نعم حمدان:بلا نعم بلا بطييخ ويلا اتصل بها حمدان:اووف انزين انزين واتصل ساره وهي بسياره:هلا بشيخ منصور منصور:اهلين حياتي ساره:غرييبه متصل شفيك منصور:لا فديتج بس.... ما خلاه حمدان يمكل لانه سحب التلفون حمدان:هلا والله هلا وغلا ساره واونها مستحيه:اهلين حمدان:فديييت اللي يستحون منصور:حوووو انا اخوها طاع هذا والله اني غبي قوم قوم وسحب التلفون منصور:هذا الحين اونه يبا يطمن عليج جذي يرمس والله ما اعطيك التلفون دام هذي رمستك ساره:منصور حرام عليك منصور:لا بعد الاخت ما ترضى ساره:اووف يا الويه انا الغبيه اللي راده عليك يلا باي وصكرت بويهه منصور سكت حمدان :بلاك منصور: الخامه صكرت بويهي حمدان:هههههههههههههااااااااااااايييي منصور:جب والله اداويك اذا خليتك بس تشوفها او تسلم عليها هذا ويهي حمدان:والله بشوفها غصبن عنك انزين منصور:جاااب واصلا انا جذبت علييك لاهي بتعبانه ولا هي بمحمومه حمدان:صدق انك سباااااال منصور:لا تسب منصور:كيفي بسب كييفي ياخي ولد عمي وانا حر منصور :هااااااااااي حمدان:اااييه لف لف انا تعباان وريدي ارجع البيت منصور:شوو يلا يلا انا ملاان وماالي غيرك حمدان:اقوولك لف منصور:خوزز خوووز ما بلف حمدان:اووف لف يااخي منصور:اووف برااحتك ولف منصور وراح بيت عمه حمدان:يلاا مع السلامه منصور:سلم سلم حمدان:يبلغ بيت بو حمدان 7 المغرب ودي تشوف الهم وشلون ســـوّى= بحـال من حبك على غيـر مصلــــوح جرحتنـي جـرحٍ جديـدٍ تلـــــوى= على خفـوقٍ منـك بالحيـل مـجــروح سويت فينـي شئ مـا ينتســوى= وأقـول يا سيــد المماليــح مسمــوح ليتـــك بـزلاتـك عـليّـه تـــــروى= يـوم أن حبي لـك مـن الـروح للـروح أن كان حبـل وصالنـا ما تقــــوّى= فالله يعين عيون سامر عـلى النوح لا يا بعـد من جابـوا آدم وحـــوى=خطاك مهما صـار منسي ومدمــوح دخل حمدان وشاف عبدالله اخوه وفطيم اخته بصاله وراح قعد وياهم عبدالله:مررررررحب بالغااليين حمدان:والله انك فاضي تدري فطيم:حمدان بسم الله عليك شفيك حمدان:ما فيا شي بس ارييد اقفط عبوود عبدالله:جب جب اوونك تبي ترد لي الحركه هههههااااي فطيم:الحمد لله والشكر حمدان:شايفه خباايل يداامج فطيم:الله يكرم الخباايل عبود شل المخده وفرها على فطيم فطيم:والله انك سباال وشلت المخده وفرته عليه حمدان:الحمد لله والشكر الكل:هههههههه وعقب الكل سكت عبد الله:اقول فطيم وينها نورو فطيم:راقده حمدان:هب من عواايده تقرد هالحزه عبدالله:قوم قوم نغلس عليها شوي حمدان:حرام حرام يمكن تعبانه خلها بحالها حمدان:انا تعباان وبسير ارتااح يلا مع السلامه فطيم وعبود:مع السلااامه وراح حمدان غرفته ورقد المول روضه:تعالي سارو ندخل زارا ساره:يلا ودخلو واشتروا لهم بدله وهم يتمشون نهيان:اقول انتو ليش ما يبتو شمو وياكم روضه:كانت راقده حليلها تعبانه شوي ساره:المهم خلونا نسير الاسكي روضه:والاغراض نهيان:واصلا منو قال لكم اني بخليكن تدخلن الاسكي ساره:حرام عليك بس بنتمشى وبنظهر نهيان:السموحه يلا يلا واايد عطيتكن ويه عويش: حراام شوي بس نهيان:سووووووري ماروم يلا يلا رويض:شوي شوي نهيان اونه معصب:قلت لا ساره بهمس:والله قهر روضه:جب عن لا يسمعج عويش:اووف نهيان:شصاير يلا اعترفن روضه:سلامتك الغالي نهيان:عيل يلا نظهر بسرعه ترى مواعد ساره:اعترف منو حبيبة القلب روضه:دخييلج انا اخر مره ايي ويا نهيان المول نهيان:افا روضه:والله صدق من حلاتك البنات ما كلينك بعيونهن علهن العما نهيان:هههههههه خلينهن ياخي براحتهن عويش:هذي وحده ها يت روضه:والله جان بنت امها وابوها ترقمك يدامنا نهيان:تبونها ترقم افا عليكن روضه:والله والله ان عطيت وحده منهن ويهه صدقني مارمسك نهيان:بل بل هب اختي حرمتي روضه:هيه حرمتك نهيان :اتمنى اتمنى ما تكونين اختي روضه شهقت:نهيان نهيان:صدق والله كنت بخطبج ساره:احم احم مالنا في الطيب نصيب نهيان:فديييتكن يلا سرينا روضه:اتحرا بعد ما يباني اكون اخته عويش:اقول هب كنهم هذيل سهيل وذياب نهيان:هيه خلكن هني بروح لهم وراح نهيان لهم وتوايه وياهم ذياب:ها تغازل سهيل:ماشاء الله ثلاث طرش وحده صوبنا نهيان:عنلاتكم هذيل الاهل روضه اختي وسارو وعويش سهيل:لالا بعيد بعيييد دخيلك مالنا خص بالمشااكل نهيان:ههه اكيد قصدك حمدان خطيب سارو ههههه ذياب:هيه والله ما يرضى عليها يا حيييها نهيان:ههه سهيل:قوم قوم نسلم عليهن وراحو ذياب وسهيل ونهيان عندهن ذياب:السلاام عليكم بنات العم ساره وروضه وعويش:وعليك السلام والرحمه سهيل:شحالكن روضه:والله تمام يسرك حالنا ساره:وانتو اخباركم سهيل:حالنا من حال الدنيا ذياب:روضه شحالج روضه:تمام والله وانت ذياب:الحمدلله وانتي ساره وعويش شحالكن ربكن بخير عويش وساره:الحمد لله سهييل:بل بل اسلم على وحده وحده متفييج تراك نهيان:اونه محترم هههههه ذياب:غصبن عنك وعنه يلا يلا اجلب ويهك وفكنا نهيان: هههه انزين اتمشوا هني لي ما اودهن وافرهن البيت وارجع سهيل:اوكي بترياك في الباركينات نهيان:اوكي يلا روضه وساره وعويش :يلا مع السلامه روضه:سلمو ذياب وسهيل:يبلغ مع السلامه وراح نهيان عشان ينزلهن ويرجع (((مواصفات نهيان انه طويل شوي وجسمه عريض وشعره لين عيونه واسوود وناعم وعيونه سوود سواد الليل عجيييييبه وكباار و وساااع و الكل يتخبل عليه وبياضه هب طبيعي وخشمه حد سيف وجماله يجذب))) (((وروضه طولها عادي وحلو وجسمهامرتب وهب متينه يعني ضعيفه وبياضها هب طبيعي وشعرها شوي شبر واحد فوق الركب وماشاء الله ناعم وسواده سواد الليل وعيونها نفس نهيان خشمها حد السيف جمالها جذااب)) (((وساره حلوه وبياضها حلو وطولها من طول روضه وعيونها سودة وشويه كباار شعرهااا ناعم والين اااخر ظهرها وطوويل واسود جمالها يخبل)) (((وعويش وحده حلوه وطولها حلو نفس طول ساره وروضه وبيظه وخشمها حد السيف وشعرها نفس ساره وعيونها نفس ساره والكل يقول انها شوي تشبه ساره بس هي احلى من ساره وجمالها حلوو ))) ((ومنصور حلوو ما شاء الله عليه وابيض وايد وعيونه نفس عيون ساره وشعره لين حياته وناعم واسود وخمشه سيييف وجمالها يجذب الشخص))) ((وشما ما شاء الله عليها حلوه واايد وعيونهها سوود وكباار وشعرها شوي اقصر من ساره