♥♥♥♥♥♥آبــــــــــــــــي حبكــ معـــــي يـــــــــــكبر♥♥♥♥♥>>قصة قطرية رووعة - الصفحة 10

داعمة قطوة · 06-22-2011, 03:53 PM

(الــــــــــــجـــــــــزء 6)

كانوا راشد و خالد عند يدتهم وعبدالعزيز راح النادي وعقب بيهم .. كان راشد قاعد وجدامه يدته ويسلفون
اليده: حي الله راشد
راشد: الله يحيج
اليده: شخباارك يبا عساك بخير
راشد: الحمد الله انتي اخباارج يما عساج بخير
اليده: نحمد الله ونشكر
الا انت اخبارك مع الدراسه
راشد: والله يعني شوية تعب
اليده: الله يعينك
خالد كان توه ياي من المطبخ ويايب له ماي
خالد: اوووووف ملل
اليده: شعندك اتئفف
خالد: متملل يما
اليده: اكيد تبي نجول ونوفوه هالهبل يونسونك
خالد: هههههه أي والله محد يونسني غيرهم
اليده: ماا عليك اقعد احذااي
وقعد احذاهاا
اليده: شخباار الدراسه وياك (تكلم خالد)
خالد: والله الدراسه زفت والحمد الله
راشد: هههههههههه
اليده: وليش ان شاااء الله
خالد: والله يا يماا المدرسه تبط الجب والمدير يبط الجبد
والمدرسين يبطون الجب والصراااحه الصراااحه الدرااسه بكبرهاا تبط الجبد
اليده: وانت عندك كل شي يبط الجبد
خالد: أي والله اصلن المدراس المستقله كلهاا
راشد: تبط الجبد درينااا ههههههههه
وقعدواا يسلفون
لين سمعوا صوت صراخ

خالد: اسسسسمع صوت صرااخ اكيد نوفوه ونجول
هههههههههههه حس قلبي بحد عبيط ياااي

اليده: هههههههه زين يواا يونسونك

طبعاا دخلوا البنات بصراخ عبل فيت بيسون سبرايز حق يدتهم

نجلاء : يدووه وينج وحشتيني (طبعا بصراخ )

نوف : يدووه وعاشت يدووه

نجلاء : يالله نووفوه وحده وحده يدووه احلى وحده

خالد طلع له من الميلس وهو يصفق : عاشوا عاشوا

وقام ينط على الكراسي

نوف ونجلاء يصفقون له ميانين يحبون سوالف المينن

نجلاء : عااشوا طق رقبه

نوف : يابس يابس ( نوف تعشق شي اسمه الامارات اتحبها تموت عليهاا
ونجلاء بعد )

نجلاء دخلت عرض هي وغنيتها : هيل ياه رمانه الحلوة زعلانه مين يراضيها انا اراضيها وبروحي افديهاا
عااشوا نووفوه ياله ياويلي ويلاه وااااااي ( جمله منى شداد في فلم طرب فاشن )

نوف : ههههههههههههههههههه

وياتهم يدتهم تهاوشهم : هي انتوا عن الصراخه أي بعد ليش ياين وانت يالمينون مساعه كنت هادي من يوا ربعك الخبل ينيت ويااهم

نجلاء اونها زعلت : افااااااا خلاص بنطلع يالله نوفوه
غلطتي يوم قلت لج تعالي خلينا نروح انبات في بيت يدتي

نوف فهمت حركتها لانهم وايد يسونها : أي مايسوى علينا شتقنا لها

نجلاء : مع سلامه لن نعود ابدا الى هنا لقد لقد لا استطيع القول

نوف : اجل يا أختاه لقد طوردنا

خالد وياهم : خذوني معكم انا ايظن ذللت من قبل اخي الذي اتا بي هنا
وقام ويضحك علي امام جدتي

نجلاء ماتدري انه راشد عند يدتها : تعال معأً ياخي ولا تهتم له دعه يولي

خالد بغى يموت من الضحك عرف اننها ماتعرف انه راشد وياه : حسنا قولي له انهوا هنا

نجلاء : لا تتكلم ولا تقول لاني لان اصدقك

خالد : انتي حره لا تصدقيني اوووووووووف تمللت من الكلام جي

نوف : كيفك محد قالك

نجلاء يوم درت انه راشد هني قامت ادورا لها عذر : يمااا باقولج تبينا انروح

ام عبدالله : لا يماا انتوا مونسين صدري

محمد دخل عرض : عاشوا هيل يارمانه الحلوة ثعلانه مين يراثيه انا اراثيه

نوف : هههههههههههههه توى واصل له الارسال

خالد جاف الخريطه في يده حب يلعوزه شوي : حمود شنو عندك حلاوة صح

محمد : أي

خالد : عطني حبه

محمد : لا

خالد ويسحب الخريطة : وويووو خذيتهاا

ما حس اله بشي فالعه في راسه : ااااااااااااااااااي

محمد ضربه بالنعال على راسه : تثتاهل

نوف : ههههههههههههه عفية على خوي

وياهم راشد الي كان واقف عند الباب يوم جافته نجلاء قالت حق يدتها : يماااا انا باروح احط اغراضي في الكبت نوف تين معاي

نوف : اوكي خيتوو

وراحت نجلاء نوف فووق .................

نوف: شعندهاا الي تستحي
نجلاء: من انااا
نوف: لا انااا , أي انتي ما تشوفين ويهج صار احمر..
نجلاء: اناااااا فشيله لايكون جاف ويهي
نوف: هع اكيد جاافه احمرر يا مال الويع طالعة حلوة مع سماارج
نجلاء: ههههههه المهم خنحط اغراضنا
نوف: أي يلا بسرعه
ونزلوا تحت
وهم على الدري نجلاء تطل تبي تشوف اذا حد موجود ولا المهم ماا جافت حد وهي ناازله من الدري تلف الا الشله الموقره ( راشد+عبدالعزيز+خالد) مقعدين في الدار ويلعبون سونــي
نجلاء: يلا تعالي نلعب معااهم
نوف: وين الحياا
نجلاء: اوه عطاااج عمره
نوف:هههههههههههههه الله يرحمه كان طيب
نجلاء: هاااااي شباب
نوف: هيلو غاااايز
الشباااب: اهلين
نجلاء: ممكن نلعب
خالد: لالالالالالالالالالالالالالالالالالالالالالالالالا لالالالالالالالالالالالاء
نوف: يلا يلا قوووم ( الا عبد العزيز يسحبه من ثوبه ويقومه)
نوف: مشكووووور , وااايو قوموني
نجلاء: هههههههههههه
خالد: معليه مردوده بأذن الله الواحد الاحد
نجلاء: اوكي اشراايكم نلعب كوره 2,2
راشد: ليش تعرفون تلعبون كوره
نجلاء + نوف : نعجـــــــــــــبك ههههههههههههه
خالد: هع تدريــــــــــــبي

اول شي لعبوا محمد و خالد ضـــد راشد وعبد العزيز
وفازوا راشد وعبد العزيز والحين بيلعبون ضد البناات
نجلاء كانت داخله الغرفه وفي يدها ريد بول
نجلاء: نوفوووه (وتقط الريدبول عليها) اشربي ريدبول بيديكي جوااانح
راشد: هههههه انزين انا ابي
نجلاء: تفضل ( وتعطيه الريدبول الي في يدها) وتقعد لان مافي غيره
راشد: وانتي ما عندج غيره
نجلاء: لا اصلن ما ابي اشربه انت عليك بالعافيه
راشد: لا اخذي ماا ابي
نجلاء: والله مااا ابيه حلفت عليك تشربه اصلن باشرب ويه نووفوه ماتشربه كامل مب ناقصنه تطير بروحه تمشي في المدرسه جنها طياره وهاي وهي قصيرة لو طويله جان دخلت في وحده من هاذي العمارات ((هذي الجملة دوم الناس تقولها لي وخاصة دندونة قطر لووووووول))
نوف الي كانت تشرب الريد بول قصت : كح كح
كلهم ضحكوا عليها عيونها ستوت حمرا ويهها احمر
وقامت تتحلف فيها
عبد العزيز: يالله خلونا نلعب بسرعه
نجلاء : ياالله
وقاموا لعبوا البنات تقدموا على الشباب بهدفين في الشوط الثاني الشباب يابوا بعد هدفين وصار تعادل واضطروا يلعبون بلانتيات عاد خالد ما خلا البنات في حالهم المهم أن الأولاد فازوا على البنات 4 : 3
كله بسبه خالد الي كان متحلف فيهم
نجلاء : نوفوه عطيني الفاين
نوف والشر في عينها حذفت الفاين عليها : ياحلو الانتقام
نجلاء : حماره عنزه قزمه
نوف : عيبي خلي عيالج يطلعون قزام
نجلاء : بسم الله على عيالي
نوف : أي تعالي عقب الريل يبتلي في عيالج (وكانت تغمز لها )
نجلاء فهمت عليها انها تطري راشد وحمر ويها : جب ( وراحت عنهم )
نوف ماتت من الضحك عليها الشباب مب فاهمين شسالفه
خالد : هي قريقه شسالفه
نوف : قريقه مرتك
ضحكوا عليها لانه كلامها كلام عيايز
خالد : ريلج

