|
بلاد العطاء - امــــــــــــــــــاراتي الحبيبـــــــــــــــــة( موضوع مميّــــز) السلام عليكم ورحمة الله وبركاتة عودة يديدة بحلة يديده لكم اعزائي الأعضاء اتمنى كل واحد لدية ملاحظة تدوينها يزاه الله خير الى بلادي الحبيبة دائما عودتنا العطاء والمحبة لنا وللآخرين ، دام هذا العطاء ودام خيرك يابلادي فذلك ليس بالشئ الغريب على " دار زايد، زايد الخير زايد الفكر والحنكة زايد الأب والقائد " رحمة الله " شي غريب من يومين كنت ساير ( مول ) وكان الوقت الصبح اللي خلاني متعيب اني شفت ( عادات دخيلة علينا) شفت حرمة تمشي روحها وقلصتها وياها" بشكارتها" وشاله ( شنيطــة) يعني اقل من حجم الشنطة العادي هههههههههههههههههههه اللي متعيب منة (هل الشنطة تجيلة الى هذا الحد !!) والغريب فالموضوع ان العباة تلق من مسافة بعيدة وكلها كرستال يعني الصراحة وحده متفيجة وماعندها سالفة !!! دبي العطاء من فترة بسيطة كنا نلاحظ حملات دبي العطاء في امارة دبي على مدار شهر ، السؤال اللي يطرح نفسة مع احداث مدينة غزة مدينة الأبطال والشهداء ، هل هم لايستحقون منا العطاء باقامة حملات تبرعية لهم !! فهم محتاجون للدواء والكساء والملاجئ ( الله يعينهم ) وتحياتنا لأهل فلسطين الكرام .. مع العلم ان حملات التبرعات لها دعم ونكهة خاصة ( فيها تشجيع ودعاية) وتحياتي للجهات المختصة ... تحطيم الأسعار منذ فترة ذهب لزيارة صديقي في مدينة الخير ( الشارجة) ، واللي لفت انتباهي محلات (يوم ويومين) المتواجده هناك ، المضحك المبكي ان الواحد يحس عمره في ها المحل ان كل شي رخيص ويقارن اسعارة بالمحلات الأخرى ..! ويتساءل الشخص عن اسعار السلع داخل الدولة ( البيض ، الخضرة ، الدجاج، سلندرات الغاز ، الروشن باختلافة ) ( الين متى الناس بتصبر عن هالأسعار ؟!!) مع زيادة الرواتب الحمد الله ماقلنا شي بس كل شي غالي تذاكر السفر اصبحت كأسعار البورصة ( هبوط وارتفاع+ مواسم)، ولكن توجد فئة فالدولة لم تصلهم زيادات فالرواتب ( فهل ستصبح لدينا طبقات في المستويات المادية )؟!! بنات آخر زمن للأسف بنات ( مواطنات) لايأبهن لتصرفاتهن ، يداخن الشيشة بقوات عين ، وشوفوا يوم تريد تستر ع نفسها ، تغشت يوم ظهرت ههههههههههههههههههههههههههههه ( الله يستر عليهن ويهديدهن لما يحب ويرضى) تصرفات طائشة بس يبان عليهن بنات كبار لكن (العقل زينة )- اللهم ثبت علينا العقل والدين ساهم معنا يامواطن في الفترة الأخيره كثرت شكاوى عن بعض المطاعم المنتشرة فالدولة بما فيها مطاعم الجامعات ومقاصف المدارس ( بعدم صلاحية نوع الأكل ) .. يتوجب علينا كمواطنين عند ملاحظة هذه الأمور او السلوكيات ( توصيل الشكوى للبلدية ) وعدم التهاون ، الأمر الذي يعود عليك وعلى الآخرين بالفائدة والوقاية ... حاسب عند شراءك اللحوم بكافة انواعها والمعلبات .. حاسب عند دخولك المطعم وملاحظة عدم نظافتة ونظافة العاملين .. حاسب من ( السلع الغير مسعره) ساهم مع اخواننا فالبلدية ، فاليد الواحده لاتصفق 0 0 امور وملاحظات حبيت انقلها لكم واللي عنده اضافة ياليت مايبخل علينا 0 0 اخوكم / النعيمي |
