| ||||||
| قصص و روايات تهتم بالقصص المنقوله وقصص الاعضاء الطويلة والقصيرة |
 |
| | LinkBack | أدوات الموضوع | انواع عرض الموضوع |
| |
|
#1
07-21-2008, 02:33 AM
| |||
| |||
 الجزء التاسع دخـيـلـك لا تـخـيـب فـيــك هـقـواتــي وآمــالــي و اذا انها عالصبر والله وغلاتك عندي راح اصبر اول ما دخلت البيت شفت خالتي امل وهند دخلت الميلس ريم : هلا خالتي اشحالج خالتي امل : هلا وغلا هند : هلا وغلا ريم مصدووووووومه من اسلوب خالتها خالتي امل شلت التلفووووون واتصلت في ابوي وشهاب وحارب خالتي امل : سري بدلي فديتج وانزليي اباج في سااااااالفه ريم : اوكي خالو سرت فووق وانا اوقل الله يستر من الياي بدلت ونزلت تحت يوم نزلت شفت خالتي وامي وابوي وشهاب وحارب يعني كلهم خالتي امل : يا بو شهاب هذي اوراق تثبت انك مديون لبو حارب الله يرحمه ب5 ملايين درهم طبعا هذا بسب فشل مشروووع الصقر لي كنت نااوي انك تبنيه ابوي : صح انا كنت مديوون لبو حارب الله يرحمه وانا من يومه وانا يالس اجمع البيزات عشان ارد الدين بس اللحين حتى ما جمعت النص خالتي : لا يا بو شهاب ال5 ملاين ماباه بشرط اتيوزني بنتك ريم ريم مصدوووووووومه شو ها الكلام الي تسمعه انا اخذ حارب لاء مستحيل انا اتزوج من واااحد ما خلا بنت في حالها ابوي : يا ام حارب لو كنت يايه وطالبه ايد بنتي كنت بشاورها بس يايه تستغلين نقطة ضعفي وتبيني ايوزج بنتي عشان البيزات فانسي السالفه خالتي : لو جي تبا ترد علي فهذا الشيكات توفي انك تتدخل السجن لمده على الاقل 5 ل6 سنوات ابوي : اضحي بكل عمري وحياتي وكل ما املك لعيون زوجتي ولدي وبنتي وما بقى من العمر كثر ما مضى خالتي : يعني ما بتعطني بنتك ابوي : لاء اسف خالتي : ترااااك بتدفع الثمن غالي يا بو شهااااب ابوي : انا راااااضي بس المهم راااحت عيالي خالتي و ولدها ظهروا من البيت وكره وحقد في عيوونها بس استغربت ان لا اخوي ولا امي نطقوا بكلمه الساعه 7 ونص ** رحت فوق في حجرتي وتميت افكر وبدون ما احس قامت تنزل عبارتي معقوله انا بكوون لغير ماايد ... واشوي ودخل اخوي الغرفه وجافني اصيح شهاب : فديتج لا تصيحين( وضمني لصدره ) انتي اتعرفين ان ابوي مستحيل يفرط فيج ريم : شهاب بس ابوي بيدخل السجن لو ودت الشيكات وانت اتعرف ان هاي الشيكات بدوون رصيد شهاب : بيحلها رب العالمين ...تعالي انتي صار لج اسبوع ما داومتي المدرسه ريم : هيه ...بس باجر خلاص بدااوم شهاب : يلا عيل رتبي كتبج وطلعي ملابسج ولا تفكرين بشي ريم : شهاب شهاب : عيون شهاب اول ما قالي عيون شهاب اتذكرت مايد وسوالفه شهاب :وين وصلتي شو كنتي تبين تقولين ريم : كنت ابا اقول انت واايد ما خذ الامور بسهاله شهاب :ريم شو بنسوي يعني انا باجر بسير مكتب ابوي وبشوف كم عنده وكم لازم ناخذ سلفه ريم : بس ما بيعطونك سلفه ولا انت ولا ابوي شهاب : ليش ؟ ريم : مب انتوا ما خذين من قريب سلفه عشان تبنون شركه مقاولات اهني حسيت انه ويه شهاب تغير 180 درجه بس تظاهر انه عادي شهاب : ريمو سيري اتغسلي وارقدي وباجر وراج مدرسه ريم : ان شاء الله شهاب يه وضمني لصدره وباسني ع راسي وطلع برع الحجره رحت بدلت ملابسي وتسبحت وحطيت جدولي وطرشت مسج حق فطووم انها باجر اتمر علي ومن التعب نمت وانا مب حاااسه بعمري الصبح 6*** قمت من الرقاد اتسبحت واتلبست وشليت شنطتي وانا نازله سمهت ابوي يرمس امي ابوي : من سابع المستحيلات اني ايوز بنتي لولدها ومهما كان الثمن غالي امي : لا هاي اصلا ما تدانيها ولا اتواطنها بعيشه الله ابوي : لو ما تحبها ليش يايه تخطبها مني انا رحت اول ما اوي سأل السؤال يا ويل حالي اكيد هي اتعرف انه هو يحبني وهي قبل ما تظهر قالت بتدفع الثمن غالي امي : اصبلك الشاي فديتك ابوي : هيه حبيبتي نزلت تحت حبيت راس ابوي وامي وسويت رووحي اني ما سمعت شي امي : يلا فديتج تعالي كلي شي قبل ما تروحين ريم : ان شاء الله امي وانا اكل ريوقي سنيثيا : ماما ريم ريم : ها سنيثيا سنيثيا: ماما فاطمه برا ريم : اوكي شليت شنطتي وطلعت برع في السياره **** ريم : صباح الخير فطووم : صباح النور والسرور اشحالج اليوم ريم : والله تمام وانتي اشحالج فطوم : انا عالي العال ريم : دووم فطوم يو تو ان شاء الله فطوم : ريم شوفيج اليوم ريم : ولا شي حبيبتي شو فيني فطوم : مادري بس احسج مهمومه و ويهج مصفر ريم : يمكن من التعب في المستشفى وجي فطوم : هيه تعالي اليوم بعد عندج علاج طبيعي صح ريم : لا قالي كل اسبوع تعالي ثلاث ايام بس فطوم : ليش هو كم اسبوع ؟ ريم : بس اسبوعين فطووم : ما شاء الله وااايد زين ريم : هيه الحمد الله وصلنا المدرسه عواش : توه ما نور المدرسه ميره : سلامات يادلووعه حمده : شو ها الغيبه ؟ امنه : ما تشوفين شر فطوم : حبه حبه عليها خلوها تتنفس ههه عواش : اشتقنا لج ريم : وانا اكثر ثاااااانكس طعا ويهي غدى شراااااااات الطماط سرنا الصف بعد المدرسه فطووم اتوصلني البيت ريم : فطوووم ما لي خلق انقل كل هذا فطوم : محد قالج غيبي ههههه ريم : حلام مابي زعلت .... فطووم.... فطوومتي.... فطومتي العسل فطوم : قولي شو تبين ؟ ريم : ههه ابسرعه تفهميني تعالي اليوم بتنا عشان اتساعديني فطووم : ريموو انا ما صدقت يوم ارتاح فيه تبيني اي بيتج اساعدج بعد يلا مناك ريم : انزين تعبي راااحه خخخخخخخخخخ فطوم : والله ريم : شو في البرائه الي يقطر من ويهي فطوم : ههههههه انزين بي ريم : اللحين فطوم : شو اللحين بسير ابدل واتسبح واصلي واتغدى بعدين بيج ريم : لا تتاخرين فطوم : ان شاء الله ماما ريم ريم : ههههههه جليييييبه شو حتى اصغرج وادلعج بعد فطوم : امحق دلع والله ههههه يو وصلت البيت شفت اخوي شهاب وابوي وامي يالسين في الصاله ريم : اعررف البيت بدوني من شي صح شهاب : والله يمدحون السلام ها الايام ريم : هههههههههه امي : يلا امي سيري بدلي وتعالي نتغدى شهاب : هيه يمه اليوم خالتي مهره وعايله كريمه بيون امي : حياهم البيت بيتهم بس متى ؟ شهاب : قالوا بعد الغدى يعني ع الساعه 4ونص الساعه 3*** اتصلت بفطوم ريم : سعاده سموج متى بتين بتنا ؟ فطوم: هههههههه وعليج السلام والله انا بخير وانتي ريم : زقي متى بتين البيت فطوم : بعد الساعه ونص يم : والله برااايج لو فاتتج المفااجأه لا تمين اتصيحين فطوم : اي مفاجأه ريم : تعالي بتنا وانا بنفسي بقلج فطوم : الله يستر منج يا بو المفاجأه ريم : يلا باي ها بتين بعد ساعه ونص ولا اللحين فطوم : لا اللحين ريم : ههههههههههه يلا بسرعه انطرج انا فطوم : اوكي بس مسافه الطريج ريم : هههههه يلا بسرعه فطوم : اوكي يلا باي ريم : باي بعد نص ساعه فطوم يت واتصلت فيني عشان انزل تحت نزلت ودخلتها البيت يوم نزلت محد كان في الصاله بس يوم يت دخلت شفت توه اخوي يبا يظهر اخوي كان كاااشخ ومتعصم وكان يالس يبخر عمره ريم (نست ان وراااها فطووم ) :شهااابوا وين ساير شهاب شافني بس ع طول نزل عيونه بعدين انتبهت ان فطووم وراي شهاب : بسير ايب خالتي امل ريم : خالتي امل ليش ؟ شهاب : اتصلت فيني تباني امر عليها ايبها البيت ريم : وعيالها وين ان شاء الله !!!!!!!!!! شهاب : وبعدين وياج انتي ريم : مب جنك عصبت شهاب : لاء وابتسم وظهر فطوم : انتي وااايد فضوليه اكثر من الازووم شو تبين فيها ريم : ما دااااااااااانها فطوم : الله يهديج ... يلا شو السر والمفاجأه ريم : هههههههه خلصي كل واجباتي بعدين فطوم : لا والله وانتي شو بتسوين ريم : انا بصحح هههههههههههه فطوم : يلا امشي شو بتوقفيني عند الباب ريم : ههههه لاء يلا انسير الحجره سرنا فووق تمت فطوم اتساعدني يحليلها صرااحه تعبت ريم : افففففففففففففففففففففففففففف تعبت فطوم : يلا غااااايبه اسبوع وتتفلسف بعد ريم : فطووم دريتي خالتي امل يت خطبتني حق ولدها حارب فطوم : شووووووووووووو ؟ حاربوا ريم : هههه بلاج بلاه حارب فطوم : ماحصلتي غير هذا يوم يشف وحده يطالعها من الفوق لي تحت ريم : ههههه حتى انتي بس ما واافقنا فطوم : مالت عليج حتى الي يخطبوونج مثل ويهج ريم : مالت عليج انزين فطوم : ساعه كم اللحين ريم : الساعه 6 فطووم : اويه ابسرعه انخطف الوقت ريم : لا تتفلسفين بتمين هني لين العشا فطوم : نعم ؟؟؟؟ لا حبيبتي ابا بعد نص ساعه بسير ريم : فطووووووومواااا فطووم : ريمو جنج ياهل وانا امج بعد ما خلصنا دراسه فطوم بغت اترووح ريم : فطووم جربي ها الجحال يديد فطوم : ريمو انا متجحله ريم : لا حبيبتي خاز جربي هذا فطوم يحليلها جربت ريم : جربي ها الكلوووس بعد روووووووعه لونه فطوم : ريمو بسير البيت انا منو بيجوووفني يعني ( كنت ابا اقلها منصور تحت بس سكت ) ريم : انزين حطي مب لازم حد يشوووفج فطوم : هاتي انزين ريم : حتى ها العطر فطوم : انتي غبيه ولا هبله ريم : مديت بوزي حلاااام ثو في البلاأه فطوم : تعالي انتي ما قلتيلي شو المفاجأه ريم : ولاشي انا مب تارسه عيوونج هههههههه فطوم : مالت عليج خخخ طبعا انا بعد اتجحلت زياااده واتعطرت و حطيت كلوس يوم نزلت شفت دخل اخوي ويا خالتي امل وخالتي امل كانت اتسلم ع امي وخالتي ميره وعواااش وبعدين فطووم سارت سلمت ليهم كلهم اول ما كانت تبا فطوم اتطل الباب شو الصدمه وليش منصور ما كان ما سك قفل الباب منصور استحى ورد ورا وفطوم ع طول ظهرت ريم : فطووم ثوااني نسيتي