رحت يم طويق واتعبت القدم=وما لقيت الا الذواري والرميم
قل نبت الدعب والصيد انعدم=حتى شكل الضب جاحر ما يهيم
ما لقيت خطاه والجحر انهدم=جاه جور الناس والله العليم
السحايب اليا دلت ترتدم=ما تهل وسومها سيلن وديم
كنها الحيران عاقتها الفدم=راح عصرن يشهد الغيث العميم
وش بلا الدنيا تراديها احتدم=هذا ضر الغير والثاني ظليم
من تبع ميلاتها حاش الندم=مستعزن من تلقاها خصيم
يالله المعبود حنا لك خدم=يا عظيم الشان يا ربن حليم
موجدن باجسامنا روحن ودم=يا معيد من الثرا عظمن قديم
كل جرمن بالفضا ما يصطدم=داير الاكوان يا ربن عظيم
نطلبك والبال تعييه الكدم=ان تغيث الناس وابلاد القصيم