احببتك بغضبي/ بقلمي

روح الشقاوة.. · #1 04-06-2016, 04:16 PM

الشخصيات:
عائلة فاطمة
(احمد) الاب: ريال ما تهمه البيزات يعني كريم مدين ويحب عيالها وايد.
(مريم) الام: حرمه اهم شي عندها دراسة عيالها وسعادتهم.
علي: اكبر واحد من اخوانه بارد وما يحب الطلعات وايد
راشد: اصغر عن علي بثلاث سنوات اطباعه غير وايد يحب يعلق ويتمصخر واهم شي وياه الطلعات خاصة ويا ربعه.
شيخة: اصغر عن راشد بسنتين طابعها هادية وايد تحب بنت عمها مهرة.
فاطمة: اخر العنقود حشرة اذا صارخت كل الفريد يسمع ما تحب خرابيط البنات بس يعيبها تلعب بأشياء الصبيان.

عائلة خالد
(راشد) الاب: اخو احمد الأكبر طباعه نفس اخوه
(خديجة) الام: ربيعة ام علي الروح بالروح تحب ولدها خالد اكثر واحد.
جاسم: وايد كشيخ ويحب يطلع اخوانه وولاد عمه يتمشون ما يرضي على فطوم.
سيف: حاله حال اخوه يحب يكشخ بس ما يحب الدراسة مول.
مهرة: طيبة وايد ربيعة شواخ الروح بالروح.
خالد: وايد يحب المدرسة وما يمر يوم الا وهي يكون رافع ضغط فطوم.

بارت 1
يوم كانوا يهال
الساعة 2 الظهر فطوم دخلت بيت عمها راشد ركض
فطوم: هود هود
ام جاسم: هدى هدى
فطوم: بعدكم تتغدون ؟؟
خالد: شرفتي لو تأخرت بعدج هههه
فطوم: أخ لا .. قوم عن ويهي أعوذ بالله خلصت الصحن
الكل: ههههههههههههه
خالد: هي سكتي لا اصنج كف الحين
فطوم: تعال
قام خالد يبا يغسل ايده الا حس شي طاح ع راسه
خالد: اييي
فطوم: تستاهل تراني ما عقيلته زين لانه فاضي ادريبك اتم تتمخط فيه
الكل: ههههههههه
قام خالد غسل ايده ويلس حذال التي في ويفرر القنوات
بعد ما خلصوا غدى يلسوا يطالعون التي في
فطوم (ماسكه خصله من شعر خالد): ههه شوفوا القمل كيف يمشي
الكل: هههههه
خالد: ما يضحك (يضربها ع ظهرها شوي)
فطوم: جسووووووووووووم
جاسم: شو فيج
فطوم: اخوك ضربني
جاسم: خللللللود تعال
خالد: شو تبا ما تعرف بنت عمك يعني
جاسم (يسوي عمره يضربه): صيح
خالد (تم يضحك وبعده سوى عمره يصيح): بس خلاص
جسوم: يلا بتتسابقون بالسياكل
فطوم + خالد: كالعاده انا بفوز
جسوم: الي بفوز يختار المكان الي بنروحه اليوم
بدى السباق حذال بيت راشد فطوم بسيكلها الأبيض وخللللود بسيكله الأسود
قبل خط النهايه طاحت فطوم من ع السيكل وخالد ما طاع يكمل راح يركض صوبها
خالد: هي مب متفيج نحن ابعيد عنهم بعدها الردة بعد (يضرب ويها شوي شوي)
فطوم (مغمى عليها): ........
خالد (وشوي بصيح عليها): فطوم قومي حو لا تخوفيني عليج
يى جسوم يركض
جسوم: ليش تأخروا؟
خالد (وهو يصيح): طاحت واغمى عليها
جسوم شاف فطوم وسيده شلها وخالد وراه
جسوم: سيف روح اسرق أسويج السياره
سيف: زين بس كيف بخبر اهل عمي
جسوم: بعدين بعدين
سيف سار وياب أسويج السيارة وراحوا

