][أحبك لو بعيد الدار عنك][

دانة الكويت · 05-14-2008, 02:35 PM

شوق وريم لبسو ونزلو تحت وركبو سيارة خالد..وطبعا بما ان هادي ما راح يروح قعدت شوق جدام..واهمه بالسيارة ياهم هادي واهو يغني وركب السيارة..
ريم:نعم شتبي؟
هادي:انتي نزلي ما تسيرين وياي
ريم: نععععععععم؟
هادي:شوي عن تطلع بلاعيمج
شوق: وين خلود؟
هادي: راح ينام

شوق بتنزل لانها قاعدة يمه جدام بس اهو مسكها من ايدها
هادي: شو وين رايحه انا بوديج غناتي
شوق:ريموه شغلج بعدين
هادي:شو شفيكم؟
ريم: شوق والله مالي شغل
شوق: اي واضح
هادي:شوق حبيبتي ما اتفقت مع هذي خخخ
شوق: عيل مع خالد؟
هادي: هيه هو قاللي اوديج لاني قلتله اني مشتاقلج
ريم:والله انك جذاب
هادي:ريموه انقلعي خليني مع الحب بروحنا
ريم:نعم
شوق:ريموه لا تروحين
ريم: شدعوه بتحرك من مكاني
هادي: شو شوق؟
شوق: خل ريموه تقعد
هادي: لا تخافين ما بسويلج شي واستأذنت من خالد انا
ريم: ادري انك جذاب بس تراني بروح وياكم
هادي: ريموه عاد فارجي برمسها انا رمسة خاصة
ريم: نو
هادي: ام البيض ابا ارمسها
ريم: لا
هادي: يلا عاد ريموه
ريم: بس بشرط
هادي:شو
ريم:5 دقايق وما راح اتحرك من عند الباب
هادي:انزين بس انقلعي انتي
ريم: لا تستانس باوقف عند باب السيارة
هادي:تراج حشرتينا يلا
ريم: اف انزين كل هذا عشانج شوقو
شوق: ريموه
هادي: بتسوولي فلم هندي الحينه يلا انقلعي انتي
ريم: باي

طلعت ريموه ..
هادي: شواقتي
شوق:عيونها
هادي:فديت عيونها وربي.. شحالج؟
شوق:بخير من شفتك
هادي: وعلومج ؟
شوق:طيبة طاب حالك جذي يقولون صح؟
هادي: هيه جذا
هادي: اشتقتلج
شوق: وانا اكثر
هادي: احبج
شوق: وانا بعد
هادي: شو فيج منزلة راسج ابا اشوف ويهج

