|
الجينزات الي يلبسوها البنات تحت العباه بسم الله الرحمن الرحيم السلإأآم عليكم ورحمة الله وبركآته شحآلكم؟ أخبآركم شو مسوين ؟ عساكم مرتاحين شو آخر شي تذوقتوه << الجواب مش بس اجباري ههههه ابو الإجبآري سؤال يسدح نفسه وبقوة شو الي يخلي البنية ( ما تلبس ) البنطلون او الجينز ورا العباية ؟ الجوآب : أما انها متدينة وتعرف الحدود والضوابط الشرعية ... او أنها متينة ودبة وما يصلح عليها البنطلون ^^ شوفو يا بنات وانا اختكم ... البنات وش قالو؟ شوفو اعذار البنات ..... الي تقول ما أقدر آخذ راحتي وانا أمشي ... الي تقول انا بالكلية وما اقدر الحق بين الكلاسات لو لبست فستان عادي او تنورة وسيعة ... أونه البنطلون أريح ^^ والي تقول عندي حساسية وما اروم امشي الا بالبنطلون ^^ وجي الاعذار نفسها تكرر وماشي أمل عادهم البنات يقولون عادي ^^ طيب يا بنات لا تعصبون لا تقولون الحكومه هعـ ما عندها ذوق ولا مدري شووه بنروح للحقايق شوي قبل ما اييب الأحكام الشرعية وجي ^^ بنرمس شوي عن كلام البنات دوما يكررونه وما يملون منه الي هو : انا البس عباية مسكرة عالأخير وما يبين شي ^^ ايوأإآآأإآأآأإآإإآآآإأأإآآإآإآإأآأإأإآآأإآإأإآأآإأ آإإأآآآأإإأآإأآآإأآأإآأإآأإآإأآإآإأأإآآأإأإآآأإآإأ آأإآإأآإأإإأآ الي يلبسون عباية مسكرة عالأخير نسبتهم 20% تقريبا البقية خبر خير خلونا من البقية الحين ونروح لل 20 % ركزو وياي الحين بنية لابسة بنطلون تحت العباية صح؟ طيب المعروف ان البنطلون يظهر مفاتن الجسد ... وخاصة الخصر طيب المعروف ان العباية تكون خفيفة مرة مب ثجيلة << ماشي عباية الختم هههههههه << سمعت ان البويات سووها وفصلو عبايات الختم ههههه المهم ابسط نظربة هو من ورا ولا من الجنب وطلع كل شي ^^ حتى لو كانت العباية مسكرة ^^ بيبين عرض أنها لابسة بنطلون وراح يظهر كل شي ^^ هذا بس حق الي تقول عباية مسكرة ومدري شوو ^^ ........................... طيب انا مرة سألت وحدة : قلت لها شو بيصير فيج لو لبستي ثوب وسيع وتحت الثوب بنطلون جينز أو غيره .. الأخت بوزت شوي وقالت : مش حلو !! وانا برد اسأله حق البنات الي يلبسون هاي السوالف ^^ شو بتخسرون لو لبستو ثوب وسيع وطويل وعريض وتحت الثوب بنطلون ؟ صعبة ولا ما بيطلع حلو عليكم ؟ http://www.ma7room.com/upload/uploads/8d05d9efe7.jpg ^^ الموضوع مفتوح لكم على فكرة : الي بترد وتقول هيه انا البس وعادي وجي لا تستغرب لما بحاورها ^^ يعني تكون قد كلمتها وقد الحوار ^^ والموضوع انا مختصرنه واايد ^^ ولا هو اكبر من جي بواايد ^^ المهم يا بنات ويا شباب شو رايكم ؟ الموضوع مفتوح لكم من كل الجهات الأصلية والفرعية ^^ تفلسفو فيه لين ما تشبعون ^^ ^^ مثل ما قلت الي بتقول هيه انا البس وعادي وجي تجهز عمرها للحوآر ^^ مب تحط رايها وتروح ^^ والي ما يبي يحاور ولا مش مستعد والي بيكتب يسلموو دخيل والديه لا يتعب عمره ^^ |
مشكووووووورة على الموضوووع و هذااا حسااااس جدااا بالنسبه للبناااااات هذي موووضة العصر عندهم الله يعينااا الصرااااحة أناااا ماااا البس |
