عطل ددسن عليه مكينة 2rzتويوتا
 

السلام عليكم ورحمة الله وبركاته
انا عضو جديد من سلطنة عمان بلدكم الثاني
وقرأت مواضيع متنوعه في هذا الموقع ورغبت في مشاركتكم واتشرف بكم


بعد التحيه اود طرح مشكلتي مع الددسن
عندي ددسن وارد امريكي مديل 2002

عليه مكينة تويوتا 2rz انجكتر مركبه من 3 سنوات تقريبا
والسياره فوق الممتاز
ولاكن من مده شهرين بدأ فيها عطل وهو انها ترفع عداد الريس فوق 2 وتقطع على دعسه البنزين مثل الخنقه فلابد انك تدعس السايتر بسياسه حبه حبه لين يرتفع ومن ثم كمل دعسك بدون تقطيع والمكيف يفصل ومروحة المكينه تدور احيانا في اقوى سرعه مع ان السياره ليست حاره وحرارتها طبيعيه
هذي مجموعه اعراض تجيها مره وحده كلها وتروح مره وحده كلها يعني يرجع الريس طبيعي وكمبربسر المكيف يرجع يشتغل والامور كلها تمام وفجأه ترجع لها كل الاعراض دفعه واحده


فحصتها كمبيوتر ولم يضهر شي مع العلم ان لمبة التشك انجن ولعت مرتين في وقتها كانت السياره في اشد حالات التقطيع ولما افصل حساس tps يروح التقطيع ولاكن الاعراض الثانيه باقيه ولما ارجع اشبك الحساس يرجع التقطيع للعلم حساس tps فحصته بالافميتر وطلع صاحي ماهو خربان
الشي الذي تأكدت منه انه المشكله ليست في المكينه لاني فحصتها ولم اجد فيها مشكله ولاكن المشكله ان هناك اشاره تأتي لكمبيوتر السياره مفادها ان العزم ضعيف او المكينه حاره والكمبيوتر بدوره يفصل المكيف ويرفع الريس ويشغل المروحه لأقصى سرعه احيانا
الاشياء التي أشك بخرابها هي بريشر البانزين ضعيف او ان حساس حراره المكينه يرسل اشاره كاذبه للكمبيوتر
ملاحضه/لا اقصد حرارة ماء الرديتر لانه للحراره حساسين واحد للماء والثاني لحراره المكينه ويركب على جدار المكينه من تحت وغير موصل لعداد الحراره في الطبلون هذا ثابت في كل السيارات وحساس حرارة الماء هو الي موصل للعداد

ادري اني طولت عليكم ومنكم العذر
وهذي مشكلتي والعلم عند الله ثم عندكم