بلاد العطاء - امــــــــــــــــــاراتي الحبيبـــــــــــــــــة( موضوع مميّــــز) - الصفحة 6

النعيمي · 05-02-2008, 06:03 PM

المشاركة الأصلية كتبت بواسطة بنت الافلاج

وعليكم السلام ورحمة الله وبركاته

بالنسبه للي شفتها في المول صار هالشي عادي من زود ما نشوف يا اخويه

الله يهدييهن بس وصاحبات الشيشه لا بركتن فيهن غلطة الاهل لا رقيب ولا حسيب

حسبي الله عليهن من بنات مافيهن مذهب ولا ذرة حيا ولشوه الغشوه يعلهن

الحراق صج يرفعن الضغط

بضيف بعض المواقف اللي شفتها

صدمه ؟؟؟؟؟!!!!!!!!!

مواطنه ويا درييييول شو تتوقعون جنسيته سوري ومتكشخ الريال آخر كشخه

والله تميت مبهته الا اتطالع @@ مب متخيله هالشي قلت معقوووووووله !!!

وايد سمعنا عن مشاكل الدريوليه وبلاويهم

وبعدهم العايلات اشوفهم قامو يخورونها اكثر واكثر

شيبه متشبب

تخبلو بعض الشواب اللحيه مصبوغه والويه رايح كله خرايط من زود الكبر

وكاشخيين يحوموون في المولات والمحلات وحتى المستشفيات

كل مره يلحقون حرمه يعني لهااي الدرجه وصلت درجة التخرييف

ريال مخصر ومترصص @@

شي الواحد يستحي منه قلنا البعض من البنات يلبسن ضيج ومخصر يوم يظهرن

لاكن لما يوصل الموضوع للجنس الخشن هني الصدمه

ولا مواطنيين بتخبركم شو سالفتة الكنادير شو استوابهن

شي مخصر وشي ضيج لا تقولون ماشي لاني شفت بعيني @@

لا تعليق

تكسي محمل بنات فاجات الجامات الكشه طايره في صوب والعفسه في الويه

والداهيه العوده راعي مرسدس زافنهن من لفه للفه ومن دوار لدوار ويوازي

سيارته بالتاكسي بيمووت شكله يبي يرقمهن يعني لهالدرجه الواحد يذل عمره

وينزل من نفسه لهالاشكال بصراحه لا تعليق@@

هاي بعض المواقف اللي تحضرني حاليااا والسمووحه من الكل جان زليت

ويعطيك العافيه النعيمي عالطرح الطيب والمميز مب غريب عليك هالتميز

لاحول ولا قوة الا بالله فعلا مواقف الواحد يشمئز منهن

بالنسبة للفقرة الأخيره شو حادك يالمسمار قال المطرقة
المسمار = الريال
المطرقة = البنات اللي فالتكسي ..

اتحدى اذا هن فعلا حاشمات عمارهن مابيلحقهن ولا بيطالعهن طووول
0
0

الله يهديهن ان شالله ، وتسلمين بنت الأفلاج على الإسهاب فالمواقف
0

اخوج / النعيمي __DEFINE_LIKE_SHARE__

ابكي زمان بكاني · 05-02-2008, 09:03 PM

شي غريب

من يومين كنت ساير ( مول ) وكان الوقت الصبح اللي خلاني متعيب اني شفت
( عادات دخيلة علينا) شفت حرمة تمشي روحها وقلصتها وياها" بشكارتها"
وشاله ( شنيطــة) يعني اقل من حجم الشنطة العادي هههههههههههههههههههه
اللي متعيب منة (هل الشنطة تجيلة الى هذا الحد !!)
والغريب فالموضوع ان العباة تلق من مسافة بعيدة وكلها كرستال يعني الصراحة وحده متفيجة وماعندها سالفة !!!

\\
\\

حياتنا كلها للأسف صارت مجموعه من العادات الدخيله.. فاذا الخدامه صارت ربة البيت و الأم و في بعض الأوقات تحل محل الزوجه ويوم تتزوج ريلها احتشرت!! بنستغرب من تفاهت بعض الحريم ع شنطة صغيره كل الي فيها عطور و مكياج و كلينيكس؟؟
خلها على الله ..

\\
\\

دبي العطاء

من فترة بسيطة كنا نلاحظ حملات دبي العطاء في امارة دبي على مدار شهر ، السؤال اللي يطرح نفسة مع احداث مدينة غزة
مدينة الأبطال والشهداء ، هل هم لايستحقون منا العطاء باقامة حملات تبرعية لهم !!
فهم محتاجون للدواء والكساء والملاجئ ( الله يعينهم ) وتحياتنا لأهل فلسطين الكرام ..
مع العلم ان حملات التبرعات لها دعم ونكهة خاصة ( فيها تشجيع ودعاية) وتحياتي للجهات
المختصة ...

\\

\\

الحمدلله .. الحملات منتشرة بكبر البلاد.. صحيح تركيزهم ع التعليم.. بس بعد مو مقصرين ..يحاولون قدر الأمكان توصيل المعونات المطلوبه لكل البلدان العربية و تلبية حاجاتهم من كل النواحي.. بس الله ع الظالم.. له يوم ينحسر ويجر ذيول الخيبة مثل ما مخيب حال العرب.. مهما حوالنا اغلب المعونات لفلسطين توصل لليهود !! واغلب المعونات للدول العربية الثانية حكومتهم تستغلها و تقوم ببيعها !!

