بسم الله الرحمن الرحيم

السلام عليكم ورحمة الله وبركاته

لاهو مديح مصطنع ولا وراه غايه

كل موضوعي هذا بيروح عبر منتدى محروم الطيب الى :-

من المحبرة إلى المقبرة

كنت متمنى يكون هالقسم خارجي عشان يكون واجهه مشرفه مو مثل البعض شخبطة البعض (شخبط شخابيط) وقالو قصيده







توفيت الشاعرة عابرة سبيل أم فهد عام 2003 ميلادي ...1424 ميلادي
عن عمر يناهز 43 عاما


رحمج الله يا عابرة وأسكنج فسيح جناته والم قلوب أهلك وذريتك ومن سيوفون لك لهاوين وقراء لآشعارك

((ونسأل الله ياجعلها كفارة لذنوبج))

أخواني واخواتي رواد منتدى محروم قبل لا أتطرق لنبذه وتعريف ونقل قصائدها تـــــــرى هالانــــــــــــــــــــســــــــــــــــــــانه ماعرفت غير لزوجها وتغزلت فيه الحب ولا تفهموم قصائدها أنها كانت تحب


ومع الاسف شيع ببعض المنتديات بأن من يقف وراء أسم عابرة سبيل قيل أنه رجل

ويتخفى وراء هذا الاسم وِأن الشاعر موهوب ولا يشق له غبار خلف مفرداته وكلماته وسلالتها


ربي يسامح من وقفو وراء هالاخبار والاقاويل الغير صحيحه من مشرفين وأداريين بعض المنتديات مع الأسف

وطالما فيه ناس ذويقه للشعر فستبقى ذكرى وقصائد هذه الشاعره في متناول من يريد قرائتها وسنخرجها من هذه الارفف والأرشف المخفيه



وبفضل من الله سنعبر ونتناقل كلمات المرحومه بأذن الله


للاخوان والاخوات اللي مايعرفون عابرة سبيل أتمنى أقدر أفيدهم وعرفهم بعملاقة الشعر اللي لا يشق لها غبار ومن ما حصلهم وسمعو قصيدها وحلقو فيه بأعالي السحب

هي شاعره خليجية عبرة عن مايجول في خاطرها ورقت فيه في أعالي القمم الشعرية ونالت أعلى المراتب بتصنيفها عند كل من سمع أشعارها

جمعت بقلبها وحساسها الصدق والاصاله وتجديد الواقع بين محيطات أشعارها وقصيدها ... فكانت حصيلتها التميز والاخلاص لاحساسيسها وعطاها محبة الناس والقراء اللي أستبشرو فيها خيرا وتميزة بندرتها على مستوى دول الخليج بصفه خاصه وكانت رمز واضح بالشعر النسائي الخالد اللي وثقته القلوب والملصقات والقصاصات والجرائد وسيمجده عصر النت وطفرته بكل شيمه وحشيمه وهيبه وخلد لذكراها العطره والعقول الباحثه عن القصائد الحقيقيه والمتذوقه ستحفظ كلماتها الصادقه وذكراها العطره .

وصرح أبو فهد زوج المرحومه بأذن الله عابرة سبيل أنها أختارة كتاباتها تحت هالاسم لآنها عارفه كل ما على الدنيا فاني وكل البشر وجودهم عبور على هالدنيا وصرح أنه ماعرف أنها عابره غير بعد زواجه منها أكشفت عن هالسر لها ورافقها ليوم مماتها

الصحافه والكتيبات ما وفت ولا عطوها حقها ...... بس حق علينا ووفاء لعابره انا وانت وانتي وكل من يمر مو شرط يقتنع من هالموضوع ادخلو بحث واكتبو اسم هالشاعره بهالشبكه العنكبوتيه وأبحرو بروائع قصائدها وأنا واثق أن عابرة ستأخذ حقها من خلاص هالصرخ الشامخ سواء المنتديات أو من خلال تناقل كل من يقرأ لها

وحق عابره لنا وانا بصفه خاصه سأرثيها بهالموضوع وهالمعلومات شيمه وحشيمه لذكراها العطره وحب وولاء مني وتقديرا لما قدمته للشعر وأتحفتنا فيه .

