| ||||||
| قصص و روايات تهتم بالقصص المنقوله وقصص الاعضاء الطويلة والقصيرة |
 |
| | LinkBack | أدوات الموضوع | انواع عرض الموضوع |
07-01-2013, 03:10 AM
| رقم المشاركة : [ 161 ] |
| عضو جديد  |  السلآم عليكم ورحمة الله وبركآته .. اذا في شسمـه .. خبصه و كلآم متشابك بليز قولو لي على الأقل وحده ../" __DEFINE_LIKE_SHARE__ |
|
| |
 |
|
07-01-2013, 03:11 AM
| رقم المشاركة : [ 162 ] |
| عضو جديد | @@@ الجزء الخامس والعشرون@@@ فسياره مانع ... كان مانع مفول على الاخير و وده يكفخ الريم ... ليش هاذي تسويبي جذيه ... وليش تنزل والله كنت مستانس دامها بقربي ... عنلاتها بتذبحني ... وفجأه ينقع راسه من صوت المسجل لانه ودوووم عافده جدام و يالسه تتعبل فيه ... مانع : ودووووووووووووووووووووووووووم .... وعوووووووووووووووق ودوووم ببرود : شوه تبا ؟؟؟ مانع عصب زايده : ودووووم بصفعج ولا يلسي مكانج ... ودوووم شويه وبتصيح : بخبر عليك شهاب ... مانع فول من سمع اسم شهاب : انزين فكينا عاد الي يسمع شهاب بموووت من الزيغه ... سيري لاه ... ودوووم تصيح : ما عليه بخليه يدهسك تحت التاير ... مانع بقق عيونه : والخيييييييييييييبه .... يعدمها من رمسه ... ما تنلامين اختج الريم ... آآآآآآآآآآآآخ يا الريم ... ما اعرف هالبنت ليش تسويبي جذيه ... ابتسم ... يمكن تتغلى عليه ...فديتها والله ... فهد بنص عين : احلف انته بس قول والله ... مانع صخ : والخيبه انته هنيه .... ومتابع من البدايه عنلات صداك فهد : يله اعترف شوه تبابها الريم بسرعه عن افضحك عندها ... مانع حس عمره خلاص ما بين قوسين <<الله يعينك يا مانع>> وانه فأي لحظه ممكن انه فهد يخرب بيته ولا ودوووووووم هالدرام تسويها وتفضحه وتخور واطلع كلام زياده..وتطلع لي الريم وتلعن خيري... مانع تنهد:اااااااااااااااه الله المستعااااااااااااااااااااااااان .................................................. ..... فسياره شهاب ... كانت الاجواء غير عن سياره مانع ... شهاب مرتبش وحاط ميحد حمد ويغني وايبس ويأشر و حركات خطيره.... شهاب يعدل المرايه ع للي ورا ويغني:ليته درابي ..عانا صوابي...انا المصابي...في دنيا اغرااااب... والبنات مرتبشات وياه ويصفقن وحالتهن حاله ... وعليوه مستحيه من حركات شهاب وشهاب شاق الحلج ويغني ويسوي حركات ويأشر على قلبه ... وذياب يطالعه بنص عين وكان كل دقيقه يعدل المرايه وضربه ذياب على ايده وقاله .... ذياب وفيه ضحكه : بــــــــــــــــــــس !!!!؟؟؟!!!!من تعديل المرايه ... بتجلعها من مكانها..... شهاب انفضح وارتبك :هااااه ما اشوف سياره مانع ... ذياب : هههههههههه ... وهذا الي حذالك ذاك الصوب منوه ؟؟؟ شهاب : ههههههه جيه متى اتجاوزني .....؟؟؟؟؟ ذياب : لازم ما بتنتبه ... ما دام عيونك عند الي ورا ... شهاب اتقفط وعليوه ماتت من القفطه لانه ذياب كاشف حركاتهم ...................................... في سياره حمدان كان ابوه يقصدلهم قصايد والعيوز مستانسه على شيبتها وميره متملله ... وقاعده ترمس عنود .... ميره : اووووووف والله ملل محد فياي..دبدوبتي راقده... عنود:فديت انا دبدوبتج والله هالشموه تحفه... منصور من سمع رمسه عنود عرف انها ترمس ميره... منصور يزاعق عسب تسمعه ميره : عنوووووووووووود ... عنود ترمس ميره : لحظه مياري فديتج ... (ترمس منصور) والله اني اسمع مب لازم تسمع الي فالتلفون ... منصور باستهبال : جيه منوه ترمسين ؟؟؟ عنود : ليش تبا تعرف ؟؟؟ منصور : لا بس جيه ... فيها شي ؟؟؟ عنود فاهمه حركاته: لا السموحه منك الشيخ منصور ... بس ارمس ربيعتيه ... منصور فخاطره (فديتج ميروووتي والله اني اشتقتلج ... لازم اخدع عنود عسب تقول انها ترمس ميره )... منصور : اكيد محد غيرها عليوووه البزيه ... عنود : لا مب عليوه ... منصور : ريمووووه ام لسان ... عنود : نووووووو.... منصور : رويض .... عنود : لاااااااا ... منصور:عنوووووووووووووود .... عنود عصبت : منصووووووور خلاص الي ارمسها ميرووووه ارتحت.. منصور شق الحلج ... وقال بصوت عالي : فديتها والله ... عنود تضحك على خبال اخوها : ههههههه سوري ميروووه ... وميره صاخه وتسمع رمستهم ومستانسه... عنود:مياااااااااري... ميره صاخه:........................ عنود:ميروووووووووووه ويهد منصور داش عرض:يهد يبطج انتي وريلج... عنود:جب جب لا تسب ريلي سهيل:هههههه الله يعينه عبود ليته يسمعج عنود استحت:ايه بس قفطوني عنود:ايه يالسباله ما تسمعيني ..ولا هذا كله لان منصور الهيس تفداج.... ميره بصوت واطي:يالحيوانه لا تقولين هيس والله شيخج... عنود تريد تسوي فيها حركه لعانه:ميره ما اسمعج علي صوتج وميره الهبله ع نياتها تتحراها صدق ما سمعتها وعنود الخبيثه حاطه سبيكر... ومن عادت ميره رمستها...اتخبل منصور وقعد يصفر ويشوح بالسياره وحركات عكيفه... وميره ميته من الفشله منصور بصوت عالي:والله اني احبـــــــــــج وعنود وسهيل ميتين من الضحك على خبال منصور وميره دفنت التلفون فويه عنود من سمعت رمسه منصور.. وفجأه سمعوا صوت ثقيل توه يحس بالدنيا وهوه من اول ما طالعين راقد.... بطي:منوه هاااااااااااي الي تحبها...؟؟؟ سهيل يتحنحن...وعنود تكح منصور تلخبط واستوى ويهه اشاير مرور منصور منفعل:عنووووووودي فديت روحها اموووت فيها احبها مووت عنود وسهيل يصيحون من الضحك على منصور .... .................................................. ................................ شهاب من كثر فرحته انه عليوه راكبه فياهم ... ناسي تلفونه وحمدان حارق التلفون وشهاب ولا داري ... حمدان يتأفف : اووووووف ... ميروووووووووووووه ... ميره سرحانه بالكلام الي قاله منصور ... وانه يحبها و لا سمعت حمدان يوم يزقرها ... حمدان عصب من كثر ما زقرها ولا ردت عليه : ميروووووووووووووووووووووووووووووووووووه ويهد يشلج ... ميره توها انتبهت الحبيبه : هاااااااااااااااااااااااه حمدان : وينج من الصبح ازقرج ولا تردين عليه ... ميره : السموحه منك ما سمعتك ... شي بغيت ؟؟؟ حمدان : دقي حق وحده من خوات شهاب وقليلها تقول حق اخوها يتكرم عليه و يرد ... تراني حرقته التلفون ماله وهوه ما يرد ميره : انشا الله بس دقيقه ... وتتصل ميره على تلفون روضه ... روضه تشل تلفونها تبا ترد : شهاب الشيخ قصر على الصوت شويه .... شهاب : حاااااظرين للطيببببببين من عيوني .... روضه ترد على ميره : تسلم عيونك... الوووو هلا والله ميره : يله منوه هاذا الي تسلم عيونه .... ليكون الي بالي بالج ؟ روضه فهمت عليها انها تقصد ناصر : هيه عندج مانع ... وراكبه فياهم بعد ... فديتهم والله ... ميره : سكتي الله يلعن بليسج ... عن حد يفهم عليج ..... روضه : هههههههههههه ... اشحالج حتاتي؟؟؟ ميره : بخير يا عنوني ... اشحالج انتي ؟؟؟ روضه : مشتاقه حق شموتي ... اشحالها ما اسمع لها صوت؟؟؟ ميره برطمت :مالت عليج قلت اشتقتيلي انا مب شموه هالدرام روضه :ههههه ... فديتج والله ... ميره : رواضي عيوني ... قولي حق اخوج شهاب انه يتكرم على اخويه ويرد عليه لانه حرقه التلفون من كثر ما يتصل ومحد يرد عليييه .... روضه تبتسم : هههههه ... من عيوني ... ميره : تسلم عيونج ... يله باااااووووو روضه : بااااااااااااووووووو.... ............................................ وخبرت روضه شهاب انه ميره متصله وتقول انه حمدان مغيض من كثر ما اتصل و شهاب ما يرد عليه ... وبعدها اتصل شهاب بحمدان واستسمح منه لانه ما سمع التلفون يوم يرن ... وسأله حمدان وين هم وخبره وين مكان المزرعه وتلاقوا رباعه .... .................................................. .... بعد ربع ساعه وصلن ثلاث سيايير وهن سياير مانع وشهاب وحمدان ... طبعا السيايير الباقيه بعدهم فالطريج لانهم يسوقون على راحتهم مب مستعيلين شراتهم .......... ونزلوا البنات و الشباب ودخلن البنات داخل والشباب ينزلون الشنط ... وطلعت روضه و ودوووم وخلوف من داخل عسب تشلون شنطهم .... والريم يالسه داخل هيه وعليوه وميره داقه سوالف ودخلت روضه شاله شنطتها ... روضه : الريم قومي شلي شنطتج ... الريم : ما اقدر انا تعبانه ... روضه : عيل منوه بينزلها لج ؟؟؟ الريم : رويض الشيخه نزليها ... روضه طنشتها و راحت فوق ترتب المكان عسب يوم يوصلون الباقين يكون المكان مرتب .... ونشت الريم متأفف وطلعت من الفله رايحه صوب السياره .. وشافت شهاب شال شنطته و واقف ويا حمدان الي كان ينزل الدلال الي امه مسويتنهن ..... الريم : شهاااااااااااااااااب شهاب : هااااااااه ريمووووووووووووه شوه عندج ؟؟ الريم : الشيخ نزل شنطتيه ودخلها داخل ... شهاب بنذاله : كم تدفعين ؟؟؟ الريم : شهاااااااااب بلييييييييييييييييز ... شهاب : تعالي شليها بروحج .... الريم : اووووف ... وين ذياب ؟؟؟ شهاب : راح يرقد ... الريم : حشى ما وحنا نوصل..من الصبح متفيرز فالسياره ..اوووووف ... يله بشلها اروحي ... راحت تبا تشل شنطتها ما قدرت لانها ثقيله ويلست تسحبها وخطف عليها شهاب وهوه يضحك عليها وراح عنها داخل وهيه بعدها تسحبها .... ويا صوبها حمدان ...و وخى على الشنطه وشلها بايده ... وايده الثانيه شال الدلال .... حمدان : اشحالج الريم ؟؟؟ الريم : بخير الحمدالله ... اشحالك انته ؟؟؟ حمدان : بخير وسهاله ... الريم : عطني اشل الدلال عنك ... حمدان يمدلها الدلال : اندوج ... الله لا هانج ... ومدت ايدها تبا تشلها لمست ايده بالغلط و ارتعشت ايدها ... وراحوا داخل ارباعه بس كان مانع توه ياي وشافها يوم شلت عنه الدلال ... وعصب عليها .... وبعد ما خلص مانع تنزيل القشار الي فسيارته ودخلها فالكراج ودخل الصاله وشافهم متجمعين البنات و شهاب وحمدان ... مانع : السلام عليكم الكل : عليكم السلام مانع : عليوه تعالي شلي شنطتج ... عليوه تنش : انشا الله ... مانع : القشار الي فالسياره وين احطه ؟؟؟ روضه : خلاص مانع نحن بنرتبه خله عنك ... وقامت روضه وميره عسب يرتبن القشار فالمطبخ ... وراحت الريم ويا عليوه فوق وتساعدها فترتيب شنطتها ... وبعدما خلصن نزلن عند الشباب ويلسن فياهم ... لحد ما يوصلون باقي الاهل ... ............................................. فالمطبخ كانت روضه وميره يرتبن القشار الي كان فسياره مانع فمكانه وبعد ما خلصن ... ميره تقعد على الكرسي : آآآآآآآآآآآآآآآآآآآآآآآآآآآه تعبت ... روضه اطلع لها بيبسي وتعطيها : ههههههه انتي دومج تتعبين بسرعه ... ميره بدلع : شوه اسوي ... فديتني ما اقهر الشغل ... روضه : ههههههههههه يالدلوعه ... الله يعين الي بياخذج ... ميره : ههههه قولي الا يحظه ... اصلا هوه يتمنى نظره من ميره الخييلي ... روضه : عاااااشت الخقه ... ياخي ما تنلامين اخوج حمدان ... الخقه الا من وراكم قوم بالخيل ... ميره : هههههههههههههه فديتنا والله ... روضه تبتسم : انتي شوه بيصيرلج لو في يوم ما تفديتي عمرج... ميره :ههههههههههه... شوه اسوي ... الا رويض تعالي ... روضه : هلا ...وين ايي ؟؟؟ ميره : هههههه ... شوه سويتي علشان ناصر ؟؟؟ روضه ابتسمت : ما سويت شي ... بس ذاك اليوم شفته فميلس بيتنا ... ميره : هيييييييييه ... شوه سويتي ؟؟؟ وخبرتها روضه كل الي استوى .... ميره : يا حظج على الاقل تعرفينه انه يحبج ... روضه : بعد شوه بعد ما اتعذبت سنه كامله منه ومن حركاته ... ميره : بس فالنهايه ... يحبج وعلى كل الي كان يسويه بعده مخلص لحبكم ... وانتي شوه شعورج صوبه ؟؟؟ روضه : تصدقين فوق كل الي سواه بعدني احبه ... مع اني كنت اقول لعمري لازم انساه لانه خاني ... بس والله قلبي ما يتقبل هذا كله ... ما اقدر اكرهه ما اقدر اشوفه ضايق ... ميره : نيالكم ... الله يهنيكم ... وطول ما كانن ميره وروضه يرمس كان في واحد واقف عند الباب وسمع كل الي قالنه ... وقدهن واصلات عند الباب وهوه دخل و عدلن شيالهن بسرعه ... ناصر وهوه ماسك ايده : السلام عليكم روضه + ميره : وعليكم السلام .. روضه : ناصر شفيها ايدك ؟؟؟ .......................................... __DEFINE_LIKE_SHARE__ |
|
| |
| |
|
07-01-2013, 03:11 AM
| رقم المشاركة : [ 163 ] |
| عضو جديد | @@@ السادس والعشرين@@@ ................................................. ناصر وهوه ماسك ايده : السلام عليكم روضه + ميره : وعليكم السلام .. روضه : ناصر شفيها ايدك ؟؟؟ ناصر رايح صوب الحنفيه عسب يغسلها : ما شي بس كنت انزل الاغراض من السياره وما ادري شوه يرحني ...و ييت اغسلها ... روضه تروح صوب الثلاجه اطلع ثلج عسب يحطه على ايده و يوقف الدم ... روضه تحط الثلج على ايده : سلامتك ما تشوف شر ... ناصر يطالعها وهيه رايحه صوب الدرج تبا اطلع شي منه : الشر ما اييج .... روضه طلعت علبه الاسعافات وطلعت منها المطهر و علبه لصقات الجروح ... وردت صوبه وخذت ايده وهوه يطالعها ونظفتها و حطتله لصقه عليها ورفعت عيونها صوبه وتلاقت عيونه بعيونها ونزلتهن بسرعه وراحت ترد كل شي مكانه وقدها واصله الباب بتطلع لانه ميره تترياها برا ... زقرها ... ناصر : روضه ... روضه : هلا ... ناصر : مشكوره تعبتج ... روضه : العفو ... تعبك راحه ... وطلعت من المطبخ وناصر يطالعها..... وطلعن البنات وراحن يتمشن يستكشفن المزرعه... ميره تغمز:اووووووووووه صراحه خطيرررررررررره.. روضه:ايه تراني استحي ميره:يا بختج...يا حظج... روضه:واااااااااااااااااي ميره:تعرفين انه الي تحبينه يحبج ويبادلج المشاعر...مب حليلي انا جنه حبي من طرف وااااحد (ترفع يدينها تدعي)يا ربي دخيلك ما يكون من طرف واحد.. روضه تضحك ع حركتها:ههههههههههههههههههههه عنلاتج تحبين وانا ما اعرف... ميره:لااااا دخيلج لا تتخبرين..ميته انا ما احب انا اعشق... روضه:هههههه مسكين حالج ومنوه سعيد الحظ... ميره تتنهد:آآآآآآآآه صدق انه سعيد الحظ... روضه:اوووه بدت الخقه...يله قولي ميره:حزري... روضه:اممممم دريولنا ميره:هههه عنلات فيسج روضه:امممم مزيون شفتيه فالمول ميره:نااااااااهيه روضه:محد غيره..العاشق الولهان...احمدوووه ولد عمج ميره:لا يهبي إلا هوه ولد امه...اااخ عليه روضه:انزين لمحي لي...يعني هوه من دبي ولا العين ميره:امممم بقربلج...هوه من دبي بس دووم مطيح فالعين.. روضه:امممم والله ما عرفته... ميره:انزين بقربلج اكثر...هوه ويانا فالطلعه... روضه:هيه جيه اسهل...اممم سهيل ميره:نووووووووووووووو روضه:مااااااااااااااااااانع صح ميره :هههه لا حتاتي منوع اروحه مبين عليه يحب ...لا انا قلت من دبي... روضه تشهق:لاااااااااااااااااا تقولين.... ميره زاغت:شوووووووووه؟؟؟؟لا تخافين مب حاطه عيني ع نصور روضه:هههههه اتحرى بعد...شوه قلتي نصور اصغر عيالج ميره:بعدني ما يبت الريل عسب اييب العيال..يله حزري روضه تنقع ضحك:هههههههههههههههههههههههه ما غيره المغازلجي السري... ميره عليها اكبر علامه استفهام:؟؟؟؟؟؟؟؟؟؟؟؟؟؟؟؟؟؟؟؟؟؟ روضه:ما غيره بو السواااااالف...منصووووووووور ميره اونها تتغشى:.فديت طاريه ...اتحي روضه:خخخخخخخ يالدلوعه اونه اتحي...والله تتناسبون ميره تتنهد:آآآآآآآآآه بس يمكن من طرف واحد... روضه:ليش وانتي كيف حبيتيه..لا تقولين من اول نظره.. ميره تتبتسم وهيه تتذكر مواقفها وياه:نووووووو ميره:تعرفين..آخر موقف كنت ارمس عنود..وكان مصر انه يعرف عنود منوه ترمس...وفجأه قال والله اني احبج وجان استحي وادفن التلفون فويه عنووود... روضه تعطيها طراق خفيف :جب جب (تقلدها) وتقولي من طرف وااحد...واضح وضوح الشمس انه يحبج... ميره:هههههههههههههههه فديته يذبح روضه:اووووووه خطيره ميروووه..وحليله احمدووه كاسر خاطري ميره:جب جب ..علني افارقه... روضه:هههههههههههههههههههههههههههههههههه ميره:قومي نرد داخل نسير نريح عقب هالخط... روضه اطالعها بنص عين : الا قولي تريدين تجحلين عيونج بشوفه المغرم المهيري.... ميره:عنلاتج كاشفتني......هيه والله فديته ... وراحن داخل كانت العايله مجتمعين ما عدا ذياب الي راقد و شهاب وحمدان الي طلعوا يتمشون وسعيد عند حرمته و ناصر كان مب موجود .....والي قاعدين من الشباب منصور وسهيل ومانع وعبدالله وسلطان ... والحريم راحن المطبخ يتعبلن للغدا والشواب راحوا يقيلووون على قولتهم ... والبنات الباقيات يالسات والشباب يتمصخرون عليهن.. روضه +ميره : السلام عليكم الكل : وعليكن السلام روضه : اشحالكوووووو؟؟؟ منصور : طاااااااااااااخ نط عرج المناصير ... روضه :لا والله ما عايبينك المناصير ... سلطان : عاشت بنت عمي ايوه دافعي عنا ... روضه : اعجبك ولد العم ... سهيل : هههههه يله بنسوي حزب بس وينهم الخيلاااات ميره ترفع ايدها:اااحم ااحم..انا عن كل قوم بالخيل منصور يتأملها بصوت واطي :فديت انا الخيليه الكل ضحك ع حركتها إلي كلها براءه من الخاطر ميره تبا تغير الموضوع : الا انتوا متى وصلتوا ؟؟؟ سلطان : نحن من زمان واصلين بس انتن وين رحتن ؟؟ روضه : كنا نتمشى برا ... عنود : يالخاينات ليش تروحن عني ؟؟؟ ميره : انتوا اتأخرتوا نحن كنا فالمطبخ وبعد ما رتبنا القشار طلعنا نتمشى على العرقوب ... عنود شهقت :ايوه ايوه ... تعرفني احب اروح امشي ع العرقوب روضه : السموحه منج عنادي ... بنروح فياج مره ثانيه ... ويدخل عليهم ناصر ويسلم ويقعد ... ناصر : السلام عليكم ... الكل : وعليكم السلام ... سلطان : السلامه ناصر شياها ايدك ؟؟؟ ناصر يطالع ايده وتنهد : الله يسلمك ...ما شي بس كنت انزل الاغراض وما ادري شوه يرحني ... سهيل : الحمدالله ع السلامه ولد الخاله ... ناصر : الله يسلم غاليك ... عليوه : اقوووول نصووور ... ناصر : نصور فعينج ... خير انسه عليوه ... عليوه : ههههه مسرعك رحت المستشفى ما يرزا عليك الا يرح. ناصر يطالع روضه وميره بتموت من كثر ما تضحك : هيه عندج مانع ... اخاف على صحتيه .... عليوه : الله يعين حرمتك ...دامك على اليرح تروح المستشفى .. ناصر : يعلج فدى حرمتيه انتي وريلج ....ماترومون ع حرمتيه منصور + سهيل : حلييييييييييييييييييله هوه ... سلطان : عيل نيالها الي بتاخذها بتحطها فعيونك ... الريم : ههههههه ولد خالي خطير ... ليكون نصور تحب ... ناصر تنهد : الا احب واعشق ... عليوه : حليله ولد عمي ... متعذب ...