رواية ضمني مابين قلبك والعيون / بقلمي

deealbraiki · 12-12-2016, 09:08 PM

{ البارت السادس }

ساعة 5 العصر
جواهر كانت بحجرتها تتعدل عسب تسير بيت عمتها دش عليها ابوها: خلصتي!؟
جواهر: هيه
سلطان: يلا عسب م نتأخر ع عمتجج
جواهر: ميمم وينها !؟
سلطان: بالسيارة يلا
سار سلطان صوب السيارة ولقى مهرة يالسة وشوي ويت جواهر ويلست حرك السيارة صوب بيت أختة , كلها دقايق ووصلوا بيت اخت سلطان
سارت جواهر وبطلت الباب وربعت صوب عمتها وحضنتها
بعرفكم اوشي ع اخت سلطان:
"شوق , تشبه سلطان وايد , متزوجة اخو مهرة
عندها ولد أسمة خليفة عمره سنة ونص , وهي عمرها 25".

نكمل
جواهر: عموهه وين علوهه!؟
شوق: مع منصور شويات وأيون
جواهر سارت تيلس حذال ابوها
ويلسن مهرة شوق يسولفن وجواهر تلاعب خليفة ولد عمتها وسلطان شوي يرمس مع بنتة وشوي مع اختة وحرمتة
سلطان: بخبرج شوق
شوق: هلا !
سلطان: وينة ريلج وايد طول
شوي ويسمعون صوت هرنن السيارة
شوق: هاذوو وصل!؟
سلطان نش من مكانة: بسير له
جواهر: بي معاك
سلطان: تعالي
سار سلطان برعع ولقى ريل اخته منصور
وأخوه علي
سلطان: مرحبا ساع
منصور: اهلًا وسلااً توه مانور البيت
علي: مرحبا
سلطان تجدم تخاشم معهم
منصور لف صوب جواهر: شحالجج جواهر>>" ريل شوق وبنفس الوقت اخو مهرة , حنطاوي جميل, يشتغل مع سلطان بالشرطة,عمرة 28".
جواهر:الحمدلله عمي ومن صوبك
منصور:يسرج الحال
سلطان: هاا عليي شخبارك ،. وينك م تنشاف هالأيام!؟
علي: بخير ربي يعافيك ،. تدري عاد مشغول لااه>> اخو منصور ومهرة ,حنطاوي جميل , يدرس ب كلية الهندسة , عايش مع اخوه العود لان أمه وابوه متوفين ،. وعمرة 23.
جواهر: خف علينا بزنس مان
علي: طايح من عينج شو
منصور: وهي صادقة تحسسني صدق مشغول , الا تلقى اخر شي يهيت بالمولات وياربعة
علي: محد يعرف لكم غير مهاري
دش البيت وهو يزاعق وينادي ع اختة: مهاري مهاري
مهرة: قصر صوتك , بلاك تزاعق
علي: تعالي شوفي ريلج الخبلة واخوجج الهيس
يستهبلون علي
مهرة: دواك تستاهل
علي:افا مهاري بغيتج عون صرتيلي فرعون
مهرة: شو تبي احينن
دش منصور صوبهم مع سلطان وجواهر
ومهرة من شافتة سارت تسلم عليهه ويلست حذاله
جواهر: عموه
شوق: عيونها. انتي امريي!
جواهر: تعرفينن مها !؟
شوق:!!
علي: جني سمعت هالاسم من قبل ،. لف صوب مهرة: لايكون
سلطان: هيه الي ف بالك
علي: بلااها
مهرة خبرتهم انها بدت ترمس جواهر عن مها وجواهر وايد حبتها وصارت كل يوم تحب تسمع قصتها ووإلخ...
وعقب حب منصور يكمل لها بشرط ان علي يكمل لها بعد بما ان الاثنين يعرفونهاا
منصور:.....