ولو توقفون على كتابتها لقصيدة (وصيه) تشوفون حكمة هالانسانه وأيمانها وشلون الفطانه فيها من خروجها من المستشفى وهالحفله بس حاسه انه يومها الله يبيحها وقالت قصيدتها وصيه مستعده لموادع بيتها ورفيق دربها ووصيته على ذريتها لمقابلة ربها وحرقة قلوبنا وخنقت دموعنا لا محاجر سلمت ولا حسره بالجوف غنمت وهذا والله ما حسيتي وانا مجرد هاوي ومتذوق للشعر بس على هالانسانه ربي يبيحها ويحللها ماتت وكلماتها على فراشها هو فراش المرض هو فراش بداية النهايه اي فراش مو مهم لفظه بس الاكيد فراش هالمؤمنه بيوم وداعها وكلامها :-

	ترى الذبايح وأهلها ما تسليني...وأنا أدري إن المرض لا يمكن علاجه أدري تبي راحتي لا يابعد عيني....حرام ما قصّرت ايديك في حاجه اخذ وصاتي وأمانة لا تبكيني....لو كان لك خاطر ما ودي إزعاجه أبيك في يديك تشهدني وتسقيني....وأمانتك لا تجي جسمي في ثلاجه لف الكفن في ايديك وضف رجليني...ما غيرك أحد كشف حسناه واحراجه ابيك بالخير تذكرني وتطريني....اجيرني خالقي من نار وهَّاجه سامح على ما جرى بينك وبيني....أيام أمسي عدل وأيام منعاجه عيالي همي وأنا اللي فيني يكفيني....علمهم الدين تفسيره ومنهاجه

فبكى هذا الزوج الوفي لما سمع ورد عليها

	حاولت أنام وحاربت عيني النوم....وجريت صوتٍ مثل صوت الذيابه الجفن كنه صار ضايق ومهزوم....ودموع عيني مثل رس السحابه على وليف قالوا اليوم مرحوم....فارق وراح وما تهنى في شبابه زرت القبور اللي على بعضها ارسوم....وخطيت رسم فوق ذيك النصابه قلبي من الدنيا عليه مرسوم....والرسم توه عقب خط الكتابه أحبها مير القدر صار مقسوم....ويحبها كل الأهل والقرابه الموت أخذها واودع القلب مثلوم....جرح عميق ما يداوي صوابه الموت أخذ شجعان وارخوم وقروم...وأخذ رسول الله وباقي الصحابه

من يقرأ لهذي الشاعره البسيطه بطرحها وبفكرها ولكن عملاقه وكبيره بتعبيرها وطرحها ستدمع أعينهم من كلماتها
فقالوها شاعره لا يشق لها غبار
بترك كلماتها بعض بالاسفل عشان تشوفون لمسها لشغف قلوبكم




ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــ


ملامح شاعره

	أهلي يـدرون انـي شاعـره$$بس مايدرون في جرح الليـال يمنعوني من كتابـة خاطـره$$مادروا أني من زمان بهالمجال آآه لويـدرون انـي عابـره$$عندهم بتصير موتتنـا حـلال

آخر مـوعد

	له موعد(ن)لاروّح الليل ويـاي$$أول وآخر موعـده مـع فتاتـه اليوم ماتنفع دموعـه ورجـواي$$اليوم تفصل عن حياتـي حياتـه اليـوم يعطينـي بقايـا بقايـاي$$وأعطيه أنا ماشلت من ذكرياتـه اليوم بابـدّل مشاعـر حنايـاي$$يصبح من أخواني وأنا من خواته اليوم يتركنـي لحالـي بدنيـاي$$مجبور يقفـي لويزيـد التفاتـه اليوم يخلف عن مماشيه ممشاي$$والله ماضمن من عذابـه نجاتـه لو أتعلـق فيـه ماينفـع بكـاي$$خلاص فات الوقت وأعلن فواتـه اليوم بعطيه العزا عقب فرقـاي$$عندي خبر وش قيمتي في حياته وانا العزا مابيه من كبر بلـواي$$ماينفع اللي عاش وأعلن وفاتـه يارحمة الله ساعديهـم بسلـواي$$يعوضـه الله بانكسـار امنياتـه اليوم ياهمي وياطـول مسـراي$$ويافرحة العذال وأهـل الشماتـه

صبحية العيــد..

