|
إنضمامك إلي منتديات استراحات زايد يحقق لك معرفة كل ماهو جديد في عالم الانترنت ...
انضم الينا
#1
| ||
| ||
قصيدة لشاب فقير خطب بنت عمه المليونير، إليكم القصيدة:
__DEFINE_LIKE_SHARE__
سبحان من يرزق بتوع الملاييـن*** الرازق اللي ما يخيب الرجـا بـه لي عم عنده معـرضٍ للصواليـن ***أموت واعرف بس من وين جابـه وإذا سألته قـال بعـت الدكاكيـن***ما يدري إني ما هضمت الإجابـة الشاهد إني رحت له قبـل يوميـن***في قصره العامـر ودقيـت بابـه قال أرحب أرحب عدّد ورد البساتين***يا مرحبا باللـي لفـا يـا هلا بـه قلت البقا عـدّ النفـل والرياحيـن ***يا شيخ شمل أهل الكرم والذرابـه قال اسلم الله يحفظك لي من العين***وآمر أوامر حضرتـك مستجابـة قلت الصراحة طالبٍ قرب غاليـن*** ودي تزوجنـي كريمتـك يـابـه ثنّى وقال أهليـن والله وسهليـن***والكون ترخص لجل عينك رقابـه لكن ترا عندي شـروط وقوانيـن***قلت اشرط اشرط يا حبيب الغلابـة قال أولاً مهر العروسـة ثمانيـن***غير الرسوم وغير حق العصابـة والثانية عمك يبي منـك سبعيـن***رسم الأبـوّة والنسـب والقرابـة وأم العروسة حقها منـك ستيـن***عشانها ست الحسـن والمهابـة وإخوانها كلن يبي منـك خمسيـن***عداً ونقـداً تنـدرج فـي حسابـه وخواتها الخمس عطهن من ثلاثين***عشان تتوثـق عـروق النسابـة وتجيب طقم عيار واحد وعشرين***وخاتم من الماس المصفى ترابـه وأكياس متروسة كعوب وفساتيـن***ألوانهـا وأشكالهـا مـا تشابـه وموتر بسواقـه وفيـلا بدوريـن***أثاثهـا مـن بطرتـه ينحكـى بـه واحجز لنا قاعة بقصر السلاطيـن***واحجز بهـا رقاصتيـن وربابـه هذي الشروط اللي على بالي الحين***وذكرني اللي ما حسبنـا حسابـه قلت اذكر الله يا عـدو المساكيـن***واستغفـره لا يبتلـيـك بعـذابـه الظاهر إنك منت عارف أنا ميـن ***أنا لو أرقى فـوق متـن السحابـه ما جبت حتى نص درزن مواعيـن***واضحك بكيفك واعتبرهـا دعابـة شروطكم هذي شـروط المجانيـن***شروطكم شغـل ابتـزاز ونهابـه شروطكم تقصم ظهـور البعاريـن***شروطكـم همّـن وغـم وكآبـه شروطكم والله سيوف وسكاكيـن***تذبح بنات المجتمع مـع شبابـه وين الرضا والعطف واليسر والليـن***اللي ذكرهـا الله بمحكـم كتابـه وين الصفات اللي أمرنا بها الديـن **وين اختفى نهج النبي والصحابـة يا عم جعل اللي خلقنا من الطيـن**يرد عقلك مـن خطـاه لصوابـه ويجعل نصيبي عند غيرك قل آمين**ويحسن عزا الصابر ويجزل ثوابه قال أنت لو فكرت تفكير صاحيـن***ما شفت في مجمل شروطي غرابه حنا بعصـر العولمـة والمزاييـن *** ماهوب عصر الفلسفة والخطابـة الناس تسعى للرتـب والنياشيـن***وأنت اهتمامك بالشعـر والكتابـة والشعر ما ينفعك لو هو دواويـن***ما دام جيبك مثـل بيـت الخرابـة يا بوك لا تسمع كلام المصاخيـن***واسأل مجرب عاش في وسط غابه قلت الله أكبر يا محـرر فلسطيـن ***من يسمعك يحسبك ذيـب الذيابـه تراك شايب رأس مالـك رياليـن ***والبنت ما تسوى جنـاح الذبابـة قال انقلع مالت على وجهك الشين****لا عاد أشوفـك عندنـا يالزلابـه قلت ابشر أبشر لكن الباب من وين**وأقفيت من عنده على صوت بابـه منقوله |
مواقع النشر (المفضلة) |
| |
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
شاب فقير خطب بنت عمه المليونير ... حياكم ... | الرهيب القطراوي | الشعر المنقول | 19 | 06-11-2010 08:50 AM |
قصيدة لشاب فقير خطب بنت عمه المليونير، إليكم القصيدة: | محروم.كوم | منتدى أخبار المواقع والمنتديات العربية والأجنبية | 0 | 11-08-2009 09:40 AM |
قصيدة شاب فقير خطب بنت عمه المليونير | ولد الدمام | الشعر المنقول | 7 | 10-03-2009 07:21 PM |
شاب فقير خطب بنت عمه المليونير ..!! (( حيــآآكـم )) لا يفوتكــم | راعـــ الــحــب ـــي | المواضيع المكرره | 0 | 06-09-2009 01:40 AM |
شاب فقير خطب بنت عمه المليونير | قلم وردي | الشعر المنقول | 12 | 08-11-2008 02:12 AM |