تسلموون عالمروور حبايبي.. وها البارتين تتسلون فيهم في الويكند

قطوة ملاك.. لووول تدرين فلم هندي لازم شوي اكشن خخخخخخخخخ ^.^


لجــــــــــزء الســــــــــادس ..

اعاهدك بالي خلق ماني مخليك ..لين قلبي النابض احسه مطفي ..اخذ الوعد مني بحبي اغطيك ..وعدي واذا قلته تراني موفي ..


احمد يضحك : اي شبلاااج ؟
قلت له وانا ميته من الفرحه : يااااااااي ... من زماااان في خاطري ارووحها ..
احمد ظمني من كتفي وقال : ان شالله وانتي معااي بترووحين كل الاماكن الي في خاطرج ..
استحيت منه وسكت ..ورحنا الطيـااره ..وقعدنا نسوولف ونضحك انا واحمد ولاا حسينـا بمرور الوقــــت ..
وصلنـا جزر المالديف ..ورحنـا الفله الي حاجزها احمد وكــــانت خبااااال ..
دخلت الفله ..صج كنت تعباانه بس الي يشووف هالمنظر وين يفكر بالتعب ..
دخلت الصاله وكـان الاثااث رااقي والالوان بيـن البني والبيـج والاورنج ..
وعلى يميـن الصاله فتحه صغيره تطل ع المطبـخ .. وعلى يسـااره غرف ..
مشيت صوب الغرف وكانت في غرفتيــــن ..دخلت الاولى كانت تبيـن انها الرئيسيه ســريــر فخـــم وكرااسي فخمـه كبيــره .. اكتفتيت لهذا الحد وفتحت الغرفه الثانيه كانت غرفه ملابس ..كلها كبتـــاات .. سمعت حس احمد من وراي
احمد : عجبج ؟
التفت عليه : غرااااااااااام ..
احمد : ههههههههه ..زين يلاا مو تعباانه ؟ يلاا خلنا نرتااح ..
هزيت راسي بالايجاابه ..
رحنا الغرفه بدلنـا وصلينا الظهر والعصر .. وعلى طوول رقدنــــــاا ..
قمت على حس احمد ..
احمد يصرخ : عووووووووووووووووووووووووووش .. يلاااااااا عاااااااااااد ..
التفت عليه وقلت : حمدووووووه خلني ارقــــــــد ..
احمد يجر عني الاحاااف : قووووومي ماااشفت وحده تمووت على الرقااد مثلج ..قوومي ..
ناحست ورجعت السرير ورقدت ..
حسيت بشي باارد على ويهي قمت متخرعه ..وانا اشوف يدي ويهي كله رغوه بيضـــاا ..
صرخت وقلت : احمـــــــــــــــــــــــــــــــــــــــــــــــ ـــــــــــــــــــــــد ..
ماسمعت غير ضحكته ..قمت معصبببببببه ..ورحت له : شنو هالسخاااافه ؟
احمد : ههههههههه ..وحد قال لج ماتقوومين .. قلت اجرب عليج كريم الحلاقه ..هههههههههههه
احتريت عليه وحلفت اردها له ..دخلت الحمام تسبحـــت وانا اشوف الدنيا بدت تظلم ..
طلعت من الحمام وانا لابسه بيجامتي .. رحت الصاله شفت احمد يشوف التلفزيووون .. رحت المطبخ خذت لي قالب ثلج وخشيته ورى ظهري ..وقعد احذى احمد ..
احمد وخر بعيد : هههه ..ِشنو عندج ؟
ابتسمت له وانا اخش القالب ورى المخده وقلت : ماعندي شي .. تعال ليش رايح بعيد ؟
قرب احمد صووبي وانا حطيت يدي ورى ظهره ..
احمد طالعني مستغرب ..
ابتسمت له ابتسامه خجل ..ونزلت راسي .. اما هو قرب مني ازيـد .. وحط راسه على صدري ..
انتهزت الفرصه وطلعت القالب بيدي الثانيه ورفعت تي شيرته بالخفيف وكتيت مكعبات الثلج كلهاااااا على ظهره ..
احمد قام بسرعه : آآآآآآآه ..آآآآآآآآه .. شنو هاذاا ..
وقام ينااقز يبي يطلع الثلج وانا ميــــته من الضحك ..
احمد : وانا اشوووووووف تملحســــــج غريــــــب .. اثاااااري نيـتج شيــنه ؟
ضحكت عليه وقلت : تستتتتتتتاااهل حد قال لك رش علي كريم الحلاقه ؟
احمد يطلع مكعباات الثلج ويحطهم ع الطاوله ويده كلهااا مااي ..
مسكت لي مكعب وحذفته على احمد ..وجات على يده ..
احمد : آآي .. شبلااااااج .؟
ضحكت عليه ..اما هو مسك وحده ثانيه وحذفها علي ..وجاتني على رااسي ..خذت ثلاث ومسكتهم وحذتهم عليه ..وهو خذ بعد وقمنـــا نتحااذف بالثلـج واحنا نضحك .. لين تجمدنــــــا من البـــــرد ..
جا احمد صووبي ولوى علي وهو يضحك : بــــرررررد الله يخسج ..
ضحكت وقلت : لاااااااااا ؟
احمد وهو يمشيني صوب الغرفه : يلاا يلاا خلنا نبدل ..ترااني يوووعاان واسمع عصاافير بطنج ..
ضحكت لاني صج صج يوووعاااانه ..وانا اصلا متى مايعت ..خخخخ
بدلنا وانا لبست بنطلون جينز وفستان فوشي لين الركب وعليه حركاات ..ولبست جاكيــت نـص جينز ..لبست شيلتي الفوشيه ولبست بوت ابيـض وخذت شنطتي وطلعت ..
شفت احمد قاعد في الصاله ولابس بنطلون رصـاصي وقميـص ابيـض والجاكيت حاذفه على كتفـــه ..وهو يلبس جوتيه ..
احمد رفع راسه : ها خلصـتي ؟
قلت له : اي ..
احمد قام ولوى على كتفي : شنو هالحلاااااااا ؟
استحيــت وحمـــــرت خدووودي ..
احمد باسني على خدي : امووووووت عليهم يوم يحمروون ..
ضحكت ونزلنــــا تحت وكااان الجو خباااااال ..
قعدنــا على احد المطااعم وشربنـا عصير وكان يطل ع البحر ..والجو كلـه شمووع وموسيقى هاديـه .. يعني جو رومنســــــي ..
وكـــان جو اليـــــــووم ولاا ارووووع ..
قععدنا نتمشى ع البحــــر ..
احمد : يحليلها شواقه كان في خاطرها تجي منيه ..
قلت له : جان جاات ويانا ..
طلعني بنص عيـن : لاااا .. انا وانتي جايني شهر عسل .. هي شيخصها ؟
ضحكت وانا مستحيه ..اما احمد مسك يدي وكملـــنا مشيـناا ع البحر ..