جسوم كان يسوق السيارة اما حذاله قعد سيف ورا فطوم مغمى عليها وراسها ع خالد
وصلوا المستشفى وبعد دقايق يت النيرس
النيرس: ما بهى شي بس سيبوها ترتاح وتادروا تاخدوها بعد ما بخلص المغزي
سيف: الحمد الله بس شو بخبر عمي لان الحين صارت الساعة 4 العصر
جسوم: تعالوا بنصلي وبعدين برد انا وسيف البيت اما خالد يا البلوة(صد ع خالد) بتم وياها وبي الساعة 6 وباخذكم
بعد ما راحوا يصلون وتم خالد بروحه قاد ينطر فطوم أقوم
فطوم (بدون حاسيه): خالد .. خا..لد ..ي...اله...رم
خالد(ميت ضحك): انا أهني (ماسك ايدها)
قامت فطوم شافته ف ويها
فطوم: منو فاز ؟؟
خالد: محد بسبتج وقفنى السباق
فطوم: وليش ما كملت ؟؟
خالد: تراج طحتي
فطوم: ويعني هاي فرصة لك عشان تختار المكان ف بالحالتين كنى بنختار نفس المكان الحين طارت الروح
خالد: ..
فطوم: وين الباقي
خالد: الحين بيون

فالفريج
جسوم: اذا يت شيخة قولوا فطوم وخللللود راحوا وياي
سيف: أوكي
يى راشد من ابعيد
جسوم: راشد يى سيفو روح لهييه لبين ما اروح بالسيارة
سيف (وهو يركض): رشود وينك اليوم
راشد: وينها السوس (يقصد فطوم)
سيف: ليش شو تباها ؟؟
راشد: شاردة من البيت
سيف: هههههه راحت ويا جسوم وخلللود
راشد: زين عيل بخبر اهلي وبرد وبنلعب كرة

في المستشفى
خلص المغذي وفطوم وخالد واقفين جسوم ايي
جاسم: ها شو حالج
خالد: بخير يلا نطلع
فطوم تطالع خلللود
فطوم: بعدني أبا اروح اتمشى
تموا يضحكون
جسوم: أوكي
راحوا فطوم ركبت ورى وبعدين جسوم ركب خالد يبى ييلس جدام بس
جسوم: هي هي وين ياي ورا يلا
خالد: بس هي يالسه ورى
جسوم: يوم كان مغمى عليها ما قلت جي
خالد (ويهه صار احمر): انزين خلاص فضحتنى
ركب ورى وفطوم تطالعه وهي تضحك
خالد: شو فيج ؟؟
فطوم: ههه ما شي طلت تخاف بعد
جسوم: وين تبون ؟؟
خالد + فطوم: الدكااااااان
جسوم: زين
راحوا الدكان وبعدين يوم ردوا البيت كان ناطرنهم أبو جاسم
أبو جاسم: من وين يايين؟
جاسم: .....
خالد: ......
فطوم: هلا عمي انا حنيت عليهم يودوني الدكان
بو جاسم: هي زين عيل دام جي
جاسم يعطي أسويج السيارة حق ابوه
ويوم دخل تموا جاسم وخالد يطالعون فطوم
فطوم: شوفيكم يلا بترخص بأجر مدرسه
ردت البيت وشافت شيخة
شيخة: يا هلا بالقاطعة شان بيتي
فطوم: شان زين
شيخة: يلا ادخلي اتعشي
فطوم: بأجر الاحد صح؟
شيخة: هي
فطوم: أف باجر يعني بس العصر بطلع

.......................................

__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
ثيم احببتك بعدد حبات الرمان رومنسي ورائع	محروم.كوم	منتدى أخبار المواقع والمنتديات العربية والأجنبية	0	10-09-2012 01:51 PM
ثيم احببتك حبيبى الرائع	محروم.كوم	منتدى أخبار المواقع والمنتديات العربية والأجنبية	0	05-01-2012 12:50 PM
ثيم احببتك لعيد المرأة العالمى	محروم.كوم	منتدى أخبار المواقع والمنتديات العربية والأجنبية	0	03-07-2012 08:31 AM
بقلمي	عابره سبيل	شعر و خواطر	2	01-05-2012 12:02 PM
ثيم احببتك الرومانسي الرائع	محروم.كوم	منتدى أخبار المواقع والمنتديات العربية والأجنبية	0	07-31-2010 07:40 PM