| ||||||
| قصص و روايات تهتم بالقصص المنقوله وقصص الاعضاء الطويلة والقصيرة |
 |
| | LinkBack | أدوات الموضوع | انواع عرض الموضوع |
06-30-2013, 09:38 PM
| رقم المشاركة : [ 151 ] |
| عضو جديد  |  ,,, وآيد صصح ؟؟ بكمل بعد شوي .. __DEFINE_LIKE_SHARE__ |
|
| |
 |
|
06-30-2013, 10:29 PM
| رقم المشاركة : [ 152 ] |
| عضو جديد | @@@الجزء السادس عشر@@@ دق دق دق دق :...ليش ما يرد يمكن يكون راقد ... يله بروووح خليه يرقد ... وتسمع صوت ثقيل : ادخل ... فتحت الباب ودخلت وكانت الحجره بارده ثلج ... وارتعشت من البروده .... واشوفه بعده بدريسه منسدح على الشبريه ... استغربت ليش ما بدل الين الحين الريم: شهاااب ... شهااااب شهاب : هممممممممم ... كح كح كح كح الريم خافت : شهاااااب انته مريض ؟؟؟ شهاب : لااااااااااا ....كح كح كح بس تعبان ... الريم :شو بس تعبان ...اتقص علي انته..قم قم بزقر سعيد ولا ذياب يشلونك العياده.... شهاب بصعوبه:ان سرتي ياذبحج... الريم :عكيــــــفك جيه شوه تتحرى الدنيا فوضه... شهاب :ههههههههه تعالي انا اريد ادلع عليج...اوني اتغلى الريم قربت صوبه:هههههههههههه فديت الي يدلعون... ويلست تحت وهوه ع الشبريه...ومسكت ايده ويلست تبربش بعيونها... شهاب استغرب:ريمووه شياج توج بخير... الريم بدلع:شهاب اتخيل انا وانته بس فالجزيره شهاب استغرب زياده:انزين الريم تمسح ع ايده:اذا بردت ادفيك ...واذا عطشت ارويك...واذا إدلعت..ألطشــــــك كف يعميـــــــك..هههههههههههه شهاب ايير ايده:عنلاتج انتي مب ويه حد يدلع عليج....قومي ...يله فارجي خليني ارتاح... الريم:هههههههههههههههههههههههههه وخطفت تربع برى ................................... شهاب تنهد:ههههههههههههههه والله انها تحفه...ذكرتني بمريوم وغمض عيونه^.^ مريوم :شهابوه يالزفت اصطلب... شهاب:كيفي ..كيفي ...جب لا ترمسين مريوم:انزين قوم اريد اطلع شهاب واقف ع الباب:انزين انا ما اباج اطلعين...تعالي بيلس وياج لعنبوج ما اشتقتيلي مفارقنج اسبوع... مريوم:هههههههههه شهابوه دخيلك اريد اروح اتسوق... شهاب:انزين يله بروح فياج... (مريووووووووم تصير بنت خال شهاب الي في امريكاااااا وهيه بنت حلوووه وطيووووبه وحركاتها تقريبا مثل الريم ) ........................................... في دبي قاعده فالصاله الي تحت ترمس فالتلفون ... : اشحالج يالقاطعه ؟؟ عليوووه : بخير يوم روحتي دبي عني عنود : ليش جيه كنت قاعده على قلبج ؟؟؟ ولا ما مخليتنج تدلعين على عمي على راحتج ؟؟ ههههههه عليوووه اونها تفكر : امممممم .... والله يمكن الاثنين تصدقيييين ... ههههه عنود : والله ملل عليوووه : هيه والله ... عنودي ... متى بتون مره ثانيه عدنا ؟؟؟ عنود : هههههههههههههههههههههههههه عليوووه : ليش تضحكين ؟؟؟ عنود : هههههههه موتيني من الضحك ... كيف تبينا نيكم ونحن من اسبوعين مروحين عنكم صدق انج استخفيتي ... عليوووه : شوه اسوي اشتقتلكم ... عنود تريد اطفرهااااا : لا قولي ولهتي على ناصر ولا منصور يله اعترفي ؟؟ عليوووه سرحت شوي تفكر بشهاب والي صار جدام المطبخ : والله لو تعرفين على منوه متوله موووووووووووووووووووووت ؟؟؟ عنود : عليوه على منوووووووه يله بسرعه عن اشك انج تحبين حد من اخواني ... عليوووه : ههههههههههههههههههه لا حبيبتي ما حصلت الا اخوانج اتوله عليهم عنود: تراني بخبرهم ...هههههههههه عليوووه : خبريهم عاد الي يسمع تراهم إلا نصور و منصورووووو و بطبووووووووووط هههههههههه عنود : عيل على منوه متوله ؟؟ عليوووه حست انها ورطت عمرها : متوله على عرب عيونهم سود ووساع ...(قالتها من خاطرها) عنود:عليوووووه...والله يا تخبريني ما يخصني... عليوووه:اممم لا سوري ما اقدر ...هذا سر بيني وبين قلبي... عنود:انزين انا بحزر عليوووه:اوكيه حزري....بس ما اظن تعرفين... عنود:امممم انزين تعرفين وااايد اشياء عنه... عليوووه:تقريبا..... عنود:عيل هوه من العين صح.؟؟؟ عليوووه:ااااه فديته وفديت الارض الي يمشي عليها...صح من العين... عنود:ايه يالمعفنه ...عن لايكون...ممثل او مطرب سخيف... عليوووه:يخسون جان بتشبهين هالشيخ بهالسبلان...صدق ما عندج سالفه...خلاص انتهى الوقت ما بجاوبج ..غيري السالفه... عنود:مااااااااااابااااااااااااااااا اريد اعرف... عليوووه:اقول والله ملل قنعي اهلج بنطلع كلنا رباعه صوب المزرعه وبنبات فيها كمن يوم..... عنود:اوووف والله عليج افكار طرررر عليوووه:والله وناسه...بنكون نحن وانتوا وقوم خالي محمد وعيال عمهم قوم منى وبنعزم ميره واهلها شرايج... عنود:اهب ...من وين تيبين هالافكار... عليوووه: عنوده تراج بتعينيني قولي ماشاالله.... عنود:يابوج ما فيني عين لا تخافين... عليوووه:اوكيه صدقت...اخخخ والله عجيب عاد الشباب اكيد بيطلعون الدراجات... عنود:لاااااااا بنت العم خطيره...خلاص انا بعزمبهم نسير ..وانتي شدي الهمه..وراوينا شطارتج فالاقناع... عليوه تضرب بايدها ع صدرها:افااا عليج بنت راشد لا تخافين عليه.. عنود:ايه عليوووه بخليج منصور هالزفت يزقرني... عليوه:هههههههههه خلاص سيري برايج...مع السلامه عنود:الله يحفظج..... ..................................... منصور يزاعق:عنووووووووووووووود يالعنز تعالي عنود فخاطرها:اووووووف الله يعينها هالعنود حتى بالعنز شبهتوها منصور بدون نفس: تعالي امي تباج........ سيريلها...وياها سهيل بعد عدلي شيلتج..تراني مب فاضله ويا ذاك الويه له... عنود حست انه منصور شي فيه ع سهيل:اوك دشت عنود الصاله:وانا اقول البيت مظلم...اثاريه سهول عندنا... ويا مرحبا ويامرحــ......(انصدمت من وجود شخص ثاني) عنود:السلام عليكم عبدالله+سهيل +ام ناصر:وعليكم السلام والرحمه ام ناصر:وابوي عليج...حد عنده ضيوف ويقول البيت مظلم... عنود منزله راسها:السموحه منكم... سهيل بصوت واطي:هههههههههه دواج عنود بعفويه:ايه سهول سمعتك...ماعليه ام ناصر:عنوووود وابوي عليج اصغر عيالج تقولين سهول سهيل:هيه خالتي تراها دوم تسميني سهول..جنها تتحراني بنيه ام ناصر:لا ابويه محشوووووووووم ام ناصر:ما بتسلمين ع ريلج؟؟؟؟؟ عنود فخاطرها :خيبه ما اثقلها هالكلمه وتقلدها(ريلج) ياخي ليش مب هوه يسلم عليه...انا زعلانه منه...حد قاله يتم يشك فيني عنود بدون نفس:اسمحلي عبدالله ماشفتك...اشحالك... عبدالله فخاطره:جاني ريال طول وعرض ما شفتيني وسهيل هالمفعوص مالي عينج... عبدالله :الحمدالله بخير ربي يعافيج...اشحالج انتي؟؟ عنود:الحمدالله بخير وسهاله.....عن اذنكم بروح وبرد عبدالله فخاطره يذبحها ويذبح سهيل...الحين عادي تطلع جدامه بلا غشى...ولا عادي داقه وياه سوالف جنه واحد من الربع.....وانا خطيبها ما تسويلي سالفه كثره... برندا:ماما تلفون تالي ام ناصر:ايلسوا عيالي البيت بيتكم...برد انا شوي ع التلفون... قامت ام ناصر ترمس يارتها ام سالم ويلسوا عبدالله وسهيل مجابلين بعض وعنود سارت تيب شي يشربونه... عبدالله:اقول سهيل... سهيل:امر عبدالله:شوفيه منصور يرمسك من طرف خشمه سهيل:والله اروحي انا ما اعرف من يوم ما ردينا من العين يوم كنا سايرين عسب العزا...يرمسني جذاك...واريد اتخبر عنود عنه عبدالله:وعنود شدراها.... سهيل:توامها لازم تحس فيه ولا انته نسيت... وتدخل عنود شاله العصير عنود:السموحه بطيت عبدالله:افا عليج مسموحه...بالحل عنود تقدم العصير لعبدالله:اتفضل توه عبدالله ماسك الكوب عنود بصوت واطي:لااااا خله هذا حق سهيل عبدالله يعاند:عيل انا ابى هذا عنود:هههههههههه كيفك....بس انا نصحتك عبدالله بصوت واطي:يعلني افدى هالضحكه وراعيتها الزعلانه عنود استوت حمرا طماطه:ههههه استحي ....قلتلك اني انا ما ازعل ع الي احبهم.......... عبدالله ارتاح وايد وعنود عطت سهيل العصير وغمزت له وقالت له :ترقب الحدث... عنود:هني وعافيه... توه عبدالله بيشرب العصير وعنود اطالعه.... عنود: لحظه انا بسير امايه تزقرني<< طالعوا الخراطه عنود خطفت تربع....ومن بعيد سمعت عبدالله يزاعق عبدالله :توووووووووووووووووووووف ...حد يحط حق العصير ملح سهيل : ههههههههههههههههههههههههههههههههههه عبدالله : وع وع وع ... ونش رايح الحمام عسب يتمضمض وسهيل ميت من الضحك وعيونه ادمع من كثر ما يضحك لانه يعرفه مقلب من مقالب عنود لكن عبدالله الي شرب المقلب ... سهيل يزاعق: هههههههه عنود والله قويييييييه ... اشوااااا اني طلعت منهاااا بس تحملي الي بيييج من عبدالله ...هههههههههههههه ونش وطلع عسب ما تي وتهزأه .... توه عبدالله طالع من الباب يبا يروح صوب سيارته عنود تزقره : عبــــدالله عبدالله معصب : نــــعم عنود يت صوبه : السموووووحه منك ... بس تراني قلتلك لا تاخذه هذا حق سهيل بس انته الله يهديك العناد راكبنك ... عبدالله معصب: وليش اتسوين ف سهيل جذيه ؟؟؟ عنود تضحك : هههههه محد قاله ذاك اليوم يجب عليه الماي ... عبدالله عصب زود وخطف عنها وهوه معصب وده يذبحها ... ليش يا عنود تسوين جذيه ليش تتعمدين تزعليني منج ... ليش تعذبيني ؟؟؟ ... واضح انج تحبين سهيل وهوه بعد يحبج .... وانا شوه سويت عسب ما تحبيني ؟؟؟ ليش تبادلين الي يحبج بصدج عنه ليش يالعنيدي ليش ؟؟؟ وركب سيارته وقبض خط العين وهوه يسوق بسرعه جنونيه ....................................... منصور قاعد على المسن ... ويرمس وحده ويخق عليهاااااا من الكلام المعسول منصور (قبر يلمني ولا بنت تذلني) says: شهد عيوني متوله عليج ... خاطري اشوفج... شهد (شيوخ العز ذلتهم عيوني)says : منصور حبيبي حتى انا متوله عليك موووووووووت ... (قبر يلمني ولا بنت تذلني) says: فديتج ... انزين متى بشوفج ؟؟؟ (شيوخ العز ذلتهم عيوني)says : (فيس مستحي) ... ما اقدر الحين ... (قبر يلمني ولا بنت تذلني) says: (فيس معصب + فيس يصيح) لييييييييش؟؟؟ (شيوخ العز ذلتهم عيوني)says : منصوووووري حبيبي لا تزعل عليه ...(فيس يعطي كس) (قبر يلمني ولا بنت تذلني) says: بموووووووووووووووووت خلاص (شيوخ العز ذلتهم عيوني)says : بسم عليك لا تقول جذيه ... الا منصور عيوني ليش حاط هذا النك تراه مب حلو (قبر يلمني ولا بنت تذلني) says: افاااااااااااا عليج انا من عرفتج ... خلاص وقعت في شباك حبج ........ههههههههههه<< سمعوا الخريط دقيقه بس برب... (شيوخ العز ذلتهم عيوني)says : تيت (عاشق شهوووووووده) says: هاه غناتي شرايج ...حلو صح...<< الله يعين البنات من كثر ما يخورط عليهن (شيوخ العز ذلتهم عيوني)says : فديتك والله انك رومنسي ....لحظه (عاشقه منصور الكتبي)says : شرايك...حلو صح (عاشق شهوووووووده) says: (فيس معصب) عنلاتج منووه هذا منصور الكتبي... (عاشقه منصور الكتبي)says : <<توهقت البنت حضرتها خربطت نست انه مهيري منصور فديتك شفيك..؟؟؟ (عاشق شهوووووووده) says: عنلاتج زاااااااااااد يالخايسه ما مخليه واحد ما مرمستنه ...زادج من كثرهم بتلخبطين من بينا.. (عاشقه منصور الكتبي)says : منصور فديتك لاتفهمني غلط...انا احبك وانته تحبني..وخلاف بكون حرمتك (عاشق شهوووووووده) says: تهبين الا انتي احبج...تخسين انتي تكونين حرمتي وام عيالي...يعلج انشاالله افدى حرمتيه...شيخه الحريم كلهن (عاشقه منصور الكتبي)says : عيل شقايل حاط هذا النك ...وانته تقول انك ما تحبني...اصلا اعرف انك تحبني....وتقول هالكلام من ورا خاطرك... (عاشق شهوووووووده) says: لحظه ... وغير نكه (يعلني افدى ميره الخيلي) says: شرايج يالضايعه الصايعه....تشوفين هذا النك يعلج افداه ويعلج الساحق والماحق والرصاص المتلاحق....قولي امـــــــين وطالعي فوق^.^ .............................. .. هذا بارت ثثآني بس بنفس الردِ ,,, @@@الجزء السابع عشر@@@ (يعلني افدى ميره الخيلي) says: شرايج يالضايعه الصايعه....تشوفين هذا النك يعلج افداه ويعلج الساحق والماحق والرصاص المتلاحق....قولي امـــــــين وطالعي فوق^.