شفت بيت في وسط البحر سألت احمد : احمد ..
احمد : عيووووووووونه ..
حمرت خدودي وقلت : تسلم لي عيونه .. بس شوف هذا البيت .. " واشرت عليه "
احمد : شفيه ؟
قلت له : في ناس يسكنوون هنــااك ؟
احمد : هههه والله مادري .. بس اظن اي ..
قلت له : يمــــــه .. يخررع المكــــان وين يناامون فيه ..
احمد : ههههه ليش النــاس كلهم خواافين مثل القمر الي عندي ..
طالعته بنص عين : اونك ؟
احمد : ههههههههه ...
قلت له : احمد يووعاااانه ..
احمد : يخســـي اليووع .. يلاا يلاا ع المطعم ..

رحت بسرعه ويااه لاني صج ميته من اليوووع ..
رحنـا تعشيـنا في نفس المطعم الي شربنا فيه عصيـر ..
رجعنـا الفله رااح احمد الحمام يتسبح ..اما انـا بدلت ولبست قميص نوم اصفر تحت الركب .. فتحت شعري ورحت صوب البلكونـه ..
دمعت عيــوووني ...آآآه هالمنظـر يذكرني بالجزيـره الي رحتها ويا طلال شهر العسـل ..آآه ليش فتحت جروحي مره ثانيه .. انا نويت امحيها ويا احمـــــد .. بس الظااهر مابنسااهاا كلـش .. قعدت اصيـــح .. بس فاجأني احمد الي مسك يدي وقال :عوش شفيــــج ؟

ماقدرت امسك نفسي وارتميــــت في حضنه وقعت اصيح ..
احمد خاف : عوووش شفيج شصااير ؟
قلت له بصووت الصياح : تذكرت .." شهقت " تذكرت ..طلاال ..
حسيت بأحمد تضااااااايق بس سكت وطالعني : ليش تذكرررررتيه ؟
قلت له : احنا رحنا شهر العسل جزيـره.." وأشرت على المكان الي تطل منه بلكونتنا وقلت " وكان نفس المنظر الي نصبح ونمسي عليه انا وهو ..
احمد ضااااااااق وقام عني وراح بعيــد ..
لحقته بسرعه ماابي اهدم اي شي ..خلاااص جربت اعيش ارمله ..مابي اجرب اعيش مطلقه ..
احمد التفت علي بسرعه يوم لمست كتفه وكان مبين عليه ان معصـــــــــب والشراااار يتطااير من عيوونه وقال : تحبيـــــــــنه ؟
صرخت عليه قلت : لاااااااااااااااا .. اكرهــــــــــــــــــــه .. اكرهـــــــه ..
احمد : عيل ليـــــــش تصيـــــحين .. ليـــــــش ؟
قلت له وانا منهااره : كنت احبــــه ..كنـــــــــــــت .. هو تزوووج علي .. اوهمنـي انه ماااايجيـــب عياال .. واوهمني انه يشتغل لليل ونهاار علشان يجمع الفلووس ويروح يتعاالج .. " قعدت ع الارض منهااره ..غطيت ويهي بين يدي وكملت صياحي .. جاني احمد ولوى علي وقال بهدوء غريب : خلاص حبيبتي .. احنـا جاايين نســــتاانس .. نبي نبنـي حياه يديده .. مانبي نتذكر المااضي .. ماااااانبي اي شي من المـــااضي .. الماضي كان وانتهى .. خلاااص .. انســــي حبيبتي انســـــي ..
هزيت راسي بالايجاابه ..باسني احمد على راسي وقال وهو يطالعني من فوق لين تحت : طالعه حلووه ..
حمرت خدوودي وانا اقول : عيونك الحلووه ..
مــــــرت عليـــنا الايـــام حلووووه ..كانت من احلــــى ايــــاام حياااتي .. عوضنـي احمد عن كل شي .. وانا ماقصرت فيه ..عوضته عن طليقته ورجعت الروح فيه ..
رجعنــــا اليوم البلاد ورحنا على طوول بيـت احمد ..
دخلنـا الصاله ..كنا مسووين مفاجأه لهم ..
كانت شوق منسدحه ع الكرسي ومريم تبرد اظافرهاا .. ونور تتعبث في موبايلهااا .. وبواحمد يشوف التلفزيوون وهو على كرسيه المتحرك..
احمد وانا : الســـــــــــلااااااام عليـــــــــكم ..
شوق نقزت : حمدووووووووووووووووووووووووووووووووه !!!!
احمد : حمدوووه في عيـــــنج يالدبه ..
راحت له شوق تركض تلووي عليــــه ..
شوق : اشتقت لك والله اشتقت لك البيت بدوونك لووووووعه ..
اما انا خليتهم روحت سلمت على عمي بواحمد ..
بو احمد : الحمدالله على سلاامتكم يابنيـتي ..
قلت له : الله يسلمك عمي ..
سلمت على مريم سلااام حاار .. ورحت بسلم على نور .. مدت لي يدها بس ..كنت ببوسها .. بس هي ماقربت .. اكتفيت بسلام اليد .. بصراحه بصراحه مارتحت لها .. اووف عليها غرووور .. عااااد من زييييييينهااا ..
سفهت لها وسلمت على شووق الي هدت احمد علشان يسلم على ابوه ..
وبعد ماقعدنا ..
بواحمد : ان شالله استاانســــتوا ؟
احمد : فووووق ماااتتصـــــوور .. " وابتسم وطالعني .. انا رديت له الابتسامه
شوق : عاد صورتوا ؟
احمد : ماقصــــــرت الصحفيـــه عاشه .. ماخلت شي ماصورتـــه ..
شوق : فديييييتها .. تصوور لي ..
بواحمد : روحوا غرفتكم ارتااحوا ..
احمد : يالله عوش ..
قلت له : لاا خلنا نقعد ,.
بواحمد : روحوا ارتاحوا ياعيالي .. توكم راجعيـن من السفر ..تعب عليكم ..
استسلمت لأمر معنى كان في خاطري اقعد ويااهم اسوولف ..
رحنـا الطابق الثاني ودخلنـا الغرفه ..
رحت على طوول بدلت واتسبحــــت ..واول ماحطيت راسي ع المخده رقدت ..
قمت ويوم شفت الساعه تخرعت .. كانت الساعه 3 العصر .. اووف راقده صار لي ثلاث ساعات .صج ماستحي .. ولاا قومني احمد ..
رحت الحمام غسلت ويهي ولبست لي جلابيــه بنيـه وعليها نيرات منثره بشكل حلووه .. وشيله نفسهاا .. وحطيت لي مكياج بني خفيف وقلوس ..ونزلت تحت ..
شفت بواحمد وشوق ومريم وواحد بعد .. استحيت وركبت الدري على طول بس فاجأني صوت شوق
شوق : تعااااالي عووش ..هذا سعيد اخووي ..
