xXمح،ــدن درى اني ج،ــريح ومـن الالــم ما استــريحXx - الصفحة 11

محدن درابي · 07-28-2008, 08:07 PM

المشاركة الأصلية كتبت بواسطة $عازف الآهات$

السلام عليكم

بصراحة القصة طر

ونتريا التكملة

وعليك السلام والرحمه

يسلموووو خيووو

اسعدني توااجدك

نووووورت

^^ __DEFINE_LIKE_SHARE__

محدن درابي · 07-28-2008, 08:12 PM

المشاركة الأصلية كتبت بواسطة شيخة الغراشيب

عجيــــب آلبــآرت

وفكـــه من سيــف هــآلسبــآل .. مـــآلت عليــه ..

خـلآآص روضــة من نصيــب نهيـــــــآن ,,.

نترقــب آلنيــؤؤ بسرعـــة ..}

خخخخخخ

لا تفرحيين وااااااايد

ترى سيفوووووووه بيرجع نياهاهاهاها

ومنو قاااااااال من نصيب نهيااااااان ههههههه

اسعدني توااجدج غناتووو

نوووورتي

^^ __DEFINE_LIKE_SHARE__

محدن درابي · 07-28-2008, 08:23 PM

البااااارت الثالث عشر

ام منصور:الا اله الا الله المشكاال ما اتيينا الا من تحت رااسك
وتأشر على بو منصور
وبو منصور منزل راسه ظهر وهو معصب
منصور:بتتصل ولا اتصل بنفسي
بو منصور:دوااه عندي
وظهر
ساره:منصور تعال تعال فهمنا السالفه
راح منصور صوبهن
منصور يشوف حمدان:تعال اقعد تعاال
راح حمدان وقعد عند منصور
منصور:السالفه الله يسلمكن
شما:بلا مقدماات ابدا في السالفه
منصور:سرحت انا وحمدان عند ربيعي حسن وهو عنده شقه في وحده من هالبنايات ويوم سرحنا عنده دخلنا شقته وسولفنا وجذا وظرهنا واتريا اللفت الين ما يفتح ويوم فتح شفت سيف ويا وحده مغربيه
العنود شهقت:الله يلعنه ربعبه يني عسى
ساره:حراام علييج لا تدعيين
عويش:شووو يسوين جذا بختي وتبينا ما ندعي عليه
روضه:بس بعد حراام تدعوون عليه خلكن منه كمل منصور
منصور:انزين وانا يوم شفته فيوزاتي ولعن وهجمنا عليه انا وحمدان وصلخنا جلده السباال
روضه:شووو
منصور:عيل تبيني اشوفه واسكت لا والله
حمدان:هههههه والله طمااشه
ساره:والله ذابحيين الرياال ويقولون طمااشه
حمدان:عادي عادي
ساه:اااماايه والله انك تخووف خلااص ما رييدك
حمدان:عكييفج هوو
الكل:هههههههههههه
روضه:ههههههه حليلج والله
ساره:هيه عكييفي عيل
حمدان:جب جب
منصور:انزين خلووني اكمل السالفه
روضه:كمل كمل
منصور :وبعدين تم يصرخ سيف ويقول اونه من زماان يحب هذي المغربيه بس امه ما طااعت تاخذها وخطبت له روضه عشاان ينسى المغربيه
روضه:لا واللله
حمدان:الله يلعنه كل هالضرب ولا استوى به شي
ساره:هييه الحمد لله ما استوى به شي
حمدان:اااييه انتي ليش ادافعيين عنه
ساره:ما اداافع بس اناا ما اتمنى الشر لغيري
حمدان:ليكون
ساره:اايييه شو ليكوون بعد
حمدان:هههههههههه خاافت هههه تتحراني شااك بها لا حبيبتي وااثق وااثق(وغمز لها)
ساره ابتمست ونزلت راسها
منصور:والله متفييجيين احر ما عندي ابرد ما عندكم
روضه:يعني بااجر ماشي ملجه
منصور:لا
روضه:الله ونااسه
منصور يساسر روضه:كنه الله كاتب نهيان من نصييبج
روضه ابتسمت وسكتت
منصور رد لها الابتساامه
نشت روضه عنهم وسرحت حجرتها
-***-
لندن