	ليته درى صبحية العيد وش صـار$$ياهي جرت لي من عذابي هوايـل يوم العذارى بيّحن بعض الاسـرار$$وجت السوالف بين قيل(ن)وقايـل هذي معايدها قبل وقـت الأسحـار$$وهذيك صاحبهـا عطاهـا رسايـل وهذي تقول انه لفـا البيـت زوار$$وهذيك راحت له زيـارة عوايـل وهذي تفاخر في غلا الصاحب البار$$تقـول عايدهـا بكـل الوسـايـل وأنا اطالع فـوق ويميـن ويسـار$$بالعيد حتى ماحتى مشطت الجدايـل

أحــلام...

	ياما على نفسـي بالأحـلام كذّبـت$$وياما صبـرت وصبرنـا مانفعنـا وياما..وياما مـن وداعـه تعذبـت$$وياما نحـاول نفتـرق ماستطعنـا كم مرت(ن) ودّع وكم مرتغبت$$وكم مرت عقب الوداع اجتمعنا يامـا توادعنـا وشـرّق وغرّبـت$$ويوم التفتنا فـي بعضنـا رجعنـا لاقـادره أنسـاه مهمـا تهـربـت$$ولامعتـرف فـي حبنـا مجتمعنـا

قال اسمعي...

	قال اسمعي..فرقاك غصبـن عليّـه$$عيا الزمن يمشي معانـا بالأوفـاق وقفـت لاميتـه ولانيـب حـيّـه$$تضاربت بالجوف ضيقـه وحـراق وقال:الرسايل وينها؟؟..قلـت ذيّـه$$وللريح عرضت الرسايل والأوراق رزيـت نفسـي واتظاهـر قويّـه$$يعنـي كأنـي ماتأثـرت بـفـراق أنا عذاب الكـون صـوّت عليّـه$$أضحك بسني واختم الضحك بشهاق ماكنت أظن الليـل يمسـي عليّـه$$ولاكنت أظن تعوّد الشمس بأشراق

الوداع

	قال الوداع ..وقلت لـه بالسلامـه$$هـذي ظروفـي دايمـا جابراتـي مسحت عبراتـي بكـف الندامـه$$وتليت من كفـه حوايـف عباتـي قفى يداري عضت(ن )في ابهامـه$$وقفيت اداري عضت(ن )في شفاتي وكل(ن)رحل يحمل بقايـا غرامـه$$وراحت حياته يوم راحـت حياتـي فرقاه ضامتنـي وفرقـاي ضامـه$$وعلى الله الوالي خلـف ذكرياتـي وعقب البطا أرسل عليّـه سلامـه$$يطلب ويرجينـي يبـي تضحياتـي مقدرأضحـي بالشـرف للملامـه$$وأمومتـي ترفـض أيتـم بناتـي من ماحصل لقيـاك يـوم القيامـه$$ماظن تحصـل شوفتـي ياغناتـي

مقدار

	مقدار حبي عالم(ن)فيـه ربـي$$والا الموازين لغرامي ظلومـه لالا تقارن حـب امـك بحبـي$$أخاف من عينك تطيح الأمومـه أخشى يقولوا عنك ماهو مترّبي$$مابي أشارك في عقوق الرحومه ياغايتي ماعـاد فينـي أغبـي$$حبك تعدى حدود نفس(ن)كتومه مابيك تسأل عن مقادير حبـي$$بكره مع الأيام تطلـع علومـه

لعيــــونـه

	جاني يقول : اسمعي لابد نتباعد """" ياخوك ماعاد به حل يريدونه حسيت باحساس ماحسه معي واحد """" حسيت باحساس مدري كيف مضمونه غربة سليمان وتلقائية مساعد """" وصرخة سلامه .. ونايف صقر بجنونه ياهمي اللي معايه قايم وقاعد """" من وين مادرت وجهي قيل مديونه لولاك ياحشمتي للوجه والساعد """" يمديني من قو غيضي صرت ملعونه أقدر أغني وأدق طبول وأواعد """" لكني أرغب أقضي العمر مصيونه