كنت مستحيه اروح ..بس استسلمت للأمر ورحت لهم سلمت على سعيد ..
سعيد : شحالج عايشه .؟
قلت له : يسرك الحال .. شحالك انت ؟
سعيد : بخير وسهاله .. هاا عسى استانستوا ؟
قلت له : الحمدالله احمد ماقــصر ..
دخل علينا احمد : سمعت اسمــــــــي ؟
سعيد : اي حرمتك قااعده تسبك ..
شهقت وقلت بعفويه : كذاااااااب والله كذااااااااب ..
كلهم ضحكوا علي وانحررجــــت ونزلت راسي .. قعد احمد حذاي ولوى على كتفي .. دزيته بخفيف ورحت صوب بواحمد وقعدت يمه ..
احمد : حشى شسويت فيج ؟
قلت له : لا سلامتك ..
سعيد : هههههههه ...اوه حرمتك زعلت احمد .. روح روح راضهاا ..
كنت بضحك على كلام سعيد .. بس سكت ..
احمد : عوش زعلااااانه ؟
هزيت راسي بالنفـي .. قلت خلني احر سعيد نفس مافشلني مساعه ..
احمد : خخخخخ ..فشلـــــــتك ..
سعيد : والله شدراني كان شكلها زعلاااانه ..
قلت له : انا ماازعل من بوشهااب ..
احمد : فدييييييييييت ام شهاااااااب والله ..
حمرت خدودي ونزلت راسي
شوق : احم احم .. في صغااااار هنيــــــه ..
ضحكنا وقعدنا نسوولف ونضحك ..
بعدين انا رحت صوب احمد وهمست : ابي اروح بيت اهلي ..
احمد : زين بكره بوديج ..
قلت له : ابي ارووح اليوووم ..
قال لي احمد : هم في المزرعه ..
قلت له : ايييييييه .. ليش ماقالوا لي .؟
احمد : وين يقولون لج هم على بالهم انج مسافره .. ترى بس عمج الي يدري ..
قلت له : اهااا .. اوكي ..
اذن المغرب وقاموا سعيد واحمد علشان يصلون في المسيد ..
اما انا ومريم وشوق صلينا ونزلنـا تحت ..
مريم : هاا حلوه جزر المالديف ؟
قلت لها : غراااااااااااااام ..
مريم : عيل بقول لـ محمد يوديني شهر العسل هناك ..
شوق : خذ هاي .. كل ماسمعت عن بلاد حلوه قالت بقول لـ محمد يوديني شهر العسل...ارسي لج على بلاااااااد .
ضحكت وقلت : انتوا ملجتوا صح ؟
مريم : اي ..
قلت لها : ومتى الزواج ؟
مريم : بعد سبوعيـن ..
وشوي ودخل عليـنا احمد رفعت الشيله بسرعه على راسي ..لانه سعيد وياه ..
احمد : لا تخافين سعيد مو ياي ..
نزلت الشيله وقلت : ليش ؟
احمد : راااح .. بيبــــات في الشاليهات ..
مريم : يلاا عوش خلنا نروح المطبخ .. في خاطري اطبخ ..
احمد : انتي في خاطرج .. مرتي شله تروح ويااج ؟
اما انا فضحكت ..
شوق : لاااازم تتعلم من الشيفه مريم ...
مريم : شيفه في عيـــــــنج ..
شوق : عيل شيقولون ؟
مريم بغرور : الطبــــاخــــه مريـــــــم ..
شوق : لااا كلـش الي يشووفها يقول تطبخ لـــنا غوزي .. ألا باستـا وسلطات
مريم : على الاقل اطبخ .. مو مثل بعض النــااس قاعدين وياكلوون بس ..
لو كنت في بيتنا بقول النغزه لي .. بس اظن كانت تقصد شووق .. ابيـــه لو تقول تعالي طبخي ويااي .. انا شعرفني اطبــــخ .. اووف يالوووهقه .. الحين حسيت بنصاايح امي لي .. اوووف ..
مريم : قوومي قوومي عوش خلـــنا نطـــــبخ ..
استسلمت ورحت وراهاا ..قعدنا في المطبخ نسوولف ونشتغل .. هي تقول لي قطعي ذيه وانا اقطع .. تقول لي سوي ذيه وانا اسووي .. وبـس ..
تعشيــــناا بس احمد ماكان موجود ..قال لي بيروح يسلم على ربعه ..
عقب ماخلصـــنا عشااا ..
شوق راحت تنام لان وراهاا نادي الصبح .. تسوي ريااضه .. يحليلها تحافظ على جسمهاا ..اما مريم قعدت في اصاله تشوف التلفزيون .. انا تمللت ورحت الغرفه بدلت ملابسي ولبست لي بيجامـا حريـر ذهبيه ..ورفعت شعري .. قعد اتقلب ابي اناام مااقدر .. اووف يااربي ..
مسكت الجوال بطرش مسج لأحمد ..
لحظه ألا هو داخل ..
احمد : السلااام
قلت له : عمرك طووووويل توني بطرش لك مسج .,.
احمد ابتسم : ليش .؟ تبين شي ؟
قلت له : لاا بس تمللت برووحي .. تبي عشى ؟
احمد : اي والله ميـــــت من اليووع ..
قلت له : يخســـى اليووع ..
ضحك علي احمد ..لان هاذي كلمته يوم اقول له يوعانه ..
طلعت رحت المطبخ .. مالبست شيلتي لان مافي حد في البيت .. رحت اجهز العشـا
وصلـــت المطبخ ..وطلعت المعكرونه بالمبشميل من الثلاجه ..وحطيتها في الماكرويـف ..طلعت السلطه من الثلاجه وحطيت فيها ليمون وملح ..وقعدت اسوي له عصيـر ..
دخل علي وقال : شوق !
قلت له وانا اصب ماي في القلاص : احمد روح الغرفه بجيب لك العشا هناك ..
رد وقال : احمد !
قلت له بدون مالتفت : اووه ..احمد حبيبي رووح الغرفه ...والله اني جاايه ..
التفت علشان احط الثلج .. بس انصدمت بالشخـص الي كـان واقف وراي ..
....: من انتي ؟
كنت بصرخ بس الساني انربط ..طاح القلاص من يدي ..ورحت اركض انخش .. انخشيت ورى باب الثلاجه ..
حسيت به جاي صوبي ..قلت له : رووووح بعيــــد ..
قال لي : من انتـــــــي ؟
قلت له : انا حرمه احمــد .. انت مـــــــن ؟
قال : شنووووووو !! .. أ ..أأ ...آســـف .. انا راكان اخووه ....
عرفت ان راح من صوت خطواته ..
