وصفات عشبيه لتحسين الذاكره ... استرجع ذاكرتكـ ويا وصفات غـــــــ المجروح ــــلا..لا اتخافون امجربه

غــ المجروح ــلا · #1 05-09-2008, 06:56 PM

[frame="1 80"][align=center]

وصفات عشبيه لتحسين الذاكره ... استرجع ذاكرتكـ مع [fot1]غــــــ المجروح ـــــلا[/fot1].....على كيف كيفكــــ

لا اتفكر ولا تحتار غير وصفات [fot1]غـــــــــــ المجروح ــــــــلا [/fot1]لا تختار

(هذا الموضوع ضفته في منتدى من المنتديات وحبيت اضيفه في هذا المنتدى الغاوي )

اما بعد

سلام الله على ناس يحب القلب طاريهم غلاهم صدق من قلبي عسى الله لي يخليهم

مرحبا الساع وياهلا وياغلا ملاييييييييييييييييييييين ولا ايسدن في ذمتيه وان سدن فلا ردن

اشحالكمـــ وشخباركمـــ

(جان اعضاء والا زوار والا خطاروالا خاطفين خطافي )

اليوم غير كل الايام ومشاركاتنا في احلى واحلى , اليوم ولا غيره يايه عرض صوبكم ويايبتلكم احلى وصفات عشبيه اووووووووووووه خطيره طر وعجيبــــــــــه وايــــــــــــــــد وايــــــــــــد ,طبعا حصلتهن او بلاصح سمعتهن في الراديو(تراني مب عيوز انزين ) اذاعة الاف ام , قايمه من الفير خخخخخ وجان اسمع هاي الوصفات واخطف اربع ايب لي شيء اكتب الكم هالوصفات الغاويه

(في ذمتيه ما فيني حيله _ لا اتقولون مادح نفسه يباله رفسه انزين:1ص0: )

متحمسين صح اعرف من دون ما اتقولون

يله الحين بقولكم شو هالوصفات

لاني مصختها وايد وزودتها في الهذربه

يله تعالوا اويايه وشوفوا هالزين

اول وصفه لتحسين الذاكره

قربوا يله اشعنه مترددين

المقادير وايد سهله ومتوفره في كل بيت وهي

1- زعفران (لا تستغربون عادي اوكي)

2- حليب

(وجان زين لوكان طازج ولا ايخالف بعد جان يبتوا مال الدكان اذا الدكان فاضي ايبلكم –اعرف متوفرالحليب والدكان ماعنده شغله غيركم خخخخ)

الطريقه وهاي يبالها اشوية بارض

1 – تيبون الحليب واتحطونه في الجدر واتضيفون عليه الزعفران

2 – اتخلونه لين ايحر ويتمازج الحليب ويا الزعفران (ولا اتعايزون اعرفكم حركوا الوصفه زين لا تخترب)

3 - ويوم ايخلص اكيد يعني بتغرفونه يعني سوف يقدم في اواني التقديم.....ماعليه ايرب اختلاف اللهجه

وبعدين ياحلوين شربوه يعني لازم اقول ...

(واذا تبون اتزيدون أي شيء عليه عادي عسل والا سكر بس لا اتكثرون)

***ملاحظه مهمه جدا جدا:- شربوه كل يوم

(الصبح والعصر)

[fot1]ايسدكم كوب للضعاف وللحجم العائلي كوبين خخخخ[/fot1]

وبتشوفون الفرق ان شاء الله......

والحين الوصفه الثانيه للي ما حب الاولى

الثانيه لاسترجاع الذاكره اللي فقدتوها

(مهمه وايــــد وايــــــد لطلاب المدارس وطلاب الكليه والجامعه)

طبعا اول شيء المقادي لا اتخافون مب وايد اشويه الا

1 – زنجبيل –لا اتحطون وايد تراه حار يمممم يمممم

2 – حبة البركه ونسميها عندنا الحبة السوداء _هاي ايقولوكم وايد زينه لكل شيء تقريبا

