الجينزات الي يلبسوها البنات تحت العباه - الصفحة 3

بنت الشارجه الحلوه · 05-25-2008, 03:44 PM

[align=center][align=center]
الحين البنات صايرات شرات هييله اللي يقولون ..الضرورات تبيح المحضورات..
شو اللي حادج تلبسين جنز..الله خلقج بأحلى صوره و ستر عليج..

حق شو تروحين تلبسين بنطلون..هذوو المحلات و المراكز مليانه ملابس محتشمه..
ليش البنطلون و غيره من المناكر بعد..أستغفر الله شو يقول الواحد بس..
بهالزمــن..إذا بغوا يحللون شي و هو حرام..يحللون يده السابع بعد..

لو تقرون رد أخوكم الخالـــدي 18..بس خلاص
ما يحتاي تتناقشون في الموضوع أكثر..
الشرع يحرم هاللبس..و ما يجـــــــــــوز..
و ان شاء الله إذا الله أحيانا بييب الفتوى..
الله المستعان..

حكومة أم القيوين..
موضوع حساس و من الجميل أن يطرح هنا^_^
و المسامحه منكم جميع..[/align][/align] __DEFINE_LIKE_SHARE__

,,SwaN}~ · 05-25-2008, 04:04 PM

تباينت الردود

المعارض واللي ما عنده خلاف

بس انا مصره على رايي انه ما نعقد الامور >>>> مره ثانيه اقول انا ما البس جينز الا فيما ندر يعني ما دافع عن حد خخ

بس ما احب حد يضيق على الناس بالآراء المتزمتة اللي ما منها فود

بالنسبة لرد الخالدي اخويه يالطيب خخخ منو قال ما نحب نلبس دارايع عقولتك خخخ

انا شخصيا ما احس بالانوثه الا بالمخاوييييير هههه حلاته يشرح النفس وفيه شموخ ما بعده شموخ

وكشخه اصيله حتى والله يشهد انيه ادور على منغد هههه اللي ما يتحصل احينه لانيه احب لبس الاوليين

بس عن تشبه الحريم بالرياييل ترا الجينز هو اخو الصروال خخخ اللي ينلبس تحت الثياب

يعني حتى الصراويل ما نلبس؟؟

ما ابا اهذرب عالفاضي واكون يابسة راس لانه ما احب اجادل وايد طالما الامور واضحه

بس حبيت اوضح وجهة نظري الحيادية جدا جدا

انا لا مع ولا ضد

انما انا ضد التزمت في الآراء اللي يضيق على الناس بليا سبب!!!

وسلامتكم

=)

التالي ما يخصه في النقاش >>> ارمس اربيعتيه بس خخ

v
v
v

الروح ويا راسج يبالج سطار محترم ههههه

مدري ليش تولهت عليج خخخخ __DEFINE_LIKE_SHARE__

الشيخة · 05-25-2008, 04:28 PM

تسلمين الغاليه على الموضوع...
والله انا ما اشوف شي عييب انه البيت تلبس بنطالون..
المهم شي هي ترتااح له .. في بنات ما يحبن التنانير وبنات ما يحبن البناطلين..
كل حد وهو حر.. انا عني البس ناطلين مع عباه مفتوحه ومسكرة .. واعترف هي انه شكلي يطلع احلى..
يعني احس جسمي احلى ..

هذا راي والسموحه.. __DEFINE_LIKE_SHARE__

النعيمي · 05-25-2008, 06:45 PM

عليج السلام ورحمة الله وبركاتة

الخووووي الخاااالدي ماقصر ماشالله عليه

على فكرة لكل بنت تلبس جنزات وبنطلونات ضيجة ..
اعرفي انه يسبب امراض فالرحم ( لنة ضيج ) وهالشي يؤدي للعقم ...

"اعذرني يالبنات ع رمستية "

عذر اقبح من ذنب يوم تقول الحرمة ان البنطلون مريح ، اززززين اذا هو مريح لبسي كندورة وتصرولي ..

انا شخصياً ماحب منظر العباة وتحتها بنطلون حتى احيانا ينبان شكل الجسم والخصر وهنا تدخل البنت فالحرام بدون ماتدري ...
واللي تبا تكشخ عندها بيتها وريلها ، وماقصر الخالدي يوم يرمس عن العورة ، لنه وايد ناس تتهاون في ها الموضوع

اخوكم / النعيمي __DEFINE_LIKE_SHARE__

بنت الشارجه الحلوه · 05-25-2008, 09:46 PM

كل اللي قالوه اخواننا الخالدي و النعيمي..
هو عين الصــــــــــــــواب..
و ماعتقد الواحد يروم يرمـــس عن الشــــرع..
ها شرع الله..و البنطلون من أنواع الجنز..محرررررررررررم..

الله يهديكن يا بنات.. __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
وين راحت هيبة العباه؟؟ (موضوع للنقاش)*******	محروم.كوم	منتدى أخبار المواقع والمنتديات العربية والأجنبية	0	01-11-2010 04:20 PM
طلب الحجوزات بالخطوط الجوية العربية السعودية	محروم.كوم	منتدى أخبار المواقع والمنتديات العربية والأجنبية	0	07-24-2009 02:30 PM
الغشوه أو البرقع أو النقاب أو الوجه..العباه مفتوحه أو مسكره	zgerty-boy	الحوار والنقاش - الرأي والرأي الآخر	63	01-07-2009 06:56 PM
::\|\|:: شو فايدة العباه عيل ::\|\|::	عيوز كشخه	الحوار والنقاش - الرأي والرأي الآخر	17	07-18-2008 03:45 AM
جديد تصاميمي ( العباه الملكية )	الوسنى	الأناقة والجمال والموضه والطفل	35	01-31-2008 12:57 PM