الجــــــــــــزء الثالث عشـــــــــــر ...,

أذَّا كَـانَّـتْ الـحَـياةُ تُـقَـاس بِـالـسـعَـادة ..فـ إِكـتُـبـوا عَـلى قَبري مَّاتَ قَـبـلَ أنْ يُـولد ...,,

ركبت الدري ركـض ..آآآآه يااااااعذااااابي ..ليش يسون جي فيني ؟ انا بنتهم ..انا من لحمهم ودمهم .. رحت الحماام واتسبح وفرغت بركاان دمووعي تحت المااي ..عقب ماخلصت لبست لي بيجاما سودا وبيضا ولفيت روحي بجلال الصلاه وفرشت السجاده وصليت المغرب لان وانا في الحمام سمعته يأذن ..
رفعت يدي ادعي ودموعي على خدي .." اللهم ياذا الجلال والاكرام ياحي ياقيوم ندعوك بأسمك الاعظم الذي اذا دعيت به اجبت ..ان تبسط علي من بركاتك ورحمتك ..اللهم البسني العافيه حتى تهنأني بالمعيشه ..واختم لي بالمغفره حتى لا تضرني الذنوب ..اللهم لا تجعل ذنبأ ألا غفرته ولا هماً الا فرجته ..اللهم اجعل اوقاتي مغموره بذكرك ..اللهم اجعلني في ضمانك وامانك واحسانك ..اللهم ارزقني الجنه ومايقربني لها من عمل او قول ..اللهم اغفر لي جميع مامضى من الذنوب ..اللهم تقبل توبتي ..انني آتيك مذلوله مكسوره الجنااح ..يارب ياارحم الراحمين اعني برحمتك وغفرانك ..ادعوك يارب بأن ينكشف كل المستور وتبيـن حقيقتي ..انني عبدتك الطاهره والشريفه ..التي لا ترضى بالمعااصي ..يارب يارحم الرحاامين اعني على مصيبتي وثبتني عند الشدائد ..يارب ياكريم ..يااااااارب يااكريــم .."
نزلت يدي واخذت المصحف وقعدت اقرا ..ومع كل كلمه دمووعي تنزل بغزااره .. وبعد فتره تعبت سكرت المصحف وشفت الساعه كانت 8 ونص ..اكيد اذن العشا ..صليت مره وحده وانسدحت ع السرير ..احس جسمي يعورني ..كل مكـــاان يعورني ..غمضت عيووني ورحت في ساابع نوومـــه ..


وعيت وانا احس بلووعه ..مسكت بطني بقوه ..آآه ..رحت اركض الحماام وقعدت استفرغ ..وبعد ماخلصت غسلت وجهي وتمضمضت كذا مره ..وبعدين طلعت وانا انشف وجهي وشفت منور ومهره قاعدين على سريري ..ابتسمت لهم وعلى طوول صااحوا ..
قلت بحزن وانا عارفه شنو الي يصيحهم : شفيكم ؟
مهره تصيح : ليش يسون فيج جي ؟ حرااام ..والله حراااام .." وغطت ويهها بيدها وقعدت تصيح ..رحت لها ولويت عليها وقعدت اصيح ويااهاا ..
قعدت اصيح وبعدين تذكرت نور .. اي نور بتطلع ويا ..وياا ..وياا من يااربي .. ويا وااحد .. بس شمـــــه .. اي اي مبــــــــــــارك .. بتطلع ويااه يوم الثلاثا ..
لازم اوقفها لاااااازم ..
بعدت عن منور ومهروه وقلت لهم سالفه نور كلها عشان يساعدوني شلون اطلع من البيت والحق نور لـ الشقه ؟

منور نقزت بعد فتره من التفكير : بنقول لهم ان بنروح بيت عمي ..ومن هناك نطلع ويا دريولهم ..وهندوه مو مقصره ..شرايج ؟
قلت : فكره والله .. بس لازم وحده منكم تظل في بيت عمي ..
منور : اافاااااا عليـــــج انا بتم هناااااااك ..
