♥♥♥♥♥♥آبــــــــــــــــي حبكــ معـــــي يـــــــــــكبر♥♥♥♥♥>>قصة قطرية رووعة - الصفحة 9

راعـــ الــحــب ـــي · 11-05-2010, 08:42 PM

تسلمين عـ القصه الحلوه ..!!

بصرااحه الوصف خيــآآلـي ..!!~

ربي يحفظهن ..!! __DEFINE_LIKE_SHARE__

يآحبي · 12-15-2010, 04:16 PM

آنـآ سجلت بالمنتـدى بسسس عششششـآن القصــه .. يـــــــــلآ كملوهـآآآآآآآآآآآآآآآ __DEFINE_LIKE_SHARE__

الشروق · 12-17-2010, 12:47 AM

يسلمووو ع القصه مرة جوونان ....... نتريا البارت اليديد ...

جاري الانتــــــــــــــظار
__DEFINE_LIKE_SHARE__

رغووده الدلوعة · 01-04-2011, 02:48 AM

حرام عليج ليش ما كماتي القصة كانت مو بس اتينن بس على اي حال يسلمووو حبيبتي __DEFINE_LIKE_SHARE__

داعمة قطوة · 06-22-2011, 03:46 PM

الجزء 4

عبد العزيز : ههههههههههههههه الله يعينج انتي كله هذي حالتج
نوف :شاسوي
عبد العزيز قرب منها عشان ايب لها الكتاب الي تبيه ويوم قرب طلعت هي حذاه وايد قصيرة توصله لين نص جتبه وبعد اشوي اقصر : هاج ومره ثانيه اتصلي لي اذا تبيني ايب لج شي من فوق
نوف ويهها استوى خلاص طماطه : ان شالله

ويوم راح عنها خلاص لف اله طلع السانها
وفجاء لف ايجوفها وجافها : معليه معليه باراويج ههههههه
نوف راحت عنه بسرعه وجافت خالد
نوف وهي معصبه : خلوود
خالد حس انه في شي ليش يايه معصبة : خير
نوف : ليش ماقلت لنا اخوانك هني
خالد مستغرب : ليش اهم هني
نوف: أي
خالد : والله مادري ليش شصار لج ومن جفتي
نوف استحت وقالت له السالفة
خالد بقى ينفجر من الضحك عليها لانها كانت تقول السالفة وهي بتموت من الحيه : هههههههههههههههههههه شتسوين يوم انتي قصيرة
نوف : جب
خالد جاف عبد العزيز يه من وره وحب اايفشلها زيادة : جب يجبج ويجب ريلج وياج
نوف : هي حدك على ريلي الي ماعرف من هو
خالد : فارس احلامج
نوف وهي توها بتعطية ظهرها : فارس احلامي الي مايه هع هع هع ماعرف من هو
ولفت وجافته يضحك ومن الخرعة نقزت وكوعها ضرب بطن خالد : اااييييييي ايعور يالقزمة
نوف : هههههههههههههههههه تستاهل
عبد العزيز : الله عاقبك على هذي الحركة
هههههههههههههههههه
وراحوا كلهم ايدورن نجلاء و راشد
نجلاء ذاك الوقت كانت ادور لوحات لانه عندها شرح حق درس : اممممممم هذي زينه ولا ذي
وهي تمشي دعمت احد : ااااي عمى
طرف الثاني : حشه ماتجوفين
نجلاء : لا عميه نفسك
راشد عصب من هي عشان اتكلمة جي
: هي انتي عن الغلط ورفعوا راسهم
نجلاء تصنمت ياويلي لا مب كل مره عاد وخلود ليش ماقلنا انهم هني باراويك يالحمار
وراشد بعد نفس الحالة هذي ليش هني
وما حسوا اله بضحك بصوت عالي ولفوا الصوب الي فيه الضحك وجافوا خالد نوف وعبد العزيز ميتين من الضحك
وراحت عن خالد ومسكت : انت هي يالحمار ليش ماقلت انهم اهني بصوت واطي طبعا
خالد وهو بيموت ثاني مره ايهاوشونه :والله مادري ههههههههههه
نجلاء بصوت عالي : ضحكت مب سرك بلا
وقام وضحكوا على نجلاء الي دعواتها عجيبة
خالد : الله يعين ريلج الي بياخذج
نجلاء : اصلن يحصله ايحصل وحده نفسي يحب يده وره وجدام
نوف : اله الله يعينه عليج
نجلاء : جب انتي وانتي الي بتاخذينة بيلس ايطالعج من تحت هههههههههه

