( .. آهــ العنـــٍٍــِِـــا بـــٍِـــي طالــــٍٍـــِِي .. شايــــِِـــٍٍــــل همومــ كبـــٍٍـــٍـــا - الصفحة 39

غـــلاي.. · 06-29-2008, 03:33 AM

[align=center]الجزء الحادي عشر والأخــــير ..

مرت سنه ونص على الاحداث اللي خطفت .. ولدت حصه ويابت بنوووووته تجنن .. وسمووها على اسم شمه ..وتشبها واايد ومستاانس عليها فيصل ويموووووت فيها .. حمد ونواري عرسووو وعايشين حيااه حلوه .. مريامي ومحمد نفس الشي .. عرسووو والحمدلله مرتاحين وايد ومريم انتقلت للفجيره .. طبعا تخرجت هي ونواري بس ماشتغلن على طلب ريايلهن .. عبود وشواقه ملجوو .. وعرسو بعد ملجتهم بنص سنه .. يعني صار لهم نص سنه من زواجهم .. مانع وشموس ملجو مع قوم عبود .. وعرسوو قبلهم بشهر .. والحمدلله عايشين احلــى حيااه .. فارس.. بعده عايش على حب شمووه وشمووه نفس الشي .. لكن للحين ماتقدم على خطبتها .. على طلبها .. ماتبا تنخطب الحين ..
في غرفه فارس..
يتكلم في الفون مع شموه..
فارس: شوفي اخر قرار لج .. انا بيي اخطبج كيفج انتي عاد .. وبترضين غصبا عنج
شمووه: فاارس اسمعني
فارس: شمااا لين متى بصبر .. عبود اللي اصغر عني عرس.. وانا لين متى ؟.. يعني انتي تلعبين وياي .. وين احبك ووين اموت فيك وحياتي بدونك ولا شي ..
شما: افا يافارس الحين تتحراني اني العب ويااك .. ماهقيتها والله عالعموم انا بس حبيت انه حياتنا تستمر وماندخل في الحياه الزوجيه بسرعه.. لكن انت شكلك ماتبا تفهمني .. الله يسامحك .. والسموحه بسكر عنك الحين بروح عند الوالده
فارس اااااااااااه شو هاا الحين بتزعل .. اوووووووووف شو هالحظ : شما حبيبي ممكن تسمعيني
شما : فارس امي تزقرني
فارس: اوكي .. الله وياج
شما: باي
سكرت عنه الخط ويلست تصيييييييح من الخاطر .. معقوله جي تفكيره فيني .. اني العب ..حرام عليك يافارس .. والله حرام .. اهئ اهئ اهئ .. ويلست تصيح ..
اندق الباب .. نشت شمووه ومسحت دموعها ..فتحت الباب .. تشوف يدامها شوواقه ..
شموه: شوااااااااااااااااااااااقه .. حظنتها وصاااااااااحت ..

شواقه: شوفيج شمااني .. شمووه حبيبي شفيج ..
دخلتها الغرفه وسكرت الباب وراها ..
شواقه تيلسها على الشبريه .. وتمسح دموعها وتهديها ..
شواقه: شفيج حياااااااتي ؟
شموه: تخيلي شوااقه.. وتصيح .... فارس ياشواقه فارس..
شواقه: شفيه فارس؟..
شموه: يقولي يبا يعرس وانه الكل عرس ويبا يخطبني وكان يقولي اني العب معاه كل هالفتره انا بغيت افهمه اني احب اعيش هالفتره ..يعني قبل ماندش للحياه الزوجيه بس حطمني بكلمته .. اااااااااااااه ليش جي يقول يعني انا جي بنظره
شواقه: لا حبيبي فارس مب قصده شي بس يحبج ويريد يرتبط فيج .
شمووه ماعرفت شو ترد عليها لانه تعرف فعلا انه فارس يحبهاا ويموووووووت على التراب اللي تمشي عليه
حست بعيونها تعورها من الصياح رقدت ومش حاسه بعمرها .. شواقه خلتها ونزلت تحت لامها ..

