( .. آهــ العنـــٍٍــِِـــا بـــٍِـــي طالــــٍٍـــِِي .. شايــــِِـــٍٍــــل همومــ كبـــٍٍـــٍـــا

غـــلاي.. · #1 05-27-2008, 04:18 PM

مرحبــــا ..
هذي قصتــنااا .. كتبتهــا انا و :: بنتـــ زايد :: (بنت خالي) ..
.. وان شاء الله تنال على اعجابكم ..

الجزء الاول .. بدايـــــــــــــة ..

عايلة بو حمد ..
بوحمد متزوج من أم حمـد .. وعندهم 6 عيــال ..

حمــد : عمرة 24 ويشتغل في الشرطــة .. ظهر من المدرسه مبجر .. ودخل الشرطــة .. انسان هادي وحبوب .. له هيبــة .. ورزة .. مايحب يأذي حد .. هذي صفاته .. اما مواصفاته : طويــل وضعيفوون .. عيونه بنيه على امه.. أسمــر .. وخشمــة طويــل .. ملتحــى بشكل حلــو .. ولحيــته كثيفــة .. بس حلو شكلها .. وله غمازة في ذقنــه ..

حصــوه: عمرها 21 تدرس في جامعــة الامارات .. هندسة كيميائيه .. والحين اخر سنه في الجامعه وعندها كورس تدريــب .. مخطووبه لولد خالهــا .. ( فيصــل ) .. حلــوة .. بشكــل فضيــع .. شعرهاا طويــل .. عيونها عسلياات .. بيضــه.. .. أمــا صفاتها .. هادئة وماتحب تتخالط مع اي حد .. لها وجود حلــو.. وفيصل يموت فيها وهي تموت فيه ..

مريووم : عمرها 19 تدرس في تقنيه بوظبي .. مخطوبــه لواحد من اهل ريل خالتهــا .. من الفجيــرة .. سمــرة شرات حمد .. خشمهــا طويــل .. واكثر وحده فيهم عيونها عسليــات ( ترا على ابوهم وارثين العيون العسليــة) .. وشعرهااا اسوود يلمع من سوااده.. جميــله وجمالها رقيق ..

التووم ( شموووه وشواقــه ) .. عمرهن 17 في الثانويه العامه شمووه علمي وشواقه ادبي ..
يتشاابهن لشكل فضيــع .. لانهم توام .. خشم سليل .. وعيون عسليات وشفايفهم ورديــه بدون شي .. وحياتهم كأنهــا مرسومه .. بس اللي يفرق بينهم .. أنــه شمووه محطيــة تقويم وتحت عينها حبه خال .. وشواقه مش محطيــة تقويم ..
وشعر شمووه اقصــر عن شعــر شوااقه ..
شموووه انسااانه اجتماعيه ولها حس عجيب ودلوعه يدها ويدتها وعنيده وفيها خقه اشوي .. (البطله)
شوااقه ماتحب تختلط مع اي حد وانسانه متواضعــه واايد وهي واايد مع اختهااا

فهــد : عمره 14 صف تاسع يدرس في المدرسه الورديــه.. انسان همه الدراســه مع انه واايد سولفجي ويحب يأذي النااس .. ودوومـــه هاي البنت حبتني وهالبنت رمستني وهالبنت قالت تبا تتعرف علي .. خقاااق ماينلام ..

خلصنــا من عايلــة بو حمد .. نروح لعايله بو فيصــل ..

بو فيصل متزوج من ام فيصل .. بوفيصل اخو ام حمد ..
فيصــل : عمره 25 يداوم في الجوازات المحليــه في بوظبي .. ويحب بنت عمته .. وان شاء الله عرسهم قريب ..
نورة : بعمر مريوم ومعاها بالتقنيــة وهم ربع واايد ... حبوبه وجميــلة ..
عبوود : بعمر شواقه وشمووه .. وااايد وااايد يحب شوااقه .. وطبعا هي تحبــه .. بس ينطر يخلص مدرسه ويدش التقنيه ويكلم اهله يخطبونها له ..
عبير : عمرهاا 10 سنواات بعدها تدرس ..