مبايلج (جذاااااااابه بس ابا اخليها تنطرهههههههه ) فطوم صدت شافت منصور يطالعها ههههه يحليلهم والله وصلت عندها ريم : ههههه شو رايج بالمفاجأه فطوم : مالت عليج انا الغبيه الي ياليه بيتج ريم : ههههههه هونج علي والله انا كنت اتحرى انهم يالسين تحت ما كنت ادري انكم بتتلاقون فيس تو فيس فطوم : مالت انزين ريم : باجر بتنسين هههه فطوم : باي يلا تيك كير ريم : بااي يو تو سويتي اول ما دخلت شفت ابوي سرت حبيت راسه وشفت منصور وسعيد ومايد وعوااش وجسووم وخالو وخالتي امل خالتي امل : ها يا بو شهاب ابوي : هلا خير خالتي امل : ما قلتلي بيوزني بنتك حق ولدي ولا لاء هني كانت الصدمه كل حد يطالع الثاني ابوي : انا قلتلج لاء ولو ع الشيكات سوي الي بتسويينه انا سبق وقلتلج كل شي يهوون عشان عيالي وبيتي خالتي امل : بس انا ما تكلمت ع الشيكات ولو ع الشيكات انا عندي شيكات ثانيه ابوي : شيكات ثانيه خالتي امل : هيه شيكات يوم سافرت اتعالج الوالده الله يرحمها ابوي : انا اول ما رديت من العلاج رديتله البيزاات نوط ينطح نووط خالتي امل : هااي الشيكات بس انا شو ابا بالبيزات انا ياليه اخطب ايد بنتك وهني تعب ابوي وقام يفج عقمه امي : يا بو شهاب شو فيك ؟ شهاب : ابوي قوم اوديك المستشفى قوم مايد : شهاب شل ابوك بنوديه المستشفى شهاب ومنصور وسعيد شلوا ابوي وودوه المستشفى وامي سارت وياهم وانا تميت اصييييييييييييح عوااش يت حضنتني وكانت اتبوووسني خالتي امل ظهرت من البيت بسرعه ونحن نتريا حد يتصل يبشرنا ويتصل اخوي ع مبايلي يوم شليت شو تتوقعون حصل لابوي ؟ __DEFINE_LIKE_SHARE__  |
|
07-21-2008, 02:34 AM
| رقم المشاركة : [ 2 ] |
| عضو جديد  | الجزء العاشر من اختار قبا هويته ولا شخصن بدنيا اشتريه ... اسمع كلام من اسمع ونات القلب ولا دموووع اغلى الناس يوم شليت التلفون ريم : ها شهاب بشر شهاب : لا تخافين ابوي اللحين الحمد الله عطوه اكسجين واللحين رااقد .... وقولي حق خالو ومريوم انه سعيد بيمر عليهم اللحين ريم : اوكي و سعيد وسيف ومايد ردوا البيت شهاب : لاء مايد بييلس وياي و سيف ومنصور ردوا البيت ريم : هيه اوكي شهاب : يلا باي بسير اكلم الدكتور ريم : انزين وامي شهاب : هني يالسه وياي ريم : اوكي عيل يلا باي شهاب : باي اول ما بندت التلفون سمعت الخدامه سنيثيا : ماما ريم ريم : ها سنيثيا سنيثيا : باب سعيد برع شفت مريوم لابسه عباتها وكان جسوم راااقد فديته والله مريوم يت وحضنتني : فديتج سيري ارقدي اللحين خلاص ابووج بخير وعافيه اللحين ولا تحطين سالفه خالتج امل في بالج مفهوم حبيبتي ريم : مفهوم فديتج مريوم : يلا فديتج الله يسهلها عليج يالغاليه ولا تنسين باجر مدرسه ودووام ريم : مالي خلق اسير مريوم : شووو .؟ لا بتسيرين غصبن عنج ريم : (ابتسمت ) : ههه اوكي بسير مريوم : يلا تيك كير ريم : يووو تو ... عيل خالوا وين ؟ مريوم : مادري وابتسمت يلا باي ريم : سلمي عليهااااااااااااااا واااااااااااااااااااااااااااااااااااااااااايد خالتي مهره : فدست روووووحج والله الدنيا صووووب وانتي صوووب مريوم : احم احم نحنو هنا ريم : بدوا الي يغارووون يالله ههههههه خالتي مهره : فديت رووح مرت ولدي والله مريوم : فديت قلبج والله خالو ريم : هاي خالوا مب سعيد مرييوم حسيت استحت خالوا ميره ومريوم : ههههههههههه مريوم : جلبه باي ريم +خالتي مهره : الله يحفظج مريوم سارت فديتها وتمينا انا وخالتي يالسات خالتي ميره: يلا قومي نسير انسويلنا عشا ريم : لاااا خالوا فديتج انتي يلسي انا بسير اسوووي لج خالتي ميره : لااا انتي اصلا تعبانه وباجر وراااج مدرسه ريم : لا خالتي والله عادي خالتي ميره : يلا انسوي عشا بعد ما سوينا عشا و كلينا ...انا و خالتي ميره سرنا فوق في حجرتي ريم :خالوا وين بتباتين في غس روم ولا حجرتي ولا حجرة امي ولا حجرة شهاب خالتي ميره : لا احسن شي في غرفه امج هههههههههه ريم : ههههههههه وين خالوا خالتي ميره : في حجرتج لو ما عندج ماانع ريم : خالو شو ها الكلام انتي اتعرفيني اني احبج مثل امي خالتي ميره : فديت روووحج يت وحضنتني بالقو والله اني احبج واحسبج وحده من بنات معن الله ما عطاني بنيه ريم : والله خالو انا بعد احبج بعد اشوي مبايلي رن خالتي ميره : خير اللهم اجعله خير ريم : خالوا هاي امي خالتي ميره : ردي شو في شو تباه ريم : الو امي : ريم فديتج تعالي بطلي الباب ريم : ان شاء الله اللحين بفتح امي : انتي يالسه برووحج ريم : لا انا وخالتي ميره امي : انزين وين خالتج امل ريم : مادري عنها يوم ظهرتوا هي بعد ظهرت عساها رووحه بلا رجعه امي : عيب شو ها الكلام بعد ريم : شو عيب بعد امي : مهما كانت لازم تحترمينها ريم : ان شاء الله خلاص بحطها في عيوني امي : مالت عليج ما في منج فااايده ... تعالي فجي الباب ترى وصلنا ريم : ثواني بفتحلج الباب امي : يلا مع السلامه ريم : مع السلامه خالتي ميره : ريم شو مستوي ؟ ريم : ولا شي خالوا امي تحت تباني افتحلها الباب خالتي ميره : تعالي اللبسي شيلتج وجلابيتج جي بتنزلين ريم : خالوا ايدي مب برع ولو عشعر اللهم اخوي وامي خالتي ميره : هيه والله صدقتي يلا انزلي فجي الباب ولا بي وياج ريم : وين اتين خالوا الا هو الباب الفله من الحووش خالتي ميره : انزين بسرعه ريم : ان شاء الله نزلت سرت فجيييت الباب يوم فجيت الباب امي ويا مايد كانوا مب شهاب وانا فاااجه شعري ولابسه بجامتي فمايد اول ما شافني نزل راااسه فامي شافت امي : شو ها بعد انتي وين تبين ريم : ........ وبسرعه سرت فوق وشفت خالتي كانت توها ظاااهره من الحجره خالتي ميره : تعالي تحت ريم : خالوا بلبس جلابيتي وشلتي بعدين بنزل خالتي ميره : خلاص لا تبطين ريم : ان شاء الله خالوا دخلت غرفتي وبدلت ملابسي ونزلت تحت يوم نزلت تحت شفتهم يرمسون عن ابوي فديته وحالته اللحين يت ويلست عند خالو لان مايد كان يالس عند امي وخالو كانت يالسه عند مايد امي : والله فديتج مهره صراحه تعبتكم وياي اليوم انتي ومريوم وعيالج فديتهم خالو ميره : شو ها الكلام موزه بعد يلا عاد ترانا كلنا واااحد امي : الله يحفظج ويحفظ الكل وياج خالتي ميره : وانتي يارب انتكونين ويانا خالتي ميره: انتوا اكيد يوااعه امي : والله يواعه يواعه امي : وانت ميود مايد : والله انا بعد يوعان وكنت افطر اسير وين اكل امي : هههه لا فديتك اللحين بقوم بسويلك ذيك العشا الي تاكل صبوووعك وراها ريم : لا امي انتي ارتاحي لي انتي سيري بدلي ثيابج العشا بيكون جاااهز خالتي ميره : لا فديتج انتي باجر ورااج مدرسه سيري ارقد وانا اسويلهم العشا ريم : لا خالي فديتج عادي انا بسويلهم وبعدين بسير ارقد خالت ميره : خلاص عيل انا بي اساعدج ريم : خالتي ماله داعي الا هو عشا مب غدا خالتي : لا عادي وسرنا انا وخالو المطبخ عشان العشا وتمينا انا وخالو انسوي العشا وانا اقص الخيار ريم : ااااااااااااي خالتي : شوووووووو فيج ؟ شو استوى ريم : خالو جرحة صبعي خالتي : وااااي يالس ينزل الدم منج ... ثواني بسير ايب المطهر وخالتي ربعت برع المطبخ وانا واقفه ما ادري شو اسوي شفت صوت ريول تراكض وصراخ مايد دخل علي فجأه مايد : شو فيج امي شو تقول ريم : ولاشي بس بالغلط جرحة صبعي ماي د : مسك ايدي وحاول انه يوقف الدم فربط معصمي خالت وامي بسرعه يو امي : شو استوى ريم : ولاشي بس جرح بسيط امي يابت المطهر اول ما حطت عليه تميت اصيح لا ن صج حرقني خالتي ميره : فديت روووحج والله لا تصيحين مايد : قومي انوديها المستشفى ريم : لا ماله داااعي اللحين بيتوقف الدم وانا امسح دمووعي امي يت حطت عليه مرهم وربطته ريم : خلاص انا بسير ارقد وانتوا كملوا العشا خالتي مهيره : لا تعالي كليلج اشوي بعدين ريم : ا خالو ما اشتهي ريم : خالو بعدين دخيلج بندي ليت الحجره امي : ميره بترقد عندي ومايد بيرقد في غرفة شهاب هو بعد باجر عنده دوااام مايد : ما عليه خالو الا هو كليه امي : ميوود شو ها الكلام ما دري منو الي كاان يدرس ويزعل لي نقص درجه مايد : هذا قبل يوم كنت اتحرى بسير كليه الطيران خالو : والله هذا لي ناقص تتركني ترووح هناك مايد : هيه عاد انتي مناحتج في البيت ريم و امي : هههههههههههه خالتي : ما بي زعلت (ومدت بوووزها ) مايد : فديت زعلانه انا خالتي : هيه اتحريت بعد ريم : يلا تصبحون ع خير امي : يلا خلص العشا كلي بعدين ريم : لا امي ما بي سرت فوق في حجرتي وبدلت ملابسي ورقدت الصبح الساعه 6 **** انا دووامي الساعه 8 قلت في نفس باقي وااايد برقد اشوي بس ما ياني رقاد يوم شفت مبايلي شفت مسج رقم غريب اه ياقلب احب انسان ما يعبرني في حبه .... مادري يدري بحبي له ولا لاء .... بس يا قلب وصل سلامي اللي في قلبي لهم حبن محد وصله استغربت من منو ها المسج مستحيل يكون ماايد اعرف رقمه ومستحيل يسوي ه الحركات منو يعني قلت يمكن مطرشينه بالغلط الساعه 6 ونص ** رحت اتسبحت واتلبست ونزلت تحت طبعا انتوا ادري كم يبالنا عشان نتجهز ههههههه الساعه 7 وربع **** نزلت تحت ما حصلت حد كلهم رقوود يوم نزلت شفت خالتي امل تحت خالتي : صباح الخير رديت بدون نفس : صباح النور خالتي : انتي بلاج جي اترمسيني ريم : كيف تبيني ارمسج وانتي السبب وفي الكل الي يحصل في بيتنا خالتي : ع ها الاسلوب انتي الثانيه انا