في بيت بو سالم
فارس يدور في الغرفه مب عارف شو يسوي .. اوووف الحين هاي بتسوي لي سالفه ؟.. شو اسوي وياها يالله ..
ااااااه عليج ياشماا ..

الساعه 9ونص الكل مجتمع في بيت بوحمد .. لانه حمد مسوي عزيمه بسبب نواري حامل .. والكل موجود ويالسين في الصاله العوده..
فارس يالس وعداله عبود على اليمين وفهود على اليســار .. بس عيونه على شماا اللي يساله في الزاويه مع شواقه ..
شماا اشوي اطالع فارس واشوي تنزل عينها .. ابوها لاحظ انه شما فيها شي ..
بوحمد : شما حبيبتي شو فيج ؟
شماا اطالع ابوها وتفاجات من سواله .. يعني مبين علي شي : اممم لا ابوي مافيني شي
بوحمد: وويهج اصفر من شو ؟
شموه: لا ابوي بس راسي يعورني .. ومب متغديه
فارس يطالعها وخاطره ينش لها يرمس معاها او يلمها بحظنه بس المهم ماتزعل منه ..
بوحمد : شما فديتج لازم تاكلين شوفي ويهج شو صاير فيه وعيونج رايحات فيهن
شما : ان شاء الله ابوي ..

يوصل مسج لها وتفتحه.. ( تدرين انه قلبي ميت فيج وانه مالي حد سواج .. لاتتضايجين واسف على اللي قلته .. شما انتي بقلبي .. احبــــــــج ) .. تقرا المسج وويها يتلون بكل الالوااان ..
فارس يطالعها ويضحك .. على شكلها شمووه اطالعه يضحك عليها .. جان تبتسم له ..
تن تن .. تن تن .. ( لاتضحك علي ترا ازعل صدق .. ويا ويهك ..)
فارس : ها هاااااااااااااااااااااهاااااااااااااااااااااي
شما تتطالعه تقول بخاطرها مينون .. والكل يطالعه ومايعرفون شو سبب ضحكه
فهود : شو ياك استاذ فاارس .. صرت مينون وحنا ماندري ؟..
فارس يطالع شمووه ويبتسم لها .. وشموه ترد الابتسامه له .. : لا بس قريت مسج حلووو ويضحك بنفس الوقت ..
فهود: اهاااااااا تحريت صابك شي ..
فارس: لا الحمدلله بعده العقل موجود
عبود :ههههههههه ومتى بيروح ؟
فارس: مادري والله هههههههههه

شموه من بعيد تسمع لهم وتضحك .. ااه يافارس .. خايس بس احبك ..