نوف : بسم الله على ريلي
خالد : أي قيس
نوف : مالت على قيس
نوف : انا باروح عنكم عند حبيبتي الي الحين بتدفني وانا حيه يالله دعوا لي
اني اطلع حيه
خالد : لا ارجوكي لا تذهبي
نوف : كلا عيل مواجهة قدري
راشد : يالله ياكريم بدا التمثيل
عبدالعزيز : شسالفه
نوف : لالالا ماتقوله
عبدالعزيز : ليش
نوف : محد قاله لا يي مساعه خل النادي ينفعك ( وحطت يدها على حلجها شلون قتله جي )
وراحت بسرعه عنهم
عبد العزيز ضحك ورد حق راشد : رشود شسالفه
وقاله راشد السالفه
وقاموا يضحكون على سوالفهم

شرااح تتوقوعون بيصير حق نجلاء من الممكن انها تحب راشد وهل راشد يحبها وشنو قصته ؟؟

(الــــــــــــــجــــــــــزء 7)

نجلاء كان ويهاا احمر من قلب : كله بسبه نووفوه اتحب تحرجني جدامه
افففففففففففف ليش انا مهتمه فيه يااربي

نوف : مهتمه في مين ؟؟

نجلاء تخرعت : مهتمه في عمري

نوف : هاا عترفي

نجلاء : اعترف بشنو

نوف : انج تحبين راشد

نجلاء خلاص استسلمت حق نوف : مادري

نوف : يعني حب والله اعجاب

نجلاء : انشالله يكون اعجاب

نوف : ليش ولد عمج مافيها شي

نجلاء : مابي ماعمري فكرت او تخيلت اني احب
نوف : ليش انتي غير الناس

نجلاء : لاني مافكر اله في دراستي وماظنه يحبني

نوف : اصلن يحصله وانتي كله اتفكرين في دراستج

نجلاء : لانه مابيفيدني غير دراستي

نوف : اففففففففف منج ومن دراستج

نجلاء وكان ذاك الوقت خالد مار على حجرتهم : واني ليش ماتحبين

نوف بحزن : لاني مابي وكفايه مره وحده

نجلاء : وانتي متى بتشلين ذاك من راسج ولي سواه فيج

نوف : انتي حسبالج انه شي سهل انه انسه انا حبيت محمد من اربع سنين وهو جرحني

خالد كان يعرف محمد تقدرون اتقولون كانوا ربع وهو يعرف سالفه نوف وياه ومن عقب الي سواه في نوف خلاه وعصب يوم سمع نوف اتقول هذي الكلام طق الباب ودش : نوفوه باذبحج اذا يبتي هذي الطاري

نوف : اشفيك خالد

خالد : ليش ماتقدرين تحبين انتي غير عن البنات هو الي خسران مب انتي

نوف ودموعه في عيونها : ارجوك خالد سكر الموضوع وراحت عنه

نجلاء : خالد خلها الحين ارجوك انا اعرف الي تحس فيه

خالد : ماقدرت يوم سمعتها تطري السالفه احب نوف اهي مثل اختي واكثر ماقدر اجوفها تتعذب كل يوم بسبه حمود
نجلاء : شنسوي اهي اتحاول انها تنساه

في الصوب الثاني

كانت نوف في الحوش تصيح بهدوء وتتذكر ذيج الايام
كان ذاك الوقت قبل سنه
سارة : عااد نووفوه قولي لي من تحبين

نوف تعبت منها اهي من سارة وهي اتحن عليها من اربع سنوات تبي اتعرف من نوف اتحب وقررت اتقولها وياليت ماقالت لها : اوكي باقولج بس يتم سر

سارة والشر في عيونها : مين ؟؟

نوف وهي مستحيه : محمد ولد خالتي حمده

سارة : الحلو

نوف : أي شرايج فيه

سارة : يازين من خترتي عاد اهو يحبج

نوف : مادري والله بس سمعت خالتي اتقول حق امي انه يبون يحيروني له

سارة والحقد والحسد في عيونها : اها ياحظج ومبروك مقدماً ( طبعا قالت مبروك مب من قلب )

وقطع حبل افكارعبدالعزيز : شفيج نوف

نوف وهي تمش عيونها : ها لا واله شي

عبد العزيز : لا فيج شي ليش تصيحين

نوف : لا بس شي دخل في عيني عن اذنك

وراحت

خلص الجزء السابع
وباعطيكم نبذه عن سارة
سارة بنت خالة نوف تكره نوف لانها حلوه طيبه سارة تحسد نوف وتتمنى كل شي يزول عنها سارة حلوه كبر نوف وكانت كله وياها عشان تعرف كل شي عن نوف عشان تخرب عليها وتسود ويه نوف جدام اهلها قبل نوف ماتتقرب من نجلاء

تتوقعون شني قصه نوف وليش لهذي الدرجه كارهه الحب وسيرته ؟؟؟؟

^______________ __DEFINE_LIKE_SHARE__

داعمة قطوة · 06-22-2011, 03:54 PM

الــــــــــــجـــــــزء ((8))

في الحوش
عبدالعزيز: شفيها نوف أكيد خلوود مزعلها او يمكن مريضة ( اناا ليش افكر فيهاا وايد)
راح عبدالعزيز هو وأفكاره الي كلهاا متعلقه في نوف

نوف راحت الليوان (مثل القعده) وقعدة على واحد من الكراسي وافكاها راحت حق ذيج الايام الكريهه

سارة بنت خالت نوف في حجرتهاا : برويج يا محبوبة العيله ان ما دمرت حيااتج ما كون سارة بس ابي شي يخلي محمد ما يخطب نوف.

بعد تفكير سارة : اخيراً حصلت الي ابية ههههه
بعد اسبوع كامل
وصل خبر تحير نوف حق محمد .... ويوم عرفت سارة بغت اتموت لانهاا ما تحركت بسرعة

يوم الخميس يوم اليمعه يتيمعون كل اهل نوف خلاتهاا وبنات خالاتها.
نوف قبل كانت وايد تحب يوم الخميس لانه اليمعه وكلهم يتيمعون والبنات والحشرة وكل شي

سارة : نوف مبروك
نوف وهي مستحيه: الله يبارك بعمرج والفال لج
سارة قلبها متروس حقد: لا تخافين الموعد قريب
نوف: ها تحبين
سارة: لا بس احس ان خطوبتي قريب شهر او شهرين
نوف: اها ان شاء الله اتوفقين
سارة: آآميــــــــــــــن
وأذن العشــــاء

نوف: بنات يلا صلاة
وراحوا يصلون
ومر يوم الخميس نفس كل مره

كان في عزيمة يوم الاثنين بمناسبة تحير نوف حق محمد.
وكان عبارة عن غدا في بيت خالتهم حمده ام محمد

نوف كانت مستحية من خالاتها
ومحمد كان مستانس لانهم اخيراً حيرو له نوف كان يحبها وايد ومنعجب بجمالها

محمد كان يكلم خالد ولد عم نوف: ما تعرف يا خلود شكثر انا مستانس اخيرااا حيرواا نوف لي وااااايد احبهاا
خالد: انزين قول هالكلام لها مب لي مهما يكون هاي بنت عمي
محمد: ههههههه اسف
خالد كان يعرف محمد تقدرون اتقولون ربع وايد ويه بعض
اجتمعوا الاهل ونوف كاانت ميته من الحيآآ

وكانت ام سارة مطرشة سارة تيب لها ماي من المطبخ وهي رايحه جافت محمد مار ونادته
سارة وهي تبي تنفذ خطتها :- مــــحـــــمــــــد
محمد مستغرب من ذي:- نــعم

قطــــعت حبل افكارها نجلاء: نوفوة شتسوين هني؟؟
نوف: ها لا ولاشي انتي شفيج
نجلاء: الحين خالد واخوانة بيروحون مب حلوة انتم منخشين
نوف: عيل يلا أمشي

نجلاء هذي للحين تفكر في سالفة محمد الله يهديها: يالله

وراحوا عند الباب علشان يسكرونه ومره وحده ويه الشباب يسلمون عليهم وتم خالد يطالع نوف يعرف انها للحين تفكر في الموضوع الشي يبين من عيونها (× نفســـــــــــــــــي×)
وعبدالعزيز مب قادر يشيل عينه عن نوف يبي يعرف شنو فيها وقرر يسأل خالد يمكن يعرف

نجلاء في عالم ثاني تنتظر أي فرصة يلف راشد راسه علشان تطالعه
وراشد يفكر في أي شي علشان ماا يفكر في نجلاء لانه قاام وايد يفكر فيها

تتوقعون شنهي قصة نوف ومحمد وهل راح يعرف عبدالعزيز قصتهم؟؟وهل راح يتقبلها؟؟
ونجلاء وراشد راح يحبون بعض وله راشد عنده قصة؟؟

الجـــــــــــــزء التاسع

خالد : يلاااااا باااااي سي يو.

البنات : بااااااااااااااااااااااااااااااااااااااااااااااااا ي
وخلود مسوي حركااااات عاد انه يصيح ويسوي باي باي وحالته حاله
والبنات ويااه
نجلاء : لااااااااء خالد ارجوك لا تروح
نوف: بعدك عنااا عذاااب >>خرطي
خالد: لا غصبن عني اهىىىء اهىىء >>عاد انه يصيح
واشد وعبدالعزيز: يضحكوون
ورااحو الشباب
وخالد كان يغني بصبرر على فرقاكم مهما تمر سنين
........................
.............................................

يـــــــــــــــــــــــوم السبت
نجلا ونوف كانوا راقدين في بيت جدهم لان اهلهم كانوا مسافرين اسبوعين عمره ويا اهل خلوود وهم ما يقدرون يساافرون لان عندهم دواام

طبعاً نجلاء قاامت من صبح ونزلت تحت حصلت الريوق جاهز فقالت تروح برع واذا قامت نوف ببتريق معاها وبعدهاا راحت المطبخ الخارجي (بعد ما لبست شيلتهاا)
نجلاء: هاااااااااي ميري وين ماما؟
ميري: ماما روه صناعية
نجلاء: اهاااااا متى راحت
ميري: من اشرين دقيقه
نجلاء: اوكي

بيت جدهم كبير وفيه حديقه حلوووه فيها قعده مغظيه من فوق وحولينها شجر – ونجلاء تموووت على القعده فهالمكان –
وهاليوم كان الجووو عجيييب وكانت لابسه شيله وجلابيه حلوة وناعم

فراحت قعدة وكانت ماعطة الباب ظهرهاا وقاعده على المرجيحه ورافعه ريلها فوق وضامتها بيدها وحاطه السماعه في اذنهاا وتسمع اغنية يعشقني

و الله احبك . احبك يشهد الله علي
لما اشوفك . ابتسم صدقني ماهو بيدي
لا حاسد يقدر يبعدنا انا و انتا لو شوي
يالله احفظ حبي لي يالله ربي يا قوي

مافي غيره سكن روحي حبيبي و انا احبه
لو قالوا تمنى اتمنى عمري قربه

يعشقني

يعشقني و عذبني مرمرني و انا مالي سوا انا مالي سوا

يعشقني يعشقتني يعشقني

من قلبه و قال

انا ادري يحبني بس شوي اتغلى عليه

و غلاتي و غلاتي و غلاتي يا عمري تعال

لو يطلب عمري كله و الله عمري بين ايديه

مافي غيره سكن روحي حبيبي و انا احبه
لو قالوا تمنى اتمنى عمري قربه

يفهمني

يفهمني من نظرة من كلمة و انا بيدي دوا انا بيدي دوا

يفهمني يفهمني يفهمني و انا بيدي دوا

هذا اللي احبه احبه و من قلبي ابيه

حبيبي حبيبي حبيبي و كل عمري معاه

لو كل العواذل تفرق ما تقدر عليه

مافي غيره سكن روحي حبيبي و انا احبه
لو قالوا تمنى اتمنى عمري قربه

ولماا وصلت لمقطع يعشفني ,,, يعشقني
علت صوتهااا وقالت: ااااااااااه مااا يندرى اذا يعشقني ولا....
وكان ذاك الوقت راشد وخوانه واصلين لانه يدتهم هاوشتهم ذيج الهوشه
المحترم بما انه اهلهم مسافرين ويا اهل نوف ونجلاء وقالت لهم ايبون ثيابهم ويون بيت يدهم عشان مايقعدون بروحهم واصلن العيله الموقره عندهم حجر في بيت يدهم وعاد انذاله عبدالعزيز وخالد قالوله روح وحنا بنيي وراك وهو المسكين على نياته وراحه وحسباله اهم وراه يوم وصل لف وراه بس انجذب حق الي تقوله نجلاء

وكان راشد وراهاا وسمع كل شي قالته

نجلاء حست بحد وراهاا ولفت رااسهاا
نجلاء: بسمممم اللله الرحمممممممممن الرحييييم
راشد: ههههه شفيج جاايفه يني
نجلاء وهي تبتسم: لا بسم الله عليك بس والله خرعتني الله يقطع بليسك
راشد:هههههههههههههه سوري
نجلاء: لا عااادي بس لا تعيدهاا
راشد: هههههه اوكي بس تعالي من هاذي الي يعشقج؟
نجلاء وهي منصدمه وخدودهاا صايرين حمر: هاااا لا محد
راشد ويغمز لها: قولي الصج عااادي

نجلاء: لا والله محد >>> شوي وبتصيح
راشد: بس بس خلاص صدقتج

خنروح حق نوف الي توها قايمه من النوم
نزلت من الدري وهي للحين ببجامتها(بجامة Hello kitty ورديه كيووت) وفاله شعرهاا الاخت
وهي نازله من الدري : نجوووووووووووول وينج ابي اتريق شاي مع بسكوت يدووه << الاحمر القديم هههه

سمعت صوت التلفزيون الي تحت مشغل على بالها نجول المهم قامت تغني
I like to move it move it I like to mooove it

لين وصلت للمقعد وفجت الباب وهي تقول You like to move it وكانت ماشره عليهم ((واااي فضيحه
وهني انصدمت بأن خالد وعبدالعزيز قااعدين داخل

خالد وعيونه اتدمع: واااهاااهااااي هاااااااهاااااااااي واااي ماا اقدر استحمل هههههههههههه
نوف تصنمت مكانهاا
وعبدالعزيز كان يطالعها ويضحك بس على طول نزل عينه
وقامت نوف تررررركض بسرعه من الفشيله.

وصلت حجرتهم وهي اتقول : واااي فضيحه فضيحه
وراحت بدلت ثيابها لبست جلابيه محترمه لونها وردي وناعم ((نوف اتمووت على شي اسمه وردي )) ولمت شعرها الطويل ولبست شيلتها

ونزلت بس هذي المره بحترام ويهها مستوي مثل الطماطه

نوف وهي مستحيه : سلام عليكم
عبد العزيز وخالد : وعليكم السلام
نوف : اخباركم شمسوين ؟؟؟
عبدالعزيز : تمام انتي اخبارج ؟؟؟
نوف : تمام
خالد حب يفشلها زيادة : وانا مالي رب
نوف انحرجت وعرفت انه متعمد يحرجها : انا اخبر اني قلت اخباركم
خالد : لا انا ابي سلام بروحي
نوف : مشكلتك >.<
نوف : وين نجلاء (وانتبهت انه راشد محد ) وفي احد مفقود وين راشد
خالد : برع روميوو وجوليت
نوف : هههههههههههههههه والله ان سمعتك بتذبحك
خالد : اعرف ههههههههههههههههه جذي لاتقولين لها
نوف : بس اذا نط عرج النذاله شاسوي باقول هههههههههههههههههه
خالد : عادي هههههههه اذا قلتي لها انا باسوي بعد حركت نذاله ويطالع عبد العزيز
عبدالعزيز جافه : شفيك
خالد : ولا شي هههههههه
عبدالعزيز : حمدالله وشكر
نوف : ادعوا له بالعقل
خالد : اذا عقلتي انتي انا باعقل
نوف بثقه : الحمدالله انا عاقل
عبدالعزيز : صاااجه هههههههههههههههه
خالد : ههههههههههههههههههه
نوف انحرجته : جب
خالد : يالله ياكريم قالت جب
نوف اتناحس : جب
خالد : جب يجبج ويجب ريلج
نوف : بسم الله على ريلي
خالد : يهذي الريل
نوف : مالك خص
خالد : yes
وعبد العزيز كان ساكت يطالعه وهي تتكلم أي من دخلت بلبجامه وهو مب على بعضه
عبدالعزيز في باله : اذا هي الحين طالعت لي جي وحنا بنتم اهني اسبوعين شباسوي باين ههههههههه
نوف تقطع حبل افكاره : عبدالعزيز اتيي ويانا انخرب عليهم برع
عبدالعزيز نذل ويحب حركات النذاله : اوكي

وراحوا برع لهم
نجلاء وراشد كانوا يطرشون حق بعض الاغاني اليديده بالبلوتوث

نجلاء : هذي حلووة طرشها لي
راشد : اوكي
وصلوا الشله المشتله
نوف: السلام عليكم
نجلاء وراشد : وعليكم السلام
نوف بدت هبالتها مستحيل اتعيش بدون هبالتها (((نفسي انا و دندونة قطر لووووووووول)))

نوف : نجول حبيبتي من زمان ماجفتج
نجلاء فهمتها : فديتج وانا بعد

وقاموا سلموا على بعض (( والله شكثر سويتها هذي الحركه ويه دندونة قطروفي السوق سويناها هههههه ))

وضحكوا عليهم وقام خالد وشتل وياهم مد يده وقام يسلم وياهم

خالد : شلونكم شخباركم
نوف : الحمدالله انت وين ماتبين
نجلاء اقطعتهم : نووفووه انا يوعانه
نوف : انتي اجوفيني مطبخ روحي كلي
نجلاء : صراحة أي يعني انتي هب يووعانه
نوف : أي نسيت اني يوعانه
عبدالعزيز يذكر نوف شكانت تبي : ههههههههههه نسيتي يوم نزلتي تبين بسكوت يدووه

