عطل ددسن عليه مكينة 2rzتويوتا

محروم.كوم · #1 09-01-2016, 11:20 PM

السلام عليكم ورحمة الله وبركاته
انا عضو جديد من سلطنة عمان بلدكم الثاني
وقرأت مواضيع متنوعه في هذا الموقع ورغبت في مشاركتكم واتشرف بكم

بعد التحيه اود طرح مشكلتي مع الددسن
عندي ددسن وارد امريكي مديل 2002

عليه مكينة تويوتا 2rz انجكتر مركبه من 3 سنوات تقريبا
والسياره فوق الممتاز
ولاكن من مده شهرين بدأ فيها عطل وهو انها ترفع عداد الريس فوق 2 وتقطع على دعسه البنزين مثل الخنقه فلابد انك تدعس السايتر بسياسه حبه حبه لين يرتفع ومن ثم كمل دعسك بدون تقطيع والمكيف يفصل ومروحة المكينه تدور احيانا في اقوى سرعه مع ان السياره ليست حاره وحرارتها طبيعيه
هذي مجموعه اعراض تجيها مره وحده كلها وتروح مره وحده كلها يعني يرجع الريس طبيعي وكمبربسر المكيف يرجع يشتغل والامور كلها تمام وفجأه ترجع لها كل الاعراض دفعه واحده

فحصتها كمبيوتر ولم يضهر شي مع العلم ان لمبة التشك انجن ولعت مرتين في وقتها كانت السياره في اشد حالات التقطيع ولما افصل حساس tps يروح التقطيع ولاكن الاعراض الثانيه باقيه ولما ارجع اشبك الحساس يرجع التقطيع للعلم حساس tps فحصته بالافميتر وطلع صاحي ماهو خربان
الشي الذي تأكدت منه انه المشكله ليست في المكينه لاني فحصتها ولم اجد فيها مشكله ولاكن المشكله ان هناك اشاره تأتي لكمبيوتر السياره مفادها ان العزم ضعيف او المكينه حاره والكمبيوتر بدوره يفصل المكيف ويرفع الريس ويشغل المروحه لأقصى سرعه احيانا
الاشياء التي أشك بخرابها هي بريشر البانزين ضعيف او ان حساس حراره المكينه يرسل اشاره كاذبه للكمبيوتر

ملاحضه/لا اقصد حرارة ماء الرديتر لانه للحراره حساسين واحد للماء والثاني لحراره المكينه ويركب على جدار المكينه من تحت وغير موصل لعداد الحراره في الطبلون هذا ثابت في كل السيارات وحساس حرارة الماء هو الي موصل للعداد

ادري اني طولت عليكم ومنكم العذر
وهذي مشكلتي والعلم عند الله ثم عندكم __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
بخمسة ريالات حليت مشكلتي ( عطل في المكيف_ عطل في الطبلون_ عطل في كميرة الرجوع للخلف)	محروم.كوم	منتدى أخبار المواقع والمنتديات العربية والأجنبية	0	09-15-2015 11:00 PM
ددسن تعديل ددسن نظيف أرررررررحبووووو	محروم.كوم	منتدى أخبار المواقع والمنتديات العربية والأجنبية	0	12-26-2014 08:30 PM
عطل في ددسن 2005	محروم.كوم	منتدى أخبار المواقع والمنتديات العربية والأجنبية	0	11-22-2012 05:20 PM
مطلوب دعاميه لصدام خلفي ددسن 85 وخطوط وهوايات كبوت ددسن 82	محروم.كوم	منتدى أخبار المواقع والمنتديات العربية والأجنبية	0	12-04-2011 07:30 AM
ددسن 2010 صور ددسن 2010	محروم.كوم	منتدى أخبار المواقع والمنتديات العربية والأجنبية	0	08-31-2009 06:40 AM