اشقد بيحاولون ومحد بيستفيد؟!!

\\

\\

تحطيم الأسعار

منذ فترة ذهب لزيارة صديقي في مدينة الخير ( الشارجة) ، واللي لفت انتباهي محلات
(يوم ويومين) المتواجده هناك ، المضحك المبكي ان الواحد يحس عمره في ها المحل ان كل شي رخيص ويقارن اسعارة بالمحلات الأخرى ..! ويتساءل الشخص عن اسعار السلع داخل الدولة
( البيض ، الخضرة ، الدجاج، سلندرات الغاز ، الروشن باختلافة )
( الين متى الناس بتصبر عن هالأسعار ؟!!) مع زيادة الرواتب الحمد الله ماقلنا شي بس كل شي غالي تذاكر السفر اصبحت كأسعار البورصة ( هبوط وارتفاع+ مواسم)، ولكن توجد فئة فالدولة
لم تصلهم زيادات فالرواتب ( فهل ستصبح لدينا طبقات في المستويات المادية )؟!!

\\

\\

فديتنا و الله ..ما عليك في الشارجه عندنا المأكولات البحرية و العيش اغلى شي .. والا الباجي كله رخيص.. و الحين الجمعيات بعد اتغلي اسعارها قبل كانت ارخص من الكل و الحين تنافسها بالأسعار.. و لا اتخبر عن الهوامير ما اظن يتعبون ليحصلون على الي يبونه..

\\

\\

بنات آخر زمن
للأسف بنات ( مواطنات) لايأبهن لتصرفاتهن ، يداخن الشيشة بقوات عين ، وشوفوا يوم تريد تستر
ع نفسها ، تغشت يوم ظهرت ههههههههههههههههههههههههههههه
( الله يستر عليهن ويهديدهن لما يحب ويرضى) تصرفات طائشة بس يبان عليهن بنات كبار
لكن (العقل زينة )- اللهم ثبت علينا العقل والدين

\\

\\

هههههههههه صح حتى انتا شفت بنات .. اخوي تم مبهت فيهن وهن ولا على بالهن.. انا اتحريتهن لبنانيات او سوريات متعودين عليهن.. بس للأسف طلعن بنات معروفين.. ولا ههامنهن شي..
والي يقهر اصلا انهن نزلن مستواهن جدام الكل يالسات يشيشن.. يوم يظهرن اتغشن وما ادري شو سون بعمارهن؟!

حسبي الله عليهن ..لو فيهن عقل جان ما كانت هذي سواياهن..
الله يهديهن و يستر عليهن..> مو من خاطري امنيتي حد من معارفهن يشوفهن و يكفخهن ويورم ويوهن

\\

\\

ساهم معنا يامواطن

في الفترة الأخيره كثرت شكاوى عن بعض المطاعم المنتشرة فالدولة بما فيها مطاعم الجامعات

ومقاصف المدارس ( بعدم صلاحية نوع الأكل ) ..
يتوجب علينا كمواطنين عند ملاحظة هذه الأمور او السلوكيات ( توصيل الشكوى للبلدية ) وعدم التهاون ، الأمر الذي يعود عليك وعلى الآخرين بالفائدة والوقاية ...
حاسب عند شراءك اللحوم بكافة انواعها والمعلبات ..
حاسب عند دخولك المطعم وملاحظة عدم نظافتة ونظافة العاملين ..
حاسب من ( السلع الغير مسعره)

ساهم مع اخواننا فالبلدية ، فاليد الواحده لاتصفق
0

\\

\\

صدقت و الله..

ما كثر ما مرضنا من اكل الجامعات و حتى المدارس .. والمطاعم بروحن حاله.. اذا بنيلس انخبر عليهم بتتبند كل المطاعم.. اغلب المطاعم عليهم ملاحظات ..
غلطتنا ان نحن نشوف الخطأ و نتساهل.. بس حتى مع الشكاوي و التنبيهات على الغلط.. بعدنا نشوف الأرف الي هم فيه..
من يومين اشتكينا من مطعم الجامعه كله ذباب و حشرات و شعر و غيره.. جان يبدلون العاملات الي في الكافتيريا بالي يشتغلون في الكافيه الي في القسم الثاني؟!!

وااايد عليهم ما ادري شو غيروا؟!!

\\

\\

تسلم الغالي ع الموضوع

ما شاء الله عليك .. عرفت تختار و لمست الوتر الحساس يموضوعك

يعطيك العافيه

نحتري يديدك __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
من كان الغطاء الشرعي لانتفاضة التسعينات !!	محروم.كوم	منتدى أخبار المواقع والمنتديات العربية والأجنبية	0	12-20-2009 02:30 AM
تغيير الغطاء الخلفي	محروم.كوم	منتدى أخبار المواقع والمنتديات العربية والأجنبية	0	11-06-2009 10:00 AM
لعبة الغطاء الشرعي	محروم.كوم	منتدى أخبار المواقع والمنتديات العربية والأجنبية	0	06-03-2009 07:40 PM
سنة كاملة من العطاء	محروم.كوم	منتدى أخبار المواقع والمنتديات العربية والأجنبية	0	05-15-2009 02:50 AM
العطاء لمن لا يستحق العطاء خسارة	داعمة دورية	الإستراحه العامة	3	02-24-2008 06:34 PM