[ i'M in Cinderella story ] ..

brtshyah · #1 04-26-2008, 09:04 PM

مرااااحب شحالكم allll .. اليوم يبتلكم قصتيه هع هع .. انا عندي كم قصه في منتدديات ثانيه والحمدالله الله وفقني << اتقولون وصلت الفظاء هع هع p= .. وطبعن تعلمت من كتاب واايدين مشالله عليهم .. ودوووم الى الامام .. << بلا هالتفلسيف وابدي .. انشالله .. نبدأ قصتنا ..

{ الحكاية }

كان يامكان في حديث الزمان ...

طااااخ طاااااااااخ طااااااااااااخ

شيخه : ميروووووه ياحمااااره بطلي انزلي تحت امي تباج ..
ميره قاعده اتسحي (اتمشط) شعرها الحرير ..
ميره : انا ميره .. عمري 17 .. وحيده في هالبيت محد يحبني خاصه اسووم اختي من ابويه ..لأنها تحقد عليه وااايد وتتحراني احب ولد عمي هزاع .. اميه متوفيه وانا بعدني ما كملت سنتين .. وبعد سنتين ابويه اخذ ام تربيني ما قدر يخليني بدوون حنان الام .. صح الابو حنون بس حنان الام غير .. وع حظي ام خااالص منها الحنان الله يصبرني على قسوتها ... يوم صرت 9 سنين ابوي راح وخلاني مثل ما خلتني امي .. وعن شكلي ما اعرف اوصفلكم شكلي يمكن غيري اذا وصفني ما تنتهي الوصوف ..
شيخه : يعلج يا ميروووه تعالي ..
ميره : اوكيه am caming .." اوووف الله يصبرني عليهم "
نزلت ميره بسرعه ...: هااا خالوه عفرا
عفرا : خالوه عفرا اتقولج وجع يوجعج .. من متى تزقرج شيخه ..حماااره سيري بدلي ثيابج ولبسي عباتج بنسير بيت عمج ..
ميره : انشالله خالوه
وسارت ميروه بسرع تلبس عباتها المسكره وطلعت ..

ميره : اعرفكم على بيت عمامي
عمي زايد
عنده ولد اسمه سيف وهو 19
ودانه قدي

عمي خالد
عنده هزاع 19
ومريم قدي واختها تون شقرا
وعمر 16

عمتي مهره
عندها احمد وهو 19
وذياب 18
و العنود 15

طلعنا وصلنا عالغدى دخلنا وسلمنا وقعدنا نتغدى معاهم .. وعقبها سرنا الصاله قعدنا ويا يدووه نسولف .. احب بنات عمامي كلهم ما عادا مريم ..لأنها مثل خواتي اسووم وشيخه ...

ميرووه: عنادي اي عاد ما ارظى على يدتي ..
عفرا : ميره
ميره : هلا خالووه
عغرا : تراج حاشرتنا
ميره حست بالغصه : اسفه خالوه
اليده: لا امي ماعليج منها نحنا الا انتي مربشتنا ومستانسين بشوفتج
عفرا " هيه حق هاي مره .. وانا حق بناتي ما تقولهن جي ..مالت ع حظي"
عفرا اتصد على قوم شيخووه : قومن يلسن ويا يدتكن
اسووم: اووه امي مب فايجين حق هالعيوز مخرفه
عفرا : قومن احسلكن
اسوم+شيخوه : اوووف انشالله
اسووم: مريووم يالله قمنا
مريووم: اوكك

اسووم: يدووه شو اتسون
اليده: تعالي بخبرج طاعن اختكن ميره شو اسوي .. يالله عاد قري شو هالينان
ميره: يدوووه الدنيا حلوه
اسووم رن مبايلها وسارت الحمام ..وجان يدشون الشباب والشواب
اسووم بسرعه: السلام عليكم وخطفت ..
هزاع: بلاها هاي
سيف: هاا يدووه اجوفج محتشره
اليده: من شوفت الغاليه ميره
.........
اسووم: حبيبي راشد بعدين بدقلك انا عند الاهل
راشد: زين عيل انا زعلت ..اهوون عليج اتم روحي
اسووم: اوووف من ما تفتهم ..وسكت عليه "يا هالشباب حشره يتحروني صدق احبهم مااااااالت والله مقلع "
اسووم طلعت وحصلت فويها هزااع
اسووم: عوذ بالله هزاع !!!!
هزاع: جايفه يني جدامج .. شو بلاج !!!
اسووم ميته : ااأأ أأأ من متى انت هني
هزاع يطالعها بطرف عينه : لأأأ توني ياي بسير المطبخ
اسوم" اشووى .. وااااي فديت هالويه الغاوي "
اسووم: اوكك حبيبي باي
هزاع: نعم شو ما سمعت عيدي
اسووم: هههه سلامة قلبك
هزاع : هيه عيل اتحريت .. مشى عنها

اسوم مشت للصاله وهي تتحرطم " اووف سخيف دووم مسولي طااف "

عقب السوالف والوناسه .. رجعوا قوم ميره بيتهم وكلن سار غرفته ورتاح ..

& كــــــــــــــــــــــــــت

,,,,,,,,,,,,,,,,,,,,,,,,,,,,

be completed ^^ __DEFINE_LIKE_SHARE__

miss 7arakato0o · 04-26-2008, 09:30 PM

حلوة القصة وااااااااايد صدق شرات قصة سندريلا

متى بتكملينها؟؟؟ __DEFINE_LIKE_SHARE__

brtshyah · 04-26-2008, 09:34 PM

ثوري قطعت هع هع .. انشالله قريب خخخ .. ثانكس عالطله دبووتي ^^ __DEFINE_LIKE_SHARE__

ємαяαтya Kαsн5a · 04-26-2008, 09:35 PM

القصه شكلها واايد حلووووووه

نتريا التكمله
يسلمووونيييشن حبوبه __DEFINE_LIKE_SHARE__

brtshyah · 04-26-2008, 09:38 PM

مرورج الاحلــى حبوبه .. نورتي ^^ __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
story	alz3abi	قصص و روايات	1	09-02-2012 06:08 PM
Nice Story - - - - - -	محروم.كوم	منتدى أخبار المواقع والمنتديات العربية والأجنبية	0	08-05-2009 05:20 PM
@ ~ً .. Just a story ..~ً @	••Зţĥβt• ĻąňҒаŜ••	قصص و روايات	4	08-16-2008 02:14 PM
Sad Love Story	دمـ العين ــع	افلام, مسلسلات, رسوم, برامج تلفزيون, youtube	7	07-13-2008 12:42 PM
story	إبتسامة ++	نادي محروم للغه الانجليزيه	5	02-28-2008 06:31 PM