هههههههه عنود : يا ويل حالي عليك يا اخويه ... انزين منوه هاذي الي تحبها ....؟؟؟؟؟؟؟؟؟ ناصر عقد حياته : عيب ما بخبركم انتوا صغار ... الكل ضحك عليه لانه يابها بطريقه تضحك .. روضه شهقت يوم شافت ساعتها : حرااااااااااااااااااااااااااااام الكل التفت لها وقالوا : شياااااااااااااااااااااااااااااااااااااااااج ؟؟؟ روضه : فاتت صلاه الظهر ... كله من سوالفكم ... يله قوموا .. والشباب خطفوا يترابعون الي دخل الحمام يتوضأ والي راح يبدل كنتدورته والبنات راحن فوق يتوضن ويصلن ....وروضه راحت الحجره الي راقد فيها ذياب عسب توعيه ....ودقت الباب بس ما رد عليها ودخلت وكانت الحجره مثلجه ومظلمه وراحت صوب الستاره وفتحتها .... وبندت المكيف ... وذياب بعده ما نش ... روضه : ذيااااااااااااااااب ... ذيااااااااااااااااااب ذياب ما رد عليها ... روضه : ذياااااااااب قووووووووووم بسك رقاد .... ذياب :همممممممممممممم روضه : بسك رقاد قوم صلاه الظهر .... ذياب : برقد شويه بس ... روضه : قوووم بسك ريحتك وصلت عندي قووووم ... ذياب ينش : انزين ... لج الشرف تشمين ريحتي انزين ... روضه :ههههههههههههه خلاص قوم ... وطلعت عنه وقام وخذله شور وصلى واتكشخ وطلع عندهم فالصاله .... .................................................. فالمطبخ كانت روضه وعنود ومنى يالسات يقطعن السلطه ويسولفن ودخل عليهن سهيل ... يخبرهن يحطون الغدا ويروحن يرتبنه فصاله الطعام مالت الميلس ... سهيل : هااااااااااااي قايز ... روضه + عنود + منى : هااااااايااااااااات ... سهيل : اشحالكن بنات ؟؟؟ روضه : بخير ربي يعافيك ... عنود : اما انا يوم شفتك صرت في ازفت حال ... سهيل : عنلاتج يالهرمه ... لو شايفه عبود بتكونين فاحسن حال. عنود : سهيلووووه ... حرام عليك استحي سهيل : هههههههههههه انزين يله حطوا الغدا ... روضه : انشا الله ... سهيل وهوه يطالع منى وهيه منزله راسها وتقطع السلطه ويرد يطالع عنود ويسوي بايده انها هيه هاذي الي رمستني فالتلفون وعنود وروضه ميتات من الضحك وعنود تهز راسها بمعنى هيه ... وطلع عنهن وعنود تصاصر روضه وتقولها ... عنود : رويض ... اقولها انه الي رمسته سهيل مب سهيله ؟ روضه : ههههههه بتنصدم ... عنود : بقولها ... عسب تعرف بس ... عنود تلتفت صوب منى ... عنود : مناااااااااااااااااايه منى : عيونها .... عنود : تتذكرين سهيله الريامي ؟؟؟ منى : هيه فديتها شوه فيها .... عنود : تذكرين يوم رديتي عليها يوم اتصلت ع تلفوني ... منى : هيه فديتها والله اشتقتلها ... عنود : هاذيج مب سهيله .... منى عقدت حواجبها : عيل منوه ؟؟؟ عنود : هاذا سهيل ولد خالتيه ... منى : شووووووووووووووه ؟؟؟؟ لا حرااااااااام عليج ... (ويرحت صبعها بالسجين )... نشت منى عنهن تغسل صبعها وروضه وعنود مستغربات من رده فعلها..ما توقعنها جيه تعصب.... منى تمش صبعها من الدم ووطت السجين وطلعت من المطبخ ودمعتها ع خدها... عنود:منى...مناايه...مناااايه روضه تعض شفايفها:حراااااااااام والله انها حطت فخاطرها عنود:يا ويلي كله ولا مناتي شو بسوي؟؟؟الله يسامحك يا سهيل....يعني كان لازم تسألني.... راحت بعيد عنهن ويلست ع العرقوب ... ونزلن دموعها على الموقف البايخ الي انحطت فيه ... منى فخاطرها : حرااااااااااااااام عليج يا عنود ... الحين شوه بيقول عني ... قليله ادب ... ومب مربايه ... والله لو درى سلطان بيذبحني ... وغطت ويها بايدينها وقعدت اتصيح ... : منايه ... ليش تصيحين ؟؟؟ منى من سمعت الصوت اتلخبطت ... ما عرفت شوه تقول فتمت ساكته ... ودموعها بعدهن ينزلن ... فيلس حذالها ولوى عليها وتمت اتصيح فحظنه ... وهوه اتروع عليها ... سلطان بحنان : منى حبيبتي شفيج اتصيحين ؟؟؟ منى تشاهق من الصياح : سلـــ....ـطــــ...ـــان ... سلطان اتروع عليها : منى شي يعورج ؟؟؟ منى تهز راسها :لا بس اتولهت ع امايه... سلطان:الله يرحمها منى تصيح : سلطان انا احب امايه ... ليش هيه راحت وخلتنا ... سلطان عوره قلبه ع اخته وحس عمره مقصر فخواته : منايه ... انتي تحبين امايه ... وكيف تعترضين ع قضاء الله وقدره وانتي كبيره عيل شوه خليتي حق غلوي وسهيل ... منى تشاهق من الصياح : سلطان والله اني متوله عليها موت ... واغار يوم اشوف أي بنت فيا امها ... سلطان : انزين خالتيه ام سعيد ما مقصره فياكن مخليتنكن مثل بناتها ... خلاص منايه لا تصيحين ... تراني ما اعرف امثل دور الحنون و ما اعرف اهدي حد ... خلاص لا تصيحين ... منى تمسح عيونها :هههههههه اصلا انته الحنان كله ... سلطان : احم احم ... توعديني ما تصيحين مره ثانيه .. منى :اوعدك ... و قام و راح عنها وهيه تمت تفكر فكلامه وتفكر بالي صارلها من عنود وسهيل والموقف السخيف ... منى تمسح عيونها عسب ما يبين عليها انها كانت اتصيح ... وقامت تبا تروح داخل الفله ... وشافها سهيل وحس بشعور غريب يوم شاف عيونها حمر وامبين عليها انها كانت تصيح ... فراح صوبها .... سهيل : اشحالج منى ؟؟؟ منى رفعت عيونها صوبه وكلها دموع و راحت عنه ولا عبرته ... وسهيل استغرب ليش ما ترد عليه وتمت عيونه تتبعها لحد ما دخلت داخل ... وهوه يتذكر عيونها يوم رفعتهن صوبه وهن متروسات دموع ... وقال : آآآآآآخ محلاها ... يا ربي الله يعيني اليوم كيف برقد من عيونها ... آآآآخ محلات عيونها وهيه تصيح ... بس ليش اقول هالرمسه..يمكن لانها كاسره خاطري عسب الفشله..خخخ ..بس عيونها فنتك وهيه تصيح.. .................................. نهااااااااااااايه البارت __DEFINE_LIKE_SHARE__ |
|
| |
| |
|
07-01-2013, 03:13 AM
| رقم المشاركة : [ 164 ] |
| عضو جديد | .. السلآم عليكم ورحمة الله وبركآآآته .. @@@الجزء السابع والعشرون @@@ بس ليش اقول هالرمسه..يمكن لانها كاسره خاطري عسب الفشله..خخخ ..بس عيونها فنتك وهيه تصيح.. كان واقف وسرحان ويا من وراه ولا حس فيه وزعق عليه .... منصور : سهيـــــــــــــــــــــــــــــــــــــــــــــــ ـــــــــــــــــل سهيل ولا داري بالدنيا يطالع الباب الي دخلت منه منى ... منصور استغرب منه ليش ما يرد عليه : سهيل ... سهيل ويهد... سهيل توه انتبه : هاااااه ... هلا منصور... منصور : الي ماخذ عقلك يتهنابه ... سهيل : هههه منوه ماخذنه ؟؟؟ بعدين شوه يبابه ... الا عقل سهيل تراه ... شوه بغيت ؟؟؟ منصور : لا سلامتك ما بغيت شي بس ياي اقولك انهم حطوا الغدا و شرايك العصر نروح نتحوط بالبانشي .... سهيل : خلاص تم وبنقول حق الشباب إنا بنركب البانشي العصر منصور : يله صار ... يله نتسابق منوه يوصل قبل الميلس تراني ميت يوع .... سهيل : لازم بتموت بس مب يوع الا وله على حبيبه القلب ميروه منصور : ههههههه هيه والله اني اشتقتلها عنلاتها بتذبحني مــ.. سهيل يقاطعه : اقوووووووول .... اذا اني قعدت اسمع رمستك عز الله فاتنا الغدا .... وراح عنه سهيل عسب يلحق ع الغدا مع انه ماله خاطر ياكل شي ... لانه منى شاغله باله وهوه ما يدري ليش .... ولحقه منصور وساروا يتغدون ... كانت فالمطبخ ورن تلفونها و شافت الرقم استغربت ليش داق مع انها توها شايفتنه ... وردت عليه ... عنود : الو ... مسرعك ولهت عليه توني شايفتنك ... سهيل : عنود ... عنود : هلا ... سهيل شفيك ؟؟؟ سهيل : حد عندج ... عنود : لحظه ... (وطلعت برا لانها حست انه فيه شي) ... الحين محد عندي ... شوه فيك ؟؟؟ سهيل : عنود ... انتي قلتي حق منى اني انا الي رمستها مب ربيعتها ... عنود : هيه ... ليش ؟؟؟ شوه استوى ؟؟؟ سهيل سرح شويه وعرف ليش ما ردت عليه عنود : سهيل ... سهيل ... سهيل انتبه : شوووه ؟؟؟ عنود : ليش تسأل هيه قالتلك شي ؟؟؟ سهيل : لا بس ... وخبرها يوم تلاقى وياها و يوم رمسها ... عنود : والله اني تلومت فيها ... اظن انها شلت فخاطرها عليه ... سهيل وهوه يفكر بمنى تنهد: آآآآآآآآآآآآآه منها ... عنود : هههههه ... سهيل اظني الا يابت راسك المنصوريه سهيل عصب : قطعيها هالرمسه ... الحين روحي شوفيها ... يمكن زعلانه ... يله برايج ... عنود زاغت: اوكيك ... مع السلامه ... سهيل : فمان الله .... وسكرت عنه وقالت : يا ويلي زعلتهم باثنينتهم ... صدق اني غبيه .... مالت عليه ... رحت اكحلها عميتها .... وراحت المطبخ عسب تساعدهم على تحطي الغدا حق الحريم .... وخبرت روضه شوه قالها سهيل ... وعلى الغدا كل الحريم والبنات قاعدات ما عدا منى ... ام سعيد : بناتي وين منى ؟؟؟ ميره : صراحه خالوه انا شفتها يالسه فالحجره ... ام سعيد : وابويه ... رويض روحي زقريها ما بنتغدا عنها ... روضه تنش : انشا الله امايه ... عنود : رويض ... بروح فياج ... روضه : يله ... وراحن يزقرنها و دقت روضه الباب بس هيه ما ردت وفتحت الباب وحصلتها راقده ودموعها ع خدها ... وكسرت خاطرها وراحت و غطتها باللحاف و بندت الليت وطلعت وقالت حق عنود انها راقده وهيه كانت اتصيح وتلومت فيها عنود زود ونزلن تحت وقالت حق امها انها راقده ... وبعد الغدا كانن البنات ما عدا منى يالسات فالصاله والحريم والشواب رقدوا ويوا الشباب ما عدا سعيد وقعدوا فيا البنات... وقعدوا يسولفون ... سلطان يدور منى بعيونه : اقووول بنات وين منى ؟؟؟ عنود اطالع سهيل وترد واطالع روضه وبعدها نزلت راسها ... روضه : منى راقده .... سلطان : شوه فيها مب فالعاده منى ترقد الظهر ... روضه : يمكن تعبانه ... وحبت اتريح شويه ... سلطان : غلوي قومي شوفيها بوديها العياده .... غلوي تنش : انشا الله ... وراحت غلوي تقوم منى عسب يوديها سلطان العياده ... غلوي توعي منى : منى ... منايه ... منووووووووووه .... منى تنجلب الصوب الثاني : همممم ... شوه تبين ؟؟؟ غلوي : يقولج سلطان قومي اذا تعبانه بيوديج العياده ... منى من سمعت سلطان فزت : ما يحتاي فيه صداع وبيروح بعد شويه ... قوليله تقولك مشكووور ... بتاكل بندول وبيروح الصداع الي فيها .... غلوي : اوكيك ... قومي قعدي فيانا تحت والله الشباب سوالفهم تضحك ... منى : منوه تحت غير البنات ؟ غلوي تعد على اصبوعها : سلطان + ناصر + مانع + ذياب + شهاب + حمدان + منصور + سهيل .... منى من سمعت سهيل يالس تحت : لا ما فيه راسي يعورني بريح شويه .... غلوي : على راحتك يا حلوووو ...وطلعت عنها وخبرت سلطان بالي قالته ... وسار هوه و غلوي عندها عسب يطمن عليها ... ميره تكلم نوره بصوت واطي : سلطان وايد حنون ... نوره : هيه صح ... شفتي كيف يحاتي خواته ... ميره : الله يخليه لهن يا رب ... نوره : آمين ... ميره : بس تصدقين الشباب مايسون جذيه ليش هوه غير عنهم؟ نوره : لانه يحاول يعوضهن حنان امهن الله يرحمها .... ميره : نيالها منى وغلوي بسلطان ... الله يحفظه ... نوره : آمييييييييييين ... ذياب يدش عرض عليهن : حوووووووووووه انتن ليش تتصاصرن ؟؟ ليكون تحشون فينا ... نوره : لا ما نحش فيكم بس نتكلم عن سلطان ماشا الله عليه حنون ويحب خواته وايد ... منصور : أي حنان فسلطان ... ميره : عيل لو انه عنود تعبانه وراقده بتسير تتطمن عليها ... منصور : لا طبعا تعرفين ليش ؟؟؟ ميره : ليش ؟؟؟ منصور :لانه عنود قطو بسبع ارواح ما تمرض ... ونقعوا الشباب ضحك على منصور .... ............................................ فوق عند منى كان سلطان يحاول فيها عسب يوديها العياده وهيه مب راضيه وغلوي تضحك عليهم .... منى : سلطان والله انه ما فيه شي ... بس صداع وبيروح ... سلطان : شوفي ويهج كيف صاير اصفر ... قومي اوديج العياده ... منى : هذا لاني ما كلت شي من امس ... سلطان عقد حياته : ليش انشا الله ليكون ما تريقتي ولا تغديتي؟ منى : الريوق ما كان لي خاطر ... الغدا كنت مصدعه وراقده عسب جيه ما كلت شي ... سلطان : يله قومي كليلج شي ولا اتمين جذيه ... منى : انشا الله بنزل بعدين ... سلطان : لا الحين تقومين جدامي وبسرعه ع المطبخ ... طبعا منى ما قدرت تعارضه لانها تعرفه يخاف عليها عسب جيه قامت وغسلت ويها وعدلت جحال عيونها وشيلتها ونزلت وياه تحت وهيه نازله كانت نظرات سهيل يتبعنها وهيه لاحظته بس طنشته ... وسلمت ... منى : السلام عليكم ... الكل : وعليكم السلام ... عليوه : سلامات منايه ما تشوفين شر ... منى : الله يسلمج فديتج ... الريم : ليته ف غلوي ولا فيج ... غلوي نقزت : ريموووووه هالكثر انا مخربه عليج ... الريم : افااااا كله ولا غلوي ... ليته ف سلطان ولا فيج ... الكل : هههههههههههههه سلطان : وانا موافق اتعب انا ولا تتعب لا منى ولا غلوي ... روضه : لا حتى انته ما تتعب ولا واحد فيكم يتعب انشا الله ... كلكم تكونون بخير وسهاله ... سلطان فخاطره : فديتج والله ... محاتيتني ما تريدني اتعب ... بتذبحيني من تصرفاتج ... ناصر يطالع روضه وعصب من كلامها ... ليش تقول جيه ولا خلاص ما صارت تحبني و تحب سلطان ... وقام وطلع برا وعيون روضه تتبعه وتقول فخاطرها : شفيه ناصر ؟؟؟ ليش طلع ... القعده حلوه ... ليش يروح ؟؟؟ سلطان يبتسم : تسلمين رويض ... مب شرات ريموه هاليابسه الي تتمناني امرض ...اخاف الا فخاطرها تتمنالي الموت الريم عصبت : ايه سلطووون اصطلب شوه بعد هاذي اليابسه ... سلطان : جيه شوفي عمرج كيف صايره يابسه ...الي يشوفج يقول عمي ما يأكلج .... الريم : سلطوووووون يالدب والله يراويك ... وتموا الريم وسلطان يتناقرون و الشباب والبنات ميتين عليهم من الضحك ... وروضه سرحانه تبا تعرف شفيه ناصر طلع من دون ما يخبرهم انه طالع ولا استسمح منهم ... وكان ويهه متغير يمكن شي فيه .... وقطع عليهم نقارتهم وسرحانهن صوت سهيل .... سهيل : هدوووووووووووووء ... منصور : سهيل الكتبي يتكلم ... سهيل : قررنا انا ومنصور المهيري انه اليوم العصر أي بعد (يطالع ساعته) ... نص ساعه انه بنطلع بالدراجات ... والي يحب يشاركنا ... نستقبله ... وشكرا .... منصور : هاااااه شوه رايكم ؟؟؟ مانع : صراحه فكره ترتوووووب ... وانا اول المشاركين ... شهاب + حمدان + ذياب + عبدالله : ونحن بعد وياكم ... الريم : حتى انا فياكم ... مانع : وين تبين ... انتن ما شي ... ما عدنا بنات يركبن الدراجات.. عليوه : ليش منووووع ؟؟؟ دخيلك خلنا نستمتع ... عنود : منصووور الشيخ تراني انا بعد فياكم ... ميره:حمدااني دخيلك وانا بعد حمدان:ما طلبتي ...امرره تم الريم:انا ياحافظ ع حمدان...شوفو كيف اتعلموا الطيبه من ربيعكم مب انتوا (وتسوي عليهم مالت) يا حظي امحق ... سلطان:عيل عناد فيج انتي ما تركبين..وكلهن بيركبن حمدان:خلاص الريم..انا دراجتي صوبكن انتي وميره...حرام مب كل يوم بتن... الريم ابتسمت ومانع خاطره يكفخها ..عادي مطيحه الميانه ويا حمدان جنه واحد من الربع.... سلطان:نوووو وي الكل بيركب الا انتي ريمووه خااانو...ممنوع الريم:سلطوووون بليز...لا ترمسني ..انا ما ارمسك سلطان فج عيونه:شفيج توج بخير... الريم:والله طااااااااااااااف سلطان:دخيلج لو يخاصمني الكل الا انتي دخيلج الا انتي الريم:رووووح لاه ...اصلا ودك.. مانع:طلعتي ولا نزلتي...دراجات ما بتركبين.. الريم برطمت لان كلهم ضدها... الريم اطالع شهاب وتترياه يرمس يساعدها صار الكل ضدها وهو ساكت وفالح يبحلق فعليووه...ويتبادلون الابتسامات.. الريم تزاعق: حوووووه عليووووووووووه.. عليوه وشهاب فزوا من صرخت الريم... عليوه:هلا الريم معصبه:بسج من اعلانات الضروس انتي وياه ..تعالي ابااج شهاب اتقفط:ينطبج يا ريموووه يبالج طراقين يسنعج ..اووف قطعتي علي..الله يا خذ بليسج... عليوه استوت طماطه تخاف انه مانع يشك بشي او يفهم شي.. عليوه نشت وراحت هيه والريم برا ... .................................................. ................. كان واقف برا وهوه يشتعل من الغيض الي فيه ... ويقول فخاطره :ليش هيه اتسوي جذيه ؟؟ ... ولا تريد تردلي الي كنت اسويه وتحسسني الي كانت تحس فيه ... وهوه شاق الحلج مستانس من الكلام الي تقوله ... آآآآخ يا القهر بس لو ما كان اخوانها هناكي كنت بوقفهم عند حدهم ... آآآآآخ يالقهر ... والله انها قهرتني بكلامها ليش تسوي جذيه بس ودي اعرف ليش .؟؟ ................................ وكانت منى و ميره طالعات رايحات المطبخ عسب يسون شي حق منى لانه سلطان لزم عليها انها تروح تاكل شي ... و ميره شافت ناصر واقف برا ويدوخ ... وحسب كلام عنود ان ناصر ما يدوخ الا يوم يكون فيه شي ولا معصب من شي ... ويبرد حرته بالدخان ... وقالت : والله يقتل عمره بهالسم ... منى تلتفت صوبها : منوه الي يقتل عمره بالسم ؟ واي سم ؟؟ ميره وهيه تاشر على ناصر : ناصر طالعي هكوه يدوخ ... ويحرق صدره بالسم ... حرام عليهم يضيعون شبابهم .... منى : و لو حد قالهم الي تسونه غلط ... قالوا نحن رياييل ونعرف الي يسرنا والي يضرنا .... ميره:والله صدقج...بس عنود تقول انه ما يدوخ إلا اذا معصب من شي... منى:يمكن حد ضيجبه... ميره فخاطرها:خخخخ وينج يا رويض تشوفين العاشق الولهان شو مضيجبه... منى:حوووه وين وصلتي؟؟؟ ميره:هاه ..لا هنيه فيااااج...يله تعالي دوري لج عيشه تاكلينها.. وبعد ما كلت منى شي ردن داخل عند البنات ... ويات ميره ويلست حذال روضه وهيه تضحك ... واستغربت منها روضه وايد .. روضه : ميرووووووووه ... شوه فيج تضحكين ؟؟؟ ميره اطالعها بنص عين وقالتلها بصوت واطي :تعالي فيايه ... و قامن وطلعن برا ...والشباب استغربوا ليش كل ثنتين يطلعن ... ...................................... ميره:شوفي هناااك... روضه:وين؟؟ ميره:هناكي يالغبيه...شوفي كيف معصب ويدوخ.. روضه:واااايه فديته..والله شكله مضيج حده.. ميره:هيه عاشوا بدى التفدي..ما تحيدين عنود تقول انه ما يدوخ الا اذا كان معصب... روضه:هيه والله صدقج..تتوقعين شو مضيجبه؟؟؟ ميره:انزين سيري وتخبريه شو فيه؟؟؟ روضه تعض صبعها:اخاف حد يشوفني.. ميره:افا عليج..انا بشتغل هنيه برج مراقبه... روضه:هزرج... ميره:افا عليج ما توثقين فيني..(ودزتها) يله استغلي وقتج..واول ما اشوف حد بصفرلج وردي بسرعه.. روضه:اوكيشـــــــــــــــن.. ^ .^ وراحت روضه وصوب ناصر وهيه ميته خوف وميره مشتغله برج مراقبه وتراقب لها المكان... ............................................. نهااااااااااااااااايه البارت __DEFINE_LIKE_SHARE__ |
|
| |
| |
|
07-01-2013, 03:14 AM
| رقم المشاركة : [ 165 ] |