نوف اهني ستحت : هههههههههههه

نجلاء : شسالفة
نوف اسويلها بعدين بعدين
نجلاء فهمتها : انزين شباب
الشباب : نعم
نجلاء : تريقنوا
خالد : أي انا تريقت
راشد وعبد العزيز استغربوا اهم ماتريقوا واصلن خالد قام اخر واحد فيهم وباليالله : يالجذاب ماتريقت انت اخر واحد قايم فينا

خالد : والله تريقت
عبدالعزيز : انزين شكليت
خالد : اعلوج
نجلاء : نوفووه عطيني حصا
نوف : لالالا الله يهداج بتروحين السجن عقب
نجلاء : عيل شنو ابي اكفخه بشي
نوف نذله : بارووح ايب السجين بناكله على الغدا
خالد : انتي للحين ماتريقتي بتطبخيني حق الغدا يالمجرمة
من كمل كلمته نوف اركضت وخذت العصا
وقامت تركض وراه
نجلاء : حمدالله وشكر كل مره ايي الصبح احنا هذي حالتنه
بس هذي المره احد وياي يالله امشوا انروح انتريق
عبد العزيز : وهذيلا
نجلاء : ههههههههه لاتهتم كل مره جي بيتعبوا وبيون ياكلون وانا باحسب الوقت
راشد : يالله عيل انا ميت يووع
نجلاء وراشد وعبد العزيز راحوا يتريقون
في غرفه الطعام
نجلاء قعدت تاكل اهي وشباب
نجلاء : جوفوا عقب 10 ثوان بيدشوا 1 2 3 4 5 6 7 8 9 10
يوم وصلت نجلاء رقم 10 اله اهم داشين يراكضون
دخل خالد يركض وثيابه كلها طين ونوف ويهها احمر
راشد : خلووود شفيه ثوبك
نوف بغت اتمووت من الضحك : ههههههااااي واااااههههههااااااي
نجلاء : شفيج
نوف : فااتكم الي صار خلوود كان يركض
خالد قاام بسرعه وحط يده على حلج نوف عشان ماتكمل
نوف : اممممممممممم خخخللممم
نجلاء : شتقولين
نوف عضت خالد (( ملاحظه نوف ونجلاء حاصين تقويم نجلاء من سنه ونوف سنتين ويوم الثلاثاء اخر مووعد عندهم ))
خالد : اااااااااااااييي يالمتوحشة
نوف : مرتك المتوحشة وانتبهت انه يده كلها طين

نوف : وووااااااااااع
خالد : وووووووييوووا تستاهلين
راحت نوف تركض اتغسل حلجها
والشيخ خالد بدال مايروح يبدل قعد ياكل
عبدالعزيز : يالوصخ قم بدل
خالد : ماابي
راشد : قم بدل
خالد : قاام يبدل وهو رايح جاف نوف طالعه من الحمام
وقام لعوزها وبليالله خلاها تروح
نوف وصلت غرفه الطعام ويهها احمر
نجلاء : وين داخله حرب ليش ويهج حمر
نوف : هذي العله خلود بيوقف قلبي يوم من الأيام
عبدالعزيز بصوت واطي : بسم الله على قلبج
سمعه راشد وقام يضحك : هههههههههههههههه
البنات ايطالعون : شنو يضحك
عبدالعزيز : مب صاحي
نجلاء : ههههههههههه يالله اكلوا وينه خلود شهذي الثياب الي يلبسها
خالد توه داش : سمعت اسمي كنتوا اتحشون فيني
نجلاء : أي وكنت اقول فديت خلوود انا
راشد بقى يموت وقام يتحرطم : لا والله وانا محد يعطيني ويه (( بصوت واطي ))
عبد العزيز سمعه : ههههههههههههه
نوف : خلوود قوم وخذا اخوانك اقرب مستشفى ميانين
خالد : ههههه ليش ؟؟
نجلاء : من مساعه يضخكون بدون سبب
خالد : شاسوي الله بلاني بخوان اكبر مني مب صاحين
وقعدوا يتريقون
نوف : هههههههههههههههههههههههههه
نجلاء : اللهمه لا شماته خلود وانت مودي اخوانك مستشفى الميانين قل نوفوه وياهم اشفيج تضحكين
نوف : ههههههههه تذكرت يوم خلوود يطيح
خالد حذف عليها الفاين : جب
نوف : ههههههههه الغبي يركض عشان يشرد عني وتحنقل بعصا طايحة وطاح في الزرع وهههههههههااااي
نجلاء : هههههههههههههههههههههه
وقاموا يضحكون
نهاية الجزء الثامن

شتتوقعون بيصير في السبوعين ومريم اخت خالد لها دوور في القصه او لا وشنو قصه نوف ويه محمد
تابعونا وفاالكم طيب (( خخخخخخخخخخ )) __DEFINE_LIKE_SHARE__

داعمة قطوة · 06-22-2011, 03:56 PM

الــــــــــــــــجــــــــــزء ((10))

((باحط قلبي بين يدينك هديه وقول لك كل عام وانته حبيبي الله لايغير عليك وعليه ))

وبعد ماخلصوا ريوق

نوف : عندي سؤال ووين مرريوم من زمان ماجفناها
عبد العزيز : راحت السوق اتخلص اغراضها حق العرس
نجلاء : متى عرسها ؟؟
راشد : بعد شهرين
نجلاء : احلف نووفوه لحين مافصلنا يالهوي
نوف بدا العبط : ايوه يختي يالهوي (( وقامت اتقلت المصاروه ))
نجلاء : وين انروح نفصل
نوف : ماادري ((بعد تفكير )) نجول انا باروح اتصل حق شيخوو جفتي فستانها مال عرس اخوها
نجلاء : أي كان حلو
خالد : يالله ياكريم قوموا يااخواني بدا كلامهم الي مايخلص تعالوا نروح نلعب سوني
وقاموا وراحوا
وتموا نوف ونجلاء
نوف : انا باروح اتصل حق شيخو وباخذ اسم المحل

نجلاء : اوكيك
وراحت نوف اتصلت حق شيخو
شيخه : الو
نوف : مرحبا الساع (( مثل ماقلت نوف تموت على اهل الامارات وكلامهم ))
شيخه : هلا نوفوه
نوف : اخبارج خيتو ؟؟
شيخه : تمام شحالج انتي ههههه عاديتيني ؟؟
نوف : ههههههههههه تمام
شيخه : دوم مب يوم
نوف : يسلمو اقولج من وين فصلتي فستانج يوم عرس اخوج
شيخه : من كارولين
نوف : هي مصممته ولا انتي يبتي الموديل
شيخه : انا يايبه الموديل وهي كملت عليه
نوف : اهاا
شيخه : ليش لايكون خطوبتج
نوف : مالت عليج أي خطوبه الله يهداج اله حق عرس بنت عمو
شيخه : اها عيل اخليج
نوف : اوكيك سيووو تموروه مااي دير
شيخه : باايو
نوف سكرت عن شيخه وراحت حق نجلاء الي كانت قاعده ويه الشبااب
نوف : هاايو
كلهم : هااايوين
نجلاء : ها شقالت لج
نوف : عطتني اسم المحل اسمه كارولين
نجلاء : ماقالت لج شي الخبلة شيخوو
نوف : هههههههههههه اكيد قالت على قولتها ليش خطوبتج
عبد العزيز من سمعها قام يتلفت ويقول بصوت واطي : ان شالله خطوبتج قريبه مني
عاد هذي المره خالد سمعه عاد النذل : نوفوه باقولج خبر يديد توني سامعه
عبدالعزيز حط يده على حلج : جب
قاموا يطالعونهم : شفيكم
عبد العزيز : ها لا ولا شي تعرفون سخافه خلود
وراح عبد العزيز ويه خالد برع
عبد العزيز : خلود ياويلك ان قلت
خالد : لاتخاف من قايل بس انت تحب نوف
عبد العزيز : أي داخله خاطري
خالد : مايندره بتوافق عليك
عبد العزيز : ليش مب موافقة ؟؟
خالد : لانه ((سكت ))
عبد العزيز : لانه شنو؟؟
خالد : لانه ولاشي
عبد العزيز تذكر ذاك اليوم الي جاف نوف تصيح : تعال وليش ذاك اليوم نوف كانت تصيح
خالد توهق : ها مادري
عبد العزيز : لا تدري يالله قولي
خالد قاله لانه يدري انه عبد العزيز مب هاده (( ملاحظه قصه نوف بتنقال بلسان خالد ))
قبل سنه
سارة : محمد
محمد : نعم
سارة : اكيد ماعرفتني
محمد : السموحه ماعرفتج
سارة وهي ناويه شر : انا سارة بنت خالتك مريم
محمد : أي عرفتج
سارة : جوف لانك ولد خالتي لازم اقولك شي عن نوف
محمد : نوف شفيها ؟؟
سارة : تدري انها اتكلم خالد ولد عمها
محمد : اي مره في السبوع
سارة : هههههههه من قص عليك اله كل دقيقه اتكلمه
محمد : لا هو قالي
سارة : واصلن اهي وافقت عليك عشان خاطر امك
محمد بدا يعصب : شنوو ؟؟
سارة : اهي قالت لي وقالت انها اتحب خالد واذا مب مصدق بايب جوالها وجوف المكالامات الي في تلفونها بسم خالد انطر شوي
وقف ينطر سارة لين مايت
سارة : جوف المكالامات
وكانت اكثر المكالامات اسم خالد
محمد انصدم وراح مشى عنها
سارة : ههههههههههه خلاص طارت الخطوبه والعرس واذا عرس الشك بيتم انها تخونه