نــــون

	هو يعرف أن القصايد خيالات وفنـون xxx واقعي مافيه غيـره شريـك بدنيتـي مالعبوا اهل المغازل عليه ويخسـون xxx ماشيه في حشمةاللي مشى في حشمتي من تربي مثلي فبيت عزٍ مايخـون xxx غاليه بالحيل بالحيل عنـدي سمعتـي ماسهرنـا بالليالـي ندقـدق تليفـون xxx امحشوم اللي نواه الجليـل بقسمتـي غالي لو هو يبي قصة العاتـق يمـون xxx حجته تبقـى وتسقـط لعينـه حجتـي هو نون وحطه المعتلي في وسط نون xxx في يدينه دمعتي وفي يدينـه بسمتي

:: آخـذ الدفتـــر ::

	كل ماقالو لفا الديره 000 غريب xxxx قمت أومي في يديني وابتهل هيه يالمقبل هلابك يالحبيـــب xxxx مرحبا وأهليـــــن ياحي الرجل وإن تــــبين لا صحيب ولا قريب xxxx أبكي ضيقة أبكي حره وأنفشل وأعتذر في صوت قطعه النحيب xxxx العــذر والله رحل عنـــــي طفل وأكتـــــب التاريـــخ وأوقع صليب xxxx وآخذ الدفتر معايه 000 وانـــعزل

خلنا نتفاهم

	لاترفع الصوت ماني فيك مجبوره * قررت دربي وصوتك ما يوقفني* أرضى أنا بقاسيه أرضى بمغروره* ولا أرضى بعشرة حبيب ما تشرفني* ياما وياما وياما قلت بحروره* حاول تغيير ترى وضعك يكلفني* خلنا نتفاهم تعال نوضح الصوره* إما انت تمشي معي او لا توفقني* مسرور فيني وانا مانيب مسروره* حبي يشرفك وحبك ما يشرفني*

ياعنتــــــر

	لـي صاحب منه تبـي تطلع الروح 000 خبل ومن هي مولعه فيه خبــله عاميــن المح له مع الجد ومزوح 000 وأقول ياعنتــر تنـاديك 000 عبلة طال المدى ثم قلت أنا أغليك يالوح 000 مجروحة جرح جرح مخاطره عجله دنق وقال أنا من العام 000 مجروح 000 وأشـر لجرح مبطــــي وسط رجله

كيفي مزاجي كل شي بكيفي

	كيفي مزاجي كل شي بكيفي... حره وحره والف مليوووون حره.. باخذ ربيعك منك واعطيك صيفي.. وباخذ حلا الايام واعطيك مررره.. ذوق العنا خله يزاورك طيفي.. ذوقي اللي ذقناه ولو كان مره.. عقب الهجر يا تعتذر يا وليفي.. بأرد لك نص العنا والمضره..

لله أبشكي

	لله ابــشــكــي (حــيــرتــي ) لله رب الـعـالـمــيــن وامــد لــه كـفـي (دعـــا) يـــالله عـفــوك ياجليـــل يامنتـهـى (الشـكـوى) إلـــه العـابـديـن الصابريــن يـالله (عونك0فزعتـك) همـي عـلـى قلـبـي ثقيـــل جتـنـي (رسـالـه) نصّـهـا ياعـابـره (حــزن وأنيــن) مع(تجربه)مضمـونـهـا فـيــه الـنـتـايـج والحصيـــل في شكلها الظاهر (غطا) وفالباطن المعنى الدفين وفـي (حبرهـا) تلميـح لايمكـن يصـيـر المستحـيـل وانــا حقيـقـه مـاعـرفـت شـلــون بـبــدى ياحـنـيـن مــدري ابــديّ كلمـتـي أو الــزم الصـمـت الفضـيـل لا جـيـت ابتكـلـم لقـيـت الـوضـع قـاسـي مايـليـن وان جيـت ابسكـت مالقـيـت عــلاج للقـلـب العليــل لاكـنّ (عزايـه) مامعـي سلطـه ولاعـنـدي ضميـــن ولااقــدر امـيّـل مـاعـدل ولاقـــدر اعـــدّل مايميــل مـاعـنـدي الاّ (كـلـمـة ٍ) فـيـهـا الـعــوارف خابريـــن الـقــاع لاصــــارت دهــــر (يـابـدو)يـازيـن الرحيــــل وخـلافـهـا (سـلامـتـج) والله عـلــى الـدنـيـا يـعـيـن والـصـبـر عنـوانـه(فـرج) والـغـيـث لابـــده يسيــــل ويامنـتـهـى الـشـكـوى إلـــه الصـابـريـن العـابـديـن لاحـارت افكـاري تـرى مالـي ســواك انــت الدليــل