ظربتها بخفه على يدها : سبـاله عشان عمور .؟
منور : يعني عشان منو ؟ ابي اشوووووووووفه والله من زماااان ماشفته وحشــــــــــني ..
قلت : اوكي اوكي ماعلينا ..اليوم اي يووم ؟
مهره : الثلاثا ..
شهقت : شنووووووووووو ؟ واحنــا قاعدين هنيــــه ..قوووووموا قوووموا يلاا خلنا نقول لهم بنروووووح ..
منور : لحظه لحظه ... بطي في الصاله ..
قلت بحزن : اوكي ..انتوا قولوا حق امي وانا بقعد هنيه ..انطركم لا تتأخرون
مهره : اوكي ..
ونزلوا حق امي ,.اما انا قعدت ع الكرسي رفعت راسي شفت الساعه5 العصر ..اووف هالكثر انا رقدت ..قمت بسرعه توضيت وصليت الصبح والظهر والعصر ..وانا اسلم دخلوا علي منور مهره ..
منور : يلا يلا قومي لبسي ..
قلت : اوكي ثواني ..
قمت بسرعه ولبست لي بنطلون اسود وبدي اسود رفعت شعري بكليب ..شفت وجهي في المنظره ..شااحب ..قعدت اتحسسه ..كنت بحط لي بودره بس هونت .. خذت شيلتي وشنطتي وموبايلي ونزلت ..
طلعت والحمدالله ماشفت لا بطي ولا عمي ولا حتى ابوي ..
رحنا ويا الدريول بيت عمي واستقبلتنا هند طبعا ..قعدنا في الصاله نسولف ونضحك ..بس انا ماكنت ويااهم ..كاان فكري بعيد وفجأه يقطع علي صوت هند ..
هند بخجل : دريتوا ..ان ,.(وسكتت ونزلت راسها ..)
قلت : شنو ؟ شفيج هندوه ؟
هند وهي تلعب بأصابع يدها : اممم ..خالد ولد عمي خطبني ..
منور صرخت : واللــــــــــــــــــه ...كلووولللللللووووووووووولللللليش ..
هند صكت حلجها : اوووووووووش ..انا لين الحين ماوافقت ..
منور : وليش ان شالله ماتوافقين ؟
هند قعدت مكانها وهي مستحيه : مادري ..
منور : صج ماعندج سالفه ..
قلت : حبيبتي هند ..انتي صلي الاستخاره وان شالله الي في الخير الله بيجدمه ..
هند : صليت ..
قلت : وشحسيتي فيه ؟
هند : مادري ..بس مرتااحه ..
قلت وانا ابتسم : عيل مبرووووك هند ..
هند : الله يبارك فيج ..
منور تهمس لي : آآه متى بيحس فيني هالدثوي ويتقدم لي ..
قلت : منو ..
منور صرخت : منوووووووووو غيــــــــــــر عمــــــــر .. ؟؟؟!!!
هند مستغربه: : شفيه اخوي ؟
منور تفشلت : هاا..لاااا ..لاا ولا شي .. اقول انتي سكـــــتي وخلنا نشوف حل حق سالفه عوش الي جاين عشانها ..
وقلت انا لـ هند السالفه بس بأختصار ..
هند : اوكي ..انتي الحين طرشي مسج حق احمد وقولي له راقب نور لانها بتطلع ويا واحد اليوم ..لانه روحتج مابتأثر كلــــــش ..
قلت : لااااااازم امنعها ياهند ..
هند : اقول بلا فزعااات ياشيخه ..وطرشي مسج لأحمد وقولي له لانه هو الوحيد الي بيمنعها ..
قلت : اوكي امري لله ..
وطرشت مسج لأحمد ..ودقيقه واتصل علي ..
رديت بسرعه : الووووووو ..
احمد صرخ : لاا تتصليـــــن علي ولااااا تتطرشين لي مسجات ..مابي منج اي شــــــي ..فااااااهمــــــه ..ولااا تقعدين تتبليـــــن على اختــــــي ..لانها مو مثلـــج قذررررره ..
صرخت عليه : انت شنووووو انت من شنو مصنوووووع ..حجــــر قلبك مايليــن ..وبطقااااااااق اختك تروح في ستيـــن دااااااهيــه .. بس سمعتكم الي بتوصل القاااااع ..