نوف مسكينة كانت تتصل حق خالد كل يوم تساله عن محمد شقال وشسوى
بس محمد من يومه وهو يشك في الناس يعني مب بعيده يشك في رفيج دربه ويشك وبحب حياته وكانت تبي تعرف شنو يحب عشان تعرف اكثر

وتصل حق خالد

محمد : خالد عندي سؤال وياريت تجاوبني عليه
خالد : قول شفيك
محمد : انت تكلم نوف في التلفون صح
خالد : أي ليش
محمد : كم مره ؟؟
خالد استغرف ليش يسال : هذي الايام كل يوم
محمد بعصبيه : ولا تقولها بكل وقاحه كل يوم ماجذبوا يوم قالوا لي انك تحب نوف
خالد بدا يعصب : أي احبها بس مب الحب الي في بالك احبها مثل اختي
محمد : قص علي
خالد فول : شاقص عليك جايفني ياهل جدامك اقص عليك واذا شاك في نوف احنا مب قالينها على جبدك
محمد : هذي الي باسويه
خالد : عيل انا ماعرفك ولا تعرفني والي قالك الكلام خله ينفعك

ومن عقب هذي السالفة محمد خلى نوف عنه ومن عقبه نوف كاره الحب لانه اقرب وحده لها خانتها وعشان تحرق قلبها وحبها الوحيد الي حبته من قلبها راح عنها لانه شك فيها وفي ولد عمها الي نفس اخوها
وعقب شهرين من السالفه نوف سمعت خبر انه محمد حيروا له سارة

شتتوقعون ردت فعل عبد العزيز ؟؟

الـــــــــــــــــجــــزء ((11))

عبد العزيز : معقولة هذي كله يصير في نوف تعال من كم سنه هي تحبه
خالد : من اربع سنين
عبد العزيز : لاحول
خالد : الحين شنو رايك فيها
عبد العزيز : انا من قبل مصر اني ابيها بس الحين مصير اكثر من قبل وانا الصراحه احبها
خالد : هذي اخوي ومن قدج يانووفوه في احد يجبج بس بتقبلين فيه
عبد العزيز : اكيد بتقبل
خالد : عااش واثق هههههههههههه
عبد العزيز : احم احم
ودخلوا داخل وحصلوا نجلاء وراشد يلعبون كوره
وثنينهم واصله حدهم لانه كل دقيقه محمد اخو نوف يبند السوني ويعيدون من اول
وخالد وهو مار تخرطف بالوايرات وطاح وتبندت العبه
نجلاء : بااذبحك هذ المره الخامسة الي نعيد فيهاا
نوف : واااهههههههههااااااي مااقدر شكلكم يفطس من الضحك
نجلاء : هذي الي باادوس بطنهاا جب ياام اخدوود
عبد العزيز وهو يساعد خالد يقوم : فديت الخدود انا
خالد : لا حول العاشق الولهان بدا
راشد شكله وشوي وبينفجر
خالد : جوف رشود شوي بينفجر هههههههههه
راشد قام حق خالد وخالد يسوي عمره ميت ومطلع السانه : ادعوا لي بالرحمة
ودخلت عليهم مريم
مريم : السلام عليكم
الكل : وعليكم السلام
نجلاء : مرريووم
مريم : نجوووول
نوف : خااينة انا زعلت ((وقامت تقصد وصووتها عذاب )) تخونين وتبين ارضى وحد يرضى تخونينه انا لجيت اخونج مع حبيبه ثانيه ترضين
نجلاء : لالالا فديتج مارضى هع هع هع
عبد العزيز بقى يموت بصوت واطي وكان اخذاه خالد : لا كم بااعيش
خالد : الله يعينك

ودخلت مريم المقعد وقاموا يسالفوا وبعدها دخلت اليده توها راده
ام عبدالله : السلام عليكم
الكل : وعليكم السلام
نوف : يدوه فديتج عساج على القوه
نجلاء بدت : تخونين وتبين ارضى وحد يرضى تخونينه انا لجيت اخونج مع حبيبه ثانيه ترضين
نوف نط عرج النذاله : اكيد ارضى
نجلاء اونها زعلاته : ماحبج وقعدت احذا مريم : فديت مريومتي انا
نوف : هيي انتوا وين قاعدين
نجلاء : انتي قلتي ترضين
نوف : اسفة وربي اسفه
واذن الظهر وقاموا يصلون
وراحوا الشباب المسيد
والبنات قاموا يصلون في الحجرة وعقب راحوا يساعدون يدتهم
في الطبخ
نوف ويه لقافتها : مريووم
مريم : هلا
نوف : انتي اتكلمين فهد في التلفون صح ؟؟
مريم : أي ليش ؟؟
نوف : بس شيقول لج
مريم عرفت نوف تبي لي توصل : مالج خص
نوف : مريووم قولي لي ارجوج يعني احنا سن زواج يعني نبي انعرف
مريم : اذا انخطبتي بتعرفين
نجلاء : أي صاجه مريوم واصلن اهي مب قايله لج بس لي صح ولاني وايد احبها
مريم : لا لج ولا لها يالله مناك لا علم عليكم يدووه
نجلاء + نوف : لالالالا خلاص كله ولا يدوه
مريم : هههههههههه اتخافون منها

وصلوا الشباب من المسيد وقاموا يتغدون وطبعا بزعاج الثلاثي المرح
ويدتهم كل دقيقه اتهاوشهم لووووووووول
وخلصوا غدا راحوا يقيلون
نوف : باروح اريح
نجلاء : اتريحين قولي باروح انام اتروح اتريح اربع ساعات
راشد : طالعه على الي حذاي ((عبد العزيز كان حذاه ))
عبد العزيز : مالكم خص انروح اريح وله انام صح نوفوه
نوف : يب يب
ام عبدالله احذفتها بالفاين : كم مره اقولج عن كلام الحمر والشقر

نوف : اسفة اسفة اخر مره السموحه امي العوده
وراحوا فووق

الساعة اربع العصر قامت نوف منصدمة من الحلم الي حلمته حلمانه انها عروس والمعرس كان عبد العزيز
اهي اصلن ذيج الايام كانت اتحس انها تميل وايد حق عبد العزيز بس كانت متخوفة انه يتحول حب طبعا الحب مب في يد الانسان

وصلت ونزلت تحت وحصلت عبد العزيز تحت
نوف : السلام عليكم
عبد العزيز : وعليكم السلام هلا صباح الخير باليل
نوف منحرجه انها اتجوفه بسبه الحلم : ههههههه وينهم كلهم راقدين محد قام
عبد العزيز : أي كلهم

نوف : اهاا
وراحت المطبخ الي برع اتجوف اذا الجاي جهز او لا
وحصلته جاهز وقالت حق الخدامة تيبه
ودخلت
نوف : تبي جاي
عبد العزيز : أي اذا ماعليج امر
نوف : تفضل
عبد العزيز وهو يبتسم : شكرا
نوف خلاص ينت يااربي ماقدر استحمل شباسوي في هذي السبوعين بتصيدني سكته قلبيه : العفوا بس بعد الخبال ماتقدر التقاومه : حياك تعال كل يوم
عبد العزيز : هههههههههههههههههه ان شالله
نوف : عطني الجهاز
عبد العزيز مناحس : ماابي
نوف : عااد عزوز ارجووك
عبد العزيز بدون مايحس : يازين اسمي في لسانج
يوم انتبه حق نفسه : السموحة
نوف منصدمة لابس ارجوك ماقدر استحمل : مسموح
وعطاها الجهاز : هاج
نوف تاخذه : ثانكس
عبد العزيز : تعالي كل يوم هههههههههه
نوف : هههههههههه
وفرت على mbc 3
عبد العزيز : ياهل
نوف : أي ياهل ليش محتر ابي اطالع توم وجيري
عبد العزيز: لا سلامتج
وبعد خمس دقايق دخلت مريم
مريم : السلام عليكم
نوف + عبدالعزيز :وعليكم السلام
مريم : شتسون ؟؟
نوف : انطالع توم وجيري وانتي
مريم : مايخصج
نوف : اوووووب محد يكلمها توها مكلمه الحبيب وشكلها معصبة
مريم : جب نوفوه الله يعين ريلج عليج
نوف : اصلن امه داعيه له الي بياخذني
وقعدت مريم وياهم وعقب دشت يدتهم وعقبها الشباب
وعقب نوف ونجلاء راحوا فوق يطلعون ثياب المدرسه عشان الخدامة تكويها
نوف : نجول حلمت حلم انصدمت فيه
نجلاء : خير ربي يجعله خير
نوف : حلمت ................ وقالت لها السالفة
نجلاء : ههههههههههههههاااااااااااااااي
نوف : يحماره بقيتج عون طلعتي لي مرت فرعون
نجلاء : ههههههههه قولي المثل عدل اول
نوف : جب الحين قولي لي تتوقعين شنو يعني
نجلاء : يمكن تحبينه
نوف : مادري انا احس اني وايد اميل له
نجلاء منصدمه هذي نوف : نوفوه تغيرتي وايد
نوف: شاسوي عيل اتم افكر في محمد طول حياتي
نجلاء : يعني انتي نسيتيه
نوف : نسيته وشليته من افكاري وراح ويه الماضي
نجلاء : وينك يااعزوز من زمان
نوف استحت : جب هاا وينك يارشود جوف شسوين نجول