ياليبه مفاجأه حق ابوووج ريم : الله يستر منج شو هو بعد خالتي :انا اليوم يايبتله مجموعه من شيكات ثانيه ريم (ما قدرت تمسك عبارتها ): انتي ليش جي اتسوين في ابوي حرررااااااااااااااام عليج خالتي : انا اباج انتي و وعد مني انفذ كل طلباتج وها الشيكات كلهن احرقهن جدااااامج شو تبين بعد ريم : انزين اشمعنا انا مب غيري خالتي : لاني احبج ولانج انتي الوحيده الي تقدر ع حارب ... وحارب رااافض اي بنت ثااانيه ...ريم فكري لو تبين ابوج عندج يومين اتفكرين يا ابوج يا نفسج ريم : حراااااااااااااام عليج الي اتسوين فيني خالتي : لج يومين بعد .... بعد يومين انا بي اخطبج وبسمع الرد منج ومن امج واللحين انا سايره البيت يالله شو اسوي شو اختار انا مستحيل ارتبط بحارب ومستحيل افرط في ابوي يالله شو اسوي شو الحل الساعه 7 ونص *** فطووم يت وانا اللحين يالسه افكر شو اسوي شو اختار لازم افكر صح سنيثيا : ماما ريم ريم : ها سنيثيا : ماما فاتمه برع ريم : اوكي خلاص رحت ركبت السياره وسويت عمري عاااديه فطووم : هااااااااااااااي ريمو ريم : هااااااااااياااات فطووومو فطوم : اشحالج ؟ ريم : والله تام اشوووف اليوم مزاااجج راااقي فطوم : هيه اخوي مشعل قال بياخذلي سياره لو يبت معدل اوكي ريم :ههههه عشان هذا فطوم : يس يس وتمينا نسولف سواللف عاديه سوالف بنات بعد ما رديت من المدرسه سنيثيا : ماما ريم كلهم يرووه مستشفى انتي تبي غدا ريم : يالله لاء ريم : خلاص انزين انتي سيري كملي شغل يوم دخلت البيت شفته فااااضي اتصلت فأمي امي : هلا ريم ريم : اهليت امي شخبار ابويه اللحين امي : لا ما شاء الله اللحين واااايداحسن ريم : انزين اقدر اي امي : لاء اللحين اخوج بي يوديج المستشفى عشان العلاج الطبيعي بعدين لو ما كنتي تعبانه تعالي ريم : ان شاء الله سكرت من امي اتصلت في اخوي شهاب : 10 دقايق وانا عند الباب ريم : ههههههه اوكي حبيبي شهاب : يلا فديتج مع السلامه ريم : مع السلامه رحت بدلت بسرعه وقبل ما يوصل كنت متجعزه بعد الاشوي شفت مبايلي يرن العسل يتصل بك شهاب : يلا انزلي فديتج ريم : لحظات باي نزلت تحت ركبت السياره ريم : واااي فديتك والله اني اتولهت عليك واااايد شهاب : احم احم منو قدي وتمينا نسولف ونتصخر بعدين شهاب سألني شهاب : ريم مره الي طااافه منو وداااج ريم : (اه يا شهاب فتحت جرح ما يتسكر لو اموووت ) وهني سرحت بخيالي يالله منو اختار مايد ولا حارب لو اختره مايد بكووون انانيه وبضحي بحياه ابوي ولو اخترت حارب بضحي بعمري وحبي مع اجمل انسان وما انتبهت الا وشهاب يقولي : ريمو وين وصلتي ريم : انا وياك شهاب : اي وياي من سألتج وانتي ضعتي ليكون الدكتور قالج شي ريم : لا ما قالي شي بس قالي انه العمليه امسوينها اوكي وان علاج ما بيطول الا اسبوعين طافن اسبوع وباقي اسبوع ثاني شهاب : عيل ان شاء الله بسيطه بس ابا اعرف وين سرحتي ريم : كنت ويااااك شهاب : نو نو نو بس بعرف يوم وصلنا المستشفى ودخلنا ع الدكتور الدكتور : انسه ريم العلاج ماشي معاك كويس خلاص ما له دااعي انك تيجي مره تانيه