((نحن عيال العرب هب مهند ولا لميس))

^_^فتك عتوقهـ^_^ · #1 10-10-2009, 02:18 AM

هاااااااااذي القصه خياليه من تأليفي واتمنى انها تنااااال اعجاااااااابكمــ.........
البدايه.........

هذي قصه اماراتيه خياليه تتكلم عن 3 بنات....الي هن...
وديمه+روضـــه:ع 14
أميـــره:ع 15
......القصه وااااايد بتعيبكم

اول شي بفهمكم القصه هاذي القصه خياليه...وتقريبا كل اشخاصها مايتعدى اعمارهم الـ16 سنهـ...يعني خياليه ولا فالاحلام...........
هالثلاث بنات لا عندهن ابو ولا ام ولا خبر كان....عايشات فشقه في فندق 5 نجووم فدبي...وكل وحده تستلم راتب شهريا وديمه تستلم15*000..روضه 15*500...واميــره 16*000...........

وكل اسبوع يروحن السوبر ماركت يتشرن اكل للشقه...وعندهن همر لونها وردي....وكل مره وحده منهن تسووووق لأن السيارة كل وحده دافعه فيها...

في يوم من الايام الصبح الساعه 6ونص ففصل الشتا...نشت روضه لأنها هي كالعاده الي تقعد وديمه واميره لانها هي الوحيده النشيطه....وطبعا اخر وحده تقعد وديمه.....................
ع فكره الشقه فيها حجره وحده لكنها وااسعه وايد...ومطبخ...وغرفة تبديل الملابس..وحمامين..وغرفة طعام وصاله وبلكونه تطل ع البحر والثانيه ع ابراج دبي..............
روضه وتقعدهن:وديموه اميروووه ماشبعتن رقاد مالومكن من سهرت البارحه ماخليتن مسلسل ماشفتنه...

اميره ومعصبه:ايييه لاتمين طنين ع راسنا لا افلعج بالساعه(وشلت الساعه الي عدالها)..

روضه:ودووووم ودووووووم...يالله بالستر الظاهر حلم اليوم فيه اكشن ماظنها بتفوته خخخخ

.....وبعد نص ساعه نشت اميره وبعد عشر دقايق تنش ودووم....... ودوم ودش صالة الطعام وتشوف اشكال والوان من الاكل...

ودوم:يــــم فديت رواضي انا قلت مابتقصر فالريوق عاد انا حدي يوعانه.....

اميره:تعااااااااااااااااالي تعاااالي لاتموتين علينا
(((ويلست ودوم ع الكرسي)))

روضه:هااااه اليوم شو حلمتي بعد خخخخ(لانه ودوم كل يوم تخبرهن احلامها)

وديمه:شو اقولج وشو اخلي....الله ليت هالحلم يتكرر..والله حلمت عن ريــم(ممثله سعوديه تموت فيها ودوم)

اميره:ردت حليمه على عادتها القديمه يهالريم عبدالله مابغت تظهر تمثل....

روضه:هههههههه البنت هي حررره تمثل ولا لا...والله بتعتزل ع شان خاطر ودوووووم

وديمه:لا.....فال الله ولا فالج ان شاء الله ماتعتزل

اميره:خخخ ههههه خلاص ماتعتزل ماتعتزل...بس كملي ريوقج خلنا نروح النادي

روضه:مالي خلق اروح اسوي رياضه

اميره:بتروحين ونتي حمااااره

روضه:دام السالفه فيها حماره خلاص بروح شورج وهداية الله

................................
................................

تريقن وراحن النادي.........
اول ماخلصن من النادي ردن الشقه وتسبحن.....
وفالصاله..........

وديمه:شرايكن اليوم نتغدى فمطعم راقي وانا عازمتنكن

اميره:والله ماعندنا شغله ولا مشغله نروح المطعم نتغدى شو ورانا

روضه وتنش:يله انا بروح ابدل هدومي..

وديمه وتلحقها:يله اميره بسررعه

.......................
وفالمطعم....

اميره:شرايكن نروح الساعه 9 العشى نتعشى فالمول وعقب نروح السينما وعقب نسوي Shoping...