وسكرت التلفون في ويهه وانا النااااااااار بتطلع من خشمي ..
وحسيت ان الكل يبي يعرف السالفه بس مو متشجع يسألني فـ قلت : ماصدقني .. يلا خلنا نروح البيت ..
هند : لاااااااااا تو النــــااس ماقعدتو ..

قلت : مره ثانيه .. منور مهروه ..يلاااا ..
طلعنا ورحنا البيت وانا داخله شفت بطي قاعد يشوف المباراه ..
ركضت غرفتي بس قاطعني صوته : وين كنــــتــــي ؟
التفت وسكت انطر منور تتكلم ولا مهروه ..
منور : كنـــا فـ ...
بطي : جــــــــب انتي ..انا اكلم البقره الي واقفه هناك ..
وكان يقصدني ..قلت : كنت في بيت عمي ..
بطي : لااااااا يالشيخه ؟ شوفي عيوني لا تحسبين ان يوم رديناج البيت على بالج بنخليج تطلعين وتدخلين على كيفج ."وصرخ علي " .لا حبيبتي طلعه من البيت مااافي ..سمعــــــــتي ..واذا طلعتي تأكدي انج بتكوووونين في قبرج ..كفاااااااااااااايه فضااااايح ..
قلت وانا اصيح : انا مااااااااااسووووووويت شي ماااااسويت ..
بطي يمسكني من شعري : لااااااا تصرخيــــــــــن ..مابي اسمع حسج ..فااااهمه ..والله يااااااعوووووويش ان شبرتي برع بيكون اخر يوم في عمرج فاااهمه ..
صرخت عليه وانا اضرب يده : فااااااااهمه فااااهمه بس هد ييييييييدي ..
هد يدي وطلعت غرفتي اركض ومحد يواسيني غير دموووعي ..


بعد اسبوع وانا ماطلع من غرفتي ألا يوم مهره او منيره او امي يجون يقولون لي ان محد في الصاله واطلع قبل لا يجون ..وفي يوم صحيت من النوم على صوت التلفون ..
رديت بكسل : الو
......بصياح : عوووش الحـــــقي ..
قمت متخرعه : من شوووووق ؟!!!!!!!!!!
شوق وهي تصيح : اي انا شووووق ..عووش الحقي علينـــاا ..
قلت بخوف : شنو شصاااااااير ؟
شوق : عوش احنا متبهدليــــن كلنــــا متبهدلين ...
قلت : ليش شصاير شفيكم ؟
شوق : بقول لج السالفه كلهااا ..
( صوت شوق ..)
شفت احمد نازل من الدري وهو معصب وسألني عن نور ..قلت له توها طالعه ..
ركض صوب الباب وهو ماسك سويج سيارته ..
مرت ساعه ونص وبعدين سمعت صوت صرااااخ من برع ..رحت اركض ماوعيت ألا احمد ماسك نور من شعرها ويدزها دااخل البيت ..
احمد يصرخ وجهه احمر : يااااااااحقيــــــــــــــــــــــره سوووووودتي وجووووهنااااا ..شكنتــــــــــي تسووووووين ويااااااه شنووووووووووووو ؟!!
نور تصيح : قلت لك هو زوووووووووجي زوووووووجي ..
احمد صفعها : شنوووووو ؟ شتقووووووولين زوووجج ..ومن متى وشلوون ؟
نور تصرخ : تزووووجنا من شهر ..وهاي ثالث مره اطلع وياااااااه ..
احمد وهو يضربها : وليييييييش مايخطبج من عندناااااا لييييييش ؟
نور : هو خطبــــــــــــني بس انت رفضته رفضــــــــــــته ..
احمد : ليكووووون مبارك فهد الـ ..........
نور : اي ..
احمد يصرخ ويضربها : لانـــــه سمعته في القاااااااااااااااااع رااعي بنااااات وخمااار ..ومدمن مخدرااات بعد ..
نور : لااااااااااا حدك على ريلـــــــــــــــي ..
احمد يصرخ : وين ورقه الزوااااج راويني ؟
نور : الورقه عنده ..