وضحكوا عليهم لانهم قاموا يتهاوشون ويه بعض
خالد : يالله خلصتوا قوموا نرجع البيت
نوف + نجلاء : أي خلصنا
عبد العزيز : انتوا مع مين ياين
نوف : ياين مع بروحنا هههههههه
نجلاء : جب فضحتينا
نوف استحت ونخشت وره نجلاء
نجلاء: احلفي بس اونها استحت
نوف : جب
وضحكوا عليها لانها ماعندها غير جب
خالد : وانتي ماعندج اله جب
نوف : جب
وماتوا من الضحك عليهم
راشد : ههههههههه ماغلطوا يوم سموكم الثلاثي المرح
نوف + نجلاء +خالد : هاهاهاهاهاهاهاهاها اخجلتم وتواضعنا
خالد : ماتعرف هذي الجمله اذا حد قالها لنا نفتخر
راشد وعبد العزيز : هههههههههههههههه
راشد : انزين اتوا مع مين ياين
خالد : مع الدريول
راشد : انزين خله يروح وانتوا تعالوا ويانه احنا اصلن بنروح بيت يدتي
خالد : اوكي
وتصل حق الدريول ايقوله روح البيت
ونوف : نجول بنروح وياهم والله استحي
نجلاء : يعني انا ماستحي
نوف : يافضيحتنا
خالد : اشفيكم اتصاصرون
نجلاء : لامافي شي
وراحوا وياهم وراشد وعبد العزيز كانوا وراهم عشان يدفعون الحساب ويروحون
ودفعوا الحساب وهم يضحكون

راشد : شفيكم صوتكم واصل لين اخر الشارع

خالد وهو يضحك : فاااتك نجول بقت طيح الكاشير وهو مار حطت ريلها

نجلاء وهي معصبه على الكاشير : محد قاله مايعطيني علوج يعطي القزمه وانا لاء

نوف : القزم ريلج الحول

نجلاء : ريلج انتي الحول

خالد : بس خلاص ارجوكم

نوف : انزين

عبد العزيز : ها خلصتوا

كلهم : أي خلصنا

راشد : يالله اركبوا

وهم في السيارة

راشد :شتبون عشا

خالد : مادري شرايكم هارديز

نوف : لا الله يهديك عشان يدتي اتثور فيك

عبد العزيز : ليش؟؟؟؟

نجلاء : ماتحب اكل المطاعم

نوف : أي خلوا هارديز حق اخر الليل

راشد : شلون تطلعون حق الريال اخر الليل

نجلاء : هههههههههههههه خل طلعه اخر الليل حق ام احمد المينونه

نوف: ههههههههههههههههه

راشد مستغرب : من ام احمد المينونه

نجلاء : اذا طلبنا من برع اخر الليل نوفوه تلبس عباه يدتي والنقاب وتعوي ظهرها

وتمسك العصا لا نه قصرها ينفع على دور العيوز وتيلس تضرب في الباب او الطوفه

وتيلس اتقول ام احمد المينونه ياات انطر لا يك شي ماجفته في حياتك عاد راعي
المطعم الي كله نطلب منه ماايطرشونه اله اهو ويخلي الاكل على الارض ويشرد