وديمه:لا الصراااحه انا عندي برنامج الساعه 8ونص وبخلص الساعه 9 ونص(ع فكره هيه تشتغل مذيعه فمؤسسة دبي للأعلام)

روضه:ووين المشكله...انا واميروه بنمر عليج الساعه 9 ونص وبنروح نتعشى

وديمه:خلاااااااااااااااااااااااااااااااااااص

الساعه ثمان ونص فمؤسسة دبي للأعلام....وقبل مايبدى البرنامج......

وديمه:مزنوووه تعالي شوي شوفي الميك اب اوكي...(مزنه ربيعت ودوووم وتشتغل وياها فالبرنامج)

مزنه:هيييه اوووووووكي بسرررعه الحين بنطلع ع الهوى

المخرج:واحد اثنين اكشن...

وديمه:مساء الخير لكل من يتابعنا في برنامجنا (تواصل)...وحياكم الله

مزنه:اهلا وسهلا لكل المشاهدين في قناتنا الرائعه قناة سما دبي

وديمه:اليووم اعزائي المشاهدين راح نتكلم موضوع يهم كل اسرة...................................الخ

وفالشقه.......
اميره:خخخ اونها مخليا عمرها رزينه خخخخخخ
روضه:ههههههههه لازم عيل شو تبينها تظهر فالتلفزون

...................................وخلص وقت البرنامج....

وديمه:اوووووف فتكيت احس عمري متوتره يوم يبدا البرنامج

مزنه:هاذا شي طبيعي لكل مذيع

وديمه:مزووون ورفجه قولي تم

مزنه:تم بس اذا هالشي اقدر عليه

وديمه:دخيلج اليوم انا ورواضي واميروه بنتعشى برع تعالي فيانا

مزنه:لا ما اقدر عندي.......(وتقطع رمستها وديمه)

وديمه:هاذا العذر انا كل يوم اسمعه منج يله يله تعالي
(وماعطت مزنه مجال تتكلم)

وفالاستراحه.......
وديمه:اوووف هذيلا وايد تأخرن بقوم ادقلهن

وتوها تبا تدق يدشن اميره وروضه........

وديمه:هاااه تو الناس؟؟؟؟؟؟؟؟؟

اميره وتسلم ع مزنه:هلا شحالج مزوووون دخيلج تعالي تعشي.......(وتقطع رمستها وديمه)

وديمه:خلااااص بتروووووح فيانا.....قلتلها

روضه:وااااو تصدقين مزووون اشتقتلج.....

مزنه:تشتاقلج الينه

وديمه:يله...يله...هالمره انا بسوق

اميره:يــــله....

وفالسياره......
اميره:اوووف نسيت ادق حق فطوم (ربيعتها فالمكتب...هي تشتغل فالجوازات)

روضه:عيل انا حتى بدق حق شموووه(ربيعتها فالمكتب...تشتغل فنانه تشكيليه يعني ترسم وقبل سنه فتحت معرض خاص حقها)

وكل وحده تمسك تلفونها ودق حق ربيعتها......
.........وفالاخير تيمعن كلهن فالمول تعشن عقب راحن السينما عقب سون شوبنج(SHOPING)......

ويوم يسون شوبنج.........شافن واحد قليل ادب

فطوم:قل اعوذ برب الفلق من شر حاسدن اذا حسد

مزنه:خخخخ هاذا من وين اكيد من المريخ

وديمه:خخخخخخخ وكاشخ بضرسه الفضي خخخخ

...؟؟؟ ويصفر:واحد واحد خمسه خمسه......

اميره هي الشخصيه الجريئه....

اميره وتتجدمله....
اميره:ايييه اذا هلك ماعرفو يربونك انا بربيك

وتلحقها روضه......

روضه وانها تشل تلفونها.......

روضه:لحضه شوي بدق ثلاث تسعات يأدبوك....

وخطف الريال يربع ويقول.....
؟؟؟؟: ول ول حشا هب بنات وحووش

شمووه:خخخخخ يحسب عمره وائل كفوووووري....