شوق تصيح : ونور الحين ماتطلع من البيت كلــــــش ومبارك طلقها غصبن عنه ..
قلت في قلبي ..عيل سمع كلاامي وصدقني ..بس كان يبي يجرحني ...
الله يسامحك ياحمد الله يسااامحك ..
شوق تصيح : وسعيد مو راحمهاااا ..كل مايشوفها يضربهااااا ..
قلت : واحمد ليش مايوقفه ..
شوق : احمد صاار جسد بلااا رووح ..من صارت سالفه نور وراكان ..
قلت : راكــــان !!
شوق تصيح : اي راكااااااان ..راكان في المستشفى ياعايشه وهو تعباااااان ..تعبااااان
قلت : الله يمهل ولا يهمل ..
شوق : لاااااا الله يخليج ياعوش لا تقسين علينا ..والله احنا محتاجين لج ..
قلت : ووين مريم وبواحمد ؟
شوق صاحت اكثر : ابووووي دخل في غيبوبه يوم عرفت بسالفه ابتعادج عن احمد ..ومريم ماقلنا لها شي غير سبب طيحه ابوي في المستشفى اما عن نور ماقلنا شي ..( وصاحت اكثر ) دخيييييييييييلج يااااااا عووش ساعدينــــا ..
قلت : وشلوون اسااااااااعدج ؟
شوق : راكااااان يبي يشووووفج ..كل ماروح ازووره يقول يبي يشوووفج ..
صرخت : شنووووووو ؟ بعد كل الـــــي سواااااه ..شنو يبيني اروح له المستشفى عشان يأكد للكل اني احبه ..
شوق تصيح : والله ياااعوش ان راكاااان يلفظ انفااااسه الاخيــــــــــــره ..دخييييلج هو مقطع قلبي ألا يشووووووفج يقول السالفه مهمــــــــه ..
قلت في قلبي ..يمكن حس ..يمكن تااب ويبي يكفر عن ذنووبه ويقول الصج ..
قلت : ان شالله انا بجي ..
وخذت رقم الغرفه من عندهاا ونزلت تحت ..
قلت : يمااه انا ابي اطلع ..
امي : عوش تعرفين ان اخـ ..
قلت : يمه االله يخليج بس ساعه ..وبطي اليوم رايح الشاليهات ويا ربعه وعمي مايسأل عني ..واذا ابوي ولا عمي ولا اي حد سأل عني قولوا له في الغرفه ..
امي : زين وين تبين تروحين ..
قلت : بروح المستشفى احمد تعبان ..( جذبت عليها عشان اذا قلت راكان مابتخليني ..
امي : روحي بس بسرعه ...
قلت : ان شالله ..
رحت بسرعه بدلت وخذت شنطتي وطلعت ركبت السياره ويا الدريول والخدامه وقلت له يروح المستشفى ..وصلت وعلى طول رحت الغرفه ..
وقفت عند باب الغرفه حطيت يدي عن قبضه الباب وانا خاايفه ..ترددت افتح ولا لا ؟ افتح ولا لا ؟ آه خاايفه ..
بس صرقعني صوت من وراي : خير ؟
التفت بسرعه شفت احمد ..آآآآآه اشتقت لك يااحمد ..اشتقت لـ ويهك ..لكل شي ..
شفت في احمد نظره الحزن والألم ..وكاان باين عليه تعباااااااااااان ..
قلت : شوق قالت لي ان راكا ..
احمد بسرعه وبعصبيه: ا ي ادري ان يبيج ..دخلي دخلي ..
دخلت الغرفه وكان احمد وراي ..
كان راكان منسدح ع السرير وجهاز التفس في وجهه وستين الف جهاز عليه ..
تصدقون كسر خاااااااااااااطري ..
وقفت عند السرير بس شوي بعيد ..
فتح عيونه راكان يوم احمد قال اسمه ..
شافني وشل الجهاز عن ويهه ,,
راكان : عايشه ..
نزلت راسي ماعرفت شنو اقول ..