لا ظروفي ولا ظروفه
ترضى يا وقتي اشوفه
الفكر هااج وتعذب
كل ما مرت طيوفه

بطي:ااااااااه اسميني شبعت وانتفخت
نهيان:لاازم هب انت التعباان انا
بطي:ههههههههه انت ليش معصب الحين
نهيان:جب جب
سلطان:هذا زعله بس دقيقه وبيرضى
سهيل:اااااااااااااااااااه انا شبعااااااااان
نهيان:غصبن عنك شبعاان سباال
سهيل:هههههههههههه
ذياب:نهيان تلفونك يرن
وراح نهيان وشاف الرقم ودخل غرفته
نهيان:هلا والله
روضه:اهليين
نهيان:شحاالج
روضه:احسن من قبل بوااايد
نهيان:انزين شو السالفة مننصور ليش معصب
روضه:عشان جذا انا مستانسه
نهيان:فدييتج ونسيني ويااج
روضه:اقول امايه تناديني بعديين بخبرك
نهيان:اوكي غناتي الله ويااج
روضه:مع السلامه
نهيان:الله يسلمج
و
صكرت وقبل لا تسرح عند امها طرشت مسج لنهيان

الدار من عقبهم ما هي بمرغوبــــــــه ... باشوم انا مثلهم مالي طرب فيهـــا ..
والليل من عقبهم عندي فرش ثوبــــه ... غاب القمر غاب لي موره محليها ..
و العد ما عاد لي شمقه على دروبـــه ... ولا عاد لي باقيه حاجات واتليهـا .
وداعه الله ياللي شد واقفوا بـــــــــــه ... الدار عقبه غدنت ما حد يبغيهــا ..
و النفس ماهي على المقعاد مغصوبه ... و العين ما تستريح بدون غاليهــا ..
ان قدر الله ودي بسيره صوبــــــــــــه ... اريح الروح من شوفه واسليها ..

نهيان شاف المسج وابتسم ووطرش لها

اسمعت في الهاتف ولاريت صوت يصحي عوق واسقام
سلـم وبادرنـي وحيـيـت ياسعد حظي والبخـت قـام
ياريم من شوفـك تبهيـت ومنادمة صوتـك والانغـام
الكم مثل حبـي فـلا ريـت ساطي وسط روحي والانسام