طلعت ولميت الزجاج المكسر ونشفت الارض وصبيت له عصير جاهز ,,وحطيته في الصنيـه ..وقبل لاا اطلع راقبت المكان ..ماشفت احد ..مشيت بسرعه بسرعه لدري ..وصلت الغرفه وانا اناافخ ..
احمد : شبلاااااج ؟
قلت له : انت ماقلت لي ان عندك اخو غير سعيد ..
قال لي : لان راكان مسافر .. ليش تسألين ؟
قلت له : شفت راكان في المطبخ وانخشيت ..
احمد : راكــــــــــــاااان !!
قلت له : اي ..
قام بسرعه : اكيد رجع من السفر ..
طلع من الغرفه ..واظن راح يسلم عليه ..
وبعد ربع ساعه رجع ..تعشى وخلص ..وبعدين نزل الصينيه تحت ورقدنــا ..
قمت على صوت التلفون ..كان علي ..اكيد عرف ان رجعنـا ..
رديت عليه وانا مزاجي متعكر لانه قطع علي رقادي ..
قلت له : شتبي يالنشبـه ..
علي : نشبه ولا نحرقه هاهاهااااي
قلت له : بلا خفة دم عااد ..
علي : عاد ولا ثمود هاهاهاهاااي
قلت له : لعنبوا داارك كل ماقلت لك كلمه جبت لي يااها معكوس ..
علي : مع كوس ولا مع طماط هاهاهاهاااي ..
قلت له : شــــــــت آآآآآب ..
علي : شت اب ولا شت ام ..هاهاهاهاي
قلت له : صااير ملـــــــغ علووي ..
علي : اصاير برتقال ولا اصاير منجو ..هاهاهااااي
قلت له : داري انك مقوومني من النوم .. يعني سندرتنــــــــي ..
علي : داري ولا غرفتي هاهاهاااي
قلت له : علوي انت شارب شي ؟
علي : شارب ولا لحيه هاهاهااااي ..
قلت له : تدري ان الساعه سبـــــع .. شمقووووومك حرام عليك ..
علي : سبع ولا اسـد ... هاهاهاهاااي ..
قلت له : اقوول عليــــووي بااااااااااي ..
علي : امج وابوج في مخبااااااااااااااااااي ..هاهاهاهااااي
وسكرت التلفون..حطيت راسي ابي ارقد .. اووووف .. طير النووده مني .. قمت تسبحت ولبست لي جلابيه سوده وعليها شك باللون الاورنج وشيله سووده وعليها بعد ع الاطراف شك بالاورنج ..حطيت لي كحل بطريقه حلووه وقلوس وطلعت ..
دخلت الصاله شفت الشبــاب بس موجوديـن استغربت
رحت بس بواحمد على راسه وقلت : صبــاح الخيــر ..
االشباب : صبـــااح النــــوور ..
قعدت احذى احمد ..شفته ابتسم لي رديت له الابتسامه وقلت له بهمس : تبي حليب ؟
احمد : شايفتني امص مصااصه ؟
ضربته على كتفه بالخفيف وقلت : يالذكي اقصد شاي حليب ..
احمد : ههههه .. اي ابي ..
صبيــت له في كوب .وصبيت حق عمي ...وبعدين صبيــت لي ..رفعت راسي شفت راكان يشوفني .. ابتسمت له وقلت : تبي حليب راكان ؟
راكان ابتسم : اي ماعليج امـر ..
صبيت له حليب وعطيته كوبـــه ..
سعيد : وانا ..ولد البطه السووده ؟
قلت له : ههههههههههههه .. ماقلت ..
سعيد : يعني الحيـــن حمدوه وركون قالوا ؟
قلت له : لاا ماقالوا بس كلن شكلهم يبوون ..
سعيد : لاااااا ..وانا شكلي ماابي ..
ضحكت وقلت : زين بصب لك ..لاا تااكلــــني ..
سعيد : لااا الحمدالله انا نبـاااتي .. ماكل لحووم ..وع وع .." وسوى طريقه ان جبده لايعه ..كلـــنا ضحكنـا عليه ..
جدمت لـ عمي واحمد الريوق .. وحطيت البلاليط في الصحون وجدمتهم لـ راكان وسعيد ..
بس فاجأنا راكان بسؤاله لي : عايشه انتي من اي قبيله ..؟
استغربت وقلت له : من قبيله الـ .... ليش ؟
راكان : لاا بس والله عرفوا اهلج يربوونج بنت اصوول .. انا طول عمري يوم اقعد الصبح ولاا عمرهم شوق او مريم اونور صبـوا لي او لـخواني او لأبوي بالاخص شـاي ..او حطوا لهم الريوق في صحـــنهم ..
تدرون بصراحه احرجني كلام راكان ..ويهي استوى احمـــر ..ويييييه اول مره حد يقول لي اني سنعه .. يااي ونااسه .. فديــــــتج يمه ربيـــتي حرمه سنعه خخخخ
ابتسمت وصديت على احمد .. كانت ابتسامه فخر مرسومه على ويهه ..
بواحمد : بنت جـاسم فيها الخيـر .. بنت رجاجيـل ..عرفوا اهلها يربوونها ..
ابتسمت خجلانه من كلامه وقلت : مشكــوور عمـي ..
وقف احمد ووقفت وياه ..
راح صوب الباب ولحقته
احمد : انا رايح الدوام ..تامريني بشي حبيبتي ؟
قلت له : قطعت اجازتك ؟
احمد : اي ..لانه الشركه مالها حد .. تامريني ببشي ..؟
قلت له : سلاامتك حبيبي ..
احمد صرخ : شنـــــووو ؟
التفت بسرعه عليهم وابتسمت ورديت اشوف احمد وانا اقول له بصوت واطي : اوووووووش ..
احمد مسك يدي وشوي بعدني عنهم : شنو شنو قلـــــتي ..؟
انحرجت وسكت ..لانه الكلمه طلعت عفوويه .. اووف يااربي ..
احمد : قوووولي بليــــــــــز ..
ناظرته بخجل وقلت : امممم ..حـ ..
بس قطع علينا صوت سعيد : شتسوون ؟
احمد طالعه بنظره : وقـــــــتك غلــــــــط ..
ضحكت عليه ..
سعيد : ليش شكنتوا تسوون ؟
احمد : ريال وحرمته .. انت شلك خــــــص ؟
سعيد رفع يده مستسلم اونه : مالي شغل ..طالعنه احنا الاثنين وقال " بس ماردي بس سمعت طراطيـــش ..خخخخخخ
وطلع يركض برع لانه احمد ركض ورااه .. ضحكت عليــهم .. يااي والله ان حياااتهم حلووه ... حمدت ربي ان الله جمعني بعايله جي .. دخلت داخل وشفت راكان توه بيقوم ..
سألته : وين عمي ؟
راكان يقرب صوبي : ممرضته ودته غرفته ..
ماستغربت لانه احمد قال لي في شهر العسل ان ابوه عنده مرضه تهتم فيه وتداري شغله ..