^ وبعد ما هزأها منصور من خاطره صكها بلوك دلييت.....واتفيزر بالكرسي عورا وحط ايدينه ورا راسه.... منصور:يعلج افداها يالسباله ...ما تسوين ظفرها عنود:منووووووه هااااي... منصورفززززز من مكانه ويت بسرعه اتشوف الشاشه...وفجت حلجها يوم قرت نكه مال المسن.. عنود اطالعه بنص عين:يعلني افدى ميره الخيلي هاااه؟؟؟ منصور تلخبط ما عرف شو يقول وشو يسوي وبسرعه سكر المسن... عنود تزاعق:منصوووووووووووور منصور فز ..وفر الماوس من ايده:شعندج عنود:انته شدراك بميره الخيلي... منصور:ما يخصج... عنود:انته ما تستحي تتفدى ربيعتي وجدامي بعد... منصور ببرود:ومنوه قال انها ربيعتج... عنود:لحظه... سؤال... تتذكر من زمان يوم كنا فالعين ...نحن والبنات كنا طالعين فالسكه...منوه الريال الي كان فالسكه يدوخ وبعدين شخط بسيارته جدامنا... منصور مستحيل ينسى هاليوم:هههههههههههههه يمكن منصور حميد المهيري عنود:عليك لمبه....شو كنت تسوي هناك.... منصور قال فخاطره انا ليش ما اخبرها السالفه من طق طق للسلام عليكم يمكن هيه تساعدني واعرف اذا محطيه حد فبالها او لا وبعد اكيد بتيب لي اخبارها.. منصور:عنوده.... عنود:جيه ادريبك ...عنوده حق وقت الحايه...ويوم ماشي حايه عنوز ...صح منصور يضحك ع اخته منصور:انزين ختيه فديتج سمعي انا بخبرج السالفه كامله بشرط تساعديني عنود :خلاص اوكيه وخبرها منصور السالفه كلها من اول لقاء ويا ميره... عنود:حليلك يا اخوي اثاريك متخشع ....وانا اقول ليش ذاك اليوم اول ما ردينا من السكه تمت طول الوقت سرحانه..وبالها مشغول.. منصور:بس اظني هيه محطيه حد فبالها عنود باستغراب:من؟؟؟؟؟؟؟؟؟؟؟؟؟ منصور بسرعه:سهيــــــــــــل عنود:وانته شدراك... منصور معصب:ما سمعتيها تتفداه فالسكه عنود:ههههههههههههههههههههههههههههههههههههههههههههه ههههههههههههههههههههههههههه هههههههههههههههههههههههههههههههههههههه منصور:لازم تضحكين شمتانه فيني عنود دمعت من كثر الضحك:هههههههههههههههههههههه...يالغبي هذاك سهيل الصغيروني...اخو ربيعتها...والله انك تحفه.... منصور تم فاج حلجه ومتلوم من سهيل ولد خالته وعفد سرعه صوب تلفونه يدقله ويراضيه ويفهمه السالفه....ويستسمح منه..... منصور دخل وفرش عمره ع الشبريه وحط راسه ع ريل عنود منصور يتنهد:اخيـــــــــــــــــــرا ارتاح بالي... عنود:انشاالله دووووووووووووووووم منصور:وياااااااااااااج... بعد فتره صمت من بينهم الي خلت كل واحد فيهم يفكر بحبيبه عنود قعدت تفكر بعبدالله ومنصور يفكر بحبيبه قلبه ميره ....................... عنود:هاه راضيته سهيل... منصور:خخخخخخخخخ هيه راضيته...حليله والله ظلمته.. عنود :تراك انته دومك مستعيل...الله يهديك... منصور:المهم اني راضيته وخلاف بعشيه على حسابي... عنود:اهاااااا منصور :بس هوه الحين بيي ...مسكين حاله ولد خالتي طيوووب وفجاه سمعوا صوت هرن عنود:هاه هاذوووووووه وصل سهيلوووووه منصور نقز من مكانه وسيده راح لسهيل تحت..اما عنود شافتها فرصه وبسرعه خزنت رقم عبدالله من تلفون اخوها....وطلعت من الحجره....^.^ ................................... الريم:ويا مرحبابج عليووه:انزين قومي طلعي بلاقيج...تعالي بيتنا...عندي افكار الريم:امممم اوكيك بس اعطيني خمس دقايق اضبط اموري عليوووه:خلاص اوجيج... .................................................. ........ الريم تزاعق:مااااااااااااااااميييييييييييييتوووووووووووو و سعيد:ضرس يبطج ...شحقه تزاعقين...لعنبوج الييران سمعوا حسج.... الريم ما دزتله ويه وخطفت عنه....سعيد اضيج عليها كيف هوه يرمسها وهيه عاطيتنه ظهرها... بسرعه مشى وراها وزخها من كشتها الريم:اااااااااي الله يخسك يعور سعيد:مره ثانيه يوم ارمسج...لا تقفين وتعطيني ظهرج...فاهمه الريم:يالهيس قوووم عني ترى والله اخبر عليك ابويه سعيد يقوي قبضته:ثمني رمستج احسلج.... ويقطع عليهم هذا الصوت ذياب:سعيد سعيد ببرود:خير... ذياب:فج شعرها....شحقه تضربها.... سعيد عصب ما حب انه ذياب يدخل ...صح انه ذياب الاكبر لكن سعيد تعود انه يكون هوه الكبير فالبيت وهوه الي يمشي رمسته ع الكل........... .............................. سعيد عاقد حياته:ايه انته لا تتدخل فشي ما يعنيك......وبعدين انته ما يخصك اختي وكيفي وياها.... ولا حضرتك ياي مخلي عمرك العود وياي تتامر علي ..ياخي روح لاه واذا مب عايبنك ادله الباب وين.............. الريم عضت ع شفايفها وفخاطرها:ياويلي بيتضاربون بسبتي الكل انصدم من رمسه سعيد....... ذياب حزت فخاطره رمست سعيد :انزين مشكوووور اخويه و يزاك الله خير...وما تقصر..واسمحلي جان غثيتك...وطلع من البيت سعيد اتلوم فذياب وفج شعر الريم وراح قسمه وهوه معصب وندمان ع الرمسه الي عقها................ .................................................. ........................... يالسه فحجرتها متردده انها اتسوي هالشي ولا .... فخاطرها: يا ربي شوه اسوي ... واطلع تلفونها واطالع الرقم مب عارفه الي بتسويه صح ولا غلط. عنود ماسكه التلفون بايدينها الثنتين : اوووووووف انا بسوي والي فيها فيها ... ما يهون عليه يرد العين زعلان مني بسبت عصير وكان مب له ... جان تضحك على شكل عبد الله يوم شرب العصير ................................................ ومسكت تلفونها وطرشت له مسج... وعند عبدالله وهوه قابض طريق العين...سمع رنه المسج وفتحه... ( طرشت بليسي يوسوسلك عشان تحبني....رجعلي ملعووووووووووووووووووووووون ميت فيــــــــــــــ ^.^ـــــك ) عبدالله ضحك عيبه المسج واستغرب لان الرقم غريب..... ورد عبدالله وطرش لها مسج بس هوه ما يعرف من راعي المسج (هههههههههههه عجيب امرك...منوه الشيخ ما عرفتك) عنود ضحكت:هههههههههههههه ما عرفني..فديته والله وطرشت له..... (انته قليل ادب تعرف ليش؟؟؟؟دخلت قلبي بدون استئذان) عبدالله طرش (هههههههه اثاريك متخشع...