][ قصة بنكات الأعضاء ][ - الصفحة 50

» [ ™S a s a ] ~ · 06-19-2008, 12:51 AM

شت طافني وايد

ان شاء الله اول مااخلص امتحانات بقراهن

بس شكلها طرطيشن جني اشووف كم شخصيه نييوو لوول

تسلم بق بق

ونرقب الزود من جداك __DEFINE_LIKE_SHARE__

- { فلاسـية جميـــرا , . · 06-19-2008, 12:54 AM

يااااااااااااااااااااااااااااااي

كشخهـ لووووول

والله روعهـ __DEFINE_LIKE_SHARE__

بنـ’ِـت الـ’ِـ ح ـ’ِـر · 06-19-2008, 11:14 PM

[mark=ff0000]حنان : انزين عاد اليوم بتودينا
نشرب كوفي نخب دوامج ..

الدماني : نخب !! ههههه شو قلتي
ختيه نسير ..[/mark]

خخخخخخخخخخخخخخخخ

نخب اونهـآ لووولَ . .

يسلموو ع البـآآرت الع ــجيب ^^

ونترقب البـآرت الى بعــده ^__^ __DEFINE_LIKE_SHARE__

(****) · 06-20-2008, 02:59 PM

[align=center]تنويهــے:أحداث القصه طويله
فلا تستعجل على نفسك قد تنتهي الأجازة و بعدك ما
شبعت من القصة ..

][ قصة بنكات الأعضاء ][

الفصل الثالث

][ أنا بغيب و ان كان لك قلب ازعل ][

الجزء الثالث

و يسيرن البنات
يتكشتن بمناسبة توظف
الدماني ..

و يحل الظلام .. و يأذن
المغرب .. بعد الصلاة ..

يسير مسكين عند خالته
بنت الأفلاج ..

مسكين : السلام عليكم ..

بنت الأفلاج : و عليك السلام والرحمه..
ها وين ما تنشاف ..

مسكين : والله الدراسه ما تخلي
حد حتى يسلم على عمره ..

بنت الأفلاج : يا حليلك موفق ولديه ..
و شو الموضوع الي حاشرني..

مسكين : خالوه انا ييت ابى اكلمج
في حنون لني نويت اخبطبها و باجر
بتي اماه و هالسوالف بس ييت اكلمج..

بنت الأفلاج : هيه .. ادريبك انته
ما فضيت لي فضيت لحنون ثرك..

مسكين : مب جيه خالوه .. لكن..

بنت الأفلاج : ما عليه شباب بعدكم
ما عرف سوالفكم ترا كنا فيوم كبركم..

مسكين : انزين خالوه .. هونتي علي
ابغي استعيل بالعرس ..

بنت الأفلاج : و ليش بعد ..

مسكين : عشان يعني ارتب
اموري قبل لا تبدا الكليه .

بنت الأفلاج : اسمع انا ما قدر
اعطيك كلمه تريا بقايا يوم
بيرد كلمه ..

مسكين : بس انتي امها و انتي
لج الوصايه لين تعرس .. مش
لبقايا ..

بنت الأفلاج : ما عليه بس بعد
لازم ناخذ شور بقايا.. ما يصير
هي تعرس و اخوها مب راضي
و لا تبى تسوي مشاكل بين
لأخوان ..

مسكين : خالوه .. بس انا مستعيل
و بقايا الله العالم اذ بيرد ..

بنت الأفلاج : ما عليك ان شاء الله
بيرد ..

مسكين : ان شاء الله بس تراه
هو مب رايح يتكشت ..

بنت الأفلاج : شو تقول انته !
شو فيه ولدي ..

مسكين : ولدج رايح يتعالج و انا
سالت عنه و طلع هو رايح علاج..

بنت الأفلاج : لا ولدي ما فيه شي
امس يكلمني و هو بخير ..

مسكين : هيه يسوي عمره ما يباكم
تعرفون انه هو مريض ..