قلت له وانا اروح اجمع الصحون : اهاا ..
جمعت الصحون علشان اوديهم المطبخ .. ويم التفت وراي شفته واقف يطالعني .. ارتبكت ..وسألته : راكان تبي شي ..
همس بكلمات ماسمعتهم سألته : شنو ؟
راكان : ولا شي .. بس ماقول غير يااحظ احمد فيـــــج ..

الجــــــــزء الســــــــــــابع..

ألا ياطفل لا تكبر ..كذا اجمل كذا اطهر ..كذا لا دين يتراكم ..كذا لا ظغط ولا سكــر ..
ترى اكبر كذبه عشنــــااهاا ... يالله متى نكبـــــــر ..

مادري ليش خفـــت من نظرته لي ...ووخرت عنه بسرعه ورحت المطبخ احط الصحــوون ..والخدامات شافوني وقاموا ياخذون عني الاغراض ..
طلعت من المطبخ شفت راكان توه طالع من البيــــت ..
قعدت في اصاله ..البيت فااضي .. قلت يلا خلني اروح اشوف عمي يكمن يبي شي ..
رحت الغرفه سمعت يهااااوش .. دخلت عليه الغرفه ألا اسمعه يقول ..
بواحمد : انا قاايل لج شوي شوووي عـــوورتيــني ..
جيت له وقلت : خير ياعمـي شفيك ؟
بواحمد : كل يوم اقول لها ..ابره السكر ماتظربها لي بقووه .. تعور يدي يابنيـتي ..وانا مافيني حيـــل ..
شفت عمي .. اي والله صااج .. عمي كلــش ماافيه حيــل .. وااااايد ضعيـــــــف ..
قلت حق الممرضه : لوسمحتي عطيني الابره انا بعطيها اياه ..
الممرضه : لاءه ياحبيبتي ..مايصحش ...دنتي ما بتعرفيش ..
قلت لها : لاا عيووني ..انا اعرف لان انا كنت دووم اعطي يدتي الله يرحمها ..
بواحمد : عطيها الابره لا باركتــــن فيج ..
الممرضه : بيأول ايه ..
قلت لها وانا اضحك : يقول عطيني الابره الله يرضى عليج ..
الممرضه : اوكي حااظر ..
وعطتني الابره ومسكت يد عمي وعطيته ايااهااا ..
بواحمد : اي هااذي النعومه ..
ضحكت عليه وقلت للممرضه : شوفي الابره انا بعطيها ايااه ..
بواحمد : لاا يابنيتي مابي اتعبـج ..
قلت له : لاا لاا ياعمي لاا تقول هالكلااام .. انا مثل بنتك .. وان شالله انا الي بهتم فيـك ..والممرضه بتجيك يوم واحد في الاسبووع تشيك عليك
بواحمد : والله مابي اكلف عليج ..
قلت له : عمي انت تعتبرني مثل بنتك ؟
بواحمد : اي اكيــد .. انا اعدج مثل مريم ونور وشوق ..
قلت له : عيل لاا تقول كلافه ولا شي .. انا بنتك وواجب علي اقوم برعايتك ..
بواحمد : هييييييه .. عيالي ماقاموا فيـــني وجابوا لي دختوره عشان تقوم فيني وتشووف صحـتي .. وبنت النــااس تقووم بواجبهم ..
قلت له ارقع عنهم : لا ياعمي عيالك فيهم الخير والبركه .. بس الشغل والدراسه ماليين حيااتهم .. والدليل انهم مهتميـن فيك جايبين لك ممرضه ترعااك .. بس ولا يهمك من اليوم وراايح انا الي برعاك ..
والتفت على الممرض وقلت لها : شووفي انتي من اليووم يكـون شغلج خلـص ..وابيج بس تجيـن يوم واحد الي هو يوم الاحد ..تشيكيـن على بواحمد ..
الممرضه : حاظر ..
وقعدت الممرضه تقول لي عن كل شي وشنو الي لازم اسوي له ومتى اعطيه حبووبه ..وشنو نوع الاحبووب ..يعني كـــــل شي
ودخلت علينا مريم .
مريم : شتسوون ؟
قلت لها : هلا مريم .
مريم : اهليـــــن .. ها شتسووين ؟
قلت : والله اعطي عمي الابره ..
مريم : اهااا .. اقوول عوش ..
قلت : قولي ..
مريم : تقدرين تجين ويااي السوق ..
قلت لها : ليــــش ؟
مريم : اجهز حق عرسي .. كل يوم اطلع بروحي ولا ويا بنت عمي ..
قلت : اي عادي .. بس بشوف احمد ..
مريم : لا عادي مابيقول شي ..
قلت : لا بعد لازم استأذن ..
مريم : ياااا عاادي
بواحمد : مريوم وويعه .. اشووله تخربيـــن الحرمه .. تقول لج بتستأذن من ريلها تقولين لااااا .. صج ماعندج سنــع ..
ضحكت وقلت : عمي هي على تقول عادي لاني بطلع وياهاا ..
مريم : اي يبه عادي ..
بواحمد : اقول عايشه بنيــتي .. روحي اتصلي في ريلج وستأذني منه .. ماعليج منها ..تراهاا خراابه بيووت ..
ضحكت وقلت : عن اذنكم ..
رحت فوق ويوم وصلت عند باب غرفتي شفت باب غرفه ثانيه يتفتح ..
شفت راكان طالع .. بسرعه دخلت غرفتي وسكرت الباب ..
مادري ليش سويت جي .. بس طلعت جوالي واتصلت على حبيـــبي احمد
رد احمد : هــــــلاا بالي وحشـــــتني مووووت ..
ضحكت وقلت : اهليــــــن ..
احمد : شتقتي لي ؟
قلت : امممممم .. لاا
احمد : بــــــل .. ليــــــــش ..؟
قلت له : توك راايح ..
احمد : انا من التفت عن ويهج اشتااق لج ..
ضحكت عليه وقلت : زين زين .. حمااده انا ابي ارووح مع مريم السوق ..
احمد : ليش ؟
قلت : مادري هي قالت لي علشان تخلص جهازهااا .. مسكينه محد يطلع ويااهااا ..
احمد : امممم ..افكــــــر ..
قلت له : حماااااااااااااااااااده عاااااااد ..
احمد : هههههههه ..اول عطيـني بوستيـــن ..
قلت : لااااااااا ؟
احمد : هههه اي ..الحين ابي وحده ويوم برجع ابي وحده ..
قلت : تحلــــــــــــــم ..
احمد : ههههههه يــــــــه ..
قلت : احمد يلا مريوم تنطرني ..
احمد : تحلميـــــــن ..
قلت : بتذلني ؟
احمد : والله انتي ذالتني على هالبووستيـن .. حشى مادري من بتبووسنـي باريس هيلتون ..