.....................
عقب ماتشرن خطفن ربايعهن كل وحده بيتها....
وشارن عليهن شووور حلو شو هالشوووور؟؟؟؟؟
...........وكلهن وافقن

.............................
...............................
وديمه:ياااي واخيرا بنجتمع

روضه:والله احسن شي

اميره:بنحجز نفس الفندق بس نختار شقه ثلاث غرف

...................................
..................................
والصبح الساعه ثمان ونص راحت اميره لمدير الفندق...

المدير:والله مابعرف بشوف ازا لأيت شئه في تلات غرف.....

اميره:لوسمحت نباها ضروري يعني دورنا بأسرع وقت.....

المدير:تكرم عيونيك بدورليك....ازا لقيت بدئلك ع شئتكو...

اميره:مشكوووور استاذ

..........................
..........................
وفالشقه.......
توها دش اميره....

روضه:هااه بشري لقيتي
اميره وتجذب:لا خساااره قال الفندق مليان

وديمه:اووووف والقصد ندور فندق غيره

اميره:ههه لا... قال بيدور وبيشوف واذا لقى بيدق تلفون ع الشقه....

روضه:يالله يعدمج ماتيوزين عن حركاااااتج

................
...............
.................
وبعد 3 ايام دق مدير الفندق...وحصل الشقه المطلوبه....
وكل وحده دقت حق ربيعتها عشان تبشرها وفالباجر نتقلن كلهن فشقه وحده.........

والعصر الساعه 4 ونص....

مزنه:ماين اميره وفطوووم اووف بموت من اليوع

وديمه:تونا يايين من المؤسسه ماكلتلج شاورما...

مزنه:تعرفيني ماتكفيني وحده

وديمه:ول ول ول
مزنه:شو بلاج قمتي تولولين تقول حمامه فوق راسي...عاد مامن متنيه الي يسمعج يقول وزنيه فالثمانين ولا التسعين

وديمه:اسألج كـــــم وزنج؟؟؟؟؟

مزنه:أخااافج تحسديني ع رشاقتج لكن ماعليه بخبرج وزنيه 54.....بس آخر مرة قايست 55...

وديمه:والله انا اقول ماغير الشورما بتنفخج..انا بكلمه المدير بخبره ييبلنا بيزا نفس الشهر الماضي بس ماعرف ليش هالمرررره غير الاكل

مزنه:ههههههه أسألج نحن مشتغلين ع شان ناكل ونرد البيت...

وديمه:صدقج واللهـ خخخخخ نسيت تحريت Restaurant.....

.....................ويدق الجررررس

مزنه وبفرحه:اكيد اميروه وفطوم

وتفج الباب......

وتتحرطم بدون ماتعرف منو ع الباب...

مزنه:توو الناس رواضي وشموه ررقدن من كثر....

...؟؟؟: I purgation workerأنا عامل النظافه

مزنه: oh my god I am sorry* but the chamber no purgation want
يالله...آسفه...بس الشقه ماتحتاي تنظيف

عامل النظافه: thank you..مشكورة

مزنه وتسكر الباب...

وديمه:هااه منو ع الباب شفتج يلست ساعتين

مزنه:هذا العامل يبا ينظف قلت له الشقه نظيفه

وديمه:اشوفها ماشاء الله عليها تلمع مررررة

مزنه:وانتي من صدقج تبيني اخليه يدش وقوم رواضي راقدات ونحن كله بنات...وبعدين المفروض انه ينظف يوم نظهر برع........

....وبعد نص ساعه...ين اميروه وفطوم...وطاحت فيهن مزووون.......

فطوم:بس بس خلاص بسج سب

وديمه:يله مزون نروح نحط الغدى

فطوم:لا تحطون غدا نحن تغدينا ويبنالكن غدااا رووووعه

مزون وتبا تضرب اميره و فطوم.. وتمسكها ودوم

مزون:هديني عليهن...انا صارلي ساعتين يوعانه نترياكن عشان تتغدن واخر شي حضرتكن كنت تتغدن فالمطعم.......بس الشره هب عليكن الشره على ودوم الي قالت نترياكن....

