الــعـــجـــه :: قـرمـش مـعـنـا:: يـا مـعـشر القـوم ادخــلـوا وتـقـرمـشـوا :: كـــاري

محروم.كوم · #1 10-04-2009, 03:30 AM

السلام عليكم ..

هالموضوع كنت ناوي انزله بـرمضان بس للاسف الاشغال كانت مانع قوي بيني وبين الموضوع ..!!

الــمــهــم ::

الــعــجــه .. أكله لذيذه .. سهله وممتعه في تحضيرها .. مقرمشه في اكلها

انصح اللي باقي يصوم الست من شوال انه يشمر عن ساعديه ويقتحم مطبخ بيتهم

ويبدأ بالمطاريس والحوق والبوق

طبعا نصيحه للي يبي يتهور ويسوي هالاكله ::

انه يتسلل المطبخ من دون تدري امه اذا كان اعزب

او زوجته اذا كان متزوج

لان والله ان طاحت بك المعزبه انواع التكفيخ بوسط المطبخ

ونصيحه بعد ثانيه ::

انتبهوا اذا قدر الله عليكم وطاحت بكم المعزبه

انتبهوا من فرادة العجين والله ياهي توجع ثلاث ايام ماتنام من الالام

اسألوا مندبج ولاتسألون سليم

ترى مشكلتي اذا بديت اسولف اكب ام العشاء .. يعني لو انتوا صابرين علي شوي ان كان قلت اسم امي

>/> بلا بثاره زايده وادخل بالموضوع عالطول لا اطردك >>>سم طال عمرك انت تامر وانا اطامر

................................

المقادير ::

مثل مهوب واضح معنا ::

دقيق ابيض عليه شوي بهارات وفلفل اسود و بكنج باودر ولاتنسى الملح

بصل وثوم مقطع قطع صغيره

بقدونس مفروم او مقطع

اربع بيضات .. طبعا اللي طالع معنا ثلاث بيض ... تدرون لييش ؟؟ الرابعه مستحيه ماتحب الشهره

هنا انواع الفله .. نبدأ بالمطاريس والمحوقه ..

الدقيق وبهاراته مع البيض مع شوي ماء نخلطهن خلط

إلى ان بمتزج الخليط بعضه ببعض >> احلى وش هاللغه

ثمن نكب عليهن البصل والثوم والبقدونس بعنف مع قليلا من العين الحمراء

وتحدق بعينك اليمين تحديقه شرسه على البصل

علشان يتأدب ولا عاد يتعودها قليل الادب >> لان عين بدت تدمع وانا اقطع

البصل جلست ابتسي

معاني بعض الكلمات ::

نكب :: يعني نجدع او نضع

ابتسي :: يعني اصيح وهي مأخوذه من البكاء

وكما هو واضح اخي العضو .. نخلط المقادير الى ان تمتزج ببعض

تــــابع ............
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
\|\| مـواقـف وسـوالـف صـارت مـعـنـا \|\|	محروم.كوم	منتدى أخبار المواقع والمنتديات العربية والأجنبية	0	08-09-2009 10:10 PM
اين كلمة الاستاد حسن في مسجد القفول 12-6	محروم.كوم	منتدى أخبار المواقع والمنتديات العربية والأجنبية	0	06-13-2009 01:51 AM
اين كلمة الاستاد حسن في مسجد القفول 12-6	محروم.كوم	منتدى أخبار المواقع والمنتديات العربية والأجنبية	0	06-13-2009 01:40 AM
اين كلمة الاستاد حسن في مسجد القفول 12-6	محروم.كوم	منتدى أخبار المواقع والمنتديات العربية والأجنبية	0	06-13-2009 01:30 AM
اين كلمة الاستاد حسن في مسجد القفول 12-6	محروم.كوم	منتدى أخبار المواقع والمنتديات العربية والأجنبية	0	06-13-2009 01:21 AM