طيــــــــــــري

	طيري غدا بين هالغربــان !! 000 يــامن يـدور على طيــري !! في ساعة خاطري زعلان !! 000 بيــــدي سلمته لغيــــري !! ماهـوب غض ولا حقـران !! 000 يـــا للأسف ضاع تفكيـري !! ما جابه الخاطر النـــدمان !! 000 ولا انـــفعني معاذيــــري !! لو إنـــــه مخلي العنـــوان !! 000 والله لاوريـــه تقديــــــري !!

يــاصاحبـــي ...

	ياصاحبــي ... بس تكفـى ... لاتجنــنــي xxxx ما عفت من ضرنـي .. وشلون خلانـــي ؟؟ حتــى الذي ضرنــي ... لا ضاق يحزنــي xxxx ماعندي أعداء ، كـل النـــاس صدقانــــي قلبــي معاكم نظيف وصافــي ظنـــــي xxxx لا مايتغيــر غـلاك إن صرت ... غلطانــي والله لا سامح الغلطة وأنــــا ... أغنـــي xxxx من لاعذر صاحبـه يعيش ... وحدانـــــي وإن كان قلبــي حقود ... الله يـــلعنــي xxxx وإن كان مالـي شرف ... عساي للفانــي

قبول النداء

	لــي صاحب آه ..... لاجانــي ولا جيتــه 000 من الغيظ شطب وجودي مع عناوينــي قطيت أنا جملة أوراقه و .......... خليته 000 وأقول لوك تحب تراب ......... رجلينــي يومين ...... هونت ما أصبـر عنه باغيتـه 000 والصوم عن حلفــي اللي فات يكفينـي ناديت له فـي ظلام الياس ........ ناديته 000 و" تــــم قبول النـداء " ودمعت عينــي غسل عذاب محطمنــي و ....... كاميته 000 ونثـر بذور البشاير في ....... بساتيـنـي

آخر موعد

	له موعد لاروح الليل وياي أول وآخـــر موعــد مع فتاتــــه اليوم ما تنفع دموعي ورجواي اليوم تفصل عن حياتي حياتـــه اليوم يعطيني بقايا بقاياي واعطيه انا ماشلت من ذكرياته اليوم بابدل مشاعر حناياي يصبح من اخواني وانا من خواته اليوم يتركني لحالي بدنياي مجبور يــــقفي لو يزيد التــــفاته اليوم يخلف عن مماشيه ممشاي والله ما أضمن من عذابه نجاتــه لو اتعلق فيه ما ينفع ابكاي خلاص فات الوقت واعلن فواتـه اليوم بعطيه العزا عقب فرقاي عندي خبر وش قيمتي في حياته وانا العزا مابيه من كبر بلواي ماينفع اللي عاش واعلن وفاتــه يارحمة الله ساعديهم بسلواي يعوضه الله بانكسار امنياتــــــه اليوم ياهمي وياطول مسراي يافرحة العذال وأهل الشماتــــه

النـــاس

	الناس سدّادة سلف يوم الرخا باكر يضيع ما بي اسوي حاجة أصبح عليها نــــادمه أبحث بقلب التجربه وآخذ من أحداث الجميع عبره تساعدني على صدمات وقت قادمه بعطي واسامح للبشر وأحسن مع الكل الصنيع حتى إذا جار الزمن القى صديق انــــادمه ودي على طول الزمن أكون منديل الفجيـع أحب أعمّر ما أرتضي أكون لحظة نــــادمه وما دمت أنا متعافيه وما زلت في سن الربيع مهما يكن حجم العمل أرفض وجود الخادمه

