| ||||||
| فن المطبخ والطبخ مطبخ , اطباق رئيسيه , اكلات , كتب طبخ , حلويات , معجنات , سلطات , مشروبات |
| | LinkBack | أدوات الموضوع | انواع عرض الموضوع |
|
#1
07-07-2008, 10:59 AM
| |||
| |||
| أول شي نحمي الفرن بحرارة 400 فهرنهايت... و هذي مقادير حشوة رولات اللحم: 2 ملعقة كبيرة زيت زيتون بصلة متوسطة مفرومة فرم ناعم فص ثوم مفروم قطعة (نقانق - هوت دوغ – سوسيج) مقطعة مكعبات صغيرة... أو تقدرون تستخدمون مكانها شرايح مرتديلا مفرومة 2 ملعقة كبيرة بقدونس مفروم ربع ملعقة صغيرة يانسون حب ملح – فلفل أسود ربع كوب خبز توست مفروم للطريقة... أول شي، نحمي الزيت، و نضيف له البصل و الثوم و السوسيج، و نحرك على نار متوسطة لحد ما يذبل البصل بس بدون تحمير...  بعدين نضيف له البقدونس و اليانسون و الملح و الفلفل الأسود و نحرك لحد ما تطلع ريحة اليانسون...  نطفي النار و نخليه يبرد على جنب ، بعدين نضيف له الخبز و نحركهم مع بعض... أنا نسيت الخبز في هذي الخطوة... الحين نبدا نجهز شرايح اللحم، و بنحتاج، خيط للمطبخ، عشان نربط رولات اللحم... أنا استخدمت خيط أسنان بس غسلته عشان تروح نكهة النعناع... و هذي مقاديرنا: 4 شرايح ستيك بقري، نرققهم بمطرقة اللحم، و أنا رشيت عليهم مطري اللحم قبل بوقت عشان يصير اللحم طري... خل بلسميك ملح – فلفل أسود 6-4 أعواد جزر زيت للقلي طبعاً مثل ما قلت شرايح اللحم لازم تكون رقييييقة، عشان ما تاخذ وقت في السوا، و غير كذا يسهل علينا لفها... نجيب شريحتين و نحط أطرافهم على بعض، عشان تصير عندنا شريحة كبيرة... و نضربهم بمطرقة اللحم عشان يلصقون مع بعض...  نرش عليهم شوية خل بلسميك و ملح و فلفل أسود، بعدين ناخذ نص مقدار الحشوة اللي جهزناها و نحطها على شريحة اللحم في النص...  و مثل ما شفتوا، أنا حطيت فوق الحشوة عودين جزر، و تقدرون تحطون 3 إذا تحبون... و عشان نسيت الخبز مع الحشوة، رجعت حطيته مرة ثانية...  الحين نطوي اللحم بشكل رول، أول شي نطوي أول طرف فوق الحشوة مثل الصورة...  بعدين نحاول ندخل الأطراف على داخل و نكمل لف... و ننتبه ما نشد بقوة عشان ما تنفتح و تطلع الحشوة... و الحين نجيب الخيط و نربط شريحة اللحم الملفوفة زين ما زين، خصوصاً الأطراف عشان ما تطلع منها الحشوة...  عند الخطوة هذي، تقدرون تحتفظون بالرولات في الثلاجة و تطبخونها اليوم الثاني... نجيب الحين المقلى، و نحط فيه شوية زيت، يعني ما يكون غزير بس يكفي يغطي قاع المقلى... و نحمر الرولات من كل الجهات على نار متوسطة تقريباً دقيقتين لكل جهة...  في هذا الوقت نجهز صينية الفرن اللي بنحط فيها الرولات... و بنحتاج: 2 بطاطس حجم وسط، مقطعة حلقات رقيقة ملح الثوم فلفل أسود أوريغانو زيت زيتون نصف شرايح البطاطس في الصينية و نرشها بالملح و الفلفل الأسود و الأوريغانو و زيت الزيتون... بعدين نجيب رولات اللحم بعد ما حمرناها و نحطها فوق البطاطس...  ندخلها الفرن في الرف الأوسط بدون ما نغطيها و لمدة نص ساعة... و بعد مرور نص الوقت، نفتح الفرن عليها و نقلب الرولات على الجهة الثانية... و لما تخلص، نطلعها من الفرن و نشيل الخيط عنها و نقطعها شرايح... و أنا قدمت معاها صوص الفطر و سلطة... طريقة صوص الفطر (هذي ما صورتها): نحمر شرايح الفطر بشوية زبدة لحد ما تذبل، بعدين نرفعها على جنب... في نفس المقلى، نذوب ملعقة كبيرة زبدة على نار هادية و نحط عليها ملعقتين كبار طحين و نحرك لحد ما يمتزجون مع بعض... نبدا بالتدريج نضيف عليه مرقة دجاج مع التحريك بالمضرب الشبك لحد ما يصير صوص ثقيل... الحين نضيف له ملعقة كبيرة خل بلسميك و 2 ملعقة كبيرة كريمة... نحركهم مع بعض بعدين نرجع لهم الفطر و نقدمه على طول... و هذي الصور النهائية...   الصوص طبعاً لازم يكون فوق الشرايح، بس أنا ما حطيته عشان تبين الحشوة لكم... و البطاطس بيصير مقرمش مثل الشيبس و طعمه لذيييذ... و مرة ثانية سويت نفس الخطوات لكن استبدلت اللحم بصدور دجاج... و هذي الصور بس بدون تعليق     
__DEFINE_LIKE_SHARE__
 |
| مواقع النشر (المفضلة) |
العرض الشجري
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| حلى شيكولاته بالخطوات المصورة | قطوة بوظبي | فن المطبخ والطبخ | 15 | 11-08-2008 10:26 PM |
| البطاطا المحشية بالدجاج والجبنة والفلفل | مرجوجه بس أخلاق | فن المطبخ والطبخ | 17 | 11-08-2008 09:24 PM |
| ... ديك رومي( turkey )مشوي بالخطوات المصورة ... | قطوة بوظبي | فن المطبخ والطبخ | 9 | 06-09-2008 06:15 PM |
| ... مربعات الكنافة // شرح الوصفة بالخطوات المصورة ... | قطوة بوظبي | فن المطبخ والطبخ | 6 | 01-28-2008 08:55 AM |
الساعة الآن 02:27 PM
- اخبار رياضية
- اخبار الامارات
- اخبار ريال مدريد
- اخبار برشلونه
- العاب فلاش
- مسلسلات وافلام
- مسجات
- فيديو كليبات
- سيارات للبيع
- ارقام سيارات
- ارقام هواتف
- هواتف للبيع
- حيوانات للبيع
- قوارب ويخوت للبيع
- ملابس واكسسوارات
- ساعات ومجوهرات
- اناشيد اسلامية
- نغمات اناشيد
- نغمات اسلامية
- ادعية اسلامية
- رقية شرعية
- قران كريم
- ديبيات اسلامية
- اذكار المسلم
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227