السلام عليكم ورحمة الله وبركاته.. ماشاءالله موضوع جدا حلو و حسااااس و باين من الموضوع كم انت تحب بلدك.... :) شي غريب : بصـرااحه يا اخوي...هذا شي هب غريبة الحين..بي تشوووف الاشكاااال اخس منه....لا ستر ولا شي و الحين فى عبااايه كانه البنت هب لااااابسه العباااااية.....الله ستر جميع بنااات المسلمين.... دبي العطاء : والله انا شفت البرنااامج و الاعلااانات و ماشاءالله ما حد قصر...فى ميزاااان حسناااتهم ان شاءالله يا رب...والله ما ادرى شو أقول عن هالموضوع....بس بصرااحه مثلما انا شفت...الاساس من هالعطااااااء كان للتعليـــــــــم فقـط..:) تحطيم الأسعار : والله يا اخوي...انا ما ادرى شو صااار للتجاااار....شو يبوون منا..؟؟بصـراحه الاسعاااار خياااالي..و اذا كثر منا نقدر عليه...والحمدالله رب العالمين..بس واااايد النااااس ما يقدرون و هم ادره بي حااالهم ...بصـراااحه حكومه لازم تدخل فى هالموضوع ويأخذ قرار...لانه بصرااحه يوم عن يوم كل شي يسون صعب علينا...و البترووول خليه فى ميززززان ثااانى... بنات آخر زمن اخوي بصراااهه الاستغربت لما سمعت هذاا شي...و اتمنا انه خلينا شوي واااقعين ..بعض الناس بي يقولون لا هم الاجنبيااااات وهم من العرب بس هب موااااطناااات....بس بصرااحه هذا كذب...فى بنات المواطنااات الحين كذااا و فى هالحاله و سواء بعد...للأسف شديد..الله يهديهم و يستر عليهم ان شااءلله يا رب... مشكــــــــــــــــــــــــور اخوي ع هالموضوع الحلوو بصـرااحه و الى ناقشنااا فيه عن الامارااات الحبيبــــــة...و اتمنا اشوووف دومه عااالـــــــــى ربي يعطيك الف عاافية..وماشاءالله كالعاااده ابدعـت فى طرحـك المميــــز..:) اختكـ صغيـرووونه : زهـور :3: |
شي غريب !! هالاشكال استوت فـ كل مكان وتعودنا عليها ... بس ما نقووول غير الله يهدي اليميع ... دبي العطاء صدق والله ما قصرو وربي يجزيهم خير ع اللي يسوونه بس هم مركزين ع التعليم ومثل ما قلت فـ فلسطين محتاجين لدعمنا ... تحطيم الأسعار صدقك والله الاسعار صايره خياليه وحتى احنا متضررين منها قبل الوافدين ... بنات آخر زمن استغفر الله ... شو نقول غير الله يهدي اليميع ... ساهم معنا يامواطن هيه اكيد يوم انشوف هالاشياء لازم اول شي نبلغ البلديه ... تسلم اخووووي ع الطرح الغااوي ... ولا تحرمنا من كل يديد ومبدع من يداك ... تقبل مروري ... ...اختك... |
وعليكم السلام ورحمة الله وبركاتة حيــاج الله اختيه زهور ، ماشالله عليج فصلتي الموضوع تفصيل .. ماشالله حملة دبي العطاء اصبح لها باع في الوطن العربي ، ونتمنى من الدول المجاورة ان تحذو حذو امارة دبي الخير وعلى راسهم سمو الشيخ محمد بن راشد ال مكتوم ( حاكم امارة دبي) حفظة الله ورعاه 0 0 وبالنسبة لدواخة الشيشة انا شايفنهن مواطنات 100% ولكن هذا الشئ لايعني ان البنات المواطنات كلهن جذى تحز في خاطرية ان بعضهن كذلك ، ولكني في موضوعي اكتب عن المرأه المسلمة ( انا شافرت برع وشفت واايد من بناتنا شو يسون للأسف) والله يهديهن لما يحب ويرضى 0 0 اخوج / النعيمي |
اقتباس:
تسلمين اختي الكريمة ع التشجيع ، وانتي ماشالله عليج من العضوات النشيطات في استراحة الحوار والنقاش ، وماقصرتي فالردود ، واهل فلسطين ان شالله مايلقون منا الا كل شي طيب 0 اخوكم /النعيمي |
| الساعة الآن 06:44 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir