][أحبك لو بعيد الدار عنك][

دانة الكويت · 05-24-2008, 11:47 PM

بالكويت..
شوق ما تتكلم وايد بس بغرفتها وتبجي شلون بتفارق البيت اللي ربت فيه واهلها وناسها.. تخلي كل هذا وتروح مع هادي الامارات !!

هادي واميرة قاعدين بشقتهم..
هادي:اميرة انتي ما قصرتي معاي بشي بس القلب وما يهوى انا ما اقولج اني اكرهج لا بالعكس احبج ومرتي وعلى عيني وراسي وانشالله بحاول اعدل بينج وبينها قد ما اقدر ..بتيين العرس باجر؟
اميرة:لا
هادي:على راحتج

طبعا اهل هادي تقريبا كلهم معارضين هالزواج وخصوصا بيت بومايد ولولوة محتارة معصبة عشانه خذا على اميرة ومستانسة عشانه خذا شوق..
العرس طبعا صار بالامارات لانه بيت المعرس..

وبالعرس الكل فرحان ومستانس والبنات فصلو وبالصالون خبال ع الاخر..
جمانة: وناااااااااااسة من زمان ما فرحنا
ريم:عاد اليوم فرحتنا غير
شوق:الفال لكم
كل البنات:آمين
شوق:هههههههه ليش مستعيلين
رغد: مو الاخت ضامنة رزقها
شوق:جب رغودة
رغد:هذا اسلوب انتي الحين مرة مو بنت عيب هالسوالف
شذى:لو شيصير شوقو ما راح تكبر
دانة:مرات احس نفسي اكبر منها
شوق: ترى انادي عليكم هادي الحين
ريم:عااااااااااااااااااااااشو تناديلنا هادي
جمانة:يعني ما تغارين عليه منا
دانة: اهي واثقة فيه شفيج
شوق:بس عاد
ريم تكلم الفليبينية اللي بالصالون: تعالي تعالي
الفليبينية: انا؟
ريم:شنو اسمج؟
اليس: اليس
ريم:يحليلها نفس خدامتكم
اليس:شو
ريم:تعرفين ترقصين؟
اليس:شو؟
ريم:دانسينغ؟؟
عاد البنات صارو فرقة وقعدو يغنون:الليله ترن ترن الليله انا واهو هنا وانا بيدينا والليله (يصفقون)

وريم ترقص : لايك ذيس خخخخ
اليس: نو اي دونت نو
ريم : ما عليج لا تستحين منا يلا

والبنات يعلمون اليس شلون ترقص بداوي
دانة: ولا اله الا الله الف الصلاة على النبي
رغد:قلللللللللللللللللللللللوش
جمانة:الف الصلاة والسلام عليك يا حبيب الله محمد
شوق:فضحتونا عقلو
ريم : خلينا نستانس
شوق: بنات انا خايفة
ريم: طبيعي كل عروس جذي
شوق:ابي ابجي مابي افارقكم
جمانة: شواقه حبيبتي هذي سنة الحياة
ريم: خلاص لا تسوون فلم هندي
رغد:مادري منو اللي مساع تقول شوق ماتتزوجين مابيج تفارقيني
ريم:المهم بس عاد

كانت شوق قمة في الجمال رزتها وطولها وجسمها اللي متناسق مع موديل الفستان .. كان فستانها الابيض كله كريستال ومسكتها لونها وردي..

ريم فرحانة حيييييل عشان شوق..ومن الفرحة بجت..

وشوق تحاول تمسك نفسها تحس كل الناس يشوفونها دخلت على شعر مألفه خالد اخوها "هدية عرسها"

خالدة: الف الصلاة والسلام عليك يا حبيب الله محمد
الحريم:قلللللللللللللللللللللللللللوش

وصلت الكوشة وقعدت ويو البنات يرقصون عندها وماشالله ما خلو احد يصور كل شوي يصورون وياها..
جمانة:يلا خالتي رقصي
منيرة: لا
دانة سحبتها وخلتها ترقص
ريم:خالتي اليوم فرحه

المعرس وصل والكل تغطى وشوق خايفة ..
دش هادي معاه خالد وطلال واخوه احمد وسلطان ومنصور رفيجه ..
محد من عمامه دش وهذا ساعد الشباب عشان ياخذون راحتهم خخخ وييولون عند الحريم..
ريم كانت واقفة ورا شوق ورافعه طرف شيلتها عشان تشوف الشباب واهمه ييولون وتساسر شوق وكان ازعاج بيالله تسمعها..