صرخت عليه وقلت : تخســـــــــــــــــي ألا هـــــي .. تقاارني انا بهاااااااذي خريجه السجـــــــووووووون بنت الانجليــــــــــز . ؟
احمد : خريجه سجون وبنت انجليز ..بس حلوووووووووووووه ..
صرخت عليه لان طول شهر العسل وهو يمدح فيها وانا انقهر منه وهو مستانس : حلوووووووووه في عيـــــنك.. اقول باي ..
احمد : هههههههههه لااااا عوووووش .. حبيبتي ..
قلت : لاا الحين صرت حبيبتك ؟
احمد : فدييييييتج والله .. " وقال بنبره كهربتني " والله اني اموت عليـــــج ..
احمرت خدووودي وقلت له : انا الي اموت عليك ..
احمد صرخ وحسيت ان الشركه سمعته : واللــــــــــــــــــه !!!!!
قلت : احمد زين ابي ارووووح ..
احمد : اوكي .. بس البوسه قبل ..
قلت : امووووح ..يلا ارووح ؟
احمد : امووووووووووووح .. يلاا فديــــتج .. وهالله هالله في رووحج ..
قلت : ان شالله .. مع السلامه ..
احمد : مع السلامه ..
سكرت من احمد وطلعت لي تنــوره بيـــج .. وبدي اسود ولبست عبايتي وشيلتي خذت شنطتي ونزلت تحت ..شفت مريم قاعده بعبايتها وراكان يشوف التلفزيون ..
مريم : رضى ؟ ؟
قلت : اي .. يلاا ..
وقفت مريم تلبس شيلتها ..
راكان : وين ؟
مريم : بنروح السوق ..
راكان : من بيوديكم ؟
مريم : من غير الدريول ..
راكان : عاشه بتروحين وياها ..
قلت : اي ..
راكان : خلاص انا بوديكم...
استغربت منه .. بس تجاهلت كلامه ونظرته لي الي تخوفني وتربكني ..وطلعنا برع وركبنـا السياره ..
وشغل السياره ومشينـا .. وشغل اغنيه " عبادي الجوهر /يازينه ذكريني "
عاد انا شقيت الحلج قعد اغني وياه بس بهمس يعني مايسمعوون ..
مريم : خخخخخخخخخ الاخت مشتطه مع الاغنيه ..
التفت عليها مستغربه ومادري ليش رفعت عيني شفت راكان يشوفني ..نظرااته خوفتــني وبسرعه شفت مريم وابتسمت لها وسكت ..
قعدت مكاني مرتبكه .. اووف ياربي هذا شفيه يطاالعني جي ؟ والله ان نظراته تخوفنـي ..وشوي وألا مريم تقول لي
: يلاا عوش وصلنـا ..
انتبهت لنفسي ونزلت ودخلــنا المركز وقعدنا نتشرى حق مريم ..وحملنا شكثر اكيااااس ..
راكان : خلصتوا ؟
مريم : اي خلصنـا .. بس بليــز ابي اكل شي ..تراني على لحم بطني من الصبح ..
قلت انا وياها بعفويتي الي تطيحني داايم في مصايب : اي والله بعد انا ميته من اليوووع ..
راكان : اسم الله عليج ..
طالعته مستغربه .. بس الي قطع علي صوت التلفون .. التفت اشوف تلفون من الي يرن ..
مريم : ههههه عوش تلفوونج ..
قلت : اووووووه نسيــــت ..
حطيت الاكياس ع الارض وطلعت تلفوني من الشنطه ..
رديت : هلا حبيبي ..
احمد : آآآآآآآه .. والله لا اشخطه عندج الحين .. شوي شوي ..

قلت : ههههههه .. انت في البيت ؟
احمد : لا في الدواااااام .. وانتي مارجعتي ؟
قلت وانا اشوف نظرات راكان تااكلـني : لا الحين بنرجع .. يعني ساعه ألا ربع ..
احمد : اي لاتطووليـــــن ..
قلت : من عيــــووني ..
احمد : تسلــم لي عيوونج .. واييه ..لاا تنسيـــن البووسه ..تراني انطرهاا في البيـــــــت ..
حمرت خدوودي ولاحظت راكان ماشل عينه من علي : آآآيــــه احمد ..
احمد : عيووووووونه ورووحه وقلبــــه ..
قلت : زين بسك يوم برجع البيت ...
احمد : آآآآه .. زين خلاص
قلت : باي حبيبي
احمد : باااااااااااااي ملاكي ..
سكرت وحطيت الجوال في الشنطه وفجأني راكان بـ سؤاله ؟
راكان : هاذا احمد ؟
مريم : خخخخ اصمخ تشوفها تقول له احمد ..ومن مسااعه وجهها موولع ..عووش امااااااانه شنو كان يقوووول ؟؟
انا احتـــــرق ويهـــــي ..وراكااان قال : مريوووووم انطمي ويلااا خلنا نروح الكوفي الي هنااك ..لا ارجعكم البيت..
استغرب من تقلب مزاج راكان ..ورحنا وراه الكوفي .. طلبت عصير فراوله وشوكليت كيك ..طبعا هذا تحليه ..انا برجع البيت بهوس ع الغدا ..
مريم وقفت
راكان : وين آنسه مريم ؟
مريم : ههههههه ..بروح الحماااااام ..
راكان يشرب قهوته وقال بدون اهتمام : روحي ..
اما انا شربت عصيري وانا ساااكتــه ..
مسكت الشوكه باكل الكيك .. حطيت قطعه في حلجي .. ورفعت راسي شفت راكان يشووفنـي .. ماتصدقووني اذا قلت لكم ..اللقمه شارت في بلعوومـي .. ماقدرت ابلعها وقعدت اكح واكح
راكان تتدارك الوضع وجاب لي ماااي بسرعه ومسك يدي وقام يشربني ماي وانا اكح ..
شربت ماي ولاحظت انه ماسك يدي هديت يده بقوه ..
لاحظت نظره راكان ..كان مستغرب ..
راكان : شفيج جي قصيتي ؟
قلت : ماعجبتني الكيكه ..
بالعكــس كانت تهبــــل .. كيكه شوكليت وين ماتعجبــني .. شربت عصيري وانا اهز ريولي بملل .. صدمني راكان يوم قال
راكان : تدرين انج حلوه ؟
تجمدت مكاني ..وطاح القلاص الي في يدي ..والتفت عليه وشهقت ..
راكان اشر للقرسوون ..وجا يمسح الارض ويجمع الزجاج .. وانا مفتشلـــــه لانه الي في الكوفي يطاالعووني ..
راكان : ياليـــتني خذتج بدال احمد ..
عصبت عليه وقلت : ليش انا سلعه للبيع .. وياخو زوجي " قلتها بالعماله علشان ماينسى نفسه " احترم زوجته لانـ ,,,
قطع علي كلامي مريم الي كانت جايه .. سكت ومسكت شنطتي ووقفت ..