وخشمها حد السيف)) ((والعنود حلوه وعيووونها وسااع وسوود وشعرها طوييل واسووود وخشمها حد السيف وجمالها يجذب الواحد )) طبعن اللي يشوفهم يتخبل عليهم من اول مره وااااااااااااااايد اووصف صح ههههه لوول نرجع لقصتنا ^^ ** بيت بو منصور الفليل 9:00 آهات من طول العنا طاولتني=ونفسي من الفرقا وحالي صخيفه جارت علي من الفراق وقصتني=غزت ولكن مانوت بالنكيفه روضه:دير بالك على روحك انزين وهالله هالله فطريج نهيان: من عنوني ياعنوني روضه:تسلم عيونك الغالي ونزلت وراحت داخل ساره:اااه تعب اقول الساعه كم الحين روضه:الساعه 8 يلا نسير انصلي العشاء والمغرب ساره:يلا وهم ساييرين فوق ساره:اقول روضه روضه:هلا ساره:اذا خطبج ذياب او سهيل بتوافقين روضه:مادري بس ماظن احسهم مثل اخواني عويش بخبث:اخواانج روضه:حووو اعقلي ساره:لا لا صدق ااذا خطبج سهيل ولا فجأه تظهر لهن العنود من فوق الدري العنود:اسمع اسم سهيل شفيه شفيه روضه:ههههههههههه ها يتج العاشقه ولهانه ساره:هههه تدرين شفيه شوقج العنود:ها شو فيه عويش:ساره تقول لروضوه لو خطبها سهيل بتوافق العنود:شوووووووووووووووو؟؟؟.. روضه:ههههههههههه وانا قلت لها ان موافقه بلا شك فديييته العنود:ااااااااايييه لا تتدفدين لا اذبحج الحين الكل:هههههههههه روضه:اااييه والله احسبه شراات اخوي العنود:هيييه اتحرى بعد عويش:وين شمو العنود:رااقده روضه:بسكن هذربان ونشن صلن وراحن اتووضن وصلن العشى والمغرب ** غرفه روضه ساره:شو تتوقعين السالفه اللي يبيج ابوي فيها عويش:خااااااااااااااطري اعرف تدرون روضه:والله مادري بس متحرقصه ابي اعرف ساره:اللي ذابحني انه السالفه تخصج انتي ونهيان يعني شي عوود روضه:سارو لا تخوفيني فدييت نهيان ما به شي واذا شي كان قالي ساره:تعااالو وين شمو اليوم مووول ما شفتها عويش:فدييتها تعبانه شوي وراقده روضه:هيييييييه ساره: المهم قومو ننزل يمكن نهيان ياي وابوي بقول السالفه الحين روضه:يلا قومي وراحو تحت واول ما وصلو عند الدري انصدموا من اللي شافوه ؟؟؟ ؟؟؟ شو هو الشي اللي خالاهم ينصدمون؟؟ وشو هي السالفه يبا يقوله بو منصور لروضه ونهيان؟؟ ومنو هذا ناصر اللي رمس عنه بو منصور ؟؟ انتظروووا الجدييييييد؟ نهااااايه الباااااااارت الاول *** __DEFINE_LIKE_SHARE__ التعديل الأخير تم بواسطة محدن درابي ; 07-18-2008 الساعة 07:51 PM. |
|
07-18-2008, 07:55 PM
| رقم المشاركة : [ 2 ] |
| عضو جديد  |  البااااااااااااارت الثاني يا نهيان كيف اختفى صوتك عقب ما انت تسجع الونه والمزامل قامت اتفوتـك والهوى تركتـه وفنـه كنت لول تلعي ابصوتـك في طرب والود هاونـه خايف ان السعد انا يفوتك والزهر ما تخضعه فنـه غرفه روضه ساره:شو تتوقعين السالفه اللي يبيج ابوي فيها عويش:خااااااطري اعرف روضه:والله مادري بس متحرقصه ابي اعرف ساره:اللي ذابحني انه السالفه تخصج انتي ونهيان يعني شي عوود روضه:سارو لا تخوفيني فدييت نهيان ما به شي واذا شي كان قالي ساره:مادري بس قومي ننزل يمكن نهيان ياي وابوي بقول السالفه الحين روضه:يلا قومي وراحو تحت