][ قصة بنكات الأعضاء ][ - الصفحة 47

ام منصور · 06-17-2008, 01:13 AM

المشاركة الأصلية كتبت بواسطة ,,swan}~

ومسكين والحنان ،، عالم ثاني خخخ مشكله حنان انانيه

حنان : مسكين .. ارجوك لا تسوي سالفه
ها اخوي و الي يسمه يمسني و ما ظني
تبى تسوي شي يمسني ..

هههه حليلك يامسكين ههه طلع عاادي انت يظربونك

اسولف ،،

يا ربيييييييييييييييييي

هاي اللي تبا تسوي مشاكل ههههه

اقول دمون ما احيدج تبين كدمات زرق وخضر وصفر على ويهج قبل العرررررررررس خخخخخخ

احينه بعرف من وين استشفيتيه في نص القصه انيه انانيه

فديتنه مسالمه

وبعدين لو عادي عندي مسكين ينضرب جان ما شفتينيه ما علقت وظهرت بدون ما ارد

علها الكسر الايد اللي تنمد عليه >>> بس مش اخويه طبعا خخخخ

يا ربيه مقواج يا مهندسه البترول انتي هههههههه

يا ويلج من بقبق خالووووووووووووه

عادي مشاكل ع الخفيف خخخ ^^ يا هالعرس ،، شو قالولج ما اعرف اضرب ولا بسوي شرات مسكينوه عشان تعرفين انج غلطانه وتعتذرين حقي خخخ ^^

امحق مسالمه ياونج عاده الصراحه خص هالحوار ما يركب شدخل خخخ ياونه الا اخويه اللي يسمه يسمني ما نروم بس ههه %%

ههههههههههههههههههههههههههههههههههههههههههههههههه اوب اوب دااافع قوي ،،
وين مسكينوه

ههههههـ دامني خالتج وحسبت عمتج ،، احترميني ع الاقل ،

يالله بس لا تجلبين البقعه شاات __DEFINE_LIKE_SHARE__

بنـ’ِـت الـ’ِـ ح ـ’ِـر · 06-17-2008, 11:11 PM

نتريـآآ البـآرت الى ع ـقبه ^__^ __DEFINE_LIKE_SHARE__

ĝŘềξБ ễĺ đǻŗ · 06-18-2008, 12:06 AM

مــٍـٍـرحـبــٍـٍـآآآ آلــٍـٍـسـآآع ~

بــٍـٍنــٍـٍـت آلآفــٍـٍـلآآج ؤيــٍـٍـنـج ؟؟ ~

يــٍـٍـلآآ نــٍـٍـتـريــٍـٍـآآ آلــٍـٍـبــٍـٍآآآرت ~

ؤآلــٍـٍـسـمــٍٍـؤؤحــٍٍـٍـٍـة ~ __DEFINE_LIKE_SHARE__

خوية الشقا · 06-18-2008, 02:57 AM

|[ فالانتظآأآأر .. ~ __DEFINE_LIKE_SHARE__

(****) · 06-18-2008, 08:58 AM

[align=center]تنويهــے:أحداث القصه طويله
فلا تستعجل على نفسك قد تنتهي الأجازة و بعدك ما
شبعت من القصة ..

][ قصة بنكات الأعضاء ][

الفصل الثالث

][ أنا بغيب و ان كان لك قلب ازعل ][

الجزء الثاني

و في بيت بنت الأفلاج
فبوظبي ..

الدماني : ممم مادري بس احس
في شي غلط ..

حنان : ما فينا شي بالعكس مرتاحين..

الدماني : امج ساكته .. و ما سارت
لا عند فلانه و لا علانه و لا سلمت
على حد ..

حنان : القلب مسافر لو انا ما بتنشد
عني ..

الدماني : و هالقلب يعني ما يعرف
يتصل و يطمن الي فالبيت ..

بنوتة : بسكم عن الحشره خلونا نستمتع
بأجازة الصيف و كل حد مسؤول عن نفسه..

حنان : صدقها بنوتة .. الحين هو هناك
يسرح و يمرح و نحن مشغول بالنا عليه..

الدماني : زين انا بسير اتجهز ..

حنان : اويه .. باقي وايد خالوه وين مستعيله

الدماني : لازم اكشخ و لا ما اظن بيقبلوني..

حنان : ليش يعني اذ ما كشختي ما يقبلونج..