عاليوم الثاني .. العصر .. كانت شموس بيت ابوها .. لانه مانع عنده دورة اسبوعين وحبت تيلس عند قوم ابوها ..اتصلت في شموه وقالت لها اتي البيت ..
شموه وشموس يالسات سواالف وضحك في الصاله اللي فوق .. فجأه يدخل عليهم فارس معصب من الخاطر وايدينه تنزف دم .. ومجروحه .. شموه من شافته فز قلبها ..
شماا : فااارس شو بلاها ايدينك
فارس يالله شمووه شو يايبها هني شو اقول لها : ولاشي شما لاتحاتين
شماا: فارس شو ما احاتي وايدينك دم وداش علينا معصب
شموس : فارس متضارب مع حد ؟
فارس: ماعليكم مافيني شي .. شموس روحي هاتي لي شاش ودوا بحط عليها
راحت شمووس عنهم وتموو فارس وشمووه .. فارس وااقف وماسك ايدينه ويطالع شمووه ..شموه تقرب صوبه .. وتمسك ايدينه وتم تمسح الدم اللي عليها بالكلينكس .. فارس يطالعها ويبتسم .. ويشدها اكثر صوبه .. مافي فرق بينهم الا كم سنتيمتر ... شماا ارتبكت ماعرف شو تسوي .. بعدت عنه اشوي .. وفارس يضحك عليها
مرتبكه ويالسه تمسح ايدينه .. فجأه .. فارس: ااااااه ااااه اشوي اشوي ..
شماا : سوري سوري والله اسفه عورتك ..
فارس: هههههههههه لا ماعورتيني بس اقيس نبضج
شماا تضربه بايدينها على جتفه : خااايس ..
فارس يشل ايدينها من على ايديه ويحط ايدينه بخصرها : احم حطي عينج بعيني ..
شما ماتعرف شو تسوي وويها متلون باللون الاحمر .. شوها شو يسوي .. اطالع ايدينه تصب دم
شماا: فارس عطني ايدينك تصب دم لاتسوي جي .. تشل ايدينه عن خصرها وترد تنظف ايدينه لين وصلت شموس ..
شما : تعال ايلس فارس .. شموس هاتي انا بسوي له ..
راحو يلسو على الغنفه .. ويلست تعقم له الجرح وتلفه بالشاش .. وهو يطالعها ويحاول يقرب صوبها بس هي تبتعد عنه..
شموس : ياعيني ياعيني .. احم احم نحن هناا
شما تضحك وفارس ينقع من الضحك ..
فارس: شو اسوي لج
شموس : لاايلس بحظنها بعد
فارس: شماا اشوف اشوي شلي ايدينج ..
شما : ليش ؟..
فارس: بيلس بحظنج

