شوفي الدنيا كيف صارت (الله لا يورينا هذا اليوم )ما اقول حسبي الله عليهم

شــمــ انثى ــو خ · #1 04-30-2008, 10:09 PM

السلام عليكم و رحمة الله و بركاته ...
هذه قصة أبكتني و الله من القهر ... تعالوا أقرأوها معي ...

فيه اثنين شباب راحوا البحر جلسو على الشاطئ ومعاهم عشاهم. وهم جالسين يتعشون جتهم عجوز كبيره في السن وقعدت تلقط الأكل المنثور على الأرض وتأكل. ولما شافوها قالولها أنتي جوعانة قالت أنا هنا من الصبح وماأكلت شئ جابني ولدي من الصبح وراح وخلاني وقالي راح أجي آخذك بعد شوي.المهم جابوا لها عشاء وتعشت. وبعد ما تأخر الوقت شالوا أغراضهم وحسوا الشباب إن الوقت متأخر والجو بدا يبرد ومايصير يتركون العجوز على الشاطئ لحالها في الليل وجاء واحد من الشباب وقال لها عندك رقم ولدك نتصل عليه نخليه يجي آخذك . قالت العجوز إيه معي الرقم في ورقه . ولما طلعت الورقه . ايش تتوقعوا مكتوب فيها ؟؟؟؟؟ مكتوب ( من يجد هذه المرأه يآخذها لدار العجزة ) انصعقوا الشباب من المكتوب في الورقة وجلسوا ساعة يترجون العجوز تمشي معاهم. ويحاولون فيها إنهم يوصلوها أي مكان هي تبيه . أكيد العجوز رفضت أنها تروح معاهم لأن ولدها وعدها إنه يجي يأخذها وتبي تستناه لما يجي.وكانت تقول ولدي راح يجي يآخذني وأنا راح استناه .

ماتدري المسكينه إن ولدها تنكر لها ورماها في الوقت الي هي فيه محتاجه له.المهم راحوا الشباب عنها وأتركوها على أمل إن ولدها راح يجي يآخذها حسب وعده لها. فيه واحد من الشباب قعد يتقلب في الفراش وماقدر يرقد يفكر في مصير العجوز المسكينه وقام من فراشه وغير ملابسه وركب سيارته وراح للشاطئ. ولما وصل. شاف الاسعاف والشرطة والناس مجتمعين ودخل بينهم شاف العجوز قد فارقت الحياه ولما سألهم عن سبب وفاه العجوز قالو له أرتفع معها الضغط وماتت. ماتت من خوفها على ولدها يمكن يكون صار له شئ. ماتت وهي تنتظر ولدها يجي يآخذها. ماتت وهي بعيده عن أهلها. الله يرحمها برحمته ويدخلها من أوسع ابواب جنته.أدعوا معي يأخوان آمين

________________________________________
اختكم القلب __DEFINE_LIKE_SHARE__

الحبـــوووب · 05-01-2008, 03:35 AM

...............
عليج السلااام ورحمة الله...

تسلمين الشيخه ع الطرح...
....
حسبي الله ونعم الوكيل..
لا حول ولا قوة الااا بالله..

قااال تعاالى: { وقضى ربك ألا تعبدوا إلا إياه وبالوالدين إحسانا إما يبلغن عندك الكبر أحدهما أو كلاهما فلا تقل لهما أف ولا تنهرهما وقل لهما قولا كريما واخفض لهما جناح الذل من الرحمة وقل رب ارحمهما كما ربياني صغيرا } .

..
..
>>الدنيااا دوااااره..
>>>و اذاا عياااله مااا اذوووه..
وين بيروووح >>من ربه.. __DEFINE_LIKE_SHARE__

بوالجازي · 05-01-2008, 07:35 AM

السلام عليكم ورحمة الله وبركاته

حسبي الله ونعم الوكيل

لا حول ولا قوة الااا بالله

تسلمين اختي ع الطرح الطيب يزاج الله الف خير

يعطيج العافيه

نترقب الجديد __DEFINE_LIKE_SHARE__

حمامة · 05-01-2008, 08:21 AM

وعليكم السلام ورحمة الله وبركاته

حسبي الله ونعم الوكيل
والله ناس ماتخاف الله،،

يزاج الله خير على القصه..

__DEFINE_LIKE_SHARE__

شــمــ انثى ــو خ · 05-01-2008, 12:23 PM

مشكورين اخواني على المرور وانشاء الله بييه يوم ومثل قول مثلما تدين تدان الله يهدي جميع المسلمين اللهم امين وتقبلوا مرور اختكم __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
حسبي الله عليهم ذبحوا عطايا الله	محروم.كوم	منتدى أخبار المواقع والمنتديات العربية والأجنبية	0	11-02-2009 04:10 PM
سبب حريقه الجهراء.! حسبي الله عليها !حسبي الله ونعم الوكيل :(	قطرية احساسي اماراتية	الحوار والنقاش - الرأي والرأي الآخر	15	08-27-2009 12:17 PM
صـور من جد نخلف وقرف حسبي الله عليهم	محروم.كوم	منتدى أخبار المواقع والمنتديات العربية والأجنبية	0	08-20-2009 09:32 AM
صـور من جد نخلف وقرف حسبي الله عليهم	محروم.كوم	منتدى أخبار المواقع والمنتديات العربية والأجنبية	0	08-20-2009 09:29 AM
اخر طرق السرقه بمصر‏ ^^ حسبي الله عليهم	العامري117	قصص و روايات	6	05-27-2008 01:56 PM