'

'

'

'

حجرة احمد

نش احمد من رقادة وسار الحمام(عزكم الله) وخذ لة شور ع سريع عقب نزل تحت ولقى خوانة{حمدان وكايد} والبنات يالسين
احمد: صباحح الخيرر
الكل: صباحح النور
احمد: عيل وين عيال عمي عنكم!؟
كايد: بعدهم راقدين
احمد: بل ساعة جم احين
مريم: 11:30
احمد:ومهاية وينها
كايد: شو تبا بها
احمد: مو شغلك وينها؟
الريم: بعدها راقدة
احمد: وين راقدة؟
الريم: هيه صح مهوي وين رقدت
شهد: لا تسالني ماعرف شي
احمد:م يت عنكم امس بالليل؟
مريم: لا م يت
احمد: كيف يعني
شهد: تقولك لا م يت صوبنا
احمد: وينها
فطيم: ونحن شوعرفنا
حمدان بعصبية: كيف يعني ماتدرون
فطيم: شو يخصني انا
احمد: شو مسوين فيها بعد
مريم: م مسوين شي
كايد: بس أنت وياها , مهوي راقدة بالحجرة الي تحت
احمد: روحها
كايد: لا ميود بالليل سارلها
حمدان: وعزيز
احمد: كان عندي وين سار؟
كايد: هو بعد سار هناك
احمد سار صوبهم الحجرة وبطل الباب
ولقى ميود يالس يتلبس وعزيز يعدل الحمدانية
ومها تلبس عباتها
مها انتبهت له وابتسمت: صباح الورد
احمد: صباحج عسل يا عسل
مها استحت وم ردت عليه
احمد: ياعمري انا الي يستحون
مايد: بس بس بلا فلسفة , سير تلبس
احمد: ليه!؟
عزيز: بنتريق برعع
احمد: اي ريوق شوف الساعة جم! مش وقت الريوق
مها: م علي بيعرفون احن بني نتريق بيبطلون كلشي
عزيز: سير بسرعة بنتأخر
احمد تم يطالعهم
مها سحبت احمد لحجرتة وظهرت له كندورة وحمدانية ولبستة عقب نزلوا الصالة
كايد: ع وين!؟
عزيز: بنتريق
الريم: اي ريوق هالوقت
مها: ريوق عيال علي
مايد: كيود بتي!؟
كايد: مش ع اساس بنسير شارجة
مايد: هيه بنتريق وعقب بنحرك صوب شارجة
عزيز سحب مايد واحمد : لو رمستوا بنخيس هني و ما بنسير
مها: ريموو م بتين
الريم: لافديتج سيري انتي
فطيم: وأحن مالنا رب
مها سكتت ونزلت راسها
حمدان: حتى لو نادتكن معاها م بتسيرين
فطيم+شهد+مريم: لييشش!؟
حمدان: كيفي , ريمووه جان تبين تسيرين سيري
الريم: لا مابي
حمدان: هذي ريمو ما بتسير شحقة تسيرن
فطيم: شو يعني
حمدان: م بتسيرين , يالله كل وحدة تزهب سامانها بنسير
شوي ويرن فون مها: الوو ,.. كيف كيف ,.. لاتستهبل ,.. ميود عاد ,.. سير بند مابي شي ,.. نزين باي باي>وجان تبند ف ويه
كايد: شو مستوي
مها: سارو عني
الريم: مع منو بتسيرين!
مها: شافوني م ييت تحروا اني اترياج عسب بتين قالو تعالن مع كايد
كايد: نسير
مها م ردت عليه
كايد: احين منو بيي
حمدان: ريمو ما بتسير شل مهاية وتوكل
كايد شاف مها: يالله
طلعت مها مع كايد ويت بتركب ورا
كايد: يلسي جدام ،. دريول انا شو
مها انحرجت منة وسارت يلست جدام
وكايد ركب وحرك السيارة

بصالة

فطيم: كيف تخليها تسير بروحها
مريم: تستهبل شو
حمدان: شو يخصج انتي وياها
فطيم انقهرت منة وسارت حجرتها ترتب شنطتها عقب مريم وشهد سارن
بقت الريم: حمدون خ نسير شوي المول
حمدان: ليه !؟
الريم: كسرن خاطري حرام ودهم
حمدان: ههه خلاص طيب يلا سيري رتبي سامانج وازقريهن
سارت الريم عند البنات وخبرتهم يزهبون لا حمدان مستعيل لبسن عبيهن وخذن سامانهن ونزلن ركبن اليارى