فطوم واميره وودوم:هههههههههههههههه

ودوم:ودري عنج الهواشه وروحي قعدي رواضي و شموه من كثر التعب راقدات بعباياهن خخخ

أميره:فطوم يالخبله جان خطفنا ع الكوفي وخذينالنا كبتشينو

فطوم:ولايهمج المرررررة اليايه خخخخ عشان مزون تموووت من اليوع

مزون:والله بتغدى عنكن والي ماعندها سالفه تترياكن

أميره:خلااااص حبيبتي لاتصيحين ههههه

..............وتغدن وكانت مزون كل لقمه دش فحلجها تيها غصه خخخخ من القهر ذبحوها ولا الاكل

.........................
...........................

ومــرن الايااام بغمضت عين....ويت الاجازه الصيفيه.....وفالشقه

اميره:يله باي لاتتأخرن

مزنه:خلاص بين كلهن

اميره:هيه بعد نص ساعه ويكونن هنيه

نزنه:والله ما استحمل اروح النادي فهالحر...

اميره:عاد الي يسمعهن يقول وزنهن تسعين..خاصه ودوم شكلها تبا تغدى صلب

....................وبعد نص ساعه ين وتيمع الكل فطاولة الطعاااام لانه كان عندهن اجتمــــــأإأإإأإأع....((يحلن قضية الشرق الاوسط))خخخ

اميره:بسم الله الرحمن الرحيم اولـ (وتقطع رمستها شموه)

شموه:على شكلج

الكل:هههههههههههههههه

مزنه:الرجاء عدم الضحك والا التي تضحك بتظـ.. سوف تظهر خارجاً...

ودوم:حاضر ايتها الوكيله تفظلي يامديرتنا .. خخخ

مزنه:اخرجي برع

ودوم:اووه سوري يله يله فكنا متا بنخلص...

اميره:اول شي انا مسويه هلجتماع عسب نتفق وين بنسافر فالاجازة هب عشان المعاند والضحكـ

شموه:انا اقول نسافر تركيا عشان اشوف مهنـــد

ودوم:لا انا اقول نسافر الرياض وعقب نمر نجد عشان اسلم ع ريم عبدالله

روضه:انا اقول نسافر الهند عشان اخذ توقيع شارووخان وامثل معاه فلم هندي

اميره:ايه لازم نروح تركيا لازم لازم عشااان اسلم ع عمار الكوسوفي وايلس
عنده ويوقعلي واشرب جاهي عنــــــده

ودوم:انا اقول لو نسافر الرياض وتركيا عشان اشوف بعد لمـــيس
(ليتش معي وآنا معش...أسمع كلامش وأفهمش)
بس اذا شفت معاها ويه النحاسه دنحي بأدبه بفشله جدام لميس ببطل جوتيه خخخخخ

فطوم:انا بحدر العين ابا اسوي فيديو كليب مع عمر العامري

مزون:الحمدلله والشكر نزين وآنا وين اذلف ماحب لاممثل ولامطرب ولا اقول خطفوني البحرين ابا اصور مع زينب العسكري ولا هيفاء حسين...زينب هيفاء زينب هيفاء..

ودوم:انا اقول هيفاااء احسن ماشاءالله عليها حسن وجمال ودلااااال..(وقامت تغني)
حسن وجمال وطيب قلبن يحليك(مالت الشاجي)

مزون:ياااي ماشاءالله عليها مزيووونه وشهد انها ملكة العالم

ودوم:بهاذي صدقتي

شموه:ونتي يالعيناويه اذا تبين اوديج بيت عمرالعامري بوديج من باجر الا ف زاااخر

فطوم:صدق واللهـ

شموه:هيه صدق بس بنزلج وبشرد مافينيه ع الفشيله

فطوم:ونتي من صدقج منوه قالج بروح بيته

اميره:لحضه لحضه على ماظن كنا نتكلم وين بنسافر هالصيف

مزون:كل وحده وقالتلج رايها

اميره: خلاص الاكثر قالو تركيا توكلنا على الله تركيا

الكل:خلاص تـــــــــــــــــــــــــــــــ*.*.آ’ًًٍِــــمـ

...........وفاليوم الي حاجزات البنات التذكررره فيه....قبل موعد الطياره بساعتين ونص .....