ويحط ايده على ويهها ويرفعه .. جان ريم تطق عليهم الدريشة
هادي: كح كح حشا ما تخلي الواحد يرتاح
شوق: صحة
هادي: على قلبج
شوق: هدوي فيك شي؟ مريض؟
هادي: مزجم شوي
شوق: سلامتك ما تشوف شر
هادي: الشر ما اييج غناتي
شوق: هادي
هادي: شو
شوق: بس عاد
هادي: ويهج غدا احمر
شوق: هدوي!
هادي: هههههههه متى باخذج الامارات بس
شوق:كل واحد ببلاده احسن
هادي: لا والله
شوق:اميرة تقول جذي
هادي:وانتي شعليج منها
شوق: هدوي اميرة شتبي فيك؟
هادي:شو يعني
شوق:شنو الرمسة الخاصة
هادي: اي رمسة؟
شوق:لا تخش عني اذا تبيها اهي عادي اخذها
هادي:شو تخربطين انتي؟ شو اخش عنج
شوق:...........
هادي: اميرة ما عليج منها محترة منج عشاني احبج وما احبها
شوق:ما تحبها؟
هادي:شوقو جنج مب واثقة ؟؟
شوق: لا مو قصدي
وتدش عليهم ريم : نطرت دقيقتين زيادة
هادي: اففف .. شواقي اليوم بتصل
ريم: اولا لا تتأفف ثانيا بكيف منو بتتصل
هادي: بكيفي
ريم: ما راح تتصل وانتي قومي قعدي يمي
شوق:انا ما راح اروح
هادي: ليش حبيبتي؟
شوق: بس مابي
هادي: ليش؟
شوق: بس
هادي: لا والله
شوق:هدوي بروح اقعد ورا
هادي: اها عسب جذا خخخخ روحي يلسي ورا هب ماسكنج
ريم:حدك على بنت خالتي
هادي: اصلن هاي حبيبتي قبل لا تكون بنت خالتج المهم بتروحن ويايه ولا تيلسن هنيه وانا اييبلكن؟
شوق: ما ادري
ريم: انا عن نفسي ما أأمن فيك تدعم فينا لا ليسن ولا شي
هادي: ما عليه انتن نزلن وشوق الساعة 1 بتصل
ريم: بعرف بس شنو القوطي اللي بمخك؟ غرفتك مجابل غرفتها تكلمها تلفون؟؟ صج ناس عندهم رصيد مصيبة
هادي: الله يعين اللي بياخذج
ريم: وانت شكو ما راح اخذك لا تحاول
هادي: امحق انا اخذج شو خلصن بنات الدنيا؟
شوق:انا عندك وتدور على بنات الدنيا
هادي: شو خخخ هيه اكيد دامج عندي ولا وحده تسواج يا نظر عيني بس تراني ماخذ بخاطريه منج
شوق: مني انا؟
هادي:هيه انتي جنج الا نسيتي؟
شوق:نسيت؟
هادي:هيه تحيدين لما قطعتيني مرة وحدة
ريم:ولليه ليلحينك تذكر
هادي:هيه عذبتيني كرهتيني بحياتي
شوق:حرام عليك
ريم:هذي سالفة طوييييييييييلة
شوق: ريموه ما قلتيله سالفة طلال؟
ريم: انزين اسمعني ابي كرتين ككاو وكرة كراميل
هادي: ما راح اييبلج
شوق:هدوي انا ابي كرة ككاو وكرة كوكيز
هادي: من عيني هذي قبل هذي

ونزلو..
ريم:طوفي خلصيني
شوق: شتبين
ريم: متشققة الاخت
شوق: ريموه امنتج مو اينن؟
ريم:كلن على همه سرا
شوق: فديته احبه والله
ريم: خخخخخ
شوق: ريموه ترى بتنامين عند شذى اليوم
ريم: لا والله قاعدة على قلبج لي الساعة وحده

نزلت عليهم خالدة..
خالدة:السلام عليكم
شوق وريم: وعليكم السلام والرحمة
شوق: نوم العوافي عمتي
خالدة: الله يعافيج انتو ما نمتو؟
ريم: لا

وقعدو يسولفون شوي ..
خالدة: وين هدوي؟
ريم: هدوي رايح ..بس قبل لا تكمل حست بقرصة من شوق
ريم بهمس:آآآآي شفيج؟
شوق: ويعه انزين
خالدة: وين رايح؟
شوق: مو رايح فوق عند خلود
خالدة:شوق روحي ناديلي اياه ابيه يدقلي على لولوة
شوق: انا ادقللج
خالدة:الرقم عنده
شوق: بروح اقوله

وصعدت ولحقتها ريم..
شوق: ويعه
ريم: ليش ؟
شوق: هبلة انتي بتقوليلها
ريم: كنت بقولها رايح الجمعية
شوق: لا والله ما جنه ما عنده ليسن
ريم: اوووه نسيت
شوق: مالت
ريم: شنو بتسوين الحين
شوق: شدراني
ريم: دقي عليه وقوليله ايي بسرعة

شوق دقت عليه..
هادي: اهلين
شوق: هدوي امك تسأل عنك شقولها؟
هادي: شو تقول؟
شوق: تبيك تدقلها على بيت بوخليفة
هادي: هذا وقته الحينه
شوق: خلاص مو شرط باسكن روبنز تعال بسرعة
هادي: لا هاذوو شريته الحين ياي
شوق: مو تتأخر
هادي: انزين يلا باي
شوق: باي
ريم:دامه جذي خواف ليش يروح من غير ليسن
شوق: مالج شغل