راكان : سامحيني ياعايشه ساامحيــــــــــــــــني ..انا غلطت عليج واايد ..عذبــــتج ..انا آســـــف ..سامحيني والله اسف ..( ودمعت عيونه ..)
اما انا ماقدرت ااتكلم ..ماعرف شاقول ..
احمد يكلم راكان : تسامحك على شنو ؟
راكان : اجمد انا غلطت على حرمتك .. انا الي كنت الاحقها وهي تصدني وتذكرني انها حرمتك وان في رب وبيحاسبني ..بس انا كان الـ ..كح كح كح كــــــــــــح ( وقام يكح كح متواصل ..جاب له احمد الماي وكمل راكان بتعب وااااااضح ..)
راكان : بس كان الشيطان عاميـــــني ..كح كح ..
احمد يصرخ : شلووووووووون شلووووون وانا شايفكم في الحجره ..والبيت فاااضي وعوش كانت عاارفه يعني شنو الي رجعهااااااااا البيـــــــــــت ؟
راكان : انا ..انا قصيـــــــت عليهااا .. كان جوال شوق عندي وانا الي كنت اتصـل ..كح كح ..فيها ..لعبت لعبـــه شيطاااان وخليت عوش تجي البيت ..كانت خايفه على شوق لانها ماشافتها في العرس ..لاني كنت مأخرها في الصالون ..كح كح ..وبعدين طرشت الدريول يجيبها ..وانا قعدت في البيت انطر عوش ..ورسمت عليهااا لين خليتها تجي غرفتـــــي ..كح كح..كح كح..
كنت واقفه مكااني ودموعي تنـــــزل بهدوووء ..واحمد ضااااايع بينـــااا ..يطالعني وطالع رااكاان ..
راكان : وانت بعد ياحمد سامحني ..انا الي كنت آخذ الفلوووووس .. أنا الي كنت آخذ فلوس الشـ ..كح كح ..ركه
أحمد معصب : مستحيييييييييييييل .. أ
راكاان قاطع أحمد : ساامحيـــني يااعوش ..انا غلطت في حقج وفي حق اهلــج ..الغيره ذبحــــــتني ..ذبحـــتني وخـ ..كح كح كح ..
قلت : غلطت في حق اهلي !! ليش ؟
راكان يدمع : انا الي قتلـــــــت علي ..
حطيت يدي على حلجي اكتم شهقااتي ..دموعي كانت تنزل بغزاااااااااره ..
راكان وهو يصيح : يوم شفتج ذاك اليوم تبوسينه في السياره ..كح كح ..ويوم سألتج ..كح كح ..ماقلتي لي من يكون ..كح كح كح كح ..ومن تفكيري الخبيث قلت انه حبيبج ..كح كح ..ويوم شفته بالصدفه في السوبر ماركت ..كح كح ..كان ماسك اغرااض ..رحت ركبت سيارتي ..ويوم قطع الشاارع ...كح كح كح ..صدمــــته بسيارتي ..
صرخت وقلت : لاااااااااااااااااا ...شنو انت ؟
راكان : كح كح كح ...سامـ .. كح كح كح ..حيـني ..كح كح كح كح ..
ماقدرت استحمل طلعت من الغرفه اركض ..ركبت السياره وانا اصيــــــــح ..لييييييييييش ..؟ ليش انت الي ذبحت علي لييييش .. حرااااام .. والله حراام ..
وصلت البيت ورحت غرفتي وانا اصيـــــــح ..رن موبايلي بس مارديت ..ورحت في ساابع نومــــه ..


صحيت على صوت منور تقومني ..
قلت وانا معصبه : هااااااااااااااا
منور : شوق اخت احمد تحت تبيج ..
نقزت : لييييييييييش ؟
منور : مادري ..
بسرعه تسبحت وربطت شعري ولبست لي جلابيه ونزلت تحت ..
سلمت على شوق وانا اشوف شكلها تعبااااان ..
قلت : خير شوق ...صاير فيكم شي ؟
شوق وهي تدمع : راكان عطااج عمره ..
شهقت وحطيت يدي على حلجي : ليش ؟
شوق تصيح : كاااااااان تعبااان وااايد تعبااان ..
