][أحبك لو بعيد الدار عنك][ - الصفحة 20

دانة الكويت · 05-22-2008, 06:53 PM

خالد:ريم؟؟؟
ريم:قالتلك رايها
خالد:خلاص بروح اقوله
اول ما طلع خالد راحت شوق غرفتها وقعدت ع السرير تبجي وريم عندها بالدار..
ريم:شوق ليش..؟؟

وبالديوانية..
خالد:السلام
هادي:وعليكم شو اييب الملاج؟
خالد:هادي انت ريال والنعم فيك وقبل كل شي ولد عمتنا
هادي:شو السالفة خلود؟
خالد:الظاهر ما في نصيب
هادي انصدم:شووووووووووو؟؟؟
خالد:البنت مو موافقه
هادي:شوق مو موافقه؟؟؟؟؟؟
خالد:هذا قسمة ونصيب
هادي:انا برمسها
خالد: تعال انت وين رايح
بس هادي ما عطى فرصة حق خالد ودش البيت

هادي:السلام عليكم
وعلى طول صعد فوق..

الكل مستغرب ..من متى هادي اهنيه؟؟
راح طق الباب على شوق واهو معصب ع الآخر..
ريم:انزين لحظة
ريم فجت الباب وانصدمت لما شافت هادي..
هادي:ريموه لو سمحتي برا
ريم:ها؟؟
هادي:برا
طلعت ريم..

لما سمعت صوته.. شوق شالت راسها من المخدة عشان تتأكد انه هادي..
هادي وحده معصب:شوق !!
هادي:شوقو جوفي عدل انا هادي!! مب موافقه علي؟؟ ما تبغيني؟؟
هادي:سمعيني عدل انا ابغيج انا شاريج!! ما تبغيني برايج انا ابغيج
هادي:الحينه ترمسين خالد وتخبرينه انج موافقه سامعه
هادي:قلتلج مغصوب انتي شو مخج ؟؟ ما تفهمين ؟؟ والحينه محد يغصبني انا اباج رضيتي ولا لا
هادي:شوقو سمعتي
شوق واهي تبجي:هادي حرام عليك
هادي:حرام علي انا؟؟؟ ولا انتي؟؟ انتي شو ما تحسين ؟؟ تدرين اني مب متهني بحياتي!! ووالله انج هب متهنية بحياتج صح ولا انا غلطان؟؟
هادي:بتخبرين خالد انج موافقه علي..والحينه برايج
وطلع هادي شاف ريم عند الباب ونزل تحت ..

دشت ريم على طول شافت شوق حضنتها ..
شوق والدموع تارسه عينها والابتسامة شاقة الويه:ريمووه انا اسعد انسانة بالدنيا
ريم:واخيرا الف الف مبروك حبيبتي

في الصالة كان خالد قاعد..
هادي:خلاص خلود شوق موافقه
خالد:هادي!!
هادي:شحالج عمتي؟
منيرة:الحمدلله انت من متى هني؟
هادي:امس وصلت بس قالولي انكم بالمزرعه
منيرة:اي صح جان اتصلت
هادي:اتصلت على خالد بس الظاهر كان ما في ارسال
منيرة:شلون امك وابوك واخوانك
هادي:بخير وسهالة
منيرة: وعروستك؟
هادي تغير ويهه:ماشي الحال عمتيه
سارة:وين اهلك مو ياي تخطب؟
هادي:ليش خالتيه مب مزوجيني الا بهلي
منيرة:هذي الاصول يا ولدي
هادي:بس انا مب غريب
خالد: بس الاصول اصول
هادي:انا بملج اليوم وكل شي بنتفق عليه عقب
سارة:ما يصير يا ولدي
هادي:خالتيه لا تصعبين الامور
منيرة:انا بسوي حق بنتي حفلة ملجة
هادي:ما اختلفنا عمتيه كل شي بيصير مثل ما تبغون بس بنملج اليوم
خالد:اي وبعدين؟
هادي:بعدين بسير الامارات واييب المهر واهلي ونسوي حفلة ملجة على قولتكم
منيرة:جذي
هادي:هيه
خالد:بس اهم شي راي محمد
سارة:اتصل فيه وقوله
هادي:يلا الحينه
خالد:بس بعرف ليش مستعيل خخخخ