قعدو ينطرون هادي بالصالة..
خالدة: ناديتيه ؟
شوق: اي عمتي
خالدة:ما صارت

ريم: اهو كان نايم على ما يقعد ويلبس
خالدة:كل هذا يلبس ادري فيه ولدي الحين اكيد رد ينام
ريم:ههههههه
خالدة: جم صارلكم غايبين
ريم: 4 ايام
شوق: باجر انشالله بداوم
خالدة: عسى ما عندكم امتحانات؟
شوق:لا ما عندنا
خالدة: زين الحمدلله .. هذا وينه ماكو الا اروحله

دش هادي من باب دار الاكل وحط البرد بالمطبخ وراح الصالة..
شوق: كاهو يا
خالدة:وينه ينشف الريج على ما ايي
هادي:مرحبا
خالدة: وينك اندوك دقلي على ام خليفة
هادي: انشالله .. هادي ييأشر حق شوق بس ماكو فايدة
ريم تساسر شوق: لو ادري جان ما تعبت نفسي وطرشته وين الككاو والكراميل
خالدة: هاو شفيك دقلي بسرعة
هادي:ها ماشي اميه ..شوق ييبيلي قلاص ماي

شوق راحت
ريم تأشرله وين البرد..
هادي:ريمووه ييبي حق امايه ماي
خالدة: مابي ماي
هادي: روحي ريموه ما عليج
ريم: انزين

خذو البرد وقعدو بالصالة ياكلون..
ريم:تلفونج
شوق: الو
ايمان: زين رديتي علينا
شوق: نتغلى خخخخ
ايمان: عظم الله اجرج
شوق: اجرنا واجرج ..شلونج امون؟
ايمان: مو زينة
شوق: ليش؟
ايمان: من متى مو شايفتج يا الدبة
شوق: 4 ايام
ايمان: و4 ايام شويه من دونج
شوق: ههههه فديتج والله
ايمان: تخيلي محد يشارك بالصف خخخخ
شوق: عشان صبريو هذي تحس بقيمتي
ايمان: والله حاسين بس متى بتداومين؟
شوق:باجر انشالله
ايمان: صج؟
شوق: اي صج
ايمان:شوقو قلتو حق محمد؟
شوق: اي اكيد واي اشتقت لجسوم فديته
ايمان: هونيها وتهون وانا اختج
شوق: 4 ايام مو شايفته ما يصير
ايمان: عيل شلون بتصبرين 4 سنين
شوق: الله يعين يالله تامريني بشي
ايمان:سلامت عمرج باي
شوق: باي

سكرت شوق ..
شوق: ريمووه ولهت على جسوم
ريم: بنروح بيتنا اليوم؟؟
شوق: اكيد ريموه لحد ياكل البرد بروح حق شذى شوي وايي

ريم:روحي

شافت هادي واقف عند باب الصالة ابتسمت له بس اهو شافها بنظرات غضب وعصبية اهي خافت بس ما تدري شفيه ..
شوق: هادي؟
هادي حقرها وطلع برا.. استغربت شوق .. ليش؟؟ شفيه؟؟ ليش يطالعني جذي؟؟ شسويت؟؟ __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
شرح أحبك ليه ما أحبك - يامعلمني أحبك حيل أحبك {وسائط صوتيه شعريه جديده	محروم.كوم	منتدى أخبار المواقع والمنتديات العربية والأجنبية	0	06-11-2010 03:30 AM
مطلوب ارشفه تحتسب بعدد الزوار الفلوس بعدد الي يدخلو المنتدي التفاصيل بالموضوع	محروم.كوم	منتدى أخبار المواقع والمنتديات العربية والأجنبية	0	04-18-2010 09:10 PM
كل زين اشهاده وانتم بعيد منوتي ليتك معي وان سهرت الليل اهوجس بك واعيد هل لاجلك مدمعي	Al-Rayyani	سيارات و دراجات	12	10-19-2009 09:43 PM
حتى آسمك لآ بغيت آنطقه يطلع لي آحبك يا آحبك	ملك الشباب	هواتف , مسجات , وسائط , برامج , ثيمات , نغمات , بلوتوث	13	10-14-2008 09:35 PM
بعيد الدار - محمد عبيد الكعبي	الميهود	طلبات الاعضاء	0	01-10-2008 12:56 AM