بس روضه ظهرت من حجرتها وما سمعت صوت تلفونها
وسرحت عند امها
ويلست عندها
روضه:هلا امايه خيير شو صااير
ام منصور ما صاير شي بس برمسج
روضه:خيير
ام منصور:والله بغييت اقولج اللي بغييتيه صاار وانا قبل شويه اتصلت بام سيف وقلت لها ان شفتج عند بيتنا باجر ما تلومين الا نفسج
روضه:ههههههه زين ما سوييتي بس هي مالها ذنب
ام منصور:لا والله هي اللي جبرت ولدها ايي ويظوييج
روضه:يعني خلاص ماشي ملجه ولا شي
ام منصور:هييه ماشي والحين بتصل لحريم عمومتج وبخبرهن تراهن متفقات يظوون الصبح عشان يساعدوني فدييتهن
روضه:اسمحيلي عيل وسلمي عليهن
ام منصور:يبلغ
سرحت روضه حجرتها
وشافت ان نهيان مطرش لها مسج كانت بطرش له بس قالت بتسرح عند خواتها لانها تحس ان هالاياام واايد كانت بعييده منهن والسبب السالفه اللي صارت
ونزلت عند خواتها وشافتهن كلهن يالسات عند التلفزيون
روضه:حوووووو
ساره:هااااا
روضه:شفييج معصبه
شما:ههههههه ما سمعتي حمدان شو قال لها
ساره:جب جب
العنود:ههههههههه انزين صدقه ما قاال شي
ساره:اووف اسرح حجرتي احسن
وقامت وهي معصبه وسرحت حجرتها
الكل ضحك عليها
روضه:اوووف اريد اظهر ملل
عويش:هيه والله من زماان ما ظاهرنا
روضه:اووف والله قبل نهيان يظهرنا بس الحين ااااااااااه
العنود:ههههههههههه هالكثر تحبينه
روضه:اااييه جب
ورن التلفون
وراحت العنود وردت
العنود:مررحبا
.....:مرحبتين
العنود:اامممم منو
......:افا بنت الخال ما عرفتيني
العنود:لا منو
سهيل:سهيييل
العنود بخاطرها:لا لا مستحييل نوو واي
العنود:هااا...ااا خيير
سهيل:شفييج شفرتي
العنود:لا ماشي بس ..ااا
سهيل:العنوود صح
العنود:هييه
سهيل يصرخ:نهياان تعاال
العنود:شو صاير
سهيل:لا ماشي بس نهيان يريد يرمسكن بس تلفونه مفضي ونحن ناسين نشتري جراجه
العنود:اهاا
سهيل:شحاالج
العنود:تماام يسرك الحال والله ومن صووبك
سهيل:بخيير والله داامج بخيير فدييتج
العنود فتحت عيوونها وصخت وخواتها مستغرباات بلاها هاي
سهيل:هههههههه اونج تستحيين هههه
العنود:جب لا تضحك سخييف
سهيل:صدق انا سخيف
العنود:لا
سهيل:لالا خلاص زعلت انا سخيف
العنود:سهيييل
سهيل:عيونه قلبه روحه
العنود محمره:.........................
الكل فتح عينه
روضه تحرك شفايفها وكنها تقول سهييل عالتلفون
العنود هزت راسها بمعنى هييه
سهيل:قوولي شو كنتي بتقولين
العنود:ماشي ماشي بس بسألك ليش متصل
سهيل:ههههههههههههههه يعني شو تريديني اصكر عاادي
العنود:لااا هب هذا قصدي بس شو السبب اللي خلااك تتصل
سهيل:انتي اليوم بج شي اقولج نهيان يريد يطمن عليكن
العنود:ها ...هييه صح
سهيل:هههههه هالكثر تحبيني
العنود فخاطرها:سخييييييييييييييييييييف
سهيل:حوو
العنود:هلا
سهيل:اممم بقولج شي
العنود:شو
سهيل:من زمااان فخااطري اقوله بس ما حصلت الوقت المنااسب اللي اقوله لج
العنود:شوو
سهيل:انا...أاا...احبج
العنود:...............................
سهيل:العنود
العنود:امممم نهيان وينه
سهيل:هذا الرد اعتبره انج بعد تحبيني
العنود:.....هييه
سهيل:شووووووووو
العنود صكرت بويهه
والكل يشوفها
شما:حوووووووو شو قال لج هاا اعترفي
العنود:ماشي ماشي
وربعت حجرتها
والكل مستغرب ورد التلفون يرن وراحت روضه وشلته
روضه:مرحبا
نهيان:مرحبتيين بشيووخنا
روضه:هلاا والله
نهيان:اهليين اقول ابويه عندج
روضه:لا والله
وفجأه دخل منصور
روضه:هااذو منصور الحين ظوى تريده
نهيان:هيييه
روضه:اوكي
روضه:منصور تعاال نهيان يبغيك
راح منصور صوبها
منصور:مرحب الشيييخ
نهيان:حييييييبه الغاالي
منصور:الله يحييبك فدييتك
نهيان:هاا من وين ظااوي اعترف
منصور:حرمتي تصدق
نهيان:ههههههه هيه صح اخبارها
منصور:ياخي اذتنا ترييدك
نهيان:اسمييها خياانه عيني عينك
منصور:هييه شو اسوي بها ثرها خذتني عشاانك
نهيان:خلااص طلقها مالها قعده عندك
منصور:هييه اكييد بس اوعدني تاخذها بعدي هههههههههه
نهيان:ههههههههههه
منصور:اخباارك والله
نهيان:تمااام
منصور:ما بتوونا
نهيان:هههههههههه هاا تولهت علينا
منصور:هههه هييه والله
نهيان:هههه بعدنا ما كلمنا اسبووع واحد
منصور بنبره جاده:نهيان ارييدكم ترجعوونا لبلاد
نهيان:خيير منصور شو صااير
منصور: ما صااير شي بس.....
منصور يشوف روضه
وروضه ساكته
نهيان:خيير منصور قوول شو صاااير
منصور قال لنهيان السالفه كلها
نهيان بصوت عالي:شووووووووووووووووو
الكل شافه
نهيان:ااحلف الحين اييكم على اول طياره
منصور:اااييه شفيك هد شويه الحين الفليل عندكم واذا صار الصبح يحلها الف حلاال
نهيان:لا والله انا الحين راايح
وصكر
منصور:لا اله الا الله
روضه:شوو صاار
....
لندن
..
بطي:االحيين
نهيان:هيييه الحين
ذياب:ما تروم لان لازم تروح الجامعه وتاخذ ورقه انك بترجع البلااد يعني خذ لك اجازه
سهيل:وهم ماراح يوافقون لان نحن للحين ما داومنا
نهيان:مشكلتهم
سلطان:انزين هد شويه باجر بنسرح كلنا للجامعه وبنكلمهم
تموو يمسوونه اليين ما هدى شوي
...
اماارات
..
بيت بو حمدان

نكتشف مرّ الحقيقه بعد مايفوت الأوان
قلت لك لاتندفع له قلت حبي صاينه

فطيم:الله ياخذه
نوره:صدق انه ديايه امه يسير على كلاام امه السباال
حمدان:هييه والله روضه استانست يوم سمعت السالفه
فطيم:اكييد اصلا غاصبينها علييه ولا هي ما تريده
بو حمدان:وبو منصور شو سوى
حمدان:حليله متلووم لانه هو اللي وثق بربيعه وولده وماطاع روضه بكلامها عشان ربيعه واخر شي جذا يصيبه

بو حمدان:بتصل به بطمن عليه
واتصل
بس محد رد
بو حمدان:انا بسرح الميلس في بيت بو راشد يمكن يكون هنااك
ام حمدان:هيه زين ما تسوي سرح شوفه وين
بو حمدان:يلا مع السلامه
الكل:مع السلامه
رن تلفون حمدان
حمدان:حييييبه الزين
ذياب:اللهل يحييك الغالي
حمدان:علوومك

ذياب:والله يسرك الحال ومن صوبكم
حمدان:تماام والله
ذياب:ويينكم ما تسألوون
حمدان:والله مرت علينا سالفه وانشغلنا بها
ذياب:هييه يقولنا نهيان قبل شوي عن سيف
حمدان:هييه شفتها لسباال شو سوى
ذياب:هييه والله
ام حمدان:منو هذاا؟
حمدان:ذياااب ولدج الغاالي
ام حمدان:ويييدي فديييته عطني ايااه
حمدان:هااك امك تبغييك
ذياب:فدييتها عيووزي
وجدم حمدان ايده
ام حمدان:مرحب مرحب الغالي نظر عيني
ذياب:هلا والله بامايه الغاليه
ام حمدان:ويينكم طوولتي
ذياب:وين طولنا امايه الله يهدااج بعدنا ما كملنا اسبووع والله
ام حمدان:والله ما نقدر بلياكم واحلف ان الداار بعدكم ماهي بمرغووبه
ذياب:فديييتج الغاليه والله ترنا متولهيين بعد عيليكم وعالداار وريحه البلاد
ام حمدان:هييه ان شاء الله بنشووفكم
فطيم:امايه ارييد اكلمه
ام حمدان:هذيي فطووم تبغييك
ذياب:عطيني اياها
فطيم:فديييتك ذياب والله متولها علييك حييل
ذياب:فدييتج والله
فطيم:العرب يسلموون علييك
ذياب:هي عندج
فطيم:لا بس اتصلت بي اليوم ورمستها
ذياب:هيييه
فطيم:...
ذياب:اقول اتصلي بها الحين وقولي لها خلج عند التلفون
فطيم:شووووووو
ذياب:دخييييييييييييييلج دخييل الله
نوره:هااتيي انا اريد اكلمه
وسحبت التفون
نوره:فديييتك متولها علييك
ذياب:ميي تو والله
نوره:..
ذياب:اقول نوااري فدييتج اتصلي بيت عمي حميد وقولي لشما انها تيلس عند تلفونها اوكي
نوره بخبث:ليــــــــــــــــــــــــــــــــــِش
ذياب:جاااااااااب واتصلي وانتي ساكته
نوره:كيف اتصل وانا ساكته
ذياب:ترى ما راح اييبلج شي من هني
نوره:خلاص خلاص بتصل والله
ذياب:يلا باي
نوره:باي
..
صكرت واتصلت بيت عمها
نوره:هلا والله
العنود:اهليين بزيين
نوره:هاا شو تسووون
العنود:مااشي ملل
نوره:واختج شموو وينها
العنود:هذي هني
نوره:عطيني اياها
العنود:اووف انزين ليش ترمسين بسرعه بسرعه
نوره:عنودو يمكن انذبح بسرعه عطيني اياها
العنود:شموو تعالي نورو تبغييج
راحت شما عند التلفون
شما:هلا والله هلا
نو ره:اااييه ما بطووول لان ذياابو بذبحني بس متصله اقوولج خلج عند تلفوونج لان ذياب بتصل اوكي
شما:هههه ليش شو صاير
نوره:ما صاير شي انتي سيري الحين حجرتج واقعدي عند تلفوونج ترى اذا ما رديتي ذياابو بذبحني
شما:هههههه حليلج اوكي يلا باي
نوره:باي
..وصكرت
روضه:شو الساالفه
شما:ماشي ماشي
العنود:قولي قولي
روضه:ما يخصج
العنود:انزين انزين عندكن اسرار ها
شما:هييه عندج مانع
العنود:هييه عندي ماانع ليش اقول لكن اسراري وانتن لا
عويش:يا غبيه سر شموو محد يعرفه غير رويض
روضه:وجرييب بتعرفوونه
شما:يا وييلج
روضه:عاادي هذييل خوااتج وانا اللي بقوول لهن واعرفج انتي ما تبغيين تقوولين لهن لانج خايفه ياخذوون عنج فكره غلط صح
شما:صح والحين اسمحوولي وقوولي لهن السالفه عادي
سرحت شما حجرتها ونطن عويش والعنود على روضه
العنود:شو السالفه
روضه:ااايييه كسرتوني
عويش:عادي عادي
روضه:شوو عادي قوومن عني
العنود:يلاا قولي لنا
روضه:اماقدر اتنفس ريحتكن خاايسه
عويش:هههه اتخسيي قبل شوي متسبحه انزين
وقامن عنها
روضه:هههههه امزح امزح
العنود:يلا قولي
روضه:اقول انا بسرح اشوف امايه
وربعت روضه عنهن

....
حجره شما
..
تتريا حد يتصل بس محد اتصل
...
شما فخرطها:اوووف ما اتصل ياا ربي شوو اسوي الحين اتصل به انا لالا ..امم ,....اوووف والله مادري

نهايه البااارت الثالث عشر

__DEFINE_LIKE_SHARE__

محدن درابي · 07-28-2008, 08:32 PM

الباارت الرابع عشر

.......
رن التلفون
وفزت وشافت ان الرقم من برع ترددت ترد
..

بعد ما فكرت قررت انها ترد

....

شما:الو
ذياب:......
شما:امممم
......
ذياب:احبج
شما:...........
ذياب:شفييج
شما:بتقولي السالفه
ذياب:بعدج تفكرين بها
شما:اكييد
ذياب:لا تفكريين خلاص انا قررت اول ما ارجع البلاد اخطبج
شما:شوووووووووو
ذياب:شفييج
شما:ماشي بس انت قلت انك ما تروم تخطبني والسبب السالفه اللي ما قلت لي عنها
ذياب:هييه بس يوم باخذج بقوولج شو السالفه
شما:صدق
ذياب:اكييد فدييتج

بطي:حووو بسك مغاازل
ذياب:اجلب وييهك وخلني اغازل عرااحتي
راح بطي وقعد عند ذياب واذنه عند السماعه
ذياب:ههههههههه نش نش سرح دااخل الجوو بارد
بطي:وانت بعد نش والله بتمرض
ذياب:ما يهمني
بطي:هييه لازم ترمس حبيبة القلب
وحرك حيااته الثنتين
ذياب:هههههههه جب جب ويلا ادخل
بطي:اعترف منو هاااي بس فاالح تفضح نهيان ومحد يفضحك ادااويك
ذياب:ااييه لا تفضحني
بطي :جاااااااااب
وقف بطي عند باب الصاله
بطي وهو يصرخ:الحقوووا ذياابو يغاااااااااااااازل
الكل ربع عنده
شما:ههههههه حليييلك يلا بخلييك عيل
ذياب:ههه يلا باي
شما:باي
وصكر
....
بطي:شووفوه يضحك هاا شو قالت احبك امووت فييك
سلطاان:ذياابو من وراانا هاا
سهيل:والله وطلع لك حبيبه ونحن ما ندري
نهيان:هاا منو الكيرل فريند ماالتك
ذياب:جااااااااااااااب هذي زوجة المستقبل
سهيل:ااهااا ومنو هذي وحده من الاهل ولا
ذياب:والله انك غبي وحده من الاهل وتتوقع انها بتكلمني بتلفوون لا والله كل بناات العايله حشيماات
نهيان:صدقك والله
بطي:عييل منوهذي هاا
ذياب:انت جااب ولا تتكلم
وتم ذياب يربع ورا بطي والكل يضحك علييهم
ذياب:والله ارااوييك السباال يا الخااام
بطي:جااااب لا تسب
رن تلفون نهيان وشااف رقم من الامارات من بيتهم
نهيان:الو هههه
عويش:هااا ليش تضحك شاايف وحده شقرى
نهيان:هههه جب جب عن لا حد يسمعج
عويش:ههههههههه الكل سمع
نهيان:ههههههه شحاالج
عويش:تماام وانت شحاالك
نهيان:تماام وشو احواال ابويه ويدي وامايه
عويش:عال العال
بطي:قووم عني قووم
ذياب:جب اقولك
بطي:قوم يااخي
نهيان:الحقووا عليهم بذبحوون بعض
سهيل:عاادي ما بستوي بهم شي
سلطاان:هههه قطااو
بطي:انت اييه بداال ما تضحك تعاال ساعدني خووز ولد عمك عني
نهيان:لا تشووفني رووحك رياال طوول وعرض سااعد رووحك
عويش من سمعت صوته حست بشي غرييب بس اللي تعرفه انه واحد سخيف
عويش.:...اا..منو ها
نهيان:هههههه ذياب وربيعي بطي يضاربون
بطي:قوم قوم بظهرونا في اخبار الاما رات
ذياب:هههه هيه والله هااذو نهيان يكلم اخته ويقول لها
نهيان:عويشوو ههههههههه
عويش:هههه اترياا هذووا يدي يبغييك
نهيان:اوكي
بو حميد:هلا والله هلا بشيوخ القلب
نهيان:اهليين فدييتك يدي متوله علييك
بو حميد:هييه والله حتى نحن
نهيان:شو ما ظووت نانسي عندك تراني طيرتها صووبك
بو حميد:لا تقوول يا بووك ما وصلني شي
نهيان:هههه تراها شوي اطوول كمن يووم
بوحميد:هههههه زين زين يوم اني بشوفها بتشافى من السكري والضغط
نهيان:ههههههههه يدي ترااك شراات الحصاان ما بك شي وشبااب فدييتك ونانسي وغيرها يتمنونك
بو حميد تشقق:هيييه نعم
نهيان:ههههههههه يلا تامرني بحايه
بو حميد:سلامتك الغالي
نهيان:الله يسلمك وصل السلام
بو حميد:يوصل وانت بعد
نهيان:يبلغ الغالي
بو حميد:مع السلامه
نهيان:مع اللسلامه
نهيان:يديي يسلم علييكم
الكل:الله يسلمه
نهيان:اووه خلصتووا الضراابه
بطي:هههههه هييه
ذياب:سباال
بطي:جب جب يا المغازلجي
ذياب:هههه نش سوو لنا العشى
بطي:ها ما سمع شوو قلت
ذياب يصرخ بذن بطي:نش سوو لنا عششششششششششى
بطي:يلا مع السلامه انا طاالع عندي شويه شغل
نهيان:اييه
سهيل:شووو
سلطان:جب جب يلا المطبخ
راح نهيان عند بطي وتم يسحبه مثل ما بطي سحبه ذاك اليوم
بطي:اااييه لا تستهبل انزين
بطي ماسك باب الصاله ونهيان يسحبه
بطي:قوم قوم
نهيان:جب ويلا ادخل المطبخ
بطي:ااييه اليوم سلطان هب انا
سلطان:اااييه لا تجذب اليوم دوورك انا كنت قبل مبارح
نش سلطان يساعد نهيان
سلطان:يلا عااد
بطي:ماريد مااريد
نهيان:هههههههه كنه يااهل بودوونه المستشفى يطعمونه
الكل:هههههههههههه
بطي:سخيييييييييييييف
واخر شي انجبر بطي يدخل المطبخ
.....
بيت بو منصور