راشد : ههههههههههههههههههههههههههههه احلفي

نجلاء : والله

عبد العزيز : من فكرته

نوف : احم احم فكرتي عبقرينه زماني

نجلاء : مداح نفسه يبيله رفسه بس مب فكرتج كلها فكرتي العصا والجمله العجيبه

وصوا البيت

وباات وياهم خالد لانه يبي يجوف الحركه العجيب

وطلب على الساعه 12 من هارديز على الساعه 1 وصل

نجلاء : نووفوه بسرعه البسي العبااه

نوف : اوكي بس وين العصاا

نجلاء : انتي البسي وانا باروح ايب العصا

نوف : اوكي

ويابت العصاه وطلعت نوف حق راعي المطعم وخالد نجلاء عند الباب يسمعونها
شتقول

مااتوا من الضحك يوم جافوا راعي المطعم ياخذ الفلوس ويشرد

ونشغلوا البنات الجمعه والسبت دراسه لانه عليهم تتطابيق شكثر

خلص الجز الرابع على خير
تتوقعون بتصير مواقف ثانيه حق
نوف و نجلاء

============================================

الـــــــــــجــــزء الخامــــــــــــســــــ

مر الاسبوع على خير

يوم الخميس في المدرسة

نوف: اليـــوم خمييييييييييييييييييييس والي ماا يطلع يخيس.

نجلاء سااااكته ومسبهه

نوف: نجووول.

نجلاء: هاا

شريفه: هههههههههه في منو تفكرين.

نوف: اناا اعرف تفكر في راااا....

نجلاء: راابح صقر ههههههه تعررفين امموت عليه

نوف: أي رقعي رقعي السالفه.

نجلاء: اوووف

نوف :هههههههههههههههههه

شريفه : حرركاات قمناا نحب

من خلصت شريفه جملتها دخلت عليهم شيخه

شيخه : من يحب ؟؟

شريفه : دخلت عليناا خبيره الحب

نوف + نجلاء : هههههههههههههههههههههه

شيخه : مالت عليج انا اصلن في خااطري احد يحبني واحبه بس مب محصله
من يفهم مشاعري هع هع هع

شريفه : ههههههههههههههههه حتى انا

شيخه : جب انتي محيرة حق ولد خالج يعني اكيد يحبج

شريفه : مالت علي بس والله مادري اذا كان يحبني او لا؟؟

نجلاء: لا حب ولا هم يحزنون.

نوف: انزين خلج من الحب ... مالت على الحب وسيرته ) كانت نوف متعقده من الحب ,, وبتعرفون ليش في الاجزااء القادمه) ^,^
نجول شرايج تبااتين اليوم في بيتنا؟

نجلاء : امم بجوف ابوي بس متأكده انه بيوافق.

وطق الجرس وكلن رااح صفه.

نجلاء كااانت في الحصه تفكر في رااشد

نجلاء تكلم نفسهاا: اناا ليش ما اقدر اشله من بالي؟

اماا في حصة الريااضيات

نوف كاانت في عالم ثاااني

المدرسة تشرح عن الجذور والكسور

واهي تغني

نوف: لايهمك حبيبي شف مكانك هنا بين ضلعين قلبي يا حبيب العيون
كل ماقلت احبك قال قلبي وانا
انتخاشر غلاك اللي ذبحنا بهون (ولا هاامتها الدنيا ولا المدرسه وكارها شي اسمه حب ملاحظة ترى الغنية قديمه بس احبهاااااا اناا ودندونة قطر لان ذوقناا نفس الشي) *_^

ومرر اليوم بسرعه

وكل وحده لبست عبايتها ولبسة نظارتهاا وطلعواا ينتظرون سيايرهم.

وفي بيت خليفه...

نجلاء: السلام عليكم .

ابوهاا وامهاا / وعليكم السلام ,, شسويتي في المدرسة اليوم؟؟

نجلاء : الحمد الله تماام , يبااا حبيبيييييي

خليفه: ههههه نعم شتبين,,

نجلاء / ههههههه فديتك تفهمني ,, ابي اباات في بيت عمي إبراهيم نوفوه عاازمتني ...اوكـــــي

خليفه: اناا اقدر ارد طلب حق حبيبتي

نجلاء: وااااااااي فديتك يباا الله لا يحرمني منك.

ام نجلاء : وانااا

نجلاء: انتي الخير كله يمااا فديتج

ام نجلاء: هههه اوكي يلا روحي جهزي اغراااضج حق المبيت وعقبها تعالي بعطيج فلوس..

نجلاء: انشااااااااء الله.
وتركض نجلاء وبسرعة جهزة اغراضهاا , واختاارات له شنطة حلووه

واختاارت عبااه بسيطه عشان تلبسهاا.