الشارجة
بيت عبدالرحمن

شيخة: وينهم العيال تأخروا
عبدالرحمن: اصبري شبلاج
شيخة: شعليك مني
بوعبدالله: رمست مايد قالي بيتريقون وبيون
بوحمدان: وحمدان معاهم
بوعبدالله: والله مادري ضني قال بيلحقهم
ام عبدالله: يالله عيل لين أيون يكون الغدا زاهب

سارت ام عبدالله مع ام حمدان المطبخ وبدن يطبخن وشيخة يلست مع عيالها بوعبدالله وحمدان وعبدالرحمن سار يريح بحجرتة شوي

عند كايد ومها
كايد: تعبتت والله
مها:!
كايد: اموت يوم اشوفجج قريبة منة
مها : بس احمدوه اخوي
كايد: وانا
مها:....
كايد: م بتغيرين رايج
مها: اسفة طلبك وايد صعب
كايد م رد عليها تم ساكت
مها بضيج: اسفة
كايد: حصل خير يالله نزلي
مها: وانت
كايد: بي عقب
مها تمت اطالعة
كايد: بلاج
مها: اخاف ب..
كايد قاطعها ببرودة: من شو تخافين , نزلي مافي شي يخوف
مها تضايجت منه وبطلت الباب ونزلت ودقت ع عزيز ويه وخذها

عزيز: مهاوي
مها: هلا
عزيز: فيج شي
مها: لا
عزيز: عيل وين كايد عنج
مها: مادري قال سيري وبي وراج

صوب كايد

كايد: ياربي كيف كلمتها جي , الحين اكيد تضايجت مني >> نزل من السيارة وسار صوب المطعم ولقاها يالسة حذال مايد وتاكل
احمد: شبلاك واقف ايلس
كايد م لقى كرسي الا عند مها
مها انحرجت يوم يلس حذالها
كايد استغل الوضع يوم شاف الكل مشغول ولاهي بفونة, قرب ويهة وحبها ع خدها: حبيبي مهاوي انا اسف
مها انصدمت من جراءته و ما ردت عليه

عند حمدان
وقف السيارة صوب المول

فطيم ستغربت
حمدان: شو تترين نزلن
شهد: وين!؟
حمدان: المول وين بعد
مريم: قلت م بتيبنا
حمدان: غيرت رايي , بتنزلن ولا أحرك
فطيم: لا لا بسرعة نزلن شو تترين
نزلن البنات من السيارة والريم ميتة من الضحك هي وحمدان عليهن
تمو يحوطون مرت عليهم ربع ساعة عقب
ساروا صوب عزيز هيل
فطيم عصبت يوم شافت كايد ومها حذال بعض

الريم: يالله بتأخرونا
مها: عزيز
عزيز: عيونه انتي امري
مها: ابي اسير الحمام"عزكم الله"
الريم: تعالي انا بي معاج
عزيز: تسوين خير , يالله سيري معاها
مها شافت عزيز
عزيز حط إيدة ع أيدها يطمنها م بيصير لها شي: لاتخافين جريب من هني
مها ابتسمت له وسارت مع ألـريم
كايد والبنات استغربوا: بلااهاا , ليش جي خايفة
مايد: مهاية من انتقلنا لفرنسا وهي جي تخاف
كايد: من شو
احمد: كلشي ،. م ترقد روحها ،. ولا تمشي روحها
مريم بقههرر: وانت كيف تعرف ها كلة
احمد: مو شغلج
شهد: عسب جيه هزبتنا اليوم
احمد: عليج نور

كايد بخاطرة ( الحين فهمت سبب خوفها وليش تضايجت لاني م نزلت معاها , والله اني حمار يوم ضايجتها)
مايد: حوو كيود بلاك
كايد: ها؟
مايد: بشو تفكر
كايد ماشي , يلا نسير
طلعو كلهم من المطعم ودفع احمدوهه الحساب

