كـــــــل مشكلـــــة ولــــها حــــل..ضروري للجميع.. - الصفحة 2

مغرورة بس معذورة · 12-09-2009, 05:18 PM

يسلموووو خيتو ع الطرح وربي ماقصرتي الله يعطيج العافيه

تاااآآآآآنكس...****

لي عوده قريبا

تقبلي مروري __DEFINE_LIKE_SHARE__

Evanescence · 12-22-2009, 03:54 PM

[align=center]مشكورة اختي ع الموضوع الطيب

انا عندي مشكلة ما اظن لها حل

مشكلتي: كان عندي ربيعة في سكول وياي و هي للحين وياي .. اعرفها من سنين طويلة.. تقريبا 7 سنوات يعني عمر ..
اذكر يوم كنا صغار كنا وايد ويا بعض كانت تقريبا ربيعتي الروح بالروح.. كانت واااايد حبووبة وياي و واااااااااااايد متواضعة ..

بس للأسف الحين هي مب جي .. مادري شو استوى فيها تغيرت 180 درجة مرة وحدة .. مب للكل .. لي انا بس!!!!
معنى اني ما سويتلها شي موول ولا مرة اذيتها ..

صارت تقييم الانسان بحسب شو يلبس و ما يلبس .. صارت متكبرة و مغروورة شايفة عمرها واايد .. بس حق ربيعاتي الثانيات اللي ويانا في الشلة وااايد تحترمهم.. و تسوي عمرها حبوووبة وياهم و تسولف و تظحك وياهم ..

لدرجة انه قبل يوم كنا صغار كانت تقريبا كل يوم تتصل فيني مرتين او ثلاث او اربع مرات في اليوم!! بس الحين تمر شهووووور و شهوووووووور ولا حتى فكرت تتصل فيني او تسال عني

حتى قبل كنت وايد اسير بيتها و هي اتيي عندي .. صارت بس تقول حق ربيعاتي و انا جني اطرش في الزفة.. تسويلي طااف .. طبعا انا مب ميتة عليها
بس ماعرف ليش جي الناس صارت

انا وااااايد كنت اساعدها و اوصلها بيتها يوم ما يكون عندها حد يشلها من المدرسة .. بس هي ولا مرة ردتلي الجميل ** ولا بابتساامة !!!

قبل 3 سنوات كان عندي ربيعة احسبها الروح بالروح كانت وايد وياي .. بس بعدين مادري شو استوى .. هي تدخلت في الموضوع و خربت العلاقة اللي كانت بيننا!!
مادري احسها ما تبا يكون عندي ربع.. حاقدة علي!!

ليش الناس كل ما يكبروون يستوون اخس و اخس ؟؟! طبعا مب الكل ..
بس نادر ما نحصل صديق وفي و اللي دوم يكون ويانا و ما ينسانا

انا دوم ارمسها باحترام ولا اطالعها بنظرات وقحة .. لاني انا احسن منها و ماحب اكون مثلها
لو شو تسويلي .. ماحب اغلط على حد
لاني عندي كرامة و مب من مستواي اكون وقحة مثلها!!!!!

بس المشكلة اني احس اني ما عندي ربيعة الروح بالروح .. احس جي ما عندي حد اشتكيلها و اسولف وياها و نزور بعض **

حتى بنات اهلي ** ما عندي علاقة وياهم وااايد قوية .. كل وحدة ف صوب و ما يخصها في الثانية و ما اشوفهن وايد لانهم في بوظبي و العين و مادري وين

بس خاطري اعرف .. ليش الناس صاروا جي؟؟
ليش صاروا يقييمون الانسان بحسب هو شو يلبس و شو عنده .. معنى انا الحمدلله مثل باقي الناس كل شي عندي .. بس انا ما احب اظهر للناس انا شو عندي و ما عندي .. احب اكون نفس ما انا "متواضعة" عسب الكل يحبني

بس مب قاعدة احصل الصديقة الوفية !!
انا ابا وحدة متواضعة و طيبة و حبوبة و مستحيل تتغير مع الزمن

عندي ربع وايد .. بس مجرد صداقة .. ماشي علاقة قوية بيننا .. لانهم غير و انا غير
هم مب من النوع اللي انا احب انهم يكونون ربيعاتي الروح بالروووح !!

بس والله تعبت
ماعرف شو اسوي[/align] __DEFINE_LIKE_SHARE__

رًوَحًيَ بًدَوًيهَ · 12-24-2009, 08:33 PM

راح أطرش لج الحل عن طريق الرسايل الخاصة ..

والسموووحة يالغالية..
ولا تنسين ترى لكل مشكلة حل فديتج..
والمشكلة سهلة..
وبسيطة..
وبإذن الله راح أوصلج لج الفكرة المفقودة عندج..

أختج الفقيرة إلى الله..
روحي بدوية.. __DEFINE_LIKE_SHARE__

روح الامارات · 01-11-2010, 12:38 AM

[align=center]السلام عليكم ورحمة الله وبركاته

اشكرج اختي ع الموضوع الطيب

انا عندي مشكلة وبصراحه هي مب هينه

انا عندي ربيعي وياي روح بالروح

وين ما رحنا نحن ويا بعض حتى صاروا الناس يقولون هاييله ما يفترقون ؟؟!!

والله لو اقول عن علاقتي وياه ما رح اخلص

لكن عقب فترة اكتشفت انه الناس قاموا يعقون عليه كلام ما ينقال وانا استغرب منهم

ما اشوف كل اللي يقولونه .... وكل يوم اسمع شي بس مطنشهم

قلت في نفسي الا واخربه عن اللي يقولون عنه

قلت يقولون عنك كذا وكذا انت شو رايك وليش كل هذا

رد علي ورده صدمني انه هو من نوع ...........ز والله ما اعرف كيف اقولها

انه انسان {مثلي}قال لي والله ما اعرف كيف اتخلص من هذا الشي

صدمني بس والله ما جرحته سمعت له لين ما خلص وهو يبا حل لي مشكلته

ف انا ما اعرف كيف انصحه وابعد عن اللي هو في

غير اني قلت له واضب صلواتك في المسيد ولا تيلس بروحك

هيه صح حتى انه اهلة ما يلسوون ويا بعض ياخذون ويعطون

الكل لاهي بشغلة ف عسب جي قلت له ما اييلس بروحه

ف دخلييييييييييييييييييل الله ابا حل بأسرع وقت

والرسول صلى الله عليه وسلم قال: {{من فرج عن مسلم كربة من كرب الدنيا فرج الله عنه كربة من كرب يوم القيامه}}

والسمووحه على الاطالة[/align] __DEFINE_LIKE_SHARE__

رًوَحًيَ بًدَوًيهَ · 01-14-2010, 03:20 PM

أشكر صرااحة ياأخووي وراح توصلك الإستشارة قريب بإذن الله تعالى..

وبإذن الله أكون قدرت أعينك بالإستشارة اللي تخفف عنك ياأخوي ولا تنسى إن لكل مشكلة حل..

وحابه أبلغكم إني راح أطرح بعض المشاكل والقضايا اللي وصلتني مؤخراً وراح يتم عرض الإستشارات التي أعطيت لهم طبعاً بدون ذكر نك أو أسماااء وذلك للخصوصية والسبب كي تعم الفائدة للجميع يعني مهما ضاقت بنا الدنيا وصابتنا المشاكل تظل أحزاننا وهمومنا واحدة وعرضي ليس للتشهير لإن أي شيء يصل لإختكم روحي بدوية يتم بكل سرية والله على ما أقوول شهيد..

أختكم الفقيرة إلى الله..
روحي بدوية.. __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
..الثقة بالنفس ..ضروري وهاام للجميع..	رًوَحًيَ بًدَوًيهَ	الإستشارات النفسية والاحتياجات الخاصة وتطوير الذات	7	07-21-2010 04:55 PM
طلب من الاخوان ضروري ومهم للجميع	محروم.كوم	منتدى أخبار المواقع والمنتديات العربية والأجنبية	0	07-11-2010 05:30 PM
افحص صحتك النفسية..ضروري للجميع..	رًوَحًيَ بًدَوًيهَ	الإستشارات النفسية والاحتياجات الخاصة وتطوير الذات	14	02-09-2010 08:36 PM
[سؤال اليوم ] بلشنا اسئلة ماهي الوجبة المفضلة لديك يا بعدي ؟؟؟؟؟ يــــم يــــم اكل !!	محروم.كوم	منتدى أخبار المواقع والمنتديات العربية والأجنبية	0	05-19-2009 07:10 AM
( نصيحـــــــــــة الدخول ضروري للجميع )	أمـيـرة الحــرف	الإسلام والشريعة	22	11-19-2008 11:36 PM