شربت الحب من كاسك وطعم الورد بأنفاسك - الصفحة 14

الذربه · 08-09-2008, 01:16 PM

ولكم البارت الاخير

تحدد عرس سلامه في 10 من شهر 4 ومرت الايام وكل يوم يطلعون يتشرون ومره في مول الامارات سلامه وعبد الله سايرين
ومره وحده رن تلفونها
حمدان : الو
سلامه : هلا
حمدان : اهلين
سلامه : هلا
حمدان : حبيبتي انتي وين
سلامه : في السوق
حمدان : أي سوق

سلامه : مول الامارات
حمدان : اونه
سلامه : لا والله
حمدان : احبج
سلامه : انا بعد
حمدان : شو
سلامه : حمدان نحن الحين في المركز انا ما احب ارمس في التلفون في المراكز
حمدان : احبج
سلامه : انا بعد وتوطي صوتها احبك
حمدان : فدييييييييييتج والله
سلامه : يالله في مان الله
حمدان : يالله الله يحفظج
وسكروا عن بعض
عبد الله : منوه متصل
سلامه : حمدان
عبد الله : هيييييه انزين شو بعد تبين
سلامه : اميه موصتني على اغراض من كارفور
عبد الله : يالله سرنا
وساروا صوب كارفور واشتروا الاغراض اللي امها تباهن وردوا البيت
واول ما دشوا البيت
عفاري : الامي ويا يه تربع جداها
سلامه : ها حبيبي وحبتها
عبد الله : انا ما تبيني ؟
عفاري : انا احبكم انته والامي
وحبها وسار حجرته
وفي حجره عبد الله
يرن مبايله
عبد الله : الو
حمدان : هلا عبود
عبود : اهلين
حمدان : وين بتسير اليوم
عبد الله : ما ادري وانت ؟
حمدان : خاطريه اسير البحر
عبد الله : والله انا بعد شو رايك بتسير ؟
حمدان : خلاص تم
وها كان قبل العرس باسبوعين
طبعا سلامه تسير ويا مريوم يقضون اشغالهم
وحمدان وعبد الله ساروا البحر وركبوا في طراد ويوم وصلوا في نص البحر وقفت مكينه الطراد وما راموا يشغلونه وتموا يحاولون يشغلونه لكن ما شي فايده واتصل عبد الله بخفر السواحل ويوهم الحمد لله بسرعه وركبوا في طراد النجده وردوا الحمد لله بسلامه
سلامه تتصل بحمدان : الو
حمدان وشكله تعبان : هلا سلامه
سلامه : حمدان انت وين ؟
حمدان : نحن تونا طالعين من البحر ورادين البيت بنزل عبود وانا برد اليت وبرقد تعباااااااااااااان
سلامه : سلامات شي مستوي ؟
حمدان ما بغا يزيغها : لا فديتج ما شي
سلامه احس انه فيكم شي والا شي استوالكم
حمدان : لا ما استوا شي الحمد لله بخير نحن
سلامه : اكيد
حمدان : اكيد
سلامه : انزين
حمدان : احبج
سلامه : انا بعد
حمدان : شو