واول ما وصلو عند الدري انصدموا من اللي شافوه روضه تصنمت وقلبها تقطع من المشهد اللي شافته ((نهيان يصيح لا مستحيل وليش شو صاير نهيان شفيك)) وراحت عنده روضه:نهيان شفيك ارمس قول نهيان وهو ويهه مغطى بالدموع وعلامات الاستغراب اللي على الويهه وتم يشاهق روضه:ارمس قوول شوصاير فيك شي انا اختك حبيبتك قوول دخيلك وتمت تصيح وياه بو حميد ساكت لانه عرف ان هذا كله راح يصير وهو كان عارف بسالفه نهيان من قبل بو منصور:روضه هدي لا تسوين بعمرج جذا دخييلكم لا تحسسوني بذنب نهيان:مانحسسك بالذنب وخليتني اتعلق بها طول هالسنين والحين تباها تفارقني ام منصور:دخييلك يا نهيان لا تسو بعمرك جذا منصور:انا بعدي هب مستوعب من اللي سمعته ساره:وشو اللي سمعته قول عويش:منصور قووول لا تم ساكت العنود:دخيييلك ريحنا وقوول نهيان وهو يصرخ:انتو هب اخواني وروضه هب اختي روضه وهي تشاهق وتتنفس بصعوبه:لا ........ل...ا..مستحيل كيف شما:كيف هب اخونا بو منصور:امج كانت حامل فيج وبعد ما ربت في المستشفى قال لنا الدكتور ان في ياهل جريب من عمر روضه وقال انه امه يابته وماتت وابوه من زمان ميت وما عنده اهل وقال اتبنووه قلت اوكي عادي وانا واافقت لان ابوووك كان ربيعي الروح بالروح وهو قبل لا يمووت وصاني عليك وعلى امك وانا تبنيت نهيان على الاساس انه اخوج التوم لكنه اكبر منج بشهرين وانصدمت روضه ومن الصدمه ماتروم ترمس وتمت تشاهق والكل كان خايف عليها ساره واقفه عندها:روضه روضه بسم الله عليج شفيج روضه بصوت متقطع:ن...نن..نهيان وطلع نهيان وهو ميت من القهر وركب سيارته وراح مسرع وعلى طول طاحت روضه واغمى عليها وشلوها بسرعه وودوها المسستشفى ودخلوها العنايه والكل كان يصيح عليها كلهم عند باب غرفه يتريون الدكتور يظهر ام منصور:كله منك اذا صار بالبنيه شاي كله منك منصور:امايه هدي ان شاء الله ما بها شي ولا تمين تقولين جذا بو حميد:انزين ان شاء الله ما بها شر بو منصور :خلاص خلاص وطلع الدكتور وراح منصور وابوه عنده منصور:شفيها دكتور الدكتور:انهيار عصبي شديد ودخلها بغيبوبه ام منصور وهي تصيح:البنت دخلت بغيبوبه والولد ماندري عن هوى داره ساره وهي تصخر:لـــــــــــــــــــــــــــــــــــــــيــــ ـش يا بوي لييييش عويش:روو...ضه رووووضه لا لاااااااااااااااا بو منصور:بس خلاص وان شاء الله ما بها شي ساره:كيف ما بها شي وهي بغيبوبه يااااااااااااااارب يا رب ساعدها شما:فدييييتها الله يشفيها مستحييل ارد البيت وهي هب موجوده العنود:يدي انت ليش ما قلت لنا من قبل بو حميد:والله ابوكم ما طاع ** على البحر الهادي محدن درى اني جريح ومن الالم ما استريح عايش انا مثل الغريب لا لي صديج ولا حبيب اشكي لمن حالي صعب ليالي العمر قعدت اصيح امشي وانا خايف اطيح عايش انا قلبي صويب ظاع الامل وظاع الحبيب اشكي ولا القى مجيب نهيان:ااااااااااااه ليش ليش انا ااااااااه اثييرك يا ناصر ظهرت ابوي وانا مادري ليتك انت الحين ينبي كان ما صار اللي صار ليش ليش استغفر الله يا رب ساعدني يا رب هذي الدنيا ليتني ماتعلقت بج لهذي