عايلــة بو سالم متزوج ام سالم اخت بو فيصل وام حمد ..
بوسالم انسان طيب وحنون وعنده شركه سيارات
سالم: عمره 30 متزوج من وحده من اهلهم وعنده ولد وبنتين .
فطيم : عمرها 24 متزوجه ولد عمها وعايشه في دبي وياااه وعندها بنتين
فارس: عمره 22 يموووووووووت في شي اسمــه شمووه .. انساان له هيبه .. ماتنرفض له كلمــة .. شبيه يده العوود .. عيونه ناعسات وشعره ناعم وطويل ..وخشمه كأنه سيف من سيوف السعوديه .. طويل وعريض.. يعني الجسم رياضي ..يدرس في جامعه بوظبي اخر سنه بزنس .. ( البطل)
شمسة : عمرها 17 بعمر شواقه وشمووه .. وهي علمي مع شمووه في الكلاس .. وحبوبه واايد وجميــله ..

بيت بو حمد الساعه 7 ونص الصبح ..

شمووه : شوااقه انتي دوومج كسووله يالله خلينا نخلص اريد اروح المدرسه لانه امون بتشرح لي درس قبل الامتحان

شواقه : انتي اييه لاتعصبين مالي خلق من فير الله . صبري علي خليني اتريق ..

فهــد يالس عندهم ولكنــه بعالم ثاني .. فيه رقاااد وماله خلق لحد ..

حمد : يالله نشينــا .. فهد .. فهــــــــــــــد ..

فهد : هاا .. اووف حمد تحريت صار شي ..

حمد وشموه وشواقه : ههههههههههههه

شمووه : ايــــه بوويه فهد نش نش الله يخليك الحين هاي ربيعتك اللي اسمها ديماا مادري منو تنطرك عند باب المدرسه ههههه

شوااقه : ههههههههههه لا شمووه هاي هاي الصوماليه اللي اسمها تسابيح والله فنتك اونها حليلها هيماانه فيه

فهــد : يطالعهم بنص عيـــن: شو تتمصخروون علي .. نشو عن ويهي قبل لا اشتكي عليكم في المركز

وهم يمشوون بيرحون للسيارة وحمد كان سابقهم يحر السيارة

شمووه : واي واي يمااا خفت لا الله يخليــك روح روح ارفع قضيه قووول خواتي يطنزن علي هههه وين عايشين نحن في اي عصر

شوااقه: ههههههههههه بسكم ايييه بطني عورني اونه شمووه تتخيلين القاضي واقف على راسنااا ههههههه ويقــول

شموووه : هههههههه شو يقول كملي ههههههههه
شواقه : اااخ بطني ههههههههه ماروم اكمل بطني يعورني هههههههه انزين يقووول رفعت القضيه على المتهمتين شمه وشوق لانهم اطنزو على اخوهم فهد هههههههههههههههه
شمووه : ماتخيل وااي وااي بننسجن بعدين ماراح تاخذين عبوود
شواقه صخت : احم خلاص بس سكتي حمد هني
حمد : انا ماعرف كيف لكم مزاج من الصبح فاجين حلوجكم وتضحكوون مع الوان شمووه هاي مالت الحديد اللي مركبته
شمووه : حمد لاتعيب عليه امبوونه مش عايبني
شوااقه: بدلي بدلي انا اريد احط تقويم
شمووه :شتبين فيه والله عواار راس

وكملــو سواالفهم اللي ماتخلص على فهود وعلى مادري منوو لين وصلو المدرسه

في المدرسه في الفسحـــه ..

شموس ويا شمو يالسين في الكفتيريا خطفت عليهم شواقه ويا ربيعتها دانه يلسو عندهم

همسه : دانه ربيعة شواقة وياها فالكلاس و تحبها واايد وحيدة امها وابوها .. طويله و حليوه عندها اخو واحد معرس وعايش في أمريكا ويا حرمته وعندهم بنت صغيره تجنن طالعة على أمها شقرا وبيضاا و عيونها زرق وتعتبر شوق اكثر من اختها ..

دااانوه : مرحباا بناااات
شموه : هلا وغلا داانوه وينج مالج شووفه
شموس : هي والله ابد مانشوفج وهااي شوااقه بعد ماتيب اخبارج ههه
شواق: ههه شو ااقول يعني عنهاا عايشه ما بلاها شي
داانوه : ماادري ماحب اظهر في الفسحه .. احب ايلس في الصف
شموه : هي ياحليلج شو الحين خلنا نكمل السالفه
شواقه: عن شوو ترمسوون
شموس : عن عرس حصوووه
شوااقه: الله اريد اكشخ بس متى نخلص من المدرسه ونتفيج لهالسوالفه
داااانوه : هههه ان شاء الله بنخلص

وانتهــى اليوم الدرااسي هذاا ..

ومرت الايام لين وصل يوم الجمعه .. وهو اليوم اللي يجتمعون فيه في بيت اليد ..

يالسين في الصاله العوده .. قووم بوحمد وبو سالم وبو فيصل
ويرمسوون عن الامتحانات اللي قربت ومابقى شي ولازم البنات يشدن حيلهن وعبود وياهم
لانه خلااص اخر سنه ومابقى شي .. راح الكثير ومابقى الا الجليل

بو حمد : والله يا عمي مادري بهن البنات وين يبن يدشن اي جامعه ..
اليد : هيه عااد لازم تيبن نسب ترفع الراس عسب ادشن الجامعه اللي تبنهاا ونسوي لكم عزيمه كبيرة
عبود : يدي وانا مش لازم ايب نسبه صح ههه
اليد: لا منو قال بعد انت .. ليش البنات احسن عنك
عبود : لا يدي شو احسن عني انا احسن هههه
الكل : ههههه
فيصل: عااد عبوود مستواااه معرووف
عبود: شو اسوي ماحب ادرس
نورة : اونـــه ماحب ادرس .. وكيف غيرك درسووو .. شو تبا البنات يغلبنك في النسب
شواقه: واضح من بيغلبناا هاي الدبه شمووس الدحيحه
شموس : صلي على النبي عن تحسديني بنت ادبي
عبود : اقوووووووول حدج انتي اييه تراني ادبي
شمووه : انت ايييه حدك لاتغلط على بنت علمي
حمد : قومو تنااقعوو بعد
عبود ماصدق خبر يبا ينش وفهد الرزة بعد نش يبا يوقف بصف عبود اونه يآزره
سالم : من صدق انتو يالله يلسووو اونــه يبغون يتظاربوون
شموه : واك واك هزبووهم هههههههه وين بتودي ويهك يدام شواقه
حمد : ليش يعني وين يودي ويهه من شواقه
شموس تبا ترقع السالفه وعبود مرتكب مش عارف شو يسوي وشمووه تضحك لانها ماتعرف كيف تحل المساله وشوااقه ميته خوف عن حمد يدري
شموس : لانه عبود قال لشواقه ماحد يروم يهزبني وهزبووه
حمد : هيه والله سخافه يهااال
شمووووووووووووووه نقزت له : منو اليهال .. حمد لاتنسى نحن اخر سنه والحين داشين على حياه يديده حياه جامعيه
فارس: كلنا دشينا هالحياه .. بس ماحد خق فينا شراتكم
شموه : نحن هب خقاقيــن لو تسمح يعني
فارس: وان ماسمحت
مريوم : والله فرااااااغــة بس حشرتوونا سكتوو
شمووه : واي عليج لاتسوون ازعااج مريم بتعصب ههه
شموس وشواقه : ههههههههه
سالم : وين ناوين ادشون بناات ؟
. شواقه : انا بسير ويا ربيعتيه جامعة زايد
شموه : انا افكر ادش الأمريكيه و طبعا شموس ويايه ..
فارس : شووو .؟؟ ماعندنا بناات يدرسن مع شباب
شموه : لا والله وليش نحن بنروح نلعب وياهم والا شوو
فارس: مافي يعني ماااافي .. وين تبين ماحد فينا درس في جامعه مختلط الحين انتي يايه تبين تدرسين هناك بعدين الشباب اللي في الجامعه عليهم حركات .. ولا بنت سلمت منهم
شموه : شو عكيفك انت تحكم ..انت ماشفت بعينك لاترمس

طبعا شموس ماتروم تقول شي دام اخوها تكلم

فارس نش من مكانه ومايحب انه شموه ترااادده بالرمسه لانه مايحب حد يقوله لا ولا مرة صارت الا هي لان مايروم يقولها شي .. القلب هااي

