منتدى استراحات زايد - الــعـــجـــه :: قـرمـش مـعـنـا:: يـا مـعـشر القـوم ادخــلـوا وتـقـرمـشـوا

السلام عليكم ..

هالموضوع كنت ناوي انزله بـرمضان بس للاسف الاشغال كانت مانع قوي بيني وبين الموضوع ..!!

الــمــهــم ::

الــعــجــه .. أكله لذيذه .. سهله وممتعه في تحضيرها .. مقرمشه في اكلها :D

انصح اللي باقي يصوم الست من شوال انه يشمر عن ساعديه ويقتحم مطبخ بيتهم

ويبدأ بالمطاريس والحوق والبوق :D

طبعا نصيحه للي يبي يتهور ويسوي هالاكله ::

انه يتسلل المطبخ من دون تدري امه اذا كان اعزب

او زوجته اذا كان متزوج

لان والله ان طاحت بك المعزبه :D انواع التكفيخ بوسط المطبخ :D

ونصيحه بعد ثانيه ::

انتبهوا اذا قدر الله عليكم وطاحت بكم المعزبه :D

انتبهوا من فرادة العجين :D والله ياهي توجع ثلاث ايام ماتنام من الالام :D

اسألوا مندبج ولاتسألون سليم :D

ترى مشكلتي اذا بديت اسولف اكب ام العشاء .. يعني لو انتوا صابرين علي شوي ان كان قلت اسم امي :D

>/> بلا بثاره زايده وادخل بالموضوع عالطول لا اطردك :D >>>سم طال عمرك انت تامر وانا اطامر:D

................................

المقادير ::

مثل مهوب واضح معنا ::

دقيق ابيض عليه شوي بهارات وفلفل اسود و بكنج باودر ولاتنسى الملح

بصل وثوم مقطع قطع صغيره

بقدونس مفروم او مقطع

اربع بيضات .. طبعا اللي طالع معنا ثلاث بيض ... تدرون لييش ؟؟ الرابعه مستحيه ماتحب الشهره :D

هنا انواع الفله .. نبدأ بالمطاريس والمحوقه ..

الدقيق وبهاراته مع البيض مع شوي ماء نخلطهن خلط

إلى ان بمتزج الخليط بعضه ببعض >> احلى وش هاللغه :D

ثمن نكب عليهن البصل والثوم والبقدونس بعنف مع قليلا من العين الحمراء

وتحدق بعينك اليمين تحديقه شرسه على البصل

علشان يتأدب ولا عاد يتعودها قليل الادب >> لان عين بدت تدمع وانا اقطع

البصل جلست ابتسي :mad:

معاني بعض الكلمات ::

نكب :: يعني نجدع او نضع

ابتسي :: يعني اصيح وهي مأخوذه من البكاء

وكما هو واضح اخي العضو .. نخلط المقادير الى ان تمتزج ببعض

تــــابع ............