الدرجه كان بيكون فرقاج سهل شوي والله ما هقيت ان السعاده خيالن فخيال الله وعلم الحين شصار بها اتمنى انها تكون بخير ومافيها الا العافيه اااااااه يا روضه ما اتخييل حياتي بدوونج والله ما اتخييل دقات قلبي من عناي اعبثت بــي= تــزود بيــن الثانيـــة و الدقيقــــة راحت بي أفكاري بعيدٍ وجــت بـي= وأهداب عينـي في دموعـي غريقــة أكتـب وتقرأ ريشـة العــود كتبــي= شعري سلس ينساب على السليقـة مشاعري يا شوق يمّك جرت بــي= من مرهـف إحساسي بيوتٍ رقيقـة أحنّ وأشواق الغــرام اعصفت بــي= وقلبـي فراقـك ساعـةٍ ما يطيقــه محبتك يا روح روحي سطـت بـي= والدمـع في عيني من أجلك غريقــه ويلس نهيان وهو يفكر شو يسوي بعدين قرر انه يسير وياخذله سويت في وحده من الفنادق وراح ** ** المستشفى من البارحه يا ناس عايش في غيبوبه من صدمتي لليوم مب قادر اتكلم صدق الخبر لي شاعه والكل سمعو به وانا الين الحين كني بعد احلم الكل راح البيت لان الدكتور قال لهم وجودهم ماشي فايده لانها ماراح ترمس ولا راح تقوم بيت بو حمدان طفت المداين كلها في شمسها في ظلها ياحبيبي مالك اثر والخبر نفس الخبر اشتكي لوسادتي ويشتكي لي موجعي على خدودي دمعتي حزين بعدك مسمعي ام حمدان:لا اله الا الله بوحمدان:الله يعينهم عبدالله:شصاير ام حمدان:روضه بنت عمك دخلت بغيبوبه فطيم:غيبوبه مره وحده فطيم كانت واااااايد متعلقه بروضه وساره عويش وهم كانو وايد ويا بعض وعلياء بنت عمتهم بعد وياهم عبدالله:ليش شو السالفه وقال بو حمدان السالفه لعياله حمدان وهو توه داخل البيت:ااااه ما لقيته ذياب:حتى اناا اوووف عبدالله:اذا هو هب ولد عمي عيل ولد من بو حمدان:ولد ناصر ربيع بو منصور الروح بروح وهو كان موصنه على ولده وحرمته الله يرحمهم حمدان:ويعينيهم فطيم تمت تصيح وربعت لحجرتها وهي هب مصدقه بو حمدان:لازم اتصل لبو خالد وبو سعيد اقول لهم واتصل بهم والكل انصدم عبدالله:ونهيان وينه الحين بو حمدان:تكفى حمدان شل منصور ولد عمك وروحو دورو عليه لانه ظهر من البيت وامه تحاتيه حمدان:ان شاء الله عبود شل سيارتك وروح دوره عبد الله: ان شاء الله وظهرو ا يدورونه وظهر ذياب وسهيل بعد سهيل يتصل لحمدان حمدان:ها لقيتوه سهيل:لا وانتو حمدان وهو يتنهد:لا سهيل:خلاص عيل يوم بتلقونه اتصلو حمداان:ان شاءء الله وصكر من عنده منصور:يا ربي وين راح الكل يحاتيه حمدان:اخر شي توقعته هالشي منصور:وحتى نحن حمدان:انت ما كنت تدري منصور:لا يا ربي وينه حمدان:الحيين الساعه 1 برجعك البيت وباجر بنكمل اوكي منصور:اوكي وراح كل واحد لبيته ** بيت بو خالد يا سنين عمري كفاية حزن يا سنيني خلاص راح الذي يستاهل أحزانك لـّمـي جروحك وكفي الدمع يا عيني ردي لزهرة حياتي باقي ألوانك خالد:يا ربي محد لقاه للحين حصه مييته من الخوف لانها تموووت في شي اسمه نهيان وكانت تكره شي اسمه روضه لانها وايد وياه وكانت مستانسه لان روضه بالمستشفى لكنها خايفه على نهيان وشخصيه حصه انها وحده انانيه ما تحب غير نفسها بو خالد:انزين وبنت عمك روضه شو صابها خالد:دخلت بغيبوبه ام