وخالد كان عند الباب رايح الغرفه يرجع كتبه لانه كان عنده استاذ
وطق الباب الحجره

كـــــــــــــــــت

تتوقعون شبيصير يوم بيدش خالد الغرفه وشنو راح تكون رده فعله

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
تاابعونااااا فالكم طيب __DEFINE_LIKE_SHARE__

داعمة قطوة · 06-22-2011, 03:56 PM

الـــــــــــــــجــــــــزء ((12))

البنات في حجرتهم سمعوا احد يطق الباب

نجلاء : تفضل
دش خالد : السلام عليكم
البنات: وعليكم السلام تفضل
دش و قل غترته وفصخ انعالته وطب على سرير
خالد وهو مبتسم : اخباركم شنو هذي التغير الي صادتكم
نوف + نجلاء مرتبكات ليكون سمعنا : أي تغير
خالد : امممممممممم خل نبدا من اول يوم انتي تقولين ياشر على نوف حلمت حلم ............................(( يكمل السالفه )) احس اني اميل له
نوف بقت اتموت ويهها استوا اشارات مرور : هاا
خالد : هههههههههههههاااااي جوفي ويهها شلون صاير تعالي عزوز شسوى فيج كل هذي حب وبعد انتي غيرتيه كلش وماعنده اله سالفتج نوف شفيها ذاك اليوم تصيح وشيفيها لين قلت له
نوف جنه احد صاب عليها ماي بارد : شنو قلت له
خالد بكل ثقه : أي قلت له وقال وقال ((بدت حركات النذاله )) وقال
نوف : شنو قال
خالد : تبين الصراحه
نوف بدت تعصب : اكيد ابي الصراحه قول بسرعه
خالد : لالالالالالا ماقدر بعد تعصبين عشانه سبحان الله مغير الاحوال
نوف : قووول بليزز
خالد : انزين حنانه قال انا كنت مصير ابيها والحين انا اكثر من قبل ابيها والصراحه احبها
نوف قامت اطالعه وتحس انه المكان حار : المكان حار صح
نجلاء : لا مب حار بس انتي مب قادرة تستحملين
نوف ماهتمت لها وقامت وشغلت المكيف
خالد : هههههههههههههه ونيي حق نجلاء انا سمعتج ذاك اليوم وو كل ماقال رشود شي الويهه يتلون وسمعت هي قريقه ردي حق عالمنا مب عالم قيس وليلى هذي الي راحت في عالم غير وبعيد عنه ((نوف كانت سرحانه وتفكر معقوله يحبني وبتسمت )) حمدالله وشكر قامت تضحك بروحها المهم سمعت كم اتقولون وينك يارشود شسويت فيها
نجلاء : مالك خص انت (( اهي مستحيه بس كبريائها ))
خالد قام من على السرير : مالي خص باروح اقوله
خالد قام وصل لين عند الباب وفتحه وكانت نجلاء تسحبه من ثوبه : خلاص خلاص سوري
خالد دزها طبعا بدون قصد وكان راشد مار وبغت اطيح على ظهرها
ولحسن حظها كانت قريبه من راشد ومسكها
راشد : سلامات
نجلاء ويهها صار طماطه : الله يسلمك
راشد بعصبيه : خلود شوي شوي عليها
خالد : ان شالله عمي اسف والله بلغط

نجلاء قامت بسرعه : مشكور وركضت الحجره : ياربي ياربي
نوف : ههههههههههههههههههههههههاااااااااااااي
نجلاء : جب جب جب
نوف : ماااقدر والله ماقدر جوووفي ويهج هههههههههههههههااااااي
نجلاء : عادي عادي ماصار شي
نوف : عيل قومي ننزيل
نجلاء بكل قوه : يالله
ونزلوا تحت
كان محمد اخو نوف قاعد حذى عبد العزيز وايد تعلق فيه
نوف : حموود تعال عندي اليوم ماجفتك وايد كله برع تلعب
محمد راح يركض عند نوف ووووايد يحبها وحياناً يسميها ماما
محمد : ماامااا
نوف : فديتك حبني على خدي يالله
وحبها حبه كبيره
محمد : انا واايد احبث
نجلاء : بدا الجو الرومانسي
نوف : مووتي حره واناا احبك قد البحر
محمد : لا انا احبث قد البحر
نوف : وااااي فديت اخوي اليوم شسويت
محمد : لعبت كوره وووو رحت ويه يدووه اصب الماي على الورد
نوف : ههههههههههه رحت تصب الماي على الورد
محمد وهو يتثاوب : أي
وقام ولم نوف ورقد : ياربي كم بااعيش يعلني فدا هالويه
محمد طالع شكله كيوت
عبد العزيز : انا الي كم بااعيش ((بصوت واطي طبعا ))
خالد : خلاص والله البنيه تحبك والله
عبد العزيز : ها
خالد : بعدين باقولك السالفه
عبد العزيز : اوكي
نجلاء : نوفوه حرام عليج وديه فوق
نوف : انزين قامت وراحت عند الدري يالله تصبحون على خير انا بعد باروح ارقد نجول بتين
نجلاء : بعد شوي باايي اوكيك
نوف : اوكيك
قام عبد العزيز بيروح يرقد : تصبحون على خير خلود بعد خمس دقايق اجوفك فوق تفهم
خالد : ليش ؟؟
عبد العزيز : انت وراك مدرسه بروحه ارقادك ثقيل وله خاطرك رشود يقومك
خالد : لالالالالالالالالالا باقوم بعد خمس دقايق انا مووجود فوق ((راشد اذا يبي يقوم احد يكون وايد وايدد دفش ))
الكل : ههههههههههههههههههههه
وراح عبد العزيز فوق وجاف نوف متوهقه ماتقدر تبطل الباب لانه حمود في يدهاا
وبطل لها الباب
نوف : مشكور
عبد العزيز : العفوا
نوف وهي تتبتسم له وطالعه رووعه : تصبح على خير
عبد العزيز تخبل ورد الابتسامه : وانتي من اهل الخير
ودخلت الغرفه
خلوني اقولكم عن غرفه نوف ونجلاء
الغرفه كانت اصلن حجرتين وحده حق نوف وحدة حق نجول وكانوا كبار
بس يوم بدوا يتقربون من بعض طلبوا من يدتهم انه يسونها حجره وحده
وبطلوا الحجر على بعض وطلعت حجره كبير وفيها سريرين كبار لهم
ونوف ترقد محمد احذاها لانه مايقدر على فراقهاا ههههههههههه
المهم
راحت نوف وحطت راسها ورقدت
وبعد خمس دقايق دخلت نجلاء وهي باليالله اتشيل عمرها راحت بدلت ولبست بجامتها ورقدت
وخالد نفس الشي وطبعا عبد العزيز ماخلاه في حاله لين ماقاله السالفه
عبد العزيز : احلف انها قالت جذي
خالد : والله الحين ممكن اتخليني ارقد
عبد العزيز دزه : ارقد رقدت عليك طوفه
خالد : مالت عليك وسحب اللحاف وراح في سابع نومه
وراشد تم سهران يطالع فلم ويفكر في نجلاء : يالله ليش انا افكر فيها افففف اروح ارقد ابرك لي
وراح حجرته ورقد

