روآية في بعدك دنياي تنعاف\بقلم شموخ بدوية

ريم الهوىّ · 07-29-2014, 11:15 PM

بعض المواقف تجي وتروح ما تبقى
وبعض المواقف صداها بالعمر باقي
يا صاحبي لا معي تتعب ولا تشقى
ما يتبدل الوقت وأخلاقي هي أخلاقي
إن جيت أرحب وإن ما جيتني تبقى
أنت أكثر انسان عزيته من أعماقي

--------

آلبـَآرتَ الخـآمسّ ؛

كان حاس انه طاير من الفرحة مب قادر يوصف فرحته وده يصرخ
ويسمع العالم كله صراخه من الفرحة الي هو فيها كان يسوق
بسرعه فظيعه ومب قادر يتحمل ول دقيقة تبعده عن شوفة اخته .

عبدالله وقلبه طايح في بطنه : ايه ايه شوي شوي بتنفدني ويااك! بعدني م عرست ي ريال
حمد يضحك من قلبه : ههههههههههه ها الي انت تحاتينه *وخف السرعه شوي* والله فرحااااان ي عبدالله فرحااان ومستانس لاني بشوف اختي *وتنزل دمعه من عينه ويمسحها بسرعه بكف ايده* بشوفها عقب سنين طوووويلة . . .
عبدالله كان ساكت ويسمع كلام حمد وهو مستانس عليه وعم الهددوء . .
حمد يدق السكان فجأه بقوة ويصارخ : بششششششوفففها!!!
عبدالله فز من صوت حمد وكان شكله يهلك من الضحك وحمد تم يضحك من الخاطر : هههههههههههههههههه
عبدالله يضحك ع عمره: ههههههههه روعتني شياكك!
حمد يبتسم:اخذ هاللفة ؟
عبدالله : هيه خذ هاللفة وعقب بييك دوار خذ يمين

في احدى مستشفيات دبي.
نجلا طايحه على السرير وتستمع لسوالفهم وبنفس الوقت فرحانه بقدوم اول ولد لها "زايد"
يدتي وهي توجه الكلام لأم سيف : الغالية عشبة الساعه كم عندج؟
ام سيف وهي تتطالع ساعتها : الساعه ست ونص فديتج
يدتي : ويييه تأخرت علييه قالتلي ما بتتأخر
ام سيف: ما عليه خليها تستانس ويا ربعها زين انها طلعت وغيرت جو يا بوج "تقوم" انا احينه بسير البيت سيف يالس تحت قومي بنوديج ع دربنا
يدتي متلومه : لا يا اميه ما ابا اعبل عليكم
ام سيف : وييييديه لا عباله ول شي قومي بس الله يهداج
يدتي قامت .
نجلا : وين خالوه توه الناس يلسوا والله انكم مسليني يلسة المستشفى تيب المرض
ام سيف : ما عليه فديتج بيونج البنات عقب شويه وانا باجر قبل ما تفتحين عيونج انا حذاج
نجلا تبتسم : خلاص ان شاء الله , امايه فاطمة سلمي على حمده وااايد
يدتي تبتسم : ان شاااء الله من العين , هالله هالله ف عمرج يا نجلا ما اوصيج على زيود حطيه في عيونج
نجلا : ان شاء الله .
وطلعو من عند نجلا وتوجهوا الى الطابق الارضي سيف انتبه لحرمه يايه ويا امه .
سيف يسير ويحب راس يدتي ويقول : شحالج خالوه , عساج بخير وسهاله .
يدتي تتأمله : بخير الحمدالله ابويه ما نشكي باس , فديت روحك يا سيف كبرت وغديت ريال
ام سيف تبتسم : هيه غدا ريال ولين احينه مب طايع يعرس
يدتي تضحك : ما عليه بيعرس ان شاء الله لا تستعيلين ع الولد
سيف يغمز: امايه سمعتي ؟ لا تستعيلين
ام سيف تضربه ع جتفه ع الخفيف : امفف عليك تتنطنز على امك قم اشوف جدامي تحرك
سيف يضحك : ههههههه ان شاء الله
وصلو عند سيارة سيف ام سيف هنيه فولت
ام سيف : ججيه مب حاااااط مخفي كيف تبانا نركب جذه
يدتي : يا اميه براااايه مب مشكلة.
سيف يحج راسه : امايه البيت الا هنيه من انزلكم بسير اركب المخفي
ام سيف تركب : يالله بالسسستر
سيف يبتسم ويركب .
وركبت السيارة

كنا يالسين في ستار بكس وكلنا طلبنا موكا وكتبنا اسامينا على الاكواب وصورنا وحالتنا ل
انا ارواي سلامي الصورة : ها شو رايج فيها احطها ع انستقرآم؟
سلآمي : هيه وااااايد ححلوه ..
شهقت فجأه :هئئئئئئئئ امايه!!
البنات : بلااااااااج!
انا حطيت ايدي ع يبهتي : ترا قبل ما انزلكم نزلت امايه المستشفى عند نجول ونسيت اييبها
عفاري تشرب الموكا : العنززز يبقى عنزز
انا اطالعها بطرف عيني : اقوول عفاري اكرمينا بسكوتج ممكن ؟
عفاري تضحك وتشرب .
نوروه : انتي شو تتترين ددددقيلها !!
مسكت فوني واتصلت .
انا : امممممايه سوووري والله ما ححسيت بالووققت مووول
يدتي :يا الهرممة الهرمة لومممتيني في العرب !
انا : اممايه انزين كنت لاهيةة
يدتي : عنبووه جيه وين سرت انا
انا اتكلم بسرعه : امااااايه والله ما ححسيت بالوقققت!
يدتي : انزين شوي شوي ع عمرج محد يربع وراج
انا ضحكت : هههههههه
يدتي ابتسمت : خلاص ما عليه فديتج ام سيف ما قصرت هي وولدها وبيوصلوني البيت وانتي استانسي ويا ربيعاتج وسلمي عليهن كلهن بس لا تتأخرين حدج ثمان
انا : ان شاء الله من عيوني , توصين ع شي ؟
يدتي : سلامة قلبج الغالية

وهم واقفين جدام البيت .
حمد شاق الحلج : هالبيتتت؟؟؟
عبدالله : هييه هو نفس العنوان الي عطانا اياه راشد
حمد قلبه يدق بسرعه فظيعه ووقف سيارته على طرف ونزل هو وعبدالله وكان يمشي حمد بخطوات كبيرة متوجهةة للباب الرئيسي للبيت.
حمد وعبدالله يدورون عن حد يسألونه عن اهل البيت وعبدالله انتبه على غرفة للحارس وسار بسرعه ويلحقه حمد ودق الباب على غرفة الحارس وطلعلهم .
حمد وعبدالله : السلام عليكم
الحارس : وأليكم سلام
حمد وهو متشقق من الوناسة :ماما فاطمة وماما حمده منيه؟
الحارس : لا ما فيه منيه
عبدالله بكل هدوء : وين سير ؟
الحارس : ماما فاطمة وبنت مال هي حمده اليوم سافر
حمد بكل عصبيه يتوجه للحارس وبحركه سريعه يزغده : شششششششششوه!!!!!!!
الحارس يحاول يرمس بس مب قادر عبدالله يصارخ على حمد : بتجججججججججتله!! خوز عننننه!
حمد يخوز عن الحارس ويتكلم بكل عصبية : ويييييييييييييييينهم!!!!
عبدالله يصارخ : ححححححححمد هدي خلاص!!!
حمد يتقرب منه : ويييييينهم!! تككككلم
الحارس : بااااااابا ماما فاططططمه وحمده سافررر روه بلاد تاني
عبدالله : ووووووووووين ساررررروا!!
حمد يصارخ عليه بأقوى ما عنده : تكككككككككككككككلم!!!!!
حمد يسير ويزغده اقوى والحارس يصيح : باااااباه انا في تلاته ولد باباه
حمد يخوز عنه اكتئب , كان حاط امل كبير بأنه يشوف اخته وسمع صوت سيارة جان يلف بسرعه وقال الحارس يصارخ : هااااااااادا ماما .. . . . وسكت . .
اليدة فاطمة من شافت حمد وعبدالله اختبصت وقالت وهي متوترة : سيييفففف ححركككك بسرررررعه!!!!! حححرككككك!!