وحطوو العشا نشوو يتعشوون في غرفه الطعام ..
رن فون شموه ونشت برع ترمس عن الحشرة
وروحت في الحوش

شموه : هلا ريمووه اشحالج حبيبتي
ريمو: انا بخير وانتي شحالج شحال شموس والدبه شواقه
شموه : والله كلنا بخير وعافيه
ريمو: هاا وينج انتي لاتقولين بيت يدج
شمووه : هيه والله تعرفين اليوم اليمعه
ريموو: شمووه قلبي يدق يدق اخااف .. مابقى شي على الامتحانات غير اسبوعين
شمووه : عيل انا شو اقوول والله ماريد امسك الكتب ولا اريد اسوي شي مادري ليش
ريمووو: الله يوفقناا ياارب
شمووه : الله يوفق الجميع وان شاء الله تكون الامتحانات سهله . .

خالد : ريم .. ريــــــــــــمووه وينج
ريمو: اقول شموه بخليج اخووي خالد يبااني
شموه دق قلبها .. خالد اويـــه من زماان ماسمعت عنه شي : اوكي ريمو حبيبتي سلمي على امج وشدي حيلج
ريمو: ان شاء الله يالله في وداعه الله
شموه : مع السلاااامه

شمووه تفكر في خالد اللي يعجبهاا وااايد وتقول يالله من زمااان مب شايفتك ياخالد .. كيف صرت وشو اللي تغير فيك .. اممم مادري تفكر فيني نفس ما انا افكر فيك والا لااا
وتمشي بتروح للغرفه عند الاهل الا يظهر بويها فارس..

فارس: شمـه ليش برع
شمووه : اوووف كيفي ياني فوون وظهرت وانت ليش تسال
فارس وقلبه معصووور على اللي تسويه شموه فيه : حرام اسال اذا حراام والله حرم هالشي خلاص ماراح اسال
شموه كسر خاطرها : لا مش حراام بس انا معصبه ومالي مزاج وامتحاناتنا بعد اسبوعين وخايفين واايد
فارس : لاتحااتين شماااني وان بغيتي شي مش فاهمه درس والا غيره تعاالي وانا بفهمج والله انا في الخدمه لاجل عيونج .. وماشالله انتي ماينخاف عليج الخوف كله على عبود الدب
شمووه : ههههه عبوود شاطر بس مايدرس
فارس::هههه انزين يالله روحي داخل تعشي
شموه وحست انه لازم تساله.. ماتعرف ليش.. بس جي : ليش انت وين بتروح
فارس ستانس انها سالت يعني اهمها : اممم ماشي هني بروح عند ربيعي اخذ منه اوراقي
شموه : هيييه خلاص عيل رخصتك هههه الله ويااك
فارس ومستااانس من الخاطر : اونج الحين رخصتيني خلاص يالله تامرني بشي . ؟
شموه : سلامتك ..

وظهر فارس لبيت ربيعه وهوو مستااانس انه شموه بدت تسال وتحاتيه وين بيروح والا من وين ياي
شمووه ماتعرف ليش هالاهتمام بس مافكرت وايد وكملت طريجها للفله عسب تتعشاا

مرت الامتحاناااات .. ايااام مرعـبه للبنات شموس وشموه وشواقه .. وعبود حليله مافارق كتبه عسب يحقق حلم شواقه ويدش التقنيه ..
في غرفه شمووه وشواقه ..
شموه : شواااااااااقه بصيـح هالدرس كنت غايبه فيه شو اسوي ماعرف ادرسه وباجر الامتحان
شوااقه: انزين انتي بقالج واايد ؟
شموه : لا بقالي هالدرس بس واخلص كل شي
شواقه : دقي لشمووس وساليها جان مخلصه روحي عسب تفهمج
شمووه : اوكي
... ودقت لشمووس تشوفها اذا مخلصه عسب تقهمها .. وشموس كان باقي لها واايد فقالت تعالي فارس بيفهمج .. وشمووه ماعارضت لانه همها تفهم الدرس .. (فارس كان بعملي ويعرف للكيميا )

استاذنت من امها وابوها وقالت لحمد يوصلهااا وما رفض حمد بس قالها لا تتاخر عسب تنش من وقت باجر ..