رحت لها ولويت عليها : عظم الله اجرج حبيبتي ..
شوق : اجرنا واجرج ..
قلت بجزن: وشخبار عمي ؟
شوق بفرح : ابوي صحى من الغيبوووبه ..
قلت : ووالله !!
شوق : أي والله امس .." ونزلت راسها " ابوي صحى من الغيبوبه وراكان ماات .." وصاااحــت ..
دمعت عيني على حااالهم ..تذكرت الحيااه الي كنت عايشتها ويااهم ..كانت حلووه ..ماتصدقين اذا قلت لج ان هذا هو حالهم الحين ..
شوق تصيح : واحمـــــــد ..احمد ياعايشه ..
قلت : شفيه ؟
شوق : احمد ياعايشه تعبااااااااااان واايد تعبااااااان ..ماياكل مايطلع من الغرفه ..حااس بالذنب ..
قلت : ليش ؟
شوق رفعت راسها : لانه ظلمج ..
نزلت راسي ..آآه ياحمد ..ماتدري شكثر ظلمتني انت ..
شوق تصيح : ارجعي لأحمد ياعوش ارجعي ..
رفعت راسي بشموخ : ماقدر ياشوق ..
شوق : ليييييييييييييش ؟ لييش ياعوش ؟
قلت : ترجيت اخوج واايد ذليت روحي واايد ..بس هو ماصدقني وماعبرني ..
شوق : لانه ماكااان يعرف ..
صرخت عليها : ويشــــــك في زوووووووووووووجته ..!!
شوق : بس كل شي كاان يدل ..ارجووووج ياعوش ارجعي ارجوووج ..
وقفت :آسفه ..وقولي له ابي ورقه طلاااااااقي .." ورحت غرفتي وقعدت اصيح ..ليش ليش سويت جي ...؟ انا غبيه غبيـــــــــته ..انا احب احمد اعشقه بس ليش مااااااارجع له ليييش ؟
لااا مستحيل ارجع له ..المفروض مانسى هو شنو سوى فيني .,,
هو ذلني ..اتهمني ..طعني في شرفي ..!!!
مستحيل اساامحه مستحيييييييييييل .. بس لازم اروح العزا ..الواجب واجب ..
لبست عبايتي بسرعه واول ماكنت بفتح الباب تفاجأت بأبوي وعمي وبطي واقفين عند الباب ..
تنافضت ورجعت بسرعه ورى ...
دخلوا وبطي سكر الباب ..
ابوي وهو منزل راسه : عاشه .." وكأنه متردد " عايشه ..احنا اسفين ..
تصدقون حسيت بأني كبيـــــره ..وابوي والي وياه هم الصغار جاين يتأسفون لي ..لو كنت بمكان ثاني جان تغليت ..
بس قلت بستهزاء : لا عادي ..تراني حجر ماحس ..
ابوي : بس تعرفين ان .." وسكت ..
قلت : اعرف اني بنتكم ..تربيتكم ..اعرف ان انا الي وثقتوا فيها ..وكانت قد الثقه ..بس انتـــوا ..انتوا صدقتوا الغريب وجذبتوا بنتكم ..ليييييييش ؟ ليش سويتوا جي " وهلت دمووعي بغزاره " انا مو بنتكم ؟ ليش تصدقوونه ..شفتوا شلون طلع جذاااااااااب ..
راح لي ابوي ولوى علي وقعدت اصيــــــح ..وبعدين رفعت راسي ابي اشوف بطي وعمي ..شفتهم منزلين راسهم .,’
قلت : يبه انا بروح العزا ..
ابوي : اكيد بتروحين ويلا خذي اغراضج عشان ترجعين بيت ريلج ..
صرخت عليه : شنووووووووووووووووووووووووووو ؟!!! ارجع بيت ريلي ؟!!
بطي : اي وليش لاا ؟
قلت : انتوا نسيتوا الي سوووووواه فيني ..اهاااااااااني ..طعني في شرفي اتهمــــــــــــني ..كل هذا وتقول لي ليش لاااا ؟
عمي : عوش اسمعيني ..