البطاقة الشخصية

	أنا عجوز مطلـــقة وام ورعـــــــان وأيضاً مدام وبنت وآنس وعانـــس أنا بدوية وعايشه عند حضـــــران وبنت البحر أبـــوي زارع وغارس أمية ماتعرف حروف وألــــــــــوان وتلميذة دشت جميــــع المدارس ضفره وخبله ، عاقله،في نقصان شرود وأنطح لي ثمانيـــن فارس خلونِي أعيش العبره دون عنـــوان طــــــيف يمر بلا رقابـــــه وحارس

يايمه

	يمه .... يايمه .... فديتك لاتخلينـــي بعثرني الهم وأبغى يديك تجمعني يمه افهميني تراك ان مافهمتيني مافيه شخص بهالدنيا بيسعمنــي ماعدت انا طفلتك .. كبرت شوفيني خليك يمي ترى الا طماع تتبـــعني لا تدلليني ... . أبي منك تدليــــني وابي ايديــــك تداعبني وتصفعني ولا انهد حيلي أبي عطفك يقويني ياما كلامك على الشدات شجعني وان جيتك ابكي .. ابي منك تهديني مابيك تبكين .. أبغى العقل ينفعني يا مملكة عطف يا عطر الرياحينـــي براثن الهم والهوجاس تـــــلسعنـي بسمتك عندي الا من ضقت تكفيني وارضاك عني عن الاحزان يرفعني اسمى العلاقات تربــط بينك وبيني ياللي احضانك ان ضاق الكون تاسعني لك احترامي وحبي والوفا .. فيني وفيك اروع الحب مايخطي ويخدعني

سنين

	سنــــين مامرت علومه عليّـــــه لا علم لا طاري ولا من مكاتيــب سنين في صبــري وحالي رديه بين المحاتى وانتظاري وتعذيــب لا ليل .... لا فرحه.... لادنيا هنيه يعلم بــــحالي واحد يعلم الغيب انــــا ان تحريـــت اتـــصاله عليّه دقات قلبي ضربها ينفض الجيب ولو دندنــــت أساوري في يديه اضم انا الهاتف واهل التراحيب ابا انطره وابقـــى بعده وفيـــه وارفض على شانه جميع الخواطيب

المشكلة لاحبت العين طايش

	المشكله ماهيب هذي ولا ذيك xxxxxx المشكلة لاحبت العين طايش تزعل ويضحك وان تبسمت يبكيك xxxxxx الموت جاك وهو بالأفراح عايش تناقشه يزعل ، تداريه يشقيك xxxxxx ترقع شروخ ويطلعن لك درايش ماينتراضـى وبالزعل مايراضيـك xxxxxx والصبر يثر بالقلوب الهشايش

رغبة

	أنا أبيك .. وحش يحتوي داخله عصفور وانا ابيك .. طفل يحتوي داخله رجـال أبيك .. الأب بالعطف والأخ بالمعسور أبيك أمي بالتدليل ومداعب الجهـّال انا أبيك .. تاج الستر ياعاري المستور أعاف العقل وانجن مادامهم عقــّال أبيك .. المطاع الطايع المنذل المغرور انا أبيك .. جوعي وشبعتي والفقر والمال أنا أبيك .. تشكيلة عواطف كما البلور أبي تحتوي كل التناقض مع الاشكال أباصيــر انا ويــاك.. داخل بعضنا نـدور ياحتى نضيع وين كنا مع المـــدخال خلاص انتهى صبري وتلاشت خيوط النور أبعلن جنوني وش نلت من عالم العقال؟؟

ضايقه

	ضايقه بالحيل محتاجه اشتكي لولا طبع فيّ .. يمديني شكيت بس أدور عذر منشان البـــكي لو يدوسون بطرف ثوبي بكيت كل ماجيــــت اتريـــــح وارتكي يزدحم في خاطري الفين بيت ويش بيدي افعله غير الحكي؟ قاصره خطوات رجلي لو مشيت أسرعي يانفس موتي واهلكي صرتي همي يوم بالدنيا شكيت