ريم:شوقو طالعيهم اييولون لحظة بقول حق هدوي اييول
شوق:ريم!!
ريم: هدوي
شوق:ريم!!
ريم راحت حق هادي..

ريم: هادي
هادي:منو انتي.. ما عرفها لان الماكياج مغير ويهها 180 درجة
ريم: انا ريمووه شوق تبيك تييول
هادي يلف على شوق اللي متغطية بطرحتها : ما ابا اييول بس بعرس اميرة اييول
ريم:!!!!!!!!!!
خالد:عاد هالله هالله باختي
هادي:بعيوني
طلال: مو تخرعها خخخ
هادي:انشالله
منيرة واهي تبجي:حطها بعيونك

هادي:عمتيه مب سارقنها خخخخ
هادي طاير من الفرحة

طاير من الفرحة طاير .. قلبي على نار ناطر .. ثاير من الشوق ثاير .. وحشني شوف الكويت خخخ شكو

سلمو الشباب على هادي وباركوله وطلعو ..
صور وياها مع الاهل ما طولو وبعدين ريم خذت ايد شوق وحطتها بايد هادي وطلعو على اغنية حمد العامري "ذكرى سنيني" بطلب من هادي..
||على كثر السنين اللي تمر ولا قدرت انساك||
||خيالك ساكن عيوني ترى لو طالت سنيني||
||احبك اعشقك واهواك وابقالك على ذكراك||
||حبيبي حبك العذري جرا مجرى شراييني||
||انا ما اقوى على هجرك ذبحني بعدك وفرقاك||
||تمنيت اللقا ساعة نظرة منك تحييني||
||وقلبي من يلومه يوم يتذكر ويتمناك||
||عظيم الشوق ياخذني جدا اغلى محييني||
||جميلن ماحدن مثلك ولا هذا ولا هذاك||
||وربات الخدر معهن ترجح كل ميازيني||
||ظلم الليل وتوي به وبدره طلة محياك||
||شمس الصبح فخدودك وعودن ما يسيليني||
||حبيبي يا بعد عمري ورب الكون لي سواك||
||اذا صديت تقتلني ومنك الصبر يشقيني||
||حياتي كلها لجلك واقول العمر لك يفداك||
||كثير الناس يتمنى وغيرك صعب يرضيني||البنات كانو متأثرين وايد..
شوق وهادي راحو غرفتهم بالفندق ومعاهم المصورة وريم وكل شوي تاخذلهم لقطات __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
شرح أحبك ليه ما أحبك - يامعلمني أحبك حيل أحبك {وسائط صوتيه شعريه جديده	محروم.كوم	منتدى أخبار المواقع والمنتديات العربية والأجنبية	0	06-11-2010 03:30 AM
مطلوب ارشفه تحتسب بعدد الزوار الفلوس بعدد الي يدخلو المنتدي التفاصيل بالموضوع	محروم.كوم	منتدى أخبار المواقع والمنتديات العربية والأجنبية	0	04-18-2010 09:10 PM
كل زين اشهاده وانتم بعيد منوتي ليتك معي وان سهرت الليل اهوجس بك واعيد هل لاجلك مدمعي	Al-Rayyani	سيارات و دراجات	12	10-19-2009 09:43 PM
حتى آسمك لآ بغيت آنطقه يطلع لي آحبك يا آحبك	ملك الشباب	هواتف , مسجات , وسائط , برامج , ثيمات , نغمات , بلوتوث	13	10-14-2008 09:35 PM
بعيد الدار - محمد عبيد الكعبي	الميهود	طلبات الاعضاء	0	01-10-2008 12:56 AM