الدماني : لا بس يعني عشان يقولون انها
تهتم بنفسها و عملها و انها مثاليه ..

حنان : اقول سيري سيري انتي الظاهر
بس تبين تتكشخين ..

الدماني : ياللا بنات ادعولي انقبل ..

بنوتة : ان شاء الله .. عاد عقب مب تنسينا
تذكري ربيعاتج..

الدماني : ان شاء الله من عنوني ..

و تسير الدماني الدوام عشان المقابلة..
و في تايلند ..

بقايا : ها خلصت ..

النورس : هيه .. دروك ..

بقايا : ماما كيف هال بلاد ..

الحريزي : هههه الله يعينك بس..

بقايا : ياللا خلوني اتصل ..

حنان : الو ..

بقايا : الو السلام عليكم ..

حنان : وعليكم السلام و الرحمه.

بقايا : ها شو سكتي محد توله علي..

حنان : هاه .. كلهم متولهين خص بنوتة
متوله للهدية..

بنوتة : لا تيلسين تشوهين صورتي عند
ولد خالتي ..

حنان : ما عليج اجملها ..

بقايا : لا تكلمين غيري خليج على التلفون
انزين عطيني اماه بسلم عليها ..

بنت الأفلاج : السلام عليكم..

بقايا : وعليكم السلام و الرحمه..
شحالج اماه ..

بنت الأفلاج : انا زينه بس انته شحالك
و شو مسوي و وين ساكن و وشو متعشي..

بقايا : ههه اماه ما عليج انا ماكل لابس شارب
كل شي زين ..

بنت الأفلاج : تحمل على عمرك منهم يقولون
اكلهم مب زين تأكد انه نظيف ..

بقايا : يا ماماتي قلتلج و لدج كبر ..

بنت الأفلاج : بس بعدك صغير فعيني ..

بقايا : انزين اماه مممم

بنت الأفلاج : شو فيك..

بقايا : ماشي بس ماعرف ما اريد
اسكر الخط ..

بنت الأفلاج : لا سير ويا ربعك استانسو
عشان تخبرني سوالفك يوم بترد..

بقايا : ان شاء الله .. و ان شاء الله المره
اليايه بييبج معايه ..

بنت الأفلاج : ان شاء الله ..

بقايا : كنت بقولج شي بس نسيته ..
شو كنت بقول ..
هيه تحملو على عماركم ..

بنت الأفلاج : ما عليك انت تحمل
على عمرك و يحفظك الرب ..

بقايا : يالله مع السلامه ..

و يطلعون الربع..

النورس : ها شو الحين ..

بقايا : مادريبكم ..

الحريزي : اول خلونا
نسير المستشفى نفحص على
بقايا و نطمن ..

النورس : زين عاد حد يعرفلهم..

الحريزي : انا اعرف افا عليك
خبره خبره ..

النورس : يالله انت و خبرتك ..
توكلنا على الرحمن و الله يعينا منك
يالحريزي ..

الحريزي : بتذكرني بالخير يوم
بنرد البلاد .. انا مسوي ترتيب ماعليك
كلمت شركة الطيران عسب كل شي..

بقايا : توكلنا على الله دام
الريال مسوي كل شي لا تتنشد
ضايعين ضايعين يا بانكوك ..

الحريزي : ياخي ترا المسرحيه
تقول هالو بانكوك .. افرح انت في
بانكوك ..

بقايا : هذا الي قالها اكيد مليون
بالميه صايع ..

الحريزي : شدخل .. تراه قال
باي باي لندن صار مطوع؟

بقايا : سوالف بس..

الحريزي : خلونا نظهر و نقول
هالو بانكوك ..

و في بوظبي ..

مزيون : ها مسكين شو بتسوي..

مسكين : ما بسوي شي ..

مزيون : تصدق انتو فاضيين عيال
خاله و تضاربون .. ودي اعرف ليش..

مسكين : ما عليك خلك بعيد ..

مزيون : انا بسير عند الشباب العصر
بنسير نلعب جيت سكي بتي؟

مسكين : لا وين فيني تعبان ياخي
الكليه ما تخلي الواحد في حالة ..

مزيون : كيفك .. يالله في مان الله ..

مسكين : في مان الكريم ..

مسكين : يكلم عمره : اسير اليوم ..
مم هيه يا ريال خلك سريع ..
و حط بقايا يوم يرد من السفر في
الأمر الواقع ..
خلاص الحين بتصل فخالتيه ..