| عضو جديد | @@@ الجزء الثامن والعشرون@@@
__DEFINE_LIKE_SHARE__
............... روضه:اممم السلام عليكم ناصر افتر صوب الصوت ما اتوقع انها تي لحد عنده:وعليكم السلام والرحمه..شوه تسوين هنيه؟؟ روضه:يعني ارد ما تباني؟؟؟ ناصر:لا مب قصدي بس اذا حد شافج... روضه:لا اول ما اسمع تصفير ما بتشوف الا غبار ريولي ناصر ابتسم ^ .^ وفجأه عقد حواجبه لانه اذكر رمستها ويا سلطان... روضه:اممم ناصر ممكن سواااااااااال؟؟ ناصر بدون نفس :اتفضلي روضه:ليش تحرق صدرك بهالسم؟؟ حرام اضيع عمرك بهالزقاره الي ما تسوى بيسه... ناصر عطاها ظهره:بس كيفي روضه مشت ووقفت جدامه:اممم بليز ناصر عشان خاطري اترك هالعاده ولا ادخن والله ما تهون علي يضيع عمرك بسبت هالزقاره ناصر ذاب من رمسه روضه :فديتج هالكثر انا مهم عندج روضه استحت ونزلت راسها:واكثر بعد ناصر فر الزقاره وداسها بريله:هاه شرايج الحين..كله ولا يزعل قلبي... ناصر:روضه روضه:يالبيـــه.. ناصر:لبيتي حايه..بليز حاسبي برمستج ويا سلطان روضه استغربت:ليش؟؟؟عادي ترى ولد عمي!!! ناصر اعتفس: بعد السالفه فيها ليش؟؟!!! روضه:خلاص فالك طيب بيصير الي تبيه..يله باي اشوف ميروه تاشر... ناصر:فالج ما يخيب..يله ربعي لاحد يشوفج..وتسلمين ع ييتج عندي يا عمري... روضه استحت ولا ردت عليه وراحت عنه.... ....................................... ميره:هاه ناغيتيه العاشق الولهان... روضه:خخخ هيه علني فداه.. ميره:ااااااااااه عقبااالي روضه:خخخخ طع افا عليج انا بدبرلج ... ميره:خخخخ عاد امرره صدقتي روضه:هههه بعد منج..صح ليش ما صفرتي؟؟ ميره:خخخخخ نسيت اني ما اعرف اصفر..وجان الوح لج بيدي روضه:خخخخ خلي ريمووه تعطيج كورسات... ميره:والله يبالي... روضه:هههههههههههههههه ............................................ العصر الشباب مشتطين الي راح يعبي دراجته والي راح يلبس سبورت والكل مشتط والبنات يالسات ع العرقوب و يطالعن... حمدان اول واحد متفيزر ع دراجته الزرقا كان لابس فاليله سوده كت وعليها صوره جمجمه وبرموووده جنز لين الركبه ومخلي الكاب ع ورا وشعره لين تحت اذنه ولابس نظاره شمسيه وشكله ترتوووووب..حتى البنات اتخبلن عليه... الريم تصاصر عليووه:ياربي طالعي والله انه يذبح عليوه:خخخخ ليت منوع يسمعج الريم :ماعلي منه.. عليوه:ههههههههه والله انج هرمه ملعوزه اخوي الريم تغير الموضوع:شوفي الحين كيف ساره بتتخبل ع اخوي عليوه: وع وع علني افارقها..ما احبها الريم:كاااك قلتلج حبيها عليوه:جب جب الريم:وااااي فديت اخوي طالعي محلاه عليوه تتنهد:هيه والله ...يذبح..يجنن..يخبل... الريم:ادري ..ادري...ادري وبدوا الشباب الي يخمس والي يتسابقون والي يسوي حركات والبنات مرتبشات ويصفقن ويصفرن... يا منصور ووقف دراجته جدام البنات:هاه منو يبى يركب؟؟ منصور وهوه يرمس يطالع ميره بس محد يشوفه لانه لابس نظاره شمسيه... الريم:انا اريد اركب ^. ^ منصور:انتي نوووو وييي موصيني ما اخليج تركبين الريم برطمت وبهمس:اكيد هذا كله من اخوج عليوووه:وحليلج.. عليوه ترمس منصور:اقوول منصور بنركب انا وميره اوكيه ميره فجت عيونها منصور فخاطره:عنلاتج يا عليوه ييتي ع العوق منصور:يله ركبن بشرط ميره الي تسوق ميره:لالالالا انا ما اعرف بس بمسك بظهر عليوه.. منصور ابتسم لها من الخاطر :خلاص اوكيه وركبن عليوه وميره البانشي مالت منصور وعليوه تسرع وميره تصارخ من الخاطر والكل ناقع عليها من الضحك ..ومنصور قعد حذال عنود اخته... الريم تقرص عنود:ااااخ يالقهر اخوج زفت ليش ما يخليني اركب عنود:هههه قوليله... الريم نشت واقفه وتخنصرت:منصوررررررررر منصور:حشى طريتي طبله اذني...شو تبين؟؟ الريم:ليش ما تخليني اركب منصور:كيفـــــــــــــــي انا موصيني عليج الريم تغمز له:اهاااا منصور شمعنى ميره يعني هاه؟؟ *.^ منصور فخاطره:عنلاتها هاليابسه بتفضحني... والبنات ميتات من الضحك ع الريم ومنصور لانه الكل كاشف حركاته لميره ...ووصل مانع ووقف دراجته ويلس حذال منصور ويتريا الريم تقوله اريد اركب عسب يعاندها..بس الريم شكلها عرفتهن حركات مانع ولا طلبت منه وعاطيتنه طاف كبر راس منصووور <<خخخخ مانع انسدح ع العرقوب:والله كشخــــه..عيل وينها دراجتك؟؟ منصور:عليوه وميره راحن ياخذن لفه ع المكان مانع :اهااا....الريم عطيني غرشه الماي.. الريم ساكته ولا ردت عليه ويابت دبه الماي وعطتها منصور عسب يعطيها مانع ولا نطقت بحرف مانع انقهر من حركتها...ليش ما تعطيه اياها فيده مانع:عنود ماتبين تركبين؟؟ عنود:هههه لا ما بايعه عمري مانع:منى ..نواري..غلوي..هاه ما تبون تركبون؟؟ البنات:لا ما فينا .. مانع:رويض وساررووه قومن ركبن ولفن ع المكان وعلى المزرعه روضه:لا تسلم ما فيني اركب ساره:وانا ما يخلصني اتوصخ.. مانع يصب الماي على شعره:كيفكن والريم ميته قهر ..ليش ما يسألها ويسأل كل البنات.. ومنصور ميت عليها من الضحك... منصور:عنود اشم ريحه دخان ما تشمين << يقصد ان الريم شعوطت من العصبيه وبركان راسها بينفجر عنود خزته بنظره:منصور خفوا ع الريم ..حراام عليكم..والله اتوقع انها تسوي أي شي... منصور:هههههه منصور بصوت واطي:خخخخ شكلها طماشه وهيه معصبه مانع ما عيبته رمسه منصور ليش يقول هالرمسه عن حبيبته ولا رد عليه.. ووصل حمدان ووقف مكان التجمع ورفع نظارته عن عيونه.. حمدان: السلام عليكم ..هاه شباب شو الحواطه؟؟ الكل :عليكم السلام مانع:لا تتخبر والله طررر منصور:فنتــــــــــــــــــك حمدان:عيل وين ميره؟؟ احيدها تبى تركب عنود:هههه اختك الحين بتحصلها ميته من الزيغه بتلقى عليوه تخمسبها ع العراقيب... حمدان:هههههههههه حليلها شو دراها بالدراجات منصور:الله يعينها اختك دامها ورا عليووه الخريش.. حمدان:انتن ركبتن البنات:لا نحن ما نريد نركب بس نطالع... الريم فجت حلجها ..وفخاطرها :لاااا حرااام اريد اركب!!!!؟؟؟..!! الريم:لاااا حمدان دخيـــــــــــــلك اريد اركب حمدان ابتسم:فاااالج طـــيب بنت محمد ..تعالي منصور:أيــــه حمداانوووه وين تبى لا تركبها.... مانع:لا ما تركبين...