دام قلبي أختارك ما همني عيوبك - الصفحة 6

ريامي · 07-23-2008, 03:02 AM

الجزء 12

معقوله لي ما توااطنه يجي يوم وتحبه ... والي بعمرك كنت تفتديه يجي يوم وتبتعد عنه ... والله يا دنيا مالك امااان

ريم : لا شهاب فديتك ما فيني شي

شهاب : عيل ليش اتصيحين
ريم : لا بهدكم وبروووح عنكم
شهاب : فديتج لوعهذا اتصيحين خلاص ابشري ببنيلج بيت عند بيتنا
ريم : ههههههه
شهاب : هيه جي اباج تضحكين مب امبوووزه ...ريم شو رااايج اتفكرين بعد مره في سالفه زواااجج من حارب
ريم : شهاب انا فكره وخلاص
شهاب: والله ودي اقلج مبرووووك بس مب طااالعه مني
ريم : عشان اختك الوحيييييده
شهاب : عيل الف مبروووك مقدما يا اغلى ما في الوجوود بعد امي هههه
ريم : هيه قص علي اغلى ما في الوجود اتزووج بعدين قول ها الكلام
شهاب : افا عليج هي بعد غاليه بس انتي اغلى
ريم : بنشوف بعد ما تتزوج
شهاب : هههههههه
ريم : انت ما تبي تتزوج
شهاب : نوت ناو
ريم : متى عيل
شهاب : الله كريم ...يلا باي بباي
ريم : باي

طلع شهاب من الغرفه تميت افكر كيف بعيش ويا وهو عيووووبه كثيره معقوله انا بتزوجه يالله نمشي ع القدر ولا ندري عن المكتوووب
رحت اتسبحت وصليت ركعتين عشان ارتاح ورقدت

الصبح الساعه 6 ونص **
قمت عشان ادرس يالله بعد اسبوعين امتحانات آخر السنه يالله مالي نفس حق الدراااسه

بعد ما بدلت ملابسي ونزلت تحت شفت مبايلي يرن يوم شفت خالتي امل كانت المتصله

خالتي : صباح الخير
ريم : صباح النور
خالتي : ريم حبيبتي اتشريت
(حشى ما مداني اظهر من البيت )
ريم : لا خالو نحن ها الشهر علينا امتحانات اخر السنه
خالتي : شو تقصدين
ريم : يعني بنأجل الملجه لي بعد شهر
خالتي : شوو شهر وااايد
ريم : يعني خالتي شو اسوي
خالتي : على الاقل انلبسج خاتم
ريم : مادري خالتي (ومسكت عبراتي قبل ما تنزل وتفضحني )
خالتي : خلاص انا بقول لحارب يكلمج
ريم : انزيييين
خالتي : بلاج
ريم : ولاشي
خالتي : ها اللحين خلاص خطيبج وقبل ما يكون خطيبج ولد خالتج
ريم :هيه بس اقوول لو تتصلين في امي احسن
خالتي : لا انتوا اتفاهموا احسن

خالتي : يلا مع السلامه
ريم : مع السلامه
فتحت كتاب الكيميا وبديت اذاااكر بعد ربع ساعه شفت رقم غريب عرفت انه حااارب
قالت ما برد عليه اوني ما اشل ارقااام غريبه وبعد ثوااني يتني مسج منه ( ريم تراني انا حاارب )
وشفته اتصل على طووول

حارب : صبااح الورد
ريم : صباح الخير
حارب : اشحالج ريم ؟ شو علومج ؟
ريم : الحمد الله وانت اشحالك ؟
حارب : والله انا عالي العال ... خير ريم امي اتقول انج تبين الملجه بعد شهر
ريم : هيه لاعندي امتحانات
حارب: خلاص ريم متى ما تبين انتي حددي وانا حاااضر
(يالله معقوله هذا حارب الي يرمسني بها الاسلوب )
ريم : مشكور حارب
حارب : كل ولا زعلج ترى
ريم :.......
حارب : يلا انا اخليج لاني وصلت الدووام ولو احتجتي اي شي تراااني حاااضر
ريم : لا تسلم ما بغي شي
حارب: يلا عيل مع السلامه
ريم : مع السلامه
بعد 5 دقايق خالتي اتصلت

خالتي : ها شو قال حارب
ريم : قال متى ما ابي
خالتي : شو يعني والله مب كيفه هو
ريم : مادري
خالتي : انزين يلا مع السلامه
ريم : مع السلامه

اول ما خالتي بندت التلفون يا مااايد في بالي يالله كيف اقدر ها الانسان وكيف بعيش ويا وااايد انا ما احبه.... خلاص هذا الي انا ارمس عنه بها طريييقه بعد شهر بيستوي ريلي
قطعت حبل افكاري اتصال حارب
حارب : اعرف اني اذيتج
ريم : لا عادي
حارب : ريم دخيلج لا تتضايجين من كلام امي والي انتي تبين بيستوي واللحين اباج تدرسين عشان ترفعين راسي واباج بعد تغلقين مباااايلج عشان امي ما تحشرج اوكي حبيبتي
ريم : ان شاء الله
حارب : يلا ادرسي عدل وراااج نسبه ما بقى غير اسبوعين
ريم : ان شاء الله
حارب : يلا باي ولا تنسين تغلقين مبايلج
ريم : ان شاء الله يلا مع السلامه

بعد ما بندت التلفون من حارب كيف قالي حبيبتي معقوله حبني بهسرعه ولا هو عنده كلمه عاااديه
يالله خلني ادرس اللحين احسن لي
وتميت ادرس لي وقت الغدا
امي يت حجرتي : يمه نزلي كليلج شي
ريم : ان شاء الله امي تراااني صج يوووعانه حتى ريوووق ما كليت
امي : ليش؟
ريم : لاني كنت ادرس ونسيت وتوني اتذكرت ههههههه
امي : يلا يلا انزلي فديتج
ريم : ان شاء الله

نزلت تحت شفت ابوي وشهاب و..................
ما تتوقعون منو معقوله وصله الخبر لا مستحيل بهسرعه
سرت سلمت ع ابوي وحبيت راااسه ... اخوي شهاب : وانا
ريم : ما شي
شهاب : اللحين عناد اباج اتبوسين راااسي
ريم : في الاحلام السعيده ههه
شهاب نش مره وحده ومسك راسي :يلا بوسي رااسي
ابوي: ايلس يا ولد بتذبحها
شهاب: عيل ليش ما تبوس رااسي ابوي يلا قلها اشوووف
ابوي: نحن ما نغصب حد اي حد الي يبا يسوي يسوي
حسيت ها كلام موجه لي انا اني سويت شي بدوون محد يغصبني وان بعدين ما اقول ان حد منهم غصبني ودمر حياتي
مسكت عبراتي قبل ما ينزلن

شهاب : اللحين بتبوسين راسي ولا شلون
يوم طالعت صوووبه شفته يطالعني بعيووون حزن
ريم : شهاب انزين هدني ببوسك
شهاب : يلا ههههههه
ريم : حشى جنك ابوي
شهاب: احم احم وهدني
ريم : صدقت اني ببوسك وشرد عند امي عشان اسااعدها
اعرف تبون اتعرفوون منو الي يالس ويا ابوي
هو انسان كل بنيه تتمناه هو اتحسيونه كتله من المشاااعريتحرك

هيه صح مــــــــــــــــــــــــــ في بتنا ـــــــــــــــــــــــــــــــــايد

سرت في المطبخ عشان اساعد امي ويبت الاكل ويوم وديت الاكل في الملس شفت عيوونه ما خااازت مني بعد ما كلينا الغدا سرت اودي الصحوون والاكل المطبخ
امي وابوي ساروا يرقدوون وشهاب كان يالس وفجاه اتصوا فيه من الشغل وسار فمحد في البيت غيري وغيره وانا كنت في المطبخ ارتب الصحون حسيت حد من وراااي
يوم اللتفت شفت مااايد
مايد كان بس يطاالعني
ريم : مايد خير بغيت شي
مايد : هيه بغيت
ريم : امر
مايد : ريم اباج تهتمين في درراستج وابا تنسين اللحين كل شي وما تذتكرين غير درراستج بعد شهر عاد يصير خير
ريم : ان شاء الله
مايد : اللحين انا بخليج وبسير ومثل ما وعدتيني اباج تتدسين عدل
ريم : ان شاء الله
مايد : يلا مع السلامه
ريم : مع السلامه
مايد ظهر وانا سرت فوق في حجرتي عشان اذاااكر وانا اذااكر كنت كاتبه ع طرف كتابي (امتلأت كتابي بأسمك ... ما ادري ادرس المنهج ولا احبك )
بس قررت اني اكمل درراستي وابتعد عن التفكير اللحين

تتوقعون ريم بتفلح في الدراااستها وهي كل ها يالسه تفكر ؟

والعنوان معقوله ينطبق ع حاارب

يعني ريم بتحب حاارب بكل عيووبه __DEFINE_LIKE_SHARE__

نوير · 07-23-2008, 08:06 AM

القصه واايد حلو وندمج معاها هه ..
ننطر التكمله .. __DEFINE_LIKE_SHARE__

ملاك الروح · 07-23-2008, 09:35 PM

تسلميين ع القصه الطر ..~

ياللهـ كمليها ابا اعرف ريمااني من نصييب منو ^^.

وان حااسه انها بتكون من نصيب ماايد..~

والسمووحهـ..~ __DEFINE_LIKE_SHARE__

%كشخة% · 07-24-2008, 02:38 PM

يا الله بليز لا طولين علينا الله بخليج ...

لا طــــــــــوليـــــــــــــن ....
__DEFINE_LIKE_SHARE__

.!!قطريه وافتخر!!. · 07-24-2008, 03:42 PM

مشكوووووووووووووووووووووووووووره ياقلبي ع هالرواايه اللي صج صج صج صج طررررررررررررررررررر ,,

وننتظر البارت الياي حبيبتي ,, __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
دام قلبي اختارك ما همني عيووبك	♥ روحي تحبك♥	قصص و روايات	39	03-19-2010 01:48 PM
ماذا تقول لو أهديتك عيوبك؟!	مــ اكون ــن	الحوار والنقاش - الرأي والرأي الآخر	23	02-13-2010 08:50 AM
دآآم قلب اختآآرك ما همني عيووبك	ميراني..~	استراحة قصص وابداعات الاعضاء	51	02-01-2010 01:21 PM