البارت 2

ام عبدالله : شفيج يالفقمه
شواخ : امايه عبود وسلطون وين .؟
ام عبدالله : وابوي عليج .. نسيتني ولدي عبدالله ..
شواخ : وليش سلطان هب ولدج ..؟
ام عبدالله : سلطان اتصل وقال بيتغدى برع ..
شواخ : انزين امايه .. انا بروح اجوف عبود
ام عبدالله : اتسوين خير فديتج ..

جواهر مستحية من الموقف .. وشواخ راحت اتجوف عبدالله ..
وام عبدالله تضحك على عمرها .. لانها نست ولدها وهاي اول مره اتسويها .. شواخ وصلت غرفت عبدالله ولقت عبدالله راقد لحفته وسكرت الباب عليه


شواخ : حرام اخويه راقد .. وماتغدى الله يعيني ع لسان امي .. هع .. باك
ام عبدالله : بلاج .. شو باك .. يقولون رجعت .. بلاج انتي؟
شواخ : امايه انتي ماتعرفين الاتكيت لاه ..
ام عبدالله : شنو اتكيته بعد .. انج اتغيرين رمستج وابوي عليج انا
الا قوليلي شفتي اخوج .. ليش مايا يتغدى ..؟
شواخ : الصراحه يا امايه عبدالله لقيته راقد .. وغمضني اقومه ..
ام عبدالله : وافديت ولدي انا .. يعلني ماخلى منه .. ياي تعبان من الشركه وبعد يرقد بيا اكل
ابو عبدالله : احم احم انا هني
ام عبدالله : انزين فديت روحك بعد ..
ابوعبدالله : عيب عيب مب جدام اليهال
شواخ وجواهر : ههههه
ام عبدالله : تراك اتقول احم احم تراني هني يعني تباني اقولك شي
ابو عبدالله : ههه اوج بس مب جدامهم
ام عبدالله( مستحية ) : خلاص خلاص .. ماصار اللي كل خير
بوعبدالله : الا جواهر انتي صف كم .؟
جواهر : عمي انا شرات شواخ ..
بوعبدالله : زين بنتي شدي حيلج ..
جواهر : ماطلبت عمي .. من عيوني
شواخ : وانا اهى اهى انا بنتك ما قلت لي شرات جواهر .. خلاص انا زعلت
تامروني بشي شبعت الحمدالله
بوعبدالله : هههههههه حد يغار من بنت عمه
شواخ : هي انا .. اغار منها .. مساعه امي اتقولي تعلمي منها
جواهر : بلاج صاير غيوره
شواخ : خلاث ماحبج انتي اتحبيهم
الكل : ههههههههه

ام عبدالله : شواخ عن حركات اليهال .واهتمي ببنت عمج ولا تخليها بروحها ..
انا وابوج بنروح نرتاح
شواخ : اوج الله وياكم ..
ام عبدالله :يالله عيل ماوصيج .. شرات ما قلت لج ..
جواهر : انا هب غريبه خالوه ..
ام عبدالله : البيت بيتج فديت روحج ..
جواهر :يالله شواخ .. ماخلصتي اكل ..

شواخ : امبلا .. يالله قومي ..
جواهر: يالله مشينا .. نرتاح وعقب ندرس
شواخ : اوج يابنت عموه .. تفضلي ..
جواهر : هه اوج ..
شواخ : بلاج تضحكين ..
جواهر : لا بس اجوف اسلوبج تغير هه
شواخ : لازم امايه .. قالت لي اهتم بج ..
جواهر: مب جي عاده هه
شواخ : خلاص يالدبه امشي جدامي .. جي اوك
جواهر : هي جي اوك .. عامليني عادي انا مب غريبه
شواخ : اوج

وراحوا ام عبدالله وابو عبدالله يريحون .. وعبدالله راقد .. واهوه يوعان .. وشواخ وجواهر .. راحوا بعد يرتاحون .. وسلطان رد البيت وارتاح بعد وع الساعه 4 الكل قام .. الا شواخ .. ارقادها ثجيل

جواهر : يالله قومي شواخ .. اذن العصر ..
شواخ : انزين جوجو بس شوي ابي ارقد
جواهر : لا ماشي ارقاد .. قومي قومي
شواخ : انزين .. انتي ما اتخلين الواحد يرقد .. امي الثانيه ..
وشوي الا تدخل ام عبدالله ..
ام عبدالله : جاني سمعت حد يطريني ..
جواهر : الله يعينج شواخ