3 – حليب واذا ما اتحبونه حليب ابوقوس او مال قواطي المهم حليب

%الحمد لله خلصنا ني الحين لطريقه%

1 – اتحطون _تضع_ الحليب على الضو اذا كنتو في الخيمه هالايام برد والا الغاز كله واحد

2- اتحطون عليه الزنجبيل والحبه السوداء وبعدين اتريونه ايحر

3- وحركوا الطبخه زين اما زين وبعدين حطوها في الدله

( وزربقوا لين اتعيزون)

4 – اذا تبون اتحطون سكر ما ايخالف حطوا بس لا اتحطون وايد لانه ايضر

****ملاحظه وايد مهمه :- شربوه كل يوم في أي وقت عدلوه وبالصحه والف مليون عافيه

والحين بعطيكم اشياء اتفيد الذاكره وايد وايد مثلا

اللوز – للي ايحبه بس

الزبيب – وانسميه سح السوق ولا اتخلونه لليهال تراه ايلعبوبه اذا وايد حطوا على اقياسهم

والا بتحصلونه مدعثر في الدعنه –أي الاض خخخخخ

المرمريه – هاي اتعيبني يمي يمي

الخضروات والفواكه – كثرو منها والا تبا تضعف عندي شيء الها هذي وصفه داخله عرض

(عصري برتقال وليمون- لومي يعني- في كوب من دون ماي واذا ولابد حيطيله اشويه – وبس شربيه على الريج لمدة شهر تقريبا*ولريايل نفس الشيء ولا اتكثرون نصيحه)

وبعد

( عصير تفاح والا تفاح يمي يمي ايقولون ايضعف ووايد ووايد حلو)

واهم شيء اتبعوا هاي النصيحه ايقولكم

شكوت الا خليلي سوء حفظي ...........فارشدني الا ترك المعاصي

كثروا من الاذكار

وعسى الله يحفظكم يربي من كل شر

السموحه اخواني اخواتي على الاطاله بس اتمنى استمتعتوا اويا الوصفات

ويالله الحين ابا همتكم اويايه وها الله ها الله بالردود الغاويه انزين

يالله بسم الله ابدوا شغلكم

وان شاء الله بيبلكم وصفات ثانيه طبيعيه

اختكمـــ

[fot1][fot1]غـــــــــ المجروح ـــــــــلا[/fot1][/fot1]

[/align]
[/frame] __DEFINE_LIKE_SHARE__

•¥شٍـٌٌ«•»ٍٍـٌٍوٍُاٍخُ¥• · 05-10-2008, 01:29 AM

__DEFINE_LIKE_SHARE__

غناتي77 · 05-10-2008, 05:43 PM

مشكـــــــــــــــــــــــــورة وايد

ومنكم نستفيد

[motfrk]°ˆ~*¤®§(*§*)§®¤*~ˆ°It's amazing °ˆ~*¤®§(*§*)§®¤*~ˆ°[/motfrk] __DEFINE_LIKE_SHARE__

l:ظبيآآنيهـ:l · 05-10-2008, 06:27 PM

تسلمين اختي ع المقآآدير

وجاري التجريب __DEFINE_LIKE_SHARE__

قطوة بوظبي · 05-11-2008, 08:20 AM

السلام عليكم

تسلمين الغالية على الطريقة

وأتـريـا كـل الـيـديـد والـممـيز

" مـيــاااااااو " __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
وصفات من وحى الطبيعه	محروم.كوم	منتدى أخبار المواقع والمنتديات العربية والأجنبية	0	07-23-2010 06:10 PM
وصفات من وحى الطبيعه	محروم.كوم	منتدى أخبار المواقع والمنتديات العربية والأجنبية	0	07-23-2010 06:00 PM
وصفات من وحى الطبيعه	محروم.كوم	منتدى أخبار المواقع والمنتديات العربية والأجنبية	0	07-21-2010 11:10 AM
وصفات العناية بالشعر	محروم.كوم	منتدى أخبار المواقع والمنتديات العربية والأجنبية	0	04-24-2010 10:00 PM
وصفات ايطاليه	الـجـاسـي 19	فن المطبخ والطبخ	15	03-22-2009 02:35 PM