شما تعصب عليه : فاارس لاتستهبل .. لاتيلس تلعب بايدينك بتعورك ..
فارس: هههههههههههههه تخافين علي
شماا : لاتغير السالفه وقول من شو ايدينك جي ؟.. متضارب مع منوو
فارس يسكت ومايعرف شو يقول ..
شموس : ارمس بلاك ساكت ؟.. شو فيه
فارس: متضارب مع واحد
شماا: شووووووووووو..؟ ليش ؟
فارس: ماشي واحد غلط على ربيعي وربيعي نش له ومارام له جان انا انش وظهر السجين وجرحني فيها
شمووه: يعله مايتهنى وشله ماشتكيت عليه
فارس: شو اشتكي عليه ماصار شي .. انسى السالفه
شمووس: الله يعينك تخبل بالواحد انت
فارس: ماريدج تتخبلين علي انتي هههههههه
شموس : ميته عليك انا
شموه: شو بلاه فارس.. ماينقصه شي .. شموس ماسمح لج
شموس .: وييدي انا ربيعتج ياالخايسه
فارس: ايييه حدج لاتقولين لحرمتي خايسه
شموس :هههههههههههه حرمتك سويتها
فارس يطالع شموه اللي ابتعدت عنه وهو يقرب صوبها وويهه بويها ..: حرمتي صح ؟؟. وقريبا بعد
شموه : فارس عيب عليك شو هالرمسه بس خووز
فارس: اول قولي احبك واقهري شموس
شمووس : وااي على الريال اللي مايستحي
فارس: شمووه بتقولين والا ابوسج يدامها
شمووه: لاتتخبل شو هالرمسه
شمووس : ههههههههه ميانين والله
فارس: قولي احبك بسرعه
شموه : مابقول خووز عني
فارس:ببوسج
شموه: فااااارس عاااااد
فارس : قولي
شموس : قولي اريد اسمعها
شموه: مابقول اوووف
فارس وشموس :هههههههههههههههههههههههه
شموه اطالعهم من نص عييين .. : سخيفين ..
فارس: شماا تحبيني ؟..
شمووه تنش من على الغنفه وتبا تتصل في حمد ايي يشلها ..
شموس : شوفيج لمنو تتصلين ؟
شموه: حمد .. بخليه اي يشلني ..
فارس يشل عنها فونها .: انا بوصلج
شموه : ماااريد .. عطني الفون
فارس: احم ماريد .. جان تبين حمد يوصلج وتبين تتصلين فيه بوسيني وبعطيج الفون اتصلي فيه .. وان ماتبين انا بوصلج
شموه والدمعه خلاص في عينها .. : فاااااااااااااااااااااارس
فارس: احم شو قلتي ؟..
شما : امممممممممممم وصلني ..
شموس : ماراح تتنازل لاتخاااف ههههههههه
فارس: ادري راسها يابس
شموه: عليك .. يالله نروح
فارس : يالله اميرتي الجميله ..
شموس تضحك عليهم .. فارس وشموه رايحين صوب الكاراجات .. ركبو السياره .. يلست شما يدام على طلب فارس.. وعطاها فونها ..
في السياره ..
فارس: ليش سكتي ؟
شما : احم شو اقول ؟
فارس: قولي احبك ..
شما ساكته ماترد عليه ..
فارس: تبين تحرميني من هالكلمه ..
شما : احم امممممم بقولها لك في الفون مش الحين
فارس: الحين يعني الحين
شماا: اممم ماروم
فارس: شمااااااااا الحين
شما : فاارس ماروم
فارس: حرام عليج تكسرين بقلبي ..
شما : اووووووف ماكسر بقلبك بس ماروم
فارس: يالله عااد شمووه
شما : فااااارس
فارس يحط ايدينه على شفايفها : لاترمسين وتقولين اي شي قولي احبك وبس ماريد اسمع شي ثاني
شماا : احم لازم ؟
فارس يبتسم وهو منتصر : هي لازم حبيبي.. اريد انتعش
شماا اطالع اصابعها واطالع الطريج :اممممممممم امممم أحبك
فارس ماصدق هاي ثاني مره تقولها وجها لوجه دووم تقولها في الفون .. ومن كثر الفرحه يزيد بالسرعه وماصدق عمره : فديتتتتتتج والله
شمووه: فارس الله يخليك خف لاتسرع فاااااااارس حراام عليك
فارس يخف بالسرعه : شمووه تخافين ؟
شموه: اخاف عليك
فارس يزخ ايدينها ويبوسها .. : احبج .. احبج شمووووووووووه
شموه تبتسم وتسكت .. وصل البيت نزلها وراحت داخل .. فارس يطالعها وهي تمشي ويضحك .. ااااااه ياشما انا باجر برمس عمي بوحمد واللي فيها فيها ..

عالعشــا .. في بيت بو حمد ..
حمد : نوااري لازم تاكلين
شموه: نواري اكلي حبيبتي تراج ابدا ماتاكلين
نواري: ماشتهي ماريد اكل
حمد ينش ويلس صوبها وماحد كان يالس على العشا الا حمد ونواري وشما .. الباقي كلهم برع البيت ..
حمد يزخ بطنها ويبوسها : حبيبي نوااري الولد محتااااي ياكل ويتغذى وانتي بعد .. الحين انتي مسؤوله عن شخص غيرج .. فديتج سمعي الرمسه وكلي
نواري: ان شاء الله حمد
حمد : انا اعطيح بايدني .
نواري: عاادي
شما : ياعيني ياعيني عالحب .. مشكله بعد
حمد : هههههههه منقهره
شما : لا مش منقهره ولا شي الا بالعكس فرحانه لكم ..
حمد ونواري:هههههههههههههه ويا ويهج