بس ما قلتلي منوه انته) عنود طرشت له (انته اول غرامي..وانته اساس المحبه...وانته اكبر حرامي...حتى قلبي سرقته....) عبدالله استغرب ...واتصل ع الرقم لان شك انها وحده مغلطه عنود وهيه تتريا المسج نقزت من مكانها يوم شافت مكتوب فشاشتها (صمصومه قلبي يتصل بك) عنود:خيبه تخيبني....مشكلت عمريه....ارد..لا لا ما برد...اوووف ما يهون عليه اخليه يخيس ع التلفون.... يله برد بس ما برمس... عبدالله: مرحبا.... عنود فخاطرها : فديت حسه...آآآه يا حلاته عبدالله: الوووووو .... عنود فخاطرها : هههههه بيعصب عليه ... بس ما بتكلم ... عبدالله بدا يعصب : ادري انج وحده .... بتقولين منوه انتي ولا ؟؟؟ عنود انصدمت ما توقعت انه عبدالله يرمس بنات .... عنود خاننها دموعها وتمت تصيح و تشاهق ... وعبدالله ما توقع انه هالبنت بتصيح بس بعده ما عرفها .... عبدالله بحنان: انزين منوه انتي؟؟؟ الغلا ليش تصيحين؟؟؟ عنود تشاهق من الصياح : مـ...ــا توقعــ...ــتك جذيه.... عبدالله متفاجئ : منوووووووووه ؟؟؟ عنووووووووووود؟؟؟ عنود ما سمحتله يقول كلمه وحده لانها رقعت التلفون في ويهه.. عبدالله:اوووووووووووووووووووووووف شوه سويت الحين شوه بتقول عني ... ومستحيل تصدقني اعرفها عنود عنيده وراسها يابس ...فديتج يا عنودي كانت تبا تراضيني وانا خربت كل شي بغبائي.... ورد يفتح المسجات يقراهن ... و بعدين فكر يطرشلها مسج وسايط وكانت صوره بنت حلوه مغمضه عيونها و واحد واقف على البحر ويتأمل صوره البنت المرسومه فالسما........وياها اغنيه فاضل المزروعي (ساكن دبي) قلبي خذاه لي ساكن دبي ... غرن جميل و مرهف سلوووب فتان بالنظرات يسبي ... فايج على الخبرات حبوووب اصبحت لا ميت ولا حي...يوم التقي به اذوب..اذوب .................................... و وصل المسج حق عنود وكانت تصيح صياح ندم على الحب الي عطته عبدالله وهوه ما يستاهله... بس قلبها كان يقولها مستحيل عبدالله يسوي جذيه ... وكانت حايره بين قلبها والواقع الي استوى جدامها .... وفتحت المسج وشافته وعيبها وايد بس قالت ما بطرشله مسج وطنشته .... وقدها واصله باب الحمام عسب تغسل ويها وتنزل عند امها ... وتسمع صوت مسج ثاني واصلنها .... وراحت صوبه وفتحته وشافته من عبدالله ... (مساء الصد و التطنيش .... مسائك يا مطنشني... بسرعه لو تبيني اعيش .... مكالمة منك تنعشني...) ودمعت عين عنود يوم قرت المسج ولا اراديا اتصلت حق عبدالله بس عبدالله ما رد لانه نزل من السياره صوب الشيشه وكان تلفونه فيها ... وما كملن الا خمس دقايق الا وعبدالله متصل عبدالله بحنان: حبيبي قلبي عيوني ... عنود ساكته و دموعها ينزلن .... عبدالله بحب : عنودي عنود : هلا عبدالله : شوه فيج ؟؟؟ عنود : ما شي ... عبدالله بحنان : عيل ليش تصيحين؟؟؟ عنود صاحت ... عبدالله : حبيبي لا تصيحين ... خبريني ؟؟؟ عنود : عبـــ...ـــــداللــ....ـــه عبدالله : قلب و روح عبدالله ... عنود تشاهق من الصياح : ليــ....ــش ؟؟ تسوي جذيه ... عبدالله تنهد : عنووووود ... انا بقولج شي بس انتي سمعيني الين اخلص ....... عنود : ان شا الله عبدالله : عنود انا مب شرات ما تظنين والله اني ما قد مره رقمت ولا رمست بنات ... ادري بتقولين شوه الدليل ؟؟؟ عنوووودي انا .......... مستحيل اخونج ويا وحده ما تحشم اهلها ولا مخليه واحد فالعالم ما مرمستنه ولا طالعه وياااااااااه ... والله العالم بهم (سكت شوي) عنود تراني امووووووووووت 100 مره يوم اشوف دمعه وحده تنزل من عيونج ... عنود بخوف : بسم الله عليك ... يعل يومي قبل يومك... عبدالله : عنوووووووووودي عنود : عونك ... عبدالله : مصدقتني ؟؟!!!! عنود سكتت شوي :هيه مصدقتنك .... عبدالله ارتاح و رد راسه على ورا وتنهد تنهيدت ارتياح: فديت روحج والله انـــــي احبـــــــــــــــــج... عنود استحت وسكتت ...لانه اول مره عبدالله يقولها كلمه احبج عبدالله : فديت انا الي يستحون ... عنود بدلع : عبد الله!!! عبدالله : عيونه وقلبه ... عنود: بخليك الحين عبدالله : خلاص حبيبي برايج ... شي فخاطرج عنود : سلامت راسك عبدالله : الله يسلمج لي .... مع السلامه عنود: الله وياااااااااااك وسكرت عنه وانسدحت على الشبريه وارتاحت لانها تاكدت انه عبدالله يحبها ومستحيل يخونها .... تنهدت وقالت عنود : احبه يا ناس والله امووت عليه ... فديت روحك يا عبادي . ......................................... .............. __DEFINE_LIKE_SHARE__ |
|
| |
| |
|
06-30-2013, 10:30 PM
| رقم المشاركة : [ 153 ] |
| عضو جديد | @@@ الجزء الثامن عشر @@@
__DEFINE_LIKE_SHARE__
يالسه فالصاله تترياه وهيه متلومه منه لانه كان يدافع عنها وياه كلام من سعيد ينرفز وايد ....وطالعت الساعه وكانت 1:30 وقالت فخاطرها : ليكون شي استواله ؟؟؟... بسم عليك ... وينك ذياب بموت من الزيغه عليك مب من عادته يتاخر جذيه ... وفجأه يدخل واحد من الباب شال هموم الدنيا على راسه والريم يوم شافته راحت صوبه ... ذياب يحاول يبتسم : السلام عليج الريم مبتسمه : وعليكم السلام ... هلا والله ...بس جنك وايد تأخرت ... ذياب تنهد : حرمتيه وانا ما ادري... وراح عنها غرفته الريم تلحقه : ذياب ذياب ذياب ما التفت صوبها : بغيتي شي ؟؟؟ الريم : السموحه منك عن الي صار اليوم ... والله هذا سعيــ... قاطعها ذياب : لا تقولين شي عن اخوج العود خلاص هوه مب غلطان ... انا الي لازم اعتذر منه ... لاني ادخلت فاخته وانا مالي حق ... السموحه منج ومنه يالغاليه ... وراح غرفته ولا عطى الريم مجال انها تتكلم ... ........................................... دخل غرفته وانسدح على الشبريه وهوه يتذكر الي صار اليوم ... وفجأه غزت افكاره حبه و روحه الي راحت عنه وخلته على حبه وعشقه لها ..... ذياب يتنهد :آآآآآآآآآآآآآآآآآآآآآآآآآآآآآه يا دنيا ... ليش تسوين فيني جذيه ؟؟؟ ....اول شي اخسر امي و بعدين اتغرب لا ابو وياي ولا اخو اكبر مني ينصحني ....آآآآآآه يا دنيا خذتي مني نوف ... آآآآه يا نوف ... آآآآه يا حبي الاول والاخير ... مستحيل احب غيرج .... مستحيل ... انتي الي سكنتي قلبي و روحي ... رحتي عني وخليتيني مثل المينون ف هدنيااااا (ودمعه عينه)... ................................... كانت واقفه مصدووووومه من الكلام الي يقوله اخوها .... واتشجعت ودقت الباب .... ذياب يمسح دموعه بسرعه : منووووه ؟؟؟ روضه : انا روضه ... ممكن ادخل ؟؟؟ ذياب : تفضلي حياج ... ودشت روضه و اعتدل ذياب في قعدته .. ذياب يبتسم : هلا والله رواضي روضه : اهليييين ... اشحالك ؟؟ ذياب : بخيير ونعمه .... اشحالج انتي ؟؟ روضه : بخير دامك بخير ... غريبه اليوم متأخر وايد ذياب : هههه خذتني القعده ويا الشباب ... وسكتوووووووووووووو شووووي روضه : ذياااااب ذياب : عونج ... روضه : بقووووووولك شي بس لا تعصب ... والله ما كان قصدي اسمع الكلام الي كنت تقوووووووله .. ذياب انصدم انه روضه سمعت كلامه .... وراحت روضه وقعدت حذال اخوها على الشبريه .... روضه : ذياب والله اسفه بس كنت يايه اسألك اذا انك تبا عشا وسمعتك تكلم عمرك ... ذياب : لا عاااااااااادي ... ما صار شي ذياب ما عصب كثر ما انه بيعصب لو حد سمعه غير روضه ...وهوه وايد يرتاحلها لانها صريحه وحبوبه.... وتحب تساعد غيرها ... روضه بتردد:منووووووه هاذي نوووووف ؟؟؟ ذياب ابتسم لها : بقولج بس لا تخبرين احد ... اوكيك روضه : اوكيك .....وخبرها ذياب كل شي ما عدا انها تزوجت غصبن عنها و انها مسميه ولدها ذياب عليه ... روضه دمعن عيونها ولوت على اخوهاااا وتمت تصيح ... ذياب والعبره خانقتنه : خلاص رواضي حبيبي ... الحين بدال ما تهديني انتي انا بهديج ... هذا قضا الله وقدره .. روضه تشاهق من الصياح : هالكثر تحبها ؟؟؟ ذياب تنهد وغمض عيونه : آآآآآآآآآآه اكثر مما تتخيلين ... بس راحت وخلتني فهالعالم من دونها ... (ودمعن عيونه وهوه يتذكر يوم راح العزا وشاف ولدها وحضنه) روضه: لو كانت عايشه كنت بتخطبها وتتزوجها ؟؟ ذياب يضحك باستهزاء : ههه مستحيل روضه استغربت :ليش ؟؟؟ بس انته تحبها ... ذياب : آآآآآآآآآآآه يا روضه ...خذوها مني.. روضه واكبر علامه استفهام على راسها:كيــــــــف؟؟؟ ذياب يضحك على شكل اخته : هههههههههههههه شفيج ؟؟؟ روضه : تراني مب فاهمه عليك ... ذياب : الله يسلمج ... يدتها اغصبتها تاخذ ولد عمها ... روضه وقلبها يتقطع على اخوها: وهيه شوه كان رايها ؟؟؟ ومتى صار هالكلام ؟؟؟ ذياب وهوه ميت خلاص ما يقدر يستحمل اكثر انه يتكلم عنها لانه كل جروح وعذاب حياته ردت له .... ذياب ودمعن عيونه : ما شاوروها ... قالولها ردي الامارات فالاجازه وردت غصبوها توقع على الملجه ... روضه : حراااااااااااام عليهم ... ذياب ما استحمل اكثر صاح حبه حياته صياح يقطع قلب الكافر ... و روضه تقطع قلبها على اخوها وكيف انه مستحمل هذا كله وما يبين الي فيه وكله مخلنه فقلبه ....ولوت على اخوها وخلته يصيح فحظنها .... وكان ذياب يصيح حنان امه المحروووم منه و حب حياته المسلووووووب منه....وارتاح ذياب بعد ما فضفض وقال كل الي فخاطره حق روضه لانه كان وده من زمان انه يفضفض حق حد عسب يرتااااااااااح بس ما محصل...... فجـــــــــــــــــــــــــــــــأه : لاه حلفوا انتوا بس قولوا والله !!! ذياب + روضه : هههههههههههههههههههههههههه الريم معصبه : انسه روضه هاذي المؤونه الي بتيبينها حق مطالع الفلم ... وانته استاذ ذياب روضه ترمسها من خاطرك وانا ترمسني من راس خشمك... ولا روضه بنت البطه البيضه وانا بنت البطه السوده ... وطلعت من حجره ذياب معصبه ... ذياب + روضه : ههههههههههههههههههه ذياب : هههه زعلت نروح نراضيها ... وراحوا يراضونها ... وحصلوها قاعده فالصاله والدخان يطلع من راسها ذياب يسوي عمره معصب : ريمووووه شوه هالفلم الي تبين اطالعينه ؟؟؟ الريم طنشته وراح ذياب وقعد على يمينها وروضه على يسارها .... ذياب : الريم ... الريم بدون نفس : خير ذياب : قومي شغلي الفلم بسرعه ... الريم : ما اريد ... وقامت عنهم وزخها من ايدها ... ذياب : وين رايحه ؟؟؟ الريم : بروح ارقد ذياب : انزين والفلم منوه بيشوفه؟؟؟ الريم :انته وروضه ... ذياب : انزين انا اريد اشوفه وياج ما اريد روضووووووه ... الريم : انا تعبانه وابا ارقد ... ما اريد اشوف الفلم ... ذياب : عيل والله يتقعدين ويانا اطالعين الفلم ولا محد بيشوفه من دونج ... الريم استانست : بس بشرط روضه : عاااااااد بدينا بالشروووووووووط ذياب : ههههههه يله قولي ... الريم : تشلنا تحوطناااا ذياب : خلاص صاااااااااااار الريم : متى ؟؟؟ ذياب : أي وقت تبينه بس مب اليوم ... الريم : اوكيك ... وردت تيلس بينهم.... .................................................. ........................ يالسه فحجرتها وتذكر رمسه الريم عن شهاب انه تعبان بس يكابر عسب ما يبين انه ضعيف ... يا ربي شوه الحال عليه ؟؟... بعده تعبان ولا ؟؟؟ ... راحت عنه الحمى ولا ؟؟؟ ليته فيني المرض ولا فيه ؟؟؟ ... وانتبهت على افكارها وين راحت ... ياربي ليش انا افكر بشهاب وايد ... ليكون هذا الي يسمونه الحب؟؟؟ لا اصلا ما شي حب وخرابيط فالدنيا ...لا انا افكر جذيه لانه ولد خالي ....انزين يمكن انا احبه...بس كيف بعرف لو اني احبه...بس والله صدق احبه...عادي تراه ولد خالي..اووف بس يمكن هوه يحب وحده... وقعدت تقنع عمرها انه ولد خالها عسب جذيه تحاتيه .. اوووووووووف اروح ارقد ابرك لي عن هاذي الافكاااااار ... ورقدت .... ............................................ بالبـــــاجر في بيت محمد المنصوري على الريوووووق الكل كان متجمع على الريوق ما عدا الريم وشهاب وذياب ... ام سعيد : رويض ... روضه تبتسم : عونج امايه ... ام سعيد : ذياب وينه ؟؟؟ روضه : امايه يمكن راقد ... ام سعيد : الا هوه امس متى ضوى ؟؟؟ روضه : الساعه وحده ونص ... ام سعيد مستغربه : مب عوايده يتأخر ... بس هذا شهاب الي دوووم سهران برا البيت الين الفير.. روضه : امايه حليله شهاب امس ياي من وقت الساعه 10 كان فالبيت... ابو سعيد : ابويه رويض سيري وعي اخوانج حتى الريم ما نشت غريبه...احيدها تنش من غبشه.... روضه تقوم : انشا الله ابويه... وسارت توعي اخوانها و حصلت الريم ناشه قبلهم الريم:السلام عليكم...ووخت تحب راس امها وابوها سعيد:جان كملتي رقاد ليش يايه... الريم طنشته...<< يا كثر ما اطنشه الريم :شو اصبحت ابويه... بو سعيد:الحمدالله...توني اقول لرويض توعيج... الريم:لا فديتك..نشيت اروحي.. اليازيه:الريم اصبلج جاهي... الريم:تسلمين مرت خيي... سعيد:عنلات صداج يالهرمه...يوم ارمسج ردي علي فاهمه وبعدها طنشته...وسعيد ميت غيض منها بس يتريا ابوه ينش وبيراويها شغلتها سعيد ماسك كوب الجاي.... وهوه يصك ضروسه.... وبصوت واطي يرمس حرمته:والله براويها وبعلمها الادب اليازيه :حرام عليك...اكيد انته شي مسوبها الريم:اقول ابويه...تسلم عليك بنت راشد...(تقصد عليووه) وتقولك غايته المزرعه بنبات فيها كمن يوم... بوسعيد:الله يسلمها بنت اختي...خلاص تم ودوم:سعيـــــــــ ^.^ـد سعيد:عيونه وخشمه وحلجه ولسانه وضروسه وبلعومه الكل:هههههههههههههه ودوم:ودانا انا وخلوف الالعاب.. سعيد:دريولج وانا ما ادري... ودوم:ابويه قوله هالدب يودينا انا وخلوف ومزونه.. ذياب نازل وهوه يتسفر:فديت الي يبون يسيرون الالعاب...منوه يبى يسير وياي انا بسير الحين الالعاب... ودوم ترفع ايدها:انا ..انا ..انا ..ايه خلوف ارفع ايدك عشان يوديك ذياب الكل ضحك ع حركه ودوووم ذياب : السلام عليكم الكل : وعليكم السلام ورحمه الله وبركاته ذياب يحب راس ابوه : اشحالك ابويه ؟؟؟ ابو سعيد : بخير ونعمه ... شوه اصبحت انته ؟؟؟ ذياب : الحمدالله بخير دامك بخير ... اشحالج امايه ؟؟ وراح يحبها على راسها ويلس حذالها ولوى عليها بيده ... ام سعيد : الحمدالله بخير فديتك ... الريم قربي حق اخوج الريوق ... الريم : انشا الله ... ودوم تربع صوب امها وتخوز ايد ذياب عن امهااا ودوم : خوز خوز هاذي ماماتي انا بس قوم عنهاااا ذياب يريد يغايظها : ما شي هاذي امي انا روحي عند اليازيه هاذيج امج يله. ودوم:لااااااا اليازيه ام مزونه ..انا هاذي ماماتي ودوم تحظن امها : ماماتي ما صح انتي امي مب امه ... قولي يله هيه ... ذياب يحاول يبطل ايدين ودوم : ما شي يله قومي عن امي ولا ما بوديج الالعاب ... ودوم تبا تصيح : باباتي قوله يخوز عن ماماتي ... ابو سعيد : انزين انتي تعالي عندي و ودريه هوه عند امه ... ودوم : لا بعدين بيشل ماماتي بعيد ... بعدين ما بشوفهااا( جان تصيح ) ونش ذياب وشل ودوم وراح صوب سيارته ... ام سعيد : ذياااااااااب فديتك وين رايح تعال اتريق... ذياب : بيي الغاليه ... بس بنراضي هالدلوعه ودوووووووم وطلع ووداها الدكان واشترالها كيس حلاوه بس عسب ترضى ...وردوا البيت. ................................. .................... دقت الباب اكثر من مره بس ما يرد شوه فيه ليكون استوابه شي ؟؟ لا سمح الله لا انشا الله ما فيه شي... بس ليش ما يرد ؟؟؟ وبطلت الباب ودخلت...وكانت الحجره بارده ثلج ومظلمه وكل الليتات مبنده...وشافت صوب شبريته..كان اللحاف مخرب ومحد عليها...وسفرته محطوطه ع الشبريه وراحت صوب الحمام ..قالت يمكن يتسبح...وشافت باب الحمام مفتوح والبانيو ممزور ماي...يعني جنه كان بيتسبح...زاغت..يعني وين سار..اصلا امس كان ع غير عادته وهادي واااااااااايد وما يضيج بحد... ونزلت تربع وتزاعق...وتوه ذياب داخل من الباب وهوه يسمع روضه تصيح من كثر ما انها خايفه على شهاب .... روضه تصيح : ابويه الحق شهاب مب في حجرته ... ذياب اتروع : شوووووه ؟؟؟وين راح ؟؟؟ روضه : ما ادري ... ما ادري ... وزاد صياحها سعيد ينش ويزعق على روضه : روضه بس عن الصايح ... يعني وين بيكون راح بعدين سيارته فالكراج .... ذياب عصب وطلع من دون عقل وركب سيارته يدور اخوه وهوه يذكره امس ما كان على طبيعته ويطلع تلفونه ويتصل على تلفون شهااااااب بس كان مغلق فزاد خوفه عليه ... |
|
| |
| |
|
06-30-2013, 10:30 PM
| رقم المشاركة : [ 154 ] |
| عضو جديد | @@@ الجزء التاسع عشر@@@
__DEFINE_LIKE_SHARE__
روضه تصيح : ابويه الحق شهاب مب في حجرته ... ذياب اتروع : شوووووه ؟؟؟وين راح ؟؟؟ روضه : ما ادري ... ما ادري ... وزاد صياحها سعيد ينش ويزعق على روضه : روضه بس عن الصايح ... يعني وين بيكون راح بعدين سيارته فالكراج .... ذياب عصب وطلع من دون عقل وركب سيارته يدور اخوه وهوه يذكره امس ما كان على طبيعته ويطلع تلفونه ويتصل على تلفون شهااااااب بس كان مغلق فزاد خوفه عليه ... واتصل على تلفون حمدان بس ما رد الا عقب خمس مكالمات .. ذياب : مرحبا الساع حمدان : المرحب باجي .. هلا والله ذياب : اشحالك حمدان ؟؟؟ حمدان : بخير ونعمه .. اشحالك انته يا ريال ؟؟؟ ذياب :الحمدالله بخير دامك بخير حمدان : ويا مرحبابك ... ذياب : حمدان .. حمدان : لبيه ... ذياب : ما شفت شهاب اليوم ؟؟؟ حمدان : ههههههههههههههههههههههه ذياب : شفيك ليش تضحك ؟؟؟ حمدان : هههه لا بس شهاب هالدلوع فالمستشفى ... ذياب زاغ : شووووووووه فيه ؟؟؟ حمدان يغمز حق شهاب : يتغلى ذياب : يا ريال ... ترا العيوز زايغه عليه ... طمني ... حمدان : والله اخوك خقاق اوين انا ما احب اكل البيت وهكوووووووه خايس فالمستشفى ضاربنه تسمم .... ذياااب : شووووووووووووه ؟؟؟ ومن متى ؟؟؟ وليش ؟؟؟ حمدان : هههههههههههههههههههه شوي شوي تراه ما فيه شي هكوه جدامي بس يتغلى يشوف اذا بتذكرووونه ... ذياب : عنبو ذا الويه الي عليه زيغناااااا... والله الصوايح شاله البيت... حمدان يرمس شهاب :ارتاح خلاص اثاريهم يحبونك ... شهاب ابتسم من وسط تعبه والمه ... ذياب : الا انتوا فاي مستشفى .؟؟؟ حمدان : الظاهر ههههههههههه اكيد توام خخخخخخخ ذياب : هههه تنكت ... حمدان : لا احااااااول هههه ذياب : خلاص عيل نكت عليه لحد ما اوصل صوبكم ... يله شي فالخاطر حمدان : 2 كباب ... 2 شاوارما ..... 1 ديو ....خخخخخخ ذياب : هههههههه شوه تبا تنسدح حذاله ... حمدان : ياليت عسب انشوف غلانا عند الاهل ...هههههههههه ذياب : ههههههه خلاص فداعت الله حمدان : الله ويااااك وسكر عنه وراح البيت عسب يطمنهم عليه ... ودخل البيت وشاف حرمه ابوه و خواته وسعيد وحرمته اليازيه قاعدين مستهمين على شهاب ذياب : السلام عليكم الكل : عليكم السلام ام سعيد زايغه : هااااااااااه ... ابويه بشر حصلت اخووووووك ؟؟؟ ذياب : هيه امايه ... شهاب مرقد فالمستشفى ... وطاحت عليهم ام سعيد مغشاي عليها من سمعت ان ولدها مرقد فالمستشفى الريم وروضه يصارخن خيفانات ع امهن.. ذياب يحك راسه :مالت ع ويهي ما اعرف انقل اخبار روضه تصيح:ذياب...سعيد... لحقووووااا امايه ما تتحرك... سعيد يصرخ:الريم بسرعه ركضي هاتي كلونيا ولا عطر ..بسرعه تحركي ييبي أي شي.. الريم زاغت:انشالله وفجت ربعان صوب الحجره تيب عطر والحمدالله ام سعيد انتبهت من عقب ما اغمى عليها وذياب فهمهم انه شهاب بخير ما فيه شي إلا تسمم بسبت الاكل مال المطعم ..وام سعيد حاطه ع شهاب حطه ...والله يعين شهاب... وسعيد ما قصر تم يزيدها ويقولها انه ما ياكل من اكل البيت وكله راقد ع اكل المطاعم... ) فالمستشفى الكل ياي يزور شهاب ويتحمدوله بالسلامه..... ام سعيد:شهاب فديتك شي بعده يعورك شهاب:لا امايه الحمدالله بعد الغسيل الي سووه احسن...بس شوي هنيه يعورني..... ام سعيد تصيح:يالله يا بويه ما تستاهل... شهاب:اميه فديتج لا تصيحين...ما فيني شي الريم:امايه خلاص هكووه ما فيه إلا العافيه ما شالله يشقح وينطح شهاب:ههههههه ريمووووووه تراج بتصكيني بعين.... الريم ما ردت عليه لان تلفونها رن.. وشهاب كان يتابعها بعيونه يحسها انها ترمس عليوه.. عليوه:ريماني شو فيج احس شي فيكم مب طبيعيين...صدعه عندكم قومي ظهري عنهم... الريم:يعني تعرفينهن غرف المستشفى ما من كبرهن ولو طلعت بيصلخني سعيد بيتحسبني ارمس واحد... عليوه زاغت:بسم الله وانتي شو تسوين فالمستشفى؟؟؟ الريم خبرتها السالفه بالتفصيل.. وعليوه حست فوادها يتقطع من قالتلها ان شهاب فالمستشفى... الريم:اقولج صبر بدخل شوي برمسج فالحمام صدعه ما اسمعج شو تقولين... عليوه: ليش ؟؟شو السالفه؟؟؟ الريم :كله هالسعيد يشرش امايه ع شهاب والحين زاخينه زخه واميه تحالف عليه وتلقمه..وسعيد يزيدها...والله انهم فاطسين عليه من الضحك اول ما دخلت الريم الحمام ترمس عليوه وشهاب يتابعها بعيونه وين ما تسير يحسها ترمس عليوه... شهاب ياشر بيده انه خلاص بسه انترس من كثر ما تلجه سعيد يزخ شهاب من راسه:مافيه يله بسرعه فج حلجك...اميه جهزي اللقمه...خله يتادب عسب مره ثانيه ما يتريق ويتغدى ويتعشى من المطعم..يا بو المطاعم... روضه:هههههههههه حرام عليكم بسه... ام سعيد:هاه ابويه خلصت... شهاب يبلع اللقمه:اوووه دخيلكم رحموني..خلاف بمتن وبتخترب كشختي..خلوني جذاك رشيق ...خلاص توبه اكل من المطعم..توبه الكل:هههههههههههههههههههه سعيد: تصوووخ !!!!ماشي عندنا كشخه ما كشخه...يله ذياب وروضه ..يله كلكم تعالو خلوف وودوم...يله كلنا بنتعاون عليه وبنزخه ويله عاد امايه انتي دعسيله...خليه يمتن مستوي يابس عظم....اااااهـــب يا يبوس... ودوم وخلوف ما صدقوا ع الله وترابعوا فوق الشبريه وزخوا ريوله... سعيد:هههههههههه هيه جيه اباكم.....ولوهله اعتصر فواد سعيد واذكر ولده ضناه فذه كبده...الي ما راح ينساه لين يحطونه تحت التراب.... سعيد فخاطره:ليتك كنت عايش وتشوف عمومتك وتمزح وتضحك وياهم...وتنهد ..آآآه يا ضناي... وانتبه لعمره وطلع من تفكيره من سمع صرخه شهاب... شهاب:ااااااااااي ودوووووووم يالهرمه يعور... ودوم:هههههههههه خلك عشان مره ثانيه تستأذن يوم بتطلع من البيت... (لان ودوم حضرتها... عافده فوق بطنه وتنغزه بصبوعها وتقوله:هنا يعورك....هنا يعورك) شهاب :روضوه دخيلج نزليها من ع الشبريه... روضه:ههههههههه انشاالله شهاب:فديت خلوووفي شيخها هالدرام ودوم.. شهاب:صح...سعيد عيل وين حرمتك...ووين مزونه... سعيد: عند خوالهم... ام سعيد:سعيد!!؟؟ سعيد نقز:عونج.. ام سعيد:عن لا تكون مزعل يزوي.. سعيد : ههههههه لا والله امايه مب مزعلنها بس رايحه لانه عمي رايح سويحان وسلطان فالدوام والبنات محد عندهن عسب جيه راحت تبات عندهم ... ام سعيد : يا حافظ عليها بنت سالم ...محد شراتها..قايمه بخواتها بعد المرحومه امها.... الله يرحمها ... يعلها الجنه.... الكل: آميييييييييييييين ................................... شهاب يدز خلوف : قم ... بروح الحمام ... خلوف يستهبل:ليـــش؟؟؟؟؟^.* شهاب:هههههههههههه ط.. ط.. مايخصك.. وسار صوبه ذياب عسب يساعده ... ذياب : خلوف الشيخ قوم خلنا نشل شيبتنا الحمام .... شهاب : شاب راسك يالهرم .... خلوف يقوم وهوه يضحك على اخوانه ... ذياب يساعد شهاب عسب ينش ويتساند عليه...ووصله عند باب الحمام... شهاب يتساند ع اليدار:مشكور تعبتك... ذياب غمزله:ماتباني ادخل وياك ترانا حاظرين... شهاب يضحك:هههههههه عنلاتك...بعدني ما اتكسرت عسب حتى فالحمام تلحقوني... شهاب يفتح الباب شوي شوي..اصلا هوه مب قصده الحمام قصده يشوف الريم منوه ترمس..لانه يحسها انها ترمس حبيبه قلبه... الريم:لو تشوفينهم متولينه ويغصبونه ع العيشه... الريم شافت شهاب واشرلها تسكت ومط التلفون عنها..وكانت حضرتها عليووه ترطن و مب حاسه بعمرها.... عليووه:يعلني افداه والله ما يستاهل ليت العوق فينيه وما فيه... شهاب:بعيد الشر...ما تهونين علي اييج الي صابني.. عليوه صخت من سمعت حس شهاب والريم ناقعه عليهم من الضحك لانها تعرف ان عليوه تحب شهاب ..