من هي الــشــــاعــــــــره عـابـرة ســــــبــــيـــل (منبع والجزاله) مو مثل البعض هالايام - الصفحة 2

كويتي · 04-22-2008, 04:11 PM

المشاركة الأصلية كتبت بواسطة رحيل الصمت

الشاعرة عابرة سبيل....

اسم يستوقفنا دوماً....ونعجز حتى عن النطق به..!
سلمت اناملك لهذا الجهد المميز....ولن يكون باذن الله من المحبرة الى المقبرة...

فالتميز لايرضى سوى القمة...
عوفيت اخي...
ولم يكن ردي بدافع زيادة مشاركاتي!!

بل ليبقى اسمي شاكراً لك على اروع الصفحات....
سلمت

[align=center]
هلا ومرحبا وحياج الله

أسعدنا مرورج أختي

أسعدتني رسالج بارج الله فيج من محنواها والله يجزيج الخير

وهذا أقل شي يتقدم لمثل هالمرحومه طيب الله ثراها وما ذكرتيه يكفي ولا أقدر أقول أكثر منه لآن مثل ماتفضلتي ما نعبر ننطقه فما بالج من كلماتها

مافيج حيله والله أسعدني هالرد والله يبارك لنا في عضوات نفسج وفالج التوفيق وأختيار موفق لمنتدانا على لاقل زادة مجموعتنا متذوقين الشعر النبطي

ولا شكر على واجب وكل هذا لآجل قراءاتكم يهون مانحس لا بتعب التجميع ولا الطرح

ألف شكر لج

ودمتي بود

[/align] __DEFINE_LIKE_SHARE__

كويتي · 04-22-2008, 04:22 PM

المشاركة الأصلية كتبت بواسطة ***نفحـــــة العــــود***

السلااااااااااام عليكم ورحمة الله وبركاته

اخوي كويتي يزاك الله كل خير..ويبيض الله ويهك...وماعليك قصور

[align=center]
وعليكم السلام ورحمة الله وبركاته
يجزينا وياج وكل مسلم بارك الله فيج

حيالله أهل السلطه ونعم الذكر أيه وربي
[/align]

والله من شدة انبهاري عيّت الكلمات تطلع مني..لان مب فمقدوري اوصّف هلانسانه العظيمه..والشاعره اللي مانخلق فالكون شوراها....
[align=center]
صدقتي والله
[/align]

ربي يسكنها فسيح جناته....والله مالها عوض بهالكون.ولا لها مثيل
[align=center]
الــــــلـــهـــــم أمــيــــــــــــــــن
[/align]

اني حتى مالي ولا نقطه في بحر الشعر حتى اعطي رايي فيها

والكلام حتى من الشعراء بيخجل جدامها..لان الحكي مايوفيها حقها وربي..
[align=center]
تواضعتي بارك الله فيج
عاد مشهودلكم الله لا يغير عليكم هالخلق الطيب يا أهل عمان ونشوف بالساحه ما شاء الله بكثر تظهر عندكم وجوه كثيره وطيبه وشعار لا يستهان فيهم
مجرد أختيارج وردج على هالمخلوقه يكفي
[/align]

احساسها ورقه كلماتها والحكم اللي تتظمنه السطور فقصايدها تبيّن جوهوها الماسي والحشمه والوقار اللي بنا هالشخصيه العظيمه...

ومااقول الا عزاي على الشعر من بعدها قبل لا اعزي كل من كان محظوظ بالعيش معها احلى اللحظات...لان مثل هلانسانه الحساسه صعب تنلجى...وياحظ من عاش معها وتهنى بها الشفافيه والزين وهالطبايع الذربه...
[align=center]
راح الجسد لباريه بس بقتلنا كلماتها وقصاصاتها وما ردد عن لسانها والحمد لله أن كلماتها ستظل نبراس للشعر النبطي عامه
ولا يهونون من كانو بجيلها بس عابره !!!!
أقرو قصيدها تخيلوه قبل 20 عام ولا أقروه الحين على حاضرنا
ولا تخيلو كل كلماتها لعشر سنين قدام
بتنبهرون وتنعجبون في تعبيرها ونظمها للقصيد
[/align]

رحمك الله يالشاعره ((عابرة سبيل))...وصبر الله اهلك...

وصبر الله الشعر من بعدك..لانه فقد اهم اركانه...

والسمووووووووووووحه عالقصور...

[align=center]

مامن قصور بيض الله وجهج

كفيتي ووفيتي وأنا أخوج ويشهد علي الله أنكم زدتو الموضوع قيمه وحلا كلكم
وأن دل يدل على حسن اختياركم كلبوكم دون أستثناء ياللي رديتو

ياهنينا فيكم

دمتي بود أختي الفاضله

[/align] __DEFINE_LIKE_SHARE__

εïз~اَلِمَيّث}● · 04-22-2008, 04:28 PM

السلام عليكم

لي عوده

خخ انا راده للموضوع والرد اختفى ×_×

موضوع يستاهل التثبيت وربي

لي عوده ان شاء الله

__DEFINE_LIKE_SHARE__

كويتي · 04-22-2008, 09:04 PM

حياج الله اختي

وشكرا لحسن الاختيار

ولي تعقيب بعد ردج

طول عمرج اختي مو مقصره مع الكل

لي عوده __DEFINE_LIKE_SHARE__

*نظره مني تسدك* · 04-23-2008, 01:02 PM

السلام عليكم ورحمة الله وبركاته

مرحباااااااا بخوويه الكويتي المبدع دوووووووووم وعسااها هب يوووم

انا قايله من زمااان ما فيييييييك حيله وانت تثبت هالشي كل يوووم

والله الغالي انا ما اقووول هالشي عسب اجامل لااااااا والله هيه حقيقه والحق يقااال

اللي مثلك نادرين بمنتدانا وعسى الله يكثر من أمثالك ...^^

نرد للشاعره ام فهد الله يرحمها برحمته الوااسعه

انا الصرااحه ما اعرفهاا وليتني عرفتهااا

شعرهاااااااااا ولا ارووع من خلال ما قريته الحين ماشاء الله علييييييهاااا جزله وشاعره لا يشق لهااا غبار

وجودهاا نادر في زمانا

واللي لفت نظري ان اغلب قصايدهااا حزن وهالشي جدااا مؤثر

أثر فيني والله الغالي ، لكن لهااا قصااايد غزليه ولا اروووووع والشعر الغزلي رهيييييييييييب

ومن اكثر القصاايد اللي جذبت انتباهي هي القصيده..:

هو يعرف أن القصايد خيالات وفنـون
xxx واقعي مافيه غيـره شريـك بدنيتـي

مالعبوا اهل المغازل عليه ويخسـون
xxx ماشيه في حشمةاللي مشى في حشمتي

من تربي مثلي فبيت عزٍ مايخـون
xxx غاليه بالحيل بالحيل عنـدي سمعتـي

ماسهرنـا بالليالـي ندقـدق تليفـون
xxx امحشوم اللي نواه الجليـل بقسمتـي

غالي لو هو يبي قصة العاتـق يمـون
xxx حجته تبقـى وتسقـط لعينـه حجتـي

هو نون وحطه المعتلي في وسط نون
xxx في يدينه دمعتي وفي يدينـه بسمتي

سلامي عليييييييييييييهااااا رووووووووووووووووووعهــــ بمعنى الكلمه

لو الود ودي ارصهن كل بووهن هنيه بس خفت اثقل عليييييك يا خوووويه

ابدعت في الطرررررررح اللي اكثر من روووعه وما فيك حيله مره ثانيه

وما قصرت الله لا يقصر في عمرك

أشكر فنك ع الابدااع المتواصل الله يحفظك

وتقبل مروري

نظوووره مرت من هنااااااااااا ^^ __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
سيصل الدش المضي والحنفيه المضيئه وحذاء الدفايه العجيب والحصاله الذكيه وسلاقة البيض	محروم.كوم	منتدى أخبار المواقع والمنتديات العربية والأجنبية	0	01-03-2010 01:20 PM
الله يرحم هالايام	المرعبة	تصاميم , دروس , تصاميم الاعضاء	7	05-12-2009 11:14 PM
حال البنات هالايام	ولووود	الشعر المنقول	8	03-20-2009 11:18 AM
حال بنات هالايام	ahamad	الحوار والنقاش - الرأي والرأي الآخر	18	11-16-2008 09:46 PM
شفتوا الوضه هالايام....	==الغلا==	اخبار محلية و عالمية	43	05-03-2008 06:32 PM