][ قصة بنكات الأعضاء ][ - الصفحة 79

,,SwaN}~ · 07-24-2008, 12:28 PM

بقبق

ترا مصختها

لا تتغلى وايد

يلا عاد نزل البارت اللي عقبه

ترا باشتكي عليك في المعهد ههههههههههه __DEFINE_LIKE_SHARE__

خوية الشقا · 07-26-2008, 10:31 PM

الله بنسآآفر هههههههه
يعلكم @@
هههههههههههههههههههههههههههه
نآآوين عليه
بتنجلط البنت ---> مش اناا طبعآ

شخصيتي غيييير هههههههه

يالله نرقب البآآرت اللي عقبه
نبآآ نجوف الاحدآآث __DEFINE_LIKE_SHARE__

» [ ™S a s a ] ~ · 07-29-2008, 09:58 PM

بقوووي اين انت

نزل البارت =) __DEFINE_LIKE_SHARE__

بقايا هواجس · 07-29-2008, 11:04 PM

هههههههه سوري لازم اتغلا شوي

ظروف ما سمحت لي ادخل ..

و ظروف بتضطرني انهي القصه اليوم.. __DEFINE_LIKE_SHARE__

بقايا هواجس · 07-29-2008, 11:45 PM

][ قصة بنكات الأعضاء ][

الفصل الخامس

][ بحتفل بعيد ميلادك .. للأسف بحيه من دونك ][

الجزء الأخير ..

الحريزي : شفيكم اخرتو ..
خلونا نسير ..

بقايا : هاه .. اصبر شوي ياخي
شفيك مستعيل ..

مسكين : مسرع تولهت ..

الحريزي : لا مش جيه بس يعني
مب حلوه البنات روحهن فالفندق..

مسكين : لا تسوي سالفه ..
تراك بتسير و بترد تبات عند
بقايا و قمورة بتسير عند خوية ..

الحريزي : لا تذكرني ..

مسكين : بسألك عنه مب مستحى
جيه ..
كلنا حريمنا يستحن بس جيه عاد ..

الحريزي : مادري عاد شفت كيف
الحين لو انت ماخذنها هب احسن لي

مسكين : اش .. كل واحد يصلح
سيارته ..

الحريزي : و يا هالسيايير ..

بقايا : ههههه .. شفيك مسكين اطالع
الساعه ..
ما سمعت لي يقول دامك مع ربعك لا طالع
الساعه ..

مسكين : لا دامك مع خلك لا تطالع الساعه ..

بقايا : هههههه بعد انته سيم حاله ..

مسكين : اووووووووه .. نسيت ..

بقايا : شوه بعد ..

مسكين : ماشي بسير شوي اشتري غرض حايه
حد بيي و لا بتتريوني ؟

بقايا : يايين ضربه نسير ضربه ..

و في بوظبي ...
داناو معتزله الناس
ويالسه في حجرتها ..

بحتفل بعيد ميلادك
للأسف بحيه مندونك

ما يهم عنادي عنادك
او مجرد تكثر ظنونك

المهم احفظك فبعادك
و اثبت لدنياك ما خونك..

داناو : ايهيه سارت بك دنياك..

يا ربي شكثر اعاني ..
هئ هئ هئ ..

ليش حظي دوم جيه ..

قلب الفراق الي غداله حنيني
ضميان و القصه ماهي جمة البير

لكنها شوق يبثه ضنيني
يالله عساها ما تطول المشاوير

هل عادله في قلوب الأحباب تأثير؟؟

داناو : هم هم كله هم ..

بقوي .. بقوي .. بقبق .. وينك..

هئ هئ ..

و في المالديف عند الربع

بقايا : يايبنا حق تشتري هديه ..

مسكين : ياخي شي مناسبه ..

الحريزي : اكتبلك خطي حلو ..

مسكين : اكيد بعد تسأل ..

بقايا : شوف الحب شو يسوي مب نحن

الحريزي : ياخي تشجعت انا بشتري هديه

بقايا : ايوا و انا اتم جيه ..

مسكين : خلك مع الموجه ..

بقايا : ياللا شو خسران بعد نتقرب منها شوي ..

الحريزي : زين بتصل الحين يزهبن العشا ..

مسكين : لا بوي انا بتعشى روحي اليوم ..

بقايا : بدت الخيانه ..

مسكين : مش خيانه بس الواحد يحب ياخذ
راحته شوي ..

من عرست ما كلت ويبه مع حرمتيه ..

الحريزي : صدقك و لا انا ..

بقايا : يا عمي .. حد قالك شي ؟؟
صدق انكم فايقين ..
شسوي على الموجه
حتى انا بتعشى روحي ..

و في الفندق ..

قمورة : زين الحين انا بسير..

خوية : وين و منو بيرقد عندي ..

حنان : ريلج بيرقد عندج ..

خوية : اميه .. استحي منه هالحريزي

حنان : مشكلتج ..

خوية : لا حرام عليكم بموت ..