مريم : وين رايحين ..؟
قلت : اي .. واذا انتوا مو رايحين باخذ لي تاكسي وبرووح ..
راكان وقف : يلا ع السياره ..
خذنا الاغراااض وركبنا السياره وحلفت مااروح ويا مريم مره ثانيه ..
وصلنـــا البيت وانا ضااايقه وابي اطلع من سيارته بسرعه .. خذت الاغراض بسرعه ونزلت من السياره وحطيت الاغراض في غرفه مريم وطيرااان غرفــــتي ..
دخلت حذفت عبايتي وشيلتي وانا متضاايقه من اسلووب راكان لي حذفت روحي ع السرير ومسكت بطي ..آآآآآه يوووعااااانه .. شوي ودخل علي احمد ..
احمد : الحلوووووو موجوووود ..
نسيت كل شي من شفتـه ..آآه تلوومووني يوم احبــه ..آآه عليه عذاااب ..
احمد قرب صوبي : شفيـج .. ؟
ضحكت تذكرت شهر العسل يوم يسألني شفيج واقول له يوعانه قلت : يوعااااانه ..
احمد : هههههه يخسى اليووع .. يلا يلا خلنا نبدل علشان نلحق ع الغدا ..
قلت : تغدوا عنــــــــي ؟
احمد : اي دخلت عليهم شفتهم يحطون الاكل..
بدلت بسرعه جنوونيــه مادري شلوون جاتني هاالسرعه .. بس الجووع ومايفعل ... نزلت قبل احمد وطيراااااااان غرفه الطعاام .. قعدت ع الكرسي الي احذى احمد .. بس احمد لين الحين ماجاا ..
قعدت وعلى طوول سميت وهوست ع الاكل ..ولااا مجبووس دياااي ..يمي يمي .. شوي ودخل احمد ..
احمد : قلت لج انطريــــني ..شخطــتي ..صج يووووعااانه ..
ضحكوا كلهم ..
وانا انحررررجت وقلت : يـــــه يوعاااانه ..
بواحمد : عليج بالعاافيه يابنيــتي .. اكلي اكلـي ..حلاتها البنت مربربه ..
استحيت وطالعت احمد الي ابتسم كأنه يأيد راي ابوه ..
انا ابي اعرف على كثر الاكل الي آكله ماأمتـــــن ؟
كلهم خلصوا اكلهم ..وانا قمت اشيل الصحون ..
احمد : خليه عنج الخدامات بيشلوونه ..
قلت : يعني الحين شفاايدتي بقعد بحط ريل على ريل ..
احمد : اي ابيج ترتااحيــن .. مابيـــج تتعبيـن رووحج ..انتي ملاكي ..
قلت له بحب : فديـــتك والله .. وانت حبيبي وحياتي كلهاااا ..
احمد : يااااااااويــــــل حــــــااالي ..شكلي بموووت اليــــوووم ..
قلت : اسم الله عليـك ياعيووني ..
احمد : يلا فوووووق ..مااافينـي صـــبر ..
قلت : هههههههههه ... احمد ..
احمد : آآآآآمـــــريني ملااااااكي ..
وخرب عليــنا سعيد ..
سعيد : شتقوول لها انت ؟؟
احمد : اووووووووووه وقتك غلــــــــــط ..
سعيد : ههههههههه ..والله ادري .. بس مادري ليش في هالحزه اظهر ..
احمد : زين اقلــــب ويهك ..
سعيد : ليش اقلب ويهي .. انت الي مكانك غلط .. عيب عليك مو في غرفه الطعاام ..فوق فووق .." وكان يقول بكل براءه العااااااالم ..وانا ويهي ولع وخليتهم برووحهم .. ورحت بسرعه غرفه بواحمد وخذت حبوووبه وجبت وياي كاسة مـاي وعطيـته حبووبــه ..
بواحمد يعطيني القلاص: الحمدالله ..الله يبارك فيج يابنيـتي ..ويرزقج بالذريه الصالحه الي تنـور البيت ..
انحرررجت وخصوصا ان سعيد وراكان موجوديــــن ..
وحسيت احمد يقول من قلبه هالكلمه : آآآآآآآآآآآآآآميـــــــــــــــن ..
حمرت خدودي وقعدت صوب احمد ..
سألت مريم : وين شوق ؟
مريم : طلعت من النادي وراحت ويا بنت عمي بيتهم ..
قلت : اهاا .
نور : عاشه وين منى ليش هي ماعطت ابوي الحبوب ؟
قلت : انا خليتها ترووح ..وقلت لها كل احد تجي علشان تشيك على عمي ..
نور : وليش ان شالله ..من بيهتم فيه بعدين ؟
قلت : انا ماعندي شغل .. وعمي مثل حسبه ابوي ..بهتم فيه وبعطيه حبوبه وابرة السكر ..
نور : ومن سمــح لج عيووني ؟ ولا على بالج انج دخلتي البيت بتقعدين تتحكميـــــــن فيه ؟
احمد صرخ عليها :نووووووووووور ..احتـــــرمي نفســـج ..
نور عصبت : احترم من ؟ احتــــرم هااذي " اشرت علي بطرف صبعها " ومن تكوون يعني علشان احترمهاا .. اليوم صرفت الممرضه ..وبكره بتذبح ابوي ..والي بعده بتستولي علينـــا وعلى حلاااالنـــااا ..
احمد كان بيتكلم بس انا قاطعته وقلت : مو مهم تحترميـــني يانور .. لانج ماتهميــني .. وانا صرفت الممرضه عشان انا اهتم بعمي ..مو وحده غريبه تدااريه وتهتم في صحته ..ولو انج مهتمه في ابوج لهدرجه جان قمـــتي انتي برعاايته ورعايه صحــته .. " والتفت عليهم كلهم ..وبعدين طالعت احمد " وانا آسفه اني روغت منى ..واذا تبـونها ..رجعوهااا .. " وركبت الدري بهدوء وثقه مادري من وين جاتني .. بس الي وقفني صوت صفعه التفت بسرعه ..
شفت احمدواقف جدام نور ..ونور حاطه يدها على خدهااا ..
احمد يصرخ : والله ثم والله ان طاااااااح لساانج في لســـاان عاشه مو احسن لج .. وان اشتكت لي منج ..والله يكووون آخر يوم لج ..
سعيد : اهدى ياااحمد ..
احمد يصرخ : شفتهاااااا شقااعده تقوووول ؟
راكان يعلي صووته : زيـــــــن بس خلااااص مااايسوى
ماقدرت اسمع البااقي ..رحت ركض غرفتي وانا اصيـــــح .. اووف انا سبب المشااكـــل .. سببت مشكله بينهم .. كله مني ..مسوويه روحي الطيبه والي بترااعي ابوهم ..