خالد:لاا حول ولا قوه الا بالله بو خالد:الله يعينهم والله يقومها بالسلامه حصه:انتو شو ما تحسون بدل ما تفكرون بنهيان يالسين يتفكرون بروضه خالد:حصوه قري مكانج احسن لج وانتي تدرين ان نهيان ما صايبنه اي شي اكيد مرتاح فمكان وبعد كمن يوم بظهر بس روضه طايحه والله وعلم تموت ولا تعيش سكتت حصه ميثاء:يعني روضه بتستوي زينه خالد:ان شاء الله ان شاء الله ** ** بيت بو سعيد 2:30 الفليل إذا ماقلت لك مشتاق نطق لحساس و تكلم و حل الشوق في قلبي حبيبي من توادعنا تنور دنيتي ف قربك و في غيبتك هي تظلم و عيا الوقت والاقدار أشوف إنها تباعدنا غرفه علياء علياء ذابحه روحها من الصياح وقاعده ترمس ساره بنت خالها بالتلفون ***** علياء:ساروا دخييلج قولي لي ان اللي سمعته جذب ساره وهي تصيح:لللاسف هب جذب صدق صدق علياء:فدييتها عله فيني ولا فيها ساره:لا تقولين جذا ان شاء الله بتقوم بالسلامه وتييلس تسولف ويانا علياء:ان شاء الله ساره:والله اني محتاره مادري اخاف على روضه ولا على نهيان اللي ظهر ولا ندري وينه و لا على امايه الللي حالتها لله علياء:هدي هدي ان شاء الله كل شي اوكي والحين بخلييج بسير اشوف اخواني يمكن حصلو نهيان ساره:ان شاء الله يلا مع اللسلامه علياء:مع السلامه ونزلت علياء لقتهم كلهم تحت علياء:بشرو لقيتوه سهيل:لا علياء:و روضه شو صابها سعيد:بعدها على حالتها وتمت تصيح ناصر:لا تصيحين ان شاء الله بتقوم بسلامه ونهيان برجع البيت علياء وهي تصارخ:روضه راااااااااحت راحت عادل:منو قالج هي بس فغيبوبه وان شاء الله بتقوم شيخه:ان شاء الله يلست شيخه تهدي فختها سعيد:والله اني دورته بكل مكان بس ما لقيته بو سعيد:كيف كان بو منصور ساكت طول هالسننين والحين يخبرهم اكييد انها صدمه وصدمه عودا علياء:دخييلكم باجر ودوني عندها دخييلكم عادل:انزين انزين انا بوديج بس هدي الحين وتم سهيل يحاول انه يتصل بنهيان لكنه مغلق وفأجا رن تم يرن ويرن الين ما رد سهيل:نهيان انت وين الكل يحاتيك نهيان بصوت متقطع:سهيل ان...ااا..اانا تعبااان سهيل:نهيان شفيك قول نهيان:تعب...ان سهيل:انزين انت وين بييك الحين نيهان:فدووست دبي سهيل:خلاص خلك هناك والحين بييك نهيان:باي سهيل:باي صكر وعلى طول ركض سهيل وركب سيارته وراح الفندق وسال عن الغرفه مالت نهيان وقالوله وراح له ودق الباب نهيان اول ما فتح الباب طاح يدام سهيل سهيل:نهيان نهيان شفيك نهيان بصوت متقطع:خ....خذت 7... حبات منوم سهيل:شوووووووووو غبي انت لـــــــــــــــيش نهيان:مار.......م...ماروم اعيش بدون روضه وقلت ...ابي اموت سهيل:انت ليش جذي غبي نهيان:ودني عند روضه دخييييييييييييييييييييييلك سهيل:بووديك اوكي اوكي يلا قوم وياي وشل سهيل نهيان وركبه سيارته ووداه المستشفى عند باب المستشفى نهيان كان مغمى عليه فطلب سهيل انه ايوون يشلونه وودوه الغرفه وسهيل كان عند باب الغرفه وما اتصل بحد وطلع الدكتور سهيل:بشر الدكتور:لازم نسوي له عمليه بسيطه نطلع منها الدواء اللي فبطنه سهيل:عمليه؟؟!! الدكتور:لا تخاف هذي عمليه بسيطه وصغيره ومظمونه والحين