هيا أتغزل

	كل مااتصل فيك صبح وليل تشكي لي من عوج الاوضاع والدنيا ومتاعبـــها مليت يا صاحبي مابيك تحكي لي هالأسطوانه أنا مليـت مطـــربها حتى خيالك بتـال الليل ياتي لي جروح وعيون معقوده حــواجبـها عيشتني بعالم ماهو على جيلي زهرة شبابي حرام انك تخربــها ياما هجرتك ولا كملّت ترحيــلي حبايب ما تــــعبر عن حبايبـــها حبيبتك ما تحمــّل هالبـــهاذيلي إضحك معاها ولاطفها ولاعبـــها هيّا تغزل وغن وزيـــد تدليـــــلي البنـــت يــــاحبها للي يداعبــــها قلي وش رايك بفستاني ومنديلي؟ الوانهن تعجبك .. أو مانت راغبها؟ وقلي وش رايك بعقدي مع خلاخيلي؟ وشف قذلتي يوم قصينا ذوايبـها وقلي وش رايك بأطباعي وأقاويلي لاحظ عليها وغيّـرها وشطّبـــها خل بيننا انقاش وعلوم وتعاليلي وآمر على البنت وان حبيت طالبها يامدمن الهم كافي دمع بالليلي بكره تشبع من الدنيا ومصايبها دنياك والله .. ماتسوى التزاعيلي حتى ولاهيب كفو الي يعاتبها

لا تسافر

	لا تسافر وتتركني أجاهد غلاك كل شي يهون إلا جهاد الغرام أما تبقى معايا أو اسافر معاك لاتخليني لطوال الليالي طعام خوفي البعد لامنه خذاك وطواك مثل قصر تولاه الزمن والهدام لاتسافر وانا اللي في رجاالله ورجاك لا تسافر و تلقاني بقايــــا حطام

وصيـــة على فراش المــــوت

	ترى الذبايح و أهلهـا مـا تسلينـي أنا أدري إن المرض لا يمكن علاجه أدري تبي راحتي لايا بعـد عينـي حرام ما قصرت يديـك فـي حاجـه أخـذ وصاتـي وأمانـه لا تبكينـي لو كان لك خاطرٍ مـا ودي إزعاجـه أبيك في يديك تشهدني وتسقينـي أمانتـك لا يجـي جسمـي بثـلاجـه لف الكفن في يديك وضف رجليني ما غيرك أحدٍ كشف حسناه واحراجه أبيك بالخيـر تذكرنـي وتطرينـي يجيرني خالقـي مـن نـار وهاجـه سامح على اللي جرى ما بينك وبيني أيام نمشـي عـدل وأيـام منعاجـه همي عيالي وأنا اللي فيْ ..كافينـي علمهـم الديـن تفسيـره ومنهاجـه

العيد باجر

	العيد باكر ...... أسعد الله ممساك والله مدري ويـن خـدٍ جلستـه وين أنت ياللي عيدنا في محيـاك كف القدر من ضيقة الخلق بسته من يوم ما لوَحت لي كف يمنـاك لليوم دمعـي بالخفـا ماحبستـه ومن يوم ماذوقتني حـر فرقـاك والياس زرعه في حياتي غرسته شريت ثوبِ علـى شـان لقيـاك والثوب راحت موضته مالبستـه وشريت عطـرِ مازهانـي بليـاك أربع سنيـن بعلبتـه مالمستـه ودفتر قصيدِ كـل يـوم يترجـاك مافيه يـومِ ماسهـرت ودرستـه

حان الوداع

	حـان الفــراق .. وتم توديع غاليـــن قسـوة زمن وظروف ماهي رحومه وحـاولت ابدّل موقف العسـر باللين وأبـــيــــن قدامه جسور ظلومــــه و أعاتبه وأنقد على دمعة العيــــن وانــا - حشا لله - مانـــي ألــومه و أقول هذا حال كـــل المحبيــــن وهذا الفراق اللــــي تجينا علومه ومسكت نفسي كن ماصاير شين أخشى على خلي يشقق هدومه ثم قلت وش تنطر حبيبي لهالحين؟ أثر ايديني ماسكات كمـــومه ؟؟؟؟