بيت قوم بو سالم
ام سالم : هلا بنتي شماا حياج يمه قربي
شموه : تسلمين خالووو .. شحالج عساج طيبه
وسلمت على خالتها وريل خالتها وسالت عن شموس وعن فارس
ام سالم : والله شموس فوق وفارس عندها ينطروونج
شمووه / اوكي خالتي عن اذنج بروح لهم
ام سالم: الله ويااج حبيبتي والله يوفقكم ان شاء الله ويسهل علكيم امتحاناتكم يارب ياكريم
شمو : آمين

روحت شمووه فوووق لهم

فارس: شمووس والله مستاانس اني بشوفها وبدرسهاا اااه قلبي.. متى تحس بس متـــى ..

شمووس : فاارس بس اسكت حرام عليك هاي الجمله عدتها 20 الف مرة عسب احفظها وانت تقرقر فوق رااسي
شو ماحد حب غيرك
فارس: شمووس احبهاا انزين شو اسوي احبهااااااااااااااااااااا

شموس : ادري ياخوي والله ادري بس البنت عاادي عندهاا ياخي ماتحس بشي صوبك

دق دق دق

شموس تنش تفتح البااب
شموه : شموووووووس انقذيني اهئ اهئ
فارس/ احم احم
شموه تعتدل وتسكت يدام فارس : اشحالك فارس
فارس: هلا شماا توا نور البيت انا بخير انتي شحالج
شموه : الحمدلله بس هذا الكيميا متعبني
شمووس : الحين ممكن تظهرون برع في الصاله ادرسها لاني اريد ادرس فهموووو مش مخلصه
شمووه : بسم الله انزيييييين لاتعصبين ويا هالويه
فارس يطالع شمووه وهي تعصب حتى بعصبيتها دلع ويقول بخااطره ااااااه عليج يوم انج متعبتني ومتعبه قلبي

شمووه : فارس يالله
فارس: هيه يالله اوكي
يلس يشرح لها الي مش فاهمته ويوم هي اتي تحل المساءل اللي يعطيها تحلهن.. يسرح بجمالها وياخذه التفكير بعيييييد ..
شمووه تلعب بالقلم مش عارفه الحل
فاارس: شوو شماا ؟؟ حليهاا
شموه : انزيـن نحن قلنا في الوسط الحمضي نوزن الاوكسجين والهيدروجين وفي الوسط القاعدي شو نسوي ؟
فارس: نشوف عدد الهيدروجين ونضيف هيدروكسيد بعدد الهيدروجين وبعدين ندمجه مع الماي
شموه : هي صح ويت بحلهااا
ويلست تحل وفااارس غااارق باحلااامه ويتامل الويه الصاافي .. ويتامل عيونها وهي تغمضهن يوم ماتعرف شو الحل ويشووف حركاات شفايفها وهي تعض عليهن وهي تبا تتذكر الحل لكن مب في بالها .. وخذاااه التفكير فيهااا ويلس يقصد بخااطره .:
سبحان من سواك اخذت من كل شي اشويّه
وهالشي اللي جنني واكثر فيك حببني
عيونك غير باقي الناس احسها عيون قطريّه
ترا في شي بعيونك احسه دوم يجذبني
وخشمك سيف ما يرحم من سيوف السعوديّه
وانا يمك احاسب دوم اخافه بس يطعني
وحبة خال في وجهك تقول دانه كويتيّة
ومن يكسبله الدانه يعيش العمر متهني
وم البحرين حتى خذت حواجبك الهلاليّه
وشعرك موج اماراتي سبع مرات يغرقني
وطيبة قلبك انت غير ..نعم طيبة عمانيّة
يا اطيب قلب في الدنيا متى باحساس تاخذني
واذا سولفتلي كن السوالف هي عراقيّه
ولك يابا شردت مني تريد انت تعذبني؟
نعم ما كنك الا يالغلا وصفه خليجيّه
ويتم يتنهد اااااااه
شمو : فارس
فارس سرحان و يكمل القصيده
شمو : فارس خلصت المسألة شوفها صح ولا في شي غلط ؟
فارس انتبه ان شمه ترمسه : هاا .. هيه عطيني اشوف ..
ووصلو لللنقاط الاخيرة والحمدلله شما فهمت اللي شرحه لها فارس..