خالد دق على محمد..
خالد:هلا بوجاسم
محمد:هلا فيك
خالد:شلونك
محمد:خلود تراك قبل ساعة داق علي
خالد:اي لو تدري شنو صار بهالساعة خخخخ
محمد:شصار؟
خالد:لا تخاف بس واحد متقدم حق شوق
محمد:هذي الساعة المباركة منو ولده؟؟
خالد:منو تتوقع؟
محمد:اهم شي تسأل عنه
خالد: هادي ولد عمتي
محمد:الف مبروك عطني اياه اباركله
خالد:ما تزوجو خخخ بس اسألك موافق عليه او لا
محمد: من صجك انت؟ اكيد موافق هذا هدوي وين نلقى احسن منه
خالد:اي صح
محمد:ومرة وحدة نفتك من شوق اللي اذتنا بالامارات خخخ
خالد:ههههههه
وكلم محمد هادي وباركله ..

هادي:يلا ييب الملاج
خالد:عاد يلا شعبالك لاقينها بالشارع هذي اختنا مو عبالك ما صدقنا نفتك منها
هادي:خخخخخخ

الكل يتغدى تحت وشوق بغرفتها ما نزلت..
هادي:وين شوق؟
ريم:صج معرس ما يستحي لاحق عليها
الكل يضحك __DEFINE_LIKE_SHARE__

غلا 98 · 05-23-2008, 12:15 AM

تسلمين اختي دانه الكويت ع تكملة القصة ..

واتمنى انج تكملينها .. __DEFINE_LIKE_SHARE__

دانة الكويت · 05-24-2008, 11:04 PM

طلال دش عليهم:السلام عليكم
الكل:وعليكم السلام
منيرة:ها شريتو شي؟؟
طلال خطب جمانة عقب عرس هادي وكل يوم يطلعون يزهبون حق العرس
طلال:يما جمانة تبي طاولة خشبية لونها ابيض ورحت عشرين محل ما لقيتها
هادي:ليش معذب حاللك اشتري بنية واصبغها خخخ
طلال:هدوي السموحة ما شفتك ..راح سلم عليه
هادي:هلا والله
طلال:شيايبك خخخخ
هادي:ياي اتزوج خخخ
طلال:مو تارسة عينك العروس
هادي:الشرع حلل اربع
ريم: وما تعرفون بالشرع الا هالشي
هادي: لا تخافين ريموه اللي بياخذج مب ماخذ غيرج تدرين ليش؟
ريم:ليش؟
هادي:لانه كل ما شافج يلعن العرس وطاري العرس
ريم: روح لاه ترى ما اعطيك بنت خالتي
هادي:مب راد عليج بعد عشر دقايق بتصير حرمتي
طلال:شالسالفة؟؟
خالد:هادي خطب شوق وبيي الملاج بعد شوي
طلال:شنو خطبها؟؟انا مو موافق
هادي خلا الاكل..يدري ان طلال ما يحبه
ريم ايدها على قلبها..طلال الحين بيخرب كل شي

خالد:ليش انشالله؟
طلال:مو موافق ان الملاج ايي بعد شوي خل ايي الحين
على طول قذيفة على راسه من هادي
هادي:الله يغربل ابليسك غربلتني
طلال:آي شدعوه عليك جذي مستعيل

هادي انحرج : خخخخ بنشوفك بعرسك
طلال:خخخخخ بس هدوي مرتك؟؟ حرام ما صارلكم جم شهر متزوجين
هادي:انا بملج اليوم وبعدين يصير خير
طلال:تراك غلطان ومحد يرضى بهالشي
هادي:طلول دخيلك حياتي وانا اعرف شقايل اتصرف
طلال:على راحتك