قلت : انت الي اسمعنــــــــــــي .. انا رجعه لـ احمد مووووووو رااااجعه ..
كانوا بيتكلمون بس ابوي قاطعهم : خلااص بس .." والتفت علي " شوفي اذا تبين ترجعين لأحمد ممكن تلمين اغراضج الحين ..لانه طلب منا ان نرجعج ..واذا ماتبين كيفج ..حلي مشاكلج ويا ريلج بروحج ..
قلت بثقه : يبه انا ابي الطلاااااااااااااق ..!!
حسيتهم كلهم انصدموااا وماتوقعوا اني اطلب هالشي ..
ابوي بعد فتره : اوكي ..انا بقول له .. ويلا الحين خلنا نروح العزا ..
مشيت وحسيت بنظرتهم انهم مو راضين ع القرار الي اتخذته .. بس ماهمني .. المهم رايي انا مو هم ..
وصلنا بيت بواحمد ..جاااني شعور غريـــــب آآه اشتقت للبيت ..
نزلت ورحت الصاله على طوول ...,’
واول مادخلت شفت مريم وشوق ونور ..ونااس وايد ماعرفتهم ..,
رحت لهم وسلمت عليهم وقلت عظم الله اجركم ..,,
قعدت لين وقت العشا ..صليت وطلعت برع ..
اتصلت لـ بطي
قلت : الو
بطي : هلا ..
قلت : يلا تعال انا ابي اروح ..
بطي : يعني مابتقـ .,
قلت : بطي لو سمحت .. انا خلاااص مكاني في بيت ابوي .وانا بطلب الطلااق ..
بطي : اوكي اوكي ..باي ..
سكرت التلفون وقعدت في الحديقه اشوف ملعب كره السله وابتسمت ..تذكرت الموقف الي صار ذاك اليوم ..
طلعت الكميرا من الشنطه الي حطيت فيها تقريبا كل اغراضي الي خليتها في بيت بواحمد ..
وشفت الفلم الي كان مسجل
كنت انا وشوق ومريم قبل لا تتزوج نلعب كره سله ..وسعيد قاعد يصورنا بكيمرتي طبعا انا الي طلبت منه..و انا يالله انقز عشان احط الكوره في السله اما مريم مشالله عليها مايحتاي طوووويله ..
عاد سجلت مريم هدف .قعدت اصرخ واقول قش قش ..لانه انا وشوق فريق ومريم بروحها فريق وهي طويله اما انا قصيره وشوق متينه ..شفتوا البلااوي ..
عاد في هالحظه دخل احمد وشافنا وقال بيلعب وياي فريق وشوق ومريم فريق ..
وعاد انا جاتني الكوره ورحت اركض ابي اسجل وقعدت انااقز ابي احذفها وماوعيت ألا احمد شالني عشان ادخل الكوره ..صج اني انحرجت لانه سعيد صفر في ذااك الوقت وقال عصــــــااااافير الحـــــــــــــــــــــــب .’’,
بس مع ذالك تشجعت وحذفت الكوره لانه احنا صفر وهم 8 ..
احمد لفني وباسني على خدي .. حمرت اخدوودي وشوق ومريم قعدوا يصااااااارخووون ويصفروون وسعيد ويااهم ..
وهمس لي احمد اموت فيج ..,
كان صوته ماينسمع كلش في الكميرا .. بس انا سمعته .. سمعته ..التفت شوي شوي ورى ..شفت احمد واقف وراي ..
سكرت الكميرا بسرعه وقلت في نفسي بدخل داخل لين مايجي بطي ..
بس احمد مسكني من يدي ..
التفت عليه بقول له هد يدي .. بس كلمته ذووبتني ..حسيت ان خدوودي انفجرت ..لو كنت في وقت ثاني بقول له انا الي امووت فيك ..انا الي اعشقك .. بس في هالوقت ماقدرت اقول غير : وانا اكــــــــــــــرهك ..اكــــــــرهك ياااااحمد ..
وسالت دموعي على خدي ..


هااا شووووووو رااااااااايكم ؟؟ وتوقعااااااااااتكم ؟؟
ترى ما بقى غيييير جزء .. تبووووووونه ؟؟