حنان : كم بتمين جيه سنه سنتين

خوية : مادري

حنان : اخر شي الريال بيطفر و بيطير
من يدج ريلج فلته لازم تيودينه..

خوية : شسوي ..

حنان : انتي تحبينه ..

خوية : هاه ؟ ريلي شو يعني اكرهه؟

حنان : عيل لازم تخفين شوي عنه
مب جيه عاد المستحى يسوي ..

انت غلطهم ما يابوج عندي اسوي لج
كورس قبل لا تعرسين ..

خوية : شو ذنبي يوم استحي ؟

قمورة : اميه الريايل وصلو خلونا
نفل و هي تدبر عمرها ..

خوية : لا وين تسيرون ..

حنان : حان ساعة المعركه ..
بسير اجابل ريلي كم بيلس اجابلج
شو فايقتلج انا .. ياللا باي ..

خوية : لاااااااااااااااااااااااااااااا
امري لله يا خونه ..

و يدخل الحريزي ..

الحريزي : السلام عليكم ..

خوية : بصوت خفيف و بحيا :
وعليكم السلام ..

الحريزي : كم بتمين جيه ؟

خوية : ساكته :

الحريزي : يعني تبيني اظهر .

خوية : ساكته :

الحريزي : ايوا يعني ما تبيني
خلاص بسير ..

خوية : لا ..

الحريزي : ما تبيني اسير؟

خوية : لا ما باك تسير ..

الحريزي : ما اسمع علي
صوتج و لا بسير ..

خوية : يا ربيه شو هالموقف..
لاااااااا ..

الحريزي : ول ول ول .. شوي شوي عليه..

خوية : انت تقول ما تسمع..

الحريزي : هههههههه .. لا بس ابا اشوف

ويهج الحقيقي يعني ..

خوية : ليش تشوفني لابسه قناع
و لا مسويه عملية تجميل ..

الحريزي : يا حلوج يوم تخفين عليه
هيه هاي خوية الي نباها ..

خوية : يعني كنت ما تباني قبل و صدق
بتسير ..

الحريزي : لا بس عشان تخفين عليه ..

خوية : عيل اطلع برا استحي منك انا ..

الحريزي : توج مطيحه الميانه معايه شو جلبج؟

خوية : تراك حشره أذيتنا كل شوي
تغير كلامك ..

الحريزي : الله .. يا كبرها عند ربج..

و عند بقايا ..

قمورة مجهزه الطاوله
و مزهبه الويبه السنعه ..

بقايا : الله يسلمو دياتج ..

قمورة : عيبك الأكل ..

بقايا : مادريت انج جيه طباخه ..

قمورة : لو سمحت شو طباخه و بشكاره
الشيف قمورة لو سمحت ..

بقايا : بعد .. زين و شو هالصحن الي ما
تبطل ..

قمورة : ها الوجبه الأهم ..

بقايا : عاد الحين شبعت انا ..

قمورة : شوفها بتيوع ..

بقايا : زين ..

و يبطل بقايا الألمنيوم ..

بقايا : الله شو هالساعه ..

قمورة : ايه صبر لا تاكلها ..

بقايا : انتي قلتي اكلها ..

قمورة : هاي هدية عيد ميلادك
يا حمار ما تنأكل بس حركات ..

بقايا : هيه .. عشتو .. حتى
انا حركتات بس هالمره سويت
حره يديده يبت الهديه بالطريقه
العاديه ..

قمورة : الله .. بس غريبه
بقايا جيه يعطي هديه صعب
ما صدق ..

بقايا : و لا انا اصدق ..

و عاشو بسعادة و هنائ منذ
ذلك الحين ..

----- ---- ---- --- ---- ---- ---- ---- -

يا ترى شو هي انتقاداتكم للجزء الأخير ؟ __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
صور ألقاب الأعضاء والادارة متحركة & رتب الأعضاء ^ النجوم ^ مجموعة رآئعة جداً	محروم.كوم	منتدى أخبار المواقع والمنتديات العربية والأجنبية	0	02-12-2010 02:10 PM
شباصات و توكات و تك تكات للعيد	غبشوهـ	بيع و شراء و عروض التجارية	13	11-16-2009 10:52 PM
[ تبادل اعلاني ] : المواضيع: 17,805, المشاركات: 314,609, الأعضاء: 1,581, الأعضاء النشطين: 266	محروم.كوم	منتدى أخبار المواقع والمنتديات العربية والأجنبية	0	07-03-2009 06:40 PM
[ تبادل اعلاني ] : المواضيع: 538, المشاركات: 1,927, الأعضاء: 28, الأعضاء النشطين: 19 -http://vb.qlb.	محروم.كوم	منتدى أخبار المواقع والمنتديات العربية والأجنبية	0	06-19-2009 06:10 PM
[ تبادل اعلاني ] : المواضيع: 2,234, المشاركات: 13,547, الأعضاء: 1,352, الأعضاء النشطين: 1,352	محروم.كوم	منتدى أخبار المواقع والمنتديات العربية والأجنبية	0	05-03-2009 07:20 PM