وملجو وكانو خالاتهم كلهم عندهم بالبيت..
وعند الرياييل..
هادي:ابغي حرمتي
خالد:نعم؟؟ عقب العرس
هادي:بشوفها خلاص استوت حرمتي
خالد:انزين ثلاث دقايق بس
هادي:انزين
خالد:وانا عندكم
هادي:روح لاه تراها حرمتي الحينه
خالد:انزين بس ثلاث دقايق
هادي:اف حشرتنا انزين
خالد:اقعد بالصالة الحين اناديها لك

شوق كانت لابسة دراعة عنابية وعليها شغل بالوردي وكانت نااااااااعمة وحاطة كحل وقلوس وبس وقاعدة بغرفتها عند خواتها وبنات خالاتها وكانت مستحية وااااايد وما تكلمت من الحيا..
دانة:واخيرا
شذى:الف الف مبروك
شوق دمعت..

ريم مسحت دمعتها:خلاص شواقي ما نبي دموع من اليوم ورايح
رغد:ريموه دموع الفرح
جمانة:من قدك يا هادي فيها

طق خالد عليهم الباب..
شذى:منو؟
خالد:بطلي انا خالد
دش خالد : الله شهالزين الف الف مبروك .. وراح باسها على راسها
شوق تمنت ابوها الحين مكان هادي بس اه يا زمن
جمانة:شدعوه عليج قولي الله يبارك فيك
خالد:خليها العروس مستحية الفال لكم انشالله
كل بنت بقلبها:آمين خخخ

خالد كل يوم يكبر بعيون ريم صج انه اكبر منها بسبع سنين بس كل يوم تدعي ان الله يرزقها بواحد نفس خالد بالضبط..
خالد:شوق ريلج بيشوفج تحت بالصالة
شوق:مابي استحي
خالد:شنو؟؟
شوق: خايفة
خالد:لا تخافين انا بيي وياج واذا خرعج باذبحه خخخخ والله بنات
ريم: شوق يلا روحي
شوق:مابي ريمووه
ريم: يلا

خالد وقف عند الباب:قوليله ثلاث دقايق بس
اول ما دشت عليه شوق..

شوق:السلام
هادي:مرحبا مليارات ولا يسدن في ذمتيه فديت هالزين وربي

شوق قعدت بعيد شوي عن هادي ومنزلة ويهها اللي صار احمر من المستحى
هادي:شواقتي شحالج؟
شوق ساكتة
هادي:ارمسي انت حرمتي الحينه ابا اسمع صوتج
شوق بصوت واطي:بخير
هادي:شواقتي مب مصدق اخيرا صرتي حرمتي
شوق:ولا انا
هادي:عقب العرس بعذبج
شوق:انا؟
هادي:هيه انتي بعذبج شرات ما عذبتيني مب عبالج نسيت تراني مجرم
شوق بخوف <<صدقته:حرام عليك
هادي:فديت قلبج لا تخافين يعلي الموت قبل اسويلج شي

دش عليهم خالد..
خالد:يلا يلا برا خلصت الثلاث دقايق
هادي:حشا ما مداني اقول شي
خالد:لاحق ورا العرس سو اللي تبيه يلا تعال وياي الديوانية
هادي:انزين انت روح وانا الحقك
خالد:قديييييييمه لا حبيبي انت روح وانا وراك
هادي واهو طالع قرب من شوق وهمس لها:احبج

ريم:ها شصار؟
شوق: مالكم شغل
رغد:الحين احنا مالنا شغل
دانة:الله يا الدنيا
شوق:ريموه لا تروحين بيتكم
دانة:اشوفها صارت مقيمة هني تقعد ببيتنا اكثر مني
ريم:وانتي بعد تقعدين ببيتنا اكثر مني
دانة:بس جسوم يملل
ريم:عدال شفتي طلول انتي

خالد بالفترة اللي طافت كان يعيش تجربة حب فاشلة .. كان يحب وحده اسمها ريم وفجأة قطعت اتصالاتها فيه لانها انخطبت.. كان همه ينساها بس اقامة ريم ببيتهم خلت هالاسم دوم يتردد بباله اول شي لما مات فيصل وقعدت بدال دانووه وبعدين لما تزوج هادي والحين عقب ما خذا شوق..قعد يفكر فيها..
لا مستحيل هذي ياهل ..ههههه ضحك لما تذكرها حاطة الشرشف الاحمر يعني ليلى ..لا ريموه ياهل ما تصلح لي __DEFINE_LIKE_SHARE__

دانة الكويت · 05-24-2008, 11:05 PM

حيااااااااااااااج بنت سرور انشالله تعجبج القصة^^ __DEFINE_LIKE_SHARE__

دانة الكويت · 05-24-2008, 11:46 PM

وبالامارات..
امه وابوه واخوانه كانو قاعدين
هادي:السلام عليكم
بوهادي:وعليك السلام
راح باس راس ابوه وراس امه
هادي:شحالك ابويه
بوهادي:صدق اللي سمعته؟
هادي:مب قايلي الحمدلله ع السلامة
بوهادي:صدق اللي سمعته؟؟
هادي:ابويه عطني فرصة ارمس
بوهادي:صدق تزوجت على اميرة؟
الكل منصدم محد يدري الا بوهادي لان محمد دق عليه وباركله

هادي:هيه صدق
بوهادي: هي قصرت عنك بشي ؟؟
هادي:ابويه ممكن ارمس؟
بوهادي: سألتك انا
هادي:ابويه انا ريال ومن حقي اختار حياتي..زوجتوني اميرة جني الحرمة غصبن عني ما قلت شي .. وانا ما كفرت بالحلال ماخذنها على سنة الله ورسوله

خالدة:بس بنت عمتك ما قصرت عنك بشي
هادي:امايه انتو غصبتوني على الزواج تحملو نتايجه
بوهادي:فضحتنا الحينه شقايل اشوف الريال يا مسود الويه
هادي:ابويه هذا شرع الله واللي مب عاجبه برايه واذا ابوها يباني اطلق بنته ما عندي مانع واذا تبغي تيلس عنديه معززة مكرمة حياها الله
احمد:حرام عليك تاخذ على مرتك
هادي:لما يتكلمون الرياييل انت تسكت.. شو قلت ابويه؟
بوهادي:ها شي سويته من غير شورنا
هادي:ابويه ما استوى شي لين الحينه
بوهادي: انا مب راضي عليك واللي سويته روحك كمله بروحك.. وطلع
هادي:لا اله الا الله
اميرة كانت تسمع كل شي نزلت لهم..

اميرة:السلام عليكم..
هادي شافها طلع فوق على طول .. يحس ان المشاكل كلها بسببها
خالدة:حياج بنيتي تعالي
اميرة واهي تبجي:عمتيه انا سمعت كل شي مب حرام عليه اللي يسويه فيني ؟؟ مب مقصرة معاه بشي!! هو ما يواطني .. انا غلطانة اللي وافقت شهور ما قاللي رمسة حلوة ..والحينه يتزوج عليه؟؟
خالدة:هدي اميرة .. ما عليج منه انا بكلمه
اميرة:خلاص عمتي ما ينفع شي الحينه انا ابغي الطلاق
خالدة:تعوذي من ابليس وقعدي
اميرة:انا اتصلت بمايد بيخطف علي وياخذني..
خالدة:على راحتج..