تمنيتك اتشوف الجرح الاول
قبل تجرح فؤادي جرح ثاني
غيابك عن عيوني ليه طول
وانا اعد الدقايق والثواني

قاعده بحجرتها وتفكر..
عويش بخاطرها:اووف انا ليش افكر به وليش كل ما سمع صوته احس باحساس غرييب معقووله انا ا..ااح..لالا ماظن اصلا انا ماادانيه من يوم ما شفته اول مره ..
قطع عليها حبل افكارها دقة الباب
عويش:منوو
روضه:ااناا
عويش:ادخلي
روضه:شفيييج حابسه روحج
عويش:يالسه افكر
روضه :فمنووو.
عويش:اممممم بقولج بس ما تفهميني غلط
روضه:اها السالفه فيها واحد
عويش:اووف بعدي ما قلت لج السالفه وفهمتيني غلط
روضه:ههههههه لا والله ما فهمتج غلط قوولي
عويش:اممم مادري بس اليوم كنت ارمس نهيان سمعت ام.
روضه:شفييج سكتي كملي
عويش:"اووف والله مادري بس كل ما ريت صوت هذا اللي اسمه بطي احس بأحساس غريب
روضه:هاااااااا اعترفتي شو هالاحساس
عويش:اوووف روضو عن الاستهباال اريدج عون تصيرين لي فرعون
روضه بجد:خلاص فدييتج قولي شو تحسين
عويش:مادري بس اليوم يوم كنتت اكلم نهيان(((وقالت لها السالفه كلها)))
ومادري كيف كنت احس يوم اسمع صوته مادري يمكن كره..
روضه:ويمكن حب
عويش نزلت راسها
روضه ابتسمت:يعني حب
عويش:اوووهوو زوولي عني
وقامت عويش وظهرت برع
وروضه مييته من الضحك على شكلها
...
ظهرت روضه وشافت عويش بصاله
ويا خواتها
روضه تحرك حياتها لعويش وراحت يلست عندها
عويش:لا تخليني اندم
روضه:ههه لالا فدييتج قوولي شو اللي تحسينه يوم....
عويش:اووف اسكتي هب هني
روضه:ههههههههه قومي عيل نسرح حجرتي
عويش:يلا
وقامن
العنود:هاااااااا شو عندكن
روضه:سلاامتج غنااتي سالفه صغنونه
عويش:بعدين بتعرفونها
ساره:ااييه نحن اليوم بنسرح المول بتسرحن ويانا
روضه:هيييه
عويش:ليش سارو ما خلصتي اغراضج
ساره:هييه خلصت بس بسرح اييب فستاني
روضه شهقت
شما:بسم الله بلاج
روضه:سارووا ملجتج بعد اسبوع
ساره:اااااايييه لا تخوفيني روحي مييته
روضه:ههههههه عادي احساس سخيف
عويش:يا خبله عندج انتي سخيف لانج ما تبينه بس هذي تموت على التراب اللي يدوس عليه
ساره:واللله ريلي لازم اموت عليه
شما:من الحين رييلج
ساره:هييه
العنود:هذي بعدها ما ملجت وجذا
ساره:جب جب
روضه:اايييه لا تأذونها هذي عرووس الحين
ساره:اااااااه والله منحرمه من شوفته مايي يسأل السباال
روضه:توها تقول احبه ومادري شو والحين سبال
الكل:ههههههههههه
ساره:جب جب
عويش:ههه يلا روضو امشي
روضه:يلا
وسرحن روضه وعويش غرفه روضه
روضه:انزين انتي شو تحسين انج تحبينه ولا تكرهينه
عويش:والله مادري
روضه:عويشوو لو خطبج بتوافقين
عويش:.....ليش لا
روضه:ههههههههههه شووفو الويه هههههههههه ثرج سبااله وشاالنج هوا المنصوري
عويش:ههههههه جب جب
روضه:حلييلج يا عوييشو انظميتي الى طايفتنا
عويش:هههههه وتمت شموو بروحها
روضه:ومنو قالج ان شموو ما تحب
عويش:شوووووووووووو
روضه:شفيج
عويش:مستحييل شمو تحب اصلا هي دومها تقوول عن الحب مصخره
روضه:هههههههههه شموو من زماان تحب قبل الكل بس هب قبلي طبعا
عويش:منو منو
روضه:اااااامممم ذياب
عويش:شووووووو نو وااااي
روضه:ليش
عويش:ما كان باين على ويهها
روضه:شموو عمرها ما كانت تبيين انها تحبه او شي لان
عويش:لان شو كملي
روضه:بعدين بعدين
عويش:انزين روضو خلينا نتصل بنهيان نطمن عليه
روضه:نطمن على نهيان ولاا..

وتحرك حياتها الثنتين

عويش:ااااااااايييه لا تذليين يلا اتصلي
روضه:هههههه اوكي
اتصلت روضه مباايل نهيان محد شله فاتصلت على شقتهم
روضه:بتصل شقتهم بس انتي رمسي
عويش:اوكي
واتصلت وتم يرن ويرن الين ما ردووا

بطي:مرحباا
عويش:اااا مرحبا بك زود
بطي صخ عرف انها عويش لكنه ماعرف انها هب مخطووبه وهو اللي محطييه فباله ان اللي حبها هب من نصييبه وهو يحسب ان عويش اسمها روضه وان نهيان يحبها ويريدها
بطي فخاطره:والله حراام يا روضه تكونين لغيري بس هذا الشي هب بيدي نهيان يستاهل كل خيير ..
بطي بحزن:منو
عويش:ااممم نهيان موجود
دخلت العنود
العنود:روضوو يلا نزلن تعشن ويلا عوييش صكري التلفون وتعاالي تعشيي
بطي صخ
بطي فخاطره:عوييش!!!!
لالا مستحييل يعني هذي هب روضه يعني هب هذي اللي خطبها سوااف يعني هذي هب تووم نهيان ااااه انا ليش غبي نهيان عنده اكثر من اخت ليش ما فكرت اااااااااااااه يعني ظهر اسمها عويش لالا مستحييل ماصدق

شووووو تتوقعوووون يصير

نهايه الباارت الرابع عشر

__DEFINE_LIKE_SHARE__

Єcтαтσôят_αŁ_qαŁв∂ · 07-29-2008, 05:06 PM

تسلميــن ع آلبــآآرت آلحلــؤؤؤ

أظـن أنهـمـ بيردون آلبـلآآد

واللى بيملج واللى بيخـطب .. هههههههه

نترقـب آلبــآرت ..>> __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
(أحبك) ما أبي غيرك .. ولـو غيـرك ترجّانـي	» βỊη άℓ đόόŁα «	شعر و خواطر	8	06-21-2009 05:22 AM
{.. قـيـل ولـن يـقـآل ~	محروم.كوم	منتدى أخبار المواقع والمنتديات العربية والأجنبية	0	06-18-2009 03:50 AM
الـ ع ــين % الاهلـي	βō 7šĕēŋ	رياضة محلية و عالمية	12	01-26-2009 08:28 PM
// تـــشــابــهـ روح ــين .. //	ظبياني	الإستراحه العامة	37	12-19-2008 12:56 AM
تـرى الـذكـرى ولـو {[c=19][b]حلـوهـ[/b][/c]} [c=19][b]/[/b][/c]**طـواريـهـا تهـد الـ ( [c=19][b]ح[/b	أم عيون فوشية	عدسة الاعضاء , كاميرا الاعضاء	24	07-15-2008 02:02 AM