مالت عليهم انا الغلطاانه الي سويت جي .. الوااحد مايدااري مايسووي خير فيهم ..
حذفت روحي ع السرير وانا اصيــــح .. دخل علي احمد الغرفه وبسرعه عدلت نفسي ومسحت دموعي ..
احمد قرب مني : ملاكي انا آســف ..
قلت بسرعه : ليش تتأسف ؟
احمد : على الي سوته نـو ..
قاطعته : خلاااص خلاااص انا اصلا غلطاانه .. المفرووض مااسووي شي بدوون ماقول لكم ..
احمد : ومن قال انج غلطاااااااانه ؟. الي سوويتيه المفرووض بنااااته يسوون له ..بس ولا وحده فيهاا خير منهم
قلت بسرعه : لااااا لاا تقول جي ..خوااتك فيهم الخير .. بس مشغولااات بدرااستهم .. لاا تظلمهم ..
احمد : والله انتي المظلوومه ..
بققت عيــوني اطاالعه ..
احمد مسك يدي وقربني منه وقال بهمس : لا طالعيني جي
قلت له بنفس النبره : ليش ؟
احمد : نظرتج تذووبــــني ..
ابتسمت له وعيــوني امتلت دمووع ..وشوي شوي قامت دموعي تنزل مثل السيــل ..
احمد حظن ويهي بيده : ليش الدمووع ؟
قلت : طوول عمري كنت اتمنى اعيش ويا واحد يحبـني .. بس ماتوقعت ان حلمي وآمالي بتتحقق ..
احمد حظني وقعد يمسح على شعري وانا اصيح : عوش انتي ملاكي .. تدريـــــن من صار لأمي وابوي الحاادث وامي توفت فيه ..وابوي صار عااجز ..مااذقت طعم الفرح ألا على يدج ..حتى زوااجي من خوله مافرحت فيه ..كان الكتاب باين من عنواانه ..كانت تبين انها قشره وماتتعااشر .. لكن انتي ياااعووش الي رجعتيـــني للحيـــاه انتي ذوقتيــني طعم الفرح من جديد ..عوش انتي شمعه حيـــــاتي ... لولاج يااعوش جان انا انســــاان ضاايع ..
بعدت عن احمد ابي اشووفه .. ابي اشوف حبيب رووحي .. شفت الدموع المتعلقه في عيــونه
قلت له وانا دموعي على خدي : انا امي داعية لي في ليله القدر ان الله يرزقنـي بالي يسعدني ..
حضنته وانا في خـــااطري مااابتعد عنه ..
بعدين وخرت عنه بسرعه : احمد ..
احمد : عيووووونه ..
ابتسمت وقلت : تسلم لي عيونك ..انت قايل لعلي ان احنا جينا ؟
احمد : اهلج كلهم يدروون ..
قلت : عيل يلااااا خلــنا نرووح ..
احمد : يابنيـــه وين نرووح في عز الظهر ..خلنا نقيل نرتااح ..بعدين العصر ولا المغرب بنروح ..
قلت : لااااااا ابي ارووووح لهم الحيــــن ..
احمد تنهد : تعباااااان ياعووش .. ابي ارتاااح ..
صج حسيت بروحي مصختها مسكين راجع من الشغل قلت : خلاص حبيبي العصر يوم بتقوم ودني ..
احمد حذف روحه ع السرير : انتي مو راقده ؟
قلت : ههههههه وانا اقدر اضيع القيلوله ؟
احمد : ههههههههههههه ..زين انخمدي ..
قلت : بتصل على علي ..وبعدين بجيك ..
احمد غمض عيونه ..مادري عنه رقد ولاا ..
رحت صوب شنطتي باخذ جوالي ..قعدت ادور شنطتي عفست الغرفه ..يااربي وينهااا .. اي يمكن خليتها ويا الاغراض في غرفه مريم ..
نزلت تحت وحطيت شيلتي على راسي ..دخلت الصاله ماكان فيها حد ..
طقيت الباب على مريم ..
مريم : ادخلوا ..
دخلت وقلت : انا وحده مو جيش ..
مريم : هههههه ..ادري ..
قلت : ماشفتي شنطتي ويا اغراضج ؟
مريم تدور وتتلفت : لااا ..اغرااضي كلهم رتبتهم ..
قلت : مادري وينهي عفست غرفتي فوق تحت ..مالقيتهااا ..
مريم :يمكن في سياره راكان ..
قلت : يمكن .. يلاا بروح اشوفها ..برب
مريم : ههههه تيت ..
طلعت برع الحوش وشفت سياره راكان مصفوطه في الباركات الي في الفله ..
دعيت ربي في قلبي ان تكون السياره مفتوحه .. مسكت قبضه الباب وانا مغمضه عيوني وادعي ..حركت القبضه وانفتح الباب ..كنت بصرخ من الونااسه مادري ليش ..يمكن علشان ماشوف راكان واقول له اني ابي شنطتي من سيارتك ..
دخلت السياره وشفت شنطتي تحت السيت محذوفه ..خذتها وعلى طول رن جوالي ..طلعت الجوال وشفت نور بيتنـا ..
رديت بسرعه : هــــــــــلاا بالي لوووع جبدي من صباح ربي ..
علي : هههههههههههههههههههههههههههههه .. شلوونج يالعرووس ؟
قلت : يسرك الحال ..وشلونك انت وشلون امي وابوي وخواتي وبطي وعبدالعزيز ؟
علي : حشــــــــى ..تعالي البيت زين ..
قلت : باجي اليوم ان شالله .. بس العصر او المغرب ..
علي : اهااا ..تدرين اشتقت لج ..
قلت : واااااااااي فديــــــــت رووووحك وفديـــــت قلبك .. انا الي اشتقت لك موووت .. والله ..
علي : هههههههه حشى مايسوى علي قلت اشتقت لج ..
قلت : مالت عليك اصلا مو منك مني انا الي اعبر لك عن مشاعري ..
علي : ههههههههههه عبري يانظر عيــــني عبــري .. شعليج مااخذه احمد ..مدرس في الرومانسيه والغرااااااام ..
انحرجت وتلوون ويهي وقلت : علــــــــــــــــــــي ..
علي : ههههههههههههههههههه انحرجــــــتي ؟
قلت : مايخصك ويلاا اقلب ويهك ابي ارقد ..
علي : هههههههه اي مااتفووتين لا الرقااد ولا الاكل ..
قلت : ههههههه بوطبيع مايوز عن طبعه ..

علي : زين عيل يلاا بايو ..
قلت : بايو حبيبي ..
سكرت التلفون ويوم طلعت امن السياره انصدمت براكان واقف والشرااار يتطااير من عيــونـــــه ..
راكان : من هذا ؟


هااا شووو رايكم بالاكشن للحين ؟؟
وشوو توقعاتكم ؟؟؟؟؟ لا تحرمووني ردوووووودكم الحلوة يا حلويين ..