راحت خالدة حق هادي وكلمته..
هادي:زين اللي يت منها
خالدة: هذي مرتك ما يصير تطلقها
هادي:امايه هي تبغي وانا اللي بغيتها باخذها غصبن على الي ما يرضى
خالدة:ابوك مو راضي
هادي: اميه انتو ظلمتوني المرة الاولى وما ابيكم تظلموني مرة ثانية وما اتوقع في ابو بهالدنيا ما يبغي سعادة عياله وانا سعادتي مع شوق مب اميرة وابويه ما بيزعل مني طول الدهر ..
خالدة:والله ما ادري عنك انت وابوك

طلعت امه سيدا اتصل على شوق..
شوق:هلا
هادي:شحال عروستي اليوم؟
شوق:زينه
هادي:دووم يا ربي شوقتي ابا اقولج شي بس مب تزعلين
شوق:شنو؟
هادي:اول قولي والله ما ازعل
شوق:ما ازعل
هادي:قولي والله
شوق:قلتلك ما ازعل
هادي:حلفي اول لاني ادري فيج ما ينقاللج شي

شوق:والله
هادي:والله ما ازعل
شوق:والله ما ازعل
هادي: ماخذج غصبن ع الكل تراني
شوق:يعني شنو؟
هادي: ابويه مب راضي على زواجنا
شوق: ليش مو راضي؟
هادي: لان اميرة ما قصرت معاي بشي ومالي حق ازعل عليها
شوق: اي صح
هادي: لا والله؟
شوق: هادي اخذهم بالكلمة الحلوة صدقني بيسمعون
هادي: انشالله انا ساير الحينه
شوق: وين بتروح؟
هادي: بسير مع منصور دبي تامريني بشي
شوق:دير بالك على روحك
هادي:من عيوني وانتي بعد
شوق: انشالله

واسبوع على هالحال اميرة تطلب الطلاق وبوهادي يحاول يرجعها لبيتها..
وقرر هادي انه يطلقها..
هادي:ابويه خلاص انا قررت
بوهادي:بشو؟
هادي:بموضوع اميرة
بوهادي:اليوم اتفقت مع ابوها وبترجع باجر
هادي:شو؟
بوهادي:هيه
هادي:ابويه مب كافي تقررون عني ؟؟ تراني ريال مب حرمة
بوهادي:وشرطها ان الشقة لها و حرمتك الثانية تطلعها من البيت
هادي:وتتشرط بعد.. ابويه شوق بتسكن ويانا ببيتك مب مطلعنها ومأجر شقة برا
بوهادي:خلاص بتسكن بالغرفة اللي تحت
هادي:اميرة تقعد بشقة وشوق بغرفة وحده؟
بوهادي:هذا شرطها عسب ترد وانا وافقت
هادي:ابشر ابويه على راسي .. بس متى نسير لقوم خالي سالم؟؟
بوهادي:شحقه؟
هادي:ابويه المهر والعرس شو نسيت
بوهادي:هيه الاسبوع الياي يصير خير

مرو الشهرين اسرع من البرق وبعد يومين عرس هادي على شوق __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
شرح أحبك ليه ما أحبك - يامعلمني أحبك حيل أحبك {وسائط صوتيه شعريه جديده	محروم.كوم	منتدى أخبار المواقع والمنتديات العربية والأجنبية	0	06-11-2010 03:30 AM
مطلوب ارشفه تحتسب بعدد الزوار الفلوس بعدد الي يدخلو المنتدي التفاصيل بالموضوع	محروم.كوم	منتدى أخبار المواقع والمنتديات العربية والأجنبية	0	04-18-2010 09:10 PM
كل زين اشهاده وانتم بعيد منوتي ليتك معي وان سهرت الليل اهوجس بك واعيد هل لاجلك مدمعي	Al-Rayyani	سيارات و دراجات	12	10-19-2009 09:43 PM
حتى آسمك لآ بغيت آنطقه يطلع لي آحبك يا آحبك	ملك الشباب	هواتف , مسجات , وسائط , برامج , ثيمات , نغمات , بلوتوث	13	10-14-2008 09:35 PM
بعيد الدار - محمد عبيد الكعبي	الميهود	طلبات الاعضاء	0	01-10-2008 12:56 AM