وبعدهاا نزلت تحت وتغدت وخذت الفلوووس ^_^ وبعدها اتصلت على نوف.

نجلاء : هااااي نوفي.
نوف : هلا والله , هاا بشري بتبااتين ولا.
نجلاء : اوف كورس
نوف: هههههه يس .
نجلاء: يلا لاتنسين تجهزين عدت السهر ههههههه
نوف: لا اكيد مب نااسيه يلا بااااااي
نجلاء: بااااااااااااي سي يو سووون.

سكرت نجلاء وانبطحت شوي ترتاااح وبعدهااا تروح بيت عمهاا

امااا في بيت ابو محمد ( ابو نوف)

نوف: يباااا
ابراهيم: عيونه
نوف: تسلم لي عيوونك بس بغيت اقول لك ترى نجول بتباات عندناا اليوم.
إبراهيم: حيااهاا الله.
نوف: اوكي يلا باااي بروح اريح شوي, قبل لا اتي نجول ويبدا الينون
إبراهيم: هههههههههههه الله يعينا عليكم.
نوف: هههههههههههههههه.

وبعد كمن ساااعه وفي بيت خليفه
نجلاء قاامت ونزلت اغرااضها واتصلت في الدريول وناادت الخدامه علشان توصلها وااكيد تعدلت شوي ^.^

نجلاء: ساااااااااااااااااااااااااااااااااانتي سااانتي وينج

سانتي خدامتهم : نعم نجلاء
نجلاء : كم مره اقول لج ناادي مداام ^,^)ههههه تستعبط عليهاا)

نجلاء: اخذي الاغراض ووديهم السياره وخلج في السياره بتوصليني بيت عمي اوكي
سااانتي: اوكي.

نجلاء رااحت الصاله .
نجلاء: يلا مع السلامه يماا ويباا
امهاا وابوها: مع السلامه
نجلاء: تأمرون على شي؟
ابوهاا: ما يامر عليج عدو بس اول ماا توصلين اتصلي فينا.
نجلاء: ان شاء الله.

وركبت السياره وهي في السياره اتصل خالد عليها

نجلاء: الوو
خالد: الوو السلام عليكم
نجلاء: وعليكم السلام هلا خاااالد اخبااارك
خالد: تمااام وانتي
نجلاء: بخير داامك بخير
خالد: تصدقين متملل حددددي وينج انتي اتصل في نوف ماا ترد
نجلاء: ههههههه اكيد خاامده, انا في السيااره بروح اباات عند نوفوه
خالد: اوووه ملل
نجلاء: هههه خلك من الملل اطلع روح الستي ولا الاند وجوف لك فلم وبتستاانس.

وبهاااي الحظه دش راشد على خالد
راشد: هلا خلوووود من تكلم
خالد: نجلاء بنت عمي
راشد تغير ويهه: اهااا سلم عليهاا
خالد: نجلاء راشد يسلم عليج
نجلاء وبنعومه: الله يسلمه ^.^
خالد: هههههههه شفيه صوتج تغير
نجلاء: هاا لا لا شرقت
خالد: هههههههه أي سلاماات
نجلاء : الله يسلمك, انزين مدام راشد وياك خله يطلعك
خالد: رااااااشد نجلاء تقول لك طلعني
نجلاء: هااااااااااااااااي شفيك خبل انت
راشد: ههههه مدام نجلاء طلبت بطلعك.
نجلاء سمعته واستحت: يلا باي خالد.
خالد: بااااااي

وسكرت الا وهي واصله بيت عمهاا.
وعلى طول نزلت الخدامه الاغراض وردت البيت

نجلاء دشت وسلمت على عمها ومرته

ابو محمد: حي الله نجلاء
نجلاء: الله يحيك عمي
ابو محمد: شخبااارج يباا
نجلاء: الحمد الله وانت اخباارك
ابو محمد: الحمد الله
نجلاء: اخبااارج مرت عمي
ام محمد: الحمد الله حبيبتي
نجلاء: عيل وين نوفوه اكيييييد خاامده
ام محمد: هههههههه أي والله من تغدت قالت بتريح سااعه اكاهي خذت ثلاث ساعات.
نجلاء: هههههههههه خلاص انا بروح اسويلها سبراايز
بو محمد: هههههه عندج اياهاا صرقعيها
نجلاء:ولا يهمك هههههههههه

ركبت نجلا على الدري شوي شوي وبطلت باب غرفة نوف بهدوء
ووقفت عند راسهاا
نجلاء: نوووووووووووووووووووووووووووووووووووووووووووو وف
نوفووووووووووووووووووووووه قومي هههههههههههههههه

نوف: اووووووووووووه خليني اناام
نجلاء: يلا قومي .. قومي
نوف: خلاص قمت قمت

قاااامت نوف وتسبحت وبدلت ثيابها
وبعدهاا نزلو تحت

الا محمد ( اخو نوف الصغير عمره 3 سنوات) يرررركض على الدري

محمد: نووووني( يعني نجلاء)
نجلاء: بعد طواايف نوني

وينط ويلم عليها
نجلاء: شعنده الحب زايد
نوف: ههههههههه اكيد يبي حلاوه
محمد: نوني انتي يبتي لي حواوه
نجلاء: هههههه يمكن روح جوف في شنطتي ( وتأشر على الطاولة) واذا حصلت أي حواوه خذها ههههه اوكي
محمد: اوكــــي
وراح محمد يدور حلاوه.. بس ما لقا شي في الشنطه

محمد والدمعة في عينه: هىء هىء ما لقيت حواوه اهىىىء
نجلاء+نوف= اووووه
نوف: روح حق بابا وقول له تبي حواوه اوكي
محمد: بابا طلع وااااااااااااااااااااااااااااااااء
نجلاء: خلاص بنروح الدكان اوكي وبعدها بنروح بيت يدوه
محمد: اوكـــي ( ويمش دمعته)
نوف: خلاص اصبر لين نجهز ونستأذن من امي لانها معزومه عند ناس ومب يايه ويانا.
نــجلاء: اوكـــــي شراايج نباات عند يدوه حمود انت بعد بات ويانا بنلعب سوني وبنأجر افلام هندية هههههه.
نوف: ههههههههههه خلاص متأكد ان امي بتوافق لانها بتفتك من حمود هههههههههه, ومب لازم انأجر افلام عندي كرتون متروس افلام .
نجلاء: هههههههههههه خلاص اوكـــي انتي استأذني من امج وانا بقول حق هلي .

وطبعــاً الكل قال حق هله وركبوا السيـــاره ومروا الدكان واخيرا راحوا بيت جدو

بس بيت جدو كان عنهم ضيوف ياا ترى من هالضيوف ..........

مين تتوقعون يكونون هذيلا الضيوف ؟؟؟؟؟
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
♥♥♥ يَآ قَلبّ لآ تِحزَنُ عَلِيِنَآ لأ تِحزنّ♥♥♥ مِنُ قَلبّ يَنبِض غَلآّ ومِنُ رُوّحّ مِسئٌوٌلَه ♥♥♥	Esma7eli Yal'3ram	تصاميم الاعضاء	17	04-14-2010 11:18 PM
♥♥♥ أعطي البلاك بيري الخاص بك لوك جديد ♥♥♥ زائد ثيم بنفس التصميم♥♥♥	محروم.كوم	منتدى أخبار المواقع والمنتديات العربية والأجنبية	0	10-28-2009 09:10 AM
♥♥♥ أعطي البلاك بيري الخاص بك لوك جديد ♥♥♥ زائد ثيم بنفس التصميم♥♥♥	محروم.كوم	منتدى أخبار المواقع والمنتديات العربية والأجنبية	0	10-28-2009 09:10 AM
♥::♥::♥رمضان ميدان التنافس♥::♥::♥ لفضيلة♥الشيخ إبراهيم بن عبدالله الدويّش♥::♥::♥	محروم.كوم	منتدى أخبار المواقع والمنتديات العربية والأجنبية	0	08-13-2009 08:00 PM
منتجات ماركه Fantasy المثيره♥♥ وصلت لأول مره في الامارات ♥♥ عند ميرانه♥ ♥ لا تفوتكن♥	محروم.كوم	منتدى أخبار المواقع والمنتديات العربية والأجنبية	0	06-10-2009 02:00 PM