الـــــــــصـــــــبح الساعة 6
نوف : نجول نجووووووووووووول قومي قووووومي
نجلاء : بس بس خمس دقايق
نوف باتهاا فكره : نجول قومي راشد اهو الي بيودينه
مجلاء من سمعتها فزت : انزين بادش الحمام ((الله يعزكم ))
نوف : ههههههههههههههههههههههه قصيت عليج
نجلاء : ياحمارة
نوف : هههههههههههه من سمعت الطاري فزت
نجلاء وهي رايحه الحمام : جببببببب
دخلت نجلاء الحمام ونوف تمشط شعرها
وطلعت نجلاء من الحمام وقامت ولبست ومشطت شعرها
وعقب لبسوا عباياتهم وراحوا تحت يتريقون
نجلاء : يدوه الدريول برع
ام عبدالله : لا الله يخسه رايحه الغراج من الساعه خمس وللحين مارد
نجلاء : والحين شبنسوي
ام عبدالله : خلوا راشد يوديكم
نجلاء بطلت عيونها نوف ماسكه الضحكه وراشد كان توه داش
راشد : جني سمعت اسمي
ام عبدالله : أي ياولدي تقدر اتوديي السحر المدرسه
راشد : ان شالله من عيوني باودي السحر
نوف خلاص ماقدرت تمسك الضحكه : ووووهههههههههههههههههاااااي
ام عبدالله : حمدالله وشكر وماجذبت يوم سميتكم سحر وحده امبطله عيونها وثانيه تضحك بدون سبب
نجلاء : هاااا انزين
ام عبدالله : شنو انزين ؟؟؟
نجلاء : هاا لالا ولاشي بس باروح ايب شنطتي نسيتها فوق
وراحت فووق
نوف كانت تاكل و لا هامها شي ودخل خالد وياه عبدالعزيز
خالد : يالمتوحشه شوي شوي الاكل مب طاير
نوف قصت : كح كح كح
ام عبدالله تضرب ظهرها : حسبي الله على بليسك والبنت قصت مب عين عليك قم تفل وقول مشالله
خالد يبيها من الله : ان شالله
نوف من جافته قرب : لالالالا خلاص مب لازم وقامت بسرعه وقبل ماتطلع ضربته بشنطتها
خالد : ااااااااي كسرتي ظهري
وراحت حق نجلاء نجلاء كانت بروحها قاعده في الصاله وسرحانه
نوف : الحلو سرحان في شنو
نجلاء : ها ولاشي بس نوفوه انا وايد قاعده افكر فيه مادري ليش
وكان هذي الوقت راشد مار وسمعها
نوف : يمكن اتحبينه
نجلاء : ماادري من دخل راشد في حياتي وانا كله افكر فيه
راشد انصدم اهي اتفكر فيني مثل ماانا افكر فيها
نوف وهي اتجوف الساعه : ابيه الساعه 6:30
راشد وهو داش : احم احم بارزين
نجلاء وهي تتبتسم : أي
راشد يحذف اسويج السياره حق نجلاء : روحي شغليها وهو يبتسم
نجلاء : ان شالله
وراحت اهي ويه نوف يشغلون السياره
نوف : منو قدج بتركبين جدام وياه
نجلاء : لالالالا اكيد خالد بيي
نوف : لا ياعمري سمعت عبدالعزيز اهو الي بيوديه ههههههههه
نجلاء : والله استحي
ويه راشد
نوف اتصاصر نجلاء : اركبي اركبي
نجلاء : انطري شوي والله استحي
راشد : مين اكبر وحدة
نوف : نجلاء اكبر مني
راشد : عيل يالله ركبي
نجلاء مرتبكه : اوكي
وركبت جدام
وفي الطريج نوف مرتبشه اتسولف ونجلاء ساكته : ماادري شفيني اول مره اروح المدرسه واكون نشيطه
نجلاء : ماتلامين من الي عرفتيه امس
نوف فهمتها : يمكن
راشد وقف السياره : اوووه نسيت انتوا أي مدرسه
نجلاء خلاص انفجرت : ههههههههههااااااااي من مساعه اتسوق وماتعرف أي مدرسه احنا
راشد : ههههههههه كنت اسمعكم
نجلاء : احنا الله يسلمك في مدرسه الشيماء مدرسه مشهورة مديرتنا زلوخ
راشد : أي مديرتكم زليخه ال.........ة الي كانوا فايزين بجائزة حمدان بن راشد
نجلاء : أي عليك نور
وبعد عشر دقايق وصلوا المدرسة
ونزلوا
نجلاء : مشكور مااتقصر
راشد : حياج كل يوم تعالي
نجلاء : ههههههههههه اوكيك
وسكروا الباب راحوا داخل
راشد : والله ماخليج بس خلصي الثانويه وانا خاطبج خاطبج
ورجع البيت يدرس لانه عليه اخر امتحان ويخلص الجامعه ((راشد متخصص هندسه وظيفته جاهزه تنطره ههههه في شركه ابوه وعمامه ))
في المدرسه
نوف طول الوقت تضحك بسبه نجلاء ويههاا صاير الوان : هههههههههههههههههه
نجلاء : نووفوه ارجووج خلاص
وسمعوا جرس الحصه الاوله يرن
نوف : اووكيك يالله سيوو
نجلاء : سيوو في الفرصه
انروح حق خالد
عبدالعزيز : يالغبي نسيت كتبك
خالد كان عند باب المدرسه ورد ياخذ كتبه وهو يتثاوب : اووه انزين
وراح داخل وجاف ربعه : السلام عليكم
الكل : وعليكم السلام
خالد يقل كتبه على الارض ويحط راسه وينسدح على الارض ويقول : اذا خلص ادوام قوموني
محمد رفيج خالد : خلوود قوم المدير يه
المدير يكلم خالد : خالد قم روح صفك
خالد يكلمه وهو يتثاوب : بس خمس دقايق ارجوك
المدير : ليش مارقدت امس من وهل
خالد جذاب درجه اوله : امس كنت احل واجباتي وادرس

المدير صدق : زين ياخالد بديت تهتم
خالد : عيل بتخليني ارقد لي ساعه
المدير صج مفهي : شنو عليك الحصه الاول
خالد : عربي وحنا اصلن مخلصين الكتاب
المدير : باخلي استاذكم يعطيكم راحه
خالد قام وحب راس المدير : مشكور
وراح المدير عنهم وربعه ميتين من الضحك

عبدالله : والله انت عليك حركات
خالد : شعبالك انا خالد ال........
محمد : ونعم
خالد : الله ينعم بحالك
وراحوا صفهم
وخالد اول شي سواه فصخ الغتره وعطاهاا فخه

نهايه الجزء ((12))
__DEFINE_LIKE_SHARE__

داعمة قطوة · 06-22-2011, 03:58 PM

الـــــــجـــــزء ((13))

في مدرسة البنات
رن جرس الفرصه وجتمعوا ربع نوف ونجلاء وقعوا على الارض ويسالفون ويغنون
نجلاء معروفه بالمدرسه بصوتها الروعه ((اهي ونوف اصواتهم وايد حلوه بس نجلاء احلى ونوف في الشعر وماعليه كلام :
سلام العشق وأعماقه ...
يضم القلب وأشواقه ..
تجيك الروح مشتاقه ...
وتهديك القصيد ألوان ...
على درب الهوى جينا ..
من أول ما تلاقينا ...
تغير كل ما فينا ....
وعشنا فرحة الأزمان ...
عرفنا الحب وأسراره ..
وكتبنا أجمل أشعاره ..
وغنينا على أوتاره ...
وذبنا بالغرام ألحان ...
نسينا كل مواجعنا ...
وبقينا اثنين ما معنا ..
سوى الأشواق تجمعنا ..
بلا هجر وبلا حرمان ...
ألا يا حبي السامي ..
لقيتك بأول أيامي..
تعال وجدد أحلامي ...
ترى قلب الهوى سهران ..
شربت الحب من كاسك ..
وطعم الورد بانفاسك ..
لأنك عذب باحساسك ..
وانا مغرم بك وولهان ..
والبنات يصفقون
ونوف قامت اتغني وياها يوم وصلت الجزء الي تموت عليه :
حبيبي كان ما تدري ..
ترى حبك بدا يسري ...
بدمي وانت يا عمري ...
سكنت بداخل الشريان ..
قطعنا الحب ودروبه ...
وصغنا روعة اسلوبه ...
حكاية عشق مكتوبه ...
وصرنا للهوى عنوان

وحدة من البنات : نوف سمعينا وحده من قصايد محمد بن فطيس
نوف :حاظرين بس أي وحدة
شريفة : (( ماني بمن ياتي ولا يدرى به ))
نوف : احم احم
نجلاء : اففففف بدت الخقه
البنات : ههههههههههههههههههههههه
نوف :

ماني بمن ياتـي ولا يدرابـه
شطراً حفظته ماعرف كتابـه
شطراً يناسبني لمثـل الليلـه
وأشوفني في ذا المكان أولابه
أبتـكـل بالله ونـعــمٍ بالله
اللي مايوصد دون خلقه بابـه
باقول واللجنـه تقيـم قولـي
ومن كثرة الشعار ماني ابـه
الحمد لله واثقٍ مـن روحـي
وان كنت ذيبٍ فاالرجال ذيابه
ماأقول أنا أشعر واحدٍ فالدنيا
لكن قصيدي كفو وأنا أدرى به

والشعر جمعنـا لـو تفرقنـا
حدودنـا وظروفنـا الغلابـه
الله يبيض وجه راعي الفكـره
عزالله أنها تنحسـب لحسابـه
والله يبيض وجه من يرعاهـا
محمـد الله يحفظـه لحبـابـه
محمد ولد زايد عريب المجنـا
ولي عهـد الديـره الخلابـه
الشعر تاريخٍ لنا مـن مبطـي
واعلامنا يـوم السنيـن نهابـه
الشعر بيتٍ والـوزن عمدانـه
معناه طنـب وقافيتـه حجابـه
والشعر وادي فيه صيد واجـد
وكلٍ على الوادي يهج ركابـه
الأفكار صيد وكل شاعر قانص
وكلٍ يدسـم شاربـه مخلابـه
أحدٍ خياله حر و احدٍ وكـري
واحدٍ خيالـه كوبـج بقطابـه
وأنـا خيالـي كـل ماهديتـه
حول على الوادي وصاد عقابه