شموه :تسلم ولد خالتي ماقصرت لووولااك مادري شو كنت بسووي
فارس: ولو نحن حاظرين للطيبين
شمووه : تعرف فارس تصلح تصير استاذ تعرف تشرح هههههههههههه
فارس: لا بعيد الشر عني انا ماعرف اشرح بس لج انتي لوتبين اشرح لج كل المواد انا حاظر
شمووه ويهها قفط وماعرفت شو ترد عليه : احم تسلم

فارس ميت على خجلهااا : الله يسلمج .. ها شمووه حد بيوصلج والا اوصلج انا وشموس
شموه : لا حمد بييني الحين
فارس: يالله عيل ننزل تحت ننطر حمد ايي ياخذج
شموه : يالله سرينااا
وراحت شمــا البيــت وفارس بعده متعلق بامل بانه شماا تحبه ..

اخر يوم في الامتحانات والكل فيه شي من الفرح وشي من الخوف ومن الحزن .. اخر ايامهم في المدرسه .. حليلهم رااح ينتقلون على حياه يديده ... غيــر عن المدرسه 180 درجـــة .. عبوود .. كل همه بسرعه تمر الاياام وتظهر النسبه ويدش التقنيه ويروح يخطب شوااقه ..
شوااقه همها تظهر النسبه وترتااح وهي تدري انهاا مب لذاك الزود .. وتعرف مستواهاا ..
شمووه .. وشمووس ,, بعد يحاتون النسبه ويبون يحددون مصيرهم في الجامعه شو من كليه يدشون وهالسوالف

شموه وشواقه كانو موصين حمد ايمر عليهم يشلهم وشموس قالت بيي وياكم

في السيارة:

حمد: ها شو الامتحااان ان شاء الله كاان سهل
شوواقه : نحن عاادي وسط
شموه : نحن موووت واايد صعب
شمووس : هي والله حمد واايد صعـب شو هالنااس ليش ماترأف بحالنا .. ليش مايحطوون امتحانات سهله والله حرام عليهم
حمد : يالله سويتو اللي عليكم وا ن شاء الله خيـر ..
شموه: ان شاء الله

مريوم ونورة في التقنيه عندهن بريـــك .. وراحن ييلسن في الميلس ( كوفي في التقنيه يسمونه ميللس )
مريوم : ماادري شو سون البنااات في الامتحاااان
نوااري: الله يعينهم والله حليلهم واايد تعبووو حتى عبووود انا اول مرة اشووفه يدرس بهذا الشكل
مريوم : هههه حليله يبا اييب نسبه ..
نوااري : الله يوفقهم يارب.. انزين وانتي .. ؟ هع
مريوم : شو بلاااني انا
نواري: متى بتملجيــن؟؟
مريوم : هههه تحريت في شي .. اممم مادري ابوي يقول بعد عرس حصووه ان شاء الله
نوااري: اويــه مابقى شي على عرس حصووو ياحليلها والله بتعررس ..
مريوم :: يالله عقبـــالج ..
نوااري حز بخاطرها انه حمد مش مفتكر فيها وهي تمووت عليه .. : يصير خيــر ..

فارس يتمشــى في السيارة ويحااوط صوب الوحده موول .. يفكر ينزل والا لاا
اخر شي قرر انه ينزل .. اليوم خلص دوامه في الجامعه من وقت وماله مزاج يرد البيت .. كان بخاطره يحااوط
نزل الوحده موول .. ويلس يتحوط ومني ومنااك . حس بالملل .. قال بظهر احسن لي .. يفكر يتصل لشموه يسالها عن الامتحان والا شوو .. قال ماعندي غير شموس اختي حبيبتي ..

شموس : السلام عليك
فارس: هلا شمووس شحالج
شموس :بخير ومن صوبك
فارس: الحمدلله هاا شو الامتحان ان شاءالله زين
شمووس :/ اهئ اهئ اخووي لاتذكرني .. الامتحاان وايد صعب ..
فارس: اووف ليش انزين
شموس : مادري والله قهرووني ..
فارس: حليتو يعني
شموس : هيه حلينا بس ماندري .. يالله يصير خير..
فارس:يالله الله يوفقكم ان شاء الله
شموس : الجميع ..
فارس: اخليج عيل مع السلامه
شموس :: الله وياك باي

فااارس يقول حراام عليهم ليش جي يسوون فيهم يصعبوون عليهم الامتحانات . الله يعين الطالبات والطلاب ..

في غرفه شموه وشوااقه
شموووه : شوواقه ماتوقعت والله ماتوقعت .. هو ليش جي مايحس
شوااقه/ اممم هو ماكان داري عن هوا دارج وانتي متعلقه به
شمووه : اممم بس انا ماتخبلت عليه يعني مجرد اعجااب
شوااقه: الحمدلله يات على الاعجااب بس ..
شمووه : صدقج هههه .. الله يوفقه بحيااتـــه .. ويوفقنا ويرزقنا الرجل الصالح هههههههههه
شوااقه: بس تبين الريل . ماتبين نسبه ماتبين وظيفه ههههههه احلامج بسيطه
شمووه : شو اسوي على قدي ههههه

( خالد اخو ريم صحيح ماظهرت له مواقف .. بس شموه كانت معجبه فيه .. في شخصيته .. في جماله ..لكن عمرها ماصارحت ريم وقالت لها وماحد يعرف غير شوااقه .. حتى شموس ماتعرف.. لكن خالد خطب من فترة بنت عمته .. وحددو العرس بعد سنه ونص )

في بيت بوفيصل
ام فيصل : يمااه بس لاتحااتي الله مابيضيع تعبك ياولدي
عبوود : امي والله بخاااطري ايب نسبه دعوااتج اميي الله يخليج
ام فيصل : ان شاء الله ياولدي ان شاء الله اتيب نسبه ياارب..

وهذا اخر يوم والكل خايف ومايعرف كم بيجمع وكم راح ياخذ ..

مرت الايااام بسرعــــه.. لين ياا اليوم اللي تظهر فيه النتااايج ..
شمووه يابت 88.3% .. وشواقه يابت 81.6% وشمووس ماشالله عليها معروفه الدحييحه يابت 96.3% اماا عبوود ماشالله هذا اللي قدر عليه وياب 78.9%

وطبعــا اليد قرر انه يسوي لهم عزيمـــة .. وطبعا الكل فرحاان .. عبود مستانس انه بيدش التقنيه .. شموه وشواقه وشموس ودانه بيدشوون جامعه زاايد .. لانه مارضو الاهل بانهم يدشوون الجامعه الامريكيه لانها مختلط ..

فارس كاان مستااانس من الخااطر على اخته وعلى حبيبه قلبــه .. حب يبارك لها بس مب عارف كيف ...

بيت ام سالم

ام سالم: يماا سالم لاتنسووون يوم اليمعه ان شاءالله
سالم: ان شاء الله يمااا فالج طيب ..
ام سالم : فالك مايخيب ياوليدي .. وخبر اهل حرمتك يحظرون العزيمه ..
سالم: ان شاء الله اماايه

دق دق دق
وتروح البشكاارة تفتح البااب الا بشموه وشواقه يايات لشمووس من غبشه .. الساعه 11 ونص
شموه وشواقه يسلمن على ام سالم خالتهن وعلى سالم ويسالن عن شمووس
شواقه : خالو عيل وين شمووس
شموه : اكيد رااقده اتصل فيها ماترد
ام سالم: هي والله يايمه رااقده ماتشبع رقااد .. تقوول تعوض ههه الله يغربل بليسها اللي يسمعها مول ماكانت ترقد
شمووه : هاي بنتج دلووعه خالوو ههه يالله نحن بنروح لها فووق نوعيها

ويركبن فوق يوعن شموووس
شواااااااقه تبطل الستاير وتسكر المكيف ..
شمووس : حراام عليكم شو يايبنكم من الصبح
شواقه: اووه شمووه جنها طرده .. يالله امشي بنظهر ونحن نقوول بني عند بنت خالتنا نونسهاا
شموه : يالله بنظهر انا زعلت وتمشي تظهر من الغرفه وهي ترمسهم وتشوفهم الا تضرب بوااحد حست من جسمه انه وااحد عوود ومعضل
فاارس كان يشووف فونه ومانتبه على اللي دعمته
شمووه : احم سوووري فاارس مانتبهت
فاارس وهوو حده مستااااااانس وشاق الحلج من الونااسه انه شاف حبيبته : لا عااادي شماااني افا عليج .. ادريبج
ماكنتي منتبهها
شموه : احم اشحالك
وكانها فجاه استحت منه
فارس لاحظ انها مستحيه : بخير الحمدلله ومن صوبج
شموه : الحمدلله
فارس وهو يوايج في غرفه شموس : هاا شواقه شحالج
شواقه: الحمدلله والله ومن صوبك ياا ولد خالتي
فارس: والله مانشكي بااس .. هاي بعدها راااقده
شمووه : هي بعدها ويينا وعيناها الا تطردناا تخيل انت بس انا انطرد وين صارت هاي . اهئ اهئ كررامتي ماتسمح لي اتم ببيتكم
فارس وهو يضحك عليها : ههههههههه افا شمووه خلاص اعتبري نفسج يايه لي ( غمز لها ) وانســى شمووس .. تعالي انا وانتي وشوواقه بنيلس نسوولف وشموس برايها خلهااا تنااام لين ماتشبع
شموه : استحت من غمزته ونزلت راسها تشوف ايدينها الي يرتجفن وهالحاله ماتيها الا يوم تشوف فارس
شوااقه : امشو نظهر برررع في الحوووش
شموه: الدنيا حرر وين تبين انتي
فارس: بنيلس امممم في المطبخ يالله شموه نبا تسوين لنا شي من طباخج
شمووه :/ اهئ اهئ لاا مالي مزااج حرام عليك كاشخه ماريد اخرب كشختي
فارس (فديت هالكشخه وربي عسل ) : هههههههههههه عاادي ترا الكشخه والطبااخ لشخص وااحد فمااتفرق عنده .. ههه
شموه فهمت المغزى لكن شواقه مافهمت : لمنووووو ؟؟ امممممممم اممممممم
فارس : ههههههههه ولاحد يالله نروح عند الوالده تحت
شمووه تبا تشرد من فاارس ونغزاااته ) انا بروح اوعي شمووس لازم تنش .. وشرددده ..
راحت شواقه مع فارس تحت يسولفون مع سالم وام سالم

شمووه فوق في غرفه شموس : شموووووس نشي عن العبط
شموس : انزين انزين اووف عليج
شمووه : احبج والله فديتج يالله نشي
شمووس : شو السالفه تتفديني واحبج عندج شي صح
شموه: لاو الله ماعندي شي .
شموس : انزين قومي عني بروح اتغسل نطري لاتنزلين بنزل ويااج
شموه : اووكي حبيبتي يالله بس لاتتاخرين
شموس : اوكي ..

في بيت ام حمد ..
حصووه : يماا والله تعبت خلاص ماريد اكمل
ام حمد : ويدي يابنيتي مابقا لج شي وتخلصين شو بعد ماريد اكمل
حصووه : ههه اميي والله تعب متى اخلص
ام حمد : صبري كلها كم يوم وتخلصين ان شاء الله

الا بدخله فهد .. السلام عليكم

ام حمد وحصووه : وعليك السلام
فهد: وين التووومي ؟
حصووه : بيت خالوو
فهد : اييييييييييه وليش مايقولون؟
ام حمد: وانت منو عندك بيت خالتك
فهد: فاارس
حصووه :ههههههه
ام حمد: هيه تراه فارس بعمرك
فهد : وين حمد ؟ اريده ياخذني لهم
ام حمد : بعده مارد من الدواام
فهد: انزين انا بتصل لفرووس ايي ياخذني يالله باااااااااااي
حصووه : سلم عليهم
فهد : يوصل بااي
حصوه وام حمد : مع السلامه

وان شاء الله البارت الياي قريــب .. __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
" آهـ .. آهـ .. آهــ .. "	محروم.كوم	منتدى أخبار المواقع والمنتديات العربية والأجنبية	0	05-28-2009 10:50 PM
آهــ .. وآلـــف آهــ مـــــن كســـرة الـ ـ خ ــ ـ ـ ـاطر	صعب تفسيري	الإستراحه العامة	23	01-15-2009 01:51 PM
{ أهــ منك من جمالكـ حتى دمع ـك [جُـٍاذٍبيهُ]...New PiC	س™	المسنجر وملحقاته , توبيكات , ماسنجر بلس , msn	30	02-22-2008 03:54 PM