عاليوم الثاني .. الكل في الدوام .. شموه اليوم مستانسه عندهم يوم مفتوح وكانت مشتغله فيه من الخاطر ..
ردت البيت وهي تعبااانه رقدت ومانشت الا الساعه 6 المغرب.. نزلت تحت شافت امها وابوها وحمد ونواري يالسين اما فهود برع مع ربعه ..
شما : السلام عليكم
الكل : وعليج السلام الرحمه
بوحمد : شحالج بوي شما
شما: بخير وعافيه وانت ابوي شحالك .؟
بوحمد : بخير يعل لج الخير ..
شما :تسلم الوالد ..
ام حمد تأشر لبو حمد يرمس شما عن الموضوع..
بوحمد : شماا ابوي انتي الحين صرتي كبيره ونحن كبرنا يابوج .. والكل راح في نصيبه .. واليوم يا نصيبج .. ويو ناس خطاطيب يبونج وشارينج وانتي تراج واعيه ونحن نبا نشوف عيالج يابنتي .. يووج اليوم قوم خالتج ام سالم يبونج لولدهم فارس.. بنتي فكري عدل فارس ريال وماينعااب ويبغاج وشاريج
شماا تسمع كلام ابوها ومستاانسه ونفس الوقت منصدمه ماقال لها فارس..
حمد : شما لانحن ولا هم مستعيلين على الرد .. فكري عدل وردي علينا ..
شماا: ان شاء الله .. عن إذنكم .. راحت فووق غرفتها .. شو بعد تفكر هيه تبااه اكيد راح ترضــى ..
مرن يومين وماعندهم سالفه غير خطوبه فارس لشما .. شما ماقامت ترد على ولا مسج من فارس وفارس يدري ليش.. عطتهم الرد بانها موافقه .. وحددو موعد الملجه .. وفااارس استااااااااااانس من الخاااطر .. واخيرا شمووه صرتي لي . يدااااااام الكل ..

في غرفه فارس في ملحقه اللي بناه في بيت ابووه .. راقد هو وشماا.. ينفتح الباب ويركض الولد صووب شبريتهم ..
سعود : باااااباااااااااااااه باااااااااباااااااااااااااااااااااه قووووووووم نلووح العاب

هذا سعود ولد شما وفارس .. خطفت 4 سنوات ونص . وسعود ولدهم عمره 3 وشهرين سبحااان الله نفس عناااااااااد امه ونفس خقه ابوووه .. وبنت حصووه وفيصل صارت كبيرة ولها اول سنه في الروضه .. حمد ونواري الله رزقهم بولد حلو شرات ابووه سمووه سيف .. اما مريامي ومحمد عندهم تووم.. ولد ووبنت .. سموهم خالد وشيخه .. عبود وشواقه عندهم ولد سمووه محمد .. ومانع وشمووس عندهم بنت امووره سموها فاطمه ..

كانو شما وفارس راقدين من بعد ماتغدوو ودخل عليهم سعود يبغي يروح الالعاب ..

