|
رولات اللحم المحشية مع رقائق البطاطا... و بالخطوات المصورة أول شي نحمي الفرن بحرارة 400 فهرنهايت... و هذي مقادير حشوة رولات اللحم: 2 ملعقة كبيرة زيت زيتون بصلة متوسطة مفرومة فرم ناعم فص ثوم مفروم قطعة (نقانق - هوت دوغ – سوسيج) مقطعة مكعبات صغيرة... أو تقدرون تستخدمون مكانها شرايح مرتديلا مفرومة 2 ملعقة كبيرة بقدونس مفروم ربع ملعقة صغيرة يانسون حب ملح – فلفل أسود ربع كوب خبز توست مفروم للطريقة... أول شي، نحمي الزيت، و نضيف له البصل و الثوم و السوسيج، و نحرك على نار متوسطة لحد ما يذبل البصل بس بدون تحمير... http://www.3roos.com/uploaded2008/11...1215385190.jpg بعدين نضيف له البقدونس و اليانسون و الملح و الفلفل الأسود و نحرك لحد ما تطلع ريحة اليانسون... http://www.3roos.com/uploaded2008/11...1215385190.jpg نطفي النار و نخليه يبرد على جنب ، بعدين نضيف له الخبز و نحركهم مع بعض... أنا نسيت الخبز في هذي الخطوة... الحين نبدا نجهز شرايح اللحم، و بنحتاج، خيط للمطبخ، عشان نربط رولات اللحم... أنا استخدمت خيط أسنان بس غسلته عشان تروح نكهة النعناع... و هذي مقاديرنا: 4 شرايح ستيك بقري، نرققهم بمطرقة اللحم، و أنا رشيت عليهم مطري اللحم قبل بوقت عشان يصير اللحم طري... خل بلسميك ملح – فلفل أسود 6-4 أعواد جزر زيت للقلي طبعاً مثل ما قلت شرايح اللحم لازم تكون رقييييقة، عشان ما تاخذ وقت في السوا، و غير كذا يسهل علينا لفها... نجيب شريحتين و نحط أطرافهم على بعض، عشان تصير عندنا شريحة كبيرة... و نضربهم بمطرقة اللحم عشان يلصقون مع بعض... http://www.3roos.com/uploaded2008/11...1215385190.jpg نرش عليهم شوية خل بلسميك و ملح و فلفل أسود، بعدين ناخذ نص مقدار الحشوة اللي جهزناها و نحطها على شريحة اللحم في النص... http://www.3roos.com/uploaded2008/11...1215385190.jpg و مثل ما شفتوا، أنا حطيت فوق الحشوة عودين جزر، و تقدرون تحطون 3 إذا تحبون... و عشان نسيت الخبز مع الحشوة، رجعت حطيته مرة ثانية... http://www.3roos.com/uploaded2008/11...1215385190.jpg الحين نطوي اللحم بشكل رول، أول شي نطوي أول طرف فوق الحشوة مثل الصورة... http://www.3roos.com/uploaded2008/11...1215385190.jpg بعدين نحاول ندخل الأطراف على داخل و نكمل لف... و ننتبه ما نشد بقوة عشان ما تنفتح و تطلع الحشوة... و الحين نجيب الخيط و نربط شريحة اللحم الملفوفة زين ما زين، خصوصاً الأطراف عشان ما تطلع منها الحشوة... http://www.3roos.com/uploaded2008/11...1215385190.jpg عند الخطوة هذي، تقدرون تحتفظون بالرولات في الثلاجة و تطبخونها اليوم الثاني... نجيب الحين المقلى، و نحط فيه شوية زيت، يعني ما يكون غزير بس يكفي يغطي قاع المقلى... و نحمر الرولات من كل الجهات على نار متوسطة تقريباً دقيقتين لكل جهة... http://www.3roos.com/uploaded2008/11...1215385190.jpg في هذا الوقت نجهز صينية الفرن اللي بنحط فيها الرولات... و بنحتاج: 2 بطاطس حجم وسط، مقطعة حلقات رقيقة ملح الثوم فلفل أسود أوريغانو زيت زيتون نصف شرايح البطاطس في الصينية و نرشها بالملح و الفلفل الأسود و الأوريغانو و زيت الزيتون... بعدين نجيب رولات اللحم بعد ما حمرناها و نحطها فوق البطاطس... http://www.3roos.com/uploaded2008/11...1215385190.jpg ندخلها الفرن في الرف الأوسط بدون ما نغطيها و لمدة نص ساعة... و بعد مرور نص الوقت، نفتح الفرن عليها و نقلب الرولات على الجهة الثانية... و لما تخلص، نطلعها من الفرن و نشيل الخيط عنها و نقطعها شرايح... و أنا قدمت معاها صوص الفطر و سلطة... طريقة صوص الفطر (هذي ما صورتها): نحمر شرايح الفطر بشوية زبدة لحد ما تذبل، بعدين نرفعها على جنب... في نفس المقلى، نذوب ملعقة كبيرة زبدة على نار هادية و نحط عليها ملعقتين كبار طحين و نحرك لحد ما يمتزجون مع بعض... نبدا بالتدريج نضيف عليه مرقة دجاج مع التحريك بالمضرب الشبك لحد ما يصير صوص ثقيل... الحين نضيف له ملعقة كبيرة خل بلسميك و 2 ملعقة كبيرة كريمة... نحركهم مع بعض بعدين نرجع لهم الفطر و نقدمه على طول... و هذي الصور النهائية... http://www.3roos.com/uploaded2008/11...1215385190.jpg http://www.3roos.com/uploaded2008/11...1215385754.jpg الصوص طبعاً لازم يكون فوق الشرايح، بس أنا ما حطيته عشان تبين الحشوة لكم... و البطاطس بيصير مقرمش مثل الشيبس و طعمه لذيييذ... و مرة ثانية سويت نفس الخطوات لكن استبدلت اللحم بصدور دجاج... و هذي الصور بس بدون تعليق :) http://www.3roos.com/uploaded2008/11...1215385754.jpg http://www.3roos.com/uploaded2008/11...1215385754.jpg http://www.3roos.com/uploaded2008/11...1215385754.jpg http://www.3roos.com/uploaded2008/11...1215385754.jpg |
 يمي يمي تسلمين الغاليه ع الطريقه الحلووه ويعطيج الف العااافيه ونترقب كل يديدج |
يسلموووووووووو عطريقة ربي يعطيج العافيه نرقب الزود منج |
يم يم يسلموو قطوطو عالطريقة بس الصور ماظهرت عندي والسموحة |
يسلموو عالطريقه |
| الساعة الآن 04:22 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir