][ قصة بنكات الأعضاء ][ - الصفحة 16

بقايا هواجس · 05-24-2008, 05:41 PM

مرحبا الساع المزروعي ..

ان شاء الله دوم __DEFINE_LIKE_SHARE__

بقايا هواجس · 05-24-2008, 05:42 PM

مم بعدني ما حطيت المشكله

كل بارت له عنوان و حدث .. __DEFINE_LIKE_SHARE__

بقايا هواجس · 05-24-2008, 05:59 PM

تنويهــے :أحداث القصه طويله
فلا تستعجل على نفسك قد تنتهي الأجازة و بعدك ما
شبعت من القصة ..

][ قصة بنكات الأعضاء][

الفصل الأول

][ نروح المدرسة بدري نضحك داخل الطابور ][

الجزء الثاني

الحريزي : السلام عليكم ..

النورس : وعليكم السلام ..

الحريزي : شحالك الطيب ..

النورس : بخير ربي يعافيك ..

الحريزي : يقول أستاذ حمدي
أنت معانا في المجموعة..

النورس : مادري .. انا قلتله و هو
قالي بيحطني فمجموعة لكن اذ
ما تبوني عادي بظهر عنكم بغيرها..

الحريزي : لا ليش ما نباك..

النورس : مادريبكم يمكن ما تبون
واحد يديد يحدر المجموعة ..
بعدين بعدنا ما صرنا ربع ...
فقلت يمكن ما تدانوني و لا شي ..

بقايا : لا ما عليك بنتعود عليك..

الحريزي : بتظهر الحين ..

النورس : تونا مداومين ..

بقايا : انزين ياعمي مافي حصص
خلصنا المنهاج ..

النورس : مادريبكم ..

الحريزي : يا ريال هي خاربه خاربه.

بقايا : خلينا نعميها ..

النورس : هههه .. مادري شقول
بس ما شي شغله..

بقايا : يا ريال تعال بنسير نتحوط
بعدين بنعرفك دام ما شي شغله..

النورس : ياللا بس وين بتسيرون؟

بقايا : شفيك خايف ما عليك ما شي
مشاكل بنسير كوفي عقب بنلف فالمارينا..

النورس : يا عمي حد داري.؟؟
ياللا بنسير شعلينا الحين ..

بقايا : هيه خلك جيه شبابيه
ياخي محد مداوم ..

الحريزي : نحن دايم رفقاء سوء
عمرنا ما بنصير رفقاء خير ..
هههههههههههههه

و في السيارة ..

بقايا : ياللا يدكم على عشرين
كل واحد ..

الحريزي : يا ريال كل يوم بنيلس
نعبيلك نحن..

بقايا : و انا كل يوم بيلس احوطكم بلاش

النورس : ياللا مافي مشكله ..
على حسابي التشيكه اليوم ..

الحريزي : لا بابا ما عليك
الحال مضبوط دام انه بقايا..

النورس : عادي يا ريال شفيها
الا خمسين و لا سبعين ..

بقايا : مجنون تدفع عني ..؟؟

النورس : ليش ..

بقايا : اخبره ؟؟

الحريزي : لا خله يعرف روحه
بعدين ..ههههههه

النورس : انتو صدق رفقاء
سوء وقف بنزل امي قالت
ما امشي معاكم .

بقايا : هههه عادي يا ريال
ترا الدنيا خاربه يت علينا ؟؟

النورس : لا أنا مؤدب ..
معقولة !!

الحريزي : لا مع بيبسي ..
هههههه

بقايا : بس ختو علي اشوفكم..

الحريزي : حبل الأخ ههههه

النورس : و انت الصادق مياراه..

بقايا : اقول سكتوا و خلونا نشغل
المسجل أذيتونا تراكم ..

(( وفي مدرسة البنات ))

حنان : قمورة .. شو بتدرسون
اليوم؟

(( قمر ليوا بنت خالة حنان و معاها فالصف))

قمر : ممم شرايج نبدا فالكيميا...

حنان : زين .. صبري ..

قمر : وين .. ؟؟

حنان :بسير اشوف
الأبلة يمكن عندها اوراق و لا شي..

قمر : زين سرعة ..

قمر : تكلم عمرها : ايهيه .. متى اخلص..
الله جيه اخلص اتي اجازة الصيف انام..
انش الظهر .. محد يكلمني ..
و اسهر و اتكشت ..

حنان : الوو الوو .

قمر : هاه ..

حنان : شفيج ساهيه وين وصلتي ؟؟

قمر : ماشي يالسه امنن نفسي بأجازة
الصيف متى اتي بس ..

حنان : ما عليج بس صبري شهر ..

قمر : مادري قبل كنت اشوف تسع
شهور وايد الحين اشوفهن مرن و اسرع
من الشهر الي باقي ..

حنان : هي والله كل ما تقترب الأمتحانات
أحس الساعه تبطي و اليوم يبطي و شكلنا
بنعلق فالأمتحانات سنين ..

قمر : الله يعين سنين في عينج و في عيني
مياتي ..

حنان : ما شاء الله ليش .. لا يكون تحبين
من ورانا يالثوله..

قمر : احب بس !! هههه منو هذا الي يستاهل
إني انا قمورة بنت ابوقمورة احبه ..

حنان : مادريبج انتي ادرى ..

قمر : بس انا اتريا الأجازه .. اتريا المتعه
لتس هاف فان ..

حنان : صبري بعدنا فالسكول ..درسي
الظاهر ما بنييب نسبه و السبه انتي ..

قمر : درسي يا ام شسمة درسي ..

(( و في المول ))

بقايا : طالع طالع ..