فطووم:شو بعد ؟شو نسيت احس انيه شي ناشيه بس شو شو....

ودوم:دووومج انتي نسايه صدق انج ام سلؤوؤوؤم..

روضه:يلهـ انا بروح السيارة بحمل ماي بيج (my bag)

ودوم:فديت رواااضي اعرفها مابتقصر معاي شلي جنطتيه معااااج بليييييييز

شموه:شوهالذكاء والله مالوم نفسيه اذ صرت غبيه شراتكن...والحمااااال شوبيشل ان شاءالله

ودوم:اوه ماي قود والله انيه نسيت

فطوم(وتذكرت يوم قالتلها ام سلوم):هااااه اشوف ام سلوم نست خخخخخ...

الكل:هــــهـ هـــــــــــــههههههههههه

...................
الرحله رقم اثنان الى تركيا الرجاء التوجه الى الطائره اكرر الرحله رقم اثنان الى تركيا الرجاء التوجه الى الطائره.........

وركـــبن الـairplane وكانن فالـvip .....
وفالطيااره.........

مزون:ابا علوووج بسرررررعه

فطوم:محد ياب يله نطمي

ودوم وماصدقت على ورقدت لا وبعد صوت شخيرها مالي الدنيا....
ودوم:خخخخـــــش خـــــــــش

اميره:ويديـــــه......هاذي فضحتنا..عاد التركيين ماعندهم ضحك كله مكشرين مايزدادون انهم يكرهو العرب

روضه وتوعي ودوم بصوت خفيف:ودوووووم ودوومو وصمخ جلاااب دمدم ويهد...

ودوم:هااااه خلوني اكمل رقادي

شموه:يالله يعدم هالويه فضحتينا جدام خلق الله نشي مادري منوه اخر واحد ناش من الرقااااد

وتييب مزون ماااي وترشه ع ودوم*******
ودوم:بسم الله الرحمن الرحيم منوه الي رن رش رنشي (من كثر الرقاد خربطت فالكلمه)

الكل:هههههههههههههه

...وكانو اثنين فاعدين فالكرسي يلي وراهن وجان يتحرطم بالتركي وهن ميتات ضحك مافهم ولاشي
حان تقوم ودوم وتقوله:
ودوم: speak English تكلم بالانجليزي

؟؟؟؟؟ : you is arabانتم عرب

شموه: yes* where is woe هيه وين المشكله؟؟

وسكت عنها وسوالها طاف يوم عرف انهن من العرب

ونشت ودوم وكانت الطياره نصها عرب وجان تقول
((نحن العرب شهامه وطيب(ن) واخلاق
....اجاويد وفالشدات لنا حايه..
ميهمنا قــول واحد حـتى شيفته متنـــطاق
...اجنبي خواف(ن)مثل الديايه..
شايفين اعمارهم بســبت ممثل(ن)خقاق
...مهند عمره ماطاحت فيه صابونه ولا فرشايه
ولا يحيى صنانه فالهواء طلاق خخخ
...ولالميس ماتسوى بناتنا جنها فالطول معوايه
نوور ام البرطم اليابس الخفاق
ميرنا عمرها ميتين سنه خلاص ارموها فالنفايه)) __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
العرب اخوه جوال العرب لكل العرب	محروم.كوم	منتدى أخبار المواقع والمنتديات العربية والأجنبية	0	01-16-2010 02:20 AM
اللي عنده عيال يدخل واللي عندها عيال تدخل بغيتكم في كلمة راس	محروم.كوم	منتدى أخبار المواقع والمنتديات العربية والأجنبية	0	11-14-2009 08:30 AM
صور أخوان مهند وصورة فكري في عز الشباب وصورة مهند بلبس السعودي ومكسيم الي يتكلم عن مهند...~~	At3abne _ glah	تصاميم , دروس , تصاميم الاعضاء	41	01-24-2009 05:56 AM
.•ღ•.لا لميس ولا مهند فيهـم الحسـن الفريد.•ღ•.	ємαяαтya Kαsн5a	هواتف , مسجات , وسائط , برامج , ثيمات , نغمات , بلوتوث	43	09-12-2008 08:39 PM