بنوديه وهي مجرد غسييل نطلع فييه الدوااء وهذا شي عاادي ودخلوه الغرفه واتصل سهيل فيهم وبعد 5 دقايق الكل تجمع ام منصور:واااااااااي يا حسره على ولدي منصور:سهيل سهيل:هلا منصور:الدكتور ما قال لك كم تحتاج العمليه سهيل:ساعه ونص منصور:عيل بسير اشوف روضه وبرجع سهيل:الله وياك منصور:ساره تعالي وياي ساره: ان شاء الله وراحت وياه وفي الطريج منصور:بسج عاد روحي هب مستحمل اللي يصير ساره:شو تباني ابتسم ولا اضحك منصور:انزين انزين تعالي هذي الغرفه ودخلو عليها لقو ويهها اصفر وتمت ساره تصيح عليها وراحت عندها ساره:دخييلج قومي قومي وشوفو شو اللي سويتيه انتي واخوج نهيان اااااااااه ليت ما عرفنا بالسالفه ولا صار اللي صار وتمت تصيح وتمو عندها شوي منصور:قومي نروح لنهيان وراحو لنهيان وكانو مظهرينه وراحو له الغرفه الدكتور:هو الحين تحت تاثير البنج عشان جي لازم تروحون البيت وما تضيقون عليه وام منصور هب راضيه انها ترد وبعد حشره وعوار راس راحت ** يوم الجمعه 12:00 الظهر المستشفى خل روحي بروحك هذا اغلا وسام خل عيني بعينك خل ايدي بديك يا شروق المحبه يا شموع الغرام يا ورود بحياتي عطرها يهتديك** ** فتح عينه بصعوبه يشوف اللي حوله نهيان:ابي اسير اشوف روضه منصور:اترياه خلني اشل اغراضك لان الدكتور قال عادي الحين تظهر نهيان:ما يخصني ابي اشوف روضه منصور:اوكي اوكي وودوه غرفه روضه واول ما دخل انصدم لانهم طبعا حجبوها لكنه ما قال شي قرب منها نهيان:دخييلج لا تسوين جذا فيا وفهلج قومي وسولفي وياي ومنصور كان واقف وهو ساكت وبعدين دخلت ام منصور ام منصور: اااه شوفي حالنا من بعدج نهيان:ليش تعذبين روحج وتعذبينا وياج انتي تدرين اني بلياج ما عييش مع منو بسولف ومنو اللي بلعوزها دووم دخيييلج سوي اي شي عشان نعرف انج بخير وتمت ام منصور تصيح ونهيان كان حاط ايده قريب من ايد روضه وفجأه حطت روضه ايدها على ايده وفتحت عينها نهيان بفرح:روضه .............ر...روضه ام منصور:رمسي حبيبتي رمسي قولي شاللي صابج روضه بصوت متقطع:ن...نهيان نهيان:قلب نهيان امري روضه:لا ..لا تروح عني نهيان سكت لانه يعرف ان مستحيل يعيش وياها لانه واحد غريب الحين نهيان:حبيبتي انا وياج ما بروح روضه:لا تروح نهيان:ان شاء الله ما بروح ام منصور:فديييتج ليش جي سويتي بنا نهيان:الحين يوم اني تطمنت عليج بروح تامريني بحايه روضه:لا تروح نهيان:بروح وخلاف بييج روضه:الله وياك نهيان:ام منصور تامريني بحايه ام منصور:تسلم الغالي الله وياك نهيان:مع السلامه ام منصور:مع السلامه وتمت ام منصور تسولف ويا بنتها والدكتور قال لهم انها لين باجر يمكن تظهر من المستشفى اذا حالتها استقرت ونهيان من ظهر ما رجع المستشفى 8:26 الفليل لي صاحب ٍ صدّ وجسا من عقب ما هولي جليس عني خفا واتغلسا وتميت ألعي ابلا ونيس ما أدري تعّمد لو نسا يهجر محب ٍ له عنيس في القلب حبه لي رسا وانا إبغرامه كالحبيس يالسه وهي خايفه لان ولدها بعده ما ظوى ام منصور:وينه نهيان بعده ما ظوى منصور:ما ظني بيرجع ام منصور:وليش منصور:على ما ظن الكلام اللي سمعه هب شويه وهو الحين يظن انه غريب وعشان جذا ما ظن انه بيي يعيش ويانا ام منصور:الله يسامح اللي كان السبب وتمت تصيح بو منصور:انا برمسه *** شو تتوقعون بيصير نهيان برجع البيت؟؟ وبو منصور صدق بكلمه ولا بس جذي يقول؟؟ روضه شو بتسويي اذا عرفت ان نهيان ما بعيش وياها؟؟ ونهيان شو بسوي بدونها؟؟ نهايهـ البارت الثاني *** __DEFINE_LIKE_SHARE__ |
|
| |
|
07-18-2008, 08:39 PM
| رقم المشاركة : [ 3 ] | |
| عضو ذهبي  | شو تتوقعون بيصير نهيان برجع البيت؟؟ امممممم .. لا وبو منصور صدق بكلمه ولا بس جذي يقول؟؟ اممممم .. هيه روضه شو بتسويي اذا عرفت ان نهيان ما بعيش وياها؟؟ بتزعل .. وبتمرض .. وبتقنعه انه يعيش اوياهم ونهيان شو بسوي بدونها؟؟ اممم .. بيزعل وبيتضايج ..ومابيتحمل فراقهــآآ ويمكن يخطبهــآآ هع الـصرآآحــه القصــة روووعــه .. اذا من بدايتهــآآ اكشـــن .. اللهـ يعين نهــآآيتهــآآ >>>> اظني الا مابتبقـــى فينا دمووع هع تسلم اناملج الغلا ع القصة الغاويـــه .. ونــرقــب اليــآآي .. __DEFINE_LIKE_SHARE__ | |
التعديل الأخير تم بواسطة حنطاويه _ طرر ; 07-18-2008 الساعة 08:53 PM | ||
|
07-18-2008, 11:13 PM
| رقم المشاركة : [ 4 ] |
| عضو جديد | ههههههههههه اسعدني تواجدج الغلا هييه والله الكل يقول انتي من اولها تصيحيينا هههههههه نورتي الموضووع بردج غناتي ولا تحرميينا من تفااعلج وردوودج الحلوه وان شاء الله باجر بنزل البارت 3 ^^ __DEFINE_LIKE_SHARE__ |
|
| |
|
07-19-2008, 06:20 PM
| رقم المشاركة : [ 5 ] | |
| عضو ذهبي | هههههههه .. افــآآ عليـــج ف الخدمـــه هع !! ونـــرقــب البــآآرت .. __DEFINE_LIKE_SHARE__ | |
| ||
| مواقع النشر (المفضلة) |
العرض العادي
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| (أحبك) ما أبي غيرك .. ولـو غيـرك ترجّانـي | » βỊη άℓ đόόŁα « | شعر و خواطر | 8 | 06-21-2009 05:22 AM |
| {.. قـيـل ولـن يـقـآل ~ | محروم.كوم | منتدى أخبار المواقع والمنتديات العربية والأجنبية | 0 | 06-18-2009 03:50 AM |
| الـ ع ــين % الاهلـي | βō 7šĕēŋ | رياضة محلية و عالمية | 12 | 01-26-2009 08:28 PM |
| // تـــشــابــهـ روح ــين .. // | ظبياني | الإستراحه العامة | 37 | 12-19-2008 12:56 AM |
| تـرى الـذكـرى ولـو {[c=19][b]حلـوهـ[/b][/c]} [c=19][b]/[/b][/c]**طـواريـهـا تهـد الـ ( [c=19][b]ح[/b | أم عيون فوشية | عدسة الاعضاء , كاميرا الاعضاء | 24 | 07-15-2008 02:02 AM |
الساعة الآن 09:27 PM
- اخبار رياضية
- اخبار الامارات
- اخبار ريال مدريد
- اخبار برشلونه
- العاب فلاش
- مسلسلات وافلام
- مسجات
- فيديو كليبات
- سيارات للبيع
- ارقام سيارات
- ارقام هواتف
- هواتف للبيع
- حيوانات للبيع
- قوارب ويخوت للبيع
- ملابس واكسسوارات
- ساعات ومجوهرات
- اناشيد اسلامية
- نغمات اناشيد
- نغمات اسلامية
- ادعية اسلامية
- رقية شرعية
- قران كريم
- ديبيات اسلامية
- اذكار المسلم
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227