سلامه توطي صوتها وبرقه : احبك
ام عبد الله دشت الحجره : سلامي
سلامي : حمدان لحظه هلا اميه
حمدان : سلمي عليها
ام عبد الله : ترمسين حمدان ؟
سلامه : هيه اميه
ام عبد الله : تخبريه عن عبد الله وياه
سلامه : هيه اميه وياه والحين بيرد
حمدان : حبيبتي انا الحين اخليج ويوم برد البيت بكلمج
سلامه : الله يحفظك وسكروا عن بعض
ام عبد الله : ها شو بلاج
سلامه : ما فيه شي بس احس انه شي بلاهم
ام عبد الله : ان شالله ما فيهم الا العافيه
سلامه : ان شالله
وسارت امها وشويه والا عبد الله داش البيت : هود هود
ام عبد الله : هدا هدا
عبد الله يا وحب امه ع راسها وسار ع طول حجرته
سلامه شافته وسارت دقت الباب عليه : عبد الله
عبادي : ها سلامي الباب مفتوح
ودشت سلامه الحجره : عبادي شو السالفه احس انه شي استوالكم !
عبد الله : لا فديتج ما استوا شي ويلست حذاله
سلامه : انا احس انه حمدان فيه شي
عبد الله : يالله ع الحب
سلامه : نزلت راسها
عبد الله حبها ع راسها وشويه ورن تلفون سلامه حمدان اللي كان متصل
عبد الله : سيري سيري ردي
سلامه شلت التلفون وسارت حجرتها
حمدان : ليش تاخرتي لين ما رديتي
سلامه : كنت عند عبد الله
حمدان : هيه زين
سلامه : حمدان
حمدان : عيونه
سلامه : بذمتك ما استوا شي ؟
حمدان : ليش هالسؤال ؟
سلامه : احس انه استوالكم شي وما تبون تقولون
حمدان : حبيبتي ما استوا الا الخير بس
سلامه : بس شو
حمدان : اخترب علينا الطراد ويونا النجده وانتهى الموضوع
سلامه : الحمد لله ع السلامه
حمدان : الله يسلمج حبيبتي
وسكروا عن بعض
ومرت الايام واقترب يوم العرس
سلامه متوتره وزايغه
ام عبد الله : سلامي ها شو هبتج
سلامه : اميه احس بخوف
ام عبد الله : عادي اميه بتعدي ع خير والله يتمم ع خير
ويا يوم العرس وسلامه كانت صدق متروعه وحمدان طاير من الوناسه
وفي العرس الكل مستانس
حزه دخله سلامه
ام حمدان وام عبد الله ومريوم : يالله سلامي شدي حيلج والله يتمم عليكم بخير ويسعدكم
سلامه قافطه
ودشت ع موسيقى حلوه كانت قمر ما شالله عليها
والناس كلهم مستانسين وسلامه مستانسه ومتتروعه في نفس الوقت وشويه صاحت ويلست وتموا شويه ويوها البنات وسلموا عليها وشويه ودش حمدان وعبد الله وبو حمدان وبو عبد الله
وحمدان كاشخ وحالته حاله وايد مستانس
ومستن الا يبا يوصل عند سلامه
ويوم وصل عند سلامه سلم عليها وسلموا عليها ودعولهم وساروا الريايل
وساروا وقصوا الكيكه وكلوا ورمسوا وتموا شويه وطلعوا وباتو في الفندق ليله العرس وباليوم الثاني ساروا وسلموا على هلهم ووساروا المطار لانهم بيسافرون استراليا
وفي استراليا كانوا في منطقه قولد كوست وكان الفندق مجابل البحر وكانوا واقفين في البلكونه والجو بارد
حمدان : سلامي بردانه
سلامي : لا عادي وهيه تنتفض
حمدان حط ايده ع جتفها وحضنها وهيه قافطه : تعالي بنيب الجاكيتات وبنسير نتمشى ع البحر
سلامه تهز راسها بمعنى اوكي
ودشوا داخل وشلوا الجاكيتات وطلعوا وتموا يحوطون وتموا اسبوعين وردوا البلاد
وعقب فتره عرفوا انه سلامه حامل وبتيب توم بنت او ولد واكل استانس لهم ومرت الايام وسلامه استوت ام ويابت العنود واحمد وكانت حاطتنهم في المنز واقفين هيه وحمدان عند البلكونه وكان الجو حلو
حمدان : سلامي
سلامه : هلا
حمدان : احبج
سلامه : انا بعد احبك
حمدان تقرب منها وحبها وسار حب عياله
سلامه : حمدان
حمدان : عيونه
سلامه : كتبتلك قصيده
حمدان : احم احم قولي
سلامه : احم ونزلت راسها وردت تقول
في حنايا القلب لك صوره
وانت بالذات لي تعنيها
صورتك ما هي بمهجوره
دوم ارقبها واساليها
حبكم مــــخلد بأســـــــطوره
واتفنن في طواريها
في وسط قلــــــبي معموره
وكل شخص (ن) مالك فيها
الا انت مالك قصـــــــــــــوره
وانت تهدمها وتبنيها
ما اكترث لايامه وشهوره
دامني اطمح بخافيها
الله اكبر ضحكته شوره
بسمته لي انقضي فيها
احترت اوصف شخصه حضوره
واحتارت ابياتي وقوافيها
انت الاول بكامل عصوره
ونفسي ترقب من مراقيها
قالوا الايــام محــصوره
يا حلاتك يوم تحصيها
طالبنك طلبه مأجوره
ضيقتك هذي ما ابيها
يا حبيبي خلها مستوره
وبنتضر منهو يداويها
والبقايا في راسي منثوره
تنتظر طيبه امانيها
ونهايه حب مشهوره
كلمه تنقال واعنيها
حمدان : شربت الحب من كاسك وطعم الورد بأنفاسك

وتمت بحمد الله

ادري النهايه بارده بس هاللي طلع

والسموحه منكم ع التاخير

وان شالله القصه تنال اعجابكم

والسموحه __DEFINE_LIKE_SHARE__

الذربه · 08-09-2008, 01:16 PM

وان شاء الله انه القصه تناعجباكم

والسموحه ع القصور __DEFINE_LIKE_SHARE__

شيوخيه بطبعي · 08-09-2008, 01:30 PM

تسلمين ختيه ع القصه الحلوه ونرقب كل يديدج..

اختج شيوخيه بطبعي... __DEFINE_LIKE_SHARE__

м!sS Gα|αҳcy · 08-09-2008, 04:42 PM

انا كنت متوقعه النهايه غير والله غير هع هع

تسلمين والله ونترقب منج كل يديد

بس ليش ما جلتي اي حد فالقصه عشان يستوي اكشن هع __DEFINE_LIKE_SHARE__

الذربه · 08-10-2008, 08:35 PM

تسلموون ع

عساني ما انحرم من طلتكم الحلوه

وكانت اول قصه اككتبها ان شاء الله اليديد بيكون احسن

واسموحه __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
هل يموت الحب كما يمووت الورد	نزيف المشــاعر	الحوار والنقاش - الرأي والرأي الآخر	8	03-27-2010 11:42 PM
لماذا يعبر الورد الاحمر عن الحب	كيفي شيختكم	الحوار والنقاش - الرأي والرأي الآخر	13	12-07-2009 09:03 AM
[ pics ] . . . أفا يا الحب زرعنا الورد جنينا الشوك بعد وياه }*~	Moon_AlMuhairi	المسنجر وملحقاته , توبيكات , ماسنجر بلس , msn	37	01-15-2009 10:34 AM
شربت الحب مـْن ,, گآسـگ // [ صور& توبيكات ]..!	س™	المسنجر وملحقاته , توبيكات , ماسنجر بلس , msn	33	03-24-2008 10:52 PM
... السينابون بافكار جديده وطعم ولا اروووع ...	قطوة بوظبي	فن المطبخ والطبخ	16	01-24-2008 09:45 AM