إنــــــا للـــــــــه

	هو يعتقد لو راح مقدر انا اعيش دايـم يهددنـي بفـك الجموعـي قال الوداع , وقلت يا صاح حتيش يا علهـا فرقـا بليـا رجوعـي لا تعتقد من سبة البعد يا طيـش يا صاحبي حبي على كيف طوعي يا سايل عني انـا قاسيـه ليـش بتموت ما تلقا مع الناس نوعـي كف الرسايل لا تـدز المطاريـش سكرت عن هرج الوسايط سموعي

قال الوداع

	هو يعتقد لو راح مقدر انا اعيش دايـم يهددنـي بفـك الجموعـي قال الوداع , وقلت يا صاح حتيش يا علهـا فرقـا بليـا رجوعـي لا تعتقد من سبة البعد يا طيـش يا صاحبي حبي على كيف طوعي يا سايل عني انـا قاسيـه ليـش بتموت ما تلقا مع الناس نوعـي كف الرسايل لا تـدز المطاريـش سكرت عن هرج الوسايط سموعي

ياكثر شعري

	لاترفع الصوت ماني فيك مجبوره * قررت دربي وصوتك ما يوقفني* أرضى أنا بقاسيه أرضى بمغروره* ولا أرضى بعشرة حبيب ما تشرفني* ياما وياما وياما قلت بحروره* حاول تغيير ترى وضعك يكلفني* خلنا نتفاهم تعال نوضح الصوره* إما انت تمشي معي او لا توفقني* مسرور فيني وانا مانيب مسروره* حبي يشرفك وحبك ما يشرفني*

لحظة وداع

	يا كثر شعرٍ كتبته امس و البـارح و يا كثر شعرٍ عقب فرقاه سجلتـه دفاتري إمتلت من سبـة الجـارح هذا000 وغير الذي للحين ما قلته خلى دموعي تهل و خاطري سارح يا كثرٍ همٍ عليـه اليـوم شايلتـه اللي خلاني انصدم واصيح واصارح فرقـاه حتـى خيـالٍ مـا تخيلتـه وا جرحي اللي من الافكار يستارح وا قلبي اللي من الاوهـام حملتـه

فرقاه صار

	أغض عيني عـن خطـاه و خمالـه و ارقع فضايحهم بزيـن التواصيـف أثـاري فيهـم مـا تفيـد الجمـالـه و النـاس لا سبـوه قلنـا ملاقيـف فرقاه صار 00 و نسيتـه لا محالـه ولا عاد في بوم <1> الليالي لهم طيف دمـوع عـز ولا ابتسامـه نـذالـة دنياك ما دامت لغيرك علـى الكيـف

شقول له

	باكر يجي 00 يا شيب عيني من الويل من عقب مـا سافـر سنيـنٍ مديـه ش اقول له 00 صاروا عيالي رجاجيل ش اقول له ؟ 00 ماني بعهده وفيه ؟ إن قلـت لـه إنـي تعذبـت بالحيـل و إن قلت لـه أكبـر عيالـي سميـه يبي يعذرني و يتـرك القـال والقيـل و لا يجـي ويـا زمـانـي علـيـه و ان جبت حظي و المقادير 00 تعليل و اني ضعيف 00 و رغبة الله قويـه يبـي يصـدق كلمتـي دوم تحلـيـل و لا يبـي ينسـف كلامـي عليـه ؟ ش اقول له ؟ 00 ما ينفعن الاقاويـل ما دمت مانـي فـي وعـودي وفيـه

هذا بعض من قصائدها وجاري جلب البقيه وبسعى جاهد لجمع كل ديوانها هنا ان شاء الله

أتمنى ان تحوز جهودي المتواضعه على استحسانكم...ولي عوده انشالله مع المزيد من القصائد

واللي بيعرفون الشعر لا يكتبون ويقولون نحن شعار وبس

خل يجون يتعلمون الجزاله ويتعلمون الطرح ويتعلمون التعبير أمثال هالمرحومه وغيرها المئات والمئات من الشعار الحقيقيين

عامتا يأسعى جاهدا كل فتره أنقلكم من شعار الخليج وسأحرص على جمع كل قصائدهم وبعد المراجعه يأعرضها لكم

دمتم بود