بنت الأفلاج : بسم الله على ولديه
لا تفاول عليه يا مسكين ولدي ها..

مسكين : خالوه .. هاي الحياه و الموت
حق و بقايا قالي الدكتور ان مرضه
صعب الي يمرض به ما يعيش اكثر
عن شهر ..

بنت الأفلاج : اسمع ان مات ولديه
والله ما تاخذ بنتي .. تفاول
على ولدي و تباني ايوزك بنتي..

مسكين : خالوه انتي ليش جيه ..

بنت الأفلاج : انت الي شو فيك
ياي لين عندي عشان تقولي هالكلام؟

بنت الأفلاج : اطلع و والله ان
صار فولدي شي مب مسامحتنك
ليوم الدين ..

مسكين : انا بظهر خالوه ..
بس برد مره ثانيه .. لني احبها
خالوه احبها ..

بنت الأفلاج : حبتك القرادة اطلع
برا اطلع برا ..

مسكين : مع السلامه ..

بنت الأفلاج : دماني .. حنان ..

الخدامة : ماما كلو سير برا ..

بنت الأفلاج : اتصلي بهن احس
عمري تعبانه ..

الخدامة : الحين ماما ..

الدماني : الوه

الخدامة : الو .. ماما مريض
تعالي سورا ..

الدماني : يالله الحين يايه ..

حنان : شو في؟

الدماني : قومي امج مريضة
قومن خلونا نوديها المستشفى ..

و يسيرون يشلون بنت اللأفلاج
و يودونها المستشفى ..

و في تايلند ..

بقايا : هههه .. يا خي الجو حلو
عندهم ..

النورس : هي والله ليت عندنا
شي من هالخضره ..

الحريزي : صراحه انا ما عيبتني..

النورس : ليش ان شاء الله ..

الحريزي : ارض حضره و جو حلو
و في ناس زينه بس اكثرهم نفوسهم
وصخه .. و بعد ما شي غير ارض
لبلاد اخير من بقاع الأرض كلها ..

النورس : ما عليك يومين عن الطيارة ..

الحريزي : و شو قالولك المستشفى ..

بقايا : باجر بيظهرن و بنعرف شو
الي فيني و الي ما فيني ..

النورس : يالله ما عليك ما فيك
الا العافيه و الدكتور هذاك غلطان..

بقايا : زين الله يسمع منك ..

الحريزي :نامو كم بتسهرون ؟
ياللا تصبحون على خير ..

بقايا : الريال رقد عنا ..

النورس : صدقه متى بنش باجر..
خلنا نسير ..

بقايا : زين ..

و في بوظبي ..

الدماني : ها دكتوره طمنيني..

الدكتورة : ما فيها شي .. ما فيها
الا العافيه بس تعبانه شوي ..

الدماني : يعافيج ربي .. من شو
تعبانه ..

الدكتورة : مادري بس الظاهر حد
رفعلها ضغطها .. هي من قبل عندها
الضغط ؟

الدماني : لا حليها ختيه ما تعرف هالأمراض
هي مهتمه بنا و بعمرها لولها الله يعلم بحالنا..

الدكتورة : هي ختج ؟

الدماني : هيه ..

الدكتورة : اتحسبها امج .. بس شكلج مثلي اصغر
خواتج ..

الدماني : هيه ..

الدكتورة : ما عليج هي بخير بس الحين عطيناها
مهدء و دوا للضغط لازم تاخذه ..

الدماني : ان شاء الله ..

الدكتورة : بس الحين لازم تسيرن يا بنات
بس وحده اتم هني ..

حنان : انا بتم ..

بنوتة : لا سيرن انا بتم ..

الدماني : همم ابى اتم بس منو بيردهن..

الدكتورة : ما في فايدة تيلسن هني بتخربون
على المرضى .. احسن شي اتسيرن البيت
و تدعن لها بالخير ..

الدماني : خلاص بنسير كلنا و بنخلي
الخدامة ..

حنان : لا ما بخليها ..