نوف طبعا ماقالته كامل : وسلامتكم
البنات قاموا يصفقون ويصفرون حق نجلاء ونوف
نجلاء ونوف وقفوا ويسون عمرهم مستحين واونهم يحيون الجمهور : شكرا شكرا اخجلتم تواضعنا
ورن الجرس وراحوا صفوفهم
الحصة السابعه والاخيرة
نوف : ياااي بعد دقيقتين بيرن الجرس
وعند نجلاء الي كانت متملله من الحصه : اووووووففففففف
خلصت الحصه وكل وحده لبست عباتها ونظارتها
نجلاء لبس نظارتها ديوور
ونوف عندهاا شانيل
وقفوا برع ينطرون الدريول ياهم الدريول وكان خالد وياه
نجلاء ونوف : السلام عليك
خالد وهو كاشخ بنظاره : وعليكم السلام ومد يده وبنات المدرسه ميتين عليه : اشفيهم اول مره يجوفون واحد حلو ايي المدرسه
نوف : عشتوا
نجلاء : جوزيف تحرك لا يطيح نص خلود
وصلوا البيت
البنات اليوم وايد هلكوا راحوا حذفوا شناطهم في الصاله وقعدوا على الكرسي العود في الصاله
خالد : روحوا فووق بدلووا انا يوعان
نوف : ارجوك احنا ميتين تعب
نجلاء توها متذكرة : ابييييييه ماصلينا
نوف : ااااااااي بس شوي خليني القط انفااسي ههههههه
نجلاء : اوكي
نوف كانت حاطه راسه على ريل نجلاء
ونجلاء حاطه راسها على ظهر نوف
ماخذين راحتهم جدام خالد
وماخذا الي يسمعون اصوات راشد عبدالعزيز داخلين
وفزوا وشكلهم يضحك
خالد : وووهههههههههههااااااااااااااي يوم يوا استعدلتوا
نوف اتبرر : لالالا بس خلصت الخمس دقايق وقلنا بنصلي
راشد + عبدالعزيز : االسلام عليكم
الكل : وعليكم السلام
راشد : تووكم يااين
نجلاء : أي
نوف : نجوول قومي انروح انبدل
خالد : أي الحين اتروحون اتبدلون من مساعه اقولكم يالله انا ميت يوع محد ماعطني ويهه يوم دخلوووا
نوف تخذفه بالفاين بس اهو راح ونخش ورى عبدالعزيز ويه الفاين في ويهه
نوف : هههههههه اسفة والله اسفة
عبدالعزيز تعوور الفاين يه على خشمه وصار احمر : لالا والله يوم خشمي يعورني اتقولين لي اسفة لازم انتقم
نوف : والله اسفة سووري
عبدالعزيز : لا مابي
نوف استسلمت : انزين بس احذف الفاين بسرعه
عبدالعزيز وهو يبتسم : مابي احذفه عندي انتقام ثاني
نوف استغربت : شنو
عبدالعزيز قرب منها ومسك خشمها وسحبه بقوه
نوف تغير ويهها وعورها : ااااااااييييي
عبدالعزيز شل يده : هههههههههه جوفوا خشمها صار احمر ويهها بعد
نوف استحت : نجول انا باروح فوق
نجلاء : ههههههههههههه مااقدر ((من كثر الضحك قعدتت على الكرسي ))
راشد حب يفشلها
راشد : واااااي ياقلبي مااقدر على الي يضحكون شكلهم رووعه
نجلاء تتلفت : مين يقصد
خالد : هههههههههههههههههههههههههااااي بالله عليج اتجوفين احد يضحك غيرج
نجلاء مب مستوعبه : هاا ويوم فهمت انه اهوا الي يقصدها شلت
عمرها وراحت فوق
ودخلت وجافت نوف ماسكه خشمهاا
نجلاء : نوفوه بسج هدي خشمج
نوف : ماابي
نجلاء : يااقلبي
نوف سمعت الي قاله راشد : فديت قلبج مايسوى عليج الي قاله
نجلاء : سمعتيه
نوف : يس بس تدري احسه يحبج

نجلاء : والله مادري
وراحوا يصلون ونزلوا تحت غرفه الطعام
حصلوا يدتهم اتهاوش خالد لانه كل قبل مايون كلهم
نوف + نجلاء : السلام عليكم
الكل : وعليكم السلام
نجلاء : وين مريم
راشد : مريم الحين يايه في الطرج
نجلاء : اها
وراحوا كلهم الصاله وبعد ربع ساعه دشت مريم
مريم : السلام عليكم
الكل : وعليكم السلام
نوف : حشى قلنا خريجه فرجينيا بس مب هل كثر تتاخرين
مريم : نوفوه اسكتي عني انتي حشريه وايد
نوف : شكرا
مريم : العفوا هههههههههههه
عبدالعزيز : قومي بدلي نبي تاكل
نوف : أي نبي ناكل
مريم : انزين حنانين
نوف : بسرعه بسرعه
مريم : طنش تعش تنتعش
نوف : وشرب بيبسي تنتافخ
الكل : هههههههههههههههههههههه
خالد : انا يوعان اشفقوا علي
نوف : لالا حرام بقى ساعه ونص على الصلاه انطر شوي
خالد : احلفي انتي اليوم اشفيج اول مره اجوفج يايه من المدرسه متنشطه
نجلاء : مب منها من الي سمعته امس
خالد : هههههههههههههههههههههههه ((وقام يطالع عبدالعزيز وعبدالعزيز فهمه))
نوف ويهها صار اشاره مرور : جبببب انا باروح حق مريوم ابرك منكم وانتي نجول ان شالله باراويج
ورااحت نوف فوق حق مريم وحصلتها الشيخه تتكلم في التلفون
نوف بصراخ : احلفي بس احنا يواعه وانت تتكلمين في التلفون
مريم : اوكي باكلمك بعدين
وبندت
مريم :سووري
نوف : بسرعه والله ميتين يووع
مريم : اوكييك بس دقيقه
نوف نطرت مريم لين ماخلصت وراحوا تحت يتغدون
وبعدها ارقااد
والمغرب نوف ونجلاء يحلون واجباتهم
نوف : اففففففففففففف اخيرا خلصت وانتي نجول
نجلاء : بس هذي
نوف : يالله
نوف سمعت تلفونها يرن كان امها
نوف : هلا والله
ام محمد : هلا بنتي شلونج شمسوين بدونا
نوف : مشتااقين لكم والله متى بتردون
ام محمد : بنتم اسبوعين في مكه وعقب اسبوع في المدينه
نوف : اها وبعد اخباركم واخبار بابي
ام محمد تستعبط عليها حتى الام مب هينه : والله بابج في البيت
نوف : هههههههههههههههه حلوووة بس لاتعيدينهاا
ام محمد : ابوج بخير واخبار حمودي
نوف : حمودي فديته برع ماجوف اله عند لرقاد كله يلعب
ام محمد : أي فديته نوف بقيت اقولج شي وابيج اتسوينه عشاني وخلي الماضي يولي عنج
نوف مستغربه : امري يما
ام محمد : خالتج ام محمد اليوم عمليتها وابيج اتروحين اتزرينها
نوف : افا عليج ماطلبتي شي وانا الماضي صار مايهمني
ام محمد : هذي بنتي الي نقدر انشد فيها الظهر
نوف : بس يما انا يوم الابعاء باروح لها لانه عندي موعد اسنان يوم الثلاثاء
ام محمد : مب مشكله بس المهم تزورينها
نوف : فالج طيب
ام محمد : فديتج يالله اخليج وسلمي على يدتج سلام وايد

نوف : يوصل ان شالله
ام محمد : مع السلامه
وبندت عنها وقالت حق نجلاء وكانت تبيها اتروح معاها بس نجلاء مارضت لانها ماتعرفهم شيقولون عنها الناس
وقررت اتروح الاربعاء ويه محمد اخوها
وخلص يوم الاحد
ومر عليهم يوم الاثنين نفس كل الايام

وخلصت الجزء بعون الله
اممممممممم شنو بيصير حق نوف اذا راحت المستشفى ؟؟ وهل بتجوف محمد وشنو بيكون رد فعله ؟؟؟؟
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
♥♥♥ يَآ قَلبّ لآ تِحزَنُ عَلِيِنَآ لأ تِحزنّ♥♥♥ مِنُ قَلبّ يَنبِض غَلآّ ومِنُ رُوّحّ مِسئٌوٌلَه ♥♥♥	Esma7eli Yal'3ram	تصاميم الاعضاء	17	04-14-2010 11:18 PM
♥♥♥ أعطي البلاك بيري الخاص بك لوك جديد ♥♥♥ زائد ثيم بنفس التصميم♥♥♥	محروم.كوم	منتدى أخبار المواقع والمنتديات العربية والأجنبية	0	10-28-2009 09:10 AM
♥♥♥ أعطي البلاك بيري الخاص بك لوك جديد ♥♥♥ زائد ثيم بنفس التصميم♥♥♥	محروم.كوم	منتدى أخبار المواقع والمنتديات العربية والأجنبية	0	10-28-2009 09:10 AM
♥::♥::♥رمضان ميدان التنافس♥::♥::♥ لفضيلة♥الشيخ إبراهيم بن عبدالله الدويّش♥::♥::♥	محروم.كوم	منتدى أخبار المواقع والمنتديات العربية والأجنبية	0	08-13-2009 08:00 PM
منتجات ماركه Fantasy المثيره♥♥ وصلت لأول مره في الامارات ♥♥ عند ميرانه♥ ♥ لا تفوتكن♥	محروم.كوم	منتدى أخبار المواقع والمنتديات العربية والأجنبية	0	06-10-2009 02:00 PM