وعليوه مثل اختها ما تخبي عنها شي... الريم تمط التلفون عنه: هههههههه يالماصخ... عليوه صاخه:الريم بمووووووووت.. شهاب يرمس الريم:والله ياالريم انه العوق طار عني من سمعت حس الشيخه عليا بنت راشد... الريم:يا ويل حالي عليك يااخوي معذبتنك هالمنتفخه عليوه.. شهاب يمطها من كشتها:شووووه؟؟ عيدي ما سمعتج؟؟ الريم:اااااااااخ والله سوري خلاص الشيخه عليا..دخيلك بطل والله عبرتوه شعري من كثر ما تمطونه...>__< ااااخ يعور شهاب قبل لا يظهر:سلمي عليها.. وطلع الريم:اوووو...من قدج بعد ما يرضى حد يسبج...يسلم عليج.. عليووه:يعلج العفن بغيت امووووت ... الريم:ههههههههههههههههه عليوه:الله يسلمه انشاالله من كل شر...^.^ الريم تبا تغايض عليوه : ما عليه البزي قاعد يدلع على امايه ... عليوه : فديته والله ... خليه انتي شعليج مجابله خالوه طول الوقت الا هوه فديته كله فالكليه .. خليه يتهنى شويه .... الريم : يله بااااااااااي بروح اخذ دلع امايه بعدين شهابووووووه الدب بيعبره ... عليوووووه : ههههههههههههه خلاص اوكيك روحي يالياهل ... الريم : فديتني احلى ياهل .. عليوه : الله يعين الي بياخذج ... الريم : يحب ايده مجلبه ... يوم يحصل الشيخه الريم بنت محمد عليوه : هههههههههه يالخقه الله يعينك (بصوت واطي) يا منوووع عليها الريم: شوه قلتي ما سمعتج ؟؟؟ عليوووه : ههههههههه ما قلت غير سلامتج الريم :اتحرى بعد قلتي شي ... انزين عليوه قلبي شي فخاطرج؟؟؟ عليوه : سلامتج حتاتي ... بس سلمي على الاهل الريم : يوصل ....بس منوه الاهل يعني منوه يعني بالتحدييييييد ؟؟؟ عليوه استحت : ريموووووه يالدبه الريم تضحك : ههههههه باااااااووووووووووووو عليووووووووه : باااااااااااياااااااااااااااااااات ......................اليوم الي بعده طلع شهاب من المستشفى.............. .................................................. ......... وبعد ما سكر هم عيال المدارس و الجامعات وبدت الاجازه الصيفيه ... وظهرت نتايج الثانويه الخامه على قولت غلوي ... وطبعا غلوي يابت نسبه 75% ... والكل يابلها هدايا ...وحصلت هزبه من سلطان على هالنسبه..وحصلت بعد مذله من منى...لانها تغايظها اونها منى يايبه 90% ...وهذا الي صار .................................................. .......... غاليه:ملل...مللين..ثلاث ملالات...وايد ملالااااتت..اووووووف منى:غلوي تراج صدعتينا... غاليه:ياخي ملانه وااايد ... منى:انزين قعدي ع النت ترى سلطان رده... غاليه:عفته ملل حطت المنتديات كلهن مثل الشي..ومحد عندي متصل ع المسن....اوووف ملل مزونه:مااااااماتي ..اليد ودوم وحلوف وثهاب بعد اليازيه عاطيتنها طاف وترمس سعيد ع التلفون.. سعيد:شعندها مزونه ...اسمعها تتحرطم اليازيه:اذتني ..اوين تبى ودوم وخلوف وشهاب سعيد:افا والعنز تيس...وانا ...شقى ما تقول تباني اليازيه:ههههههههههه ما ادريبها..خذ رمسها اليازيه تمسكها التلفون:مزوني حياتي باباه يباج.. مزونه:ماليــــــد سعيد:عنلاتج يا بنت يزوي اليازيه:سعود سمعتك...جيه هيه هب بنتك؟؟؟ سعيد:ههههههه خلاص سوري...انزين وديها هناكي ترى شهاب اليوم طالع من المستشفى.. اليازيه:شووووووووووه؟؟ عسى ما شر سعيد:لا لا تتروعين..بس ضاربنه تسمم من كثر ما يصرط من المطاعم اليازيه: هههه الحمدالله ع سلامته....هذا يباله حد ايوزه وانخلي حرمته اتاكله اكل البيت... سعيد:هههههههههههههه والله فكره....يله بخليج ريال عندي اليازيه:اوكيه الله يحفظك سعيد:وياج.. منى:منوووه فالمستشفى؟؟؟ غاليه:ومنوه الي تبون تيوزونه؟؟؟؟عسب حرمته تاكله... اليازيه:خيبه الفضول شو يسوي...هذا شهاب ضاربنه تسمم غاليه:حليلك يا ولد عمي منى:حليله ما يستاهل ..وشوه الحين احسن.. اليازيه:يقول سعيد اوين الحمدالله احسن بعد ما سووله غسيل معده... سهيل يتحرطم : يزووووووي سكتي بنتج هاذي لا افرها خاري اليازيه : شوه سوتبك هالمزيونه ؟؟؟ مزونه:ماماتي انا ما احبه ثهيل احب حلوبي وتمت تصيح وتقول:ابا حلوبي..ابا حلوبي...وين لاح حلوبي.. الكل صخ من قالت مزونه هالكلام..واليازيه شلت عمرها وطلعت برى تصيح ولدها الي راح وخلاها.... منى تشل مزونه :الله يسامحج ...حبيبتي مزونه حلوبي راح..وهوه قال انه يحبج واااايد مزونه:اليد حلوبي .....وينه لاح حلوبي... وبعد غاليه ما ستحملت وانبقت تصيح وطلعت عنهم ...مزونه ذكرتهم بهذا الجرح ..ذكرتهم بحارب الي مستحيل ينسونه...ذكراه دايما عايشه فبالهم... منى تمسح دموعها....ومزونه تربت ع خدها:وين لاح حلوبي... |
|
| |
| |
|
06-30-2013, 10:32 PM
| رقم المشاركة : [ 155 ] |
| عضو جديد | .... بكمل بعد شوي . 
__DEFINE_LIKE_SHARE__
|
|
| |
| |
|
| مواقع النشر (المفضلة) |
العرض العادي
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| عندما لاترى فى الحياه غيرك ... انت وحدك | محروم.كوم | منتدى أخبار المواقع والمنتديات العربية والأجنبية | 0 | 09-28-2009 03:30 AM |
| كل شي يهون عند الحريم الا هذه!!! | راعـــ الــحــب ـــي | الإستراحه العامة | 28 | 09-19-2009 07:02 AM |
| كله يهون عشان خاطره | محروم.كوم | منتدى أخبار المواقع والمنتديات العربية والأجنبية | 0 | 07-13-2009 10:30 AM |
| كل شي يهون عند الحريم الا هذه!!! | محروم.كوم | منتدى أخبار المواقع والمنتديات العربية والأجنبية | 0 | 06-07-2009 02:40 AM |
| ** يهون عليك ** .... | أمير الحزن | شعر و خواطر | 4 | 05-31-2008 07:51 PM |
الساعة الآن 03:51 PM
- اخبار رياضية
- اخبار الامارات
- اخبار ريال مدريد
- اخبار برشلونه
- العاب فلاش
- مسلسلات وافلام
- مسجات
- فيديو كليبات
- سيارات للبيع
- ارقام سيارات
- ارقام هواتف
- هواتف للبيع
- حيوانات للبيع
- قوارب ويخوت للبيع
- ملابس واكسسوارات
- ساعات ومجوهرات
- اناشيد اسلامية
- نغمات اناشيد
- نغمات اسلامية
- ادعية اسلامية
- رقية شرعية
- قران كريم
- ديبيات اسلامية
- اذكار المسلم
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227