بس حاولي انك تمشي عليها وخلاص ان شاء الله حتكوني كويسه ان شاء الله ريم :يارب ،، مشكوووور دكتور ما تقصر الدكتور : لا شكر ع واااجب وطلعة برع شفت شهاب ينطرني شهاب : ها بشري الدمتور شو قالج ريم : خلاص قالي ماله دااعي اني اي مره ثانيه شهاب : هيه ها الاخبار الزينه ... يلا رووحنا ريم : يلا ونحن رادين من المستشفى ريم : شهاب ودني ابا اشووووف ابوي شهاب : انزين اللحين بدوديج بس باول كم بتدفعين شو بلاش...... ما عندي انا ريم : بدفعلك الي تباه بس ودني شعاب : ان شاء الله تامرين امر ريم : ثااااااااانكس شهاب : ان اني تايم ريم : اخوي متطور والله شهاب : شو تتحرين عيل وصلنا المستشفى دخلت ع ابوي وكانت امي و خالتي ومنصور يالسين كنت اسمع من برع ضحكه ابوي يالله فدييييييييييييييييت هالضحكه عساني ما انحرم منها اول ما دخلت ركضت صوووب ابوي ولوية عليه وبسته ع راسه وايديه وهو نفس الشي ابوي : فديت روووحج والله ريم بس تصيح وانا اصيح ما كنت اعرف اختار منو اختار ابوي ولا حياتي بتختار انها تعيش ويا شخص ما يحبها وامه دوووم تحتقرها بس تنقذ حياه اغلى الناس لها ولا تختار نفسها وتمشي ورا قلبها تتوقعون ريم منو بتختار ؟ __DEFINE_LIKE_SHARE__ |
|
| |
| |
|
07-21-2008, 10:21 AM
| رقم المشاركة : [ 3 ] |
| عضو ذهبي  |  هااااااااي رياااااااامييي .. بصراااحهــ البااارتااات طرطريشن .. بليييييييز لااا تتاخريين علييناا .. __DEFINE_LIKE_SHARE__ |
|
| |
| |
|
07-21-2008, 02:58 PM
| رقم المشاركة : [ 4 ] |
| عضو جديد | مشكورررررررررررررررة والله القصة اكثر من روعــــــــة...
__DEFINE_LIKE_SHARE__
يلة بليز لا تطلين علينا اوك *_^ |
|
| |
| |
|
07-21-2008, 03:14 PM
| رقم المشاركة : [ 5 ] |
| عضو جديد | الــــــــــــــــــــــــــــــــــــــــــــــــ ـــــى الآن قـــــــــــــــــــــــــ الانتظاااااااااااااااار يــــــــــــــــد ريامي لا تتأخري علينا بالبارتات __DEFINE_LIKE_SHARE__ |
|
| |
| |
|
| مواقع النشر (المفضلة) |
العرض المتطور
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| دام قلبي اختارك ما همني عيووبك | ♥ روحي تحبك♥ | قصص و روايات | 39 | 03-19-2010 01:48 PM |
| ماذا تقول لو أهديتك عيوبك؟! | مــ اكون ــن | الحوار والنقاش - الرأي والرأي الآخر | 23 | 02-13-2010 08:50 AM |
| دآآم قلب اختآآرك ما همني عيووبك | ميراني..~ | استراحة قصص وابداعات الاعضاء | 51 | 02-01-2010 01:21 PM |
الساعة الآن 03:10 AM
- اخبار رياضية
- اخبار الامارات
- اخبار ريال مدريد
- اخبار برشلونه
- العاب فلاش
- مسلسلات وافلام
- مسجات
- فيديو كليبات
- سيارات للبيع
- ارقام سيارات
- ارقام هواتف
- هواتف للبيع
- حيوانات للبيع
- قوارب ويخوت للبيع
- ملابس واكسسوارات
- ساعات ومجوهرات
- اناشيد اسلامية
- نغمات اناشيد
- نغمات اسلامية
- ادعية اسلامية
- رقية شرعية
- قران كريم
- ديبيات اسلامية
- اذكار المسلم
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227