الدماني : الخدامة اقوانا .. بعدين نحن
بنسير بنجهزلها البيت و بنطبخ بنفسنا..

بنوتة : جيه انا موافقه ..

الدماني : يعني بتمون تتضاربون على شي
خلاص كلنا بنتشارك فالشي الي الكل يسويه
و بنخلي الخدامة هنيه يكون احسن ..

خوية : ممم .. ابى اسير البيت ..

الدماني : ليش شفيج ..

خوية : مادري بس ابى ايلس عند
امي تولهت عليها ..

الدماني : ههه خلاص بنزلج فالدرب
ياللا خلونا نحرك ..

بنوتة : قومن ياللا جيه بتزيدنها ..
و ترا ما فيها الا كل خير ..

حنان : هئ هئ .. مع السلامه
اماه باجر الصبح بني ..

الدماني : عن الصياح بخير تراها
ياللا جدامي بنسير نزهب لها اغراضها ..

حنان : ياللا الحين يايه ..

و في تايلند ..

في اليوم الي عقبه

بقايا : شي مس كول ..

النورس : منو ها ..

بقايا : الرضيعه هاي..
ممكن شوي ..

النورس : زين الحين بظهر
اساسا ساير اطلب تكسي ..

بقايا : الوه ..

حنان : السلام عليكم ..

بقايا : وعليكم السلام ..
شفيج .. ليش جيه صوتج ..

حنان : بقايا اماه مرقده فالمستشفى..
و ماندري شو الي فيها الدكاتره
يقولون بخير بس تعبانه ارتفع
عندها الضغط ..

بقايا : حسبي الله و نعم الوكيل .. اللهم لا اعتراض ..

حنان : انت متى بترد ..

بقايا : باجر ان شاء الله .. يعني المسا عندكم..

حنان : زين اترياك .. ما عندي حد..

بقايا : حنان لا تقولين جيه .. اماه
ما فيها الا العافيه ..
تلاقينها بس تبعت شوي ..حكم العمر يا حنان ..
ياللا انا بسير الحين اشوفج بعدين ..

حنان : ربي يحفظك لا تتأخر ..
--- --- --- --- --- --- --- --- --- --- --- ---- ---
يا ترى شبيصير فبقايا بعد سماعه الخبر ؟ شو بيصير فمسكين ؟
يا ترى شو بيصير فالحريزي ؟ شو بيصير فالنورس ؟
هل بيرد بقايا ؟ شو بيصير فحنان ؟
[/align] __DEFINE_LIKE_SHARE__

мisŝ~ƒ๏σŝнџ · 06-20-2008, 03:03 PM

بدأ الجزء الثاالث...

الله يقومهاا بالسلاامهــ ياارب

ننتظر الباقي __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
صور ألقاب الأعضاء والادارة متحركة & رتب الأعضاء ^ النجوم ^ مجموعة رآئعة جداً	محروم.كوم	منتدى أخبار المواقع والمنتديات العربية والأجنبية	0	02-12-2010 02:10 PM
شباصات و توكات و تك تكات للعيد	غبشوهـ	بيع و شراء و عروض التجارية	13	11-16-2009 10:52 PM
[ تبادل اعلاني ] : المواضيع: 17,805, المشاركات: 314,609, الأعضاء: 1,581, الأعضاء النشطين: 266	محروم.كوم	منتدى أخبار المواقع والمنتديات العربية والأجنبية	0	07-03-2009 06:40 PM
[ تبادل اعلاني ] : المواضيع: 538, المشاركات: 1,927, الأعضاء: 28, الأعضاء النشطين: 19 -http://vb.qlb.	محروم.كوم	منتدى أخبار المواقع والمنتديات العربية والأجنبية	0	06-19-2009 06:10 PM
[ تبادل اعلاني ] : المواضيع: 2,234, المشاركات: 13,547, الأعضاء: 1,352, الأعضاء النشطين: 1,352	محروم.كوم	منتدى أخبار المواقع والمنتديات العربية والأجنبية	0	05-03-2009 07:20 PM