وين تبين داشه عرض.. الريم:انزين انته ليش جيه؟؟ بشوه انا مخربه عليكم هاه؟؟خلوني اركب والله ما بيطيح نصكم >.< ونشت عنهم وراحت صوب الفيلا حمدان كسرت خاطره الريم وتم يناظرها لين ابتعدت حليلها تبى تركب ومانع معاند فيها ما تركب ..حليلها والله انها كانت شوي وبتصيح....ومانع ما عيبته نظره حمدان للريم... الكل تم ساكت عقب رمسه الريم ولا حد نطق عنود:حراام عليكم..جان خليتوها تركب شويه ولاحد رد عليها ما توقعوا الريم هالقد تعصب ..... بس من حقها مانع ومنصور ما سوو فيها شوي واكثر عن مره قفطوها.... الريم ردت الفيلا والشياطين يتلاعبون جدامها وخلاص معصبه حدها منهم.... منصور يصاصر مانع:قوووم سير شوفها ... مانع ما رد عليه واعتدل في يلسته ويت عليوه ونزلت وهيه شاقه الحلج وميره مدوخه بس تترنح تبى تيلس... ومنصور ميت من الضحك على اشكالهن ... عليوه :اكيــــد ريمووه شلها شهاب يحوطها بالدراجه صح... كلهم تمو يناظرون بعض ولا حد رد عليها.. ساره:ريمووه ردت الفيلا ومنتفخه على شوه ما ادري؟؟؟ عليوه شكت فالسالفه وراحت ويلست حذال اخوها... عليوه بصوت واطي:منووووع شو سويتوا بالريم؟؟؟ مانع :ما ادري سيري اتخبريها... عليوه:وين باقي الشباب.. وقبل ما تكمل وصلوا كل الشباب بدراجاتهم لمكان التجمع شهاب وهوه يبطل السفره لانه كان متلثم:اااخ والله اني تعبان عليوه تتأمله وفخاطرها:ليته فيني ولا فيك... والمغرب كل الشباب و البنات ردوا صوب الفيلا واول ما دخلوا شافوا الريم يالسه فيا يدتها عند الياسمين.. الريم: يدووه هكوم مسودين الويووه يوو.. اليده وهيه تضرب بعصاتها ع الدعنه:منصووووووور..منووووع منصور:يالبيـــــــــــــــه مانع:عووووووووونج الغلا... ويوم شافوا الريم حذالها عرفوا السالفه.. اليده:تعاااالوووو وابويه عليكم.. الريم :عندج اياهم يدوووه هزبيهم..ولا اخبرج شخطيهم بهالعصا هنتين ع ظهورهم... ويو الشباب والبنات ويلسوا فيا يدتهم واتحاوطوبها ومانع ومنصور يلسو بعيد عن اليده... سهيل:اشحالج يدوه عساااج بخير... اليده:بخيــر فديتك.. منصور:هاه يدوه امري .. اليده:تعال اباك انته ومنوع تيلسون حذالي..(وتربت بيدها ع الدعنه) منصور يطالع الريم ويغمزلها.... ونش منصور ويلس حذال يدته وتوه بييلس وتشخطها العيوز بالعصا وعفد منصور يربع.... منصور من بعيد يحك مكان الضربه ويصارخ:ماعليج ريموووووه والله مردوووووووده ياليابســــــه... والكل ميت عليه من الضحك... منصور:والله يدوه انا ما يخصني هذا منوع الي ما خلاها انا ما يخصني..شخطيه وحده... الريم:هيه والله يدووه شخطيه دوااه يستاهل هذا بعد.. مانع يغمز للريم:والله خلاص توبه ..يله قومي بخليج تركبين البانشي مالتي بعد..احسن دراجه توماتيك بعد... الريم طالعته بطرف عينها:ما اريــــد اليده:منووووووع قم يله تعال.. مانع:انزين يدووه عندج شهاب اقرب لج شيطيه وحده شهاب نقز:لا والله انا ما يخصني... اليده :تراني انا بييك...يله قم مانع بصوت واطي:وين تبين والله العيايز حاااااله والبنات عايبتنهن السالفه... عليوه تصاصر الريم:يهون عليج اخويه يشيطونه بالعصا.. الريم:هيه يهون والله دواااه..ما ادري انا شو مخربه عليه يعاندني عليوه:حرااام حليله منوووع.. الريم:هيه شعليج انتي ركبتي والله خلهم محد يعرفلهم غير يدووه جيه انتي ما شفتي كيف خلوني مهزله... عليوه: الله يعينه الي بياخذج الريم:محد بياخذني ارتحتي... عليوه:خخخخخخ بتعنسين الريم ما ردت عليها:يالله يدوووه انتي قلتي بتظربينهم بثنينتهم اليده:منووع قوم لا تخليني اولي عليك اخوه شما شهاب يطالع مانع ويحك يديه ببعض:خخخ افا عليج نحن ع الطلب مانع :لا استريحوا بروح بكرامتي..بس ما عليه يالريم انا اراويج الريم: خخخخخ عسب مره ثانيه ما تسوي تمييز عنصري (وكشخت ببتسامه عريضه) مانع:يدوه عاد خفي علي انا ولد بنتج...(الكل ضحك عليه) اليده:تعال وليدي علني فدااك الكل استغرب ومانع حليله واثق خلاص ويلس حذالها ومن خاطره فرحان لان الريم قريبه منه ما يفصله عنها غير اليده يعني وايد قريب منها لان اليده حليلها جسمها صغير وضعيف..... الريم استغربت:يدوووه جيه.. قاطعتها اليده وتمسح ع شعر مانع:لا هذا منوعي فديته ولد بنتي ما يهون علي اشخطه... الكل استغرب الريم:يدووووووووووووووه..ما يصير ومنوع شاق الحلج... مانع يلوي ع يدته:جب انتي بنت امج......لا تخربين يدتيه علي فديت برقعها يا ربي.. الريم فاجه عيونها ع الاخر وما فاهمه شو يصير وظكت شوي صوب عليوه لانها حست مانع وايد قريب منها وتشوفه بالعمد يتقرب صوبها ويلوي ع العيوز... وبين فتره صمتهم... ..................................... نهاااااااايه الباااااااااااارت ^ . ^ |
|
| |
| |
|
| مواقع النشر (المفضلة) |
العرض العادي
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| عندما لاترى فى الحياه غيرك ... انت وحدك | محروم.كوم | منتدى أخبار المواقع والمنتديات العربية والأجنبية | 0 | 09-28-2009 03:30 AM |
| كل شي يهون عند الحريم الا هذه!!! | راعـــ الــحــب ـــي | الإستراحه العامة | 28 | 09-19-2009 07:02 AM |
| كله يهون عشان خاطره | محروم.كوم | منتدى أخبار المواقع والمنتديات العربية والأجنبية | 0 | 07-13-2009 10:30 AM |
| كل شي يهون عند الحريم الا هذه!!! | محروم.كوم | منتدى أخبار المواقع والمنتديات العربية والأجنبية | 0 | 06-07-2009 02:40 AM |
| ** يهون عليك ** .... | أمير الحزن | شعر و خواطر | 4 | 05-31-2008 07:51 PM |
الساعة الآن 12:15 PM
- اخبار رياضية
- اخبار الامارات
- اخبار ريال مدريد
- اخبار برشلونه
- العاب فلاش
- مسلسلات وافلام
- مسجات
- فيديو كليبات
- سيارات للبيع
- ارقام سيارات
- ارقام هواتف
- هواتف للبيع
- حيوانات للبيع
- قوارب ويخوت للبيع
- ملابس واكسسوارات
- ساعات ومجوهرات
- اناشيد اسلامية
- نغمات اناشيد
- نغمات اسلامية
- ادعية اسلامية
- رقية شرعية
- قران كريم
- ديبيات اسلامية
- اذكار المسلم
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227