مسكين : الوه السلام عليكم ..

بنت الأفلاج : و عليكم السلام ولديه..

مسكين : خالوه ابغي اي عندكم
اليوم ..

بنت الأفلاج : حياك ولدي عاد
تعال العصر لأن الحين بسير
شوي ..

مسكين : خلاص خالوه العصر انا عندج..

و في الدوام الدماني بعد
ساعات الأنتظار تدخل
على المقابلة ..

((الغضي الياسي : زميل الدماني فالعمل
العمر 23 سنه ))

الدماني : السلام عليكم ..

الغضي : وعليكم السلام و الرحمه..

الدماني : الأخ الغضي ؟

الغضي : نعم ..

الدماني : تفضل ..

الغضي يقرا الورقة ..

الغضي : مرحبا الدماني .. تفضلي انزين..

الدماني : لا ما بتفضل ..

الغضي : ليش ..

الدماني : ابغي ابدى فالوظيفة ..

الغضي : هههه حلو ان الواحد يتحمس
للوظيفة بس الشغل من يبدا ما يخلص ..
و اليوم بطوفلج و من باجر ببدا احاسبج..

الدماني : شكلك انت مب ناوي على خير
ياخي انا زمليتك فالوظيفة .. المفروض
يعني المفروض .. تراعيني يعني ..

الغضي : ما عليج بمدحج عندهم بس
استريحي لا تستعيلين .. الشغل من يبدا
عمره ما يخلص ..

الدماني : زين ..

الغضي : تفضلي ..

الدماني : زاد فضلك ..

الغضي : شو تحبين تشربين ؟

الدماني : انا في مكان عمل و لا
في مطعم ..

الغضي : ههه بعدج ما خذتي على
الدوام .. ما عليج شو تحبين تشربين
لن بتتعبين اليوم من الشغل ..

الدماني : مم نسكافيه ..

الغضي : زين يوم انج طلبتي ..
انزين ..
الحين خليني بكلمج عن الوظيفة ..

و يمر اليوم على البنات في البيت
ممل لأن دمون داومت و ردت رقدت
يعني الكابتن مش معاهم ..

الدماني : ها شو سويتو بدوني ..

حنان : ماشي ملل ..

بنوتة : ليش داومتي صبري
خليج بطاليه شوي ..

الدماني : بعدين ياخذون كرسيه ..

حنان : انزين عاد اليوم بتودينا
نشرب كوفي نخب دوامج ..

الدماني : نخب !! ههههه شو قلتي

ختيه نسير ..

بنت الأفلاج : سيرو شو بقول بعد
دامج قويتي و توظفتي ما قدر اقول
شي حقج الحين كبرتي ..

الدماني : هههه حليلي بعدني ختج

الصغيرة ..

--- --- --- --- ---- --- --- --- --
يا ترى شو بيصير للدماني؟
شو بيكون دور الغضي فالقصه؟
شو يريد مسكين من ييته لبيت خالته؟
شو يا ترى بيصير في القصه ؟
[/align] __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
صور ألقاب الأعضاء والادارة متحركة & رتب الأعضاء ^ النجوم ^ مجموعة رآئعة جداً	محروم.كوم	منتدى أخبار المواقع والمنتديات العربية والأجنبية	0	02-12-2010 02:10 PM
شباصات و توكات و تك تكات للعيد	غبشوهـ	بيع و شراء و عروض التجارية	13	11-16-2009 10:52 PM
[ تبادل اعلاني ] : المواضيع: 17,805, المشاركات: 314,609, الأعضاء: 1,581, الأعضاء النشطين: 266	محروم.كوم	منتدى أخبار المواقع والمنتديات العربية والأجنبية	0	07-03-2009 06:40 PM
[ تبادل اعلاني ] : المواضيع: 538, المشاركات: 1,927, الأعضاء: 28, الأعضاء النشطين: 19 -http://vb.qlb.	محروم.كوم	منتدى أخبار المواقع والمنتديات العربية والأجنبية	0	06-19-2009 06:10 PM
[ تبادل اعلاني ] : المواضيع: 2,234, المشاركات: 13,547, الأعضاء: 1,352, الأعضاء النشطين: 1,352	محروم.كوم	منتدى أخبار المواقع والمنتديات العربية والأجنبية	0	05-03-2009 07:20 PM