الغاليه عندي رد رهيب بيسكت اي حد يتكلم عن هالموضوع مع العلم يعني وحطي تحت هالمعلومة عشرين الف خط انا مالبس بناطلين الا فيما ندر وما يهمني ولا احسبه يعني شي من الاناقه والعصريه بالعكس احس فستان او تنورة وقميص فيه انوثه اكثر مليون مره من البنطلون بس ما يعني انه البنطلونات او الجينزات خسفه يعني ههههه فيه قصات كشخه تعيبنيه المهم حطي هالشي فبالج اني اصلن مش من انصار الجينزات والبنطلونات بالعكس حتى لو لبست جيز او بنطلون عمريه في حياتيه ما خذت شي مرصص عليه دوم اخذ اكبر عني برقم او رقمين لانه ما احب اترصص مع ان الحمد لله جسمي ما يعيبه شي اقدر اترصص يعني هذي نقطه مهمه قبل ما ابدا ردي عشان ما تتحرين اني مع اللي يلبسن جينزات ردي يقول ليش نعور راسنا على سالفه ما تستاهل؟؟ يا اخي انتوا تقولون ان الجينز يزر ويقسم تفاصيل الجسم؟؟ هذا المغزى يعني؟؟ اوكيه ايواااا يعني حتى من تحت العباه يبين تفاصيل الجسم صح؟؟ لانه ضيق يا حرام.. اهااااااااا طيب شو قولتج في البديات؟؟؟ ليش ما قلتوا ان التوبات >> اللي هي شي شرات القميص يعني او الفانيله اللي ترص الجسم رص شرات الاسترتج >>> اوضح حق اللي ما يعرف عشان يفهم شو السالفه ليش ما انطريتوا طول وعرض بعد على البديات؟؟؟ ترا البديات والتوبات المرصصه بعد تبين تقاسيم الجسم من فوق نفس الشي صح ولا لاء؟؟؟ اذا كل شي بتعلقون عليه عيل خلاص ما بنلبس شي نلبس كندورة الصعايده هاي الزرقه ههههههههه احسن شي يا سلاااااام تخيلوا الوحده لبسها الرسمي كندورة صعيدي طول العمر ما شي بديات ولا قمصان كشخه ولا جينزات ولا شي دام انه ما في شي عايبنكم ولا حتى من تحت العباه هههههههههه وبعدين بالنسبه للعباه في عبي ساتره امررره ما يبين منج شي حتى لو لبسيت الجينز ما بيبين لان العباه وسيعه يعني بخبرج لو وحده لابسه جينز تحت عباه مجبونه في حد بيعرف انها لابسه جينز؟؟؟ اظنيه المجبونه وسيعه بما فيها الكفايه انها تستر الوحده!! ولا بتقولون عالعباه المجبونه شي بعد؟؟؟ اخاف حد يقول عقب العباه سوده وايد جيه تسوي اغراء لانه الاسود لون مثير ههههههههههه يعني يا جماعه شويه فكروا قبلا تشككون في كل شي وتجلبونه غلط وحرام انا مش مع ولا ضد اللي يلبسن بناطلين وجينزات واشوف ان الجينز لا يضفي اي انوثه او عصريه عالبنت يعني لبسه او عدم لبسه عادي ما يفرق لكن بصراحه انقهر من اللي يشوي من هالموضوع قضية لانه في اشيا وايد اهم من هالمواضيع وفي امور ابرز من جيه للنقاش وازيدج من الشعر بيت احينه اللي تقولين عليه مسوينه موضه ههههه انه الوحده تلبس بنطلون تحت الفستان او الكندوره يعني الموضه يحليها حاشمه البنات احينه كل وحده تعرف شو اللبس الحشيم وفي نفس الوقت حلو يعني لا تعقون اللوم على الموضه وبس وسلامتكم =) |
الصراحه رد جميل يا حنان القصيد واقنعني ردج بالنسبه لي انا اشوفه شي عادي يعني وانتو عاطين الموضوع اكبر عن حجمه اللي تب تلبس تلبس واللي ما تب لا تلبس يعني شرات ما قالت يمكن وحده ما تحب تلبس ولا ما يركب عليها ولا عندها حساسيه ولا ما تقدر تمشي ولا اي شي عادي يعني كل وحده وستايلها عالعموم ثانكس يا حكومة ام قيوين واترقب حوارج مع حنان القصيد تقبلي مروري Mr.LoUiS VuIttOn |
الصرااحه ليش ماتلبس البنت خلوها تلبس واي شي بغته والبنات يلبسن عباه يعني تحت ومايهم بس اهم شي يوم تلبس عباه مفتووحه يعني العباه الطير والجنز ظاهر تقول يوبر مان :1: بس ها الي اشوفه فالجنز ااناا وكل بنت مربايه وتعرف كل شي واهم شي اللبس المحتشم السموحه وهذا رأيي |
| الساعة الآن 07:39 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir