[ i'M in Cinderella story ] ..

الورد الحلو · 05-31-2008, 11:29 AM

ســـوري نكي مب طايع يشتغل ســوو دشيت من نك ماي سيسوو ^^ ..وصح مبروووك حق اللي خلصو امتحانات ^^

الجــــــــــــــــــزء 3 - { شــاغليني بنظرة تشفي المشاعر بالوله ..واجذبيني في عوالم تسحر القلب الحزين }

[align=right]مهير : ميرووووووووه بعدين كملي حلمج قومي يالله ..
ميره : مهيرووووووووه قووم ياخي ابا ارقد ..
مهير : بزقرلج يدوووه انا بسير اصلي صلاة العيد الناس ساروا عني ..
ميرووه نقزت : اول شي هات عيديتي هههه بعدين سير p=
مهير : تعرفين وين ادورين عيديتج ولا اروايج ..
ميره : اوووف خلاص خلاص
مهير : هههه باي ..

عالســــاعه 9:30 ..

حمده : مهروووووووووه والله تولهنا عليج =(
مهره : فديتكم والله مي تو .. وين مياري والله تولهت عليها .. وهني دخل سالم ..
سالم : هلااا بهل العين .. p=
حمده : لوووووووول هلااا ..
شرينه : شحالك !!
سالم : تمام الحمدالله ومن صوبج ؟؟
شرينه : fine ^^
سالم : بسير اسلم ع عيوزي ^^
ويوم يأأ بيطلع من الصاله دخلت ميرووه .. وصح ترى سلووم يحبها she don no بس بعدين بتعرف لوول ^^ ..بس للأسف مهره قالت حق سلووم انها اتحب ولد عمها سباعووه وهوو من يوم ما قالتله وهو مزاجي يعني يوم يتفيج يظارب و ساعات يستهبل عليها وساعات اوكي معها ..
ميره: انتوا رديتوا من قطر !!!!!!!!!
سالم : ههه السلام عليكم ..
ميره : ههههه how are u ??
سالم : اتريقت ههههه p= .. لوووووووووووول
ميره : ههههههههههههههههه
[ بقولكم سالفة الريووق هاي اللي داشه عرظ .. هاااك اليوم سلووم داق حق يدته بيستهبل عليها اونه .. وقام يرمسها بالانقليزي اونه الدكتور مالها .. ويوم قالها how are u .. قالتله ريوووق !! هيه تريقة هع هع .. ويوم سكر عنها سألوها منو داقلج .. قالت الدختوور لووول << صدقة ..انكمل ]
ميره : وين مهرووه !!
سالم : انا بقولج امشي سيده سيده لين ما تدعمين .. باااااااااااي
ميره [ اوووف بلاااه هذا غبي .. سخيف ..]
ميرووه دشة الصاله : مهروووووووووووووووه حياتي ..
مهره : ميرووووووووووه ماي قلبي هههه
ميرووه : هههه ويل حالي طالعه مقنداا هع هع p= ..
مهره : هههههههههه وانتي اقند لوووول p=
ميره : هاي اول مره اسمعها ههههه ..

وف بوظبي ..

شيخووه حاطه راسها عالمخده ومنسدحه جدام التلفزيون ..
شيخه : اتعرفين اسووم ..
اسووم: هااا !!
شيخه : اتولهت على ميرووه .. فديتها البيت مب حلو دونها .. صدق يوم قالو البيت بدون راعيه وغاليه ولا شي ..
اسووم: اي انتي شو اتقولين ..!!!!!
شيخه اعتدلت فيلستها : اسووم نحنا ظالمينها .. اصلن ليش نحنا جي انسوي فيها .. بدوون ام ولا ابوو .. لازم انعوظها مب انبهدلها ويانا انها عله علينا ..
اسووم: عن هالكلام البايخ هاي الا خدامه ..
شيخه : جب احمدي ربج هاي اللي معيشتنا .. مب انتي ..
اسووم: شو انا هااا ..!! انا شيختها .. هاي اصلن لازم انفرها الشارع ما نتشرف ..
شيخه : انتي الكلام ظايع معاج .. صدق يوم قالوا ياهل توج 15 وين فيج العقل هههه ..

صح ما قلتلكم عن اسووم وشيخووه

شيخووه عمرها 21 .. غاويه .. فيها من هالبدو على ابوها .. شعرها اسوود ..طويل .. عينها سوده سولعيه .. مشالله عليها حلوه .. طولها عادي وشوي ظعيفه .. وبعد ما مات ابوها امها خذت ابو ميره .. ويابت منه اسمى .. واسمى بعدها 15 سنه .. جمالها عادي .. يعني مب وااايد حلوه .. شعرها لونه هالاحمر المحرووق .. وقصير .. وعيونها عسليات صغار .. اهممم قصيره .. ظعيفه .. وبس ههه .. نكمل ^^

عفرا ام شيخه واسمى : وين شيخه !!!
شيخه : تعبانه بسير حجرتي ..^^
عفرا : لااا لاا تعالي بنسير عند العرب ..
شيخه : منوو !!
عفرا : بيت عتيجه بنت سيف .. وشيخه بنت سالم .. وموزه بنت حموود .. وسلامه بنت راشد
شيخه : بس بس .. انا مب سايره
عفرا : لا بتسيرين ..
شيخه : شلي اسووم وياج ..
عفرا : لا مب شاله هالياهل .. شو ابا اسحب يهال معايه

اسووم: منو الياهل ..
عفرا : انزين طوفي لبسي عباتج ..

شيخه ركبت وسارت دقت حق ميرووه ..

ميره [ هااي شيخووه .. ليش داقه !! .. اكيد مستوي شي ..]

ميره : مرحباا ..!!~
شيخه سكتت بعدين رمسة : ميروووووووه والله تولهت عليج ..
ميروه اذنها خانتها ما صدقت .. قالت اكيد ألحين عفرووه مطرشه شيخووه عشان ترد ..
ميروه: شيخووه اذا عن ارد انا مب راده .. اباا اقعد هني ..
شيخه : اقعدي قد ما تبين .. ميرووه شو رايج اليوم اي العين اشلج انسير العين موول .. واذا يبون ايوون بنات خالج عادي ..
ميرووه شوي وبصيح : والله اوكي عادي .. ثدق ثدق !!
شيخه : هههه هيه صدق ..انا بطلع بعد صلاة العصر وبكوون واصله خمس ونص وبدقلج عشان ادلليني البيت
ميره : اوكك ..
شيخه : يالله سي ياا
ميره : LUVICH ^^ بااااي ..~
شيخه اول مره اتحس عمرها فرحانه بشكل مب طبيعي .. ميرووه توو ..
حمدان توه داش : مرحباااا السااااااااااااااااااااع .. مرحبا بالطش والرش ..
ميره نقزتله : حمداني وين انته .. ما جفناك والله متولهين عليك .. فديتك انت حبيبي .. يالله طلع العيديه هههه ..
حمدان : هيه العيديه .. فديتك وحبيبي وتولهنا عليك مب حقي حق العيديه هههه ^^ .. والله حتى انا تولهت عليج وعلى العيديه هههههههه عطيني بعطيج ..
ميره حطة ايدها على خصرها : تستهبل يا شيخ ..
حمدان : عيب غدي حرمه سيري برع خالي مهير بيعطيج ..
ميره على طوول ربعت برع ..: مهيررر خالي .. حبيبي قالولي اطلع حق عيديتي ..
مهير : هااا هااا هااا حلوه النكته
حمدان : يالله مهير مب انت قلت ازقرها ههه ..
مهير : يالهرم انا ما قلت ..
ميره : افااا افااا بس انتوا الثنينه ما تبون تعطوني خلاص زعلت بسير داخل ..<< اواااااااانه تمثيل .. وساروا كل واحد عطاها خمسميه هههه << اوااااااااانها منو قدج خخخ .. سخافه لو انا بسوي جي محد بيعطيني لووول p=

عالساعه 5 ميرووه متلبسه متكشخه وحالتها حاله والبنات بعد .. وادلي شيخووه .. وصلت شيخووه وطبعن ميرووه حلفت تنزل اسلم على يدتها ويدها وخوالها ..
شيخه : والله استحي ..
ميره : بليييييز عشان خاطري ..
شيخه : خخخ اوكك ..
وقبل ما ايدشن طلع حمدان وانصدم من شيخه ..
ميره : شيخه هذا حمدان اللي كنتي اتسبينه فالتلفون ونحنا صغار هههههههه
شيخه : مرحبا ..!! ~
حمدان ذاااب تم متصنم ما عرف شو يسوي ..وهو يطالعها عيني عينك ما يستحي هههه ..
ميره اطالع حمدان بطرف عينها : حمدان قوم عن دربنا ..
حمدان عقب استوعب وقفط : هااا اوكك .. مع السلامه ..^^
دخلو وسلموو .. وعقب صلاة المغرب طلعو .. وبدال المول وعور الراس ودتهم شيخه تكشتهم .. وتمووا يحاوطوون وناااسه .. وميرووه فرحتها لاتوصف اول مره اتحس بعد موت امها وابوها بالسعاده غير طبيعيه ..
وعقب نزلتهم البيت ..
ميره : ثانكس شوااخ والله العظيم اول مره احس اني احب حياتي
شيخه اتلومت ..: فديتج من اليوم وطالع بعوظج عن كل اللي طاف
ميره : لااا محد بيقدر يعوظني عن وسكتت ..
شيخه غيرت السالفه : لا تنسين عقب ثلاثة ايام بنسير المبزره يعني الاثنين ^^
ميره : هيه صح اوكيه ^^ .. شو رايج اتمين الدرب هب زين ..
شيخه: لا عادي فديتج ..^^
ميره : لاتسرعين .. وسوقي عدل وانتبهي على عمرج
شيخه : ألحين انتي بتعلميني ههه .. استويتي امي حتى امي مب جي هههه ^^ .. يالله بايووو ^^

......
سباع : ابويه انا اباا بنت خالي حمد ..
بو سباع : منووو !!
سباع : غلا ..~
بو سباع : يصير خير ..
سباع : يعني شو !!
بو سباع : فديتك ابويه انا ابا سعادتك ودامك تباها ما بقول لأأأ ابشر من باجر اسير اخطبها لك
سباع حب ابوه على راسه:فديتك والله ..بااااي..
بو سبااع : الله يهديك .. مع السلامه[/align]

ك ـــــــــــــــــت ..~ __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
story	alz3abi	قصص و روايات	1	09-02-2012 06:08 PM
Nice Story - - - - - -	محروم.كوم	منتدى أخبار المواقع والمنتديات العربية والأجنبية	0	08-05-2009 05:20 PM
@ ~ً .. Just a story ..~ً @	••Зţĥβt• ĻąňҒаŜ••	قصص و روايات	4	08-16-2008 02:14 PM
Sad Love Story	دمـ العين ــع	افلام, مسلسلات, رسوم, برامج تلفزيون, youtube	7	07-13-2008 12:42 PM
story	إبتسامة ++	نادي محروم للغه الانجليزيه	5	02-28-2008 06:31 PM