شواخ : ها امايه قلت انتي شرات جواهر .. خلتني اشبع ارقاد
جواهر : ههه على خبال شواخ .. واللي اتسويه بأمها
شواخ : خلاص امايه .. بنصلي وعقب بندرس ..
ام عبدالله : اوج .. أي لكم شي من تحت
شواخ : جواهر تبين شي ..؟
جواهر : اممم هي عصير وكيك ..
شواخ : بعد تتشرط ..
جواهر : خلاص مابي مابي ..
شواخ : هه اونها زعلت امايه خليهم ييبون لنا عصير وكيك
ام عبدالله : من عيوني الغاليات

ظهرت ام عبدالله .. راحت اتقول حق الخدامه يسون كيك وعصير .. حق جواهر وشواخ ..وقامت شواخ وجواهر يصلن وعقب يدرسن ..

جواهر : شواخ عادي اقولج شي ..؟
شواخ : قولي عادي
جواهر : انتي ليش جي مخبله بأمج
شواخ : هه انا جي .. اسلوبي جي
جواهر : دبوه كوني ويا امج اوك .. اهيه اللي ربتج .. لا اتخبيلن ابها
شواخ ( استحت ) : ان شاء الله ..

ويابوا الكيك والعصير .. وشواخ وجواهر .. اكلوا الكيك وشربوا العصير وتموا يدرسون ..

ولا شوي عبدالله يدخل عليهم ..

جواهر : استحت للمره الثانيه : لانها هب لابسه شيله
شواخ : انت اي ماتجوف
عبود : بلاج انتي ..؟
شواخ : وبعدك واقف .. اظهر جواهر بدون شيله
عبود : توه انتبه على عمره .. وظهر
شواخ : سوري جواهر .. اتعرفين عبود ..
جواهر : لا عادي ما صار الا الخير .. الا اقولج الساعه كم .؟
شواخ : 7 ..
جواهر : اوه انا تأخرت لازم ارجع البيت ..
شواخ : لاتمي شوي بليز ..
جواهر : لا فديتج تأخرت على امايه ..
شواخ : خلاص اوج .. انا وعبود بنوصلج ..
جواهر ( استحت ) : اوج

شواخ راحت لعبود عسب اتقوله انه بيوصل جواهر .. اهوه وشواخ .. وعبود وافق .. وراحوا ووصلوا جواهر .. وعبود .. عينه كله على جواهر .. ومسوي طاف لشواخ

عبود : بنت عمي
جواهر : هلا عبود
عبود : انتي بصف كم .؟
جواهر : شرات شواخ ..
عبود : يعني بعدج ياهل ..

جواهر : شفت عاد يالشيبه
شواخ : ويو قالت له شيبه
عبود : انا شيبه حرام عليج ..
جواهر : هه هي عيل ..
عبود : خلاص زعلت لا تكلميني
جواهر : اوج .. اسفه هب قصدي ..

ووصلوا عبود .. جواهر .. البيت وجواهر .. اعتذرت لعبود بس عبود ماخذ بخاطره .. نزلت جواهر البيت .. وجافت امها وابوها .. واخوانها مجتمعين بالصاله


جواهر : السلام عليكم والرحمه
الكل : وعليكم السلام والرحمه
ام خليفه : وينج بنتي وايد تأخرتي .. تعشيتي فديتج ..؟
جواهر : سوري امايه شواخ لزمت عليه اني اتم وياها .. وما حبيتها تزعل
لا ما تعشيت وانتو .؟
ام خليفه : لا قاعدين نترياج ..


راحت ام خليفه اتجهز العشاء .. وراحت وياها جواهر عسب اتساعدها .. واتعشوا كلهم .. وعقب راحوا يرقدون ..الكل رقد الا جواهر .. ماقدرت ترقد .. قاعده اتفكر

جواهر : اه انا شو سويت زعلت ولد عمي علي .. حرام اهوه بعده شباب .. ااانا لازم اروح بيتهم واعتذر له .. ما يصير اخليه زعلان عليه .. ومن كثر التفكير اخر شي جواهر رقدت ..


شو تتوقعون ..
عبود بيقبل اسف جواهر .؟
هل عبود يفكر بجواهر شرات ما جواهر اتفكر به .؟