سعود : بااباااااه قووووم .. شاف مافي فايده .. راح صوب امه .. ماااااااااامااااااااااااااااه ايييييييييه قوومي
شما : امممممم سعود حبيبي شو تبا؟
سعود : ماما بابا قال نلوح العاب هو نااايم اليد الووووووح
شما: انزين حبيبي الحين بيقعد بابا روح قول للخدامه تغير ملابسك انزين حبيبي ..
سعود : انزين ماما .. يبغي يروح بس غير رايه ورد .. ماااااماااه اليد اموواح كبيله
شما :هههههههههههه تعال .. تزخ خدوده وتبوووسه ..
سعود : امواااااااااااح .. احبكم ماما .. ويروح يركض برع..
شما تضحك عليه .. واطالع فارس راقد بعده: فروووس نش يالكسووول .. وتلعب بشعره عشان توعيه
فارس: شمااااااني اريد انااام بليز حيااتي
شماا: فرووس منو واعد الولد ياخذه الالعاب يالله نش بسك رقاد .
ينش فارس ويشوف الساعه : اوووووووه الحين بيأذيني بابا ليش رقدت وبابا مادري شو
شما:ههههههههههه تستااهل
فارس يطالعها بنص عين : استاااهل بدال مادافعين عني ويا ويهج انا ريلج والا نسيتي
شما :هههههههه ادري حبيبي
فارس يبتسم ويرد ينسدح على الشبريه ..
شماا: فروووووووس يالله عاد نش
فارس: بوسيني
شما تقرب صوبه وتبوووسه : يالله نش
فارس : ان شاء الله زوجتي المصوون
شما: هههههههههه
ينش فارس ويروح يسبح وشما تنش تتلبس وتشوف ولدها ..وينطرون فارس في الصاله ..
فارس: اووه الام جاهزة والولد جاهز
شما :هيه من ساعه وانت تتاخر
فارس: يالله جهزت
سعوووووود يركض صوب ابووه : بااااااابا ليس كله نايم
فارس يشل ولده : حبيبي عشان امك تقولي تعال نام انا اخاف بروحي
شما تضرب فارس على جتفه : ويا ويهك الحين انا جي اقووول
فارس: هيه بعد شووو
سعود: لا ماما قويه ماتدوول صح ماما
شما: فديت الفاهمين مب شرات بعض الناس
فاارس: بلاهم بعض الناااس ماتحبينهم هاا خلاص زعلت .. ينزل سعود روح روح لامك يالخايس انت
سعود يضحك على ابوه اونه زعل منه .. شما اطالع فارس وتضحك ..
فارس : ماشي طلعه الحين روحو غيرو ملابسكم
شما : افاااااااااا بوسعوود نهون عليك ؟
فارس يقرب صوبها ويوقفها ويمسك ايدين سعود :لا والله ماتهونون علي حبيبتي انتي وولدج الحلو
ويظهرون من البيت .. رايحين للفله يسلمون على قوم بو سالم وبعدين بيروحون للالعااااب...

انتهت القصه ......... [/align] __DEFINE_LIKE_SHARE__

*دلوعة* · 06-29-2008, 03:48 AM

ثــــــــانكس والله

واايد رووعه القصه ^^ __DEFINE_LIKE_SHARE__

Єcтαтσôят_αŁ_qαŁв∂ · 06-29-2008, 03:57 AM

كشخـــة الصــرآحــــة القصـــة

فــي قمــــة الإبــدآع والجمــــــآآل..~*

تسلميــن على الطــرح الغــآوي والأســلوب الأروع

يعطيــج ربــي العــآفيــة ..}

نهـــــآآيــة سعيــدهـ ..**

نترقــب يــديــدج الغــلآآ ..~* __DEFINE_LIKE_SHARE__

خوية الشقا · 06-29-2008, 04:36 AM

|[ روووووووووووووووووعه ..
نهآآآيه حلوه ..
يستآآهلون المعآريس لوووول ..
احلى شي حركآآت فآآرس ..
غلاي هآآ تعرفين لحركآتهم بعد لووول ..
تسلم يمنآآج ع القصه العجييييبه ..
ولا اروع الصرآآآآحه ..
بس في شي محيرني .. منو مضارب وياا فآآرس ؟؟
يعطيج العآآفيه ع القصه =] ..
وان شالله تكملين بقصص غير هالقصه ..
بدآآيه موفقه الغآآآليه =] .. ~ __DEFINE_LIKE_SHARE__

AL WOROOD 008 · 06-29-2008, 06:44 AM

مشكوووووره غلاي على القصه قلت ببدا اقراها يوم اتخلصين على شان ما تنحرق اعصااابي

الحين ببدا اقراااها

يسلموووو على الطرح الغااااوي __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
" آهـ .. آهـ .. آهــ .. "	محروم.كوم	منتدى أخبار المواقع والمنتديات العربية والأجنبية	0	05-28-2009 10:50 PM
آهــ .. وآلـــف آهــ مـــــن كســـرة الـ ـ خ ــ ـ ـ ـاطر	صعب تفسيري	الإستراحه العامة	23	01-15-2009 01:51 PM
{ أهــ منك من جمالكـ حتى دمع ـك [جُـٍاذٍبيهُ]...New PiC	س™	المسنجر وملحقاته , توبيكات , ماسنجر بلس , msn	30	02-22-2008 03:54 PM