صوب مها دشت الحمام " عزكم الله "
وخلصت الي تبي عقب ظهرت م لقت الريم
دقت لها قالت انها سارت صوب حمدان لان بيحرك اعتذرت لها و مها خافت بس م بينت للريم وبندت عنها ظهرت أدور خوانها >> ولا مرة زارت الامارات من عقب م انتقلو لفرنسا

تمت تمشي بين الناس وهي خيفانة غمضت عيونها بخوف فجأة حست ب شي ثجيل جدامها بطلت عيونها وشافت جدامها شاب
مها بخوف: اا ااس اسفة
الريال شافها أنصدم م قال شي: حصل خير
مها رفعت راسها وشافتة توترت م عرفت شتسوي لفت ويها وسارت لحسن حظها شافت عزيز وسارت عنده
عزيز بخوف: مهاوي فيج شي
مها تمت تتنفس بسرعة: ماشي خ نسير يالله
احمد: مهاوي احين بنسير , شو فيج
مها: ماشي خ نسير
وصلوا صوب السيارة
احمد: عزوز انت سوق
عزيز: طيب
ركب عزيز جدام واحمد يلس ورا حذال مها
وتم يسألها شفيج , حد مسوي لج شي !؟ ستوا بج شي!؟ , م رضت مها ترمس خلها احمد براحتها وتم يهديها لين رقدت فحظنة
اما عزيز كلشوي يلف يشوف اختة خايف عليها
مرت ساعتين عليهم عقبها وصلوا بيت يدهم عبدالرحمن
كآيد وحمدان كانو واصلين من قبل
احمد شل مها بحضنة ودش فيها البيت لقى كلهم يالسين بصالة: السلام عليكم
كايد اول م شاف مها نش من مكانة
اليد عبدالرحمن: وأبوي عليك احمدوه منو هاي
بوعبدالله نش مكانة بخوف: شبلااهاا
احمد ابتسم: يدي هذي مهاية , استريح عمي م بلااها شي راقدة
كايد: بلااها
احمد: تعبت شوي
ام عبدالله: متأكد م بها شي
احمد: هيه يالله عن اذنكم يؤديها الحجرة
دش عزيز: السلام عليكم
الجميع: وعليكم السلام
سار عزيز وسلم اول ع يدة ويدتة عقب ع عمة وابوه وامة وحرمة عمة
واحمد شل مها وحطها بحجرتها ولحفها وتم يالس عندها

بصالة
ام حمدان: يلا فديتكم نشوو الغدا زاهب
اليد عبدالرحمن: مايد
مايد: امر يدي
اليد عبدالرحمن: سير ازقر احمد عسب يتغدا
مايد: إن شاء الله , سار يزقر احمد بس رفض ياكل بدون مها بيترياها تنش عقب بيتغدا معاها
نزل مايد وخبرهم عقب سارو كلهم يتغدون

‘

‘

‘

‘
علي: بسس بس
منصور: بلاك!؟
علي: مش ع اساس انا بكمل لها بعد ،. دوري
منصور ضحك: نسيت كمل كمل..

__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
نغمة ضمني ما بين قلبك والعيون mp3	محروم.كوم	منتدى أخبار المواقع والمنتديات العربية والأجنبية	0	01-09-2013 11:40 AM
رواية جديدة للدكتورة ناعمة الهاشمي 2012 تعالوا يا بنات رواية شما وهزاع احلى رواية	محروم.كوم	منتدى أخبار المواقع والمنتديات العربية والأجنبية	0	04-21-2012 05:50 PM
انشودة ضمني مابين قلبك والعيون	♕ وليد الجسمي ♕	اناشيد وصوتيات ومحاظرات ومقاطع دينيه وصوتيات ويوتويب اسلامي,	4	03-01-2012 09:55 PM
تحميل أروع نغمات الجوال 2011 رنة مابين قلبك والعيون بصيغة mp3 مميزه	محروم.كوم	منتدى أخبار المواقع والمنتديات العربية والأجنبية	0	09-09-2011 05:40 PM
ضمني مابين قلبك والعيون.....حياكم.....	الرهيب القطراوي	الشعر المنقول	16	12-14-2009 10:32 AM