الحريزي : يا خي شو هالدنيا
و يقولون نحن قليلين ادب ..

النورس : شفيكم عبنات خلق الله

الحريزي: صدق ياخي ليش هي متكشخه؟؟
أقص ايدي لو هي تتكشخ جيه حق ريلها..
أبى اعرف خبرني ليش ؟؟

النورس : شدراني اقرا الأفكار و لا
قالولك بنية ؟؟

الحريزي : عيل خلاص .. اكيد حق
حد يتحرش فيهن ..

بقايا : صدق ياخي فكر فيها وحده يوم
تيلس مع ريلها .. الله لا يراويك دراكولا
و يوم تظهر في اماكن عامه المكياج تارس
ويها و العطر على بعد كيلو يشمشمونه
الشباب..

الحريزي : الله يسلمنا بس و لا ننحرف
عن طريق الصواب ..

النورس : انتو خليتو فيها صواب كفرتو
و شعنتو و لعنتو و ياين تبغون ربكم يسلمكم

الحريزي : الحمدالله انا ما اسوي شي غلط..

النورس : يابوك .. كم بنيه فالتلفون عندك ..

الحريزي : انته كم قبل ..

النورس : انا ما عندي ..

الحريزي : انا عيل نفس الحاله ..

النورس : عيل شحقه مشتط ..

الحريزي : اسولف ..

النورس : لا صدق اشوفكم حللتو المغازل
اكيد تلفوناتكم متروسه ..

الحريزي : شي متروس الفون بس كله
معجبات و كله هن يتصلن ..

النورس : حلوه هاي .. كيف يعني ..

الحريزي : يعني انا يالس جيه اتي وحده
تفر الرقم ..

النورس : من صدقك انت ..

الحريزي : هذا اضعف اليمان عندهم..
غير عن الي تشل تلفونك تتصل منه على
عمرها و تقولك بتصلك بعدين و غير
الي تشل تلفونك تسجل اسمها و تقول
اتصلي المسا ..

النورس : الله كيف هاي بعد ..

الحريزي : نفس القعده الي انت قاعدنها
نفس الكراسي التلفونات على الطاولة
اتي البنت تسجل رقمها و تسير ..

النورس : عنه شو هالدم .. بليد بشكل ..

الحريزي : شو تسوي..

النورس : و انت شو تسوي .؟؟

الحريزي : طاف هن يتصلن و يحشرني
انا كله مطوف الي تقول بعزمك و الي جيه
اخر شي تلاقيني مع بقايا تقول سير عنه
اقوله انا معاه مب معاج ..

النورس : زين احسلك ..

بقايا : بس بعد الناس الزينه وايدين ..
بس ربك يعينا على هالطبقة من الناس..

النورس : اتحسبكم مشاكل ثركم زينين
بس المشاكل اتيكم ..

بقايا : تعودنا عليها .. شو نسوي ..
بس المهم انك تيود عمرك وتم صح
مهما تشوف و تسمع من الناس ..

الحريزي : ما عليك من الناس نحن
جيه مطوفين للناس مخلينهم بكيفهم
عايشين خرشتنا و كافين الناس خيرنا
و شرنا ..

النورس : زين عيل ..

بقايا : ما شاء الله مر الوقت سرعه..

النورس : هي والله الساعه 2 الحين اكيد
ابويه مشتط فالبيت ..

بقايا : زين بوصلكم سرعه لأني مشغول
بسير اشل الرضيعه ..

النورس : لا ماله داعي بنسير تكاسي ..

بقايا : يا ريال امش امش جدامي
بوصلكم وبنزلكم اول الفريج..

النورس : دامك ما حلفت ..

بقايا : بعد مسوينها سالفه ..

---- -- - - -- ------- -- -- --- -- -- ---

يا ترى شو بيصير فالأجزاء اليايه؟ __DEFINE_LIKE_SHARE__

النعيمي · 05-24-2008, 06:09 PM

لوووووووول

طررررر ماشالله عليك وربي يالس اتخيل الموقف بس ياخوك لاتحير علينا نبا نشوف الباجي
الله يعطيك العافيه وتسلم يمناك المبدعة

اخوك / النعيمي __DEFINE_LIKE_SHARE__

بقايا هواجس · 05-24-2008, 06:14 PM

يسلمو النعيمي ..

ان شاء الله ما بحيركم ..

سريع سريع .. __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
صور ألقاب الأعضاء والادارة متحركة & رتب الأعضاء ^ النجوم ^ مجموعة رآئعة جداً	محروم.كوم	منتدى أخبار المواقع والمنتديات العربية والأجنبية	0	02-12-2010 02:10 PM
شباصات و توكات و تك تكات للعيد	غبشوهـ	بيع و شراء و عروض التجارية	13	11-16-2009 10:52 PM
[ تبادل اعلاني ] : المواضيع: 17,805, المشاركات: 314,609, الأعضاء: 1,581, الأعضاء النشطين: 266	محروم.كوم	منتدى أخبار المواقع والمنتديات العربية والأجنبية	0	07-03-2009 06:40 PM
[ تبادل اعلاني ] : المواضيع: 538, المشاركات: 1,927, الأعضاء: 28, الأعضاء النشطين: 19 -http://vb.qlb.	محروم.كوم	منتدى أخبار المواقع والمنتديات العربية والأجنبية	0	06-19-2009 06:10 PM
[ تبادل اعلاني ] : المواضيع: 2,234, المشاركات: 13,547, الأعضاء: 1,352, الأعضاء النشطين: 1,352	محروم.كوم	منتدى أخبار المواقع والمنتديات العربية والأجنبية	0	05-03-2009 07:20 PM