سيف مب عارف شسالفة : ا ا ا ن شاء الللله
حمد يصارخ : ووووووووووووووووووقف!! اقولللللللك وقفففففف!!
ومن شاف عبدالله انه تحرك.
عبدالله يسحبه : شو تتتتتتتتريا خلنا نلحححححححقهم
ويركبون السيارة وعلى طول وراهم وحمد يسرع بشكل فظيع وسيف يسرع
ام سيف : فااااطمة شو السالفففة يا فاطططمة !!
يدتي تصيح ودموعها ع خدها : ابوويـ ـ ـ ه سيف سـ ـ ير اي مكان ضيعـ ـ هم
ام سيف حطت ايدها ع ايد يدتي وهي تهديها .
يدتي تشهق : حححمممده!! بتتتترد البيت!!!
ام سيف مب مستوعبة : شتقولين؟
يدتي تصيح وتضرب عمرها : بياخخخخخذونها عننننني!!! بيباخخذونههها!!
سيف كان مركز في السواقه ويحاول يضيعهم . . .
يدتي تصيح : بياخخخخخخخذونها بياخخخخذونها
ام سيف خذت التليفون وطلبت من يدتي تهدأ .

عيود : حححمدوه تليفونج يرررن!!!
انا : بسم الله ما سمعععته
طلعت فوني من الشنطة ورديت .
انا شفت انه المتصلة امايه اكيد تحاتيني : هلاااااااا بالطططش والرشش هلا بأمايه الغاليه!
ام سيف تضحك ما حبت تبين : وياج ام سيف فديتج
انا قفطت : هلا خالوه شحالج ؟
ام سيف : بخير الحمدالله غناتي , فديتج امايتج تقولج باتي في بيت وحده من ربيعاتج لاني بغيتها تبات عندي بتيلس وياها شويي
انا مفتشله : خلاص ما عليه
ام سيف : يلا فديتح فمان الله
انا : فمان الرحمان .
انا مفتشلة ومستحية اقول حق البنات : اقولكم امايه بتبات عند خالوه ام سيف وقالتلي باتي عند وحده "انحرجت" من ربيعاتج
البنات كلهم : تعالللللللللللي باتتتتتتتتتتي عندي!
انا ضحكت : ههههههههههه
عفآري : تعالي عنننندي بنسههر
عيود : لالا عننندي انا بنسولف لين الفير
سلآمي : لالا تعالي عنندي بنمر ع شيشة ما بنخلي شي ما بناخخذه
نوروه : لا خ يولون كككلهم تعالي عندي بنسهر عالافلام الهندية
انا : هههههههههه جفتو لو قلتو افلام هندية من قبل جان انا احينه عند وحده منكم
البنات : ههههههههههه
عيود تغمز : لو قلنا افلام هنديه ول لو قلنا سههيل
انا انحرجت وويهي قفطط ع الاخير: لا ما ييخخخخخخخخصه!!
والبنات ضحكوا عليه : هههههههههههههه

سيف يخف السرعه شوي : ضيعناهممم .
ام سيف : خلاص يا فاطمه ضيعناهم
يدتي تصيح وتحمد ربها : الحممممدالله الحمممدالله.

حمد وعبدالله يدرون بعيونهم ع السيارة لكنهم ضاعو ..
عبدالله يتنهد : خلاص يا حمد هدي .. خلاصص.
حمد يعض ع شفايفه من القهر : ضيعناااااااااهم ضيعناااااااااااهم , كككنت بشوفففف اختتتي كنت بشوووفها عقب 18 سنه , كككككنت بشوففففففها , *يضرب ايده بالسكان* ليششششش ليششش!!!!

نهـاية البارت . . .

__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
معلايه: علتي دنياي - صلوح + ياسر الخال عوافي	ملوك الإمارات	أم علايه , دبكات , جلسات	57	12-03-2017 11:24 PM
روآية آنتظر كلمة آحبگ !!	Ro7 8lby#!	قصص و روايات	155	06-18-2016 06:23 AM
روآية : وسط العروق النحف يآ خل مربآك♡	نبض اماراتيه	قصص و روايات	1	09-28-2013 09:38 PM
#Bahrain 7 #14Feb نسيج \| نجمنا الوقاد #احمد_النهام صمود مابعده صمود في	محروم.كوم	منتدى أخبار المواقع والمنتديات العربية والأجنبية	0	06-26-2012 03:10 PM
مطلوب برمجة سكربت روليت و قمار	محروم.كوم	منتدى أخبار المواقع والمنتديات العربية والأجنبية	0	04-21-2009 06:21 AM